Vendoset

votat-kosove-1280x713.jpg
nev ila19:13 | 28/10/2019

Në Kosovë, Paneli Zgjedhor për Ankesa dhe Parashtresa vendosi sërish që të mos numërohen votat e ardhura nga diaspora jashtë afatit ligjor.

Paneli hodhi poshte kështu ankesën e subjektit politik Lëvizja Vetëvendosje, e cila kishte kërkuar numërimin e të gjitha votave të ardhura nga diaspora dhe që nuk janë numëruar.

Lëvizja Vetëvendosje kishte kërkuar që të pranohen nga Komisioni Qendror i Zgjedhjeve 4639 fletëvotimeve të votuesve jashtë Kosovës. Paneli e quajti kërkesën të pabazuar.

Vetëvendosje mund të parashtrojë ankesë në Gjykatën Supreme të Kosovës, brenda afatit ligjor prej 24 orëve, nga momenti i pranimit të vendimit ndërsa Gjykata Supreme e Kosovës duhet të vendosë lidhur me ankesën brenda afatit prej 72 orëve./abcnews.al

ismail-rebeshi.jpg
nev ila13:22 | 29/08/2019

I quajtur Ismail Rebeshi, shqiptari i akuzuar për trafik ndërkombëtar droge dhe organizatë kriminale të tipit mafioz ka ndërruar 3 burgje brenda 10 muajve.

Arrestimi i tij u krye në janar së bashku me 12 persona të tjerë, pjesë e një bande kriminale të tipit mafioz.

Me sa duket rrethanat kanë qenë të atilla sa që autoritet e burgut në Tolmezzo, ku ai kishte qëndruar pothuajse gjashtë muaj, kanë qenë të detyruar të kryejnë transferimin e tij në burgun e Cuneo.

Nën mbikëqyrje maksimale, pa komunikim me të burgosur të tjerë, vetëm dy orë në ajrim dhe izolim total.

Në këto dhjetë muaj, Rebeshi ka ndryshuar tre burgje.  Në nëntor në Mammagialla ku ishte dënuar për droge, në shkurt u transferua në Tolmezzo pas arrestimit si pjesëtar i një organizate kriminale dhe në gusht u zhvendos në Cuneo.

Transferimi Rebeshit ka zënë në befasi edhe avokatin e tij, i cili tha se një gjë e tillë nuk i ka ndodhur gjatë gjithë karrierës së tij si avokat:

Në kaq shumë vite që bëj këtë punë kurrë nuk kam patur të bëjë më një situatë. Kam bërë një ankesë lidhur me këtë çështje”, tha avokati mbrojtës i Rebeshit.

Pse është transferuar kaq shpesh në kaq pak kohë Rebeshi, mbetet një mister edhe për avokatin.

Ismail Rebeshi dhe Giuseppe Trovato konsiderohen nga autoritetet italiane, si dy bosët e bandës mafioze që për dy vite u bë tmerr në Viterbo.

Shqiptari për hetuesit, nuk është vetëm shefi i mafies në këtë zonë, por konsiderohet gjithashtu një nga trafikantët më të rrezikshëm të narkotikëve në Italinë Qendrore./abcnews.al

HARADINAJ-1280x820.jpg
ent ela17:15 | 12/02/2019

Kryeministyri i Kosovës Ramush Haradinaj nuk e ka vonuar përgjigjen e tij ndaj deklaratës së sekreatrit të përgjithshëm të NATO-s Stoltenberg, sipas të cilit FSK nuk mund të shkonte në Veri të vendit pa lejen e KFO-it.

Sekretari i Përgjithshëm i NATO-s, Jens Stoltenberg, deklaroi gjatë ditës se NATO është e zhgënjyer për vendosjen e taksës nga ana e Qeverisë së Kosovës dhe se, sipas tij, FSK-ja s’mund të futet pa lejen e KFOR-it në Veri të vendit.

Por kryeministri i Kosovës Ramush Haradinaj nuk e ka vonuar përgjigjen duke theksuar se ushtria e Kosovës ka të drejtën e plotë të ushtrimit të detyrës në të gjithë territorin e vendit.

 “Ne i kemi ofruar NATO-s një protokoll të ri për vendin. S’ka më Veri dhe Jug. Duhet ta kuptojnë të gjithë, presidenti, unë… mbi ne është Parlamenti. Me 107 vota i është dhënë fuqia ushtrisë për gjithë territorin. Kosova nuk është e intersume. Në Veri jetojnë serbët e Kosovës, janë qytetarët e Kosovës. S’kanë arsye të kenë shqetësim që ushtria mundet mu përdor kundër tyre, kjo është një garancë”, është shprehur ai.

Gjithashtu pas takimit me ambasadorin amerikan në Prishtinë, kreu i ekzekutivit kosovar foli për taksën ndaj Serbisë duke thënë se taksa mund të qëndrojë përjetësisht. Ai tha se Kosova është e lodhur me sjelljen e Serbisë, dhe lojërat që po luhen prej 20 vitesh, e se tashmë është kohë tjetër. Sipas Haradinaj e gjithë kjo nuk ka të bëjë fare me marrëdhëniet e Kosovës me Shtetet e Bashkuara të Amerikës.

Në fund të deklaratës së tij për media Haradinaj porositi Komandantin e Forcës së Sigurisë së Kosovës, Rrahman Rama, i cili publikoi letrën e qeverisë amerikane për anulimin e viziyës së gjeneralit amerikan ën Kosovë, disa ditë më parë për shkak të taksës ndaj Serbisë. Haradinaj e paralajmëroi Ramën se nëse e ka të vështirë të mbajë ushtrinë, ka njerëz të tjerë që mund ta mbajnë atë post. E në të kundërt ai duhet t’i lërë komunikimet me mediat në duart e personave që merren me këtë gjë./abcnews.al

gjiro.jpg
ent ela21:45 | 25/01/2019

Një shpërthim me tritol ka ndodhur mbrëmjen e së premtes në lagjen Granicë e Sipërme në Gjirokastër. Një sasi lënde plasëse ishte vendosur në garazhdin e një shtëpie tre katëshe.

Në momentin e shpërthimit nuk ndodhej asnjë nga familjarët në banesë. Në shtëpi janë shkaktuar dëme materiale nga shpërthimi i tritolit.  Mësohet se objekti tre katësh është në pronesi të biznesmenit Ndërtim Muxhaj. Ai është pronar i linjës së autobuzëve Gjirokastër-Tiranë si dhe si një linje pastrimi kimik. Policia ka nisur hetimet për të zbuluar autorët dhe arsyen e vendosjes së eksplozivit në shtëpinë tre katëshe./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono