vendim

konjufca.jpg
eri Ida15:33 | 20/02/2020

Ministri i Jashtëm, Glauk Konjufca ka shfuqizuar vendimin e ish ministrit Behgjet Pacollit për emërimin e 14 konsujve kosovarë.

Konjufca është shprehur se një vendim të tillë e ka marrë për shkak se vendimi paraprak ka qenë i kundërligjshëm.

Përmes një postimi në rrjretin social Facebook, ministri shkruan se janë shfuqizuar emërimet e 14 konsjuve mes tyre dhe ai i Kosovës në Tiranë, Festim Lushtaku.

Postimi i plotë:

Ministri i Punëve të Jashtme dhe Diasporës, z. Glauk Konjufca duke u mbështetur në nenin 93, (paragrafi 4) të Kushtetutës së Republikës së Kosovës, dhe sipas neneve 10,11 të Ligjit nr 06/L-113 për organizimin dhe funksionimin e Administratës Shtetërore dhe të Agjensive të Pavarura, neni 53 (paragrafi 1) dhe neni 55 (paragrafi 1 dhe 2) të ligjit Nr 05/L-03 për Procedurën e Përgjithshme Administrative, neni 23 (paragrafi 2), të ligjit Nr 03/L-122 për Shërbimin e Jashtëm të Republikës së Kosovës, si dhe nenin 8 (paragrafi 1,4 ) të Rregullores 02/201, për Fushat e Përgjegjësisë Administrative të Zyrës së Kryeministrit dhe Ministrive ka marrë këtë

Vendim për Shfuqizimin e Vendimeve të Kundërligjshme, në kundërshtim me nenin 20 te Ligjit Nr. 03/L-122 për Shërbimin e Jashtëm të Republikës së Kosovës.

Znj. Xheraldina Rexhepi – Konsulle në Ambasadën e Republikës së Kosovës në Vjenë/Austri;

  1. Festim Lushtaku – Konsull në Konsullatën e Përgjithshme të Republikës së Kosovës në Tiranë/Shqipëri;
  2. Kadri Balaj – Konsull në Ambasadën e Republikës së Kosovës në Podgoricë/Mali i Zi;
  3. Henor Pakashtica – Konsull në Ambasadën e Republikës së Kosovës në Sofje/Bullgari;
  4. Xhavit Gerbeshi – Konsull në Konsullatën e Republikës së Kosovës në Duseldorf/Gjermani;
  5. Ngadhnjim Makolli – Konsull në Ambasadën e Republikës së Kosovës në Kanberra/Australi;
  6. Ramiz Ismajli – Konsull në Ambasadën e Republikës së Kosovës në Abu Dhabi/EBA;
  7. Ismet Hajdini – Konsull në Ambasadën e Republikës së Kosovës në Pragë/Çeki;

Znj. Modesta Imeri – Konsulle në Ambasadën e Republikës së Kosovës në Ëashington/Shtetet e Bashkuara të Amerikës;

  1. Eshref Haxhiu – Konsull në Ambasadën e Republikës së Kosovës në Doha/Katar;
  2. Kadri Gërvalla – Konsull në Konsullatën e Republikës së Kosovës në Shtutgart/Gjermani;
  3. Lutfi Bilalli – Konsull në Konsullatën e Republikës së Kosovës në Frankfurt/Gjermani;
  4. Liridon Sadrija – Konsull në Konsullatën e Përgjithshme të Republikës se Kosovës në Hamburg/Gjermani;

Znj. Diellza Hoti – Konsulle në Ambasadën e Republikës së Kosovës në EBA./abcnews.al

agim-bajko.jpg
eri Ida12:15 | 14/02/2020

Agim Bajko është emëruar këtë të premte në krye të Teatrit të Kukullave.

Vendimi është marrë sot në mbledhjen e qeverisë, ndërsa propozimin për emërimin e tij e  bëri Ministria e Kulturës.

Vendimi:

Emërimin në detyrë të drejtorit tё qendrёs kombёtare tё kulturёs pёr fёmijё dhe teatrit tё kukullave

Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave

 

V e n d o s i:

Agim Bajko emërohet Drejtor i Qendrёs Kombёtare tё Kulturёs pёr Fёmijё dhe Teatrit tё Kukullave.

Ky vendim hyn në fuqi menjëherë dhe botohet në “Fletoren zyrtare”./abcnews.al

 

arben-malaja.png
R D15:17 | 06/02/2020

Ish-ministri i Financave Arben Malaj mori pjesë në seancën e parë gjyqësore në Gj. Administrative të Tiranës. Ai ka paditur Kuvendin e Shqipërisë dhe Bankën e Shqipërisë për shkarkimin nga detyra si anëtar i bordit të BSH-së.

Teksa dilte nga gjykata bashkë me avokatin, Arben Malaj tha se qeveritarët duhet të mbajnë përgjegjësi për vendimet e tyre, pasi jo vetëm cënojnë integritetin e personit por edhe mbjellin frikë për të mos thënë fjalën e lirë. Edhe herë të tjera ai ka deklaruar se shkarkimi ka qenë hakmarrje e Edi Ramës.

I pyetur nga gazetarët nëse shpreson nga gjykata se do të bëjë drejtësi, ai tha se “unë nuk paragjykoj asnjë strukturë dhe do ta ndjek këtë çështje deri në Gjykatën Eurpiane. Qeveritarët duhet të mbajnë përgjegjësi, duhet të zbatojnë pavarësinë e institucioneve dhe të mos mbjellin frikë tek njerëzit”.

Ndërsa avokati Jordan Daci shprehu besim se kauza e drejtë do të fitojë. “Ka një një abuzim të hapur antiligjor dhe antikushtetues nga ana e institucioneve, ndaj kemi besim se do të fitojmë gjyqin”, tha ai.

Avokati theksoi se “më habiti qendrimi i Bankës Shqipërisë, pasi nuk paraqiti dokumentet që janë përdorur si justifikim për shkarkimin e Malajt”.

Nga ana tjetër Kuvendi i Shqipërisë që është palë në këtë proces nuk u paraqit në seancë. “Kuvendi nuk solli përfaqësues edhe pse vrapoi për të më të shkarkuar”, tha Malaj.

Z. Malaj dhe avokati i tij kërkojnë nga gjykata shfuqizimin e vendimit dhe shlyerjen e pagave deri në fund të mandatit në bordin e BSH-së./abcnews.al

taulant-balla-e1538648410690.jpg
So Nila17:58 | 24/01/2020

Kreu i Grupit Parlamentar të Partisë Socialiste, Taulant Balla ka reaguar pas pushimit të çështjes ndaj CEZ nga Gjykata e Tiranës.

Balla përmes një postimi në profilin e tij në Facebook thekson se siç kishte paralajmëruar i njëjti gjyqtar “KÇK” i cili në mënyrë skandaloze rrëzoi akuzat për Lulzim Bashën “675 mijë dollarë”, sot mori një vendim haptazi në kundërshtim me ligjjn në lidhje me dosjen “CEZ-418 milionë Euro”, ku i akuzuari kryesor është Sali Berisha në bashkëpunim me persona të tjerë.

Numri dy i Partisë Socialiste ka paralajmëruar se vendimi do të  ankimohet menjëherë dhe paralelisht gjetjet e Komisionit Hetimor do t’i dërgohen javën e ardhshme Prokurorisë Kundër Korrupsionit dhe Krimit të Organizuar (SPAK).

Postimi i Plotë:

Siç kishim paralajmëruar, i njëjti gjyqtar “KÇK” i cili në mënyrë skandaloze rrëzoi akuzat për Lulzim Bashën “675 mijë dollarë”, sot mori një vendim haptazi në kundërshtim me ligjjn në lidhje me dosjen “CEZ-418 milionë Euro”, ku i akuzuari kryesor është Sali Berisha në bashkëpunim me persona të tjerë.

Ky vendim i paligjshëm do të ankimohet menjëherë dhe paralelisht gjetjet e Komisionit Hetimor do t’i dërgohen javën e ardhshme Prokurorisë Kundër Korrupsionit dhe Krimit të Organizuar (SPAK).

Kjo është një ndër dosjet më të rënda të korrupsionit në Shqipëri dhe se çdo përpjekje për mbylljen e saj, bie ndesh me pritshmëritë e shqiptarëve dhe të partnerëve të Shqipërisë për hetimin e dinosaurëve të korrupsionit.

Në kallzimin e bërë nga Kuvendi i Shqipërisë ishin paraqitur fakte dhe prova të pakundërshtueshme se Sali Berisha në cilësinë e Kryeministrit në vitet 2005-2013 bashkë me persona të tjerë të kallzuar prej nesh, shpeshherë edhe në bashkëpunim me njëri-tjetrin, kanë konsumuar elementët e veprave penale “Shpërdorim i detyrës”, “Shkelja e barazisë në tendera”, “Mashtrimit”, “Ndikim i paligjshëm ndaj personave që ushtrojnë funksione publike”, “Pastrim i produkteve të veprave penale”, vepra penale këto të parashikuara nga nenet 143, 245/1, 248, 258 dhe 287 të Kodit Penal.

Kuvendi i Shqipërisë me vendimin nr.36 ka miratuar raportin e Komisionit Hetimor Parlamentar dhe dërgimin e këtij raporti në Prokurori për fillimin e çështjes penale.

Komisioni Hetimor i Kuvendit, pati arritur në përfundimin se një sërë zyrtarësh të lartë të shtetit shqiptar gjatë viteve 2005-2013, duke qenë persona që ushtronin funksionet më të larta publike me veprime aktive dhe mosveprime, kanë synuar dhe realizuar ardhjen e pasojave të kundraligjshme gjatë procedurave të privatizimit të Operatorit të Sistemit të Shpërndarjes, negocim të marrëveshjes së shitjes së aksioneve, miratuar me ligjin 10116 datë 23.04.2009”Për miratimin e kontratës së shitjes së 76% të aksioneve të Operatorit të Sistemit të Shpërndarjes (OSSH) sh.a ndërmjet Ministrisë së Ekonomisë, tregtisë dhe Energjitikës së Republikës së Shqipërisë dhe CEZ a.s-së, si edhe evidentimin e efekteve negative financiare të shkaktuara nga ndjekja e zbatimi i kësaj marrëveshje “

Çështja hetimore nr.7340/2017 e Prokurorisë, lidhet me hetimin e “ shpërdorimin e detyrës “të funksionarëve të lartë të shtetit shqiptar që kanë ndjekur procedurat për privatizimin e Operatorit të Sistemit të Shpërndarjes OSSH sh.a si dhe atë të “ ushtrimit dhe ndikimit të paligjshëm ndaj personave që ushtrojnë funksione publike “ dhe’ pastrimit të produkteve të veprës penale” parashikuar nga nenet 248, 245/1 dhe 287 të Kodit Penal.

Në nenin 75 të Kodit të Procedurës Penale shkronja” a “ vepra penale “Ushtrimi i ndikimit të paligjshëm ndaj personave që ushtrojnë funksione publike “ parashikuar nga neni 245/1 është vepër penale në kompetencë të Gjykatës Kundër Korrupsionit dhe Krimit të Organizuar.

Vepra penale e ”shpërdorimit të detyrës” për të cilën Kuvendi ka depozituar kallëzimin në prokurori nga ish funksionare sipas shkronjës “ç“ të nenin 75 të Kodit të Procedurës Penale është në kompetencë të Gjykatës Kundër Korrupsionit dhe Krimit të Organizuar.

Më datë 19.12.2019, ka filluar funksionimin Gjykata Kundër Korrupsionit dhe Krimit të Organizuar, e cila ka kompetencën për të gjykuar funksionarët e lartë apo veprat penale për të cilën është depozituar kallëzimi penal nga Kuvendi.

Në këto rrethana i kërkuam gjyqtarit Lazër Sallaku të shpallte menjëherë moskompetencën të Gjykatës së Rrethit Gjyqësor Tiranë dhe kalimin e kësaj çështje në Gjykatën Kundër Korrupsionit dhe Krimit të Organizuar.

Por sot ky gjyqtar në një vendim hapatazi në kundërshtim me ligjin vendosi shqyrtimin e një çështje jashtë kompetencës së tij lëndore.

Gjithashtu dua të sqaroj opinionin publik se edhe vendimi i Prokurorisë së Tiranës për përfundimin pa hetim të plotë të kësaj dosje dhe nxitimi për mbylljen e saj ngre dyshime të mëdha.

Lidhur me hetimin e paplotë të Prokurorisë së Tiranës, po parashtroj më poshtë disa sqarime:

  1. Lidhur me kallëzimin e Kuvendit të Shqipërisë të depozituar në Prokurorinë e Përgjithshme.

Kuvendi i Shqipërisë,bazuar në Rregulloren e Kuvendit dhe ligjin 8891,datë 02.05.2002”Për organizimin dhe funksionimin e Komisioneve Hetimore të Kuvendit, me vendimin nr 30/2016 ka ngritur Komision Hetimor parlamentar me objekt “Për hetimin dhe verifikimin e zbatimit të legjislacionit në fuqi, mbrojtjen e interesit të shtetit shqiptar gjatë procedurave të privatizimit të Operatorit të Sistemit të Shpërndarjes, negocim të marrëveshjes së shitjes së aksioneve, miratuar me ligjin 10116 datë 23.04.2009”Për miratimin e kontratës së shitjes së 76% të aksioneve të Operatorit të Sistemit të Shpërndarjes (OSSH) sh.a ndërmjet Ministrisë së Ekonomisë, tregtisë dhe Energjetikës së Republikës së Shqipërisë dhe CEZ a.s-së, si edhe evidentimin e efekteve negative financiare të shkaktuara nga ndjekja e zbatimi i kësaj marrëveshje “

Komisioni Hetimor Parlamentar, administroi dhe shqyrtoi një volum shumë të madh dokumentesh që lidhem me privatizimin, shitjen e 76% të aksioneve të operatorit të sistemit të shpërndarjes OSHE sh.a ndërmjet Ministrisë së Ekonomisë, tregtisë dhe Energjetikës së Republikës së Shqipërisë dhe CEZ a.s-së, si edhe evidentimin e efekteve negative financiare të shkaktuara nga ndjekja e zbatimi i kësaj marrëveshje, pyeti dëshmitarë dhe në përfundim të hetimit administrativ i paraqiti Kuvendit në seancë plenare për miratim raportin përfundimtar të Komisionit. Hetimor. Kuvendi, me vendimin nr 36 ka miratuar raportin e Komisionit Hetimor Parlamentar dhe dërgimin e këtij raporti në Prokurori për fillimin e çështjes penale.

Komisioni Hetimor i Kuvendit konstatoi :

– shkelje të procedurave të privatizimit të OSSH-së duke mos marrë parasysh mbrojtjen e interesave strategjike të shtetit shqiptar. Në kallëzim ( raportin e Komisionit Hetimor) janë pasqyruar në mënyrë të detajuar arsyet dhe personat përgjegjës për shkeljen e këtyre procedurave. Detyrimi i KESH –it nga ana e Këshillit të Ministrave që energjinë për mbulimin e humbjeve t’ja shesë OSSH-së me çmim të rregulluar, ka ndikuar në favorizimin e paligjshëm të ÇEZ duke rënduar buxhetin e shtetit me miliona euro.

– favorizimin në mënyrë të paligjshme që i është bërë CEZ-it në njohjen e nivelit të borxhit të keq.

Ndryshimi i nivelit të borxhit të keq nga 4% në 14% një javë para nënshkrimit të Marrëveshjes së Shitjes së Aksioneve, ka sjellë si pasojë që kompania ÇEZ të favorizohet më një kompensim vjetor prej 70 milion dollarë në vit , vlerë e cila pasqyrohet dëm në Buxhetin e Shtetit.

Palët kanë negociuar për nivelin e borxhit të keq edhe pse një gjë e tillë nuk është i lejuar nga kriteret e vendosura me VKM nr.835, datë 11.06.2008.

-shkelje gjatë procedurës së privatizimit në lidhje me kushtet minimale teknike.

Gjatë shqyrtimit të dokumenteve të tenderit, komisioni konstatoi se kriteret e vlerësimit janë të pamjaftueshme, nuk është vendosur çmim dysheme, Komisioni i Vlerësimit të ofertave është ngritur në kundërshtim të hapur me VKM-të nr. 329 datë 12.07.1999 dhe nr. 621 datë 25.09.1998.

-shkelje të konstatuara nga komisioni në lidhje me garancitë bankare.

Bazuar në Urdhrin 319, datë 6 Maj 2008 të Ministrit të METE “Për zmadhimin e kapitalit të OSSH-së, garancia bankare duhet të ishte minimalisht në vlerën prej 40milion dollarë.

-shkelje në lidhje me planin e biznesit të paraqitur nga ÇEZ

Nga dokumentacioni që ka analizuar Komisioni, rezulton së ÇEZ ka paraqitur në ofertën e saj një dokument të titulluar “plani paraprak i biznesit për vitet 2009-2014”, pra shoqëria nuk ka paraqitur një plan biznesi por plan paraprak në kundërshtim me pikën 3, 5 të VKM-së nr 835 datë 11.06.2008.

Komisioni hetimor ka shqyrtuar dhe ndjekjen e detyrimeve sipas kushteve të marrëveshjes së blerjes së aksioneve, performacën e shoqërisë ÇEZ si dhe favorizimet e paligjshme që janë bërë kësaj shoqërie nga ish zyrtarë. Gjithashtu ka shqyrtuar respektimin e të drejtave dhe detyrimeve ndërmjet KESH dhe OSSH për periudhën tranzitore, marrëdhëniet e institucioneve Shqiptare me Shoqërinë CEZ shpërndarje, si dhe shoqëritë e mbledhjes së borxheve etj.

Komisioni Hetimor Parlamentar i Kuvendit të Shqipërisë gjatë shqyrtimit të verifikimit të zbatimit të legjislacionit në fuqi dhe mbrojtjen e interesit të shtetit shqiptar gjatë procedurave të privatizimit të Operatorit të Sistemit të Shpërndarjes dhe negocimi i Marrëveshjes së Shitjes së aksioneve , miratuar me ligjin nr 10116, datë 23.04.2009 ka konstatuar se :

Shtetasi Nue Nik Kalaj duke përfituar lidhjet me familjarë të funksionareve të lartë të shtetit shqiptar si dhe nëpërmjet shtetasit Albert Faruku dhe Hamza Merxhani, ka ndërmjetësuar për privatizimin e OSSH-së nga ÇEZ a.s.

Nga pyetja e dëshmitarëve , administrimi i dokumenteve , të transfertave bankare në llogari të Nue Nik Kalaj në shumën 7 milion euro, koha kur janë kryer transaksionet, mungesa e dokumenteve justifikuese për kryerjen e këtyre transaksioneve nga ÇEZ.a.s në favor të Nue Nik Kalaj, Komisionit i kanë krijuar dyshimin e arsyeshëm se kjo shumë është marrë për të ushtruar ndikim të padijshëm në ish funksionarët e lartë të asaj kohe me qëllim realizimin e blerjes së 76% të aksioneve të OSSH-së nga CEZ a.s. Komisioni ka konstatuar se çfarë do lloj shërbimi i ligjshëm të ketë kryer shtetasi Nue Nik Kalaj në favor të ÇEZ a.s, nuk justifikon përfitimin e shumës 7milion euro. Kjo shumë e përfituar nga shtetasi Kalaj, është shumë herë më e madhe se sa shuma e përfituar nga banka Botërore (IFC) nga ky proces privatizimi.

Komisioni Hetimor i Kuvendit, arriti në përfundimin se një sërë zyrtarësh të lartë të shtetit shqiptar gjatë viteve 2005-2013, duke qenë persona që ushtronin funksionet më të larta publike me veprime aktive dhe mosveprime, kanë synuar dhe realizuar ardhjen e pasojave të kundërligjshme që janë :

-Nxjerrja për privatizim i një shoqërie të sapo krijuar , por me rëndësi strategjike për interesat e vendit, e cila nuk kishte kryer asnjë bilanc energjitik të sajin, pa asnjë eksperiencë për të operuar në tregun e energjisë, pa asete të përcaktuara, duke e paraqitur OSSH si funksionale, me qëllim privatizimin me shpejtësi të saj në favor të CEZ.

-Duke ndryshuar treguesit specifikë në Deklaratat Rregullatore dhe duke ushtruar ndikim të paligjshëm dhe imponuar ERE në vendimmarrje të kundraligjshme.

-Duke kualifikuar dhe shpallur fitues CEZ, në shkelje të hapur të kushteve minimale të perfomancës teknike, të cilat ishin shpallur më parë si kritere kualifikuese e konkretisht në shkelje të VKM nr. 835datë 11.06.2008, i ndryshuar.

-Duke negociuar me kompaninë CEZ për nivelin e borxhit të keq që do të pranohej në llogaritjen e të ardhurave të kërkuara nga kompania, në kundërshtim e në kapërcim të kushteve të procedurës konkurruese , të përcaktuara më parë;

-Duke negociuar për treguesin e humbjeve totale, si tregues i kushteve minimale të performancës teknike i panegocueshëm;

-Duke pranuar gjatë negociatave të kryera , të gjitha kërkesat e ofertuesit të bëra gjatë paraqitjes së ofertës teknike, nga mosnjohja e situatës, si pasojë e mosfunksionimit real të OSSH dhe mos qenies së saj e gatshme për privatizim;

-Mosvazhdimin e procesit për rivlerësimin e çmimit të shitjes, kjo para, gjatë dhe pas procesit të privatizimit të OSSH.

Këto veprime kanë dëmtuar rëndë interesat e ligjshme të shtetit dhe publikut në shumën 57,931,041,292 lekë ose 414 milion Euro.

Komisioni Hetimor ka konstatuar edhe mosveprime të strukturave përkatëse pas heqjes së licencës CEZ e konkretisht:

– Mosveprim në drejtim të aseteve të shoqërisë CEZ sh.a;

– Mosveprim për fillimin e procedurave të shpronësimit të aksioneve, kundrejt një shpërblimi të drejtë , si dhe për mbledhjen e dokumentacionit provues;

– Mosndërmarrja e veprimeve për hapjen e procesit gjyqësor ndërkombëtar kundër shoqërisë CEZ sh.a për mospërmbushje të detyrimeve të saj të përcaktuara në kuadrin rregullator specifik, dëmtuar pozitën mbrojtëse të shtetit në arbitrazhin ndërkombëtar të filluar vetëm nga CEZ dhe jo nga pala shqiptare.

Këto mosveprime ka konsideruar të qëllimshme e me pasoja të rënda në buxhetin e shtetit e të shkaktuara në kuadër të përfitimeve e privilegjeve të padrejta që ishin lejuar shoqërisë ÇEZ.

Duke analizuar provat e administruara, Komisioni ka evidentuar se persona me autoritet shtetëror me veprime dhe mosveprime duke shpërdoruar funksionin publik në bashkëpunim kanë konsumuar elementët e veprës penale “shpërdorim detyre”, “shkelje e barazisë në tendera”,”Mashtrimit”,”Ndikim i paligjshëm ndaj personave që ushtrojnë funksione publike”, “Pastrim i produkteve të veprave penale “, vepra penale këto të parashikuara nga nenet 143, 245/1, 248, 258,dhe 287 të Kodit Penal.

  1. Lidhur me veprimet procedurale të kryera nga Prokuroria e Rrethit Gjyqësor Tiranë

Nga përmbajta e kërkesës së Prokurorisë rezulton se Prokuroria e Rrethit Gjyqësor Tiranë, ka regjistruar procedimin penal nr. 7340, datë 19.09.2017 për veprën penale të “ Ushtrimit të ndikimit të paligjshëm” dhe “pastrimin e produkteve të Veprës Penale”, parashikuar nga nenet 245/1 dhe 287 të Kodit Penal. Për regjistrimin e këtij procedimi, Prokuroria e Rrethit Gjyqësor Tiranë është bazuar në materialet hetimore të procedimeve penale nr 3 dhe 4 të regjistruar në Prokurorinë e Përgjithshme të Republikës së Shqipërisë, e cila me hyrjen ne fuqi të ligjit 35/2017“Për disa shtesa e ndryshime në Kodin e Procedurës Penale” ka shpallur moskompetencën dhe i ka dërguar këto çështje për hetim në Prokurorinë e Rrethit Gjyqësor Tiranë.

Prokurori i çështjes ka konstatuar se midis dy procedimeve të filluara njëri mbi bazën e kallëzimit të shtetasit Romeo Kara dhe tjetra bazuar në raportin përfundimtar të Komisionit Hetimor Parlamentar kanë të njëjtë objekt “Procedurën e ndjekur nga Qeveria Shqiptare për privatizimin e Operatorit të Sistemit të Shpërndarjes OSSH sh.a ndërmjet Ministrisë së Ekonomisë, Tregtisë dhe Energjetikës së Republikës së Shqipërisë dhe CEZ –a.s-së si dhe evidentimi i efekteve negative financiare të shkaktuara nga ndjekja e zbatimi i kësaj marrëveshje.”

Për këtë arsye , prokuroria ka vendosur bashkimin e procedimeve penale në një procedim të vetëm me vendimin e datës 31.07.2017.

Gjatë hetimeve paraprake, prokuroria ka administruar vendimin e pushimit të procedimit penal nr 1, datë 11.02.2017 të Prokurorisë së Përgjithshme me objekt hetimi materialin kallëzues nga Ministria e Energjisë dhe Industrisë për veprën penale të” shpërdorimit të detyrës” në bashkëpunim, parashikuar nga nenet 248-25 të Kodit Penal.

Prokuroria e Përgjithshme në përfundim të hetimit në lidhje me kallëzimin e MEI ka vendosur pushimin e hetimeve.

Përveç administrimit të vendimit të pushimit të procedimit penal nr. 1 të Prokurorisë së Përgjithshme, nga prokurorët e çështjes nuk janë kryer veprime hetimore bazuar në dokumentacionin plotësues të administruar nga Komisioni Hetimor dhe dërguar bashkë më vendimin nr 36/2016 të Kuvendit në Prokurori .

Prokurorët nisur nga ngjashmëria e kallëzimit të bërë më parë nga MEI në Prokurorinë e Përgjithshme dhe Kallëzimit të depozituar nga Kuvendi i Shqipërisë në lidhje me shkeljet ligjore e nënligjore të konstatuara në procedurat e privatizimit të OSSH- se nga CEZ a.s, pa hetuar dokumentet e dorëzuar, nga Kuvendi në vendimin e tyre për pushimin e hetimeve arsyetojnë se ndodhemi para gjësë së gjykuar duke ju referuar nenit 7 të Kodit të Procedurës Penale dhe nenit 34 të Kushtetutës të Republikës së Shqipërisë të ndryshuar.

Për akuzat “ Ushtrimi i ndikimit të paligjshëm të shtetasit Nue Nil Kalaj ndaj funksionarëve të lartë”, dhe” Pastrimin e produkteve të veprës penale “ parashikuar nga nenet 245/1 dhe 287 të Kodit Penal ,prokuroria arsyeton se mungojnë elementët e veprave penale të cilat janë parashtruar në kallëzimin e Kuvendit.

III. Lidhur me parashtrimet e Kuvendit ndaj kërkesës së Prokurorisë së Rrethit Gjyqësor Tiranë “Për pushimin e procedimit penal nr.7340, datë 19.9.2017 “ dhe veprimet hetimore që kërkojmë të kryhen nga ana e Prokurorisë

Kuvendi i Shqipërisë në cilësinë e kallëzuesit ka paraqitur fakte dhe dokumente të cilat provojnë shkelje të procedurave të privatizimit të OSSH nga CEZ a.s nga funksionarë shtetërorë. Gjithashtu kallëzuesi me bazë të fakteve të depozituara ka krijuar bindjen se me veprime shtetasit Nue Nik Kalaj në bashkëpunim ka konsumuar elementët e veprës penale “Ushtrimi i ndikimit të paligjshëm ‘ dhe “Pastrimit të produkteve të veprës penale “

Prokurorët e çështjes në mosrespektim të detyrimit Kushtetues dhe procedural , edhe pse gjykata në vendimet e saj u ka lënë detyra konkrete prokurorisë , nga ana e kësaj të fundit janë kryer veprime hetimore te pjesshme po nuk është hetuar procedura e privatizimit sipas objektit të hetimit të Komisionit hetimor parlamentar e cila është njëkohësit kallëzimi që Kuvendi i Shqipërisë ka depozituar në prokurori .

Prokuroria duke krahasuar objektin për të cilën me vendimin nr 30/2016 , Kuvendi ka vendosur ngritjen e Komisionit Hetimor Parlamentar dhe kallëzimit të MEI të hetuar më parë nga Prokuroria e Përgjithshme arrin në konkluzion se kemi të bëjmë me të njëjtën vepër penale , me të njëjtat fakte dhe të njëjtën kohë.

Ekzistenca e fakteve të reja në kallëzimin e Kuvendit të Shqipërisë bën të domosdoshme kryerjen e veprimeve hetimore sipas kërkesave të Kodit të Procedurës Penale.

Në kërkesën drejtuar Gjykatës, prokurori i çështjes ka përsëritur të njëjtin arsyetim që ka përdorur prokurorja paraardhëse se në kallëzimin e Kuvendit dhe në kallëzimin e Ministrisë së Energjetikës dhe Industrisë , sot Ministria e Transporteve dhe Energjetikës kemi të bëjmë më të njëjtin kallëzim i hetuar më parë nga Prokuroria e Përgjithshme, pushuar prej saj, vendim i cili është lënë në fuqi me vendimin e datës 21.11.2016 të Kolegjit Penal të Gjykatës së Lartë.

Ky arsyetim i prokurorëve me interpretimin e zgjeruar që kërkojnë ti japin nenit 7 të Kodit të Procedurës Penale dhe nenin 34 të Kushtetutës është i gabuar .

Kushtetuta në nenin 34 parashikon se “ Askush nuk mund të dënohet më shumë se një herë për të njëjtën vepër penale dhe as të gjykohet sërish, me përjashtim të rasteve kur është vendosur rigjykimi i çështjes nga një gjykatë më e lartë , sipas mënyrës së parashikuar me ligj.” Pra neni 34 i Kushtetutës i referohet vendimit të formës së prerë të gjykatës dhe jo vendimeve të pushimit të çështjes gjatë hetimeve paraprake .

Neni 7 i Kodit të Procedurës penale parashikon se “ Askush nuk mund të rigjykohet rishtas për të njëjtin fakt penal, për të cilin është gjykuar me vendim të formës së prerë më përjashtim të rasteve kur është vendosur rigjykimi i çështjes nga gjykata kompetente.”

Edhe nga përmbajtja e nenit 7 del qartë se arsyetimi i prokurorit se ndodhemi para gjësë të gjykuar është e gabuar pasi nenin 7 bën fjalë për ato raste kur kemi një vendim të formës së prerë që lidhet me themelin e çështjes .

Në rastin e mospranimit të ankimit të MEI nga Gjykata e Lartë e cila në shqyrtimin e këtij ankimi ka ushtruar kompetencën e gjykimit si gjykata fakti sipas Kodit të Procedurës Penale që ishte në fuqi në atë kohë, nuk përbën fakt për tu përdorur se ndodhemi para gjësë së gjykuar.

Dispozitat e Kodit të Procedurës Penale , nuk pengojnë rifillimin e një çështje të pushuar në se dalin prova dhe fakte të reja për ngjarjen apo autorin e saj , mjafton që këto prova dhe fakte të zbulohen brenda afateve të parashikuara në Kodin Penal mbi parashkrimin e ndjekjes penale.

Në provat që ka paraqitur Kuvendi në Prokurori ka fakte dhe dokumente të cilat nuk kanë qenë pjesë e kallëzimit të depozituar nga MEI në Prokurorinë e Përgjithshme. Këto dokumente edhe pse voluminoze duhet te ishin parë nga prokurorët që kanë hetuar çështjes para se” ipso jure “ të vendosnin se ndodhemi para “gjësë të gjykuar”

Moskryerja e veprimeve hetimore me justifikimin se ndodhemi para të njëjtës vepre penale për të cilën janë kryer më parë hetime është një zbatim i gabuar i parimit të gjësë së gjykuar dhe zbatimit të këtij parimi përsa është e mundur dhe gjatë hetimeve paraprake. Prokurori bazuar në ndryshimet në Kodin e Procedurës Penale me ligjin 35/2017, duhet ti kërkonin Gjykatës Rifillimin e hetimeve dhe për veprën penale të shpërdorimit të detyrës nga funksionarët e lartë publikë që ishin marrë me procedurën e privatizimit të OSHE-së.

Raporti i Komisionit Hetimor Parlamentar përmban fakte në lidhje me rolin dhe aktivitetin e shtetasit Nue Nik Kalaj, në kontaktet që ai ka patur me funksionare të lartë shtetërorë apo lidhje familjare të tyre në kohën e privatizimit të OSSH-së. Transferta 7 milion euro nga CEZ te ky shtetas para se të përfundonte procedura e privatizimit , janë fakte të pahetuara nga prokuroria, për të cilat Gjykata e Rrethit Gjyqësor Tiranë me vendmin nr. 240 datë15.12.2017 i la detyra organit të prokurorisë për hetimin e akuzave të ngritura nga vetë organi i prokurorisë si “ushtrimit të ndikimit të paligjshëm ndaj personave që ushtrojnë funksione publike “ dhe “ Pastrimi i produkteve të veprës penale”.

Në kërkesën për pushimin e hetimeve, prokuroria ka evidentuar disa veprimeve hetimore të kryera pre saj si dërgimi i letërporosive në Republikën e Kosovës për pyetjen e shtetasit Ndue Kalaj,

Dërgimi i letrës së porosisë në Republikën e Çekisë për pyetjen e shtetasit Hamza Merxhani , pyetjen e administratorëve të ÇEZ s.a, administrimi i kontratave lidhur mes administratoreve të ÇEZ s.a dhe shtetasit Nue Kalaj.

Mosgjetja e dëshmimtareve Ndue kalaj, Hamza Merxhari të cilët janë dëshmimtarët kryesorë që lidhje me akuzat për të cilat është filluar procedimi penal, nuk përbën shkak për pushimin e çështjes. Prokurori mun te vendose pezullimin deri ne gjetjen e tyre duke njoftuar edhe pikat kufitare ne rast te konstatimit te hyrjes se tyre ne teritorin e Republikes se Shqiperise po jo t’i kerkoje gjykates miratimin e pushimit te ceshtjes.

Në kërkesën për pushimin e çështjes, prokurori i referohet edhe përgjigjeve të marra nga autoritetet Kosovare të cilat nuk bënë të mundur gjetjen dhe pyetjen e shtetasit Ndue Kalaj, apo të autoriteteve Çeke në lidhje me letër-porositë për pyetjen e shtetasve Josef Hajsak , Tomas Pleskac, Martin Roman dhe Hamza Merxhari, ku rezulton se prokurori nuk ka mundur që nëpërmjet këtyre letër- porosive të realizonte pyetjen e tyre.

Edhe pse nga ana e prokurorisë pas kthimit të çështjes për hetimeve janë kryer disa veprime hetimore këto veprime janë përsëri te pjesshme dhe nuk provojnë që prokuroria ka kryer hetime të plota të gjithanshme në lidhje me kallëzimin e Kuvendit të Shqipërisë për procedurat e ndjekur nga funksionarët e asaj kohe ne lidhje me shitjen e 76% të aksioneve te operatorit të shpërndarjes OSHE sh.a te ÇEZ s.a.

Nga ana e prokurorisë nuk janë vlerësuar me objektivitet faket e dokumentuara në provat shkresore të depozituara nga Kuvendi i Shqipërisë bashkëlidhur vendimit nr.36/2016 të Kuvendit dhe të evidentuar në mënyrë të përmbledhur në Raportin e Komisionit Hetimor.

Nuk është hetuar rrethanat e njohjes së shtetasit Nue Nik Kalaj me ish kryeministrin Sali Berisha dhe familjarët e tij.

Prokuroria nuk ka hetuar të transaksioneve e kryera në favor të shtetasin Ndu Kalaj duke shkelur aktet ligjore që rregullojnë veprimtarinë bankare në Republikën e Shqipërisë, po është mjaftuar me pyetjen formale në cilësinë e personit që tregon rrethanat të dobishme për hetimin shtetases Rudina Rudi, drejtore e degës së Raffeisen Bank , rruga e Kavajës.

Në këto kushte kur nga veprimet e kryera gjatë hetimeve paraprake të prokurorisë , konstatohen se prokuroria nuk janë kryer të gjitha veprimeve hetimore të domosdoshme për të arritur në konkluzionit në se veprat penale për të cilat ka filluar procedimi penal janë kryer nga personat e përmendur në kallëzimin e Kuvendit apo fakti i ndodhur nuk përbën vepër penale.

Ndryshe nga sa kërkoi prokuroria,Kuvendi i kërkoi Gjykatës së Rrethit Gjyqësor Tiranë shpalljen e moskompetencës dbe kthimin e akteve për vazhdimin e hetimeve me pyetjen e dy dëshmimtareve Nuel Nik kalaj dhe Hamza Merxhani si dhe hetimim per veprat penale te shpërdorimit të detyrës për ish funksionaret në lidhje me shkeljet ligjore e nënligjore të konstatuara në procedurat e privatizimit të OSSH- së nga CEZ a.s.

Kujtojmë se personat e kallzuar nga Kuvendi i Shaipërisë në këtë dosje penale janë:

  1. Sali Ram Berisha, Ish-Kryeministër dhe deputet i Kuvendit të Shqipërisë, për veprat penale “Shpërdorimi i detyrës”, “Shkelja e barazisë së pjesëmarrësve në tendera apo ankande publike”, “Mashtrimi”, “Ushtrimi i ndikimit të paligjshëm ndaj personave që ushtrojnë funksione publike”, “Refuzimi për të dëshmuar”, vepra penale të parashikuara nga nenet 248, 258, 143, 245/1 dhe 307 të Kodit Penal.
  2. Nue (Nuel) Nik Kalaj për veprat penale “Ushtrimi i ndikimit të paligjshëm ndaj personave që ushtrojnë funksione publike”, “Pastrim i produkteve të veprës penale ose veprimtarisë kriminale”, “Refuzimi për të dëshmuar”, “Mosparaqitja e dëshmitarit, ekspertit, apo përkthyesit”, vepra penale të parashikuara nga nenet 245/1, 287, 307 dhe 310 të Kodit Penal.
  3. Genc Ruli, Ish-Ministër i Ekonomisë, Tregtisë dhe Energjitikës/Kryetar i Komitetit të Konsulencës dhe Transparencës, për veprat penale “Ushtrimi i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike”, vepra penale të parashikuara nga nenet 245/1, 248 dhe 258 të Kodit Penal.
  4. Ridvan Bode, Ish-Ministër i Financave për veprat penale “Ushtrimi i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, vepra penale të parashikuara nga nenet 245/1 dhe 248 të Kodit Penal.
  5. Për të gjithë anëtarët e Komisionit të Vlerësimit të Ofertave, për veprat penale “Shpërdorimi i detyrës”, “Shkelja e barazisë së pjesëmarrësve në tendera apo ankande publike” , vepra penale të parashikuara nga nenet 248 dhe 248 të Kodit Penal.
  6. Për të gjithë anëtarët e Komisionit të Negocimit të Marrëveshjes me CEZ As, për veprat penale “Shpërdorimi i detyrës”, “Shkelja e barazisë së pjesëmarrësve në tendera apo ankande publike” , vepra penale të parashikuara nga nenet 248 dhe 248të Kodit Penal.
  7. Florion Mima, ish Zv. Ministër i METE, për veprën penale “Shpërdorimi i detyrës”;
  8. Enno Bozdo, ish Zv. Ministër i METE, për veprën penale “Shpërdorimi i detyrës”;
  9. Ledina Mandia, ish Avokate e Shtetit, për veprën penale “Shpërdorimi i detyrës”.
  10. Shkëlzen Sali Berisha, për veprat penale “Refuzimi për të dëshmuar” dhe “Ushtrimi i ndikimit të paligjshëm ndaj personave që ushtrojnë funksione publike”, të parashikuara nga nenet 245/1 dhe 307 të Kodit Penal;
  11. Bujar Nepravishta, Ish-Kryetari i Entit Rregullator të Energjisë, për veprën penale “Shpërdorimi i detyrës”;
  12. Sokol Ramadani, Ish-Kryetari i Entit Rregullator të Energjisë, për veprën penale “Shpërdorimi i detyrës”.

 

emiljano-shullazi-1280x683.jpg
R D14:03 | 21/01/2020

Gjykata e Posaçme e Apelit rrëzon kërkesën e grupit ‘Shullazi’ për tu hetuar në liri. Emiljano Shullazi dhe grupi i tij kërkuan një ditë më parë rivlerësimin e masës së sigurisë për shkak se ka ndryshuar statusi i Gjykatës, nga Krimet e Rënda në Gjykatë të Posacme.

Në seancën e sotme gjyqësore, Këshilli i Lartë Gjyqësor, depozitoi një shkresë ku legjitimon gjyqtarët Artur Kalaja, Etleva Temo dhe Albana Boksi për shqyrtuar kërkesat e veçanta të të drejtave të njeriut, bërë nga Emiljano Shullazit dhe 4 të pandehurit e tjerë.

Një ditë më parë, përmes avokatëve mbrojtës Emiljano Shullazi paraqiti kërkesën për rivlerësim të masës së sigurisë, me argumentin se Gjykata e Posaçme duhet t’i konfirmonte masat në momentin që ndryshoi statusin brenda një afati 10 ditor. Vendimi i sotëm i gjykatës ishte qendrimi në “arrest me burg” për Shullazin dhe 4 të tjerët.

Gjithsesi procesi mbetet i bllokuar pasi vetëm Albana Boksi është gjyqtare e Posaçme, ndërsa dy të tjeret vijnë nga Apelet e rretheve. Ndërkohe ligji parashikon që proceset në Gjykatën e Posacme të Apelit zhvillohen nga gjyqtaret që jane pjesë kësaj strukture.

/abcnews.al

vlcsnap-error560-1280x720.jpg
R D15:13 | 16/01/2020

Pas anëtarit të bandës së Durrës, Endrit Dokle është liruar nga burgu një tjetër person i rrezikshëm.

Abc News ka mësuar se bëhet fjalë për snajperistin Ergys Kolaverin, i dënuar me 20 vite burg për tentativë vrasje.

Ergys Kolaveri qëlloi me snajper drejt burgut të Vaqarrit. Më 30 korrik 2016, Kolaveri organizoi një atentat për të vrarë Gazmir Dacin, i cili ndohej në burgun e Vaqarrit, por aksidentalisht mbeti i plagosur një kosovar.

Burimet thanë se ai u lirua me vendim të Gjykatës së Apelit Tiranë, e cila  vendosi masën e sigurisë “arrest në shtëpi” për Ergys Kolaverin.

/abcnews.al

dokle-2.jpg
So Nila10:01 | 16/01/2020

Në një lidhje direkte me emisionin ABC-ja e mëngjesit me gazetarin Enkel Demin, gazetarja Glidona Daci ka dhënë detaje në lidhje me kërkesën e prokurorisë për ankimimin e vendimit të lirimit të Endrit Dokles.

Prokuroria ka kërkuar përjashtimin e gjyqtares së çështjes së Endrit Dokles, anëtar i “Bandës së Durrësit”, i cili ishte akuzuar së bashku me 16 persona të tjerë, si pjesë e bandës famëkeqe te Durresit ka sjellë përplasjen mes Prokurorisë së Krujës dhe Gjykatës.

Gazetaja e abcnews.al thekson se prokuroria në ankimimin e saj e cilëson shkelje vendimin e dhënë nga gjyqtarja Enkelejda Hoxha dhe në fund kërkon që të anulohet vendimi për Endrit Doklen dhe ai të vijojë dënimin e tij.

Ndërkohë një ditë më parë Prokuroria prane Gjykates se Shkalles se Pare Kruje, ka bërë publike per median shkaqet e ankimit te cilin e ka dorezuar në Gjykatë;

Pjese nga deklarata:

Në interpretim të dispozitave dhe duke patur në vëmendje Vendimin Unifikues të Kolegjeve të Bashkuara të Gjykatës së Lartë ndaj një të dënuari mund të aplikohet si dënim alternativ lirimi me kusht nëse plotësohen këto kushte:

Së pari, ekzistenca e arsyeve të veçanta apo sjelljes shëmbullore. Në nenin 64 po dhe në interpretim qëllimor dhe sistematik të nenit 65 të kodit penal ( së bashku lidhen me të njëtin institut) nuk janë përcaktuar rastet që konsiderohen si “arsye të veçanta” por referuar qëndrimit të Kolegjeve të Bashkuara të Gjykatës së Lartë “arsyet e veçanta” nuk janë të pavarura, ato janë të lidhura ngushtë me qëllimin e institutit të lirimit me kusht i cili ka të bëjë me riedukimin dhe riintegrimin në shoqëri të të dënuarit. Arsyet e veçanta nuk janë gjë tjetër veçse rrethana konkrete, të cilat provojnë se me dënimin e vuajtur është arritur qëllimi për edukimin dhe i dënuari është i gatshëm të riintegrohet në shoqëri. Ato janë fakte të cilat provojnë se me pjesën e dënimit të vuajtur është arritur qëllimi i dënimit penal në rastin konkret për edukimin e të dënuarit dhe ai është i gatshëm të riintegrohet në shoqëri.

Në rastin konkret nuk ka fakte që qëllimi i dënimit penal është realizuar me riedukimin e tij .

  1. a) Së pari kërkuesi është dënuar për vrasje me paramendim dhe krime të tjera të rënda.
  2. b) Së dyti, i dënuari e ka kryer në bashkëpunim si dhe ka qënë pjesë e formacione të bashkëpunimit të vecantë si “grup i strukutuar krimiminal”
  3. c) Së treti, lidhur me qëndrimin që ai ka pasur ndaj veprës në përfundim të gjykimit ka kërkuar pafajësi. Pra, nuk e ka pranuar veprën.

Sa më sipër, duke pasur parasysh rrezikshmërinë e veprës penale të cilën ka konsumuar i dënuari fakti që vepër të rëndë kundër jetës të cilën ai është dënuar, faktin që ajo e ka kryer veprat me dashje direkte dhe në bashkëpunim si dhe faktin që ka mbajtur qëndrim mohues për veprën, nuk krijon bindjen e brendshme se kërkuesi ja ka arritur qëllimin e dënimi për të liruar para kohe.

Së dyti, nëse me sjelljen dhe punën e tij tregon se me dënimin i është arritur qëllimit për edukimin e tij. Sjellja e të dënuarit vlerësohet për tërë kohën e dënimit të vuajtur dhe Gjykata mban parasysh respektimin e rregullores brenda institucionit, ekzistencën ose jo të masave disiplinore, marrëdhëniet e krijuara me bashkëvuajtësit e personelin e institucionit, qëndrimin e të dënuarit ndaj veprës penale, angazhimin e tij në aktivitetet sportive, kulturore, fetare, pjesëmarrjen në këshillimet individuale apo në grup, ndjekja e kurseve arsimore e profesionale me qëllim rritjen e nivelit arsimor, profesional e kulturor, marrja e lejeve shpërblyese etj. Provat në të cilat bazohet Gjykata për të konkluduar nëse me sjelljen e qëndrimin e tij është arritur qëllimi i edukimit janë aktet që gjenden në dosjet e të dënuarit dhe regjistrat përkatës që mbahen në çdo I.E.V.P në respekim të VKM-së nr.303, datë 25.03.2009 “Për miratimin e rregullores së përgjithshme të burgjeve”.

Fakti që kërkuesi nuk shprehet për pëndëse e bën dhe raportet e shërbimit të provës dhe IEVP, në lidhje elementin e riedukimit të të dënuarit Endrit Dokle, të pa plota për të vlërësuar qëllimin e riedukimit të tij.  Gjithashtu nuk shpjegohet se ku bazohet ky qëndrim kur sipas avokatit të kërkuesit në seance deklarohet se ky shtetas vuan nga semundje depresive, si dhe gjatë intervistave në IEVP  i dënuari nuk pranon përgjegjësinë kryesore për disa vepra për të cilat është dënuar ( lexo faqe  8 të Raportit të shërbimit të Provës ).

Ajo që duhet të vlerësohej dhe të analizohej nga instiucionet e mësipërme dhe prej gjykatës është dhe fakti se kërkuesi është dënuar pra është përsëritës dhe me vendimin  nr.29 dt 15.04.2013 Gjykata e Apelit për Krime të Rënda ,e cila ka deklaruar fajtor për veprën penale “Grup i strukturuar kriminal “parashikuar nga neni 333/a/1 i Kodit Penal dhe trafikimi i narkotikëve në kuadër të grup i strukturuar kriminal parashikuar nga neni 283/a/2 dhe 334/1 i Kodit Penal duke e dënuar me 16 vite burgim.

Së treti: në rastin e të dënuarit me burgim të përjetshëm ligjvënësi ka sanksionuar se si rregull lirimi i tyre me kusht nuk lejohet, përjashtimisht lirimi i tyre lejohet nëse lotësohen disa kondita të tjera të cilat sipas nenit 65 të kodit penal janë :  të ketë vuajtur jo më pak se 35 vite burgim; – gjatë vuajtjes së dënimit ka mbajtur sjellje shembullore; çmohet se i është arritur qëllimit të dënimit për edukimin e tij. Në çdo rast lirimi i një të dënuari me burgim të përjetshëm konsiderohet si i jashtzakonshëm. Në vijim, nëse i dënuari është duke vuajtur dënimin për ndonjë nga veprat penale të parashikuara në nenet 78/a, 79/a, 79/b, 79/c dhe paragrafi i tretë i nenit 100 dhe rezulton të jetë dënuar me burgim të përjetshëm, lirimi i tij nuk lejohet pavarësisht se ai plotëson të gjitha konditat e tjera ligjore siç janë koha e vuajtjes së dënimit, sjellja e tij apo fakti se është arritur qëllimi i edukimit të tij.

Në çështjen objekt gjykimi rezultoi se kërkuesi nuk plotësonte kushtet e përmendura më lart çka nënkupton se :nuk provohet ekzistenca e arsyeve të veçanta apo sjelljes shëmbullore, nuk ka vuajtur as 25 vite sipas ligjit para ndryshimeve dhe as 35 vite sipas ligjit në fuqi nga dënimi i dhënë. Në rastin konkret duhen hequr kohën e përfituar me amnisti rreht 5 vite, kështu  kërkuesi konsiderohet se ka vuajtur për efekt të nenit 64 dhe 65 të K.Penal rreth 20 vite pra nuk ka plotësuar kohën e vuajtjes së dënimit.

Gjatë këtij gjykimi është administruar raporti i vlerësimit nga ana e Shërbimit të Provës me nr. 621/2 datë 02.12.2019 sipas të cilës qëndrimi i këtij institucioni është për sa më poshtë vijon: “Shërbimi i Provës, në cilësinë e institucionit misioni i të cilit, bazuar në ligjin procedurial dhe kriteret e ligjore , është në mbështetje të çdo kërkese për aplikim të dënimeve alternative dhe mbikqyrja, mbështetja, asistimi i të dënuarve gjatë procesit të rehabilitimit dhe risocializimit. Në fund të realizimit të këtij qëllimi, Shërbimi i provës , nqa Gjykata do ta gjykonte të arsyeshme pranimin e kërkesës së të dënuarit Endrit Dokle, është dakort dhe do ta mbështeste këtë vendim dhe në përmbushje të detyrave funksionale do ta ndihmonte dhe asistonte të dënuarin gjatë procesit të rehabilitimit të tij, pranë familjes”

Sipas avokatit të të dënuarit deklaron se ai vuan nga sëmundje depresive për të cilën gjykata duhet të kishte caktuar ekspert mjekoligjor mbi këtë fakt. Nisur nga qëndrimi i mjekut gjykata duhet të vlerësojë të lejojë që dënimi me burgim të ekzekutohet jo në një I.E.V.P apo në një qendër të kujdesit dhe shëndetit publik nëse provohej sëmundja mendore, për të cilën pa u hetuar ky shkak krijon premisa jo të sakta mbi rrezikshmërinë e kërkuesit. Është Gjykata më pas në kuadër të çmuarjes së provës pa i dhënë asnjë provë vlerë të paracaktuar të analizojë në tërësi dhe të vendosë mbi kërkesën e palës.

Së katërti : Në lidhje me kohën e vendosjes në shërbim në provë gjykata ka vendosur vendosjen në periudhë provë për një periudhë  prej 5( pesë)  vjetësh, që është në kundërshtim me Vendimin Unifikues sipas të cilit orienton gjykatata me efekt të detyrueshëm për zbatim : “Në mungesë të një rregullimi të saktë ligjor, koha e provës do të jetë e barabartë me kohën e mbetur të masës së dënimit me burgim, për të dënuarin që lirohet me kusht.” Pra gjykata ka gabuar në zbatimin për analogji të  kohës e caktuar duke referuar parashikimet tek neni 59 i Kodit Penal dhe ka caktuar në mënyrë jopropocionale dhe ligjore kohën e shërbimit në provë vetëm për 5 vite.

Për këto arsye, organi i akuzës çmon se kërkesa është e pabazuar ligjerisht në bazë të nenit 64 dhe 65 te Kodit Penal, ndaj edhe duhej të rrëzohej nga gjykata  dhe rrjedhimisht vendimi gjyqësor për pranimin e kërkesës së të dënuarit  është i pabazuar në ligj dhe prova dhe duhet të ndryshohet

Përfundimisht është kërkuar: Ndryshimi i vendimit nr.6/123 Akti. datë 14.01.2020 të Gjykatës së Rrethit Gjyqësor Krujë. Rrëzimi i kërkesës së të dënuarit Endrit Dokle për “Lirimin me kusht ” si të pa bazuar në ligj dhe në prova./abcnews.al

 

a60331b9-ff5a-4794-a54a-3f9ac85fb042.jpg
R D18:41 | 14/01/2020

Sot ka lënë qelinë e burgut të Fushë-Krujës anëtari i bandës së Durrësit, Endrit Dokle,i dënuar me burgim të përjetshëm.

Gjyqtarja e Krujës Enkelejda Hoxha ka vendosur që ta lirojë me kusht Doklen, duke pranuar kërkesën e avokatëve të tij. Gjykata e ka liruar me argumentin se ka krye ¾ e dënimit, ka sjellje të mirë në burg dhe për shka se ka kontratë pune.

Abc News ka zbardhur kontratën e punës të lidhur më 26 tetor 2019 mes kompanisë “Mateo Konstruksion” dhe të dënuarit Endrit Dokle që vuante dënimin në burgun e Fushe-Krujës. Kontrata mban firmën e administratorit të “Mateo konstruksion” Agim Cako.

Endri Dokle i datelindjes 31.02.1983 lindur ne Kukes dhe banues ne Tiranë e ka lidhur këtë kontratë ndërsa ishte ende në burg.

Une administratori i shoqerisë, Agim Cako deklaroj se pas vuajtjes se denimit prej shtetasit Endrit Dokle do ta punesoj prane shoqerise “Mateo construction shpk” me detyrë punëtor ndërtimi.

Kontrata është për 1 vit dhe paga 350 mijë lek në muaj”, thuhet në dokumentin e siguruar nga abcnews.al

Lexo edhe: Lirohet Endrit Dokle ish-anëtari i bandës së Durrësit

200109104929-04-harry-meghan-exlarge-169.jpg
R D21:13 | 13/01/2020

Mbretëresha e Britanisë së Madhe, Elizabeth II pajtohet me kërkesën e Princit Harry dhe gruas së tij, Meghan Markle, për të jetuar të pavarur financiarisht dhe për të ndarë kohën mes Kanadasë dhe Britanisë së Madhe. Në një deklaratë për mediat, Mbretëresha tha se e mbështet çiftin në këtë “periudhë tranzicioni”.

Sipas “BBC” ajo është shprehur se është plotësisht në mbështetje të çiftit, edhe pse  do të preferonte që ata të ushtronin rolet e tyre me kohë të plotë në Mbretëri.

Gjatë kësaj javë familjarët kanë zhvilluar bisedime të gjata me Harry-n, teksa Meghan dhe djali i saj ndodhen në Kanada.

Në një deklaratë për mediat, Mbretëresha tha se bisedimet kanë qenë shumë konstruktive.

“Megjithëse do të preferonim që ata të mbeten anëtarë të Familjes Mbretërore, ne e respektojmë dhe e kuptojmë dëshirën e tyre për të jetuar një jetë më të pavarur si një familje, ndërsa mbeten pjesë e vlerësuar e familjes time”.

Historiani Robert Lacey, duke komentuar ngjarjen në BBC, tha se “deklarata e Mbrëtëreshës është jashtëzakonisht personale, me disa referenca “familja ime” dhe “nipi im”. Në vend të përdorimit të titujve zyrtarë të çiftit – Duka dhe Dukesha e Sussex – Mbretëresha thjesht i quajti ata “Harry and Meghan”. /abcnews.al

1da94eb7-e185-4c32-86b5-18daaeb5ef25-1280x720.jpg
R D18:48 | 02/01/2020

41-vjeçari turk Harun Çelik, i dëbuar të mërkurën nga autoritetet shqiptare drejt Turqisë me “Air Albania” është dënuar nga Gjykata e Tiranës me 13 muaj burg për falsifikim vize me qëllimin kalimin nga Shqipëria drejt Kanadasë. Vendimi është marrë nga Gjykata e Tiranës më datën 19 dhjetor 2019, vetëm pak ditë para lirimit të tij nga qelia.

Vetëm pak ditë para lirimit nga qelia, 41-vjeçari turk Harun Çelik, i dëbuar të mërkurën nga autoritetet shqiptare drejt Turqisë është dënuar nga Gjykata e Tiranës me 13 muaj burg për falsifikim vize me qëllimin kalimin nga Shqipëria drejt Kanadasë. Abc News zbardh vendimin e Gjykatës së Tiranës për dënimin e Çelik, i cili u arrestua në datën 8 korrik 2019 nga autoritetet policore shqiptare në Aeroportin e Rinasit.

Pas arrestimit ai është mbajtur në paraburgim, ndërsa vijonin hetimet dhe gjykimi i çështjes u bë me procedurë të shkurtuar. Më 19 dhjetor 2019, Gjykata e Tiranës e ka shpallur atë fajtor për veprën e “falsifikimit të letërnjoftimeve, pasaportave ose i vizave” duke e dënuar me 13 muaj burg. Si pasojë e aplikimit të gjykimit të shkurtuar, dënimi i tij është ulur me 1/3, duke arritur në 8 muaj e 20 ditë.

Debimi i mësuesit turk Harun Çelik, baba i 4 fëmijëve, është pasqyruar gjerësisht në disa portale turke, të cilat kanë publikuar edhe pamje nga momenti i dërgimit të tij në aeroportin e Rinasit, për t’u nisur më pas drejt Turqisë. Ndërkohë, mësohet se 41-vjecari e ka refuzur me forcë deportimin drejt Turqisë, ku ka deklaruar se ndihej i kërcënuar.

Mediat turke thonë se 41-vjecari është sjellë në Turqi pas një operacioni të shërbimeve sekrete turke të kryer në Shqipëri. Mediat turke, shkruajne se Çelik është dërguar direkt për në Turqi pas lirimit nga burgu dhe nuk i janë marrë parasysh as kërkesat që ka bërë për mbrojtje.

Presidenti turk Rexhep Taip Erdogan u ka kërkuar disa shteteve që të dërgojnë në Turqi për përndjekje penale çdo person të lidhur me lëvizjen globale Gulen, të cilën ai e akuzon si organizatore të grushtit të dështuar të shtetit të vitit 2016.

Në shkurt 2015, Kosova dëboi 5 shtetas të kërkuar nga Turqia duke shkaktuar zemërim ndërkombëtar dhe kritika të ashpra nga BE dhe SHBA për shkelje të procesit të rregullt ligjor dhe dhunim të të drejtave themelore të njeriut. Kryeministri Ramush Haradinaj shkarkoi për këtë vendim kreun e Shërbimeve Sekrete të vendit si dhe ministrin e Brendshëm duke pretenduar se nuk kishte pasur dijeni për dëbimin. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono