Vangjel Dule

aleatet-ne-Fier.jpg
nev ila12:03 | 06/06/2019

Pesë partitë e grupimit të qendrës së djathtë i kërkojnë presidentit të Republikës që të deklarojë shtyrjen e zgjedhjeve lokale me 6 muaj. Gjatë një takimi që zhvilluan me qytetarë në Kamëz, partitë opozitare thonë se kjo është një betejë për jetë a vdekje.

Presidenti Ilir Meta nuk duhet ta vonojë vendimin për shtyrjen e zgjedhjeve. Thirrjen ia drejton  “Grupimi i Qendrës së Djathtë”.

“I kërkoj Presidentit të Republikës, si autoriteti kushtetues i vetëm i këtij vendi, i cili duhet të garantojë unitetin e popullit, i cili duhet të garantojë një shoqëri demokratike e pluraliste, duhet të garantojë nga pikëpamja kushtetuese një shoqëri që bazohet mbi votën e lirë, të deklarojë shtyrjen e zgjedhjeve lokale me 6 muaj. Në qoftë se Presidenti i Republikës ka deklaruar që është i gatshëm, në qoftë se do të ketë mirëkuptim politik, ne sot kuptojmë që nuk ka mirëkuptim nga pushteti i krimit. Prandaj është e rëndësishme që të shtyjmë zgjedhjet për 6 muaj dhe të ndërtojmë një qeverisje tranzitore”, tha Fatmir Mediu.

Çfarë ka ndodhur me zgjedhjet në të shkuarën tashmë është një arsye më shumë pse duhet formuar qeveria tranzitore dhe kryeministri të japë dorëheqjen thanë kryetarët e partive të grupimit të qendrës së djathtë.

“Nuk kanë vjedhur persona të veçantë, apo kryetarë bashkish, ka qenë ky shefi i vjedhjeve. Nuk mund të vidhte Dako pa bekimin e këtij, i ka bekuar ky këta, por ç’është më e keqja, mirë se i ka bekuar për vjedhje, por këta njerëz i ka marrë dhe i ka çuar në pushtet”, tha Duka.

“Në tavolinën evropiane politikanë të korruptuar si Edi Rama nuk mund, dhe nuk do të rrinë asnjëherë të barabartë. Jemi brez i humbur, ne po se po, por mbi ne rëndon edhe përgjegjësia nëse do të jetë i humbur edhe brezi i fëmijëve tanë. Nuk mund t’ia falim një brez të tërë, të shoqërisë sonë, Edi Ramës dhe interesave të tij okulte. Duhet të ndërgjegjësohemi”, deklaroi Vangjel Dule.

“Duhet me e ndalu’, me e thy’, këtë lloj rrethi të keq. Na takon të ngrihemi, të rezistojmë, kjo është betejë jetë a vdekje”, tha Shehi.

 “E vetmja mënyrë me të është përballja, dhe përballja është protesta. Çdo gjë e ka një lloj fundi, për atë, të merituar, ta mbyllim me një ‘Rama ik’ të fuqishëm”, tha Nard Ndoka.

Në këtë organizim, që tashmë njihet si “Forumi për Zgjedhje të Lira” partitë opozitare diskutuan për krizën politike, institucionale dhe ekonomike në të cilin ndodhet vendi./ABC News Albania 24/7

mediu.jpg
G. P.15:35 | 22/05/2019

Krerët e pesë partive opozitare aleate të Lulzim Bashës gjatë takimit me mbështetësit në qytetin e Lezhës, pasi i ftuan të jenë pjesëmarrës në protestën e 25 Majit, theksuan arsyet përse kryeministri Rama nuk mund të jetë në krye të qeverisë që do të zhvillojë zgjedhje brenda standardeve demokratike.

Grupimi i Qendrës së Djathtë, pesë aleatët e demokratëve në opozitë, tezat e tyre i artikuluan në Lezhë.

“Ky po i përcakton kundërshtarët vetëm, po regjistron vetë jashtë çdo rregulli, po i voto dhe thotë “Kështu bëhet se kështu dua unë””, tha Duka.

Qeveria kalimtare është rruga e vetme për mos zvarritjen e kësaj krize, sipas tyre, përballë të cilës qëndron alternative opozitare.

“Lulzim Basha si lider i opozitës sot ka një përgjegjësi shumë të madhe. Përveç aksionit opozitar, përveç kauzës për largimin e kryeministrit do japim dhe alternativa bindëse për qytetarët dhe ai tashmë ka filluar ta bëjë një gjë të tillë, të gjithë e shohim”, tha Ndoka.

Precedent për largimin e kryeministrit përpara zgjedhjeve ekziston, kujton Mediu, madje shumë pranë nesh.

“Kemi një precedent rajonal, siç është precedenti i Maqedonisë së Veriut ku u ra dakord për qeverisje tranzitore ku Gruevski nuk ishte kryeministër dhe për të përgatitur zgjedhjet”, tha Mediu.

Arsyeja për këtë është më e qarta për shqiptarët, sipas kreut të LZHK-së.

“Ky ka filluar i ka marrë të gjitha. Ky ka vënë ato emrat e lezetshëm, jo tepsia, jo timoni që të qeshin pak njerëzit, mirëpo ky në fakt u ka futur dorën në xhep njerëzve. Domethënë merr paratë e shtetit publik. Ky ka marrë drejtësinë, ky ka marrë ekonominë, edhe Akademinë e Shkencave. Se për çfarë i duhet Akademia e Shkencave, ka ndonjë peshë për ekonominë? Në këto rrethana bëhen zgjedhjet? Nuk bëhen dot. Ky merr para, media, çfarë zgjedhjesh të bëjmë”, tha Shehi.

Ndaj pjesëmarrja në protestën e së shtunës duhet të jetë tregues i refuzimit të kësaj farse sipas aleatëve të demokratëve.

“Të shtunën ta shumëfishojmë praninë tonë në protestën e madhe të opozitës së bashkuar”, tha Dule./ABC News Albania 24/7

presidencaaa.jpg
G. P.12:20 | 30/04/2019

Presidenti i Republikës, Ilir Meta zhvilloi një takim me partitë e vogla të opozitës këtë të martë në lidhje me krizën politike. Kreu i republikanëve Fatmir Mediu, ai i LZHK-së, Dashamir Shehi, kreu i Partisë Agrare Ambientaliste Agron Duka, ai i demokristianëve Nard Ndoka dhe kryetari i Bashkimit për të Drejtat e Njeriut, Vangjel Dule mbërritën në Presidencë në orën 11:00.

Në përfundim të takimit mes Presidentin Ilir Meta dhe partive të vogla opozitare, kreu i republikanëve Fatmir Mediu theksoi se situata aktuale politike është shumë problematike dhe duhet të përpiqemi që të ndalojmë që vendi të shkojë në një konflikt që nuk i shërben qytetarëve.

Ai nënvizoi se Presidenti vlerësoi kërkesën e partive të vogla dhe do të fillojë veprimet për diskutime me palët e tjera politike.

“Presidenti i Republikës ka bërë gjithçka që mundet ai në autoritetin e tij që reforma në drejtësi të jetë në përputhje me garantimin e pavarësisë së gjyqësorit dhe interesave të një pushteti gjyqësor që i shërben interesave të qytetarëve. Presidenti ka ndërmarrë iniciativa edhe me mazhorancën edhe me opozitën dhe do vazhdojmë në këtë rrugë që zgjedhjet të jenë sa më zgjedhjet të jenë sa më përfshirëse sa më pluraliste dhe jo të devijojnë nga akset kushtetuese siç kemi shqetësimin edhe ne. Presidenti i Republikës vlerësoi kërkesën e partive tona. Në vlerësim të kërkesës sonë dhe qëndrimeve tona do të ndërmarrë veprimet e veta dhe në diskutim me partitë e tjera politike. Ka nevojë me diskutim për të gjitha palët për këto çështje”, tha Mediu.

Takimi me presidentin është kërkuar nga ky grupim i qendrës së djathtë, me qëllimin që t’i kërkohet kreut të shtetit ndërmjetësimi i një tryeze politike gjithëpërfshirëse për zgjidhjen e krizës.

Ndërkohë me anë të një reagimi nga zyra e shtypit, Presidenti  theksoi se do vazhdojë kontributin e tij për zgjidhjen e krizës.

“Presidenti Meta nxit dialogun dhe zërat e arsyeshëm, për dekurajimin e përshkallëzimit të mëtejshëm të krizës. Kreu i Shtetit do të vazhdojë kontributin e tij, me të gjitha format e mundësitë për të kërkuar reflektimin e të gjithëve, me qëllim garantimin, jo vetëm të bashkëjetesës demokratike, por edhe ecurinë e suksesshme dhe të besueshme të reformave të lidhura me integrimin evropian”, thuhej në komunikatën për shtyp.

Opozita ka nisur aksionin antiqeveritar përmes protestave dhe djegies së mandateve të deputetëve që prej 16 Shkurtit. Opozita joparlamentare i humbi mundësitë ligjore për të marrë pjesë ne zgjedhjet vendore të 30 Qershorit, pasi ka përfunduar tashmë afati i regjistrimit në KQZ për pjesëmarrje në këto zgjedhje.

Edhe për këtë çështje, Presidenti Meta shpreh shqetësimin e tij.

“Kreu i Shtetit shprehu shqetësimin se mosregjistrimi i të gjitha partive opozitare të legjislaturës së fundit parlamentare rrezikon jo vetëm standardet e zgjedhjeve, por edhe pluralizmin politik në vend”.

Opozita kërkon shtyrjen e zgjedhjeve dhe krijimin e një qeverie tranzitore që do të garantonte zgjedhjet, sipas saj të lira dhe larg mundësive për shitblerje të votës./abcnews.al

presidencaaa.jpg
G. P.16:41 | 26/04/2019

Pas kërkesës së partive aleate të demokratëve në opozitë për një takim me Presidentin Ilir Meta në funksion të zgjidhjes së krizës politike në vend, ky i fundit do t’i presë në selinë e tij ditën e martë në orën 11.

Me iniciator kreun e republikanëve Fatmir Mediu, takimi do të zhvillohet mes presidentit Meta dhe 5 partive opozitare, PR, PDK, PAA, LZHK dhe PBDNJ.

Kërkesa e artikuluar tashmë nga partitë, të formalizuara edhe në “Grupimin e Qendrës së Djathtë” është që kreu i shtetit të mundësojë një tryezë me të dyja palët, opozitë dhe mazhorancë.

Kjo e fundit sipas këtij grupimi mund të përfaqësohet nga kushdo, përfshi kryeministrin Rama, për sa kohë dialogu mundëson garantimin e një procesi zgjedhor të lirë e të ndershëm, gjë e cila sipas opozitës me kryeministrin Rama nuk mund të ndodhë.

Kjo tryezë sipas grupimit të qendrës së djathtë duhet të përcaktojë kohën e implementimit të një qeverie kujdestare për zgjedhjet dhe garantimin e tyre./abcnews.al

fatmir-mediu-1.jpg
G. P.20:46 | 25/04/2019

5 aleatët që firmosen koalicionin opozitar për pamundësimin e zgjedhjeve të Qershorit, kanë vendosur t’i kërkojnë presidentit ndërmjetësim për dialog, me qëllim zgjidhjen e krizës politike. Vendimin e tyre, krerët e partive të vogla e bënë të ditur pas takimit me ambasadorin e BE-së, Luigi Soreca.

5 aleatët që firmosën koalicionin opozitar zgjedhor Fatmir Mediu, Dashamir Shehi, Vangjel Dule, Agron Duka, Nard Ndoka pas takimit me kreun e delegacionit të Bashkimit Evropian në vendin tonë, Luigi Soreca, deklaruan se do t’i kërkojnë presidentit Ilir Meta që t’i ulë në një tryezë me mazhorancën për t’i dhënë zgjidhje krizës për zgjedhjet.

“Ne do t’i kërkojmë Presidentit të Republikës që të thërrasë një tryezë të pozitës dhe të opozitës për të zgjidhur këtë situatë për të garantuar zgjedhje të lira dhe të ndershme. Opozita nuk ka asnjë qëllim tjetër përveç garantimit të zgjedhjeve të lira dhe të ndershme dhe qytetarët shqiptarë të vendosin se kush do ta qeverisë këtë vend në nivelin lokal dhe në nivelin qendror. Çdo gjë tjetër do ishte shkatërruese dhe prandaj jemi bashkuar që të ndalojmë dhe frenojmë këtë proces shkatërrimi që ka nisur Edi Rama”, u shpreh Fatmir Mediu.

Ata janë të vetëdijshëm se interesat e shqiptarëve dhe Shqipërisë duhet të jenë në plan të parë.

“Boshti kryesor është shërbimi i axhendës opozitare që ka për synim që përfundimisht në vendin tonë të shkulet rrënja e së keqes e cila ka sjellë cile të njëpasnjëshme krizash politike dhe për rrjedhojë edhe ekonomike edhe shoqërore. Përvojat e hidhura të së shkuarës dhe 2017 nuk është shumë larg, duhet që të gjithë të na bëjnë më të mençur, më të ditur, më të urtë”, tha Vangjel Dule.

Takim i zhvilluar mes aleatëve me ambasadorin Soreca vjen pas atij me OSBE-në./abcnews.al

Rama-kuvendi-zgjedhjet.jpg
nev ila17:30 | 25/04/2019

Lutjet ja kanë refuzuar, e sot s’ka ç’ti të bëj më shumë opozitës që ka zgjedhur protestat në rrugë.

Kush e ka ngrënë siç e kemi ngrënë ne në këtë sallë baltën, bojën, vezët? Faji ynë është që pasi i konsumuan të gjitha mjetet, përfshirë edhe flakadanët, vendosën të ikin nga parlameni? Kanë dalë në rrugë se nuk vijnë dot në zgjedhje, se po të vijnë në zgjedhje dalin ashtu si hyjnë

Angazhimin e tij pro kundërshtarëve politikë e radhiti me çka i dha në zgjedhjet e shkuara, me orët e fjalimeve nga foltorja e parlamentit që ia kanë kaluar edhe atij që është kryeministër. Madje i kujtoi kryetarit të Partisë Demokratike se kundër kujt bënë fushatë në zgjedhjet e përgjithshme parlamentare.

Një problem kishim, si ti ruajmë votat se do na i blejë fallxhorja, a ju kujtohet e gjithë fushatat e 2017, për të cilën sot akuzohemi ne, ishte fushata e Lulzimit për të shpëtuar viktimat e Partisë Demokratike”

Këshilla që jep për partinë e dytë opozitare i bën të qeshë deputetët e majtë e të djathtë.

“Bëni provë të rri LSI ja 1 turn pushim dhe mos hyj në zgjedhje, nuk ka blerje votash, nuk ka shitje votash. Një copë SHQUP-i rri në garë, një copë SHQUP-i e kemi në rrugë. Ndryshimi i vetëm është që kjo copa e SHQUP-it që është këtu  nuk e do Monikën, ndërsa atë copën tjetër, e ka marrë Monika, e ka fut në filxhan dhe e rrotullon, për ti nxjerrë në fund atë pjesën ku, L-ja ngrihet lart dhe E-ja bie poshtë

Sot thotë se i vetmi hap që do të hedhë janë zgjedhjet e 30 qershorit. Kush i pengon i pret burgu.

“Pengimi i subjekteve zgjedhore sipas ligjit të votuar në parlament, ku shumicë ishte Sali Ramë Berisha dhe në pakicë ishte Edvin Kristaq Rama, dënohet nga 1 deri në 5 vjet burg”.

Nuk do të jenë të vetëm gjithsesi. Do të kenë koalicione me aleatë por edhe kundërshtarë thotë kryeministri midis të cilëve radhit edhe Partinë më të re të krijuar nga Astrit Patozi.

“Ndryshimi mes Astrit Patozit dhe Lulzim Bashës është se Luli bashkë me Saliun merrnin pjesë në aferat e mëdha të qeverisë, Astriti vinte këtu dhe i bënte avokatin me duar në xhepa pa qenë asnjëherë në pushtet. Astrit Patozin e ka futur Saliu në zgjedhje jo unë”.

Pavarësisht kërcënimeve zgjedhjet do të zhvillohen në 30 qershor është mesazhi i fundit i kryeministrit Rama.

Ne kemi përgjegjësinë maksimale, jo të fitojmë zgjedhjet por të vazhdojmë të dëgjojmë njerëzit, të vazhdojmë të punojmë për njerëzit dhe të vazhdojmë të qeverisim, duan apo s’duan ata, do Fatmiri s’do Fatmiri, bashkë me Dashin, Nardin dhe qirje Vangjelin”/abcnews.al

byro1-2-1280x718.jpg
G. P.23:59 | 27/02/2019

Në këtë puntatë të emisionit “Byro Politike” u diskutua rreth protestës së të martës që u zhvillua në të njëjtën kohë që mbahej seanca plenare nga ana e opozitës. Protesta u organizua në pak orë, pak pasi u lajmërua se do të kishte seancë plenare. Tubimi u shoqërua me tensione, ku pati edhe hedhje të gazit lotsjellës nga ana e policisë. Disa persona kanë mbetur të lënduar për shkak të efekteve të forta.

Për të folur rreth asaj që ndodhi, por edhe rreth asaj që pritet të ndodhë ishin të ftuar në studio: Jorida Tabaku, deputete e tërhequr e PD-së; Dashamir Shehi, kreu i LZHK-së; Edmond Panariti, deputet i tërhequr i LSI-së dhe Vangjel Dule, kreu i PBDNJ-së./abcnews.al

MBULIM-DULE-NE-PD.mpg_snapshot_00.09-1280x720.jpg
ent ela16:13 | 14/09/2018

Kryetari i PBDNJ-së Vangjel Dule ka zhvilluar ditën e sotme një takim me kreun e opozitës Lulzim Basha në selinë blu. Në dalje ai i është përgjigjur interesimit të gazetarëve lidhur me pretendimet për një shkëputje të mundshme të tij nga koalicioni me demokratët por kreu i PBDNJ-së e ka mohuar një gjë të tille duke konfirmuar bashkëpunimin me Partinë Demokratike.

“Ne jemi të prerë për parimet tona për bashkëpunim. Për sa kohë prioritetet e PBDNJ-së janë në afinitet me një parti tjetër ne vazhdojmë bashkëpunimin” – ka përfunduar ai.

Takimi erdhi vetëm një ditë pasi kreu i demokratëve Basha, nga Durrësi i shtriu dorën politikisht PDIU-së së Shpëtim Idrizit për bisedime me demokratët, pas shkëputjes së tij nga koalicioni qeverisës me socialistët./abcnews.al

vangjel-dule-1280x659.jpg
G. P.14:59 | 24/03/2018

Kreu i PBDNJ-s nga Korça ka folur për marrëveshjen e detit dhe marrëdheniet me Greqinë. Ai ka akuzuar kryeministrin Rama se për 5 vite ka mbajtur peng marrëdheniet midis Shqipërisë dhe Greqisë. Sa i përket marrëveshjes së detit, Dule vlerëson si të drejtë marrëveshjen e vitit 2009, duke shpresuar që negociatat të konkludojnë në një rezultat efektiv.

Vangjel Dule: “Zoti Rama nuk mund të marrë peng vendin tonë në marrëdhëniet me Greqinë, e cila përbën strumbullarin epolitikave euro-atlantike për Europënm juglindore. Rrjedhimisht urojmë që ky proces që ka nisur mes dy ministrave të Jashtëm, të jetë një takim që të ofrojë zgjidhje çështjeve të akumuluar, por në të njëjtën kohë të rekuperojë një pjesë të kostos të shkaktuar nga politikat e zotit Rama. Marrëveshja e vitit 2009 ishte, siç shprehen ekspertët se nuk jam i tillë dhe as kompas e vizore nuk kam në xhep. E konsiderojnë një marrëveshje të drejtë dhe besoj se edhe negociatat do të konkludojnë në një rezultat, i cili do të jetë i drejtë edhe efektiv”./abcnews.al

vlcsnap-error049.jpg
us er15:45 | 29/10/2017

Nga Korça, kreu i PBDNJ-së, Vangjel Dule, deklaroi se përballë fenomenit të kanabizimit të vendit, shoqërisë tonë i duhet një katarsis, duke nisur nga nivelet më të larta. Në këtë drejtim mund të ndihmojnë edhe partnerët ndërkombëtarë, shpjegoi ai. Dule u pyet gjithashtu nga ABC News nëse parashikonte zgjedhje të parakohshme.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono