vendim

rama-dhe-ahmetaj.jpg
R D12:55 | 13/12/2019

Kryeministri Edi Rama përmes një postimi në rrjetet sociale thotë se ka vendosur krijimin e një ministrie të re pas termetit. Ajo do të quhet ministria e Shtetit për Rindërtim dhe do drejtohet nga Arben Ahmetaj.

Vendimi i ka shkuar Presidentit Meta për dekretim.

“Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programit”, shkruan Rama në twitter.

mbledhje.png
ger ta18:03 | 11/12/2019

Qeveria ka miratuar memorandum mirëkuptimi me Shteteve të Bashkuara të Amerikës, për sigurinë 4G dhe 5G.

Ambasada amerikane në mënyrë të vazhdueshme e ka shprehur shqetësimim që të mos lidhet marrëveshje me kompani kineze nga ana e operatorëve shqiptarë.

Në një deklaratë selia diplomatike amerikane theksonte se “siguria nuk mund të kompromentohet apo të shitet”

Reagimi i ambasadës më herët pë shtrirjen e rrjetit 5G: 

Kur flitet për infrastrukturën 5G dhe atë kibernetike kritike në Shtetet e Bashkuara dhe në vende aleate të NATO-s siç është Shqipëria, ne nuk mund të jemi më të qartë: siguria nuk mund të kompromentohet apo të shitet. Është jetike të merret në shqyrtim nëse furnizuesit i nënshtrohet kontrollit nga një qeveri e huaj pa një shqyrtim gjyqësor të pavarur, nëse respektohen të drejtat e pronësisë intelektuale, dhe çfarë të kaluare kanë palët shitëse në lidhje me respektimin e shtetit të së drejtës. Në këtë këndvështrim, Shtetet e Bashkuara, Shqipëria dhe aleatët e NATO-s duhet të largohen nga ofrues dhe rrjete furnizmi jo të besueshme të teknologjisë së informacionit dhe komunikimit në ato të besueshme… Liria nuk vjen falas dhe liria nuk është në shitje”, është shprehur Leyla Moses-Ones gjatë një mëngjesi pune mbi sfidat në siguri, mbajtur në nder të Gjeneralit James Jones, Këshilltari i 22-të për Sigurinë Kombëtare të Shteteve të Bashkuara, ish Komandant i Forcave Supreme të Aleatëve të NATO-s, dhe Komandanti i 32-të i Korpusit të Marinsave të Shteteve të Bashkuara.

V E N D I M

PËR

MIRATIMIN, NË PARIM, TË MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË SHTETEVE TË BASHKUARA TË AMERIKËS, PËR SIGURINË 4G DHE 5G

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave

V E N D O S  I:

Miratimin, në parim, të memorandumit të mirëkuptimit, ndërmjet Këshillit të Ministrave të Republikës së Shqipërisë dhe qeverisë së Shteteve të Bashkuara të Amerikës, për sigurinë 4G dhe 5G, sipas tekstit që i bashkëlidhet këtij vendimi.

Ky vendim hyn në fuqi menjëherë”.

/abcnews.al

 

salianji.png
R D14:46 | 10/12/2019

Ish-deputeti demokrat, Ervin Salianji duke dalë nga Gjykata e Tiranës, pasi u dha pretenca e prokurorisë, tha se “nuk i druhem fare sepse është një gjyq tërësisht politik”. Më tej ish-deputeti demokrat, u shpreh se nuk i druhet askujt, dhe se në këtë rast Prokuroria është bërë pjesë e llumit.

“Nuk pati asnjë provë asnjë fakt të ri, pati një devijim çështjes nga trafik ndërkombëtar droge të vëllait të ish-ministrit, Xhafaj drejt një gjasme pretence ku prokuroria në këtë rast bëhet pjesë me llumin. Pa dyshim asnjë intrigë, pabesi, tradhëti nuk ia del ta mposhtë të drejtën dhe të vertetën. E sigurt është se sot shqiptarët shohin një person të dënuar me 7 vite e 4 muaj burg që po kryen dënimin. Ai është vëllai i ministrit të larguar nga detyra, Fatmir Xhafaj. Dhe padyshim një prokurori të deskretituar që lexoi fiks atë që tha kryeministri ditën që doli audio-përgjimi dhe gjithë ato që ka thënë avokati i Xhafajt”, u shpreh ai.

Lexo edhe: “Babale”/Prokuroria: Dënimi për Ervin Salianjin konvertohet në shërbim prove


/abcnews.al

 

kpk.jpg
R D09:30 | 10/12/2019

Komisioni i Pavarur i Kualifikimit dha mëngjesin e sotëm vendimin për gjyqatrin Klodian Kurushi. KPK vendosi të konfirmojë në detyrë gjyqtarin e Krimeve të Rënda, Kurushi. Disa minuta më pas mori lajmin e mirë dhe prokurori Xholi. Prokurori i Apelit të Tiranës, Genti Xholi kaloi me sukses vettingun duke u konfirmuar në detyrë.

***

Klodian Kurushi ka përfunduar Shkollën e Magjistraturës në vitin 2001 dhe e ka nisur karrierën në drejtësi nga Gjykata e Sarandës. Në nëntor 2005, Kurushi është emëruar gjyqtar i Gjykatës së Krimeve të Rënda, detyrë të cilën vazhdon ta kryejë edhe pas 14 vitesh. Ai është gjithashtu  pedagog në Fakultetin e Drejtësisë si dhe ekspert dhe trajnues në Shkollën e Magjistraturës.

Kurushi u vlerësua pozitivisht për figurën dhe profesionalizimin; ndërkohë, Komisioni identifikoi dy gjetje lidhur me veprime të mundshme fiktive në përfitimin e një kredie të butë për të cilat ai dha shpjegime duke mos i konsideruar si të tilla.

Këto gjetje janë identifikuar gjatë verifikimit të një apartamenti në pronësi të Kurushit me sipërfaqe 79.8 m2 në Tiranë, të blerë në vitin 2013 me vlerë totale 6.3 milionë lekë.

Si burim krijimi për këtë pasuri, Kurushi ka deklaruar një kredi me kushte lehtësuese 5 milionë lekë dhe të ardhura nga puna. Nga kredia ka rezultuar të mos jenë shlyer ende 2.5 milionë lekë. Në kontratën e porosisë, është konstatuar se sipërfaqja ka qenë 83.8 m2. Sipas relatores Zhegu, gjyqtari Kurushi ka shpjeguar se diferenca ishte sipërfaqja e përbashkët e zbritur nga kontrata e porosisë. Ndërkohë që për këstin e parë 5 milionë lekë dhe të fundit 1300 euro nuk janë identifikuar problematika, për pagesën e këstit të dytë në shumën 500 mijë lekë.

***

Genti Xholi e ka filluar karrierën në sistemin e drejtësisë në vitin 2000, si prokuror në Prokurorinë e Tiranës, institucion të cilin e ka drejtuar për një periudhë kohe. Në vitin 2010, ai është emëruar prokuror në Prokurorinë e Apelit Tiranë, detyrë të cilën vazhdon ta kryejë edhe pas 9 vitesh.

Sipas relatores Firdes Shuli, prokurori Xholi ka pasqyruar në deklaratën veting një akt noterial për trashëgiminë e përfituar nga gjyshi i ndjerë, truall me sipërfaqe 303 m2 dhe të një shtëpie. Sipas Komisionit, kjo pronë i përkiste gjyshit të prokurorit Xholi dhe është konkluduar se deklarimet e tij përputhen me dokumentacionet e verifikuara. Shuli tha se nuk rezulton që lidhur me këtë pronë të ketë konflikte për shkak të trashëgimisë.

Komisioni identifikon paqartësi për likuidimin e vlerës së një apartamenti me sipërfaqe 146.3 m2 të blerë për vlerën 4 milionë lekë në vitin 2010 në Pogradec. Sipas relatores Shuli, subjekti ka shpjeguar se 3 milionë i ka paguar kur ka lidhur kontratën, kurse 1 milion 15 ditë më vonë kur bashkëshortja ka marrë një kredi. Në fjalën e tij, prokurori Xholi sqaroi se kishte një diferencë kohore 15 ditë për një pjesë të vlerës, pasi shuma 3 milionë ishte depozituar në fillim. Ai pohoi se bashkëshortja punonte në Raiffeisen Bank dhe për këtë arsye e përfitonte kredinë për një kohë të shkurtër dhe pa kolateral.

/Abcnews.al

 

familja-lala.png
R D18:08 | 05/12/2019

Qeveria i trajton njësoj familjet e viktimave të tërmetit të 26 nentorit, pavarësisht numrit të familjarëve të humbur. Në Fletoren Zyrtare është zbardhur vendimi për t’u akorduar financiarisht 1 milion lekë familjeve me pasoja në jetë njerëzish.

Më 30 nëntor qeveria ka vendosur t’i akordojë ndihmë financiare në shumën e 1 milionë lekëve familjeve të 51 viktimave të termetit të 26 nentorit.

Por, Abc News veren se ky vendim i trajton njësoj si familjet që kanë humbur një anëtar dhe ato që kanë patur më shumë viktima.

Ndihma financiare do të jetë e njëjte si për të afermit e familjes Reçi me katër viktima, ashtu dhe për familjen Qato që ka humbur një anetar te saj.

Një milion lekë do levorohen dhe për familjen Cara nga Thumana me 6 jetë te humbura, por dhe per Diena Karanxhen me te bijen si dhe te e emen Roza Mecaj që gjeten vdekjen nga termeti që goditi Durresin.

Vendimi qe ë trajton njesoj familjet e 51 viktimave pavaresisht anetareve te humbur u mor kater dite pas fatkeqesise natyrore.

Tashmë që ka kaluar më shume se se një jave prej ngjarjes e situata është qartësuar, mos ka ardhur koha për ta riparë atë?

Më poshtë familjet që patën numrim më të madh të viktimave:

1. Familja Lala nga Durrësi: Sahadete Lala, Ilir Lala, 52 vjeç i paralizuar prej vitesh, Marjeta Lala, nëna e gjashtë fëmijëve, Griselda Lala motra e Ramë Lalës, Amelia Lala 9 vjeçe, Emilio Lala 6 vjeç, Dionis dhe Dionisa 2-vjeçare.

2. Familja Cara nga Thumana: Fatmira Cara 53 vjeç, Hasan Cara 18 vjeç, Anthi Cara 72 vjeç, Almir Cara 29 vjeç, Stela Zvergeci 21 vjeç (e fejuara e Almir Cares) dhe Erisa Cara, 28 vjeçe.

3.Familja Reçi nga Durrësi: Eduard Reci 54 vjeç, Dolora Reci 49, Kristi Reci 25 vjeç, Klaus Reci 21-vjeçar.

4. Familja Çupi nga Thumana: Klement Çupi, 37 vjec Hajredin Cupi 66 vjeç dhe e ëma Lutfie Çupi.

5. Familja Greku nga Thumana: Saimir Greku, 31 vjeç dhe prindërit e tij Pëllumb Greku 57 Vjeç, dhe Çelike Greku

6. Familja Cakoni nga Thumana: Drita Cakoni 15 vjeç dhe i ati Kastriot Cakoni 58 vjeç.

/abcnews.al

 

balili-pretenca.mp4_snapshot_00.09-1280x720.jpg
Autor E14:13 | 17/10/2019

Gjykata e Apelit ka dhënë sëfundmi vendimin për Klement Balilin. Pak minuta më parë trupa gjykuese e Gjykatës së Apelit të Krimeve të Rënda kanë lënë në fuqi vendimin e shkallës së parë, sipas të cilit Balili do të bëjë dhjetë vite burg.

Vendimi ishte për 14 vite, por Balili ka përfituar ulje të 1/3 të dënimit për shkak të pranimit të gjykimit të shkurtuar.

Gjykata e Krimeve të Rënda dënoi me 10 vite burg Klement Balilin në maj të këtij viti. Ai u shpall fajtor për 4 akuza, por mbrojtja paralajmëroi ankimimin e vendimit në Apel. Ndërkohë që gjyqtarja Flora Hajradini po lexonte vendimin Klement Balili ishte i qetë brenda kafazit. Ai nuk reagoi dhe dënimin e priti pa iu dridhur sytë e me duar të lidhura pas shpine, por kur u largua ktheu shikimin nga familjarët e tij për t’i përshëndetur.

Avokati i të ashtuquajturit “Eskobari i Ballkanit”, Theodhori Sollaku gjatë mbrojtjes së bërë për klientin e tij deklaroi disa herë se asnjë prej 4 akuzave të Prokurorisë nuk qëndronte.

Avokati pretendoi se organi i akuzës i ka të pambështetura në prova akuzat kundrejt Kelment Balilit. Sollaku gjatë mbrojtjes u shpreh se organi i akuzës nuk ka bërë ekspertizën e zërit për të faktuar nëse është më të vërtetë Klement Balili, ai që flet me grupin kriminal grek për trafikimin nga Shqipëria drejt ishullit grek Xakinthos të një sasie prej 680 kilogramësh kanabis.

Por Gjykata e Krimeve të Rënda pasi u tërhoq për të marrë vendimin përfundimtar, vendosi që ta shpallë fajtor për të 4 akuzat. Për akuzën trafikim i lëndëve narkotike gjykata dha dënimin 14 vite burg, për pjesëmarrje në grup kriminal 2.6 vite burg. Për akuzën e pastrimit të parave u dënua me 5 vite burg dhe për deklarim të rremë, mosdeklarim dhe fshehje pasurie, dënimi ishte 6 muaj burg.

Në përfundim, në bashkim të të gjithë dënimeve, togat e zeza e dënuan me 15 vite burg, por në aplikim të gjykimit të shkurtuar dënimi i tij bëhet 10 vite burg. Ndërkohë Prokuroria kishte kërkuar për Balilin 18 vite burg.

Në seancën e së martës, Klement Balili nuk foli asnjë fjalë. Në sallë ishin të pranishëm edhe familjarët e tij, që e pritën më qetësi dhënin e vendimit.

Vendimi i ankimua nga avokati Sollaku. Vendimi i sotëm i Apelit të Krimeve të Rënda vjen pas ankimimit të Sollakut. /abcnews

finlanda.jpg
ad min23:05 | 15/10/2019

Ministrat e Jashtëm të vendeve të BE-së nuk arritën të gjejnë një qëndrim unanim lidhur me hapjen e negociatave të anëtarësimit me Shqipërinë dhe Maqedoninë e Veriut. Në një konferencë shtypi në përfundim të takimit, ministrja finlandeze për Europën dhe komisioneri Johanes Hahn ia kaluan përgjegjësinë e vendimit Këshillit Europian.

Ndonëse nuk e konsiderojnë Ballkanin Perëndimor një “oborr” të kontinentit të vjetër, ministrat e Jashtëm të vendeve të BE-së nuk kanë arritur të bien dakord mbi hapjen e negociatave të anëtarësimit me Shqipërinë dhe Maqedoninë e Veriut. Në përfundim të takimit të shumëpritur të së martës, ku çështja e zgjerimit ishte pjesë e rëndësishme e agjendës së bisedimeve, ministrja e finlandeze për Europën, Titi Tupurainen dhe komisioneri në ikje për Zgjerimin Johanes Hahn munudën vetëm të konfirmonin përgjegjësinë që kanë kundrejt rajonit dhe kalimin e topit në fushën e Këshillit Europian.

Tytti Tuppurainen, ministre për Europën e Finlandës: Për fat të keq sot Këshilli nuk ishte në gjendje të merrte një vendim unanim. Më vjen keq për këtë. Sidoqoftë, bisedimet ishin të dobishme për të kuptuar qëndrimet e vendeve anëtare. Dhe mesa kuptova unë, presidenti i KE-së, zoti Tusk, synon ta fusë këtë çështje në debatin e samitit të ardhshëm të Këshillit.

Duke qëndruar në të njëjtat linja, komisioneri Hahn vuri megjithatë në dukje se shumica e vendeve anëtare janë pro hapjes së negociatave, me përjashtim të tre skeptikeve, të cilave nuk ua përmendi emrat.

Johannes Hahn, komisioner i BE për Zgjerimin: Shumica e vendeve kanë mbështetur rekomandimet e Komisionit, jo për herë të parë, por për herë të dytë brenda 16 muajsh. Kjo nuk është risi, por jemi këtu ku jemi dhe mua më vjen keq që ky nuk është momenti më i mirë për BE-në.

Hahn theksoi se drita jeshile tani nuk do të thotë hapje negociatash menjëherë, pasi hapja e dy kapitujve të parë, 23 e 24 do bëhet në gjysmën e parë të vitit të ardhshëm. Megjithatë, si Hahn edhe ministrja Tupurainen shprehën besimin se në samitin e krerëve të shteteve anëtare më vonë gjatë javës do të merret vendimi i duhur politik për të rivendosur besimin e Ballkanit tek BE-ja./abcnews.al

klajda-gjosha.jpg
ad min20:44 | 17/09/2019

Politika shqiptare është me sytë drejt 18 Tetorit, ditë kur vendet anëtare të BE-së do të shprehen pro ose kundër çeljes së negociatave për anëtarësim me Shqipërinë.

Sipas Klajda Gjoshës situata në këtë momente është e vështirë të lexohet. Ajo u shpreh se nuk entuziazmohet nga retorika e lartë e qeverisë. Sipas ish-ministres së Integrimit, Bashkimi Europian po shkon drejt “PO-së”, por me kushte më 18 Tetor.

 “E përkthyer në shqip kjo do të thotë që ne vazhdojmë të qëndrojmë në statusin e vendit kandidat, deri në momentin që Shqipëria të përmbushë kushtet dhe kriteret e vendosura nga Këshilli. Duhet pritur Bundestagu shumë shpejt. Pozitive me kushte. Unë pres një “PO, por” dhe për mua kjo është një “JO” deri në momentin kur Shqipëria të përmbushë ato sërë kushtesh që do vendoset në përfundimin që do ndërmarrë vetë BE”, tha Gjosha, e cila ishte e ftuar këtë të martë në emisionin “Provokacija”.

Çelja e negociatave nuk është anëtarësim, vijoi më tej Gjosha, por një kapitull me shumë detyrime edhe më të vështira se sa ato që kemi sot.

“35 kapituj. Do të thotë që Shqipëria të vendoset njëherë e mirë në një kornizë ligjore nga e cila nuk mund të dalë më. Pra do të shkojë drejt përafrimit të legjislacionit dhe përafrimit të standardeve. E bën shumë herë më të vështirë punën e qeverisë, apo vendimet e qeverisë për t’u marrë thjesht nga një grup njerëzish”, tha Gjosha./abcnews.al

kqz-mandatet-1280x714.jpg
nev ila21:41 | 22/07/2019

Dhe në fakt Komisioni Qendror i Zgjedhjeve nuk ka marrë këtë pasdite asnjë vendim lidhur me shpërndarjen e mandateve të këshilltarëve Bashkiake të dalë nga votat e 30 qershorit. KQZ shqyrtoi projektvendimet për shpërndarjen e mandateve për këshilla bashkiakë në 6 qarqe, por nuk vendosi shpërndarjen e tyre.

Bëhet fjalë për mandatet e Këshillit të Bashkisë Berat, Shijak, Selenicë, Kurbin dhe Shkodër. 

Pritet që vendimin për këshilltarët e dalë nga zgjedhjet e 30 qershorit ta marrë Kolegji Zgjedhor./ABC News Albania 24/7

 

ardian-takaj.jpg
ad min20:56 | 12/07/2019

Presidenti i Skënderbeut Ardjan Takaj deklaroi pas vendimit të CAS se do t’i drejtohet Gjykatës Federale në Zvicër për të kërkuar drejtësi. Numri një i klubit korçar zbulon se do të vazhdojë të qëndrojë në krye të Skënderbeut.

Gjykata e Arbitrazhit Sportivë në Lozanë la në fuqi dënimin e UEFA me 10 vite pezullim dhe një gjobë prej 1 milionë euro për skuadrën e Skënderbeut. Një dënim mjaft i rëndë për korçarët të cilët kanë edhe një shans të fundit për të apeluar.

Ajo është Gjykata Federale në Zvicër. Klubi korçar do të kërkojë pafajësinë në Gjykatën Federale. Të paktën kështu shprehet presidenti i skuadrës së Skënderbeut Ardian Takaj për Panorama Sport. Takaj hedh poshtë mundësinë e largimit nga juglindorët dhe beson ende tek drejtësia.

“Jam i shokuar, jo vetëm unë si president, por studio ligjore dhe të gjithë ata që janë marrë me këtë çështje. Unë Skënderbeun nuk e braktis, do vazhdoj luftën. Do e çojmë çështjen në Gjykatën Federale të Zvicrës dhe aty do të marrim drejtësi. Kjo çështje ka kaluar të gjitha limitet, edhe avokatët që na përfaqësojnë e kanë tashmë personale, pasi janë befasuar nga vendimi i padrejtë”, ka deklaruar presidenti i Skënderbeut, Ardjan Takaj.

Takaj hedh poshtë mundësinë e shitjes së klubit dhe merr jetë varianti që mund të arrihet shumë lehtë. Akademia Skënderbeu i mjafton tre vite për t’u ngjitur në kategorinë superiore e më pas të projektohet skuadra drejt kompeticioneve europiane e natyrisht ku president do të jetë pikërisht Ardian Takaj.

Në planin e merkatos, Skënderbeu nuk ka financat e duhura për të nënshkruar me futbollistë të mëdhenj dhe fillimisht priten rinovimet e më pas disa transferime pa shumë kosto./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono