Veliera

veliera.jpg
G. P.15:59 | 15/03/2019

Shoqëria civile organizoi paraditen e sotme një protestë kundër punimeve që kanë nisur tek Veliera në Durrës. Ambientalisti Sazan Guri tha se me këtë projekt po shkatërrohen vlera arkeologjike. Punimet rifilluan pas dy vitesh bllokimi pasi çështja kaloi në disa shkallë gjyqësore.

Përfaqësues të shoqërisë civile të mbështetur nga dega e Partisë Demokratike në Durrës protestuan kundër rifillimit të punimeve për zbatimin e projektit “Veliera”. Sazan Guri, një nga zërat kundër ndërtimit të Velierës, tha se po shkatërrojnë vlera të rralla arkeologjike.

Sipas tij, fadromat kanë shkatërruar muret që ishin pjesë e godinës së Princ Vidit.

Nënkryetari i degës së PD-së, Adrian Muka, tha se bashkia e re që do dalë nga zgjedhjet do të mbajë referendum për këtë çështje në mënyrë që qytetarët të shprehen nëse e duan apo jo këtë projekt në mes të qytetit. Protestuesit kërkuan pezullimin e investimit dhe bllokimin e punimeve në zonën “A” dhe “B”, të konsideruara zona arkeologjike.

Përfaqësues të shoqërisë Civile e ndoqën në disa shkallë gjyqësore kërkesë-padinë për anulimin e projektit, por në fund Gjykata Administrative e Apelit Tiranë e rrëzoi kërkesën e tyre dhe i hapi rrugë rifillimit të punimeve.

Projekti zbatohet nga Bashkia e Durrësit dhe pas vendimit të Gjykatës Administrative kanë rinisur punimet, të cilat ishin bllokuar prej rreth 2 vitesh. /abcnews.al

PROJEKTI-VELJERA-GJYQI.mpg_snapshot_00.37-1280x720.jpg
ent ela19:09 | 13/03/2019

Pas dy vitesh kanë rinisur punimet për projektin Veliera në Durrës. Gjykata Administrative e Tiranës ka pushuar çështjen dhe në zonën e mbrojtur arkeologjike kanë mbërritur mjetet e rënda dhe punëtorët. Qytetarët durrsakë shprehen kundër projektit.

Projekti “Veliera” po zbatohet. Bashkia e Durrësit ka fituar betejën ligjore me shoqërinë civile. Pushimi i çështjes nga gjykata administrative Tiranë, i ka hapur rrugë investimit.

“Për të kapur ritmet e më shumë se dy viteve të humbura, firma kontraktuese ka nisur menjëherë punën. Punëtorët dhe mjetet e rënda po kryejnë punimet pikërisht në zonën e mbrojtur arkeologjike”.

Gjatë rifillimit të punimeve, të cilat mbikëqyren edhe nga arkeologët, një pjesë e murit të bastionit fortifikues të shekullit të 17 u dëmtua. Kjo bëri që të dalin në dritë objekte të reja arkeologjike, një bazament altari dhe objekte monumentale prej mermeri, të përiudhës romake.

Rinisja e punës këtu nuk është mirëpritur nga një pjesë e qytetarëve. Bllokimi i punimeve për më shumë se dy vite erdhi si pasojë e zbulimit të disa rrënojave arkeologjike që dolën gjatë gërmimeve.

Asokohe, shoqëria civile protestoi duke kërkuar anullimin e projektit me vlerë 6 milionë dollarë. Në mars të 2017, Gjykata e Rrethit Gjyqësor Durrës vendosi “sekuestro preventive” duke mos lejuar vazhdimin e punimeve.

Ndërsa më vonë Gjykata Administrative vendosi të pezullojë punimet në zonën arkeologjike “A” duke pranuar pjesërisht padinë, por shpalli moskopetencë për disa pika të tjera të padisë dhe po ashtu lejoi bashkinë që të vijonte punën në pjesën tjetër të projektit.

Për t’u rrëzuar së fundmi nga Gjykata Administrative Tiranë e cila pushoi çështjen.

Gazetare ABC News: Enkeleda Arapi

 

CESHTJE-VELIARA-1280x720.jpg
ent ela15:15 | 22/01/2019

Gjykata e Apelit në Durrës la në fuqi vendimin e gjykatës së shkallës së parë, duke rrëzuar padinë e shoqërisë civile për kryebashkiakun Dako, lidhur me Velierën. Sipas vendimit të gjykatës, Dako nuk rezulton të ketë kryer ndonjë vepër penale.

Gjykata e Apelit Durrës ka rrëzuar kërkesën e shoqërisë civile, në lidhje me padinë e ngritur kundrejt kryebashkiakut të Durrësit Vangjush Dako për “shpërdorim detyre” në zbatim të projektit “Veliera”. Relatorët e ngarkuar pasi shyqyrtuan çështjen vendosën të lënë në fuqi vendimin e Gjykatës së Shkallës së Parë Durrës, duke theksuar se nuk ka pasur vepër penale nga kryebashkiaku Dako për ndërtimin e “Velierës”.

Gjykata e Shkallës së Parë kishte dalë në këtë përfundim më herët pasi prokuroria e Durrësit kishte mbyllur hetimet për rastin dhe i kërkoi gjykatës të pushojë çështjen. Në atë kohë burime nga prokuroria thanë se nuk është konstatuar shkelje, duke cituar se gjatë hetimeve intensive, nuk u gjet konsumimi i ndonjë vepre penale nga kryebashkiaku Dako.

Por, pavarësisht kësaj shoqëria civile e apeloj vendimin, me pretedimin qe provat e tyre për dëmet arkeologjike që po shkaktohen si pasojë e projektit nuk jane marre parasysh. Për t’u rrëzuar serish nga gjykata e Apelit. Por, nga ana tjetër  vijueshmëria e zbatimit të projektit Veliera vijon të mbetet pezull në pritje të vendimit të gjykates administrative apelit Tiranë.

Punimet për zbatimit e projektit Veliera prej shkurtit të vitit 2017-ës vijojnë të mbeten të pezulluara në zonën arkeologjike A në pritje të përfundimit të proceseve gjyqësore. /abcnews.al

VELIERA-MBULIM_ABC-M2-T1.mpg_snapshot_00.23-1280x712.jpg
G. P.18:24 | 08/10/2018

Gjykata e Durrësit ka pushuar çështjen në ngarkim të kryetarit te bashkisë Durrës Vangjush Dako. Mbi Dakon prej muajsh kishte nisur një hetim nën akuzën e “shpërdorimit të detyrës”, për zbatimin e projektit Veliera. Prokurori Edmond Kalishi pak ditë më parë kërkoi mbylljen e hetimeve, pasi në dosjen “Dako” nuk ka konstatuar shkelje penale.

Sipas organit të akuzës, kryetari i bashkisë Durrës Vangjush Dako, nuk ka shpërdoruar detyren në zbatimin e projektit, ashtu sikurse pretendonte shoqëria civile. Gjykata pranoi kërkesën për pushim të hetimit për këtë çështje. Perfaqësuesja e shoqërisë civile avokatja Mirela Jorgo, deklaroi se do ta apeloje vendimin e gjykatës, pasi ekspertët më herët ishin shprehur se projekti ka cënuar zonën arkeologjike, ndryshe nga çfarë pretendon gjykata./abcnews.al

edi-rama12.jpg
G. P.13:57 | 13/06/2018

Kryeministri Edi Rama në kuadër të turit të llogaridhënies, pas prezantimit të projekteve të reja për qarkun, u ndal tek ajo që quajti “transformim në Bashkinë Durrës”  duke akuzuar për sharlatanë dhe të turpshëm këdo që është bërë palë në bllokimin e projektit “Veliera”, punimet e së cilës janë ndërprerë me urdhër gjykate.

Llogaridhënien në qytetin e Durrësit kryeministri e nisi me prezantimin e projekteve të reja për qarkun, si rrjeti hekurudhor Durrës – Lin – Pogradec, studimi i fizibilitetit i të cilit ka përfunduar, por edhe ajo Tiranë – Durrës dhe Durrës – Rrogozhinë. Pasi mori fjalën për të thënë se sa qeveria ka bërë, Edi Rama artikuloi sulmin direkt drejtuar Gjykatës Administrative të Durrësit për vendimin e ndalimit të punimeve në projektin “Veliera”. I bindur se kjo e fundit do të përfundojë pavarësisht vendimit të gjykatës, Rama e quan bllokimin turp tipik edhe të vendeve të tjera të atyre që të renë dhe të bukurën nuk e kuptojnë, sipas tij.

“Maskarada e organizuar përmes sharlatanëve që quhen mbrojtës të ambientit për të bllokuar një projekt që do e mohojë që e kanë kundërshtuar, kur Veliera të përfundojë. Është një ndërhyrje që transformon imazhin e një qyteti të tërë dhe maskarada të përfundojë dhe puna të vazhdojë. Më vjen keq që ka ndodhur dhe turpi i atyre që e kanë orkestruar dhe e janë bërë palë në të ashtuquajturin sistem të drejtësisë duke u përfshirë në një histori të turpshme”.

Kryeministri turin e vijoi me një drekë pune me sipërmarrës të agroturizmit, ku përsëriti shaplljen e thirrjes së dytë për aplikim për fonde në këtë sektor në Agjencinë për Zhvillim Bujqësor dhe Rural, ku përfshihet edhe paketa me lehtësira fiskale si taksa 5% e tatim fitimit dhe ulja në 6% e tatimit mbi vlerën e shtuar për këdo që fiton./abcnews.all

CESHTJA-VELIERA-1280x720.jpg
ent ela18:43 | 30/04/2018

Edhe pse kanë kaluar 60 ditë nga përfundimi i procesit gjyqësor për Velieren gjyqtari i çështjes Ergys Gashi ende nuk ka zbardhur vendimin. Për këtë arsye Ministrja e Drejtësisë Etilda Gjonaj kërkoi që ky rast të verifikohet nga KLD, sepse po pengohet rruga ligjore për këtë çështje.

Ergys Gashi, relatori i trupit gjykues në gjykatën administrative, i cili gjykoi çështjen Veliera do t’i nënshtrohet verifikimit nga Inspektoriati i Këshillit të Lartë të Drejtësisë, pasi nuk zbardhi vendimin brenda afatit të përcaktuar. Ministrja e Drejtësisë, Etilda Gjonaj, nga Durrësi ku zhvilloi një bashkëbisedim me studentët e universitetit “Aleksandër Moisiu” tha se ka kërkuar që të verifikohet rasti.

Gjonaj: “Në bazë të kompetencave që ka, ministri i Drejtësisë i është drejtuar Inspektoriatit të Këshillit të Lartë Drejtësisë për inspektimin dhe verifikimin e rastit. Presim rezultatet e raportit të Inspektoriatit të KLD-së dhe pas kësaj ministri i Drejtësisë do të propozojë masat sipas përcaktimeve ligjore të reja”.

Kryetari i Bashkisë Durrës Vangjush Dako tha se duhet të marrin masa që të zhbllokohet rruga ligjore për këtë çështje.

Dako: “Pa çuar dosjen në sekretari nuk munddet që Bashkia të bëjë apelim, sekretaia e përcjell në Gjykatën Administrative të Apelit në Tiranë dhe atje pasi njihet me dosjen, hap procedurën”.

Kur kanë kaluar më shumë se 60 ditë nga përfundimi i procesit gjyqësor për veliera, gjygjtari ergys gashi ende nuk ka zbardhur vendimin . Në këto kushte palët, Bashkia Durrës dhe shoqëria civile kanë pengesë ligjore për ta ankimuar në Gjykatën e Apelit.

abcnews.al

veliera-1280x727.jpg
ent ela15:04 | 09/03/2018

Përfaqësuesja ligjore e shoqërise civile, Mirela Jorgo ka depozituar kallëzim penal për Kryetarin e Bashkisë në Durrës, Vangjush Dako.

Sipas saj, Bashkia e Durrësit ka tenderuar ndërtimin e sheshit të projektit Veliera për vazhdimin e punimeve për fazën e dytë, ndërkohë projekti ka mbetur peng i një beteje të gjatë ligjore.

Jorgo tha se kryebashkiaku Dako ka shkelur ligjin dhe prandaj ajo ka bërë gati kërkesë padinë për ta depozituar pranë organit të akuzes dhe sektorit të krimit ekonomik.

Pak ditë më parë gjykata administrative vendosi të mos lejohen punime në zonën A arkeologjike, por nga ana tjetër lejoi nisjen e punimeve në pjesen tjetër të projektit, duke mos e shpallur të paligjshem ndërtimin. Shoqëria Civile është  në pritje të vendimit përfundimtar./abcnews.al

vlcsnap-error087-1280x720.jpg
G. P.17:27 | 13/02/2018

Gjykata Administrative e Durrësit pas 11 seancash mori vendimin për projektin “Veliera”. Ajo ndalon punimet në zonën A, por jo në të gjithë sipërfaqen. Ky vendim nuk i kënaqi palët kundërshtare të Bashkisë së Durrësit.

Në zonën arkeologjike A për zbatimin e projektit “Veliera” nuk do të kryhen punime.

Por investimi nuk shpallet i paligjshëm.

Kështu që lejohet rinisja e punimeve referuar ndryshimit të projektit të paraqitur nga Bashkia e Durrësit.

Është ky vendimi që dha Gjykata Administrative Durrës për projektin më të përfolur.

Pas më shumë se 11 seancash gjyqësore, trupi gjykues vendosi pranimin e pjeshëm të padisë së shoqërisë civile, duke ndaluar punimet vetëm në zonën arkeologjike A, dhe jo në të gjithë sipërfaqën ku do të zbatohet projekti.

Ky vendim është kundërshtuar nga shoqëria civile.

Avokatja e shoqërisë civile Mirela Jorgo, tha se vendimi i dhënë nga gjykata Administrative lë vend për interpretim, pasi nuk e ka shpallur investimin e paligjshëm.

Vendimin, Sazan Gurin e shikon si fitoren e betejës, por jo të kauzës, duke folur për apelim.

Punimet në sheshin Veliera u bllokuan Marsin e vitit të kaluar, për shkak të kundërshtisë që hasën gjatë zbatimit nga shoqëria civile, me pretendimin se po cënohej trashëgimia historike./abcnews.al

vlcsnap-error990-2-1280x720.jpg
G. P.19:08 | 25/01/2018

Raporti mjekësor i paraqitur nga njëra prej gjyqtarëve të çështjes “Veliera”, është bërë shkak për shtyrjen e vendimit.

Seanca e planifikuar për të enjten nuk është zhvilluar, dhe pritet të bëhet në fund të Janarit.
Shtyrja e vendimit për të nëntën herë radhazi ka ardhur pasi gjyqtarja Klodiana Mezini, kishte paraqitur raport mjekësor.

Më herët, vendimi u shty për shkak se trupi gjykues kërkoi informacion mbi seriozitetin e shoqatës “Menv group” të Shoqërisë Civile, që është edhe pala paditëse.
Ata kundërshtojnë projektin “Veliera” në Durrës, për shkak se sipas tyre, punimet zhvillohen në një zonë të mbrojtur arkeologjike./abcnews.al

vlcsnap-error420-1280x720.jpg
ent ela14:33 | 13/01/2018

Zonat arkeologjike mbajne të bllokuara projektin e pallatit të Drejtësisë në Durrës dhe projektin Veliera. Sipas kryebashkiakut Vangjush Dako për këtë të fundit u bënë disa ndryshime në projekt, ndërsa për investimin pranë Mauzoleumit të Dëshmorëve pritet studimi nëse cënohen ose jo rrënojat arkeologjike.

Pas Velierës punimet e të cilës u bllokuan në mars të vitit të kaluar të njëjtin fat ka edhe investimi për ndërtimin e pallatit të drejtësisë pranë Mauzoleumit të Dëshmorëve.

Zbatimi i projekteve në zonat e mbrojtura arkeologjike me ligj solli edhe pezullimin e punimeve.

Në një deklaratë për mediat kryetari i bashkisë Durrës Vangjush Dako foli për situatën në të cilën ndodhën investimet.

Për Velierën Dako tha se është bërë një ndryshim projekti për të mos prekur zonat e mbrojtura.

 Ndërkaq, projekti i pallatit të drejtësisë në zonën arkeologjike B, po mbahet i bllokuar deri në perfundimin e studimit nese cënon ose jo arkeologjine.

 Pasojat e zvarritjes së procedurave nga ana e institucioneve, kanë sjelle pasoja edhe në përditshmërinë e qytetarëve, të cilët hasin vështirësi teksa lëvizin mbi kantierin e ndërtimit të lënë përgjysëm./abcnews.al

Gazetare e ABC News, Durrës: Enkeleda Arapi 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono