vendin

zjarre-ne-vend-1280x695.jpg
nev ila15:30 | 14/08/2019

 Disa vatra zjarri janë ndezur në disa rrethe të vendit. Shkaku kryesor kanë qenë temperaturat e larta dhe pakujdesia e banorëve. Në Ersekë, Borsh dhe në Kukës vatrat vazhdojnë të jenë aktive.

Temperaturat e larta nuk mund të kalojnë pa flakët. Vatra të forta zjarri këto ditë janë ndezur në pyje e kullota.

Në Kukës një masiv pylli u përfshi nga flakët mbrëmjen e së martës duke djegur rreth 6 mijë metra katrore. Vatra e zjarrit u shfaq  në Orçikel të njësisë administrative Zapod. Banorët e zonës u angazhuan. Më pas kanë mbërritur edhe punonjës të shërbimit zjarrfikës si dhe ato të Zonave të Mbrojtura.

Pas shumë orësh përpjekje zjarri u vu nën kontroll ndërsa policia lokale e Kukësit ka nisur hetimet për shkaqet.

Paraprakisht mendohet nga një pakujdesi njerëzore e ndihmuar edhe nga temperaturat e larta.

Një zjarr masiv ra edhe në fshatin Boshanj të Ersekës.  Më shumë se 15 hektarë me dushqe dhe pisha janë djegur.

Bëhet e ditur se janë shtatë vatra zjarri dhe zjarrfikëset e kanë patur të vështirë të hyjnë në këtë terren malor.

Vatra zjarri janë shfaqur në të gjithë vendin.  Një ditë më parë një zjarr i madh ra në rrugën Korçë-Kolonjë,  në vendin e quajtur Antenat. Aty banorët po pastronin tokat, duke djegur barishtet.  Zjarre ka patur në Borsh të Sarandës, Gjirokastër, Shkodër, Fier etj./ABC News Albania 24/7

887d5f38-a978-40fe-8303-6ec2603a1be6-1280x853.jpg
Sej rie09:00 | 11/08/2019

Në të gjithë vendin besimtarët myslimanë festojnë sot Kurban Bajramin.  Në mëngjes herët në qytetet kryesore besimtarët u falen duke iu drejtuar Zotit me  lutje për më shumë paqe dhe harmoni. Pas përfundimit të ritit të faljes besimtarët u përqafuan duke i uruar njëri-tjetrit një vit të mbarë dhe të begatë. Me rastin e Kurban Bajramit Myftinjtë organizuan në ambientet e tyre pritje për përfaqësuesit e feve të tjera dhe të autoriteteve lokale. Pjesa më e madhe e popullsisë në vend i përket besimit islam./ABC News Albania 24/7

 

voda-1280x728.jpg
Sej rie13:30 | 09/08/2019

Akuzat e prokurorëve italiane për kanabizimin e Shqipërisë, të bëra përmes një cikël reportazhesh i televizionit italian “Rai 3”, i titulluar “Narcotica”, iu është përgjigjur zv ministrja e Brendshme Rovena Voda. Nga Vlora ajo tha se po hidhet baltë mbi vendin tonë dhe se që prej 2017 është bërë progres në luftën kundër kanabisit.

lleshaj-1.jpg
Sej rie11:00 | 12/07/2019
FRONTEX dhe EUROPOL ofrojnë më shumë siguri për vendin tonë dhe integrim për Policinë e Shtetit në strukturat evropiane. Deklarata u bë nga ministri i Brendshëm Sander Lleshaj gjatë inaugurimit të pikës së re kufitare në Han të Hotit.

Fjala e ministrit të Brendshëm Sandër Lleshaj, në përurimin e ambienteve të reja të stacionit të Policisë Kufitare në PKK Hani i Hotit:

I nderuar z. Prefekt i Qarkut Shkodër,
Z. Ambasador i Shqipërisë në Malin e Zi,
Z. Drejtor i Përgjithshëm,
Të nderuar zonja dhe zotërinj,

Është kënaqësi e veçantë që jam sot këtu, më shumë për të dhënë një mesazh që ne duhet t’i përmirësojmë portat e hyrjes së Shqipërisë.

Qeveria shqiptare është e angazhuar që portat e hyrjes së Shqipërisë të jenë moderne, dinjitoze dhe funksionale, të lira për kalim të rregullt dhe të jenë të pakalueshëm për kalimin e parregullt.

Gati një vit më parë, këtu në Han të Hotit janë inauguruar ambientet e reja të Doganës dhe të Pikës së Kalimit Kufitar, në kuadër të programit IPA 2012, me një investim të BE në vlerën e 2.5 milionë eurove. Dhe sot ne bëjmë një fazë tjetër, inaugurojmë stacionin e Policisë Kufitare këtu në Hanin e Hotit dhe e kompletojmë këtë pikë dhe këtë nyje shumë të rëndësishme për vendin tonë.

Është e rëndësishme që të themi që kompletim, do të thotë kompletim në infrastrukturë, ndërkohë që ajo që pason dhe ajo që ka vlerën më të madhe, është kompletimi me një shërbim cilësor, dinjitoz, profesional dhe të besueshëm. Dhe këtu është përgjegjësia dhe detyra e të gjitha strukturave të Policisë së Shtetit, që nga qendra deri këtu, me qëllim që qytetarëve t’u ofrohen jo vetëm mjedise moderne, por edhe një shërbim po aq modern, po aq i besueshëm dhe po aq profesional.

Ambientet e reja do t’u japin mundësi agjencive ligjzbatuese që të kryejnë edhe më lehtë dhe me efikasitet të lartë menaxhimin të kufirit. Realizimi i këtij investimi vlen 45 milionë lekë, siç u përmend edhe nga Drejtori i Përgjithshëm, krijon kushte pra për ta përmirësuar nivelin dhe cilësinë e shërbimit tonë. Të gjitha këto investimeve në fakt kanë edhe një impakt të rëndësishëm mbi turizmin në vend. Turizëm, i cili po zhvillohet me një ritëm të kënaqshme dhe duke marrë në konsideratë klimën jo krejt të favorshme që kemi pasur gjatë gjysmës së parë të këtij viti.

Megjithatë duhet thënë që fluksi turistik ka ardhur në rritje të vazhdueshme dhe ne kemi një rritje pothuajse 10% në krahasim me vitin e kaluar të fluksit turistik në pikat tona të kalimit kufitar. Gjë që tregon për një tendencë të shëndetshme, në rritje, edhe një influencim minimal nga problematika e brendshme që ka njohur vendi gjatë kësaj periudhe.

Sigurisht që pika e Hanit të Hotit është vetëm njëra nga pikat kufitare, është vetëm një model, i cili do të duhet të vazhdoje më të njëjtën frymë, me të njëjtin intensitet në të gjitha pikat e kalimit kufitar të Shqipërisë, me qëllim që të arrijmë që pikat e kalimit kufitar t’i përshtatim me kushtet e reja.

Është ende problematike gjendja për arsye se disa të vendit ende kemi infrastrukturën e fundit të viteve ’80, në kuptimin e volumit, të përmasave, të kapaciteteve të përpunimit.

Ndërkohë që flukset e lëvizjes në pikat e kalimit kufitar të Shqipërisë, krahasuar me këto vite kur ato janë ndërtuar, është rritur shumë e shumë herë dhe me qëllim që ne t’i përballojmë dhe menaxhojmë më mirë këto flukse turistike apo flukset e lëvizjes në kufijtë tanë, ne duhet ti përgjigjemi me investime të shtuara dhe Qeveria shqiptare është e angazhuar në kuadër të një programi të qartë për t’i modernizuar të gjitha pikat e kalimit kufitar si këto me Malin e Zi që pothuajse janë kompletuar tashmë, por dhe në pika të tjera që kemi, kryesisht me Maqedoninë e Veriut dhe me Greqinë, të cilat kanë nevojë dhe do të përfshihen së shpejti në një program investimesh dhe modernizimesh.

Përveç investimit në infrastrukturë e rëndësishme është investimi në përmirësimin e procedurave dhe lehtësimin e kalimit në pikat kufitare, me qëllim që flukset të mos bllokohen, koha e pritjes të shkurtohet, por në të njëjtën kohë siguria të mos komprometohet.

Ne kemi filluar një proces shumë të rëndësishëm me Republikën e Kosovës, në pikën e kalimit kufitar të Morinës ku aplikimi i kontrollit të përbashkët i një kontrolli, ka bërë që koha e pritjes të ulet me 50 %.

Sigurisht kjo është një arritje e jashtëzakonshme, në qoftë se kemi parasysh se për çfarë kohësh pritje kemi njohur në të kaluarën tonë të afërt, por qëllimi ynë është që të vijë duke u reduktuar edhe më shumë për të arritur drejt atij destinacioni final që ne kemi për ta bërë zero kohën e pritjes në kufijtë tanë me të gjitha vendet me të cilat kufizohemi dhe që të ndodhi kjo, do të na duhet që të rrisim shumë profesionalizmin oe punonjësve të Policisë kufitare, të cilët duhet të shndërrohen në një model profesionalizmi, integriteti për të gjithë Policinë e Shtetit dihet që në pikat e kufirit ne prezantojmë Shqipërinë.

Pikat tona të kalimit janë portat e Shqipërisë, por ju jeni njerëzit e parë të Shqipërisë me të cilët ballafaqohet çdo vizitor i këtij vendi dhe kryesisht ju e dini që vizitohet nga turistë, apo janë dhe qytetarë të tjerë që lëvizin nëpër pikat tona të kufirit.

E rëndësishme është që në t’i përgjigjemi me një nivel shumë të lartë profesionalizmi dhe integriteti.

Janë dy kritere të cilat janë të pashmangshme, që duhet të karakterizojnë çdo punonjës të Policisë së Shtetit të tërësi, por sidomos punonjësit e Policisë Kufitare, të cilët duhet të jenë në lartësinë e këtij misioni shumë të rëndësishëm.

Duhet nivel i lartë profesional dhe për të cilin masat janë marrë dhe do të merren, duhet integritet i lartë profesional dhe moral dhe për këtë masat janë marrë dhe do të merren, besoj jeni në dijeni që dhe procesi i vettingut do t’i shërbejë këtij procesi dhe duhen kapacitete të mirëfillta të veçanta sa i përket aftësive të komunikimit, sidomos komunikimit në gjuhë të huaj, në gjuhën angleze, për arsye se ju jeni të parët shqiptarë me të cilët ballafaqohet çdo turist dhe çdo vizitor që i drejtohet Shqipërisë.

Është me rëndësi të them edhe faktin që në këtë proces shumë të rëndësishëm modernizimi, ne nuk jemi vetëm, por jemi në një bashkëpunim të ngushtë me partnerët tanë ndërkombëtarë kryesisht me ata europianë, është me rëndësi të ritheksojmë dhe vlerësojmë faktin që fillimi i operacionit të përbashkët për kontrollin dhe menaxhimin e kufijve të Shqipërisë në bashkëpunim me FRONTEX si operacioni i parë që kjo agjenci e Bashkimit Europian kryen jashtë BE-së, është një mundësi e jashtëzakonshme për të rritur nivelin e bashkëpunimit, nivelin e shkëmbimit të informacionit dhe të përvojës për krijimin e besimit të domosdoshëm që ne duhet të kemi me partnerët tanë europianë dhe është po ashtu një hap mjaft i rëndësishëm në drejtim të integrimit real të vendit tonë në strukturat e BE.

Unë jam i ndërgjegjshëm që skeptikët nuk lodhen kurrë së dyshuari edhe së shprehuri negativisht edhe atëherë kur duhet të shprehen pozitivisht.

Kam ndjekur këto ditë, me një farë keqardhje disa njoftime, të cilat e përkthejnë ardhjen e agjencive europiane në Shqipëri, si shenjë dyshimi ndaj Shqipërisë, ndërkohë që është e shpallur botërisht nga vetë BE, edhe nga ne, që ardhja e tyre në Shqipëri është shenjë besimi, shenjë e një hapi të rëndësishëm integrimi të Shqipërisë drejt strukturave të BE, dhe dje patëm mundësinë, që pas FRONTEX të hapim edhe zyrën e EUROPOl, si të thuash të kompletojmë praninë europiane në Shqipëri sa i përket institucioneve të sigurisë publike dhe policisë; dhe ky është një lajm jashtëzakonisht i madh, i cili duhet të na bëjë krenarë që ne tashmë “de facto” jemi të ndërlidhur ngushtësisht me strukturat europiane përgjegjëse për sigurinë.

Jemi në pararojë të institucioneve të tjera shqiptare sa i përket kësaj ndërthurjeje dhe këtij integrimi, i cili do të sjellë rezultate të jashtëzakonshme.

Megjithatë dua të them, duke e mbyllur, sfida jonë në fushën e menaxhimit të kufijve rritet përditë e më shumë për arsye se për fat të mirë, flukset e lëvizjeve drejt Shqipërisë rriten në mënyrë eksponenciale.

Nëqoftëse në vitin 2009 në kufijtë e Shqipërisë lëviznin gjithsej 9 milionë qytetarë, në vitin 2018 lëvizën 23 milionë dhe siç ju thashë, në vitin 2019 deri tani ne kemi një rritje 10% në krahasim me vitin 2018 të këtij fluksi, dhe tendenca është përsëri në rritje.

Do të thotë që volumet e punës do të shtohen, sfida do të shtohet dhe e vetmja mënyrë për t’ju përgjigjur kësaj sfide është angazhim serioz i gjithë strukturave të policisë për ta përballuar me dinjitet dhe me profesionalizëm këtë shërbim të lartë që ju bëjmë qytetarëve tanë dhe që u bëjmë të gjithë atyre që vizitojnë Shqipërinë.

Unë ju falënderoj, ju uroj që ta gëzoni këtë stacion të ri të policisë këtu dhe të vijoni të përmbushni me sukses dhe përgjegjësi detyrën tuaj të lartë.

Faleminderit!

gjyq-1280x715.jpg
Sej rie17:40 | 19/06/2019

Partia Demokratike e Kosovës ka shkarkuar nga detyra tre eksponentë të saj me poste qeveritare, për shkak se janë në proces gjyqësor për korrupsion. Duke njoftuar vendimin, kryetari Kadri Veseli ka deklaruar se qeveria duhet të japë prova konkrete para qytetarëve se po lufton nepotizmin.

Ministri i Inovacionit dhe Ndërmarrësisë Besim Beqaj, zv/ministri Agim Ceku dhe Njazi Kryeziu që janë në procese gjyqësore, janë liruar nga detyra nga kryetari I Partisë Demokratike Kadri Veseli. Në një konferencë për media Veseli tha se ka larguar nga detyra zyrtarët e PDK-së që mbajnë poste publike ndërsa kanë aktakuza për korrupsion e nepozitëm.

Kadri Veseli, kryetar i PDK-së: “Këtë po e presin qytetarët nga ne, sepse ata janë të ngopur me fjalë dhe duan të shohin veprime konkrete. Nuk ka opsion tjetër përveç se të veprojmë”.

Kreu i PDK-së tha në konferencën me gazetarë se nepotizmi dhe korrupsioni janë rritur në vendin tonë të vogël dhe kjo duhet të ndryshojë, ndërsa ka kërkuar të që edhe pozitat në parti ti lirojnë personat me aktakuza.

Kadri Veseli, kryetar i PDK-së“Ky vendim nuk e paragjykon fajësinë e tyre dhe me përfundimin e gjykimeve, nëse ato do të jenë liruese, atëherë të gjithë këta persona do të kenë vendin e merituar në radhët e PDK-së”.

Kohëve të fundit ka pasur kritika të shumta nga ambasadat më të fuqishme të botës në Kosovë si ajo amerikane e britanike për emërime të zyrtarëve të korruptuar në poste publike./ABC News Albania 24/7

MBULIM-PD-BLLOKIMI-I-RRUGEVE-PASDITE.mpg_snapshot_00.00-1280x720.jpg
nev ila12:28 | 02/05/2019

Opozita e bashkuar pritet të zhvillojë protestën e radhës pasditen e sotme, ku pritet të bllokojë disa rrugë në 12 qarqet e vendit. Sipas njoftimit të Partisë Demokratike, në orën 18.00, ndryshe nga e enjtja e kaluar, bllokimi do te shtrihet në të gjitha qarqet.

Në qarkun e Kukësit, protesta do të përqendrohet në Urën e Drinit, në hyrje të Rrugës së Kombit, në qarkun Shkodër do të bllokohet rruga Shkodër-Koplik, ndërsa në Lezhë, është parashikuar të bllokohet mbikalimi i Milotit.

Sa i përket qarkut të Dibrës, protestuesit të mbështetur nga Partia Demokratike pritet të bllokojnë urën në kryqezimin Burrel – Rrëshen- Klos, ndërsa në qarkun e Durrësit, rrugën e Plepave në hyrje të Autostrades.

Edhe kësaj here në Tiranë është parashikuar të bllokohet Sheshi Shqiponja, ndërsa në Elbasan mbikalimi i Bradasheshit. Po sipas njoftimit të Partisë Demokratike, do të bllokohet rruga nacionale e Korçës, ndërsa në qarkun e Gjirokastrës, kryqëzimi i Rrugës Përmet-Tepelenë – Gjirokastër .

Harta e bllokimeve vijon me rrugën nacionale tek Ura Mbrostar në Fier, aksi Berat – Ura Vajgurore në Berat si dhe në Vlorë, hyrja e superstradës Vlore- Levan. Partia Demokratike u ka bërë thirrje të gjithë shqiptarëve që t’u bashkohen protestave me qëllim rrëzimin e qeverisë dhe krijimin e një qeverie tranzitore për zgjedhje të parakohshme./abcnews.al

 

golden-1280x843.jpg
ent ela15:50 | 20/03/2019

Stefën Kërri shkëlqeu duke shënuar 36 pikë, dhe Golden Stejti u kthye tek fitorja në basketbollin amerikan. Kampionët mbajtën vendin e parë në Konferencën Perëndimore.

U kthyen si në kohët e vjetra. Përpara sesa në Oklend të vinte Kevin Duranti, Golden Stejti u shpall kampion dhe they rekordin e Çikagos falë dyshes së mbiquajtur “Vëllezërit Splesh”.

Stefën Kërri e Klej Tompson po e marrin sërish situatën në dorë, në të fund të sezonit të rregullt, me kampionët që të paktën po e mbajnë vendin e parë në Konferencën Perëndimore.

Nuk u tronditën nga një humbje që mund të quhet normale, si ajo në fushën e San Antonios, por reaguan menjëherë. Stefën Kërri shënoi 36 pikë në suksesin 117-107 ndaj Minesotës, ndonëse luajti më pak se 33 minuta.

Ai ishte i shkëlqyer me gjuajtjet nga largësia, duke realizuar 8 nga 14 të provuara. Kapiteni Tompson shtoi 28 pikë, ndërsa që të dy lojtarët kapën topa në tabela, shërbyen pasime për kosh, si dhe vodhën topa e bllokuan gjuajtje të kundërshtarëve.

Kevin Duranti ishte në fushë, pasi u kthye nga dëmtimi, duke realizuar 17 pikë, e duke dhënë 9 asiste. Golden Stejti e la pushim Demarkus Kouzinsin, për të mos e mbingarkuar, por pati sërish një ndeshje të mirë nga qendra Endrju Bogat. Me këtë fitore, kampionët janë në krye në Perëndim me 48 fitore e 22 humbje, në konkurrencë të fortë me Denverin./abcnews.al

PArtia-Demokratike.jpg
ent ela18:24 | 14/02/2019

Partia Demokratike nëpërmjet një deklarate për shtyp e ka konsideruar të paligjshëm njoftimin e Policisë së Shtetit e cila ndalon zhvillimin e protestës në dy rrugë: tek “Lulishtja tek Piramida dhe Rruga “Ismail Qemali”. Sipas njoftimit për shtyp të selisë blu, Policia nuk ka asnjë autoritet ligjor për të vendosur vendin e zhvillimit të protestës.  Në përputhje me Ligjin për Tubimet, Partia Demokratike ka njoftuar Policinë e Shtetit për zhvillimin e tubimit më datë 16 Shkurt në sheshet dhe vendkalimet publike “Bulevardi Dëshmorët e Kombit, Sheshi përpara Kryeministrisë, Lulishtja tek Piramida dhe Rruga Ismail Qemali”. Partia Demokratike deklaron se nuk pret leje nga Policia e Shtetit për zhvillimin e tubimit, sepse ajo është një e drejtë kushtetuese e opozitës dhe qytetarëve. Kjo është arsyeja se përse ligji parashikon njoftimin e Policisë dhe jo kërkesën për leje- thuhet në njoftimin për shtyp të Partisë Demokratike.

Reagimi i PD

Në përputhje me Ligjin për Tubimet, Partia Demokratike ka njoftuar Policinë e Shtetit për zhvillimin e tubimit më datë 16 Shkurt 2019, ora 11.00, në sheshet dhe vendkalimet publike “Bulevardi Dëshmorët e Kombit, Sheshi përpara Kryeministrisë, Lulishtja tek Piramida dhe Rruga Ismail Qemali”.

Policia e Shtetit, në kundërshtim me ligjin dhe për arsye politike, ka njoftuar ndryshimin e vendit të protestës, duke mos lejuar zhvillimin e saj edhe tek “Lulishtja tek Piramida dhe Rruga “Ismail Qemali”.

Sipas ligjit, Policia nuk ka asnjë autoritet ligjor për të vendosur vendin e zhvillimit të protestës.

Partia Demokratike nuk pret leje nga Policia e Shtetit për zhvillimin e tubimit, sepse ajo është një e drejtë kushtetuese e opozitës dhe qytetarëve. Kjo është arsyeja se përse ligji parashikon njoftimin e Policisë dhe jo kërkesën për leje.

Qëndrimi i Partisë Demokratike i është bërë i njohur zyrtarisht Policisë së Shtetit, duke i kujtuar se ka përgjegjësi ligjore për të siguruar mbarëvajtjen e protestës, në vendet e njoftuara nga Partia Demokratike.

Policia e Shtetit po vepron nën urdhrat politik të Edi Ramës, i cili, i frikësuar nga bashkimi popullor, po ndjen vetminë e tij politike.

Duke garantuar qytetarët për protestën e 16 Shkurtit, Partia Demokratike ka marrë të gjitha masat për sigurinë e protestuesve dhe ushtrimin prej tyre në mënyrë të ligjshme dhe pa asnjë pengesë./abcnews.al

Policia-Gjirokaster-933x445.jpg
ent ela12:55 | 30/01/2019

Një prej 5 personave të arrestuar për sekuestrimin e një sasie rekord kokaine në Livorno të Italisë, u kap në Shqipëri. Rreth këtij operacioni ka reaguar dhe Policia e Shtetit. Sipas një njoftimi të bërë publik paraditen e së martës mësohet se operacioni ndërkombëtar i koduar “Brasile Loë Cost”, është kryer mes Policisë së Shtetit dhe Policisë italiane dhe gjatë tij është ndaluar një i kërkuar i drejtësisë italiane. Sipas policisë, 31 vjeçari shqiptar i përfshirë në trafikimin e 650 kilogrameve kokaine nëpërmjet portit te Livornos, u lokalizua dhe arrestua në Tiranë. Dorian Petoku u vu në pranga per llogari të drejtesise italiane, pasi Gjykata e Romës ka vendosur ndaj tij masën e sigurisë “Arrest në burg”, për veprat penale “Organizatë kriminale me qëllim trafikimin e lëndëve narkotike”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono