ushtare

refuzimi-1280x707.jpg
Sej rie16:03 | 10/08/2019

650 të rinj shqiptarë nga Ulqini dhe Ana e Malit në Malin e Zi kane refuzuar të ishin ushtarë dhe të merrnin pjesë në luftërat e udhëhequra nga Milloshiviçi. Këto fakte vijnë përmes një dokumentari që u shfaq ne Ulqin, “Suterman 1991”. Gazetari i ABC News Simon Shkreli përgatiti një material me dëshmitarët dhe protagonistët e asaj kohe.

Jugosllavia e Titos po shkërmoqej, lufta në këtë pjesë të Evropës ishte e pashmangshme, Mobilizimi kishte filluar dhe shënonte nisjen e një konflikti të gjatë të egër. Popujt e këtij shteti ishin kthyer në figura shahu dhe përdoreshin në fushatat e përgjakshme në Slloveni, Kroaci dhe Bosnje e Hercegovinë.
Në korrik të 1991-shit, 650 të rinj shqiptar nga Mali i Zi, kryesisht nga Ulqini, Ana e Malit dhe Kraja u mobilizuan nga Armata Popullore Jugosllave për t’i çuar në Bosnje dhe në Kroaci.

Po ata refuzuan kategorikisht të bëheshin pjesë e luftës që nuk ishte e tyre.

Për 6 ditë ata qëndruan të ngujuar në Suterman një zonë në afërsi të Tivarit, pa ushqim

Ushtar në rezervë të APJ-së, u quajtën dezertor dhe tradhtar. Hajredin Zeneli në pamundësi të gjetjes së dokumenteve arkivor të kohës, një nga 650 të rinjtë shqiptar të mobilizuar me dhunë, përmes rrëfimit personal ka realizuar dokumentari “Suterman 1991”.

Shfaqja e dokumentarit u mbajt në ambientet e Kinosallës së braktisur në Katerkollë të Anës së Malit në Ulqin.  Si ngjarje më e rëndësishmja në zhvillimet e mëtejshme politike të shqiptarëve në Mal të Zi.  Refuzimi unanim i shqiptarëve në ish-jugosllavi që të bëheshin pjesë e lustrave të udhëhequra nga regjimi i Millosheviçit.

Uniteti mes tyre ishte vendimtar. Qëllimi ishte që shqiptarët të bëhen “mish për top”.

Xheladin Zeneli ishte vetëm 28 vjeç në zgjedhjet e para pluraliste në Mal të Zi . Doli deputet dhe dha dorëheqjen. Sot ai jeton në SHBA.

Ky dokumentar i realizuar me qellim heqjen e pluhurit të harresës. Është treguesi i një ngjarje si një popull shumë i vogël i përballur me presionin e jashtëzakonshme të makinerisë ushtarako politike të Millosheviçit, refuzuan luftën dhe të bëhen vegël e makinerisë vrasëse që do përgjakte Ballkanin./ABC News Albania 24/7

north-korea.jpg
G. P.18:00 | 01/08/2019

Koreja e Veriut ka pësuar një tjetër dezertim në radhët e ushtrisë së saj. Një efektiv ka kaluar ish-zonën ushtarake që ndan dy Koretë duke depërtuar në Jug, ku është marrë nën arrest nga autoritetet vendase.

Autoritetet në Korenë e Jugut kanë ndaluar një ushtar koreano-verior që kishte kaluar ilegalisht ish-zonën ushtarake që ndan dy Koretë. Zyrtarët në Seul deklaruan se ushtari ishte lokalizuar gjatë orëve të natës përmes pajisjeve termike.

Persona të shumtë arratisen nga Koreja e Veriut çdo vit, por dezertimet përmes ish-zonës ushtarake janë jashtëzakonisht të rrezikshme dhe të rralla. Në Nëntor të vitit 2017, një ushtar koreano-verior u qëllua nga ish-kolegët e tij teksa përpiqej të kalonte zonën.

Ndërkohë, në incidentin e fundit personi u lokalizua gjatë mesnatës pranë lumit Imxhin, që rrjedh nga Koreja e Veriut drejt asaj të Jugut, përmes ish-zonës ushtarake në perëndim të Gadishullit Korean.

Ai u mor nga trupat koreano-jugore dhe po mbahet nën arrest. Dezertimi vjen një ditë pasi regjimi në Penian testoi dy raketa me rreze të shkurtër veprimi. Mediat lokale bënë të ditur se testet, të mbikëqyrura nga lideri Kim Jong un, ishin për të provuar një sistem të ri lëshimi të raketave të kalibrit të madh.

Gjithashtu, regjimi shtoi se testet ishin edhe një paralajmërim për Korenë e Jugut në lidhje me stërvitjet ushtarake që janë planifikuar të zhvillohen më vonë gjatë muajit me Shtetet e Bashkuara./ABC News Albania 24/7

190618073225-soldados-estadounidenses-full-169.jpg
nev ila11:40 | 20/07/2019

 

Në një bisedë telefinike me presidentin francez Emanuel Makron, kreu i shtëpisë së Bardhë Donald Trump paralajmëroi Iranin që të mos bënte asnjë gabim pasi do e paguante shumë shtrenjtë. Deklarata vjen pas përshkallëzimit të tensioneve në Gjirin Persik.

Përshkallëzohen tensioned në Gjirin Persik pas sekuestrimit të një naftëmbajtëse britanike në ngushticën e Hormuz. Arabia Saudite deklaron ndërkohë se do të presë në territorin e saj ushtarë amerikanë. Një burim zyrtar i ministrisë saudite të mbrojtjes konfirmpi se Mbreti Salman pranoi të mirëpresë forcat amerikane për të mbrojtur sigurinë dhe qëndrueshmërinë në rajon. Bëhet fjalë për rreth 500 ushtarë amerikanë.

Tensionet u rritën sërish në Gjirin Persik pas vendimit të Rojeve të Revolucionit Iranian për të sekuestruar naftëmbajtësen britanike me 23 personanë bord në ngushticën e Hormuz.

Naftëmbajtësja sipas pasdaranëve, nuk kishte respektuar kodin ndërkombëtar dhe sekuestrimi u bë pas kërkesës së autoriteteve të portit dhe marinës në provincën e Hormozgan. Sipas tyre naftëmbajtësja kishte fikur lokalizuesin dhe kishte lundruar duke kaluar nga dalja dhe jo hyrja e ngushticës duke injoruar paralajmërimet.

Mbrëmjen e së premtes u përhap lajmi për një sekuestrim të dytë, kësaj here  të një naftëmbajtëse liberiane e cila do të shkarkonte naftë në Arabi Saudite. Por sipas mediave iraniane anija pas një kontrolli rifilloi lundrimin duke u larguar nga brigjet iraniane.

Asnjë qytetar britanik nuk rezultoi të ishte në bordin e dy naftëmbajtësve sipas ministrit të jashtëm britanik Xheremi Hant. Ekuipazhet përfshinin persona të kombësive të ndryshme, por asnjë prej tyre nuk është britanik.

Presidenti amerikan Donald Tramp foli për Iranin në një bisedë telefonike me homologun francez Emanuel Makron dhe paralajmëroi Teheranin që të mos bënte asnjë gabim, përndryshe do të paguante një cmim të lartë si askush tjetër më parë.

Kreu i shtëpisë së bardhë shpjegoi më pas se amrikanët kanë shumë anije, anije lufte, por jo shumë naftëmbajtëse në ngushticën e Hormuz dhe në rajonin e Gjirit. Presidenti amerikan autorizoi senatorin republican të Kentakir Rand Paul që të niste negociatat me Iranin.

Më pas ai paralajmëroi se Shtetet e Bashkuara të Amerikës do të flasin me Londrën duke denoncuar përshkallëzimin e dhunës nga ana e Iranit./ABC News Albania 24/7

ushtaraket-1280x1060.jpg
G. P.18:46 | 07/05/2019

Ministrja e Mbrojtjes Olta Xhaçka vizitoi dy efektivët që mbetën të plagosur një ditë më parë në Letoni. Mësohet se ministrja e Mbrojtjes vizitoi fillimisht major Klodian Tanushin, i cili ndodhet i shtruar në një spital në kryeqytetin letonez. Gjendja e tij shëndetësore është e rënduar, por ndodhet në mbikëqyrjen intensive të mjekëve.

Ndërkohë ministrja Olta Xhaçka vizitoi edhe Reshter Juliaj Kapajn, i cili aktualisht ndodhet në spitalin e bazës ushtarake Camp Adazi në Letoni. Gjendja e tij shëndetësore është shumë e mirë.

Gjithashtu mësohet se ceremonia shtetërore e lamtumirës për nëntetaren Zarife Hasanaj do të zhvillohet gjatë paradites së të premtes më 10 Maj 2019. Trupi i efektives që humbi jetën një ditë më parë pritet të mbërrijë në Atdhe më datë 9.

Trupi i saj do të transportohet me avion ushtarak dhe për ta shoqëruar do të jenë një efektiv kanadez, një letonez dhe kolegë të saj shqiptarë, pjesë e kontigjentit ku bënte pjesë.

Efektivja Zarife Hasanaj do të pritet në aeroportin “Nënë Tereza”, me protokoll ushtarak e me pas do të dërgohet pranë familjes së saj./abcnews.al

efektive-fa-shqiperia.jpg
Sej rie17:02 | 06/05/2019

Forcat e Armatosura të Republikës së Shqipërisë janë të angazhuar me misione paqeruajtëse në 5 vend të ndryshme. 214 efektive janë me shërbim në Letoni, Afganistan, Kosovë, Detin Egje dhe EUTM Mali.

214 efektivë të Forcave të Armatosura janë të angazhuar në misione dhe operacione jashtë vendit. Forcat e Armatosura të vendit tonë janë pjesë e pandarë e operacioneve të drejtuara nga NATO, BE, OKB dhe koalicionet e përbashkëta të partnerëve tanë strategjike. Deri më tani janë 5 vende ku forcat tona të armatosura kryejnë misione paqeruajtëse.

Në Letoni duke filluar nga Qershori i viti 2017. Kontingjentet shqiptare në këtë grup-batalion përbëhen nga 18-23 ushtarakë, të cilët ndërrohen çdo 6 muaj. Deri më tani kanë shërbyer në Letoni 4 kontingjentë shqiptarë, ndërkohë i fundit ishte nisur në Dhjetor të vitit 2018.

Që prej vitit 2002, Forcat e Armatosura shërbejnë edhe në misionet e NATO-s në Afganistan. Forcat e Armatosura të Republikës së Shqipërisë janë të angazhuara në operacionin ushtarak të NATO “Sea Guardian”, në Nëntor 2016, në detin Egje me 1 anije e klasit “Iliria” dhe një ekuipazh prej 21 ushtarakësh. Misioni, është kryerja e patrullimit detar në përbërje të grupit të gatshëm të anijeve të NATO-s.

Që prej anëtarësimit të Shqipërisë në NATO 10 vjet më parë, trupat shqiptarë shërbejnë në KFOR, në operacionin e drejtuar nga Aleanca në Kosovë. Nga viti 2017 FARSH është e angazhuar në këtë operacion edhe me një grup special. Gjithashtu janë angazhuar në operacionin ushtarak të Bashkimit Evropian, në nëntor 2016, në Republikën e Malit, Afrikë.

Rënia në krye të detyrës së ushtarakes Zarife Hasanaj u shënua 7 vite që kur Kapiteni Feti Vogli ra dëshmor gjatë shërbimit të tij në një mision paqësor në Kandahar të Afganistanit gjatë një sulmi të befasishëm nga një taleban, i cili ishte infiltruar në forcat e policisë afgane./ABC News Albania 24/7

corbyn.jpg
G. P.14:05 | 04/04/2019

Polemika të shumta në Britaninë e Madhe pas publikimit të një videoje ku ushtarë britanikë përdorin si tabelë qitjeje në poligon, portretin e liderit ët laburistëve Jeremy Corbyn. Ky i fundit është shprehur se ishte i shokuar nga ngjarja.

Jeremy Corbyn u shpreh i shokuar nga pamjet filmike që tregojnë disa ushtarë britanikë, të cilët stërviten në poligon duke i qëlluar një tabele, ku është vendosur fotografia e liderit laburist. Në një deklaratë për mediat, ai i bëri apel Ministrisë së Mbrojtjes që të niste hetimet për atë që ka ndodhur dhe autorët e videos.

Ngjarja e cilësuar si kërcënuese dhe nga mediat britanike u dënua si totalisht e papranueshme nga një zëdhënës i ushtrisë, por dhe përfaqësues të qeverisë konservatore. Ndërsa ministri i Brendshëm, Gevin Uilliamson premtoi nisjen e hetimeve të brendshme që sipas BBC, kanë filluar.

Për mediat ka qenë e vështirë që të përcaktojnë origjinën e pamjeve, që sipas disa gazetarëve mund të jetë filmuar mes ushtarëve britanikë në Afganistan. Nga radhët e Partisë Laburiste kërkohet që rezultatet e hetimeve të bëhen publike./abcnews.al

rr-1280x720.jpg
ent ela19:08 | 26/03/2019

Mediat e pavarura në Venezuelë raportojnë për praninë e dy avionëve ushtarakë dhe rreth 100 ushtarëve rusë në vend. Dyshimi është se dy avionët shërbejnë për t’u ngarkuar me ar dhe metale të çmuara.

Dy avionë ushtarakë rusë prej ditësh qëndrojnë në aeroportin e Karakas, ndërsa një mijë ushtarë të Moskës kanë mbërritur në Venezuelë për të mbrojtur presidentin Nikolas Maduro nga një grusht i mundshëm shteti.

Lajmi fillimisht është publikuar nga një reporter i pavarur vendas, Havier Majorka, dhe më pas është ripublikuar në media të ndryshme. Rusia kishte premtuar dërgimin e ndihmave, por këtë herë rusët i shpërndajnë vetë lajmet.

Në ambasadën ruse në vend thuhet se, nuk ka më sekrete pasi ekzistojnë kontrata të firmosura mes dy vendeve që duhen respektuar. Në fund të muajit mars, Venezuela duhet të paguajë një shumë të madhe parash për të marrë ndihmat e radhës.

Mes personave që kanë mbërritur në vend, nga Kremlini është dhe gjenerali rus Vasili Tonkoshkurov, kreu i Drejtorisë së Mobilizimit të Forcave të Armatosura të Kremlinit dhe 35 ton mjete të ndryshme.

Dyshimi është se, dy avionët shërbejnë për tu ngarkuar me ar dhe metale të çmuara, dhe nuk është rastësi që një nga dy avionët është larguar nga vendi pa u marrë vesh se çfarë transportonte.

Ndërkohë vendi po vuan një tjetër ndërprerje të energjisë elektrike në 23 rajone përfshirë dhe Karakas. Dhe njëherë më shumë ministri i komunikimit Horge Rodriguez deklaroi se, shkaku është një sulm që i është bërë digës hidroelektrike të Gurit./abcnews.al

 

 

 

russ-1280x896.jpg
G. P.10:22 | 18/09/2018

Kundër ajrorë sirianë kanë rrëzuar gabimisht një avion ushtarak rus me 14 persona në bord. Sipas Ministrisë ruse të Mbrojtjes kontaktet me avionin u ndërprenë kur sirianët po i kundërpërgjigjeshin një sulmi izraelit.

Një avion ushtarak rus është zhdukur mbrëmjen e së hënës ndërsa fluturonte mbi Mesdhe duke u kthyer nga Siria. Sipas CNN avioni është rrëzuar gabimisht nga një kundërajror sirian.

Sipas rrjetit informativ, lajmi është konfirmuar nga një zyrtar amerikan anonym. Po sipas këtij burimi në atë moment Damasku po mbrohej nga një sulm izraelit. Avioni është rrëzuar nga një sistem mbrojtjeje kundërajror që i është shitur sirianëve nga rusët disa vite më parë.

Ministria ruse e Mbrojtjes u shpreh se në bordin e avionit ndodheshin 14 ushtarë. Në një deklaratë për media u konfirmua se kontakte me ekuipazhin u ndërprenë në detin Mesdhe 35 kilometra larg brigjeve siriane kur avioni po përpiqej të kthehej në bazën ajrore Heimim. Kontaktet me avionin humbën kur katër avionë ushtarakë po sulmonin objektiva sirianë në provincën e Latakias./abcnews.al

040.jpg
G. P.11:51 | 18/04/2018

Në ditën e dytë të vizitës në SHBA. ministrja e Mbrojtjes, Olta Xhaçka, u prit në një takim të veçantë nga Sekretari amerikan i Mbrojtjes, James Mattis.  Xhaçka kërkoi kthimin e Shqipërisë në një pikë kontakti në rajon dhe vendosjen e ushtarakëve amerikanë ose të NATO-s në vendin tonë.

Shqipëria kërkon praninë e forcave ushtarake të Shteteve të Bashkuara të Amerikes ose NATO-s në vend. Ministrja e Mbrotjes, Olta Xhaçka, kërkesën ja bëri, sekretarit amerikan të Mbrojtjes, James Mattis, gjatë një takimi që zhvilloi me të në Pentagon.

Olta Xhaçka: “Ju ftojmë ta konsideroni me dashamirësi Shqipërinë si një vend kontakti në rajon. Ne do të vazhdojmë të jemi të angazhuar në rajon dhe do të luajmë padyshim një rol konstruktiv për paqen, sigurinë dhe prosperitetin në zonën tonë. Shtetet e Bashkuara mund të mbështeten tek ne. Ne besojmë se është koha për të parë një gjurmë në Shqipëri. Një prani e SHBA-së ose e NATO-s në Shqipëri është një demonstrim i qartë se kjo zonë nuk harrohet nga aleatët tanë. Në funksion të këtij projekti, ne jemi të gatshëm të vëmë në dispozicion bazat tona detare, kapacitetet tona tokësore, ajrore, detare në mënyrë bilaterale me SHBA ose në kuadrin e NATO-s. Në të njëjtën kohë dëshirojmë të shohim një rritje të prezencës së industrisë së mbrojtjes amerikane në Shqipëri. Në këtë drejtim, ne do të vlerësojmë mbështetjen dhe rolin tuaj për të promovuar këtë angazhim”.

Sugjerimi i ministres së Mbrotjes Xhaçka për ta kthyer Shqipërinë në një vend kontakti në rajon drejtuar zyrtarëve amerikanë vjen për të kundërshtuar presionin e vendeve të tilla si Rusia e për të treguar qasjen perëndimore të Ballanit Perëndimor.

Olta Xhaçka: “Ne besojmë se projektimi i stabilitetit është vendimtar për paqen, sigurinë, stabilitetin dhe demokracinë. Ballkani Perëndimor është një rajon i orientuar nga perëndimi. Ne ndajmë dhe mbrojmë parime dhe vlera të njëjta ndaj mirëpresim forcimin e partneritetit tonë strategjik.”

Sekretari amerikan i Mbrojtjes, James Mattis, sipas njoftimit të shpërndarë nga zyra e shtypit e ministres Xhaçka mirëpriti propozimin dhe vlerësoi se vjen në momentin e duhur nga një vend që ka treguar jo vetëm me shifra por edhe me angazhime se është një aleat i denjë.

James Mattis: “Shqipëria ka treguar se madhësia e saj gjeografike ka shumë më pak rëndësi, se sa angazhimi i saj në Aleancë. Si një aleate e vendosur, Shqipëria godet më fort se sa pesha e saj.  Ju jeni aleati ynë jo vetëm në uniformë por në të gjitha aspektet e për këtë do të keni gjithmonë ndihmën tonë”.

Në emër të qeverise shqiptare, ministrja e Mbrojtjes  falenderoi sekretarin Mattis për mbështetjen që Shtetet e Bashkuara të Amerikës kanë dhënë për Forcat tona të Armatosura për misionet dhe operacionet, mundësitë e arsimit, stërvitjen dhe stërvitjet për personelin tonë ushtarak./abcnews.al

tr-1280x852.jpg
G. P.13:10 | 24/03/2018

Personat transgjinorë në ushtri janë një rrezik për efikasitetin e saj. Me këtë deklaratë, Shtëpia e Bardhë konfirmoi vendimin e Presidentit amerikan Trump për të ndaluar personat transgjinorë që të jenë pjesë e ushtrisë amerikane.

Presidenti i Shteteve të Bashkuara të Amerikës, Donald Trump, ka urdhëruar që të ndalohen persona transgjinorë për të qenë pjesë e ushtrisë amerikane, me përjashtime të kufizuara vetëm në ndonjë rast të jashtëzakonshëm. Lajmi është konfirmuar nga Shtëpia e Bardhë me anë të një deklarate për shtyp, ku theksohet se mbajtja në radhët e ushtrisë të personave, që kërkojnë një trajtim të caktuar mjekësor është një rrezik i konsiderueshëm për efikasitetin e ushtrisë.

Një vit më parë, presidenti Trump e kapi në befasi Pentagonin, kur deklaroi se kishte ndërmend të anulonte vendimin e marrë nga paraardhësi i tij Barack Obama, i cili lejonte regjistrimin në ushtri dhe të personave transgjinorë. Një deklaratë, e cila u prit negativisht nga gjykata të ndryshme federale në vend. Përgjigja e Pentagonit në atë kohë ishte mbajtja në ushtri e personave transgjinorë, që ishin regjistruar më parë dhe të lejonin regjistrimin e të rinjve duke filluar nga data 1 Janar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono