vajza

meta-ilir-1.jpg
ger ta18:46 | 14/02/2020

Presidenti Ilir Meta ishte në spitalin e Traumës për të parë nga afër gjendjen e Merita Tolës, 16-vjeçarja që i mbijetoi tragjedisë në familjen Tola.

Në një prononcim për mediat, Meta u shpreh se fatmirësisht gjendja e vajzës është e mirë, ndërkohë që shprehu edhe njëherë ngushëllimet për familjen Tola.

Gjendja e vajzës është e mirë dhe e qendrueshme dhe mjekët po bëjnë një punë të mirë për ta mbajtur jashtë rrezikut. Ka ndodhur një dramë shumë e madhe në familjen e saj. Dua të shpreh edhe njëherë ngushëllimet më të ndjera për familjen Tola. Dhe të sigurojmë se do jemi pranë tyre për të kaluar këtë dhimbje të jashtëzakonshme dhe të pangushëllueshme”, tha Meta.

Nëna Rajmonda Tola, 45 vjeçe,  vajza Rudina Tola, 22 vjeçe, dhe djali Fatjon Tola, 14 vjeç  ndërruan jetë si pasojë e rrjedhjes së gazit në banesën e tyre, ndërsa vajza tjetër Merita Tola ndodhet në spital, në gjendje të stabilizuar, jashtë rrezikut për jetën.

Abcnews.al ka mësuar se Rudina ishte nënë e katër fëmijëve. Vajza e madhe ishte e martuar, ndërsa Rudina që ndërroi jetë ishte e fejuar dhe pritej të martohej këtë vit. Po kështu humbi jetën edhe djali 14 vjeçar, ndërsa tragjedisë i shpëtoi vajza 16 vjeçe.

/abcnews.al

 

udina-hajdari.png
ger ta17:18 | 14/02/2020

Urimet për ditën e të dashuruarve nuk kanë munguar sot as nga personazhet e njohur publikë, të cilët kanë zgjedhur forma të ndryshme për të përçuar mesazhe.

Ndërkohë, për 14 Shkurtin, deputetja Rudina Hajdari ka publikuar foton e vajzës së saj, e cila shfaqet me trëndafila të kuq në dorë.

Sihana duke shpërndarë lule për festën e Shën Valentinit. Gëzuar Shën Valentinin nga ne”, shkruan Hajdari.

/abcnews.al

arigona-zogaj-44098358_highres-587x392-1.jpg
Autor E08:19 | 08/02/2020

Më 26 shtator të vitit 2007, Arigona Zogaj ishte fshehur për t`i ikur dëbimit. Ndërkohë, pasi kanë kaluar disa vite, ajo, nëna e saj Nuria bashkë ne vëllain Albinin dhe motrën, Albonën, të dytë më të rinj se ajo, jetojnë të qetë dhe në mënyrë tërësisht të ligjshme në Austrinë e Epërme. Arigona, veç tjerash, ishte shpallur Njeriu i Vitit 2009 në Austri.

Kjo është kronologjia e kësaj historie:

Maj 2001: Babai Zogaj hyn në Austri në mënyrë të paligjshme dhe aplikon për azil, transmeton albinfo.ch. Gruaja Nuria dhe pesë fëmijët iu bashkuan në shtator të  vitit 2002. Të gjitha aplikimet do të refuzohen në vitet në vijim, rast pas rasti.

26 shtator 2007: Policia bën gati familjen për dëbim, por Arigona zhduket. Për pasojë, nëna e saj mund të qëndrojë në Austri për të gjetur 15-vjeçaren. Pak kohë më vonë, shfaqet një letër dhe më pas edhe një video përmes të cilave Arigona kërcënon se do të bëjë vetëvrasje. Më 10 tetor, bëhet i njohur qëndrimi i Arigonës tek pastori Josef Friedl, nën mbrojtjen e tij.

14 dhjetor 2007: Gjykata Kushtetuese e Austrisë (VfGH)kundërshton një ankesë të bërë nga Zogajt – por njëherësh e bën të qartë se kjo nuk do të thotë që Arigona dhe nëna e saj duhet të dëbohen, përcjell albinfo.ch. Ministri i i atëhershëm i punëve të brendshme, Günther Platter, mohon të drejtën humanitare të qëndrimit, por Arigona dhe e ëma mund të qëndrojnë deri në përfundim të vitit shkollor, në vitin 2008.

Qershor 2008: Arigona dhe Nurie Zogajt u kërkohet me shkrim të largohen nga vendi që në fillim të pushimeve verore. Ndërkaq, një raport psikiatrik vërteton se Nuria kishte tentuar të bënte vetëvrasje ndërsa  vajza e saj në korrik kishte nevojë për trajtim. Kështu, ato mund të qëndronin për momentin. Babai ndërkohë kishte ikur në Kosovë.

12 nëntor 2009: Ministria e Brendshme vendos të deportojë Arigonën, nënën dhe dy motrat më të reja për shkak të një vendimi negativ të azilit, pëfcjell albinfo.ch. Avokati i Zogajve, Helmut Blum ushtron një ankesë në Gjykatën e Azilit.

18 Mars 2010: Gjykata e Azilit kundërshton ankesën. Blum njofton se do të bëjë një ankesë në VfGH. Në muajin prill bëhet kërkesa për efekt pezullues, dhe kështu dëbimi pezullohet deri në përfundim të procedurës.

14 qershor 2010: VfGH hedh poshtë ankesat. Ministrja e Brendshme Maria Fekter (PVP) rekomandon largimin vullnetar dhe një ditë më vonë i referohet edhe mundësisë së një kthimi ligjor.

15 korrik 2010: Familja udhëton në Kosovë pas përfundimit të vitit shkollor.

22 nëntor 2010: BH (autoritetet e qarkut) Vöcklabruck pranojnë aplikimet për vizë të nënës tani të divorcuar Nuries, Arigonës si dhe vëllait të saj, Albinit dhe motrës, Albonës, transmeton albinfo.ch. Kështu,  menjëherë pas kësaj, të katër anëtarët e familjes kthehen në Austri.

6 shkurt 2012: Arigona, Albini dhe Albona marrin vizat me leje qëndrimi. Nëna e tyre e kishte marrë vendimin në fund të vitit 2011. Familja ka jetuar e pavarur që nga ajo kohë dhe nuk ka marrë fare ndihma nga shteti. Vizat fillimisht ishin të vlefshme për një vit, por më pas ato janë zgjatur për dy vjet, përcjell albinfo.ch. Sot Arigona, nëna e saj dhe dy vëllezërit e motrat e saj të vegjël jetojnë ligjërisht dhe pa probleme në Austri.

ttttt14.jpg
Autor E10:58 | 06/02/2020

Luciana Paula Figueiredo, 32 vjeç, është arrestuar pasi dyshohet se ka tentuar të mbytë nënën e saj Ana Benedita Figueiredo, 68 vjeç, në shtratin e saj në spitalin “Dr Carlos Macieira” në qytetin e Sao Luis në Brazil.

Pamjet e tilla u realizuan nga pacientë të tjerë dhe zbulojnë se si 32 vjeçarja vendosi dorën e saj mbi hundën dhe gojën e nënës së saj, Anes.

68 vjeçarja, fatmirësisht i largon dorën saj, shkruan Daily Mail.

Mediat lokale raportojnë se vajza Luciana u arrestua në vendin e ngjarjes dhe më vonë u akuzua për tentim vrasje ndërsa nëna e saj u dërgua në njësinë e kujdesit intensiv.

Ana Benedita ndodhet në spital që nga 19 janari pasi pësoi një emboli pulmonare.

Burime nga Policia Civile thonë se hetimet fillestare tregojnë për vajzën që dëshirontë të vriste nënën e saj të sëmurë sepse ishte lodhur duke u kujdesur për të.

nena-vajza.jpg
ger ta10:13 | 01/02/2020

Një 35-vjeçare është arrestuar në Gjirokastër pasi ka ushtruar dhunë fizike dhe psokologjike ndaj fëmijës së saj të mitur 7 vjeç.

Në pranga ka rënë Rudina  Murataj, 35 vjece banuese në Gjirokastër. Abcnews.al mëson se 35-vjeçarja ka ushtruar dhunë fizikie dhe psikologjike ndaj fëmijës së saj të mitur 7 vjeç, shtetases A. I. K, në ambientet e shkollës 9-vjeçare “Naim Frashëri”, në  Gjirokastër.

Sakaq, 35-vjeçarja ka ushtraur dhunë ndaj vajzës së saj tëvogël,  në prani të stafit pedagogjik të kësaj shkolle./abcnews.al

1579257536_boraferi.jpg
So Nila14:08 | 31/01/2020

Arti dhe kinematografia ka humbur përgjithmonë një nga aktorët e tij më të mirë. Xhevdet Feri u nda nga jeta para kohe në moshën 59-vjeçare më 16 janar.

Ai ishte një lajm i hidhur jo vetëm për familjen, miqtë, kolegët, të gjithë dashamirësit e artit, për ata që e njohën nga afër atë, por edhe për gjithë publikun.

Dy javë nga vdekja e aktorit të njohur vajza e tij Bora nëpërmjet një postimi në rrjetin social Instagram ka kujtuar me mall dhe dashuri babanë e saj.

 

“Lamtumirat nuk janë përgjithmonë, lamtumirat nuk janë fundi. Ato thjesht tregojnë sedo  më mungosh derisa të takohemi sërish. Më mungon papi” ka shkruar ajo në Instagram./abcnews.al

durresi-2-1280x720.jpg
Autor E09:23 | 21/01/2020

Policia e Durrësit arrestoi dje një 18 vjeçar pasi u denoncua nga një e mitur për kryerje të marrëdhënieve seksuale me dhunë, ndërsa janë zbuluar deklaratat e të rinjve para oficerëve të policisë gjyqësore.

Të rinjtë ishin njohur përmes rrjetit sociale Instagram dhe kishin lënë të takoheshin në një kafe për të vijuar raportin mes tyre. Pas kafesë të rinjtë kanë shkuar në një vend tjetër, dhe pikërisht ky është momenti që 16 vjeçarja pretendon se është përdhunuar nga i riu.

“Më kërkoi të kryenim marrëdhënie seksuale. Unë e refuzova, me argumentin se sapo ishim njohur dhe nuk isha gati për këtë hap. Në këtë moment, ai veproi forcërisht”, ka treguar 16-vjeçarja në denoncimin e kryer me prindërit në Polici. Ndërkohë, pas denoncimit, 16-vjeçarja do t’u nënshtrohet kontrolleve mjekësore.

Ndërkohë, ky i fundit mohon akuzën duke thënë se bëhet fjalë për një hakmarrje nga ana e vajzës për shkak se nuk dëshironte ta vijonte lidhjen.

“Është e vërtetë që kemi pasur njohje prej disa ditësh. U njohëm nëpërmjet rrjeteve sociale, në ‘Instagram’.Pas disa ditësh komunikime, vendosëm të dilnim në kafe e të njiheshim nga afër. U takuam një ditë dhe që prej asaj dite nuk e kam takuar më. Unë vendosa që të mos e shtynim më tej lidhjen, pasi nuk më pëlqeu. Ndryshe më dukej nga ‘Instagram’-i dhe tjetër njeri nga afër. Kjo është e gjitha.

Ajo nuk e pranoi këtë fakt, madje edhe më kërcënonte. Mendova se do të ishte çështje kohe, por ajo e paska pasur seriozisht. Unë betohem që nuk kam abuzuar me të”, mësohet të këtë deklaruar 18-vjeçari, mbi të cilin rëndon akuza e përdhunimit. /abcnews.al

policia-sarande.jpg
nev ila23:38 | 20/01/2020

Mbrëmjen e sotme u publikua rasti i një gruaje nga Saranda që dhunon barbarisht të bijën e saj për shkak se nuk ka larë enët apo se ka dalë të luaj me shoqet.

Videoja e dhunës u publikua në emisionin “Fiks Fare” dhe menjëherë pas transmetimit të pamjeve, policia e Sarandës thotë se ka shoqëruar shtetasen me iniciale E.M, 41- vjeçe, banuese në Sarandë.

Njoftimi i policisë:

Në lidhje me rastin e publikuar mbrëmjen e sotme në emisionin investigativ “Fiks Fare”, ku bëhej fjalë për dhunë e ushtruar nga mamaja ndaj vajzës së saj të mitur, menjëherë Policia ka bërë shoqërimin e shtetases E.M., 41 vjeçe, banuese në Sarandë, për veprime të mëtejshme.

Në bashkëpunim të ngushtë me Prokurorinë e Sarandës, vijojnë veprimet për sqarimin dhe zbardhjen e rrethanave në lidhje me rastin konkret./abcnews.al

xh-ferri.jpg
ger ta10:05 | 17/01/2020

Ndarja nga jeta e aktorit të mirënjohur Xhevdet Ferri ishte një humbje  e madhe për kinematografinë shqiptare.

Momentet më të vështira janë për familjen e aktorit, bashkëshorten dhe vajzën. Prekës është reagimi i Borës, vajzës së aktorit në rrjetete sociale. Teksa ka publikuar një foto bardh e zi me të atin, ajo shkruan: “O Captain! My Captain!”.

Kjo shprehje është pjesë e poemës së famshme të Walt Whitman, dedikuar presidentit amerikan Abraham Lincoln, pas vdekjes së tij./abcnews.al

 

veton-dhe-lindita.jpg
ger ta09:38 | 03/01/2020

Policia e  Viktorias në Australi po pret të intervistojë babanë e Lindita Musait, e cila u qëllua për vdekje pranë burrit të saj Veton Musai në verandën e tyre përpara shtëpisë rreth orës 10.30 të 31 dhjetorit.

Çifti i ri u qëllua për vdekje, në Yarraville në perëndimin të Melbourne, pasi një natë më parë kishin fetsuar përvjetorin e tyre të parë të martesës.

25 vjeçarja, e cila besohet të jetë qëlluar e para pasi hapi derën, vdiq në vendin e ngjarjes. Ndërsa babai i saj Osman Shaptafaj, i cili jetonte 5 km larg çiftit, por ishte larguar nga e bija, u gjet menjëherë pas një blloku me plagë në kokë.

Shaptafaj, 55 vjeç, ndodhet në spital në gjendje kritike nën vëzhgimin e policisë.

Një dëshmitar i tha Channel 7 në Melbourne se ai kishte parë një njeri të dilte nga një kapuç dhe të qëllonte veten në kokë, binte në tokë, pastaj ngrihej përsëri dhe përsëriste veprimin.

Ndërkohë, Veton Musai, 29 vjeç, u dërgua në spital në gjendje kritike, por humbi jetën një ditë më pas.

Musai është djali i ish-kryetarit të Komunitetit Shqiptar në Australi, Alil Musai, i cili emigroi në Australi nga Maqedonia e Veriut në vitet 1980. Edhe Lindita ishte gjithashtu anëtare e komunitetit shqiptar të Melburnit.

Babai i Veton Musait, Alili, ka qenë presidenti i Komunitetit Shqiptar të Melburnit i cili në vitin 2000 mbështeti refugjatët kosovarë që kishin ikur nga lufta e Serbisë, duke u mundësuar më pas atyre kthimin e tyre në shtëpi përmes ministrit të atëhershëm të imigracionit Philip Ruddock.

Sakaq, teksa autori ndodhet në spital, ende nuk dihen arsyet vërteta të ngjarjes, teksa gjendja e tij shendetesore ka penguar efektivët e policisë që ta marrin në pyetje.

Policia ka kontrolluar në shtëpinë e tij dhe ka folur me fqinjët. Të afërmit e mërzitur të Musait arritën në shtëpinë Yarraville menjëherë pas të shtënave të martën.

Ata e përshkruajnë çiftin si shumë të dahsuraura, të cilët u fejuan në vitin 2017 dhe u martuan një vit më pas.

Sipas mediave australiane Shaptafaj ishte i ndarë nga bashkëshortja e tij dhe prej 15 vitesh Lindita jetonte me vëllain dhe nënën e saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono