urimet

URIMET-E-DUKES-DHE-KREREVE-TE-SHTETIT.mpg_snapshot_00.17-1280x720.jpg
ent ela20:12 | 13/05/2019

Fitorja e titullit kampion për skuadrën e Partizanit ka sjellë reagimet jo vetëm nga personazhet e botës së futbollit, por edhe të politikës. Kreu i shtetit shqiptar Ilir Meta dhe Kryeministri Edi Rama përgëzuan Partizanin për sezonin fantastik.

Titulli kampion në kampionatin shqiptaer u rikthyer më në fund në kryeqytetet. Partizani zgjeron koleksionin e trofeut më të rëndësishëm në Shqipëri dhe tashmë numëron plot 16 tituj kampion. Ky titull ka një rëndësi të jashtëzakonshme pasi është i pari pas sezonit 1992-1993. Rreth tri dekada më parë Partizani shpallej kampion për herë të fundit. Jehona e titullit të fituar nga Partizani ka sjellë urimet jo vetëm nga personazhet e botës së futbollit por edhe politikës.

Kreu i Shtetit Shqiptar Ilir Meta ka uruar skuadrën kampione të Shqipërisë për sezonin 2018-19 në rrjetin social facebook.

“Urim Partizanit, skuadrës së adhuruar në fëmijërinë time, për rikthimin në krye të futbollit tonë kombëtar”.

Një urim i veçantë edhe nga Kryeministri Edi Rama, i cili ka zgjedhur Instagramin për të përgëzuar Partizanin. Edi Rama ka postuar një video nga festa e tifozëve të kuq në derbin ndaj Tiranës,

“Mua më mbeti vetëm kampionati italian këtë vit, ndërsa zëvendësi im Juventin fitoi edhe këtë shqiptarin”- shkruan kryeministri Rama.

Presidenti i Federatës Shqiptare të Futbollit, Armand Duka përgëzon sezonin madhështor të Partizanit dhe shkruan:

“Dua t’i përcjell urimet e mia më të mira Partizanit që u rikthyen në kampion të Shqipërisë. Sot meritojnë të festojnë të gjithë, futbollistë, staf, drejtuesit, tifozë. Që nga nesër të mendojne si të na përfaqësojnë sa më lart në garat evropiane”- mbyllet urimi i kreut të FSHF. /ABC News Albania 24/7

 

 

sheshi-skenderbej.jpg
G. P.10:30 | 01/01/2019

Atmosfera magjike me fishekzjarre dhe koncerti festiv i Vitit të Ri me këngëtarët më të mirë të muzikës moderne ka mbledhur qindra qytetarë jo vetëm nga kryeqyteti, por edhe nga rrethe dhe treva të tjera të Shqipërisë në sheshin ‘Skënderbej’.

Për mikrofonin e ABC News qytetarët e shumtë nuk kanë nguruar të japin edhe urimet e tyre për një vit sa më të mbarë dhe të lumtur.

“Suksese gjithë shqiptarëve. Ta kaloni gëzuar! Një vit sa më i mbarë”!

“Gëzuar gjithë shqiptarëve”!

“Qoftë i bekuar për gjithë shqiptarët”.

“Viti 2019 është super vit”.

“Urime suksese gjithë shqiptarëve kudo që janë”.

“Gëzuar Vitin e Ri. Vij këtu nga Athina për ta festuar me familjen”.

“Sa më shumë shëndet, punë dhe pasuri. Të jenë të lumtur. Të japin dashuri për njëri-tjetrin dhe mos ta grabtisin vendin e vet. Të punojnë dhe nuk m’u bë mirë që në skenë thanë Shqipëria do të bëhet, sepse Shqipëria është e bërë. Mjafton që njerëzit të qëndrojnë këtu dhe të punojnë për vendin e vet”./abcnews.al

hhhh.jpg
ent ela12:14 | 14/12/2018

Shenjë se Kosova është e aftë të marrë përgjegjësi të reja në ndërtimin e institucioneve demokratike dhe për të kontribuuar vendosmërisht për paqen, stabilitetin e rajonit dhe fqinjësinë e mirë. Të tillë e komenton kreu i shtetit shtiptar Ilir Meta vendimin historik të Kosovës për krijimin e Forcave të Armatosura. Përmes një postimi në rrjetin social Facebook presidenti Meta gjen frymën euro-atlantike në themel të këtij ndryshimi historik.

Edhe kreu i qeverisë Edi Rama ka shprehur urimet e tij ndaj shtetit të Kosovës duke shpërndarë në rrjetin social facebook një fotografi të kreut të shtetit Kosovar Hashim Thaçi.

Urime Kosovës për Ushtrinë i shprehu edhe kreu i demokratëve Lulzim Basha, i cili e quan ngritjen e Ushtrisë së Kosovës si ngjarjen e dytë të përmasave kombëtare dhe historike pas shpalljes së pavarësisë.  Me këtë votim – vijon Basha – Kosova do të jetë më e sigurtë, rajoni më në paqe dhe kombi shqiptar i integruar dhe më i fortë. /abcnews.al

META-1-1280x584.jpg
ent ela12:25 | 21/08/2018

Festën e Kurban Bajramit, besimtarëve mysliman ua uroi edhe politika shqiptare. Pas vizitës në selinë e komunitetit Mysliman Shqiptar kreu i shtetit Ilir Meta ndau mesazhin e tij të urimit.

Meta: Mesazhi i solidaritetit, bashkëpunmimit, i vëmendjes ndaj atyre që kanë më shumë nevojë për t’u përkrahur, për t’u ndihmuar. Këto janë mesazhet që na sjell kjo ditë e rëndësishme e besimit islam për të gjithë qytetarët tanë. Është një ditë që dëshmon bashkëjetesën e shkëlqyer ndërfetare, e cila ka në themelet e saj vlerat më të mira njerëzore dhe hyjnore.

Për nënkryetarin e kuvendit Edmond Spaho, kjo ditë e shenjtë jep mesazhin e sakrificës dhe solidaritetit sidomos ndaj më të pamundurve.

Spaho: I uroj myslimanët gëzuar festën e Kurban Bajramit. Të jetë vit i mbarë dhe i begatë ku të sundojë paqja e begatia mbi të gjithë ne. Në këtë ditë të shënuar të Kurban Bajramit është një thirrje për të qenë të lidhur dhe afër njëri-tjetrit. Një ditë për sakrifica ndaj atyre që e sigurojnë ekzistencën me mund e vështirësi. I gjithë viti të jetë i mbarë, i mirëqënies e dashurisë për njëri- tjetrin.

Thirrje për solidaritet ndau edhe kryebashkiaku Erion Veliaj.

Veliaj: Dua falënderoj qindra vullnetarë të bashkisë, qendrave sociale, shoqatave humanitare xhamisë që mbrëmë kanë shpërndarë mish për 2 mijë familje që janë në nevojë ekonomike. Ky është një apel që mund të jemi solidarë jo me statuse e lajka, por me diçka konkrete. Nëse ne do funskionomin me këtë mentalitet të bashkimit solidaritetit, sakrificës çdo ditë do të ishte mrekuli. Unë nuk jam naiv, e di se mrekullitë mezi ndodhin. E e di se kur të vijë shtator do rikthehet sherri, debati. Lutem që shtatori të na gjejë të bashkuar dhe siç jemi në festa të jemi edhe në ditët e punës.

Shefi i ekzekutivit Edi Rama, ai i opozitës Lulzim Basha dhe kreu i kuvendit Gramoz Ruçi urimet e tyre zgjodhën t’i ndanin përmes rrjetit social facebook.

Në postimin e tij Rama përcjell urimin, të shoqëruar me një video që tregon punën për ringritjen e disa objekteve të kultit të fesë myslimane në Berat, Tiranë, Gjirokastër e Delvinë. Ai shkruan se xhamitë janë pjesë e thesarit tonë të trashëgimisë historike e kulturore.

Kreu i Kuvendit Gramoz Ruçi, në urimin e tij për këtë ditë feste bëri thirrje që tolerancën si besimtarë, ta plotësojmë edhe me tolerancën si qytetarë.

Kreun e Partisë Demokratike Lulzim Basha lutjet e tij i çon në veçanti tek të pamundurit, të braktisurit dhe të nëpërkëmburit, në këtë festë të flijimit që kremton mposhtjen e egos dhe forcën e besimit. Mesazhi i kësaj dite – vijon ai – dëshmon se nuk ka sprovë që nuk kalohet me besim tek Zoti dhe dashuri për Atdheun, familjen dhe njëri-tjetrin./abcnews.al

URIMET-PUTIN.mpg_snapshot_00.07-1280x720.jpg
ent ela19:25 | 20/03/2018

Perëndimi ka uruar më në fund presidentin rus Putin për rizgjedhjen. Donald Trump e ka telefonuar atë dhe së bashku kanë diskutuar për një sërë çështjesh. Ndërsa presidenti i KE, Juncker ka shprehur gatishmërinë e Brukselit për dialog.

Ndonëse pak me vonesë, presidenti rus Vladimir Putin ka marrë urimet nga liderët perëndimorë për rizgjedhjen e tij në krye të Kremlinit. Presidenti amerikan Donald Trump e ka telefonuar atë për ta uruar dhe gjatë bisedës dy liderët kanë folur edhe për mundësinë e një takimi mes tyre në të ardhmen. Sipas një njoftimi për shtyp të Kremlinit, Trump dhe Putin kanë folur edhe për Sirinë dhe Ukrainën, duke e vënë theksin tek nevoja për të zgjidhur të dyja krizat. Nuk ka munguar çështja bërthamore e Koresë së Veriut, për të cilën presidentët kanë vlerësuar se është e rëndësishme zgjidhja e saj në rrugë paqësore. Ndërkohë, presidenti i Komisionit Europian, Jean Claude Juncker i ka dërguar një letër ku e uron presidentin Putin dhe mes të tjerash nënvizon se, BE dhe Rusia duhet të bashkëpunojnë për sigurinë pan-europiane. I pari lider perëndimor që e uroi presidentin rus për rizgjedhjen ishte ai francez, Emmanuel Macron, që mes të tjerash i kërkoi atij që pala ruse të ndihmojë në zbardhjen e helmimit të ish-agjentit rus në Angli, Sergei Skripal. Të njëjtin mesazh dha një ditë më parë edhe kancelarja gjermane, Angela Merkel, e cila tha gjithashtu se BE duhet të mbajë qëndrim të njëjtë si ndaj Rusisë, ashtu edhe Kinës./abcnews.al

vlcsnap-error593-1280x720.jpg
us er12:44 | 03/01/2018

Sot është ditëlindja e 49 e ikonës së garave të automobilizmit, Majkëll Shumaker. Urimet e para i janë bërë nga ekipi Italian I Ferrarit, që njëlloj si fansat i kërkojnë të vazhdojë betejën, teksa prej 4 vitesh ndodhet në koma pas një aksidenti me ski.

Kampioni legjendar i Formula Uno, Majkëll Shumaker mbush sot 49 vjeç. Mesazhet e para të urimit i kanë mbërritur nga skuadra italiane e Ferrarit.
“Mendja jonë është gjithnjë tek ai. Vazhdo të luftosh, forca Majkëll”.
Ky është mesazhi që Ferrari ka postuar sot në llogarinë zyrtare në Tuiter, me rastin e 49-vjetorit të lindjes së Shumakerit. Ekipi i Maranelos nuk e ka harruar pilotin gjerman, 7 herë kampion i botës në Formula 1 që gjatë karrierës së tij ka fituar 91 gara, 155 podiume dhe arriti 68 “pole position”.
Prej katër vitesh tashmë, ikona e garave të automobilizmit po përballet me betejën më të vështirë, atë për mbijetesë pas aksidentit të tmerrshëm me ski në stacionin e skive në Meribel të Francës.
E në këtë 49 vjetor të pilotit gjerman, thirrja “vazhdo të luftosh”, bëhet edhe më e fortë./abcnews.al

vlcsnap-error399-1-1280x721.jpg
us er16:55 | 28/11/2017

Futbollistët e Kombëtares bënë edhe ata urimet për Festën e Flamurit. Shqiptarë të Shqipërisë dhe Kosovës shprehën lumturinë e tyre për ditën e shënuar.

Pavarësia është e shenjtë edhe për futbollin. Sidomos kur flitet për lojtarët e kombëtares shqiptare.
Thuajse të gjithë ata, përfshirë edhe ish-kapitenë, ish-lojtarë dhe ish-trajnerë, nuk harruan të bënin urimet, nga më të bukurat që menduan dhe krijuan.

Kapiteni Ansi Agolli: Gëzuar Atdhe! Shqipëria mbi gjithçka!

Ish-kapiteni Lorik Cana: Urime gjithë shqiptarëve ditën e Flamurit!

Amir Abrashi nga Gjermania: Urime 28 nëntori, Shqipëria ime!

Mbrojtësi Andi Lila: Gëzuar festën e pavarësisë! O sa mirë me qenë shqiptar!

Arlind Ajeti: Shqiptarë kudo që jeni, urime festa e 28 nëntorit, dita e flamurit kombëtar!

Nga Kazakistani, Azdren Llullaku: Urime Pavarësia!

Shkodrani Bekim Bala: Gëzuar 105-vjetorin e Pavarësisë!

Sokol Cikalleshi, kavajasi i Turqisë: Gëzuar 105-vjetorin e Pavarësisë së Shqipërisë!

Etrit Berisha nga Seria A: Rrofsh përgjithmonë moj e bekuar!

Nuk mungoi Eros Grezda: Urime 28 nëntorin!

Ja dhe Ermir Lenjani: Gëzuar 105 vjet shteti shqiptar!

Naser Aliji, që urojmë të gjejë skuadër shpejt: Urime 28 nëntori! Dita e Flamurit! Flamuri më i bukur në botë!

Nga Rusia me dashuri, Odise Roshi: Gëzuar pavarësinë Shqipëria ime!

Taulant Xhaka: Të gjithë shqiptarëve kudo që ndodhen, anembanë botës, ju uroj nga zemra, GËZUAR DITËN E FLAMURIT! Gjithmonë!

Një urim nga trajneri i Shqipërisë U21, ish-sulmuesi kuqezi, Alban Bushi: Gëzuar 28 nëntorin 1443 dhe 1912!

Ish-trajneri De Biazi: Urime Shqipëri, 105 vjet shtet! Sot është dita e krenarisë sonë! Gëzuar Ditën e Pavarësisë! Gëzuar!

Shokëve iu bashkua shqiptari që luan për Zvicrën, Xherdan Shaqiri: Gëzuar 105 vite pavarësi Shqipëri!


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono