vendet

vendet-e-kuintit-1280x713.jpg
nev ila16:00 | 13/08/2019

Vendet e Kuintit, ku bëjnë pjesë Shtetet e Bashkuara, Britania, Franca, Gjermania dhe Italia i kanë bërë thirrje Kosovës dhe Serbisë që të rinisin procesin e dialogut.

Përmes një deklarate të përbashkët, vendet në fjalë kanë kërkuar nga Prishtina që të heqë taksën për produktet serbe dhe nga Beogradi që të ndalojë lobimin kundër pavarësisë së Kosovës.

Ambasadat e vendeve anëtare të QUINT-it i kanë bërë thirrje Kosovës dhe Serbisë të rinisin bisedimet. Ato kanë kërkuar nga të dy palët të shmangin veprime që do të pengonin një marrëveshje përfundimtare.

Aty shtohet se vendet janë gatshme të forcojnë rolin e tyre në këtë proces në përkrahje të Përfaqësuesit të Lartë të BE-së, por kjo mund të bëhet vetëm kur jepen shenja të gatishmërisë për kompromis.

“Për Kosovën, kjo nënkupton heqjen e taksave të vendosura ndaj Serbisë. Për Serbinë, kjo nënkupton ndërprerjen e fushatës për heqjen e njohjeve kundër Kosovës”, thuhet në deklaratën e përbashkët.

Kryeministri ne dorëheqje Ramush Haradinaj nëpërmjet një statusi në Facebook ka thënë se nënshtrimi për interesa personale dhe grupore, kompromiset dhe politikat e paqëndrueshme, që bien ndesh me interesat nacionale dhe shtetërore, sjellin pasoja tragjike për vendin dhe të ardhmen.

Pa praninë e mediave janë takuar sot në një nga restoranet e Prishtinës, kryetari i LDK-së Isa Mustafa dhe ai i Vetëvendosjes Albin Kurti. Në një status në Facebook, kreu i VV-së Albin Kurti ka shkruar se në takim është biseduar për seancën e 22 gushtit.

“Me 22 gusht dy grupet tona parlamentare do të jenë në përbërje të plotë për ta shpërndarë Kuvendin e për t’i hapur rrugë zgjedhjeve të reja demokratike. Konstatuam që tashmë shpresa po rikthehet te qytetarët” ka shkruar Kurti në Facebook. Edhe Partia Demokratike e Kosovës këmbëgul se mbajtja e zgjedhjeve të parakohshme është e pashmangshme.

Jemi në fazën e përgatitjeve, zgjedhjet janë të pashmangshme. Më 22 gusht do t’i hapet rrugë mbajtjes së zgjedhjeve”, tha Veseli.

Për datën 22 gusht është caktuar seancë për shpërbërjen e parlamentit pas dorëheqjes së Ramush Haradinajt nga posti i kryeministrit./ABC News Albania 24/7

bledi-cuci-1280x714.jpg
nev ila13:50 | 20/07/2019

Shqipëria sipas ministrit të Bujqësisë dhe Zhvillimit Rural Bledi Çuçi renditet ndër 20 vendet e para në botë për eksport të domates në volum. Kjo tha ministri Çuçi garanton cilësinë e produkteve tona.

Pikat e grumbullimit të prodhimeve bujqësore shqiptare këtë vit kanë zgjeruar hartën e tregjeve ku eksportojnë, në vendet e Bashkimit Evropian e më gjerë.

Aktualisht asnjë ngarkesë nuk është kthyer mbrapsh.

Këtë argument përdor ministri i Bujqësisë dhe Zhvillimit Rural Bledi Çuçi për të thënë se prodhimet tona janë cilësore.

“Ka një prodhim të jashtëzakonshëm. Po shohim statistikat e këtij 6-mujori dhe është fakt që kemi rritje të eksportit të specit, domates, kastravecit, lakrës dhe shumë perimeve të tjera. Rritja mesatarisht shkon deri në 90%. Kemi rritje në vlerë dhe në çmim krahasuar me vitin 2018”

Ministri i Bujqësisë dhe Zhvillimit Rural vizitoi piken e dytë më të madhe të grumbullimit të prodhimeve bujqësore në vend.

Nga Lushnja ministri Çuçi  theksoi se Shqipëria renditet në 20 vendet e para në botë për eksport të domates në volum./ABC News Albania 24/7

shoqeria-civile-1280x713.jpg
nev ila12:39 | 05/07/2019

Shoqëria civile pjesëmarrëse në samitin e vendeve të Ballkanit Perëndimor në Poloni është shprehur e zhgënjyer pasi nuk kanë pasur asnjë kontakt me vendimmarrësit.

Procesi i Berlinit kishte nisur me idenë për shkëmbimin e njohurive dhe mbështetjen e progresit në Ballkan. E ndarë nga politika kryesisht, shoqëria civile mundohet të shkëmbejë. Por, pritjet nuk i kanë shumë të mëdha pasi nuk kanë patur as kontakt me ata që marrin vendime. Në këtë samit morën pjesë aktivistë e përfaqësues nga i tërë rajoni. Samitin e vlerësojnë, por vetëm kaq.

Në këtë samit kanë arritur edhe përfaqësues të lartë politik për të diskutuar për punën e bërë dhe planet e nevojshme./ABC News Albania 24/7

ndrushe-kzaz.jpg
nev ila13:07 | 21/06/2019

Prefektët që kanë në qarkun e tyre bashki të drejtuara nga opozita, i kanë kërkuar Komisionit Qendror të Zgjedhjeve që KZAZ-të të zhvendosen nga  ambientet që janë pronë e bashkisë, në hapësira të tjera  që administrohen nga qeveria. Anëtari i KQZ-së, Bledar Skënderi shpejgoi në një intervistë për ABC News se në këtë mënyrë po shmangen konfliktet mes  institucioneve vendore dhe atyre qëndrore. 

Në 27 bashki që drejtohen nga opozita, do të ndryshojnë vendndodhjet e KZAZ-ve. Prefektët i kanë kërkuar Komisionit Qendror të Zgjedhjeve që selitë e këtyre komisioneve, që pas të dielës do të shërbejnë dhe si vendnumërim për votat, të vendosen në ambiente që i kontrollon qeveria, si prefekturat, universitetet apo drejtoritë rajonale të institucioneve.

Bledar Skënderi Anëtar i KQZ “Vendimmarrja jonë është në bazë të propozimeve të prefektëve. Sot për shembull, kishim një propozim nga Prefekti i qarkut Vlorë për të ndryshuar vendndodhjen e dy KZAZ-vë, asaj të Selenicës dhe Delvinës në vende të reja më në qendër të qarkut. Është kompetencë që Kodi Zgjedhor ju jep prefektëve të zgjedhin zonat më të përshtatshme që ata mendojnë për këtë proces. KQZ, veç organizimit të procesit zgjedhor, ka edhe dëshirën të kontribuojë në shmangien e përplasjeve apo konflikteve, ndaj në këtë aspekt, do të japim çdo lloj aksesi për ta zgjidhur sa më pozitivisht situatën. Mendojmë që koha për këto ndryshime është e mjaftueshme, pasi i duhet disa ditë kohë edhe subjektit që ka fituar tenderin për instalimin e sistemit elektronik për fletët e votimit dhe transmetimit të informacionit, të bëjë gati infrastrukturën.”

Dëmet e shkaktuara nga djegiet në disa KZAZ janë të pakta sipas llogarive të KQZ-së, dhe që janë gati për tu zëvendësuar.

“Bledar Skënderi Anëtar i KQZ “Në disa KZAZ janë djegur disa materiale zgjedhore paraprake që ne kishim dërguar. Janë materiale kartoni të dhomave të fshehta dhe materiale promocionale. KQZ ka materiale të tilla rezervë dhe mund të zëvendësohen lehtësisht.”

Javën e ardhshme do të bëhet edhe shpërndarja e fletëve të votimit, që janë mjetet më të vështira për tu zëvendësuar nëse dëmtohen.

Bledar Skënderi Anëtar i KQZ  “Fletët e votimit, që janë dhe materialet më të rëndësishme zgjedhore shpërndahen një ditë përpara zgjedhjeve. Ato do të dërgohen fillimisht në KZAZ-të përkatëse, dhe më pas do të ndahen në KQV një ditë përpara zgjedhjeve.”

Edhe për fletët e votimit, KQZ ka printuar 2 % më shumë se sa numri i votuesve për çdo bashki, në rast se ka dëmtime të pjesshëm me ose pa dashje./ABC News Albania 24/7

D82lsIpX4AAkkbU.jpg
Sej rie14:10 | 12/06/2019

Presidenti i Këshillit Evropian Donald Tusk ka deklaruar se çështja që shtrohet aktualisht nuk është nëse duhen hapur negociatat e anëtarësimit me Maqedoninë e Veriut, por kur duhet bërë kjo. Këto komente Tusk i ka bërë pas takimit në Bruksel me Presidentin Stevo Pendarovski.

“Unë besoj se mund të ketë vetëm një vendim: të fillojë negociatat në përputhje me rekomandimet e Komisionit si me Maqedoninë e Veriut dhe Shqipërinë. Pyetja sot nuk është nëse, por kur?”- shkruan Presidenti i Këshillit Evropian Donald Tusk në Twitter sipas të cilit arritja e konsensusit midis shteteve anëtare merr më shumë kohë seç ai do të kishte dëshiruar./ABC News Albania 24/7

palmer.jpg
Sej rie18:00 | 13/05/2019

Ndihmës sekretari amerikan i shtetit, Metju Palmer thotë se Kosova dhe Serbia duhet të marrin shembull nga Maqedonia e Veriut për të zgjidhur problemet. Ai theksoi se Rusia nuk do që Ballkani perëndimor të shënojë progres në integrimin euro- atlantik .

Ndihmës sekretari amerikan të shtetit, Metju Palmer u shpreh se Beogradi dhe Prishtina mund të përdorin shembullin e Maqedonisë së Veriut për të zgjidhur çështjen e Kosovës. Ndër të tjera ai shtoi se objektivi i Shteteve të Bashkuara të Amerikës, Bashkimit Evropian dhe vendeve të tjera është i njëjti – progresi. Ndërsa nga ana tjetër influence ruse në Ballkanin Perëndimor, favorizon korrupsionin dhe paqëndrueshmërinë politike në këto vende.

Palmer theksoi se shembulli i Maqedonisë së veriut tregon qartë se si duhet rezistuar ndaj influencës negative, se si merren përgjegjësitë duke I dhënë fund bllokadave. Një recetë që mund të përdoret dhe nga Serbia e Kosova.

Në një intervistë për Radio Evropa e Lirë, ai tha se nuk ka ndryshuar asgjë nga politika e përbashkët e Shteteve të Bashkuara të Amerikës dhe Bashkimit Evropian për sa i përket rajonit të Ballkanit perëndimor.

Palmer u shpreh se njësoj si në çerek shekullin e fundit, objektivi për Ballkanin perëndimor, është që rajoni të vazhdojë përpara në integrimin në Bashkimin Evropa, dhe implementimi i reformave të suksesshme në këto vende, që do i çonte ato në rrugën euroatlantike. Palmet paralajmëroi se Rusia do të preferonte të shihte një rajon të ndarë në fraksione, dhe ku mbizotërojnë tensione.

Ai u shpreh i bindur se Rusia do të vazhdojë të veprojë si më parë dhe të influencojë negativisht.

“Në mënyrë që të jemi të sigurt se vendet e Ballkanit Perëndimor do t’i rezistojnë vërtet kësaj influence negative, duhet të ketë siguri që institucionet janë funksionale, të përgjegjshme, transparente dhe të menaxhuara në mënyrë të mirë. Shtetet e Bashkuara të Amerikës janë të vendosura në këtë pikë dhe ne po punojmë nga afër me qeveritë dhe institucionet në Ballkanin perëndimor, në mënyrë që të arrijmë këtë objektiv,” përfundoi Palmer./ABC News Albania 24/7 

SHQIPERIA-BE-HAHN.mpg_snapshot_00.00.jpg
Sej rie18:00 | 01/05/2019

Duke folur me rastin e 15-vjetorit të nismës së zgjerimit të BE-së, komisioneri Johanes Hahn ka deklaruar se tani është koha për vazhdimin e këtij projekti me vendet e Ballkanit. “Është koha të shohim përpara dhe të finalizojmë projektin historik të unifikimit evropian duke integruar vendet e Ballkanit Perëndimor”, ka thënë Hahn në profilin e tij në Twitter. Ai ka theksuar se, procesi nisi një dekadë e gjysmë më parë në kuadër të një vizioni të përbashkët evropian dhe rezultoi i suksesshëm. “Jam i sigurt se me përpjekje të përbashkëta, edhe rasti i vendeve të Ballkanit Perëndimor do të jetë gjithashtu një histori suksesi, në interes të të dyja palëve”, ka thënë Hahn, duke e mbyllur postimin e tij me mesazhin “së bashku jemi më të fortë”./ABC News Albania 24/7

hot-yee-1280x621.jpg
ent ela16:17 | 25/04/2019

Mundësia e anëtarësimit të disa vendeve të Ballkanit Perëndimor në Bashkimin Europian deri në vitin 2025, nuk është aspak reale. Deklarata vjen nga ish zv/ndihmësi i sekretarit amerikan të Shtetit Brajan Hot Yee.

Para vitit 2025, disa vende të Ballkanit Perëndimor bëjnë mirë të mësohen me idenë se nuk mund të jenë ende anëtare të Bashkimit europian. Është ky thelbi i deklaratës së bërë nga ish-zëvendës-ndihmësi i sekretarit amerikan të Shtetit, Brian Hoyt Yee.

Gjatë fjalës së tij në Institutin Ndërkombëtar Republikan në Uashington, me temën: ‘Zgjidhja e së pazgjidhurës në Ballkanin Perëndimor’, ai tha ndër të tjera se anëtarësimi i disa vendeve të Ballkanit Perëndimor në Bashkimin Evropian deri në vitin 2025 nuk është real.

Yee theksoi se bashkësia ndërkombëtare momentalisht nuk ka strategji të qartë për Ballkanin Perëndimor dhe se as Bashkimi Europian dhe as Shtetet e Bashkuara të Amerikës nuk po i kushtojnë rajonit rëndësinë që do të duhej.

Hoyt Yee ishte një nga aktorët kryesorë të arritjes së marrëveshjes mes Lulzim Bashës dhe Edi Ramës gjatë krizës politike të vitit 2017.

Ndërsa përsa i përket takimit të presidentëve të Kosovës dhe Serbisë me kancelaren gjermane, Angela Merkel dhe presidentin e Francës, Emmanuel Macron në Berlin, ai tha se nuk është vendimtar për dialogun midis Prishtinës dhe Beogradit, por gjithësesi mbetet një shans për të biseduar. /abcnews.al

sheqernaska-1280x728.jpg
ent ela17:47 | 07/04/2019

Në rrugën e saj drejt anëtarësimit në NATO, Maqedonia do të mundohet të ruajë marrëdhëniet pozitive me të gjitha vendet anëtare. Reagimi i ministres së Mbrojtjes, Radmilla Sheqerinska erdhi pas apelit të Turqisë se Shkupi duhet t’i dorëzojë Ankarasë gylenistët.

Paneli i ekspozitës Republika e Maqedonisë së Veriut në rrugën drejt NATO-s u zhvendos në parkun e qytetit në Shkup. Në javën e NATO-s, në mesin e ngjarjeve me të cilat edhe në vend u shënua jubileu 7-dekadësh. Ministrja e Mbrojtjes Radmila Sheqerinska sot vlerësoi se gjendja me emigrantët në Greqi po qetësohet, por duhet të mbetet vigjilenca e forcave të sigurisë.

Radmila Sheqerinska ministre e Mbrojtjes:“Ka një ndryshim duke qenë se një pjesë e emigrantëve kur e panë se bëhet fjalë për lajm të rremë filluan të tërhiqen jashtë kampit të egër, i cili realisht nuk ekziston, por kjo absolutisht nuk duhet të na relaksojë”.

Në lidhje me emërimin e përfaqësuesit ushtarak të Maqedonisë në Bruksel dhe Paris, gjatë kohës së fushatës zgjedhore, me nënshkrime të kryetarit të shtetit në largim Gjorge Ivanov, Sheqerinska thotë se Ministria e Mbrojtjes bashkëpunon me Komisionin Shtetëror për parandalim të korrupsionit

Radmila Sheqerinska, ministre e Mbrojtjes: “Në qoftë se Komisioni Shtetëror për parandalim të korrupsionit del me qëndrim se kjo nuk përputhet me ligjin. Ajo që duhet të ndodh është që të tërhiqen ato vendime, të shpallen si të pavlefshme dhe nuk dua të përzihem në funksionet e institucioneve tjera. Ajo që është e rëndësishme është se nga niveli më i ulët, për udhëheqës, nënoficerë, pritet që këtë periudhë të mos marrin vendime”.

Në pyetjen a është e mundur Turqia ta komplikoi anëtarësimin e plotë në NATO, pasi ministri i Mbrojtjes Hulusi Akar, javën e kaluar nga Qeveria në Shkup kërkoi ndjekjen e anëtarëve të organizatës FETO në vend, Sheqeriska tha se shqyrtohen rastet për të cilat kërkohet ekstradim, por gjatë këtij procesi duhet të mbahet llogari edhe për ligjet e vendit. Maqedonia dëshiron të qëndrojë në marrëdhënie të mira me të gjitha vendet anëtare të aleancës, shtoi Sheqeriska./abcnews.al

serbi-1280x705.jpg
ent ela19:30 | 04/04/2019

Në 1 Korrik të këtij viti, hyn në fuqi marrëveshja e firmosur nga vendet e Ballkanit Perëndimor për të krijuar lehtësi për sa i përket komunikimit me roming.

Vendet e Ballkanit firmosën një marrëveshje për lehtësimin e komunikimit në roming për të përdorur celularët si në vendlindje. Kjo marrëveshje do të hyjë në fuqi me 1 korrik, ndërsa pritet që në një proces dy vjeçarë të jetë pa tarifa më të shtrenjta.

Në këtë samit morën pjesë edhe Shqipëria dhe Kosova të cilët po ashtu firmosën këtë marrëveshje.
Kjo do të mundësoj për shtetasit shqiptarë një ulje prej 85 për qind të tarifave në komunikim me disa shtete të rajonit, kurse shtet tjera mes tyre pritet të kenë tarifa deri në 70 për qind më të lira.
Kosova, e cila ka tashmë kodin e saj po ashtu ka marrë pjesë në këtë takim edhe pse mediat serbe nuk e kanë dhënë si firmosëse të kësaj marrëveshje.
Shumica e vendeve të Ballkanit kanë diskutuar për mundësinë e bashkëpunimit në fushën e dixhitalizimit në samitin e mbajtur në Serbi dhe është vlerësuar se kjo është rrugë me e shpejt se sa në atë politike.  Në samit po merr pjesë edhe kryetari i bashkisë së Tiranës, Erijon Veliaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono