vendimi

SHKARKOHET-JANGULLI-1280x720.jpg
ent ela18:17 | 18/11/2019

Kolegji i Posaçëm i Apelimit lë në fuqi vendimin e Komisionit të Pavarur të Kualifikimit për gjyqtarin Ahmet Jangulli.

Komisioni i Pavarur i Kualifikimit shkarkoi një vit më parë gjyqtarin e Gjykatës Administrative të Shkodrës, Ahmet Jangulli.

Trupa gjykuese e përbërë nga nga Brunilda Bekteshi, Suela Zhegu dhe Valbona Sanxhaktari, mori këtë vendim për shkak të paaftësisë profesionale si dhe problemeve të gjyqtarit për mosjustifikimin e pasurisë me burime të justifikuara.

Në seancën dëgjimore, KPK sqaroi se gjyqtari Jangulli rezulton se ka fshehur pasurinë dhe ka bërë deklarim të rremë. Edhe  DSIK ka konstatuar se gjyqtari është i papërshtashëm  për këtë detyrë.

Sipas KPK, Jangulli ka marrë ryshfet bashkë me nje prokuror për lirimin e 3 të pandehurve.

Po sipas Komisionit të Pavarur të Kualifikimit gjyqtari i Administratives Shkodër ka pasur probleme e ankesa edhe sa i takon vendimeve të dhëna prej tij.

Vendimi i KPK ishte ankimuar nga gjyqtari Jangulli. /abcnews.al

leka1.jpg
ger ta16:38 | 18/11/2019

Gjykatat e Tiranës ka lënë në burg 33 vjeçaren, Amarilda Leka që hiqej si juriste e Gjykatës së Lartë. 33-vjeçarja u premtonte se do u lironte të afërmit e burgosur, u zhvaste miliona lekë qytetarëve, me pretekstin se kishte njohje me gjyqtarët dhe do ndikonte në vendimet e tyre. Leka, përmes mashtrimit arriti t’i merrte familjarëve të një të dënuari për vrasje me 30 vite heqje lirie, 50 mijë euro duke i premtuar se do e lironte nga burgu.

Familjarët denoncuan në Prokurorinë e Tiranës rastin, duke pretenduar se, ishin mashtruar nga Leka. Denoncimi është bërë nga shtetasi B. Zeneli, i cili pretendon se para 3 vitesh, 33-vjeçarja se bashku me shtetasin me inicialet  J.G, I kanë marrë paratë, duke i premtuar se do ta ndihmonin në shkallë të ndryshme të gjyqësorit për një të afërm të tij. Amarilda leka ka pasur edhe në të kaluarën probleme me drejtësinë. Në vitin 2015, 33-vjeçarja është vënë në pranga pasi u kishte marrë para familjarëve, Xhorxh Gjokës. Ky i fundit ishte i burgosur për trafik droge me disa vite, ndërsa Leka i kishte thënë se do të ndikonte tek gjyqtarët dhe prokurorët për me qëllim zbutjen e dënimit të të akuzuarit, arriti t’i merrte shumën prej 25 mijë e 500 eurosh. Amarilda Leka ka kryer vetëm 8 muaj burg për këtë çështje. Nga hetimet e prokurorisë rezultoi se paratë Leka i kishte shpenzuar për makina të shtrenjta, jetë luksi dhe udhëtime në vendet e BE-s. Gjithashtu po në vitin 2015 Leka ka mbajtur postin e sekretares së shtabit elektoral të ish-ministres së Teknologjisë dhe Informacionit, Milena Harito.  /abcnews.al

gramoz-ruci-1-1280x698.jpg
ent ela10:35 | 10/11/2019

Kryetari i Kuvendit Gramoz Ruçi iu është drejtuar me një letër kryeparlamentarëve të  BE-së që ishin kundër çeljes së negociatave për Shqipërinë.

Në letrën drejtuar krerëve të BE-së, kreu i Kuvendit shprehet se vendimi i pamerituar i KE-së nuk na dekurajoi, ndërsa vlerëson mbështetjen e Bundestagut dhe Kancelares Merkel. Sipas tij reformat integruese u shërbejnë qytetarëve të Shqipërisë

Ai u bën thirrje Francës, Holandës, Danimarkës që të vijnë dhe të verifikojë reformat. /abcnews.al

Redian-rraja-atentati-1280x720.jpg
nev ila12:40 | 08/11/2019

Avokati i Redjan Rrajës, Besnik Çerekja ka ankimuar në Gjykatën e Apelit për Krime të Rënda vendimin e masës së sigurisë “arrest me burg” të dhënë nga Gjykata e shkallës së parë për klientin e tij.

Sipas gazetares së ABC News Glidona Daci, Redjan Rraja përmes avokatit të tij, ka kërkuar ndryshimin e masës së sigurisë  “arrest në burg”, pasi pretendon pafajësinë.

Rraja është i vetmi i arrestuar , si i dyshuar për atentatin ndaj Arjan Ndojt dhe dy miqve të tij./abcnews.al

redjan.jpg
ger ta16:40 | 06/11/2019

Gjykata e Krimeve të Rënda lë ne burg Redjan Rrajën, i dyshuar kryesor për atentatin ndaj prokurorit Arjan Ndoj. Mësohet se togat e zeza vlerësuan si të ligjshëm arrestimin dhe pranuan kërkesën e prokurorisë për “arrest me burg”.

Gazetarja Glidona Daci bën me dije për abcnews.al se Rraja ka qendruar i heshtur dhe nuk ka dhënë asnjë lloj sqarimi. Nuk ka pranuar të flasë dhe ka folur vetëm avokati i tij. Rraja nuk ka pranuar në asnjë moment që ka qenë ai që ka kryer atentatin.

Në seancën e sotme kanë diskutuar vetëm prokurorët e çështjes. Sipas organit të akuzës prova që e inkriminon Rrajën janë gjurmët gishtërinjve në një palë syze në makinën e braktisur që u gjet në Ishëm.

Seanca është zhvilluar  me dyer të mbyllura dhe për arsye sigurie nuk është lejuar as media.

Prokuroria ka marrë në pyetje edhe dy persona të tjerë, që janë të përfshrë në ngjarje. Dyshohet se janë persona të inkriminuar në veri të vendit. Prokurorët janë bazuar tek fakti që ai është u dyshuari kryesor pasi ka një provë shkencore për të.

Gjithashtu Prokuroria e Krimeve të Rënda është në pritje të rezultatit të ADN, të cilat po analizohen nga kampionet e marra në dy maskat e gjetura në makinën e autorëve. Mendohet se këto kampione kanë gjurmë biologjike, një shishe benzinë dhe 2 automatikë.

Për këtë ngjarje përvec Rrajës, nuk ka persona të tjerë të arrestuar, ndërkohë që burime pranë Krimeve të Rënda thanë se 2 personat e tjerë të përfshirë në këtë ngjarje mendohet të jenë nga veriu i Shqipërisë.

Gjykata për Krimet e Rënda ka urdhëruar një sërë kontrollesh në banesa, si dhe ka autorizuar përgjimin e dhjetra telefonatave të personave të skeduar që mund të ketë dijeni për këtë ngjarje kriminale.

Ndërkaq, avokati mbrojtës u shpreh se gjykata nuk duhet të jepte këtë vendim, pasi prokuroria ende nuk ka një provë konkrete për Rrajën.

Redjan Rraja ka pohuar më herët në polici se ditën që ndodhi ngjarja ka qenë në lëvizje në zonën e Tiranës, Durrësit dhe Fushë-Krujës një intenerar që ai e bënte vazhdimisht, mirëpo, ka dyshime se Redian Rraja është kapur nga valët e celularëve diku afër vendit të ngjarjes./abcnews.al

kronike-aksidenti.mp4_snapshot_00.04-1280x720.jpg
ent ela14:01 | 29/10/2019

Për vdekjen e shpërndarësit të picave në Durrës ende nuk është gjetur autori. Gjykata vendosi dërgimin në shtëpi me masën e sigurisë detyrim paraqitje për shoferin e autobusit Petrit Topallin,  kurse për shoferin e furgonit Ferdinant Torozin u la vetëm 20 ditë burg për sqarimin e rrethanave.

Gjatë kësaj seance nuk tha se cili është autori i aksidentit ndaj Ramazan Batës, trupi i te cilit u gjet tek sheshi në hyrje të Portit pranë Urës së Dajlanit.

Ai u shkëput nga pjesa e fundit e furgonit, por shoferi ka deklaruar sërish që as ishte në dijeni për një fakt të tillë.

Kurse motori i viktimës u gjet poshtë rrotave të autobusit, por prokuroria ka thënë se nuk ka prova që ai u godit nga ky mjet.

Për shoferin e furgonit Ferdinant Torozi u kërkua 20 dite burg me kërkesë të prokurorisë për verifikimin e disa informacioneve shtesë.

Megjithatë për momentin kjo ngjarje ka mbetur pa autorë pavarësisht se përmes një video horror u krijua ideja që viktima është tërhequr zvarrë për më shumë se 1.5 km nga mbikalimi i Shkozetit ku ishte autobusi deri te Ura e Dajlanit.

/abcnews.al

 

PROTESTA-E-STUDENTEVE-MBULIM.mpg_snapshot_00.19-1280x720.jpg
ent ela12:51 | 29/10/2019

Gjykata Administrative e Apelit vlerësoi të vlefshme padinë e Rektorit të Universiteti të Tiranës i cili kundërshton vendimin e Këshillit të Ministrave që i jep në pronësi Bashkisë së Tiranës 15 ha toke të Kopshtit Botanik.

Ndërkohë një trupë prej pesë anëtarësh do të vendosë nëse kjo padi do të gjykohet nga Gjykata Administrative e Apelit, apo do t’i kalojë për shtyrtim një tjetër shkalle të gjyqësorit.

Vendimin e gjykatës, pedagogë dhe studentë të Fakultetit të Shkencave të Natyrës po e prisnin në hyrje të saj.

Në formë proteste kundër vendimit të qeverisë që i kalon në pronësi Bashkisë së Tiranës 15 ha të  Kopshtit Botanik, studentë e pedagogë marshuan nga Fakulteti i Shkencave të Natyrës deri tek Gjykata Administrative e Apelit.

Pedagogët thonë se qeveria vendosi t’i kalojë bashkisë në pronësi Kopshtin Botanik pa transparencë dhe në kundërshtim me ligjin për arsimin e lartë.

Ata shprehen se Kopshti Botanik duhet të mbetet në funksion të procesit mësimor dhe tregojnë se do ta mbrojnë me çdo formë./abcnews.al

KRONIKE-SAJMIR-TAHIRI-ABCM1T2.mpg_snapshot_00.47-1280x720.jpg
ent ela15:38 | 28/10/2019

Gjykata e shkallës së parë për Krime të rënda ka zbardhur vendimin për ish-Ministrin e Brendshëm Saimir Tahiri, të cilit iu ndrysha akuza dhe u dënua për “shpërdorim detyre”.

Sipas togave të zeza ka prova dhe indicie që tregojnë një situatë marrëdhëniesh të qëndrueshme mes Tahirit dhe Moisi Habilaj. Sipas treshes gjykuese të përbërë nga Ardit Muftafaj Flora Hajderdini dhe Irena Gjoka lidhja e qëndrueshme konfirmohet jo vetëm nga shitja e automjetit ‘Audi’ që ish-ministri Tahiri i ka Artan Habilajt, por bëhet fjalë edhe për shërbimet e vazhdueshme të kryera nga vëllezrit Artan dhe Moisi Habilaj.

Gjykata rëndit disa nga këto shërbime ku vë theksin tek  riparimi  skafit për të cilin ishte angazhuar vet Mojsi Habilaj në vitin 2014. Përdorim i automjetit ‘Audi’ me targë AA 003GB nga Saimir Tahiri dhe bashkëshortja e tij në disa raste edhe pse ishte shitur.

Udhëtimi në të njëjtën kohë vajtje-ardhje me të njëjtin intenerar dhe të njëjtin destinacion i Moisi Habilajt, babait të ish-ministrit, Bashkim Tahiri e familjarëve të tjerë,  konfirmon se familja e Tahirit dhe familja Habilaj kanë pasur kontakte të qëndrueshme.

Në vendim thuhet se ka pasur komunikime të shpeshta dhe të drejtpërdrejta telefonike të Moisi Habilaj me Evi Robon, një njeri i afërt i Tahirit që punonte drejtor në Ministrinë e Brendshme.

Gjykata për Krime të Rënda në arsyetimin e vendimit të saj thotë që  mes Saimir Tahiri dhe Moisi Habilaj ka pasur marrëdhënie indirekte por që Ish-ministri nuk rezulton i përfshirë direkt në trafik droge, dhe për këtë nuk ka prova dhe fakte që të shkojë përtej çdo dyshimi të arsyeshëm, por veten indice të cilat janë të pa faktuara nga Prokuroria.

Sipas gjykatës fusha e veprimtarisë shtetërore të Ish-ministrit Saimir Tahiri lidhej konkretsiht me luften kundra kultivimit dhe trafikimit të Lëndëve Narkotike. Togat e zeza thonë se Tahiri dhe Jaeld Çela kanë pasur kominikime të vazhduyeshme midis tyre.

Gjyqtarët argumentojnë “shpërdorimit të detyrës” nga ish-ministri i brendshëm është fakti i krijimit të lehtësirave të grupit Habilaj për të trafikuar rreth 20 ton hashash drejt Italisë. Sipas treshësh gjykuese Ish-ministri pavarësisht nga bisedat mes anëtarëve të grupit kriminal dhe pretendimet e organit të akuzës nuk ka përfituar dhurata si pjesëtar i grupit kriminal,  por me anë të mos veprimeve të tij ka shpërdoruar detyrën.

Ndërkohë Tahiri në deklaratat e tij ka mohuar se ka pasur njohje dhe kontakte të drejtpërdrejta me Habilajt”.

bajri.jpg
nev ila11:29 | 22/10/2019

Ka përfunduar seanca gjyqësore në Shkodër. Gjykata e Shkodrës ka vendosur të lirojë dhe të shpallë të pafajshëm ish-portierin e Vllaznisë dhe ish-trajnerin e kombëtares së femrave, Armir Grimën, Nelson Hysën dhe Fabiol Rexhepin. Grima u arrestua nën akuzën e trupimit të ndeshjeve dhe si për përfshirjen e tij në grupin “Bajri”.

 

Në operacionin “Oaz” të zhvilluar nga Policia e Shtetit, prokuroria, shërbimet partnere dhe Shërbimi Informativ Kombëtar, u arrestua edhe Armir Grima.

Grima është një nga portierët më me emër në futbollin shqiptar. Ai ka qenë portier i ekipit të futbollit të Vllaznisë në vitet 1998-2001, kohë kur ky ekip është shpallur kampion.

Prokurorja Edlira Cufi kërkoi pafajësinë për mungesë provash dhe gjykata dha pafajësinë për tre të akuzuarit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono