Veliaj

vee-1280x692.jpg
ent ela18:15 | 13/02/2019

Kryebashkiaku i Tiranës Erion Veliaj iu premton banorëve të kryeqytetit se mandatin tjetër në krye të bashkisë vemendje do t’i kushtojë shtimit të këndeve të lojërave dhe hapësirave çlodhëse mes pallateve. Veliaj e bëri këtë deklaratë pasi inspektoi punimet e kryera për transformimin e një blloku banimi në Qesarakë.

Erion Veliaj shpreson për një tjetër mandat në krye të bashkisë së Tiranës ndërsa thotë se ka planifikuar prioritetet e punës së tij.

 “Besoj e kemi mbajtur një premtim, që nga dita e parë, se çdo muaj do të kishim nga një kënd lojrash: kemi kaluar 40 muaj dhe kemi ndërtuar mbi 40 kënde lojërash në Tiranë. Po mobilizohemi që mandatin tjetër, të kemi edhe më shumë kënde lojrash, edhe mikro-hapësira mes pallateve”.

Synimin e shprehu pasi inspektoi punimet e kryera për të shndërruar këtë hapësirë në zonën e Qesarakës.

“Kur më kujtohet se si Përroi i Gjerozës ka qenë në fakt një landfill urban, ku të gjitha plehrat që vinin nga pallatet derdheshin në përrua, sot përroi kalon poshtë sheshit dhe sipër kemi fituar hapësirë, e cila përdoret sigurisht edhe për kalimin e makinave, por kryesisht është një hapësirë cilësore, dinjitoze, e gjelbër, me kënde lojrash. Këtu komuniteti mund të kalojë kohë të lirë, të shëmbejë energji me njeri-tjetrin, ku mund të shihemi dhe të ruajmë atë që është intimiteti i lagjes”.

Kryebashkiaku përfitoi nga ky rast për t’i bërë thirrje qytetarëve që banojnë në këtë zonë të zhvendosin dhe gjendjen civile pasi në këtë mënyrë llogaritë bëhen më mirë.

“Tani që kemi një qendër të re administrative në zonën e Freskut, ish Fizikës Bërthmore dhe në Prroin e Gjerozës, do të doja të ftoja të gjithë qytetarët, që të shohim më shumë produkte të tilla, duhet të regjistrohemi këtu, se në momentin që kjo zonë u shërben 8000 banorëve, por të regjistruar janë vetëm 80, do të thotë se nuk justifikon dot investime në të ardhmen.Ndaj, lipset që të gjithë banorët, pavarësisht nga kanë ardhur në Shqipëri, të regjistrohen falas në njësi, që buxhetet të vijnë në rritje për gjithë zonën e  Freskut dhe banorët e mrekullueshëm”.

Pak ditë më parë, Bashkia e Tiranës hapi zyrat e reja të Njësisë Nr. 12 me qëllim afrimin e shërbimit më pranë qytetarëve./abcnews.al

VELIAJ-PER-SALLAKUN-MBULIM.mpg_snapshot_00.27-1280x720.jpg
ent ela14:24 | 12/02/2019

Një nga rrugët e Tiranës shumë shpejt do të mbajë emrin e humoristit  Skënder Sallaku, i cili u nda nga jeta 5 vite më parë. Kryetari i Bashkisë së Tiranës ja bëri të ditur familjareve të aktorit të cilëve iu dorëzoi edhe “Medaljen e Mirënjohjes”. Në përvjetorin e ndarjes nga jeta të Sallakut kryebashkiaku vlerësoi kontributin dhe energjinë që ai i dha qytetit. “Doja shumë që t’iu jepja lajmin e mirë se një nga rrugët e Selvisë, aty ku ai është rritur, ku e njohin si të lagjes, do të mbajë emrin e tij. Më vjen mirë që ka qenë pjesë e një procesi ku po mundohemi që emërtimet e rrugëve apo shkollave t’i bëjmë për njerëz që na japin shumë krenari, që na kanë dhënë shumë gëzim në jetën tonë. Mezi pres që pas vendimit të Këshillit Bashkiak të bëjmë përurimin e rrugës së re”, tha Veliaj. Skënder Sallaku gjithashtu është vlerësuar me titujt “Artist i Merituar” dhe “Artist i Popullit”. /abcnews.al

veliaj_godina-933x445.jpg
ent ela14:37 | 31/01/2019

Bashkia e Tiranës ka nisur punën për rikonstruksionin e godinave 27 dhe 28 në Qytetin Studenti. Gjatë inspektimit të punimeve Kreu i Bashkisë së Tiranës, Erion Veliaj tha se po mbahen premtimet për konviktet dhe së shpejti nis puna për ndërtimin e Kampusit Universitar.

Dy godina të tjera konviktesh në Qytetin Studenti pritet t’i shtohen godinave të rikonstruktuara nga Bashkia e Tiranës. Kryebashkiaku Erion Veliaj teksa inspektoi punimet tek godinat 27 dhe 28 theksoi se punimet janë fokusuar tek mjediset e përbashkëta, sallat e leximit dhe nyjet sanitare

“Jemi duke vazhduar, sipas premtimit për “Paktin e Universitetit”, me të gjitha ndërhyrjet në konvikte. Siç premtuam, se brenda janarit do të kishte filluar puna me themel, kur vjen puna tek hapësirat e përbashkëta, dushet, hapësirat e banjave, pajisjet higjieno-sanitaret, të gjitha sallat e leximit, korridoret dhe fasadat. Në disa ndërtesa si këto, nuk është vënë dorë që në vitin ’89, kur janë bërë për herë të parë, madje edhe atëherë janë bërë me punë vullnetare”.

Kreu i Bashkisë së Tiranës, Velia tha se grupi i punës për Kampusin e ri Universitar ka nisur konsultimet me universitet dhe ekspertët, për realizimin e tij.

 “Sot jemi në fazat e konsultimeve në nivel ekspertësh, nga secili fakultet apo universitet, për nevojat e tyre. Kemi marrë edhe një listë nevojash, si për mensa, për biblioteka dhe terrenet sportive. Kemi filluar në një pjesë të godinave furnizimin me internet, duke qenë se sot është bërë po aq i rëndësishëm sa energjia dhe uji”.

Në informacionin e percjelle nga zyra e shtypit e bashkise, thuhet se kryetari Veliaj ka informuar studentet gjate nje bashkebisedimi me ta mbi projektin e kampusit universitar. /abcnews.al

 

 

 

 

LAJME-19-DATE-29.mpg_snapshot_07.36-1280x720.jpg
ent ela19:37 | 29/01/2019

Zëdhënësja e qeverisë Elisa Spiropali e ftuar në Mbrëmje Ide në ABC News nuk dha një përgjigje konkrete sa i përket rikandidimit të Erjon Veliajt në krye të Bashkisë së Tiranës për zgjedhjet lokale, por vlerësoi punën e deritanishme të kryebashkiakut.

A do rikandidohet Erjon Veliaj për Bashkinë e Tiranës?

“Erjon Veliaj ka bërë një punë që flet vetë, e vlerësuar nga të gjithë dhe në momentin që do ta bëjmë atë analizë besoj se do bëhet publike, nuk më takon mua të them cili është kandidati, por puna e kryetarit të bashkisë është e lavdërueshme”.

Ju prisni ta thotë Rama?

“Zyrtarisht ta thonë forumet e PS që merren me kandidaturat”.

Sa u takon kandidaturave të tjera për bashkitë, Spiropali theksoi se janë në proces konsultimi dhe dëgjesash.

“Jemi në proces konsultimi. Kemi kandidatët më të mirë. Shpresojmë t’i fitojmë këto zgjedhje, besojmë se aty ku qeverisin socialistët ka harmoni mes pushtetit qendror e lokal. I kemi shtrirë dorën e bashkëpunimit Bashkisë Shkodër, Kukës, Tropojë.

Ne jemi duke punuar, kemi bërë dëgjesa lokale, njohim çdo problematike të  çdo zone e kemi vizionin se çdo bëhet në 4 vitet në vazhdim”. /abcnews.al

51043281_249656232594468_4896151791319646208_n-1280x720.jpg
ent ela15:47 | 29/01/2019

Transporti publik, aktivitetet kulturore, por dhe projektet për fëmijët, do të jenë në fokus të bashkëpunimit mes Tiranës dhe Vienës. Kryetari i Bashkisë Erion Veliaj takoi homologun vienez, gjatë një vizitë në kryeqytetin austriak.

Tirana do të bashkëpunojë me Vienën në fusha si ekonomia, transporti apo aktivitetet kulturore e artistike. Kryebashkiaku Erion Veliaj  bisedoi me homologun vienez gjatë një vizite që zhvilloi në kryeqytetin austriak. Veliaj ishte i ftuar ne edicionin e 16-të Kongresit të Vjenës me temë “Shaping the Future”.

 “Jam shumë i lumtur sot që jemi në Vienë dhe për mikpritjen e mikut tonë, kryetarit të ri të Bashkisë së Vienës. Me këtë qytet kemi pasur një marrëdhënie të shkëlqyer, po ashtu edhe një vit kulturor midis Tiranës edhe Vienës, të cilin duam ta përforcojmë. Besoj se mund të bëjmë shumë bashkë. Viena është kryeqyteti i Austrisë, por është edhe kryeqyteti i Ballkanit. Shumë prej rrugëve tona, si ato ekonomike, si ato politike, kalojnë nga Viena, por unë besoj gjithmonë e më shumë se qytetet po zënë një rëndësi të veçantë ndaj do të vazhdojmë bashkëpunimin kur vjen puna te çështjet që kanë të bëjnë me urbanizimin e qyteteve dhe transportit publik”.

“Tirana duhet të jetë krenare që ka një kryetar kaq të ri dhe energjik. Patëm mundësinë të diskutojmë shumë projekte të përbashkëta midis dy qyteteve tona, projekte që do të lidhin në të ardhmen Vienën dhe Tiranën në fushën e ekonomisë, politikave vendore, por edhe ato artistike. Janë të shumtë  personat të cilët lidhin vendet tona. Jemi shumë krenarë që edhe shumë artistë shqiptarë janë të angazhuar dhe kanë aktivitetin e tyre në Vienë. Kjo tregon se kemi tashmë marrëdhënie mjaft të mira, të cilat duhet t’i çojmë përpara për të përballuar sfida të mëdha në rrugën europiane”.

Veliaj e ftoi kryebashkiakun e Vienës të  vizitojë Tiranën në pranverë, ku dhe pritet të nënshkruhet një marrëveshje për planet e bashkëpunimit mes dy qyteteve. /abcnews.al

 

TIRANA-BASHKIA-2-933x445.jpg
G. P.20:57 | 26/01/2019

Në prag të festës së viti të ri kinez, arti dhe kultura e këtij vendi kanë zbritur në Tiranë. Sheshi “Skënderbej” është pushtuar nga personazhet karakteristike të kulturës kineze të cilat kanë surprizuar jo pak qytetarët e shumtë që kanë shfrytëzuar mundësinë për të bërë një foto.

Bashkia e Tiranës, në bashkëpunim edhe me ambasadën kineze, kanë menduar për të sjellë një atmosferë fantastike në shesh, ndërsa nuk do të mungojë spektakli me drita dhe me muzikë karakteristike kineze.

Viti i ri kinez do të festohet në 1 Shkurt. Kalendari tradicional kinez, është ndryshe nga ai Gregorian dhe data e kalimit nga viti i vjetër në të riun mund të variojë midis 21 Janarit dhe 19 Shkurtit. Festimet zgjasin 15 ditë dhe përfundojnë me festën e fenerëve kur fëmijët kalojnë me dritat shumëngjyrëshe në një paradë tradicionale që korrenspondon me hënën e plotë. /tvklan.al

veliaj-1-1280x657.jpg
ent ela15:44 | 26/01/2019

Duket se thirrja e Bashkisë së Tiranës për të kontribuuar në rikonstruksionin e konvikteve, po gjen mbështetje nga bizneset në kryeqytet. Kryebashkiaku Erion Veliaj thekson se mbështetja e bizneseve, ndihmon dhe lehtëson më tej jetën e çdo studenti.

Apelit të Kryeministrit Rama dhe Bashkisë së Tiranës për të kontribuar në rikonstruksionin e konvikteve në Qytetin Studenti, kanë nisur  t’i përgjigjen pozitivisht bizneset. Kreu i Bashkisë së Tiranës, Veliaj tha se nismës adopto një konvikt i është përgjigjur dhe familja Sadushi.

Erion Veliaj:  S’duhet të harrojmë të vlerësojmë qytetarët tanë, duke nisur nga fëmijët e familjes Sadushi, të cilët patën idenë të ishin kontribuues në kauzën për të rregulluar konviktet e “Qytetit Studenti” dhe iu përgjigjën pozitivisht thirrjes së kryeministrit, e mandej nxitën prindërit e tyre. si familja e parë që iu përgjigj kësaj thirrje. 

Kryebashkiaku i Tiranës, Erion Veliaj ftoi që kjo nismë të ndiqet edhe nga biznese të tjera të vendit , në mënyrë që t’ju shërbejë dhe të lehtësojë jetën e studentëve./abcnews.al

ina-1280x734.jpg
ent ela16:25 | 25/01/2019

PD akuzon Kryeministrin dhe kreun e bashkisë së Tiranës se po favorizojnë kompanitë e bixhozit, që sipas tyre janë klient të Ramës, për të investuar paratë e bixhozit në fushën e ndërtimit.

Zëdhënësja e Partisë Demokratike deklaroi se  Prokuroria e Tiranës  pak ditë më parë, ka nisur hetime për shkeljen e ligjit nga Kryeministri për dhënien e lejes së ndërtimit për kullën mbrapa godinës së Presidencës.

Por kjo është vetëm një nga tre godinat e larta të parashikuara për t’u ngritur, sipas selisë blu, me qëllim pastrimin e parave të biznesit të bixhozit.

Zëdhënësja e PD përmend edhe Kullen prapa Sahatit të Tiranës, dhe një tjëter në zemër të ish-Bllokut që i janë dhënë një personi./abcnews.al

49371716_234880964125598_5679992926386520064_n-1280x853.jpg
ent ela14:41 | 23/01/2019

Konviktet e Qytetit Studenti do të rikonstruktohen me ndihmën e sipërmarrjeve private. Më pas, shembja e 148 objekteve që kanë zaptuar territor në këtë qendër studentore, do t’i hapë rrugë ndërtimit të kampusit të ri universitar.

Bizneset i janë përgjigjur thirrjes së Kryeministrit dhe Bashkisë së Tiranës për të ndihmuar në rikonstruksionin e godinave të konvikteve në “Qytetin Studenti”. Falë nismës “Adopto një konvikt”, sipas kreut te bashkise, deri në verë do të ketë përfunduar ndërhyrja në të gjitha hapësirat e përbashkëta të konvikteve, për t’i hapur rrugë më pas edhe ndërhyrjes në çdo dhomë.

“Dua të falenderoj të gjitha kompanitë që i janë përgjigjur thirrjes së kryeministrit dhe bashkisë për të adoptuar një konvikt. Jemi në situatë emergjence, nuk mjafton të thuash hashtagun “Me studentët”, nëse nuk je gati vetë të bësh diçka. Për të gjithë ata që këtë thirrje e çuan në veprim konkret, ka vetëm mirënjohje, edhe nga unë, edhe në emër të kryeministrit dhe të Qeverisë. Deri në fund të muajit, me këtë sistem adoptimesh, ku një kompani merr përsipër një konvikt, do t’i kemi adoptuar të gjitha konviktet e “Qytetit Studenti”. Deri në verë, të gjitha hapësirat e përbashkëta, që janë nyjet higjieno-sanitare, sallat e leximit, banjot, fasadat, korridoret, hollet e tyre, do të kenë përfunduar, që pastaj t’i lihet radhë punës nëpër secilën dhomë të ‘Qytetit Studenti”.

Pas kësaj ndërhyrjeje emergjente, hapi i radhës, sipas kryebashkiakut Veliaj,  do të jetë lirimi i territoreve nga 148 zaptime në ‘Qytetin Studenti’, për t’i hapur rrugë fillimit të projektit për “Kampusin e ri Universitar”.

“Më vjen mirë që vetëm në pak ditë nga shpallja e Paktit me Universitetin nga Kryeministri, puna vlon në “Qytetin Studenti”. Jam i bindur se Kampusi i ri do të jetë realisht premtim i mbajtur, jo vetëm në kohë, por edhe me cilësi, kur vjen puna për t’i lënë një pajë një hapësire që i ka dhënë kaq shumë Shqipërisë, që nga vitet e para të demokracisë dhe ka marrë kaq pak në terma të vëmendjes publike”.

Kreu i Bashkisë së Tiranës, Erion Veliaj, së bashku me deputeten e PS, Vasilika Hysi inspektoi punimet që po kryhen në godinat Nr. 20 dhe Nr. 21 ne Qytetin Studenti. /abcnews.al

50414334_283664108983652_4918662015565692928_n-1280x853.jpg
ent ela13:56 | 22/01/2019

Trotuaret pranë pallateve të njohura si Shallvaret në Tiranë, po zgjerohen duke marrë pjesë rruge, ku parkoheshin makina. Sipas Bashkisë së Tiranës, me këto projekte po rikuperohen më shumë hapësira në favor të këmbësorëve.

Në rrugën “Ibrahim Rugova”, pranë shallvareve në Tiranë trotuaret po zgjerohen në dy metra e gjysëm, duke shtuar hapësirat pedonale në favor të këmbësorëve.

“Jam shumë i kënaqur nga mënyra se si po rikuperojmë tokë dhe terren, që më përpara ishte vetëm pronë e makinave, të cilat në fakt janë vetëm 20% e popullatës, kurse 80% e njerëzve ecin në këmbë, përdorin biçikletat dhe transportin publik. Kjo rrugë vërtetë ka qenë një rrugë tregtare, një rrugë me dyqane, me kafe e biznese, ama për trotuar kishim një shteg dhish, i cili nuk lejonte të shkëmbeheshin dy vetë, e jo më të shijonin vitrinat apo të bënin biznes. Ajo që kemi vënë re në të gjitha rrugët ku shtohen hapësirat pedonale ka më shumë biznes, ka më shumë ekonomi, ka më shumë xhiro. E kemi vënë re tek “Myslym Shyri”, e kemi vënë re te Pazari i Ri, te sheshi “Skëndërbej”, në çdo rrugë që përshkohet nga një trotuar i mirë ose nga një korsi biçikletash”.

Sipas kryebashkiakut, shumë prej trotuareve të zaptuara gjatë viteve ‘90 janë legalizuar dhe hipotekuar, prandaj për zgjerimin e trotuarit përgjatë gjithë segmentit rrugor nga “Myslym Shyri” deri tek ura e Lanës janë përdorur hapësirat që më herët përdoreshin për parkimin e makinave. Heqja e mundësisë së parkimit në këtë zonë rikuperohet, sipas bashkisë, me parkingjet që janë ndërtuar dhe janë në plan për t’u ndërtuar në zonën përreth.

Sipas Veliajt, Bashkia e Tiranës prej disa muajsh ka nisur projektin për të përshtatur të gjitha trotuaret dhe rrugët për kalimin e karrocave të fëmijëve dhe personave me aftësi ndryshe, duke mundësuar kështu një qytet për të gjithë.

Veliaj shtoi se projekti i radhës është ndërhyrja në parkun “Rinia”, i cili do t’i nënshtrohet një ndërhyrje totale nga Agjencia e Parqeve dhe Rekreacionit.

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono