velipoje

TRAFIKU-NE-SHKODER_ABC-M2-T1.mpg_snapshot_00.40-1280x701.jpg
G. P.15:06 | 12/08/2018

Fluksi i pushuesve drejt plazhit të Velipojës, por edhe e mjeteve që vijnë nga kufiri me Malin e Zi ka bërë që të hysh e të dalësh nga Shkodra të duhen shumë orë. Vargu i mjeteve i kalon disa km dhe situata është e tillë gjatë gjithë ditës.

Shumë policë rrugorë ndodhen këtu. Po tentojnë të normalizojnë lëvizjen e mjeteve në hyrje dhe në dalje të Shkodrës. Por situata vetëm përkeqësohet. Tek Ura e Bahçallëkut pamjet janë siçi shihni në video.

Fluksi drejt plazheve nis nga ora 9 e mëngjesit dhe përfundon në orën 13.00. Këtij numri të madh të automjeteve i shtohen edhe ato që vijnë nga Dogana e Moriqanit. Të gjithë bashkë ngecin tek Ura e Bahçallëkut, e cila dikur ishte e mjaftueshme për një qarkullim normal. Sot ajo nuk e kryen dot më misionin e saj.

Autokolona i kalon disa kilometra si në hyrje të Shkodrës ashtu edhe në drejtim të Muriqanit. Policia rrugore është e stacionuar në këto kryqëzime në orarët e pikut nga mëngjesi deri në drekë dhe pasdreke deri në orët e para të natës. Udhetimi në këtë territor është makth./abcnews.al

KLOSI-NE-VELIPOJE-1280x720.jpg
ent ela13:34 | 09/08/2018

Ministri i Turizmit dhe Mjedisit Blendi Klosi nxit përpunuesit e produkteve shqiptare të shfrytëzojnë lehtësitë fiksale për të rritur ekonominë e tyre familjare. Ministri Klosi ishte në Velipojë ku vizitoi panairin e artizanatit.

Artizanati, prodhimet e kulinarisë dhe prodhimet e traditës, janë një tjetër mundësi punësimi brenda industrisë së turizmit. Ministri i Mjedisit dhe Turizmit Blendi Klosi vizitoi panarin e artizanatit, të zhvilluar në shëtitoren e re të Velipojës.

Aty nxiti përpunuesit e produkteve shqiptare të shfrytëzojnë lehtësitë fiksale të ligjit të zejtarisë dhe atij për agroturizmin, për të rritur ekonominë e tyre familjare.

“Zona e Velipojës, zona e Shëngjinit, gjithë zona në të cilën ne po zhvillojmë këto aktivitete ka shumë për të promovuar, nuk ka vetëm turizmin e detit dhe të rërës, por ka disa pika të cilat në kuadër të projektit të qeverisë shqiptare afrohen si agroturizëm dhe sot këtu janë afruar disa nga këta prodhues. Shikoj me kënaqësi që për turistët e huaj kjo është një surprizë dhe mendoj që do të vazhdojmë me këto aktivitete gjatë gjithë zonës turistike të Shkodrës, duke vazhduar me Festën e Krapit në Shirokë e më pastaj për të shkuar në Panairin e Kulinarisë që do të zhvillohet në shëtitoren e qytetit të Shkodrës”- tha ministri Klosi.

Ministri i Turizmit siguroi se festat lokale dhe aktivitete të tilla do të vijojnë deri në fund të sezonit turistik në mbarë vendin me qëllim promovimin e agroturizmit dhe të traditës. /abcnews.al

velipojaa.jpg
G. P.14:17 | 22/07/2018

Një 29-vjeçar është mbytur në plazhin e Velipojës në vendin e quajtur Vilun.

Ngjarja ka ndodhur rreth orës 13:30. Viktima është Ervit Palaj nga fshati Shirq. Edhe pse i është dhënë ndihma e parë nga personeli mjekësor i plazhit Velipojë, 29-vjeçari nuk ka mbijetuar.

Nga informacionet e policisë mësohet se viktima ka hyrë për të shpëtuar të fejuarën, e cila nuk ka rrezik për jetën, por ai vetë nuk ka mundur të dalë. Mbytja ka ndodhur në zonën e sigurisë pasi edhe deti ka qenë i trazuar dhe me dallgë./abcnews.al

BLLOKIMET-PLAZHI-VELIPOJA-1-1280x720.jpg
ent ela22:40 | 12/07/2018

Pas lajmit të transmetuar në media lidhur me sekuestrimi i shezllonëve në plazhin e Velipojës, ka reaguar në orët e vona të mbrëmjes edhe Policia e Shkodrës. Në një njoftim të shpërndarë për mediat Policia njofton se u proceduan 6 shtetas për pushtimin e hapësirave publike.

Procedimi penal ndaj tyre filloi pasi kishin pushtuar  hapësira publike në bregdet duke vendosur një numër të konsiderueshëm shezllonesh pa paguar detyrimet përkatëse dhe pa u pajisur me dokumentacionin përkatës për aktivitetin e tyre.

Njoftimi i Policisë Shkodër

Në kuadër të masave për sigurimin e rendit dhe goditjen e paligjshmërisë dhe për lirimin e hapësirave publike në plazh Velipojë, u sekuestruan shezllone dhe u proceduan 6 shtetas për pushtimin e hapësirave publike.

Në këtë kuadër nga strukturat e D. V. P Shkodër në bashkëpunim me Prokurorinë e Rrethit Gjyqësor Shkodër të mbështetura dhe nga FNSH zhvilluan një operacion për lirimin e hapësirave publike të zëna pa lejen e autoriteteve lokale të cilët ushtronin këtë aktivitet në kundërshtim me ligjin duke mos paguar taksat dhe tatimet, është bërë zhbllokimi i hapësirave publike në plazhin Velipojë duke u sekuestruar 1625 shezllone në cilësinë e provës materiale.

Në kuadër të këtij operacioni të përbashkët u proceduan dhe ndiqen në gjëndje të lirë shtetasit:

  1. B. 50 vjeç, P. Gj. 44 vjeç, L. M. 47 vjeç, V. M. 31 vjeç, E. M. 24 vjeç, N. M. 61 vjeç, të gjithë banues në Velipojë.

Procedimi penal ndaj këtyre shtetasve filloi pasi janë konstatuar se kishin pushtuar  hapesira publike në bregdet duke vendosur një numër të konsiderueshëm shezllonesh pa paguar detyrimet përkatëse dhe pa u paisur me dokumentacionin përkatës për aktivitetin e tyre.

Materialet iu referuan Prokurorisë se Rrethit Gjyqësor Shkodër në ngarkim të tyre për veprat penale ”Fshehja e të ardhurave”, “Mospagimi i taksave dhe tatimeve” si dhe ”Pushtimi i tokës”, parashikuar nga nenet 180, 181 dhe 200 të Kodit Penal. /abcnews.al

BLLOKIMET-PLAZHI-VELIPOJA-1280x720.jpg
ent ela19:50 | 12/07/2018

Policia bashkiake e Shkodrës e mbështetur nga Forcat e Ndërhyrjes së Shpejtë, bllokuan shezlonët dhe çadrat pa leje të disa bizneseve, që kishin zaptuar hapësirat publike bregdetare. Gjatë aksionit në Velipojë, pati dhe debate mes policisë dhe biznesmenëve.

Hapësira të rrethuara me shirita të një skene krimi. Shezllone të hequra. Kurse plazhistët pushojnë poshtë çadrave prej kashte. Është kjo panorama në një pjesë të plazhit të Velipojës pas aksionit të një nate më parë  Shtatë stacione plazhi u bllokuan. Kurse një i tille u sekuestrua.

Gjatë orëve të natës Forcat e Ndërhyrjes dhe shpejtë dhe policia bashkiake e Shkodrës gati u përplasën me biznesmenët në plazhin e Velipojës.

Mbi 1 mijë shezlone dhe çadra pa leje u bllokuan. Në operacion kanë qenë 150 forca policiete cilet hasen me qëndresën e pronarëve të bizneseve të cilët nuk pranuan t’i dorëzojnë objektet.

Njëri nga personat që u konfrontua me policinë ishte edhe Nikoll Marku, ish-kryetari i komunës i Velipojës, pasi policia bllokoi disa shezlone të biznesit të nipit të tij. Në krye të operacionit ishte drejtori i policisë së Shkodrës, Vehbi Bushati dhe n/drejtori.

Operacioni do të vijojë edhe në biznese të tjera, që kanë zënë hapësirën publike në plazhin e Velipojës.

Gazetar i ABC News, Shkodër: Simon Shkreli

policiaaaaa.jpg
G. P.13:34 | 12/07/2018

Policia bashkiake e Shkodrës e mbështetur nga Forcat e Ndërhyrjes së Shpejtë bllokuan shezllonët dhe çadrat pa leje të disa bizneseve që kishin zaptuar hapësirat publike bregdetare. Gjatë aksionit në Velipojë pati dhe debate mes policisë dhe biznesmenëve.

Forcat e Ndërhyrjes dhe Shpejtë dhe Policia Bashkiake e Shkodrës gati u përplasën me biznesmenët në plazhin e Velipojës. Kjo ndodhi natën gjatë një aksioni për lirimin e hapësirave publike bregdetare gjatë, të cilit u bllokuan mbi 1 mijë shezllone dhe çadra pa leje.

Në operacion kanë qenë 150 forca policie. FNSH ka kontrolluar disa biznese, ndërsa gjatë sekuestrimit të shezlloneve ka hasur qëndresën e pronarëve të bizneseve, të cilët nuk kanë pranuar t’i dorëzojnë objektet.

Njëri nga personat që është konfrontuar me policinë ka qenë edhe Nikoll Marku, i cili ka qenë ish-kryetari i komunës i Velipojës, pasi policia bllokoi disa shezlone të biznesit të nipit të tij. Në krye të operacionit ishte drejtori i policisë së Shkodrës, Vehbi Bushati dhe nëndrejtori.

Pas debateve, policia ka sekuestruar shezllonet, ndërsa operacioni do të vijojë edhe në biznese të tjera, që kanë zënë hapësirën publike në plazhin e Velipojës./abcnews.al

velipojaaa.jpg
G. P.15:48 | 22/06/2018

Në Velipojë pushues të shumtë janë familjarë dhe kryesisht nga Kosova. Ata thonë se nuk kanë gjetur rritje të çmimeve krahasuar një vit më parë, sikurse bregdeti është i pastër.

Kafen në këtë bregdet në veri të vendit, mund ta pish me 70 lekë, por ka bare që e ofrojnë edhe me 50 lekë. Në Velipojë dominon turizmi familjar dhe numri më i madh i pushuesve është nga Kosova.

“Plazhin e kanë shumë të mirë se është i gjatë për të ecur”.

Një shezllon kushton 500 deri në 700 lekë. Por të ardhurit në bregdet nuk shikojnë rritje të çmimeve krahasuar me një vit më parë.

“Ushqimoret janë të njëjta sikurse Korrik-Gusht”.

Shëtitjet e Qershorit janë preferencë e shumë pushuesve që zgjedhin këtë muaj për t’u ndalur në Velipojë. Është qetë dhe pastër, thonë ata.

“Zakonisht në fillim është më i pastër. Pastaj në sezon bëhet më i turbullt”.

Një kabinë në këtë periudhë për 15 ditë sigurohet me  15 mijë lekë deri në 35 mijë lekë. Kjo në varësi të zonës dhe kushteve. Velipoja hyn në top listën e plazheve të preferuara nga pushuesit e Kosovës për shkak të afërsisë dhe çmimeve të përballueshme./abcnews.al

SEZONI-TURISTIK-VELIPOJE-1280x720.jpg
ent ela13:33 | 20/05/2018

Në plazhin e Velipojës kanë mbërritur shumë pushues të huaj dhe vendas. Bashkia e Shkodrës ka bërë çeljen zyrtare të sezonit turistik.

Rruga është në ndërtim e sipër, por pjesa më e madhe e saj ka përfunduar. Lokalet janë hapur, gati  për sezonin turistik në Velipojë.

Kanë ardhur edhe turistët e parë. Moti i mirë, pastërtia e plazhit dhe e ujit është kënaqësia kryesore që u ofrohet atyre.

” Jam nga Italia nga rajoni i Toskanës, kam një javë në Velipojë dhe do rri edhe një javë tjetër. Më pëlqen shumë. Në Itali plazhet janë më të organizuara, por këtu më pëlqen shumë”.

Uji i ngrohtë dhe i pastër të cilit është vështirë t’i rezistosh shprehet kështu turistja nga Tajlanda e largët.

“Është hera e parë që vij në Shqipëri, këtu me pëlqen, uji është shumë i ngrohtë dhe rëra është e mrrekullueshme”.

Ata më të moshuarit kujdesen për nipërit dhe mbesat. Ndërsa ata më të rinjtë shijojnë lojëra të ndryshme.

Nga ana tjetër shezllonet po vendosen. Por Bashkia e Shkodrës akoma nuk ka lidhur  kontratat me bizneset përfituese.

“Bashkia e Shkodrës hap zyrtarisht sezonin, kanë filluar pushuesit e parë me bë plazh”.

Velipoja është nga zonat turistike më të frekuentuara sidomos për turizmin familjar. /abcnews.al

Gazetar i ABC News: Simon Shkreli

 

vlcsnap-error196-1-1280x720.jpg
ent ela14:13 | 21/02/2018

Rritet në 4 numri i viktimave të aksidentit tragjik të së dielës në rrugën Shkodër- Velipojë. Sot është shuar në spital edhe vajza e madhe e familjes Preka, e cila u godit shumë rëndë nga ky aksident.

Noemi Preka  e humbi  betejën, nuk mundi të jetojë.

As për nënën e saj që kërkon fëmijët vazhdimisht në spital.

Dhe as për ata që luteshin.

Prej pasdites së dielë vajza dhjetë vjeçe ishte në koma.

Tre pjestarë të tjerë të familjes së saj u përcollën për në banesën e fundit të martën.

Bashkë humbën jetën në aksidentin tragjik në Velipojë.

Noemi Preka është fëmija i tretë i familjes që ndërron jetë.

Babai, Edmondi që drejtonte makinën humbi jetën në vend, pasi përplasja me një mjet tjetër tip fuoristradë rezultoi fatale.

Por atë natë në spital ndërruan jetë edhe djali tetë muajsh dhe vajza 5-vjeçe.

Në spital ndodhet e plagosur nëna, Evisa Preka 36-vjeçe.

Ajo është përmendur  dhe mjekët thone se është jashtë rrezikut për jetën, por jo në dijeni për tragjedinë.

Të plagosur nga aksidenti i së dielës ishin edhe dy personat që ndodheshin në fuoristradë, por jashtë rrezikut.

Sapo lajmi u përhap,  Famullitari i Velipojës Dom Marjan Gega shkroi në FB:

“Me sa duket Zoti të deshti ma shumë se sa ne. Ma shumë se të qendrojë me ne, ndoshta të gjithë jetën e pikëllume, ai i Lumi preferoi me të bashku me babën, motrën e vllaçkon tand!

Pushofsh ne Paqe Noemi!”

/abcnews.al

vlcsnap-error690-3-1280x720.jpg
ent ela14:11 | 20/02/2018

Velipoja i dha lamtumirën e fundit babait 2 fëmijeve fëmijët që humbën jetën në aksidentin tragjik mbrëmjen e së dielës në rrugën Shkodër –Velipojë.

Vajza 10 vjeçe në spital akoma nuk ka dhënë shenjë përmirësimi, ndërsa nëna e saj është jashtë rrezikut për jetën, por për shkak të gjendjes së rëndë pas aksidentit nuk mund të merrte pjesë në ceremoninë mortore.

Viktimat e këtij aksidenti u përcollën pas një lutjeje në kishën e Velipojës nga Arqipeshkvi Angelo Massafra.

Ndërkohë lidhur me shkakun e aksidentit tragjik, akoma nuk ka dalë zyrtarisht një përgjigje e ekspertizës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono