ushqime

ushqime.jpg
in a20:37 | 10/02/2020

Me ardhjen e stinës së dimrit sistemi ynë imunitar dobësohet dhe për këtë arsye i duhet kushtuar vëmendje mënyrës se si ushqehemi.

Jo pak mënyra natyrale mund të na ndihmojnë për të lehtësuar simptomat nëse prekemi nga viruset.

Disa nga ushqimet që forcojnë sistemin imunitar:

Agrumet

Të pasura në vitaminë C, agrumet duhet të konsumohen në sasi të konsidereshme, që të luajnë një rol thelbësor në forcimin e sistemit imunitar. Veç frutave e perimeve që mund t’i shtoni në dietë gjithashtu mund të merrni dhe suplemete me vitaminë C dhe zink.

Karota

Karota e pasur me beta-carotene (zakonisht të gjitha ushqimet ngjyrë të kuqe në portokalli – janë nxitës  të shkëlqyer të sistemit imunitar). Beta-carotene , ky antioksidant i fuqishëm mund të luftojë  infeksionet duke ndihmuar në eliminimin e radikaleve të lira, kryesisht përgjegjëse për plakjen qelizore.

Hudhra

Edhe hudhra luan një rol të rëndësishëm në sistemin imunitar. Ka aftësinë për të stimuluar shumëzimin e qelizave që luftojnë viruset dhe infeksioneve.

Lakër e kuqe

Në sajë të vitaminës C, lakra e kuqe ndihmon në mbrojtjen e sistemit të frymëmarrjes dhe forcon aktivitetin e qelizave të bardha të gjakut, duke ndihmuar në forcimin e sistemit imunitar

Bajamet

Bajamet dhe frutat e thata në përgjithësi, janë shumë të pasura me vitaminë E dhe antioksidantë, të fuqishëm kundër sëmundjeve sezonale.

collage-11.jpg
So Nila09:25 | 10/02/2020

Kur përjetojnë një gjendje të rënduar mendore dhe shpirtërore, nuk janë të paktë njerëzit që drejtohet te ushqimi si një mënyrë për t’u ndjerë më mirë. Sidoqoftë, ushqimet e pasura me sheqer kanë pasoja negative në shëndet. Kohëve të fundit, janë realizuar një sërë hulumtimesh për lidhjen mes ushqimit të shëndetshëm dhe përmirësimit të shëndetit mendor.

Duhet të theksohet se gjendja shpirtërore dhe mendore mund të ndikohet nga një sërë faktorësh, si stresi, mjedisi, gjumi, gjeterika, çrregullimet e humorit, por edhe mangësitë në ushqim.

Prandaj është me rëndësi të konsumohen ushqime të shëndetshme që përmirësojnë gjendjen shpirtërore, si:

1.Peshku – acidet yndyrore omega-3 janë një grup yndyrnash thelbësore, të cilat duhet të merren patjetër, pasi trupi nuk mund t’i prodhojë vetë. Peshqit e pasur me omega-3, si salmoni për shembull, ndikojnë në përmirësimin e shëndetit dhe studiohen për uljen e nivelit të depresionit.

 

2.Çokollata e zezë – çokollatat me qumësht mund të përmbajnë përbërës të shtuar si sheqer dhe yndyrë, prandaj është më mirë të zgjidhni çokollatën e zezë, e cila përmban më pak sheqer të shtuar dhe përmes shijes, cilësisë dhe aromës ndikon te përmirësimi i humorit.

 

 

3.Ushqime të fermentuara – (kos, turshi) përmirësojnë shëndetin dhe gjendjen e aparatit tretës, pasi ndikojnë në rritjen e baktereve të shëndetshme në zorrët tuaja dhe mund të rrisin nivelit e serotoninës.

 

4.Bananet – janë të pasura me vitaminë B6, që ndihmon në sintetizimin e dopaminës dhe serotoninës, të cilat ndikojnë në përmirësimin e humorit.

 

5.Tërshëra – është një burim i shkëlqyeshëm fibrash. Konsumi në mëngjes siguron humor të mirë dhe energji.

 

6.Frutat e pyllit – janë të pasura me antioksidantë, të cilët ndihmojnë në menaxhimin e depresionit dhe çrregullimet e tjera të humorit.

 

7.Kafeja – është pija më e njohur sot në botë, që duket se e bën botën më të lumtur. Kafeina parandalon lodhjen dhe rrit përqëndrimin. Për më tepër, ndikon çlirimin e neurotransmetuesve që nxisin humorin, si dopamina dhe norepinefrina.

 

8.Fasule dhe thjerrëza – përveçse janë të pasura me fibra dhe proteina me bazë bimore, janë plot me lëndë ushqyese. Ato janë burim i shkëlqyer vitaminave B, të cilat përmirësojnë gjendjen shpirtërore./abcnews.al

 

 

1580585794_vitamaina.jpg
So Nila08:43 | 06/02/2020

Për të luftuar mungesën e vitaminës, duhet të hamë disa lloje ushqimesh që plotësojnë nevojat tona ditore për lëndë ushqyese dhe vitamina.

Nëse ushqimi nuk është i mjaftueshëm për të përmbushur dozën tonë të përditshme, ne mund të zgjedhim marrjen e disa vitaminave për të ndihmuar nivelet tona të kthehen normalisht dhe të jetojmë një jetë më të shëndetshme.

1.Vitamina C

 

Shumë njerëz besojnë se vitamina C është e  mirë për trajtimin e ftohjeve të zakonshme. Sidoqoftë, studimet kanë zbuluar se megjithëse disa njerëz mund të përfitojnë nga këto shtesa, nuk ka efekte të vazhdueshme duke marrë vitaminë C.

Në këtë rast, është gjithmonë më mirë të hani ushqime të pasura me vitaminë C, si: luleshtrydhe, portokall dhe brokoli .

2.Vitamina A

 

Vitamina A është e rëndësishme për shëndetin tonë.

Sidoqoftë, nëse njerëzit kanë një dietë të shëndetshme dhe të ekuilibruar, nuk do të duhet ta marrin atë si shtesë.

Kjo shtesë mund të rrisë gjithashtu rrezikun e kancerit të mushkërive tek duhanpirësit.  Në vend të kësaj mund të hani karrota dhe patate të ëmbla.

3.Vitamina E

 

Edhe pse suplementet e vitaminës E besohet se na mbrojnë nga kanceri, një studim ka vërtetuar se ato nuk janë të sigurta dhe madje mund të rrisin rrezikun e kancerit të prostatës.

Që do të thotë se ato nuk janë aq efektive sa mendojnë njerëzit.

Në vend që ta marrim këtë shtesë, mund të hamë spinaq, avokado dhe arra për të pasur burime natyrale të vitaminës E.

4.Multi-vitamina

 

Multi-vitaminat janë ndoshta shtesa më e popullarizuar, në mesin e të gjithave.

Njerëzit me të vërtetë besojnë se janë të domosdoshëm për një jetë të shëndetshme.

Sidoqoftë, ky studim zbuloi se përdorimi afatgjatë i multi-vitaminave në të vërtetë rrit rrezikun tuaj për vdekje.

Përkundrazi, duhet të ndjekim një dietë të shëndetshme, plot me të gjitha lëndët ushqyese që na duhen.

5.Vitamina D

 

Vitamina D i bën kockat tona më të forta.

Burimi ynë natyror i vitaminës D është ekspozimi në diell, por ka vende në botë ku njerëzit nuk kanë rrezet e diellit të mjaftueshme për të pasur vitaminë D.

Është shumë e vështirë për tu gjetur në ushqim dhe në disa raste është më mirë të merrni vitamina shtesë.

6. Omega 3

 

Omega 3 është një opsion i këndshëm shtesë për njerëzit që nuk hanë peshk.

Omega 3 ul presionin e gjakut dhe zvogëlon rrezikun e sëmundjeve të papritura të zemrës.

Këto vitamina shtesë ndihmojnë gjithashtu në luftën kundër inflamacionit dhe përmirësojnë shëndetin e kockave dhe nyjeve duke rritur kalciumin në kocka.

7.Vitamina B12

 

Vitamina B12  është shumë efektive për njerëzit me mungesë të trashëguar B12 dhe anemi.

 

collage.jpg
So Nila10:35 | 01/02/2020

Ushqimet e shpejta dhe me shumë sheqer mund të shkaktojnë kancerin.

Janë disa ushqime që shkaktojnë kancer dhe që duhet të bëjmë kujdes në konsumimin e tyre.

1.Pijet me gaz– Ndër pijet më me rrezikshmëri jo vetëm pse përmban shumë sheqer por sepse këto pije përmbajnë pigmente artificiale të ngjyrës karamel.

 

2.Mishi i kuq në zgarë– Gatimi i mishit të kuq në zgarë rrezikon ta shkaktojë kancer nga temperaturat shumë të larta që duhet për të gatuar mishin.

 

3.Kokoshkat e gatuara në mikrovalë – Gjalpi që i hedhim  kokoshkave gjatë momentin që i janë në mikrovalë dhe toksinat gjatë gatimit janë të dëmshme gjatë përdorimit.

 

4.Ushqimet e konservuara, sidomos domatet –  Kanaçet që përdoren për ushqim të konservuar përmbajnë kimikatin BPA. Domatet janë shumë të shëndetshme por paketimi i humbet vlerat ushqimore të tyre.

 

5.Vajra vegjetalë– Vaji nga perimet nuk është i bërë i gjithi në mënyrë natyrale por përmban disa procese kimike që përzihen në të.

 

6.Salmoni i kultivuar – Salmoni është njëri ndër ushqimet me më shumë proteinë. Salmoni i kultivuar në ferma nuk është zhvilluar në mënyrë natyrale por është i ushqyer me kimikate, pesticide dhe antibiotikë të ndryshëm.

 

7.Sheqeri diabetik –Sheqeri idabetik është i përbërë nga disa kimikate dhe përsa i përket sigurisë së përdorimit të tij  nuk ka shumë të dhëna.

 

8.Mielli i bardhë – Procesi i rafinimit të miellit humb shumë vlera ushqyese.

 

9.Frutat jo organike – Frutat  janë shumë të shëndetshme por pesticidet në to ndikojnë në mënyrë negative.

 

10.Mishi i përpunuar – Procesi i përpunimit të mishit duke vendosur shumë kripë dhe kemikate shkakton rrezik të madh.

 

11.Patatina– Kripa dhe ngjyra artificiale janë të rrezikshme për organizmin.

 

12.Ushqime të përpunuara– Këto ushqime janë të përpunuara që t’u rezistojnë dëmeve dhe rreziqeve të jashtme.

 

13.Alkooli – Për alkoolin ka informacione të mjaftueshme prandaj duhet që të pini sa më pak alkool.

 

14.Sheqeri i përpunuar – Kanceri shfaqet më shumë aty ka ka më shumë sheqer kështu që qëndroni larg gjërave të ëmbla.

 

15.Gjalpi–  Është konsideruar  si i shëndetshëm por përbërja e tij nga vaji i perimeve vegjetale vërteton të kundërtën.

 

16.Ushqimi dietike– Ushqimi dietal përmban sheqerna artificiale që të zëvendësojnë dhjamin e humbur gjatë dietës.

 

17.Sufllaqet– Ndër ushqimet më të preferuara por që përmbajnë shumë kripë dhe vaj që është rrezik i madh ndaj kancerit./abcnews.al

 

unnamed-1.jpg
So Nila10:00 | 31/01/2020

Pavarësisht se sa herë kemi dëgjuar frazën, “ju jeni ajo që hani “, kjo nuk është mjaftueshëm bindëse për të rishqyrtuar menunë tonë të ngrënies.

Por shumë shpesh, kur flasim për ushqimin, ne priremi të përqëndrohemi më tepër në imazhin e trupit tone, duke harruar se nevoja urgjente për të pasur një dietë të shëndetshme përveçse  shëndetit tonë fizik, i referohet edhe shëndetit mendor.

Një studim, bërë mbi qindra anketues referuar përzgjedhjes së tyre të ushqimit, tregon se cila dietë vlen të ndiqet për një trup të shëndetshëm.

1.Zgjidhni dietën mesdhetare

 

Ju mund të jeni të lodhur duke e dëgjuar një gjë të tillë, por përbërësit që përfshihen tradicionalisht në dietën tradicionale mesdhetare që ne i njohim aq mirë, së pari me vaj ulliri dhe perime, ndihmojnë në mbrojtjen kundër depresionit, ankthit. Për më tepër, frutat, perimet dhe farat e freskëta kanë qenë gjithashtu të lidhura me nivele më të larta të lumturisë dhe normave më të ulëta të depresionit. Sigurisht, shkencëtarët nuk e dinë saktësisht se çfarë është kjo, pasi shumica e dietologëve regjistrojnë kryesisht shoqatat e vëzhguara, jo marrëdhëniet shkak dhe pasojë.

2.Dietat e dobëta janë të lidhura me përkeqësimin e humorit

 

Nëse, pra, keni një çrregullim, siç janë ankthi dhe depresioni, duhet të hani me kujdes. Truri ka nevojë për lipide, aminoacide, vitamina dhe minerale, dhe studimet tregojnë se nëse e privoni atë nga këta përbërës, do të ndikojë drejtpërdrejt në gjendjen shpirtërore dhe stresin tuaj.

3.As avokado, as shegë,  nuk do t’ju bëjnë të lumtur

 

Nuk ka super ushqime – ose të paktën nuk ka prova shkencore për të mbështetur ekzistimin e ushqimeve të mrekullueshme. Në përgjithësi, çrregullimet si ADHD nuk mund të trajtohen me ushqim. Edhe pse një gjë e tillë nuk është provuar ende, pasi edhe pse ka disa studime kërkimore inkurajuese me kalimin e kohës. Ekzistojnë gjithashtu shumë raporte personale, por është e vështirë të nxirren përfundime të forta nga vëzhgimet personale./abcnews.al

 

Capture-151.jpg
in a21:56 | 30/01/2020

Mënyra se si ushqehemi ndikon në organizmin tonë. Shkencëtarët në Shkollën e Mjekësisë në Universitetin e Uashingtonit kanë studiuar shfaqjen e infeksioneve urinare. Ata kanë zbuluar se urina e disa njerëzve është më rezistente ndaj baktereve pasi përbërës të caktuar ushqimor i privojnë ata nga hekuri dhe mineralet që duhet të rriten.

Lëndët ushqyese që ndihmojnë trupin të luftojë infeksionet urinare quhen polifenole. Këto janë antioksidues të fortë që parandalojnë rritjen e baktereve.

Ushqimet me një përmbajtje të lartë të polifenoleve që ndihmojnë në parandalimin e baktereve në traktin urinar:

– Boronica të freskëta dhe lëng boronice

– Thana dhe lëngu i thanës

– Kosi

– Çaji i zi

– Çokollata e errët

Në mënyrë që të mos ulni pH-në e urinës suaj dhe të ndihmoni bakteret të rriten, duhet të shmangni pije të gazuara dhe dieta me proteina të larta.

Ekspertët tregojnë se doza të larta të vitaminës C të marra përmes shtesave ushqyese artificiale janë gjithashtu të këqija, por burimet natyrore të kësaj vitamine janë shumë të dëshirueshme.

Gjithashtu përveç vitaminës C, trakti urinar për të luftuar infeksionin ka nevojë për vitaminë A, e cila gjendet në karota, patate dhe pjepër./abcnews.al

ku-1.jpg
in a21:47 | 27/01/2020

Ti përkushtoheni punës, të shijoni jetën dhe të flini aq sa të dëshironi, është një sfidë e vështirë për tu arritur. Shumica e njerëzve nuk mund t’i balancojnë angazhimet e ditës duke shkaktuar stres dhe një ngarkesë të tepërt për trurin.

Më poshtë gjeni disa mënyra se si të mund t’i balanconi ato.

Hani ushqime energjike

Nëse dëshironi që të keni energji për të vepruar, hani ushqime që kanë nivele të larta të antioksidantëve, proteinave dhe niveleve të ulëta të sheqerit, yndyrës dhe karbohidrateve.

Peshku, sallata e gjelbër, frutat si avokado, arrat dhe lajthizat janë vetëm disa nga ushqimet që bëjnë pjesë në këtë listë. Ata të cilët nuk konsumojnë ushqime të shëndetshme kur të kthehen në shtëpi nga puna do të ndjehen të lodhur dhe do të dëshirojnë që të flenë menjëherë.

Bëhuni sa më aktiv, ushtrimet të mbajnë në formë

Ushtrimet mund t’iu mbajnë jo vetëm në formë por edhe të shëndetshëm. Ato e forcojnë sistemin tuaj imunitar dhe e përshpejtojnë metabolizmin. Të ushtroni kur zgjoheni nga gjumi, do t’iu ndihmonte për të qenë më energjik gjatë ditës.

Mos flisni për punën në shtëpi

Mbani bisedat për punën larg shtëpisë tuaj. Përveç pjesës kur i tregoni familjes tuaj se si ishte dita juaj mos flisni për punën, por kushtoni kujdes dhe dashuri ndaj familjes tuaj.

Dilni me shoqërinë apo të dashurin/dashurën tuaj

Caktoni një ditë të javës në të cilën do të dilni me shoqërinë apo të dashurin/dashurën tuaj. Mos dilni me kolegët tuaj dhe mos flisni për punën. Shkoni të shikoni një film apo pini kafe.

Kushtojini kohë vetes

Kushtojini kohë vetes duke u marrë me ndonjë hobi apo me gjëra të tjera të cilat iu interesojnë dhe ua largojnë vëmendjen tuaj nga puna. Përmirësojeni veten dhe kualitetin e jetës tuaj.

Fikeni telefonin e punës dhe mbylleni e-mail-in

Pas punës gjithnjë fikeni telefonin dhe mbylleni e-mail-in dhe fokusohuni në jetën tuaj personale. Ngadalë shtoni aktivitete të tjera në jetën tuaj të cilat nuk kanë të bëjnë me punën. Madje edhe gjatë një dite të zënë kushtoni pesëmbëdhjetë minuta në ditë vetes për të bërë një shëtitje të vogël apo për të dëgjuar muzikë.

auto_ooo1579790137.jpeg
So Nila13:51 | 27/01/2020

Hetem Ramadani ka treguar se cilat janë ushqimet që duhet të mbajmë dhe ato që duhet të heqim nga frigoriferi. Ai ka thënë  se nëse ushqehemi në mëngjes me ushqim të shëndetshëm dhe pasdite me ushqim të pashëndetshëm, atëherë në trupin tonë dominon ushqimi me të cilin nuk duhet të ushqehemi.

Për të ushqimi ndahet në ushqim inteligjent dhe ushqim “budalla”, që duhet ta largojmë nga frigoriferi.

Ai shprehet se këto janë “ushqimet budalla”:

-Duke filluar nga lëngjet e frutave, frutat Zoti i ka bërë për t’i ngrënë dhe jo për t’i pirë.

-Majoneza duhet të hiqet, përmbanë elementë që i bëjnë dëm trupit të njeriut dhe duhet të hidhet.

-Ketchup dhe mustarda e bëjnë trupin të varur dhe duhen hedhur.

-Salca po ashtu përmban konservantë

-Veza nëse është bërë nga pula që nuk e kanë parë diellin dhe që nuk janë ushqyer në mënyrë natyrale atëherë nuk duhet të konsumohet

-Edhe reçeli nuk duhet të konsumohet

-Edhe kosi jo natyral nuk duhet konsumuar

-Margarina nuk duhet konsumuar

-Qumështi po ashtu është laktozë, sheqer dhe burim i kancerit

-Asnjëherë në shtëpinë tuaj mos blini torta apo kekë të gatshëm

-Djathi i lopës me plastikë nuk duhet konsumuar

-Pulat hormonale janë burim kanceri, nuk duhen konsumuar

Ushqimet që duhet të konsumojmë

-Gjalpi nëse është natyral mund të konsumohet.

-Uji është burimi i jetës dhe duhet konsumuar.

-Frutat duhen konsumuar, por mos i mbani në frigorifer

-Karrota po ashtu është shumë e mirë për t’u konsumuar, por nuk duhet të qëndrojë në frigorifer

-Domatet janë shumë të mira, por kur konsumohen duhet t’i heqim lëkurën dhe farat

-Specat po ashtu janë shumë të mira

-Lakra

-Lulelakra

-Brokoli

-Sallata jeshile

-Spinaqi

-Preshi

-Qepa e kuqe

-Erëzat

-Majdanozi

-Boronica është shumë e mirë

-Mëlçia duhet të qëndrojë në frigorifer

-Sardelet janë shumë të mira, është mirë të konsumohen 3-4 herë në javë

-Mishi nëse është bio është shumë i mirë

Ramadani po ashtu tha se “formula magjike” për një jetë të shëndetshme është konsumi i ushqimit “inteligjet” siç e quan ai dhe kombinimi i tij me aktivitet fizik dhe meditim

Ai deklaroi më tej

“Prej shumë vitesh unë kam studiuar dhe tani dua të shkruaj një libër, por pa rezultate konkrete dhe pa njerëz të tjerë përveç rrethit të ngushtë. Këtë vit kam filluar të pranoj njerëz të cilët mund t’i këshilloj për lloje të ndryshme sëmundjesh si diabeti, kanceri, migrena. Të gjitha sëemundjet mund të shërohen, nuk i shëroj unë, por trupi i gjithsecilit që ka intiligjencë poteciale brenda tij. Kurse oferta ime i stimulon inteligjencën për t’i shëruar dhe baza është ushqimi, meditimi dhe aktiviteti fizik.

Formula magjike” në fakt nuk është magjike sepse e kam bërë disa herë publike, është ushqimi. Nëse hamë ushqim të ashtuquajtur inteligjent që nuk mund të prodhohet nga mendja e kufizuar shkencore atëherë mund të kemi rezultate. Të gjithë mjekët thonë:

“Ne e menaxhojmë sëmundjen, nuk e kurojmë”. Kurse teoria ime, por që nuk është vetëm e imja është që sëmundjet mund të kurohen me anë të inteligjencës së ushqimit, meditimit etj. Është më komplekse. Kanë filluar të vijnë tek unë qindra njerëz, më shumë nga ç’mund të bërballoj, ndaj edhe unë kam vendosur të shkruaj librin me rezultate për diabetin e tipit 1 dhe 2. Më vonë do të shkruaj për sëmundjet kardiovaskulare, kancerin dhe kështu me radhë për t’i ardhur në ndihmë njerëzve në nevojë. Mjekësinë alternative e kam marrë si mision për të ndihmuar të tjerët, kurse bizneset ia kam lënë në dorë dikujt tjetër. Kur kam shkruar librin e parë para 7-8 vitesh, në Shqipëri në fillim u përqesh, kurse sot është bërë fjalë normale meditimi. Kështu fillon”./abcnews.al

auto_kura1572420847.jpg
So Nila15:55 | 25/01/2020

Plakja është një pjesë e jetës dhe nuk mund të shmanget. Gjithsesi, ushqimet që ju konsumoni ndihmojnë që këtë fazë të jetës ta kaloni sa më shëndetshëm.

1.Vaj ulliri ekstra i virgjër

 

Vaji i ullirit është një nga yndyrnat më të shëndetshme në botë. Shumë studime të kryera rreth efekteve që ai ka tek shëndeti i organizmit kanë vërtetuar se konsumimi i tij parandalon sëmundjet që lidhen me plakjen. Vaji i ullirit arrin të ulë tensioni e gjakut, eliminon rrezikun e prekjes nga sëmundjet e zemrës, si dhe ndihmon sistemin tretës dhe mund të funksionojë në luftimin e qelizave turmoriale. Përveç këtyre vetive, vaji i ullirit nëse përdoret dhe si një hidratues për lëkurën e bën atë më të shndritshme dhe të shëndetshme. Madje mund ta mbrojë dhe nga ekspozimi i rrezeve të dëmshme të diellit.

2.Salmoni

 

Peshqit si salmoni janë të pasur me omega 3, një substancë e cila ndihmon trupin kundër sëmundjeve të zemrës, inflamacionin dhe ulcerës së kolitit. Gjithashtu salmoni ka substanca të cilat ndihmojnë në rininë e lëkurës.

3.Çokollata e zezë

 

Antioksidantët që gjenden tek çokollata e zezë janë më të fortë sesa ato që përmbajnë boronicat apo thanat. Studimet vërtetuan që përdorimi i saj arrin të ndihmojë trupin në uljen e presionit të gjakut, rrit sensivitetin e insulinës dhe përmirëson funksionimin e arterieve. Gjithashtu flavonoidet që gjenden tek çokollata e zezë ruajnë lëkurën nga ekspozimi i diellit, që është një nga faktorët kryesorë të plakjes së lëkurës.

4.Perimet

 

Perimet janë të mbushura me substance të shëndetshme dhe nuk kanë shumë kalori. Ato përmbajnë dhe antioksidantë të cilët ulin rrezikun ndaj sëmundjeve të zemrës dhe qelizave kanceroze. Disa perime përmbajnë karoteniode si beta karroteni. Këto substanca mbrojnë lëkurën nga radiatimi ndaj diellit dhe radikalët e lirë të cilët ndikojnë tek plakja e lëkurës. Perime gjithashtu përmbajnë vitaminën C, që ndikon tek prodhimi i kolagjenit.

5.Avokadot

 

Avokadot janë të pasura me fibër të shëndetshme, dhe shumë vitamina që luajnë rol kyç në shëndetin e organizmit. Për më tepër, avokadot përmbajnë polihidroksilate që ndihmojnë në reduktimin e prekjes nga inflamacioni. Gjithashtu konsumimi i avokados mbron lëkurën nga dielli dhe rregullojnë AND-në e dëmtuar.

6.Shega

 

Shega është një nga frutat më të shëndetshme. Antioksidantët që përmbajnë shegët madje janë më të fuqishme sesa ato që ndodhen në çajin jeshil. Shegët ndihmojnë në uljen e inflamacionit, dhe dëmet që shkakton niveli i lartë i gjakut./abcnews.al

Capture-144.jpg
So Nila12:45 | 25/01/2020

Dëgjojmë gjithçka për shëndetin, shpesh disa pakuptime. Besojeni, shumica janë genjeshtra. Kërcitja e gishtave shkakton artrit

Kur ju kërcisni gishtat shkaktohet një shpërthim flluskash ajri që formohen nga lëngu sinovial, i cili ka për qëllim ushqimin e indeve dhe lubrifikon nyjet. Studime të shumta janë përpjekur të thonë se ky zakon është i dëmshëm dhe shkakton artrit. Deri tani nuk është gjetur asnjë lidhje. Kërcitja e gishtave nuk është as e mirë, as e keqe. Rrotullimi jonormal i nyjeve kur bëhet shpesh, mund të shkaktojë inflamacion.

1.Gjalpi shëron djegiet

Në të vërtetë kjo është veçse një klishe dhe nuk ka asnjë bazë mjekësore. Përveçse  është e padobishme, lehtësimi i djegies nuk zgjat shumë, por mund të jetë edhe me efekte, pasi favorizon infeksionet. Pas djegies shpërlajeni plagën me ujë të ftohtë, më pas përdorni vajin e duhur, ose në raste të rënda, shkoni direkt në urgjencë.

2.Barku të fryhet nga birra

Nuk është birra ajo që të shëndosh, pasi ajo ka 110 kalori për litër, kundrejt 160 të verës së kuqe. Shkaku është faktori sasi. Kush pi shpesh birrë tenton për më tepër, gjithashtu ka mundësi ta shoqërojë atë me ushqime jo të shëndetshme. Kjo shpjegon fryrjen tek pijedashësit. Duket se thënia ka lindur nga gjermanët, konsumatorët e njohur të birrës.

3.Çokollata i bën keq stomakut

Ngrënia e çokollatës nuk ngadalëson tretjen – përkundrazi, duket se e favorizon. Në sasi të vogla, çokollata e zezë ka një rol mbrojtës kundër mëlçisë. Edhe miti se çokollata shkakton akne nuk ka baza. Prania e puçrrave është hormonale dhe varet nga mosha. Por ama është e vërtetë se teprimi i ushqimeve dhe ëmbëlsirave të skuqura dëmton lëkurën.

4.Sheqeri me tepricë i bën fëmijët hiperaktivë

Studime të shumta shkencore janë bërë për të vërtetuar këtë teori popullore, por nuk kanë gjetur prova që konfirmojnë atë. Në sasi të tepërta efektet e sheqerit janë të këqija për shëndetin e të rriturve dhe fëmijëve, sidomos tek obezët dhe diabetikët. Teoria u ngrit në vitin 1974, nga një mjek amerikan, William Crook, pranë Akademisë Amerikane të Pediatrisë, por më pas ajo u hodh poshtë.

5.Spinaqi të bën të fortë

Nëse besoni se spinaqi është burim i pashtershëm hekuri, kjo është një legjendë urbane. Ai përmban hekur, por jo në sasi të mëdha në krahasim me perimet apo bishtajoret e tjera. Miti i rremë ka lindur në 1890, kur disa nutricionistë amerikanë bënë të njohur përmbajtjen e hekurit të perimeve. Por një gabim i parëndësishëm teknik, duke vendosur presjen në vendin e gabuar, përmbajtja e hekurit të spinaqi u bë 10 herë më e lartë sesa në të vërtet. Gabimi u zbulua disa dekada më vonë, por në të njëjtën kohë Popeye dhe ushqimi i tij i preferuar e kishin pushtuar botën.

6.Gërhitja është bezdisëse vetëm për ata që ndodhen afër

Natyrisht që është, por është gjithashtu e rrezikshme për shëndetin e atyre që gërhasin. Për një kohë të gjatë kjo u konsiderua si një shqetësim i thjeshtë, dhe si i tillë u la në harresë. Gërrhitja mund të jetë sinjal për probleme më serioze. Në fakt, mjekët kanë vënë re se ata që gërrhasin janë më të prirur për të pasur probleme të tensionit të lartë dhe çrregullimeve kardiovaskulare, të shoqëruara me ndërprerje të vërteta të frymëmarrjes, të ashtuquajtur apnea e natës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono