urbanistika

studentja-2-1280x710.jpg
G. P.18:01 | 20/12/2018

Një pjesë e studentëve të Universitetit Politeknik braktisën mbledhjen që po zhvillohej me kryeministrin Edi Rama mbrëmjen e kësaj të enjteje. Ishte një nga studentet e fakultetit të Arkitekturës dhe Urbanistikës që mori fjalën dhe tha se kryeministri e ka marrë në telefon duke i quajtur studentët që kanë protestuar dembelë mendorë.

Në fjalorin tuaj cilat fjalë konsiderohen fjalë ofenduese. Fjala zhvatje me vetëdije konsiderohet ofenduese?

Edi Rama: Skandaloze!

Studentja: Pse është skandaloze, kur ajo po bëhet realisht.

Edi Rama: Këtë s’ta shpjegoj dot realisht.

Studentja: Unë e kuptoj nuk e shpjegoni. Edhe mbrëmë nuk më keni dhënë përgjigje. Keni thënë që gjatë gjithë këtyre ditëve jeni treguar në një nivel shumë të lartë dembela mendorë.

Edi Rama: S’është fjalia ime kjo!

Studentja: Është fjalia juaj zoti Rama. Më keni marrë në telefon në orën 10:30 të natës. Të mbaroj unë dhe pastaj fol ashtu siç ia bëre të gjithëve.

Edi Rama: Lexoje në mënyrë korrekte fjalinë.

Studentja: Po ta them unë. “Ti dhe kushdo mendon si ti mua më merr të keqen për zhvatjen me vetëdije dhe paturpësia në lëshimin e këtij lloji të neveritshëm fjalësh  jo që nuk ëhstë argument, por flet sa 1000 fjalë për nivelin e dembelizmit mendor që në mënyrë spektakolare është shfaqur gjatë gjithë këtyre ditëve”. Çfarë jemi ne për ju? Lolot e qeverisë?

Edi Rama: Ky është një tregues tjetër i një të vërtetë shumë të thjeshtë. Unë i repsektoj të gjithë ata që më shkruajnë.

Studentja: Nuk ke bërë asnjë respekt zoti Rama. Ju nuk doni dialog. Ju doni vetëm të bëni monolog me veten tuaj. Nuk na blini dot siç ke blerë 1000 Freshistë.  Nuk na ulni dot poshtë duke na thënë që do iu heqim prindërit nga puna, duke na kërcënuar me makina. Zërin tonë do e dëgjoni. Ju vetëm doni të flisni. Kjo nuk është dialog, është e manipuluar. Dialogu duhet të ishte bërë me të gjithë studentët jo veç e veç. Kemi qenë të gjithë bashkë ditën e parë dhe ju doni të luani atë lojën kukafshehti se ja se po futem unë me rektorin, hajd se po futem unë me dekanin. Kush do të dëgjojë monolog le të rrijë këtu. Ne po largohemi”, tha studentja.

Menjëherë sapo studentët dolën nga salla, kryeministri e quajti të falur sjelljen e tyre duke patur parasysh se çfarë modelesh përcjell politika.

“Jam prej ditësh i shqetësuar për nivelin e edukatës në komunikim. Natyrisht që duke jetuar përditë dhe se çfarë modelesh dhe çfarë niveli mjeran komunikimi frymëzon politika këta janë të falur. Por sidoqoftë unë besoj që prindërit shqiptarë nuk mësojnë këtë lloj edukate. Është skandaloze që të akuzosh, të shpifësh, të fyesh, të bërtasësh, të sillësh siç nuk ka shanse të bësh në universitet e planetit dhe të quash veten protestues që proteston për të drejtat e tyre”, tha Rama.

qehjaj.jpg
G. P.19:27 | 13/03/2018

Shefi i Urbanistikës në Bashkinë e Durrësit është pezulluar dhe po hetohet për “shpërdorim detyre”. Zyrtari i bashkisë ka dhënë leje ndçrtimi për një hotel tek Ura e Dajlanit në kundërshtim me ligjin dhe në një zonë të rëndësisë kombëtare.

Shefi i Urbanistikës në Durrës pezullohet nga detyra dhe merret nën hetim. Gjykata e Shkallës së Parë në këtë qytet miratoi kërkesën e Prokurorisë për të vendosur “Pezullim të ushtrimit të detyrës” së Drejtorit të Planifikimit dhe Zhvillimit të Territorit në Bashkinë Durrës, Adhurim Qehajaj.

Ky vendim u mor pas hetimit mbi dhënien e një leje ndërtimi nga Bashkia Durrës për objektin në pronësi të Ndriçim Domit, që ndodhet ndërmjet rrugës kombëtare tek “Ura e Dajlanit” dhe bregut të detit. Prokuroria arriti në përfundimin se leja e dhënë nga Bashkia është në kundërshtim me kriteret e ligjit “Për planifikimin dhe zhvillimin e territorit” i ndryshuar me Vendim të Këshillit të Ministrave.

Objekti me sipërfaqe 1516.8 m2 ndodhet brenda kufirit kufizues të përcaktuar si Zonë me Rëndësi Kombëtare, në pjesën e brezit bregdetar. Gjykata vendosi sekuestro preventive në lidhje me objektin dhe truallin duke urdhëruar: Pezullimin e kryerjes së mëtejshme të punimeve të ndërtimit në objektin “Hotel 5-6 katësh dhe 1 kat nëntokë” si dhe pezullimin e kryerjes së transaksioneve se pasurisë në pronësi të Ndriçim Domi.

Prokuroria saktësoi se leja e zhvillimit dhe ndërtimit është dhënë për një zonë të përcaktuar si të Rëndësisë Kombëtare dhe është Këshilli Kombëtar i Territorit organ kompetent përgjegjës për të miratuar lejet e zhvillimit dhe ndërtimit në këto zona. Shef i urbanistikës së Durrësit akuzohet për veprën penale “Shpërdorimi i detyrës”./abcnews.al

Veliaj-Forumi-ne-Malajzi-1-1280x720.jpg
ent ela15:14 | 09/02/2018

Forumi Botëror i Urbanistikës përzgjedh Tiranën si një ndër  3 qytetet që ka pësuar më shumë ndryshime.  Në Kuala Lumpur të Malajzisë Kryebashkiaku Erion Veliaj deklaroi se kryeqyteti shqiptar tashmë është më i jetueshëm.

Tirana është përzgjedhur nga Forumi Botëror i Urbanistikës si një qytetet qe ka pësuar më shumë ndryshime vitin e fundit, bashkë me Neëcastle-in e Australisë dhe Panama City-n e Panamasë.

Kryetari i bashkise Erion Veliaj prezantoi arritjet dhe zhvillimet në Kuala Lumpur të Malajzisë.

“Jam shumë krenar për këtë. Gjithashtu, jam i ndërgjegjshëm se kemi ende shumë punë për të bërë, por sot ishte një mundësi për të treguar se me pak vullnet, me dëshirë dhe me një bashkëpunim nga i gjithë komuniteti, duke filluar nga fëmijët deri te pensionistët, mund të kemi qytetin e ëndrrave tona. Shumë gjëra që shumë prej kolegëve, kryetarë bashkie, dëgjuan nga Tirana, ndoshta në kushte normale ose me planet rutinë nuk do të bëheshin për shumë vite. Ama, kur e gjithë kjo energji bëhet bashkë, e qeverisë qendrore, e qeverisë lokale, e të gjithë aktorëve në komunitet, mund të bëjmë gjëra të mrekullueshme”.

Bashkë me projektet e perfunduara kryebashkiaku Veliaj foli dhe për ato që do të vijojnë.

“Mezi pres që muajin tjetër në Tiranë të vijë flota me 4 mijë biçikleta të reja, të cilat qytetarët do t’i përdorin në rrjetin minimal kushtuar korsive të biçikletave. Me shkollat e reja që mbarojmë këtë vit, si “Servete Maçi” dhe “Kosova”, por edhe me paketën tonë të shkollave të reja, do të kemi zgjidhur përpara zgjedhjeve të vitit 2019 çështjen e arsimit me dy turne në Tiranë. Jam shumë entuziast për faktin se Tirana është bërë gjithmonë e më shumë epiqendër e vëmendjes së atyre që merren me urbanistikë e arkitekturë. Ndonjëherë ne u kushtojmë vëmendje cic-miceve tona të vogla, por vetëm kur jemi jashtë dhe kur shikojmë se si vlerësohet kjo punë, kuptojmë që kemi bërë shumë. Ama, më e mira është përpara. Këtë vit me paketën e investimeve, do të bëjmë ndërhyrje edhe në 50 blloqe të tjera banimi.”

Axhenda e Re Urbane, e cila ishte kryetema e Forumit Botëror të Urbanistikës, u miratua në Tetor 2016 në Konferencën e OKB-së  në Ekuador.

Kjo axhendë shihet si një mjet për përmbushjen e qëllimeve për Zhvillim të Qëndrueshëm dhe ka në thelb krijimin e qyteteve që shërbejnë si makineri prosperiteti dhe qendra të mirëqenies sociale, në fokus është edhe mbrojtja e mjedisit./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono