vdekje

aviciii.jpg
gra moz15:05 | 21/04/2018

Dj dhe producenti i njohur muzikor Aviçi, ka ndërruar jetë në moshën 28 vjeçare për shkak të problemeve shëndetësore. Në vitin 2016, ai ishte tërhequr nga skena duke premtuar se do të vazhdonte të krijonte muzikë.

Ka ndërruar jetë në moshën 28-vjeçare dixheji dhe producenti suedez Tim Bergling, i njohur në botë si Avicii. Ai u gjet i pajetë në Mukat, Oman, dhe për momentin nuk ka ende detaje për atë që ka ndodhur. Aviçi ishte tërhequr nga skena muzikore që në 2016-n për shkak të problemeve shëndetësore. Vitet e fundit ai vuante nga pankreasi akut për shkak të abuzimit me alkoolin.

Familja publikoi një lajmërim të shkurtër ku kërkohej respekt dhe heshtje në këtë moment dhimbjeje, dhe duke bërë të qartë se nuk do të ketë deklarata të tjera. Avicii ka qenë një nga producentët më të rëndësishëm muzikorë në dekadën e fundit. Përveç realizimit të sukseve planetare si “Ëaiting For Love”, “Levels” e sidomos “Ëake Me Up”, video e të cilit në Youtube ka kaluar më shumë se 1 miliard e gjysëm klikime, ai ka bashkëpunuar me emra si Chris Martin, David Guetta, Madonna e Robbie Uilliams.

Në mesazhin e tij të fundit për fansat ai shkruante: “Arrijmë të gjithë një pikë në jetën dhe karrierën tonë ku kuptojmë se çfarë ka rëndësi më shumë për ne. Për mua është të krijoj muzikë. Për atë jetoj dhe për atë kam lindur. Një vit më parë i thashë lamtumirë performancave live në skenë dhe shumë prej jush menduan se kishte mbaruar. Por nuk ishte fundi i Avicii apo i muzikës sime. Jam kthyer në vendin ku gjithçka ka një kuptim, në studio. Hapi i parë do të jetë e gjithë dashuria ime në krijimin e muzikës për ju. Dhe ky është një fillim i mirë. Shpresoj të jeni të lumtur sa unë për këtë…”/abcnews.al

borodin.jpg
gra moz14:24 | 16/04/2018

Një gazetar investigativ në Rusi ka humbur jetën në mënyrë misterioze për shkak të rrëzimit nga kati i pestë i apartamentit të tij. Maxim Borodin sëfundmi ka publikuar një artikull rreth mercenarëve rusë në Siri.

Një gazetar investigativ rus, i cili ka shkruar rreth vdekjeve të mercenarëve në Siri, ka humbur jetën në një spitali pasi është rrëzuar nga kati i pestë i një pallati. Maxim Borodin është gjetur nga fqinjët në një gjendje shumë të rëndë në Yekaterinburg. Zyrtarët lokalë njoftuan se nuk kanë gjetur asnjë letër lamtumire. Megjithatë ata nuk mendojnë se incidenti është i natyrës kriminale.

Përveç kësaj, një mik i ngushtë i Borodin bëri të ditur se apartamenti i tij ishte rrethuar nga agjentë sigurie dy ditë përpara ngjarjes tragjike. Vyacheslav Bashkov e përshkroi Borodin si një “gazetar parimor dhe të ndershëm” dhe tha se Borodin e kishte kontaktuar atë në orën pesë të mëngjesit më 11 Prill duke thënë se kishte “një person me armë në ballkon e tij dhe njerëz të kamufluar dhe maska në shkallë”. Borodin kishte kërkuar avokat, shpjegoi ai, edhe pse më vonë e thirri përsëri duke thënë se ai e kishte pasur gabim sepse agjentët e sigurisë kishin marrë pjesë në një lloj stërvitjeje.

Pavarësisht këtyre raportimeve, hetuesit thonë se pas incidentit e kanë gjetur derën e apartamentit të mbyllur nga brenda, gjë e cila tregon që askush nuk ka dalë apo hyrë. Drejtuesi i medias ku punonte Borodin, tha se nuk beson që vdekja e tij ishte një aksident pasi gazetari nuk kishte arsye që të vriste veten. Javët e fundit, gazetari ka shkruar për mercenarët rusë të njohur si “Wagner Group” që u vranë me 7 Shkurt në Siri gjatë një konfrontimi me ushtrinë amerikane./abcnews.al

akrobati-1280x683.jpg
gra moz10:33 | 19/03/2018

Akrobati francez 38 vjeç, pjesë e “Cirkut të Diellit”, ka humbur jetën gjatë performancës së tij në një spektakël në Florida. Ai nuk arriti të kapej në kohë pas hedhjes në ajër duke u përplasur me forcë në tokë.

Një akrobat i “Cirkut të Diellit” ka humbur jetën, pasi u rrëzua gjatë një spektakli në Tampa të Floridës. Artisti, Jann Arnaud, ra teksa po performonte një numër akrobatik në ajër. I transportuar menjëherë në spital, ai ndërroi jetë si pasojë e plagëve të marra. Presidenti i grupit të “Cirkut të Diellit” u shpreh se të gjithë ishin në gjendje shoku nga kjo tragjedi.

Akrobai francez, 38 vjeç, nuk arriti të kapej në kohë, pasi u hodh në ajër duke u përplasur në tokë me forcë. Dhe pse ndërhyrja e mjekëve ishte e menjëhershme, për të nuk mund të bëhej mëgjë. Dy spektaklet e tjera në program në Tampa janë anuluar, ndërsa policia ka nisur hetimet për të ndëtuar dinamikën e ngjarjes./abcnews.al

hawking.jpg
gra moz16:13 | 14/03/2018

Stephen Hawking ishte një nga astrofizikanët më të shkëlqyer të gjeneratës së tij. Por në fillimet e tij, ai ishte një nxënës mesatar dhe dembel, siç vetë e ka shkruar në autobiografinë “Historia e shkurtër e jetës sime”.

Para se të bëhej një prej shkencëtarëve më të shquar të planetit, Stephen Hawking ishte një nxënës si gjithë të tjerët. Shpesh gjatë jetës së tij, astrofizikani i është rikthyer viteve të fëmijërisë duke pranuar se në klasë, nuk ishte aspak nxënës i dalluar.

Në autobiografinë e tij “ Historia e shkurtër e jetës sime”, shkencëtari pranon se ka mësuar të lexojë vetëm në moshën 8-vjeçare.

“Motra ime Filipa, e edukuar me metoda më konvencionale, mësoi të lexojë që në moshën 4 vjeçe. Padyshim që ajo ishte shumë më e zonja se unë”, rrëfen ai.

Dhe vijon të kujtojë: “ Kam qenë gjithnjë një nxënës mesatar, në një klasë plot nxënës të shkëlqyer. Isha i çrregullt dhe shkrimi im i dëshpëronte mësuesit. Por shokët më quanin Ajnshtajn, padyshim se kishin vënë re disa tipare premtuese tek unë.”

I apasionuar pas matematikës e fizikës, Stephen Hawking tenton konkurimin për në Universitetin e Oksfordit duke ia dalë që në moshën 17-vjeçare të marrë një bursë nga ky institucion prestigjoz. Në autobiografinë e tij, ai kujton se qasja e Oskfordit ndaj punës në atë kohë nuk ishte aspak miqësore.

“Pra ose duhej të shkëlqeje pa shumë mundim, ose të pranoje këto kufizime e të kënaqeshe me rezultate mediokre”.

“Një ditë, kujton shkencëtari, përllogarita se gjatë tre viteve aty, kisha bërë mijëra orë punë, në fakt një orë në ditë. Nuk jam krenar për këtë dembelizëm, por në atë kohë isha po aq përtac sa shumë bashkëstudentë të mij. Kishim një ndjesi totale lodhjeje dhe bindjen se mundimi nuk kishte vlerë.”

Vetëm në moshën 21-vjeçare, kur mësoi se nuk i mbeteshin edhe shumë vite jetë, për shkak të sklerozës amiotrofike laterale, Stephen Hawking u impenjua të bënte gjëra të mëdha.

“Kur përballesh me mundësinë e vdekjes në moshë të re, e kupton se jeta meriton të jetohet dhe se ka shumë gjëra për të bërë”, rrëfen ai në librin “Historia e shkurtër e jetës sime”.

Vazhdimin e jetës së tij, shumë më e shkëlqyer, e njeh e gjithë bota./abcnews.al

biz.jpg
gra moz18:55 | 13/03/2018

Një vdekje me sfond rus është verifikuar në Britani, një javë nga helmimi i ish-agjentit Sergei Skripal. Ndërkohë, Uashingtoni ka bashkuar forcat me Londrën për ndëshkimin e Moskës nëse rezulton përgjegjëse.

Një ish-biznesmen rus që jetonte në mërgim në Londër është gjetur i vdekur, vetëm një javë nga helmimi i ish-agjentit të dyfishtë rus në Salisburi. Nikolai Glushkov u gjet i pajetë nga familja dhe miqtë e tij mbrëmjen e vonë të së hënës, raporton “The Guardian”.

Glushkov kishte qenë biznesmen në Rusi pas rrëzimit të regjimit komunist dhe ishte ortak i Boris Berezovsky, oligarku që u largua nga Moska, pasi u kthye në kritik të presidentit Vladimir Putin. Berezovsky u gjet i vdekur në tualetin e shtëpisë së tij në jug të Anglisë me një shall në qafë. Specialistët që kryen autopsinë arritën në përfundimin se ishte e pamundur të përcaktohej nëse oligarku ishte vrarë apo kishte kryer vetëvrasje.

Ndërkohë, vdekja e Glushkov vjen pak më shumë se një javë nga helmimi i ish-spiunit Sergei Skripal dhe vajzës së tij Julia me një agjent kimik nervor. Sa i takon kësaj ngjarjeje, Britania po siguron mbështetje nga aleatët e saj. Presidenti Donald Trump ka deklaruar këtë të martë se të dhënat e para sugjerojnë se prapa helmimit qëndron Rusia.

“Dhe Shtetet e Bashkuara do ta ndëshkojnë Rusinë apo këdo qoftë përgjegjës”, ka thënë Trump. Ndërsa në Moskë, ministri i Jashtëm Sergei Lavrov ka thirrur në takim ambasadorin britanik, duke i deklaruar se shteti rus nuk ka lidhje me ngjarjen./abcnews.al

polikron-cela-1280x662.jpg
gra moz13:41 | 11/03/2018

Është ndarë sot nga jeta mjeku i njohur Polikron Çelo. Mjeku pediatër u shua në moshën 86-vjeçare pas një sëmundje të rëndë që vuante prej disa kohësh.
Polikron Çelo, ia kushtoi karrierën e tij jetës së fëmijëve. Ai gjithashtu ka drejtuar Shërbimin e Nefrologjisë si dhe Spitalin e Fëmijëve si dhe ka qënë pedagog në Fakultetin e Mjekësisë.
Homazhet do bëhen në hotel “Internacional” ditën e nesërme afër ish-lidhjes së Shkrimtareve, nga ora 10 deri 12:30.
Varrimi do bëhet në Sharrë po nesër në orën 13:00./abcnews.al

astori-2.jpg
gra moz20:27 | 05/03/2018

Në Itali kanë nisur hetimet për vdekjen e ish-futbollistit të Fiorentinës, Davide Astori. Prokurori De Nikolo po heton për vrasje me paramendim.

Nuk ka ende një version të qartë për të, veçse mendohet më e rënda.
Davide Astori, ish-kapiteni i Fiorentinës, mundet edhe të jetë vrarë.
Kështu thotë prokurori që po merret me çështjen, Antonio De Nikolo, i cili ka hapur hetim për “vrasje me paramendim”.

Gjithsesi, prokurori nga Udine thotë se “kjo lloj akuze bëhet sepse duhet bërë, ndërsa versioni më normal mund të jetë vdekje nga shkaqe natyrale”.

“Është e habitshme që diçka e tillë t’i ndodhë një futbollisti profesionist, vazhdoi De Nikolo, një lojari që është i monitoruar rreptësisht nga ana e klubit, ndërsa nuk ka pasur asnjë shenjë paralajmëruese”.

Sidoqoftë, hetimi pritet të ndihmohet nga ana e autopsisë, që mund të japë të dhëna të vlefshme mbi atë që i ka ndodhur ish-futbollistit.
Autopsia do të kryhet në orët e ardhshme në spitalin “Santa Maria” të Udines, ku u vendos trupi i pajetë i transportuar nga hoteli.
Astori, 31-vjeçar, u gjet i vdekur në dhomën e tij të hotelit në qytetin e Udines, ku skuadra e tij Fiorentina, do të luante të dielën ndeshjen e radhës në Serinë A, ndaj ekipit vendas, Udineze.

Varrimi i ish-mbrojtësit të qendrës pritet të zhvillohet të enjten në Firence në Bazilikën e Santa Kroçes.
Vdekja e Astorit shkaktoi tronditje të madhe në Itali dhe në Europë.
Tifozët e Fiorentinës zhvilluan homazhe për ish-kapitenin e tyre, ndërsa mesazhe ngushëlluese janë dhënë nga shumë figura të shquara të sportit në të gjithë botën./abcnews.al

astori.jpg
gra moz12:27 | 04/03/2018

Ka ndërruar jetë në moshën 31-vjeçare në mënyrë të papritur futbollisti italian, Davide Astori. Kapiteni i skuadrës së Fiorentinës por dhe pjesë e kombëtares italiane ndodhej në hotel në pritje të ndeshjes së të dielës. Në shenjë zie janë shtyrë të gjitha ndeshjet në program për të dielën.
Një tragjedi për skuadrën italiane të futbollit Fiorentina dhe jo vetëm. Ka ndërruar jetë në mënyrë të papritur kapiteni i skuadrës, Davide Astori. Mbrojtësi 31-vjeçar u gjet pa jetë në një hotel në Udine, ku ndodhej për ndeshjen e së dielës. Sipas të dhënave të para, shkaku i vdekjes së futbollistit është një atak në zemër.
Në një postim në profilin zyrtar të skuadrës në Tëitter, shkruhet se Fiorentina është shumë e tronditur dhe e detyruar të pohojë lajmin e trishtuar për ndarjen nga jeta të Davide Astori. Për shkak të situatës dekilate dhe sidomos për respekt të familjes së tij janë shtyrë të gjitha ndeshjet në program për të dielën.
Seria A ka vendosur të ndalojë pas ndarjes nga jeta të futbollistit 31-vjeçar, komisioneri i Legës, Xhovani Malago, konfirmoi lajmin. Fillimisht një gjë e tillë u kërkua nga shoqata italiane e futbollistëve. Ku shkruhej se asnjë futbollist nuk dëshironte të zbriste në fushën e gjelbër, pas lajmit për vdekjen e kolegut të tyre. /abcnews.al

vlcsnap-error851-1280x720.jpg
gra moz14:12 | 25/02/2018

Vendi i quajtur “Kthesat e Murrashit” në rrugën Elbasan – Librazhd është nga më të rrezikshmit në vend. Që kur është ndërtuar segmenti, aty shumë njerëz kanë humbur jetën, shumë mjete kanë përfunduar në lum. ABC News sjell një vëzhgim nga kjo pjesë e rrugës që ndryshe po quhet “Kthesat e vdekjes”.

Disqe makinash të mbetura në anë rrugë
Stopa të thyer dhe mbrojtëse të dëmtuara.
Pas tyre vijnë lapidaret përkujtimore.
Panoramë e trishtë në rrugën Elbasan – Librazhd në vendin e quajtur “Kthesat e Murrashit”.

Mund të cilësohen edhe si “Kthesat e vdekjes”.
Që me ndërtimin e rrugës janë regjistruar dhjetëra aksidente me vdekje e plagosje të rënda.
Mjaft nga automjetet kanë përfunduar në lumin Shkumbin.

“Në kohë reshjesh nga malet bien ose rrëshqasin masa shkëmbore, gurë dhe inerte duke bllokuar menjëherë rrugën, ose edhe duke goditur automjetet”.

Në malet e thepisura mungojnë rrjetat ose pritat mbrojtëse.
Por, edhe pse njihet ky realitet, shqetësues mbetet fakti se nuk ka asnjë zgjidhje për të ardhmen.
Mungon një studim gjeologjik dhe për më tepër fonde për t’i dhënë fund makthit të drejtuesve të automjeteve dhe udhëtarëve.

Në këto kushte “Kthesat e Murrashit” do të vazhdojnë të marrin jetë njerëzish pasi nuk ekziston asnjë alternativë tjetër për të udhëtuar në korridorin lindje-perëndim./abcnews.al

aksidenete-1280x648.jpg
gra moz15:09 | 22/02/2018

Vetëm në 21 ditët e para të muajit Shkurt kanë humbur jetën nga aksidentet rrugore 14 persona. Ky numër është më i lartë se ai i viktimave nga aksidentet gjatë gjithë muajit Janar në vendin tonë.

14 persona kanë humbur jetën nga aksidentet rrugore në të gjithë vendin deri më datë 21 Shkurt.

ABC Neës ka mësuar nga drejtoria e Policisë Rrugore, numri më i madh i viktimave u shkaktuan nga 10 aksidente të rënda, vetëm në një ndër to që ndodhi të dielën e kaluar në aksin Shkodër – Velipojë, humbën jetën katër pjesëtarë të familjes Preka.

Shifrat e viktimave nga aksidentet në këtë fillim të 2018-s kanë pasur tendencë rritjeje.
Muaji Shkurt nuk është mbyllur ende, por në 21 ditë të tij kanë humbur jetë nga aksidentet automobistike 14 persona, ose 1 më shumë se viktimat e gjithë muajit Janar.

Në 21 ditët e para të Shkurtit, sipas Policisë Rrugore në gjithë territorin e Shqipërisë kanë ndodhur 140 aksidente rrugore. Numri i të plagosurve ishte 144 persona, 84 prej tyre në gjendje të rëndë, të cilët pasi kanë marrë mjekim në spital, ndodhen jashtë rrezikut për jetën.
Nga hetimet paraprake, sipas specialistëve të policisë rrugore ka rezultuar se shkaktar I aksidenteve kanë qenë dy faktor kryesor. E para lidhet me shpejtësinë tej normave të lëvizjes së drejtuesve të automjeteve në rrugë, ndërsa faktori i dytë që ka rritur numrin e viktimave në rrugë është mungesa e infrastrukturës rrugore si edhe prania e akullit në rrugë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono