vandalizmi

Ibra.jpg
Veronik Istrefaj14:58 | 23/12/2019

Statuja e Zlatan Ibrahimovic në Malmo të Suedisë është sulmuar sërish. Kjo statujë e gjigantit suedez, është sulmuar 3 herë deri më tani, edhe pse ka më pak se katër muaj që është ndërtuar. Fillimisht, statuja e yllit suedez u sulmua kur ky i fundit bëri zyrtare blerjen e tij të disa aksioneve të klubit rival të Malmos, Hammarby.

Më pas, statuja e sulmuesit u sulmua nga disa tifozë, të cilët i vendosën edhe letra higjienike në pjesën e kokës dhe një pjesë të tualetit në krah. Veprime të turpshme këto, por tifozët nuk janë ndalur sërish. Sot, kanë vendosur t’i presin hundën, duke e lënë statujën e Ibrahimovic me një vrimë të madhe në mes të fytyrës./abcnews.al

Olta-Xhacka-zjarret.jpg
ent ela15:06 | 01/04/2019

Në një deklaratë për median, ditën e sotme, Ministrja e Mbrojtjes Olta Xhaçka, ka vënë theksin te situata aktuale e zjarreve në vend. Sipas Xhaçkës, zjarret janë të qëllimshme, duke i cilësuar këto veprime si akte kriminale dhe vandale.

“Ajo që e bën këtë situatë edhe më të pashpjegueshme është fakti që këto zjarre janë akte kriminale, pra ato janë ndezur qëllimisht dhe në pjesën dërrmuese të rasteve pa asnjë arsye përfitimi prapa. Pra s’kemi të bëjmë me zjarre të vëna për të hapur kullota apo zjarre të vëna padashje duke djegur mbeturinat, në pjesën dërrmuese këto janë akte të pastra vandalizmi”, theksoi ajo.

Ministrja Xhaçka u shpreh se, në krahasim me vitin e kaluar, nuk ka patur zjarre të këtyre përmasave dhe kaq të shumta në numër. Pavarësisht se kushtet atmosferike kanë qenë të njëjta, sipas saj ky është një fakt që bën të mendosh për zjarrvënien e qëllimshme.

Unë dua t’ju jap sot disa fakte që edhe media, por edhe qytetarët të kuptojnë më mirë përse e quaj këtë një situatë të pazakontë.

Gjatë muajit Mars janë shënuar plot 243 vatra zjarri, të shpërndara gjeografikisht në pothuajse të gjithë territorin e vendit. Mesatarisht, 8 vatra zjarri në ditë, edhe pse temperaturat kanë qenë nën 20 gradë, e madje në shumë prej këtyre zonave shumë më poshtë se aq.

Vjet, në të njëjtën kohë ky numër ka qenë 0 edhe pse kushtet atmosferike kanë qenë të ngjashme. Dhe sado të kthehesh mbrapsht në vite nuk mund të gjesh një vit tjetër me këtë frekuencë zjarresh”, u shpreh në deklaratën e saj Xhaçka./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono