valdet rama

Mavraj.jpg
Igli Nikolli16:31 | 29/09/2019

E diele negative për Mërgim Mavrajn dhe dyshen e Kosovës: Paqarada e Halimi. Mbrojtësi i kombëtares u aktivizua si titullar për Greuther Furth, që u mposht në shtëpi 0-3 përballë Holstein Kiel.

Ndeshje për t’u harruar për Mavrajn dhe shokët e tij, të cilët humbën një shans për t’u afruar me kreun e Bundesliga 2. Disfatë kanë pësuar edhe dyshja dardane e Sandhausen, që humbi 2-0 në transfertë kundër St Pauli.

Leart Paqarada u aktivizua si titullar dhe u ndëshkua me karton të verdhë në pjesën e parë, ndërsa Besar Halimi zëvendësoi Turpitz në minutën e 72-të. Sandhausen u largua me zero pikë nga kjo ndeshje dhe renditet në vend të shtatë me 11 pikë.

Zero pikë mori edhe Valdet Rama në Bundesliga 3. Meppen u befasua 1-2 nga Uerdingen në shtëpi. Ish-sulmuesi i Kukësit u aktivizua gjatë gjithë ndeshjes, por nuk ia doli të evitonte humbjen e ekipit të tij. /abcnews.al

valdet-rama.jpg
Vladimir Prenga11:05 | 21/09/2019

Valdet Rama kishte rreth një vit pa luajtur futboll, por Kukësi vendosi t’i besonte në muajin janar. Sulmuesi anësor e mori veten gradualisht dhe e tregoi klasin në Superiore. Verilindorët tentuan me çdo kusht ta bindnin Ramën, por në fund ai zgjodhi të rikthehej në Gjermani.

Aktualisht ai po luan me SV Meppen në Bundesliga 3 dhe po bën paraqitje shumë të mirë. Në tre ndeshje ai ka arritur të shënojë katër gola. Ditën e djeshme ai i ka shënuar një gol mjaft të bukur ndaj Wurzburger Kickers, skuadër me të cilën Rama ka luajtur më parë në Bundesliga 2.

Pas një skeme të aplikuar, Rama ka arritur që me zgjuarsi ta dërgojë topin në rrjetë dhe ta çonte takimin në 2-1. Gjithsesi SV Meppen doli e mposhtur nga fusha e blertë, pasi i gjithë takimi u mbyll me rezultatin 3-2 në favor të Wurzburger Kickers. /abcnews.al

valdet-rama.jpg
G. P.20:20 | 20/08/2019

Ish-sulmuesi i Kukësit zyrtarisht nuk është më pjesë e kampionatit shqiptar, por së fundmi ka nënshkruar me gjermanët e Meppen, një skuadër në një nga ligat e Gjermanisë. Ndërkaq, pritet që Kukësi të zyrtarizojë shumë shpejt afrimin e Kristal Abazajt.

Nuk ka më asnjë dyshim tashmë. Ish-futbollisti i Kombëtares dhe Kukësit Valdet Rama, është prezantuar sot te skuadra e Mepen, duke u rikthyer kështu në futbollin gjerman. Pasi i dha fund aventurës me Kukësin, Valdet Rama nuk ka humbur kohë, teksa ka nisur sot aventurën e re në ligën e tretë gjermane.

“Mepen forcohet në sulm me Valdet Ramën, një ëndërr e madhe e trajnerit Kristian Neidhart për shumë kohë. 31-vjeçari ka firmosur kontratë dyvjeçare me opsionin rinovimin në bazë të paraqitjeve të bëra. Ai mund të kishte firmosur më herët, por kishte kontratë me Kukësin deri në përfundim të Kupave të Europës”, shkruan klubi në njoftimin zyrtar.

E ndërkaq, pritet që së shpejti Abazaj një njohje e vjetër e kampionatit shqiptar, me Luftëtarin e Skënderbeun, tashmë shumë shpejt pritet të kalojë te skuadra e Shpëtim Duros.

Abazaj, kartonin e të cilit e zotëron Anderlehti do të jetë futbollisti më i ri i Kukësit dhe pritet vetëm firma në kontratë dhe prezantimi, ndërkohë që orët në vijim mund të jenë vendimtare për të.

Abazaj flitej se kishte një akord me Tiranën, por në fakt bardheblutë nuk kanë arritur të bindin dhe të plotësojnë kushtet financiare të sulmuesit, i cili e njeh mirë futbollin në vend.

Abazaj mund të vihet nën urdhrat e Shpëtim Duros shumë shpejt dhe ndoshta do të jetë i gatshëm që në ndeshjen ndaj Partizanit. Por zyrtare nuk ka ende asgjë për momentin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono