vdekje

KRONIKE-SELAM-ALIA-VRAU-BABANE-ABC-M5-T2.mpg_snapshot_00.04-1280x720.jpg
ent ela18:12 | 19/03/2019

Gjykata e Krimeve të Rënda ka dëgjuar dëshminë e 29 vjeçarit Fejzi Aliaj, i cili pak më shumë se 1 vit më parë ka vrarë me mjete të forta babain e tij. Ky i fundit i kishte kërkuar të birit që pas martesës të flinte dhe ai me gruan e djalit. 

I qetë dhe aspak i penduar u shfaq para togave të zeza të gjykatës së Krimeve të Rënda Selman Alija, i akuzuar për vrasjen e te atit,  Fejzi Alisë në dhjetor të 2017. Vrasja në familjen Aliaj, e cila jeton në rrethinat e Shkozës, më e rëndë se makabriteti që e përshkonte, pati shkaktuar tronditje ne opinionin pulbik për shkak të motivit që çoi në këtë krim. Siç dëshmoi të martën në sallën e gjyqit prokurori i dosjes së 29 vjeçarit Selman Aliaj, i cili mësohet se vuan nga disa probleme me pragun e dëgjimit dhe të të folurën, ngjarja ka ndodhur për motive morale. Nervat e të riut duket se nuk kanë mbajtur më, pasi i ati, sic ka dëshmuar i pandehuri, i ka kërkuar që pasi i biri të martohet të ndanin së bashku intimitet me gruan e të birit, pasi Fejzi Aliaj ishte pa bashkëshorte pasi rezultonte se ishte divorcuar disa herë për shkak të natyrës konfliktuale që kishte. I riu ka dëshmuar para grupit hetimor se kjo ka qenë arsyeja që ka çuar në goditjen me mjete të forta të të atit. Më pas i riu ka hedhur trupin e të atit në ujërat e liqenit të Farkës.

Jeta për të nuk ka qenë e lehtë, pasi jetonte me një prind që e dhunonte fizikisht e psikologjikisht dhe merrte çdo vendim për të, duke përfshirë këtu edhe fejesën pa dëshirën e tij. Ky ishte dhe shkaku pse mes tyre nisën debatet që arritën deri në krimin e rëndë.

Por, Selman Alija nuk po ndëshkohet nga familjarët e tij. Ata e kanë ndjekur në të gjitha seancat, duke i paguar edhe një avokat.

Familja bashkë me mbrojtjen pretendojnë se gjendja psikologjike e të pandehurit në momentin kur i mori jetën babait të tij ka qenë e rënduar, pikërisht për arsyet që ka dëshmuar 29-vjeçari para grupit hetimor. Krimi i rëndë ka ndodhur më 22 dhjetor të vitit 2017. Pas një debati të ashpër, Selman Alija qëlloi me çekiç babanë e tij e më pas trupin ia hodhi në liqenin e Farkës . Në vendin e ngjarjes ishin vetëm ata të dy.

/abcnews.al

 

image.jpg
G. P.12:04 | 13/03/2019

Një grua e moshuar është gjetur e pajetë këtë të mërkurë në një arë. Bëhet fjalë për një 75-vjeçare, e cila nuk është identifuar akoma nga policia. Ajo u gjet rreth orës 9:50 në një arë në Lundër të Tiranës.

Paraprakisht dyshohet se e moshuara ka ndërruar jetë për shkaqe natyrale. Kjo pasi nuk rezulton që të ketë në trup shenja dhune apo dëmtime të tjera./abcnews.al

1546700923_massimo.jpg
G. P.22:40 | 17/01/2019

Prindërit e shqiptares Aurela Perhati, e cila akuzohet se ka vrarë me makinë 53-vjeçarin italian, Massimo Garrita, kanë thyer heshtjen. Ata janë shprehur se nëse vajza e tyre është fajtore le të dënohet.

Mediat italiane kanë zbardhur detaje nga aksidenti me vdekje i 53-vjeçarit italian Massimo Garitta, ku mësohet se 24-vjeçarja ka dhënë dëshminë e saj, duke treguar se viktima është përpjekur ta dhunojë seksualisht dhe ajo ka tentuar të largohet dhe gjatë manovrës me makinë e ka aksidentuar. Ngjarja ka ndodhur rreth orës 18:45 të 31 Dhjetorit.

Familja Perhati në Itali njihet si e rregullt, por shqetësime të mëdha duket se u ka sjellë vajza e madhe. Sipas tyre ajo gjithmonë kishte pasur një karakter të vështirë.

Mamaja e saj Rajmonda Perhati, një sanitare, dhe babai i saj Edisoni, një murator, rrëfen: “Nëse ajo ka bërë diçka, ajo duhet të shkojë në burg ose të trajtohet”.
E gjithë familja Perhati duket se është shumë e dëshpëruar për situatën. “Atë natë Aurela po ngiste makinën,” rrëfejnë prindërit për mediat italiane. Sipas tyre vajza nuk po ndiqte Garitta.

I gjithë komuniteti i pyet ata se çfarë po ndodh me vajzën e tyre Aurela. Ndoshta edhe prindërit, të cilët në një moment dekurajimi, kërkojnë një zgjidhje alternative:

“Nëse ajo bëri diçka serioze dhe shkaktoi probleme me sjelljen e saj ne e dërgojmë atë “përtej”. Për Eleonora Guerra dhe gjyqtarin Paolo Bargero ekziston rreziku i ikjes: “Përtej” do të thotë në Shqipëri, vendi nga i cili emigroi familja 22 vjet më parë”.

Ndoshta ideja e largimit për në Shqipëri është një reflektim i çastit, i një familje tashmë zemërthyer. Familja ishte integruar në Itali.

“Ajo mori makinën, e cila ishte e tëra e bërë me baltë dhe iku”, thanë më tej Edison dhe Rajmonda, prindër të tre fëmijëve.

Por, mbrëmjen e 3 Janarit, prindërit u thirrën në komisariat. Bashkë me ata shkoi edhe vajza e dytë e çiftit Stephanie. Ajo kishte qenë në dhomën e studimit mbrëmjen e 31 Dhjetorit ndërsa priste që motra e saj të kthehej për të festuar. Por ajo nuk nuk ishte kthyer. Në rrugë ajo ishte ngatërruar me një të panjohur. Në polici më vonë kishte arritur edhe Aurela e cila ishte ndalur nga policia në Lodi. Ajo kishte ikur nga shtëpia pas ngjarjes për të qëndruar te disa të afërm të saj në Lodi.

“Është e vërtetë”, pranojnë pjesërisht prindërit. “Ne e pamë makinën në atë gjendje. Por ne e patëm të pamundur ta pyesnim se çfarë kishte ndodhur”, vijojnë më tej ata.

Por duket se sekretet e asaj nate janë zbuluar pas dëshmisë që e reja ka dhënë për 5 orë në polici. Në praninë e avokatit Luca Amerio (i cili u zëvendësua nga Paolo Pollini), ajo tha: “Garitta u përpoq të më përdhunonte, por unë nuk doja ta vrisja”. Megjithatë rindërtimi i plotë i ngjarjes ka ende boshllëqe./abcnews.al

3500-1.jpg
G. P.23:30 | 14/01/2019

Kina ka dënuar me vdekje një shtetas kanadez të akuzuar për trafik narkotikësh. Lëvizja vjen pak kohë pas arrestimit në Kanada të menaxheres së kompanisë kineze të telefonisë “HUA UEI” dhe rrezikon të shkaktojë një incident të rëndë diplomatik mes Pekinit dhe Otauas.

Një gjykatë në Kinë ka dënuar me vdekje për trafik droge një shtetas kanadez, një verdikt ky që ka gjasa të shkaktojë një incident diplomatik mes dy vendeve. Robert Lloid Shelenberg ishte dënuar fillimisht me 15 vjet burg në 2018-n, por pas një apeli gjykata tha se vendimi ishte shumë i lehtë.

Vendimi në fjalë erdhi fare pak kohë pasi Kanadaja arrestoi Meng Uanzhou, menaxherja numër një e gjigandit kinez të telekomunikacionit “HUA UEI”, me kërkesë të Shteteve të Bashkuara. Sidoqoftë, zonjës Uanzhou iu ofrua liria me kusht në dhjetor. 46-vjeçarja është e bija e themeluesit të “HUA UEI” dhe arrestimi i saj acaroi marrëdhëniet e Kinës si me Kanadanë edhe me Amerikën.

Që atëherë Kina ka ndaluar dy shtetas kanadezë, të cilët akuzohen për aktivitete në dëm të sigurisë kombëtare të vendit. Shtetasi Robert Lloid Shelenberg u arrestua në vitin 2014 dhe u akuzua për trafikimin e 200 gramëve metamfetaminë. Në nëntor të vitit të kaluar ai u dënua me 15 vjet burg, por të hënën e 14 janarit gjykata e qytetit të Dalianit i dha atij dënimin kapital. Shelenberg u mbrojt duke thënë se nuk është një trafikant droge dhe se kishte ardhur në Kinë si turist.

Tani ai ka 10 ditë kohë për të apeluar vendimin. Nga ana e saj, qeveria kineze ka mohuar zërat se po përdor sistemin e saj ligjor për t’u hakmarrë për arrestimin e menaxheres së “HUA UEI”, por tashmë marrëdhëniet diplomatike ndodhen në buzë të greminës./abcnews.al

 

INSTAT-PER-AKSIDENTET.mpg_snapshot_00.04-1280x720.jpg
G. P.19:04 | 21/12/2018

Aksidentet rrugore në vendin tonë janë ndër shkaktarët kryesorë që marrin jetë njerëzish, kryesisht jetët e të rinjve. Sipas statistikave të publikuara nga INSTAT gjatë muajve Janar-Nëntor 2018, në rang kombëtar kanë humbur jetën në aksidente rrugore 190 persona.

Çdo dy ditë mesatarisht tre shqiptarë humbin jetën në aksidente rrugore në vend. Sipas të dhënave të INSTAT gjatë periudhës Janar-Nëntor në rang kombëtar kanë humbur jetën 190 persona nga aksidentet rrugore, duke bërë kështu që të jenë ndër shkaktarët më të mëdhenj të humbjes së jetës tek personat me moshë të re në vendin tonë.

Në muajin nëntor 2018 po sipas INSTAT numërohen 130 aksidente rrugore nga 177 aksidente të ndodhura në Nëntor 2017, duke u ulur me 26,6 % krahasuar me të njëjtën periudhë të një viti më parë. Në Nëntor 2018, numri i të aksidentuarve është 171 persona nga 235 që ishte një vit më parë, duke u ulur me 27,2 %. Sipas INSTAT në Nëntor 2018, aksidentet rrugore në 75,4 % të rasteve, kanë ndodhur si pasojë e sjelljes së gabuar të drejtuesit të mjetit. Ndërsa gjatë muajve Janar-Nëntor 2018, aksidentet rrugore në 21,9 % të rasteve kanë ndodhur si pasojë e sjelljes së pakujdesshme të këmbësorve.

Edhe sipas raporteve të Organizatës Botërore të Shëndetësisë rrugët në Shqipëri vrasin më shumë se në çdo vend tjetër të Europës. Me 13.7 vdekje për 100 mijë banorë, Shqipëria renditet ndër vendet me nivelin më të lartë të vdekjeve nga aksidentet në Europë./abcnews.al

AKSIDENT-NE-SHKODER-MBULIM.mpg_snapshot_00.00-1-1280x699.jpg
G. P.13:57 | 29/11/2018

Dy aksidente kanë ndodhur në qytetin e Shkodrës brenda një harku kohor të shkurtër nga njëri-tjetri. Një person ka humbur jetën kurse një tjetër ndodhet në spital me plagë të rënda. Në lagjen “Bahçallek”  sipas policisë i moshuari me biçikletë u përplas nga një makinë. Nuk dihet ende shkaku i këtij aksidenti, ndërkohë që viktima është Petrit Barbollushi 60 vjeç.

Më herët një tjetër aksident kishte ndodhur në qytetin e Shkodrës. Një 97 vjeçar që po lëvizte me motorr është rrëzuar dhe mori plagë në kokë. Ai ndodhet në spitalin e rajonal të Shkodrës./abcnews.al

 

greqia.jpg
G. P.13:49 | 25/11/2018

Një shtetas shqiptar është gjetur i vdekur mëngjesin e së dielës në burgun e Trikalas në Greqi. Lajmi bëhet i ditur nga mediat helene. 35-vjeçari shqiptar ka tërhequr vëmendjen e të burgosurve të tjerë dhe policisë pasi nuk u është përgjigjur thirrjeve të tyre.

Menjëherë agjentët e policisë kanë hapur qelinë e tij ku dhe kanë gjetur shqiptarin e pajetë. Ende nuk dihen shkaqet e vdekjes së 35-vjeçarit. Për këtë autoritetet greke kanë hapur dhe një hetim. Ndërkohë, idenditeti i tij nuk bëhet i ditur./abcnews.al

 

AKSIDENTI-NE-KORCE-MBULIM_ABC-M2-T1.mpg_snapshot_00.37-1280x720.jpg
G. P.14:04 | 11/11/2018

Gjykata e Korçës ka lënë në burg dy shoferët Petrit Kupa dhe Laurenc Pallashi. Ata janë cilësuar përgjegjës për aksidentin me pasojë vdekjen, Sokol Hoxhallarit dhe vajzës së tij 6 vjeçe. Ngjarja e rëndë ndodhi ndodhi në unazën e qytetit të Korçës pak ditë më parë. Gjykata pranoi kërkesën e prokurorisë për të aprovuar masën e sigurisë arrest me burg për Petrit Kupen dhe Laurenc Pallashin. Dy drejtuesit e mjeteve u përplasën dy ditë më parë, dhe pas aksidentit, njëra nga makina devijoi nga rruga duke hipur në trotuar dhe duke shtypur babain 32-vjeçar me vajzën e tij 6-vjeçare./abcnews.al

pamje-nga-vendi-i-ngjarjes.jpg
G. P.13:37 | 12/10/2018

Policia deklaron se 13-vjeçarja që ndërroi jetë mbrëmjen e djeshme në spital është vetëvrarë me armën e gjahut të të atit. Pas marrjes së deklarimeve nga familjarët, rezulton se e mitura dyshohet të jetë vetëvrarë në banesë, ndërsa mbetet ende mister motivi këtij veprimi.

13-vjeçarja, e cila u gjet e  pajetë në banesë e saj në zonën e Bregut të Lumit pasditen e së enjtes në Tiranë, dyshohet se i ka dhënë fund jetës me armë zjarri.

Të paktën kështu deklaroi policia një ditë pas ngjarjes, e cila tha se nga hetimet e kryera u vërtetua pista e vetëvrasjes. Kasandra Brahja, të cilën e shikoni në fotografi, dyshohet të jetë vetëvrarë në banesë me armën e gjahut të të atit.

Blutë e kryeqyetit sekuestruan  armën e gjahut për të cilën Xhevat Brahja, dispononte leje. Mësohet Brahja ishte në banesë me vëllanë dhe nusen e tij, të cilët janë shurdhmemecë. Djali dhe nusja prej pamundësisë për të folur, nuk kanë mundur t’i tregojnë gjë babit të vajzës, teksa grupi hetimor e ka pasur të vështirë të saktësojë nëse ka qenë vrasje apo vetëvrasje.

Edhe pse viktima 13-vjeçare, u shoqërua pasditen e së enjtes në spital, përsëri nuk mundi të shpëtojë nga plaga e shkaktuar me armë gjahu. Dyshohet se e reja është qëlluar me armë në pjesën e barkut, në shtëpinë e saj në rrugën “Niko Avrami”, teksa familjarët e saj shprehen të habitur për këtë veprim të vajzës së mitur./abcnews.al

pp1.jpg
G. P.09:42 | 20/09/2018

Mëngjesin e sotëm një ngjarje e rëndë ndodhi në lagjen “28 Nëntori” në qytetin e Vlorës.  Një 47-vjeçar u gjet i pajetë në rrugën poshtë një pallati në këtë lagje në orën 5:37.

Policia deklaron se nga veprimet hetimore dhe deklarimet e familjareve dyshohet se viktima mund të jetë hedhur nga ballkoni i banesës së tij, në kati i 7 të pallatit në kushte depresive.

Kjo pasi 47-vjeçari me iniciale L.M., kurohej nga depresioni. Grupi hetimor po punon për zbardhjen dhe sqarimin e rrethanave të ngjarjes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono