verratti

Neymar-Verrati.jpg
Veronik Istrefaj16:28 | 11/12/2019

Neymar është një ndër lojtarë më të ndjekur në botë sa i takon rrjeteve sociale, me yllin brazilian që numëron mbi 100 milionë ndjekës në të gjitha platformat e tij.

Në Instagram, Neymar është shumë aktiv dhe shpeshherë publikon video ose foto brenda dhomave të zhveshjes së PSG-së, duke u tallur me shokët e tij të skuadrës.

Kësaj radhe, viktimë ka qenë mesfushori italian, Marco Verrati. Ky i fundit ka vendosur një shami në kokë dhe menjëherë, ky detaj nuk i ka shpëtuar Neymarit, i cili ka bërë një krahasim epik.

“Si Eminem italian”, shkroi ylli brazilian, duke përmendur edhe emrin e Verratit. Pavarësisht problemeve me klubin dhe me tifozët, Neymar duket se ka raporte shumë të mira me shokët e tij të skuadrës./abcnews.al

Neymar-1-1280x731.jpg
Veronik Istrefaj18:26 | 12/11/2019

Mesfushori i PSG-së, Marco Verratti, ka folur sot për mediet franceze sa i takon së ardhmes së shokut të ekipit, Neymar. Ylli brazilian po lidhet ngushtë me një rikthim te Barcelona dhe prej dy sezonesh tashmë, po kërkon të largohet nga kampionët e Francës.

Megjithatë, Verratti insiston se Neymar është perfekt te PSG dhe se nuk ka ndërmend të largohet, minimalisht jo këtë sezon: “Neymar është OK. Për momentin, është shumë i lumtur këtu. Sa herë që ka zbritur në fushën e lojës këtë sezon, ka dhënë maksimumin. Ai është një lojtar nga i cili pritet shumë dhe ne jemi aty për ta mbështetur.

Pati disa momente delikate gjatë merkatos, por tani është në rregull dhe nuk ka asnjë problem. Rikthim te Barcelona? Besoj se këtë sezon, do të qëndrojë këtu”, përfundoi Verratti, i cili vetë personalisht, rinovoi disa ditë më parë me kampionët e Francës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono