vend

putin12.jpg
gra moz20:08 | 29/03/2018

Rusia i është përgjigjur me masë reciproke dëbimit të diplomatëve të saj nga Shtetet e Bashkuara, duke dëbuar 60 diplomatë amerikanë nga vendi. Në kuadër të masave, Moska zyrtare ka mbyllur edhe konsullatën amerikane në Shën Pietërburg.

Rusia ka reaguar të enjten ndaj valës së dëbimit të diplomatëve të saj nga Perëndimi, duke dëbuar vetë 60 diplomatë amerikanë dhe duke mbyllur konsullatën amerikane në Shën Petërburg.

Lëvizja e qeverisë ruse ishte njoftuar më parë nga ministri i Jashtëm, Sergei Lavrov dhe vjen në një kohë kur tensionet me Shtetet e Bashkuara dhe BE-në janë më të acaruara se kurrë për shkak të helmimit me një agjent nervor të ish-spiunit rus dhe së bijës në Mbretërinë e Bashkuar.

Sergei Skripal dhe e bija Julia u gjetën pa ndjenja në një stol në Salisburi, në jug të Anglisë, më 4 Mars. Nga të dhënat e fundit rezulton se gjendja shëndetësore e Julias po përmirësohet dhe ajo është e ndërgjegjshme e madje në gjendje të flasë. Mjekët që e kanë nën mbikëqyrje kanë deklaruar se 33-vjeçarja u është përgjigjur mirë mjekimeve, por duhet të vazhdojë të marrë kujdes mjekësor 24 orë në 24.

Ndërkohë, babai i saj, ish-kolonel i shërbimeve sekrete ruse, mbetet në gjendje të rëndë. Mbi 20 vende, pjesa dërrmuese e të cilave anëtare të NATO-s, u solidarizuan me Britaninë, duke dëbuar gjithashtu diplomatë rusë, ndonëse shumë më pak krahasuar me Shtetet e Bashkuara./abcnews.al

vlcsnap-error476-2-1280x720.jpg
ent ela12:49 | 26/02/2018

Pothuajse në gjithë vendin ka patur reshje të borës, por pa shkaktuar probleme serioze. Rrugët kryesore janë të kalueshme, por ato rurale mbetën të bllokuara. Nga ana tjetër, shume fshatra kanë mbetur pa energji elektrike.

Kukës

Temperaturat zbritën deri në minus 8 gradë Celsius në Kukës. Erërat e forta dhe stuhitë  sollën probleme në qarkullim.  Rruga e Kombit mori një shtresë akulli dhe borë të ngrirë.  20 mjete borëpastruese janë në dispozicion. Në zonat rurale thuajse të gjitha rrugët janë të pakalueshme që lidhin Kukësin me  Shishtavecin, Grykeçajen, Ujmishtin, Surrojin, Arren, Kalis, Malzi, Zapod e Topçojan. Por peorbleme ka edhe në qytet. Tubacionet e ujit të pijshëm kanë ngrirë, kurse në shumë shkolla nuk ka nisur procesi mësimor.

Dibër

Trashësia e borës në qytetin e Peshkopisë kalon 30 cm, ndërsa në zonat e thella, shkon në mbi 50 cm. Të gjitha rrugët e Njësive Administrative të Dibrës janë të bllokuara. Rruga nacionale Peshkopi – Tiranë kalohet me vështirësi me zinxhirë. Problematike në këtë segment është Qafa e Moronicës, Pishat e Bulqizës, Qafa e Buallit dhe Qafa e Ulzës. Rruga Peshkopi – Kukës momentalisht është e pakalueshme, edhe pse mjetet janë në punë. Problem ngelet Kalaja e Dodës, ndërsa aksi Ura e Çerenecit – Stebleve është i bllokuar. Po ashtu e bllokuar është edhe rruga Qafa e Buallit – Martanesh.

Korçë

Të gjitha rrugët nacionale në Juglindje janë të kalueshme vetëm me zinxhirë. Trashësia e borës varion nga 15 deri në 20 cm. Në Qafën e Qarrit, Qafë Plloçe dhe Qafë Thanë, trashësia e borës 30 cm. Në Voskopojë, ka rënë mbi 40 cm borë. Rruga është e hapur, por lëvizja dhe pse me zinxhirë bëhet me vështirësi. Rruga drejt pikës turistike të Dardhës është e bllokuar prej mbrëmjes së dielë. Aty  janë regjistruar 70 cm borë.  Zonat e thella malore të Korçës ,Devollit, Kolonjës, Pogradecit kanë mbetur të izoluara.

Llogara

Në Llogara lëvizja e mjeteve po bëhet me vështirësi për shkak të reshjeve të borës. Policia, u bën thirrje drejtuesve të mjeteve të cilët kanë intinerar zonën e Llogarasë, të jenë të pajisura me zinxhirë për qarkullim.

Elbasan 

Reshjet e borës dhe era ka shkaktuar akull në shumë rrugë të Qarkut të Elbasanit. Vëmendja është përqëndruar në rrugën Elbasan-Qafë Thanë. Rruga që lidh Librazhdin me Bulqizën është e bllokuar. Fshatrat e thella malorë si Rrajca, Sopoti, Polisi, Stëbleva, Luniku, Orenja etj. janë të bllokuar. E njëjta situatë edhe në fshatra të thellë malorë të Gramshit si në Skëndërbegas, Lënie, Poroçan. Në disa fshatra ka mungesë të energjisë për shkak të këputjes së përcjellësave apo shembjes së shtyllave nga dëbora. Sikurse në disa shkolla nuk është bërë transporti i mësuesve dhe nxënësve.

Lezhë

Pas shumë vitesh dëbora zbardhi edhe Ultësirën e Lezhës si dhe zonën bregdetare. Reshjet nisën pasditen e dielë duke rritur intensitetin në orët e mbrëmjes. Nuk u shënua asnjë problematikë, ndërsa pati vetëm dalje të 3 automjeteve nga rruga, si pasojë e pakujdesisë në lëvizje, por pa shkaktuar të lënduar. Në Laç – Milot lëvizja po bëhet me vështirësi për shkak të ngricave në rrugë.

 Shkodër

Pas dy ditë reshjesh, bora e zbardhi qytetin e Shkodrës. Por në rang Qarku, nuk ka probleme të rënda. Me përjashtim zona e thellë në Pukë, ku bora është e shoqëruar me stuhi të fortë. Në disa zona në Qafë Mali trashësia shkon 1.5-2m. Trashësia normale në gjithë këto zona është rreth 80 cm. Në Malësinë e Madhe vetëm disa rrugë, ato drejt Thethit dhe Boges bëhen me zinxhirë. Kurse në Qafë Mali-Fierzë aktualisht ka rreth 40 cm borë.

Punuan gazetarët: Bujar Muçmata, Simon Shkreli, Daniela Zisi, Neki Feta, Elton Nika, Fatos Salliu, Gjergj Figuri, Ahmet Zani

vlcsnap-error717-1-1280x720.jpg
gra moz21:57 | 13/02/2018

Reshjet ishin prezente sot në gjithë territorin e vendit. Në veri, verilindje dhe juglindje disa akse rurale janë të bllokura, ndërsa disa rrugë të tjera qarkullohen me zinxhirë për shkak të borës. Shiu shkaktoi problem kryesisht në Vlorë. Shohim si është situata, sipas të dhënave të Ministrisë së Mbrojtjes në orët e mbrëmjes.

Gjatë ditës së martë, vendi është pushtuar nga reshjet e borës dhe të shiut. Në zonat malore në lartësitë mbi 400 metër ka pasur reshje dëbore që në disa rrugë e fshatra kanë shkaktuar edhe bllokime. Sipas informacionit të përcjellë në mbrëmje nga Ministria e Mbrojtjes në qarkun e Shkodrës janë të bllokuara nga bora, akset rrugore rurale Shkodër – Theth dhe Shkodër – Breg Lumi. Ndërsa akset e tjera rrugore rurale, janë të kalueshme me zinxhirë për shkak të trashësisë së dëborës deri në 30 centimetra.

Edhe akset rrugore nacionale janë të hapura, ndërsa mjetet e subjekteve kontraktore që mirëmbajnë këto akse po punojnë me intensitet. Në aksin rrugor nacional Pukë – Fushë Arrëz, si dhe anasjelltas, po hidhet kripë në vazhdimësi, pasi në disa pika ka rrezik rrëshqitje të automjeteve.

Në qarkun e Kukësit, akset rrugore nacionale janë nën prezencën e borës dhe efektin e rënies së gurëve dhe dherave prej skarpateve.

Rruga e Kombit është e kalueshme normalisht. Po punojnë 4 borëpastruese dhe 4 te tjera janë në gatishmëri. Ndërsa lartësia e borës në Tunel-Kalimash është 20 centimetra.
Sipas informacionit të Ministrisë së Mbrojtjes, në Kukës janë të bllokuar vetëm dy akse rrugore rurale, ai që lidh fshatin Lojme të njësisë administrative Zapod me bashkinë Kukës dhe rruga që lidh njësinë administrative Arrën me bashkinë Kukës.

Gjatë pasdites edhe qarku Dibër u përfshi nga reshjet e dëborës, por në të gjithë qarkun, rrugët nacionale janë të qarkullueshme.

Probleme bllokimi ka pasur në segmentin e aksit rrugor nacional Qafë Bualli – Martanesh, Bashkia Bulqizë, ku po punohet nga subjekti kontraktor, për mbajtjen e kësaj rruge të hapur. Edhe segmenti rrugor nacional, Ura e Qytetit – Zerqan, Bashkia Bulqizë, është i bllokuar për shkak të borës deri në 30 centimetra. Gjithashtu, probleme ka edhe në rrugën nacionale Ura e Çerenecit – Steblevë, ku kalohet me vështirësi.

Në qarkun e Korçës, gjithashtu gjatë ditës, ka pasur reshje bore dhe bllokim të përkohshëm të aksit Pogradec – Qafë Thanë. Por situata u normalizua shpejt dhe aktualisht në këtë aks rrugor mjetet mund të qarkullojnë normalisht, por me zinxhirë. Edhe segmenti Librazhd- Qafë Thanë paraqiti vështirësi në qarkullim, por mjetet borë pastruese kanë punuar në vazhdimësi dhe në këtë aks rrugor automjetet mund të qarkullojnë vetëm me zinxhirë.
Rreshjet e shiut kanë shkaktuar problem dhe prezencë të madhe uji në disa rrugë në qytetin e Vlorës. Por situata u normalizua në një kohë të shkurtër dhe aktualisht rrugët janë të kalueshme pa problem. Ministria e Mbrojtjes thekson në informacionin e mbrëmjes se prurjet e lumit Vjosë kanë qenë të larta, por nën kufirin kritik./abcnews.al

vlcsnap-error477-1280x720.jpg
gra moz16:43 | 12/02/2018

Kuvendi i Shqipërisë hap procedurën për plotësimin e një vendi vakant në Gjykatën Kushtetuese. Përmes një njoftimi zyrtar, Kuvendi shpalli të hapur garën për vendin e lënë të lirë, nga ish-anëtari Vladimir Kristo.
Mes nëntë kritereve të radhitura për kandidatët, kërkohet përvojë pune, jo më pak se 15 vjet si gjyqtar, prokuror, avokat a profesor i së drejtës, si edhe mosushtrimi i funksioneve politike gjatë 10 viteve të fundit.
Aplikimet për shprehje interesi, bashkë me dokumentacionin e nevojshëm, duhet të paraqiten brenda 15 Marsit 2015 në Kuvend.
Javën e kaluar Presidenti i Republikës, Ilir Meta, çeli garën për dy vende vakante në Kushtetuese, që i takojnë presidencës.
Aktualisht gjykatës Kushtetuese i mungojnë katër anëtarë, nga nëntë që përbëjnë trupën e saj./abcnews.al

vlcsnap-error858-2-1280x720.jpg
gra moz11:08 | 30/01/2018

Bujar Nishani ka folur në ABC News rreth situatës poltike në vend. Ish-presidenti i Shqipërisë është shprehur se protesta e opozitës më 27 Janar ishte masive dhe kjo është një shenjë e mirë për shoqërinë shqiptare.
Ndër të tjera, ai foli dhe për situatën në PD. Sipass tij, debati për kryetarin e PD-s nuk është një debat real, duke pasur parasysh se është më e rëndësishme të debatosh mbi keqqqverisjen në këto viste.
I pyetur në fund se si është dita e një ish-presidenti, “kam më shumë kohë për palestër”, u përgjigj me shaka Nishani. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono