vendos

lulzim-basha-2-1280x676.jpg
nev ila19:11 | 26/04/2019

Pavarësisht thirrjeve të ramës, opozita ka vendosur të përshkallëzojë protestën. Gjatë mbledhjes së kryetarit Lulzim Basha me kryesinë e partisë dhe ish-deputetët e dorëhequr, u vendos për bllokim rrugësh, çdo të enjte.

“Asnjë minutë paqe për Edi Ramën derisa të largohet e t’i hapë rrugë zgjedhjeve të lira e të ndershme.

Është ky vendimi i kryesisë dhe grupit të ish-deputetëve të Partisë Demokratike, mbledhur në selinë blu pasditen e së premtes ku edhe konfirmuan vijimin e mosbindjes civile përmes bllokimit të rrugëve çdo të enjte, përkundër strategjisë së përdorur deri më tani, atë të protestave përpara parlamentit.

Përballja do të jetë në çdo qytet në çdo shesh dhe rrugë të vendit për të kulmuar në 11 Maj në protestën kombëtare përpara kryeministrisë mësohet të ketë deklaruar në mbledhje kryedemokrati Lulzim Basha

 “Koha kur në Shqipëri Edi Rama dhe kriminelët e tij diktonin zgjedhjet, ka marrë fund njëherë e mirë. Ne do të jemi në krye të protestave të qytetarëve, derisa të fitojmë betejën europiane dhe demokratike për të mos lejuar krimin elektoral të 30 Qershorit.”

“Edi Rama e di se nuk mund t’i rezistojë presionit popullor, prandaj po kërcënon me burg. Edi Rama ka frikë, sepse e di shumë mirë, që një hetim i pavarur, çon në burg atë vetë, Vangjushin e tij dhe Damian Gjiknurin për blerjen e zgjedhjeve bashkë me krimin”.

Kreu i partisë demokratike ka shprehur gatishmërinë për të sakrifikuar çdo gjë për të mos lejuar që në 30 Qershor të ketë atë që quan “një krim tjetër elektoral si ai i 2017-ës.”

ronaldo.jpg
nev ila13:56 | 21/04/2019

Kristiano Ronaldo vendos rekord pas titullit të fituar me Juventusin. Ylli portugez është i vetmi në histori që ka triumfuar në Angli, Spanjë dhe Itali.

Askush si ky superyll.

Lionel Mesi mund të jetë gjeniu i futbollit botëror, por si Kristiano Ronaldo nuk ka të dytë në planet.

Fitoi edhe titullin në Serinë A, duke u bërë i vetmi lojtar në histori që ia del edhe në Itali, pasi triumfoi në Angli dhe në Spanjë, pra në tri ligat më të mëdha të botës.

E filloi në Angli në vitin 2007 duke marrë tre Premier Liga radhazi.

E vazhdoi në Spanjë, me titujt në La Liga në 2012 e 2017, për ta përfunduar në Torino.

Fitorja 2-1 ndaj Fiorentinës e bëri titullin matematikisht të fituar, një sukses i jashtëzakonshëm edhe për CR7-ën edhe pse nuk shënoi gol.

Dyshimi i madh i tifozëve ishte për fatin e Ronaldos sezonin e ardhshëm.

“Do të qëndroj këtu me 1 000 për qind, jam shumë i lumtur, arrita ta fitoj titullin sapo erdha. Një vit i madh, pasi fituam edhe Superkupën. Sezonin e ardhshëm do të shkojë më mirë edhe në Champions” , ishin fjalët e portugezit.

Më pas, në Instagram, kampioni portugez postoi foton e festimit, duke u premtuar tifozëve se ky është vetëm fillimi.

I mësuar me trofe, Kristiano dëshiron të mos ndalet edhe në moshën 34-vjeçare, ndërsa ka mbërritur në kuotën 27 të titujve me klubet.

Mediat sportive italiane mburrën portugezin dhe Juventusin.

La Gazeta delo Sport”: Juventusi fillon nga numri 8! Fiton titullin e 8-të radhazi! CR7: Qëndroj këtu me 1 000 për qind!

“Tutosport” rreshton sukseset radhazi që nga viti 2012 dhe titullon: Titull i pafund! Juventus femra, dyfishin përrallor!

Ishte pra, edhe skuadra e vajzave që fitoi titullin kampion në Itali, të dytin radhazi, pasi mundi 3-0 Helas Veronën në fushën e kësaj të fundit.

Ishte një triumf i vështirë, me vetëm një pikë më shumë sesa Fiorentina.

Juventusi pra duket në formë për meshkuj e për femra./abcnews.al

bylis-besa.jpg
ad min17:30 | 18/04/2019

Besa humb 0-3 në tavolinë ndeshjen me Bylisin, pas dhunës së tifozëve në stadiumin e Kavajës, në Kategorinë e Parë. Kavajasit u dënuan me 8 ndeshje pa tifozë, ndërsa Komisioni i Disiplinës vendosi të mos e falte sulmuesin e Tiranës, Majkëll Ngo

Nuk mund t’ia hidhnin pa u dënuar dhe kështu ndodhi.

Komisioni i Disiplinës në Federatën Shqiptare të Futbollit e la pas periudhën kur bëri shkelje, sidomos në Superligë, dhe e rëndoi dorën në Kategorinë e Parë, duke ndëshkuar Besën.

Skuadra kavajase e humbi 0-3 në tavolinë ndeshjen e javës së kaluar në fushën e vet ndaj Bylisit, pas dhunës së rrezikshme të një pjese të tifozëve ndaj arbitrave.

Gjyqtari anësor u godit me copë betoni në kurriz dhe shpëtoi mirë pa iu rrezikuar jeta.

Po ashtu, Besa do të detyrohet të luajë pa spektatorë në fushën e saj në 8 ndeshjet e ardhshme.

Ky vendim i hap tashmë rrugën përfundimisht Bylisit për t’u kthyer në Superligë sezonin e ardhshëm, pasi skuadra ballshiote ka tani 6 pikë më shumë sesa kavajasit në renditjen e Grupit B të Kategorisë së Parë.

Vendimi tjetër i Disiplinës ishte hedhja poshtë e kërkesës për ulje dënimi të sulmuesit të Tiranës, Majkëll Ngo.

Anglezi ishte pezulluar 5 ndeshje po nga Disiplina pas konfliktit që pati me presidentin e Laçit, Pashk Laska, në përfundim të ndeshjes së Superligës në “Selman Stërmasi”.

Ngo preferoi t’i drejtohej Disiplinës dhe jo Apelit, ndoshta për arsye financiare.

Gjithsesi, ai pritet të jetë ndeshjen e kësaj jave të Tiranës ndaj Kukësit, pasi klubi bardheblu do ta shlyejë me gjobë pjesën e mbetur të ndëshkimit./abcnews.al

protesta.jpg
nev ila13:22 | 18/04/2019

Opozita pritet të vendosë sot për vazhdimësinë e protestave të saj. Në mesdite në selinë blu është mbledhur Kryesia e PD-së dhe grupi i ish-deputetëve. Nga burime brenda mbledhjes mësohet se kryetari i PD-së, Lulzim Basha, i propozoi kryesisë marrjen e 3 vendimeve të rëndësishme. I pari është që Partia Demokratike të regjistrohet në zgjedhje, vetëm pasi të jenë krijuar kushtet për zgjedhje të lira dhe të ndershme.

Sipas Bashës, situata aktuale politike në Shqipëri nuk mundëson standardet demokratike për zgjedhje të lira dhe të ndershme, pasi është provuar se qeveria e Edi Ramës ka bashkëpunuar me  krimin e organizuar për blerjen e votave. Pika e dytë që Basha i ka paraqitur për miratim Kryesisë është që Partia Demokratike të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.

Po ashtu Kryesisë së PD-së i është kërkuar të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve. Mbledhja e Kryesisë dhe ish-deputetëve të PD vijon ende, ndërsa në orët e pasdites së sotme do të zhvillohet edhe mbledhja e Këshillit Kombëtar të PD-së./abcnews.al

trumpp.jpg
nev ila14:50 | 17/04/2019

Presidenti Donald Trump ka përdorur veton për të penguar efektet e një rezolute të miratuar nga Kongresi, që kërkonte fundin e ndikimit amerikan në luftën në Jemen.

Presidenti amerikan Donald Trump ka vendosur veton ndaj një rezolute të miratuar nga Kongresi, që i jep fund rolit të Shteteve të Bashkuara në luftën në Jemen.

Trump e cilësoi rezolutën e demokratëve si një përpjekje të panevojshme dhe të rrezikshme për të cënuar fuqitë e tij kushtetuese. Kjo është hera e dytë që Trump përdor veton presidenciale që nga marrja e detyrës në vitin 2017.

Qëndrimi kundër i opozitës ndaj politikës së kreut të shtetit për të mbështetur koalicionin e udhëhequr nga Arabia Saudite në Jemen u intensifikua vitin e kaluar, pasi u zbulua se agjentët sauditë kishin vrarë gazetarin Xhamal Kashogi’ në konsullatën saudite në Stamboll.

Rezoluta është miratuar si nga Dhoma e Përfaqësuesve, ashtu edhe Senati. Bëhet fjalë për herën e parë që të dyja dhomat mbështesin një draft që kufizon kapacitetet e presidentit për të futur trupa ushtarake në veprim.

Kjo rezolutë është një përpjekje e panevojshme dhe e rrezikshme për të dobësuar autoritetin tim kushtetues, që vë në rrezik jetët e qytetarëve amerikanë dhe të trupave ushtarake, si sot ashtu edhe në të ardhmen”, deklaroi Trump në mesazhin e tij.

Jemeni është shkatërruar nga konflikti i armatosur që u përshkallëzua në mars të vitit 2015, kur rebelët Huthi morën nën kontroll shumicën e pjesës perëndimore të vendit dhe detyruan presidentin Mansur Hadi të arratisej./abcnews.al

ELTON-SEFA.jpg
ad min17:30 | 15/04/2019

I riu që akuzohet për vrasjen e punëdhënësit të tij në Angli do të ekstradohet. Gjykata e Durrësit e mori vendimin pavarësisht pretendimeve të avokatit të Elton Sefës, i cili tha se klienti i tij nuk mund të kthehet mbrapsht sepse është i diagnostikuar me probleme të shëndetit mendor.

Gjykata e Shkallës së Parë në Durrës vendosi të ekstradojë drejt Anglisë Elton Sefën, 23 vjeç, i shpallur në kërkim ndërkombëtar pasi akuzohet për një vrasje në atë shtet. Arsen Çaushaj, avokati mbrojtës i 23-vjeçarit, kërkoi pezullimin e vendimit duke vënë para gjykatës dhe prokurorit Ilir Turja dokumente që vërtetojnë se i riu ka diagnozën, çrregullim psikotik.

Kur ai u kthye nga Anglia u shtrua ne spitalin psikiatrik në Tiranë. Por këto dokumente nuk u morën  parasysh as nga prokuroria dhe as nga gjykata.

“Më kanë paraqitur një akt shkresor që shtetasi Elton Sefa ka qenë i shtruar në spitalin psikiatrik në Tiranë, për një periudhë më shumë se dy javore. Është ekzaminuar nga mbi 7 ekspertë shqiptarë, të cilët kanë përcaktuar se ai është një person që vuan nga shqetësime psikike mendore dhe nuk kupton realitetin në të cilin ndodhet”, tha avokati Arsen Çaushaj.

Babai i 23-vjeçarit kuksian tregon vuajtjet e të birit në Angli, i cili akuzohet për vrasjen e 47-vjeçarit John Woodward në 17 Prill të 2018.

“Ka qenë punëtor. Ka ik se ka qenë pa letra. Kështu akuza që thotë prokurori Ilir Turja”, tha Babai Elmi Sefa

Gjykata e Durrësit nuk pranoi kërkesën e mbrojtjes për ekzaminim ligjor, por familja dhe avokati do vazhdojnë betejën ligjore për të anuluar vendimin e ekstradimit drejt Anglisë./abcnews.al

xhejms-1280x668.jpg
ent ela18:02 | 21/03/2019

Xhejms Harden luajti një tjetër ndeshje të madhe në basketbollin amerikan, por skuadra e tij humbi. Pavarësisht nga niveli i kapitenit, Hjustoni nuk është ai i vitit të kaluar.

Vitin e kaluar Hjustoni cilësohej si skuadra më e mirë e NBA-së (me bilanc edhe mbi Golden Stejtit). Ajo kishte në udhëheqje një yll të madh si Xhejms Hardeni.

Sot, Hardeni cilësohet si një yll i madh, me një skuadër tepër të zvogëluar në vlera. Basketbollisti më i mirë i kampionatit, për këtë sezon, nuk po arrin ta mbajë ekipin nga Teksasi në vendet e para të renditjes, pavarësisht “heroizmave” që po i bën çdo dy-tri ditë.

Ai shënoi 57 pikë në ndeshjen e fundit, atë ndaj Memfisit, por Hjustoni sërish doli i mundur nga parketi. Vendasit fituan 126-125 pas kohës shtesë, ndërsa Harden ishte i shkëlqyer me 7 topa në tabela, 8 asistë, 2 vjedhje topi e 2 bllokime gjuajtjesh. I fortë në sulm e në mbrojtje!

Një ditë më parë, ai u bë i pari lojtar në historinë e NBA-së që arrin të shënojë të paktën 30 pikë ndaj secilës skuadër të ligës, në një sezon të vetëm. As Çembërleni, Xhordani apo Lebron Xhejmsi nuk ia kishin dalë.

Harden ka shënuar deri tani 2 399 pikë, një nga të paktët në këtë nivel gjatë një edicioni, duke pasur mesataren 36.1 pikë për ndeshje. Gjithsesi, Hjustoni mbetet në vend të tretë në Perëndim, pas Golden Stejtit e Denverit.

Do të duhet jo vetëm forma e të mbiquajturit “Mjekra”, por e gjithë protagonistëve kryesorë, që teksanët të pretendojnë titullin në Perëndim dhe pse jo, titullin në NBA. Vjet u mundën në finalen e Konferencës nga Golden Stejti, por shpresa vdes e fundit./abcnews.al

ogerta-1280x707.jpg
ent ela16:26 | 28/02/2019

Qeveria ka vendosur të indeksojë çmimin e barnave. Ministrja e Shëndetësisë Ogerta Manastirliu e cila bëri të ditur vendimin dhe deklaroi se ai do hyjë në fuqi nga data 1 Mars.

“Vendimi i Qeverisë për  indeksimin e çmimeve për barnat e listës së rimbursueshme do të ketë një efekt kursimi të fondeve buxhetore, prej 7.5 mln dollarë, të cilat do të përdoren për zgjerimin e listës së barnave falas”. 

 Aktualisht përfitojnë barna pa pagese sipas ministres së Shëndetësisë rreth 498 mije qytetare. Ndërkohë përfitimet nga skema e rimbursimit premtoi Manastirliu do të rriten nga marrëveshjet që priten të lidhen.

“Siç realizuam për herë të parë mbulimin 100% për trajtimin falas me Herceptinë për gratë me tumor të gjirit nëpërmjet marrëveshjeve të posatshme, do të vijojmë edhe këtë vit në listën e re të barnave për vitin 2019 realizimin e marrëveshjeve të reja të posaçme, për të siguruar një mbulim më të gjerë për sëmundjeve kronike dhe tumorale”. 

Vendimi i qeverise hyn në fuqi më 1 Mars ndërkohë që të gjithë subjektet farmaceutike të cilat kanë kontrate me Fondin e Sigurimit të Detyrueshëm të Kujdesit Shëndetësor bëri të ditur ministrja e Shëndetësisë janë njoftuar për të marrë masat me qellim reflektimin e çmimeve të reja për barnat./abcnews.al

vasdar-1280x709.jpg
ent ela11:56 | 28/02/2019

Anëtarja e Këshillit të Lartë të Prokurorisë Antoneta Sevdari shkarkohet nga detyra. Kolegji i Posacëm i Apelimit pranoi ankimimin e Komisionerit Publik, se shkalla e parë e rivlerësimit nuk kishte kryer një hetim të thelluar për prokuroren.

Kolegji i Posacëm i Apelimit shkarkoi nga detyra Prokuroren Antoneta Sevdari, anëtare e Këshillit të Lartë të Prokurorisë.

KPA pranoi animimin e Komisionarit Publik, për të rihapur hetimet për Sevdarin, duke pretenduar se vendimi i shkallës së parë ishte marrë pa u një hetim të thelluar në dy kritere.

Korrikun e kaluar prokurorja kishte kaluar pa probleme filtrat e Komisionin e Pavarur të Kualifikimit.

Kundërshtimi i Komisionerit Dariel Sina mbështetej  në pamundësinë e prokurores për të dorëzuar dokumente, që të vërtetonin ligjshmërinë e të ardhurave të deklaruara.

Bëhet fjalë për të ardhurat e deklaruara si të përfituara nga bashkëshorti i subjektit para vitit 2003 në vlerën e 3 milionë lekëve. Sipas komisionerit, Sevdari nuk e ka provuar me dokumentacion ligjor të këtë shumë parash duke shtuar se të ardhurat e ligjshme për periudhën 2000-2003 kanë qenë rreth 1 milionë e 869 mijë lekë. Gjithashtu, ai theksoi se për rreth 12 mijë euro të përfituara nga bashkëshorti prokurores, nga puna në Arabinë Saudite në vitin 2003, duhej të ishin deklaruar dhe tatuar. Ndërsa në seancën e fundit, drejtuesi i trupit gjykues të KPA-së bëri të ditur një denoncim të bërë për prokuroren në datën 5 shkurt nga një shtetas i quajtur Aleksandër Marku./abcnews.al

MEYA-DHE-RAMA-1280x678.jpg
ent ela14:48 | 28/01/2019

Grupi parlamentar socialist ka vendosur ti thotë jo kërksesës së presidentit për rishqyrtim të ligjit për Noterinë. Në mbledhjen e zhvilluar pa praninë e kryeministrit Edi Rama, deputetët kanë marrë vendim edhe për të rishikuar ligjin për kadastrën, një tjetër dekret për rishqyrtim i presidentit Ilir Meta.

Mazhoranca socialiste dhe Institucioni i Presidencës kanë gjetur një pikë të përbashkët. Atë të refuzimit të ligjeve dhe dekreteve që i dërgojnë njëri tjetrit.

Rasti më i fundit është ai i ligjit për Noterinë.

Deputetët socialistë të mbledhur nën drejtimin e kryetarit të grupit parlamentar Taulant Balla vendosën që të rrëzojnë dekretin e Presidentit të Republikës Ilir Meta për noterinë.

Kryetari i shtetit në 14 janar vendosi ta kthejë në në Kuvend ligjin “Për noterinë”, me qëllim rishqyrtimin e neneve 61, 65 dhe 76 të këtij ligji.

Në argumentimin e vendimit, presidenti Meta thotë se ka paqartësi në formulimin e neneve të cilat do të krijojnë mundësi të interpretimit gjatë aplikimit në praktikë duke krijuar pasiguri për noterin dhe qytetarët që marrin shërbime noteriale.

Ndërsa neni 76 i ligjit, nuk është i qartë dhe nuk ofron siguri ligjore për mbrojtjen dhe mbështetjen e shtresave të pamunduara të shoqërisë për të përballuar tarifat dhe shpenzimet noteriale, apo të kategorive të veçanta të shoqërisë.

Argumentimet e presidentit nuk kanë bindur deputetët socialistë të cilët kanë paralajmëruar votën kundër dekretit të presidentit për rishqyrtim të Ligjit për Noterinë.

Një tjetër ligj i kthyer nga kryetari i shtetit është ai për kadastrën. Ndryshe nga Ligji për noterinë presidenti i Republikës vlerësoi përputhshmërinë e ligjit nr. 111/2018 “Për kadastrën” me Kushtetutën, dhe në përfundim të shqyrtimit çmon se disa nene të veçanta të këtij ligji, bien në kundërshtim me legjislacionin bazë të së drejtës civile në Republikën e Shqipërisë; cënojnë parimin e sigurisë juridike; krijojnë tension kushtetues; si dhe nuk janë në harmoni me jurisprudencën kushtetuese.

Grupi parlamentar ka parë me vend që ta rishikojnë edhe një herë lëtë ligj.

Në total janë rreth 7 ligje të rëndësishëm që nuk janë pranuar nga presidenti Ilir Meta duke ia kthyer për shqyrtim parlamentit. Midis të cilaje janë Ligji

“Për tarifat gjyqësore në Republikën e Shqipërisë”.

Ligji për buxhetin e viti 2019

Ligji për tatimin mbi të ardhurat

Ligji për teatrin

Ligji për lojrat e fatit dhe së fundi ligji për noterinë dhe ligji për kadastrën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono