ura

Berlin.jpg
ad min22:59 | 22/06/2019

Urinimi i një burri nga një urë në Berlin të Gjermanisë ka shkaktuar disa të plagosur, sipas një autoriteteve gjermane.

“BBC” raporton se sipas Departamentit të Zjarrfikësve në Berlin, një burrë, ende i paidentifikuar, urinoi nga Ura Jannowitz mbi një anije me turistë mbrëmjen e së premtes.

Të surprizuar nga veprimi, disa persona u hodhën përpjetë në momentin që anija e turistëve po kalonte nën urën 4 metra të lartë duke përplasur kokat.

Transmetuesi gjerman “DW” raporton se 4 persona janë dërguar me ambulancë në spital me të çara në kokë.

Deri më tani nuk dihet nëse shkaktari është arrestuar, apo është gjobitur për veprimin e tij.

Burri është kritikuar gjerësisht edhe në rrjetet sociale, ku njëri shkruante: “Edhe kafshët në kopshtin zoologjik sillen më mirë.”/tvklan.al

ura-patos-1280x690.jpg
ad min17:00 | 20/04/2019

Një nga ura më të rëndësishme në Patos ehte ajo e Belinës. Por ndërsa në zonë ushtrojnë aktivitetin firmat e naftës, ura ehte harkuar dhe banoret thonë se ajo rrezikon të shembet.

Quhet ura e Belinës në zonën e Patosit. Nuk bëhet fjalë për sinjalistikë apo për mbrojtëse.  Çdo ditë harkohet me tepër dhe ky është alarmi për rrezikun e shembjes.

Fshatarët që kalojnë përmes saj e shohin më qartë degradimin e saj.

Secili uron të mos jetë në atë urë momentin fatal.

“Në qoftes do vijnë makina të tonazhit të rëndë, dihet që ajo do të shembet. Po se kush do ta ketë rrësk ajo nuk dihet”.

Belina, është plotësisht e deformuar në konstruktin e saj dhe me mbajtëse gati të amortizuara.

Banorët e zonës tregojnë se ura është katandisur në ketë gjendje për shkak të qarkullimit në të automjeteve të tonazheve të rënda, të cilat ushtrojnë aktivitetin në zonën naftëmbajtëse të Marizës.

Zona  ka fatin e mirë  të ketë në territorin e saj një nga pasuritë më të mëdha, naftën. Në të ushtrojnë aktivitetin kompanitë më te fuqishme por mesa duket fati i mirë dhe i keq udhëtojnë në të njëjtën urë: tek ura e Belinës, e cila nga dita në ditë pret të rrokulliset me ç’të ketë sipër.

ADRIANA MILE

GAZETARE E ABCNEWS, FIER

48276420_303.jpg
ad min08:00 | 11/04/2019

Në Kroaci po zhvillohet takimi 16+1, që synon të rrisë ndikimin ekonomiko-politik të Kinës në Evropë.

Ura e Pelješac-it do të kalojë mbi gjirin e Mali Ston-it dhe do të lidhë kësisoj dy pjesë të Kroacisë, që ndahen nga një rrip toke prej 2,4 kilometrash e që i takon Bosnjë-Hercegovinës. Kjo urë do të jetë 2,4 kilometra e gjatë dhe 55 metra e lartë. Sipas përllogaritjeve, projekti ambicioz do të kushtojë 420 milionë euro, 85 përqind e të cilave janë fonde të BE-së.

Tenderin për këtë projekt nuk e ka fituar një kandidat nga BE-ja, por sipërmarrja shtetërore kineze “China Road and Bridge Corporation”. Përveç çmimit të lirë, CRBC është zotuar se do ta mbarojë këtë ndërtim gjashtë muaj para afatit të parashikuar në tender.

Inxhinieri kinez Zhang Fei dhe inxhinieri kroat Ivica Granic marrin pjesë në ndërtimin e urës së Peljesac-it

Kroacia: Bashkëpunim me Huawei

Ky nuk do të jetë projekti i fundit kinez në Kroaci. Pas samitit  EU-Kinë në Bruksel, kryeministri kinez Li Keqiang vazhdoi rrugën për në Kroaci, ku në datat 10-12 prill mbahet samiti i 8-të i ashtuquajtur “16+1”.

Pas negociatave të vështira me kreun e BE-së, Li po zhvillon aty takime shumë më të këndshme. Aty ai do të nënshkruajë dhjetë marrëveshje bilaterale me Kroacinë, ndër të tjera edhe një memorandum bashkëpunimi të Entit shtetëror të Digjitalizimit të Kroacisë me prodhuesin kinez të telefonave, Huawei.

Kryeministri ka sjellë me vete edhe afro 400 sipërmarrës kinezë dhe bankierë, të cilët, do të kenë rastin të takojnë Dubrovnik me qindra sipërmarrje europiane. Takimi, i cili sipas medias kroate është “takimi më i madh ekonomiko-politik në historinë e Kroacisë”, bëhet në kuadër të një nisme të themeluar në vitin 2012 për të nxitur marrëdhëniet e biznesit ndërmjet Kinës dhe 16 vendeve të Evropës Jugore, Juglindore dhe Qendrore. (Shqipëria, Bosnja dhe Hercegovina, Bullgaria, Kroacia, Republika Çeke, Estonia, Hungaria, Letonia, Lituania, Mali i Zi, Maqedonia e Veriut, Polonia, Rumania, Serbia, Sllovakia dhe Sllovenia.)

Tema kryesore: Rruga e Mëndafshit

Për vendet në fjalë ky takim mund të jetë vërtet me pritshmëri pozitive. Por nisur nga fakti që ndër to janë 11 vende të BE-së, kjo në Berlin do të interpretohet sërish si një përpjekje e re e Kinës për të vendosur një pykë në BE.

Një nga këto projekte që shihen me dyshim nga Evropa e që po diskutohet këto ditë në samit është “Rruga e Mëndafshit”. Ai parashikon investime prej së paku 900 miliardë dollarë, me të cilat Kina do të ndërtojë rrugë, hekurudha, gazsjellëse, hidrocentrale, rrjete telekomunikacioni, porte dhe aeroporte nga Azia drejt Evropës.
Portugalia, Bullgaria, Kroacia, Çekia, Greqia, Polonia, Sllovakia, Sllovenia, Hungaria, Malta dhe vendet balltike janë marrë vesh me Pekinin për marrëveshje investimesh. Në Bruksel kjo shihet me shumë skepticizëm. Kohët e fundit, iniciativës së Rrugës së Mëndafshit i është bashkuar edhe Italia, një vend industrial dhe pjesë e G7-ës.

Brukseli është i shqetësuar se Kina do të jetë konkurrente me shanse të mëdha në tregun evropian, falë edhe ndihmës së madhe që u jep shteti sipërmarrjeve. Kina mund të bëjë oferta shumë të lira nëpër tenderë, sepse ajo i sjell me vete burimet,  qofshin këto njerëzore apo materiale, duke reduktuar kështu edhe sasinë e madhe të çelikut dhe betonit që ka në vend.

Edhe ura e Pelješac-it pritet që ndërtohet kryesisht me beton kinez dhe nga punëtorë kinezë e jo kroatë./DW

muzikal-1280x680.jpg
ad min15:50 | 22/03/2019

Teatri i Operas dhe Baletit sjell koncertin “Urat e muzikës tradicionale”, nën drejtimin e Edmond Dakos.  Koncerti është dedikim për këngën dhe muzikën klasike greke e shqiptare. Këngëtarët  lirikë nga Greqia dhe Shqipëria do të këndojnë ariet më të bukura në të dyja gjuhët.


Tingujt e muzikës klasike shqiptare dhe greke vijnë bashkë në koncertin “Urat e muzikës tradicionale” përmes orkestrës simfonike të Teatrit të Operas dhe Baletit nën drejtimin e Edmond Dakos dhe zërave të tenorit grek Stavros Salabasopoulos, mezosopranos shqiptare Vikena Kamenica dhe sopranos Renisa Lacka.

Tenori grek thotë se po e shijon shumë bashkëpunimin me orkestrën dhe këngëtarët shqiptarë. Mezosopranoja Vikena Kamenica thekson faktin se arti ka qenë gjithnjë një element përfaqësues në botë.  Ndërsa për dy vendet thotë se edhe në muzike ka pika të përbashkëta.

Koncerti me këngët dhe muzikën më të bukur tradicionale greke dhe shqiptare të kompozitorëve më të mëdhenj të dy vendeve do të vijë mbrëmjen e së shtunës në sallën e Katedrales Ortodokse./abcnews.a

ura-fier-1280x720.jpg
ent ela16:45 | 21/03/2019

Në Fier, ura që mban emrin e një shenjtori është kthyer në makth për udhëtarët. Dhe pse aty ndodhin aksidente me pasoja të rënda, nuk është ndërhyrë për ta mirëmbajtur.

Kjo është ura e Shën Pjetrit në Fier dhe është ashtu siç duket, e rrezikshme. Me statistika të rënda aksidentesh rrugore, ura që mban emrin e një shenjtori, tani po quhet edhe sipas emrit të viktimave të saj.

Të mësuar me këtë pjesë të rrezikshme të rrugës, banorët e zonës janë gjithsesi vigjilentë kur kalojnë këtu. Ura sipas tyre duhet jo vetëm mirëmbajtur, por edhe zgjeruar.

Ura është pjesë e segmentit rrugor Fier – Seman – Darëzezë. Me një frekuentim të lartë veçanërisht përgjatë sezonit veror, është burim i vazhdueshëm aksidentesh, për vendas dhe vizitorë

Aksi rrugor Fier – Darëzezë ka statusin e rrugës nacionale, çka e bën mirëmbajtjen e saj përgjegjësi të autoritetit rrugor.

Valbona Daci

Gazetare e Abcnews, Fier

punetori-1280x667.jpg
ent ela12:15 | 20/03/2019

Një 32- vjeçar ka rënë nga ura, ku për pasojë ka gjetur vdekjen e menjëhershme. Ngjarja ka ndodhur ditën e sotme në aksin rrugor Kukës-Morinë, shtetasi A.F., 32 vjeç, banues në Lezhë, punëtor i firmës kontraktuese për rregullimin e urës në vendin e quajtur ish Uzina e bakrit, duke punuar ka rënë nga ura, ku për pasojë ka gjetur vdekjen e menjëhershme. Grupi hetimor ndodhet në vendin e ngjarjes, ku po punojnë për dokumentimin e plotë të saj./tvklan.al

ura-1280x658.jpg
ent ela15:00 | 27/02/2019

Për urën e vjetër të Shën Prodhomit në Voskopojë është marrë vendimi që aty të mos lejohet asnjë mjet i tonazhit të rëndë. Kurse në pranverë kjo urë historike do t’i nënshtrohet restaurimit të plotë.  

Ura treqind vjeçare e Shën Prodhomit në Voskopojë nuk rrezikohet më.

Vendosja e urës “Bailey” në krahun e djathtë do devijojë lëvizjen e mjeteve të transportit të udhëtarëve dhe tonazhit të rëndë.

By passi i ri, nxjerr nga funksioni primar urën, që mban statusin e monumentit te kulturës së kategorisë së parë, e cila tani do t’ju shërbejë vetëm këmbësorëve.

Kalimi i mjeteve mbi urën, që shërben si nyje lidhëse midis fshatit dhe Manastirit të Shën Prodhomit, dëmtoi deri në shkatërrim strukturat mbajtëse të objektit të shekullit të 18, ndër më të hershmit në vend.

Ura e Shën Prodhomit në Voskopojë, do t’i nënshtrohet në pranverë një ndërhyrje të plotë restauruese dhe konservuese. Kjo ndërhyrje do ta kthejë në identitet objektin me arkitekturë të rrallë në fshatin, që frekuentohet edhe për trashëgiminë kultutore./abcnews.al

rruga-e-kombti.jpg
ad min14:20 | 24/02/2019

Ura më e madhe në gjithë gjatësinë e Rrugës së Kombit, ajo e Uzinës ka përfunduar. Ndërsa punimet shtesë dhe 7 urat e tjera pritet të përfundojnë në muajin Qershor.

Ishte parashikuar për të përfunduar në fund të Marsit apo fillim Prilli, por punimet ecën shumë shpejt dhe vendosja e trarëve përfundoi në mes të Shkurtit. Kjo është ura e Uzinës, ose ura më e madhe në gjithë gjatësinë e Rrugës së Kombit.

Po hidhen shtresat e betonit dhe vinçi e makineritë për vendosjen e trarëve janë zhvendosur në urën e fundit për dublimin e saj, atë të Porbregut, fare pak metra larg urës së Uzinës.

Burimet e kompanisë sipërmarrëse të punimeve thanë se ky dimër i favorizoi ndjeshëm për mosndërprerjen e punimeve thuajse në asnjë ditë, duke shkurtuar afatin e përfundimit me më shumë se një muaj.

Me këtë ritëm, duket se sezoni i ardhshëm turistik në fillim Qershori, i gjithë segmenti prej 17 kilometrash me shtatë ura, do të përfundojë, bashkë me shtresat e asfaltit.

Punime shtesë janë parashikuar të bëhen përgjatë gjithë gjatësisë, duke eliminuar edhe dëmtimet e krijuara në urat ekzistuese apo pjesët e rrugës që kanë pësuar çedime, trafikndarëset, mbrojtëset anësore, sinjalistika e rrethimi i saj. /abcnews.al

bicukas.jpg
ad min19:00 | 20/11/2018

Një urë e zonës së Divjakës, e cila u mundëson më shumë se dy mijë banorëve lidhje me qytetin e Divjakës dhe me rrugën nacionale është shembur. Shkak u bë një betoniere e cila nga pesha e rëndë dëmtoi strukturën e hekurit.

Për të shkuar në Divjakë u duhet të lënë makinat në anën tjetër. Kjo betoniere ua shkatërroi urën e Bicukasit që lidh banorët me zonën.

Banori 1: “Me dy makina. Marrim makina fshati na pret taksixhiu matanë. I kemi, s’i kemi do i marrim borxh”.

Banori 2: “Kjo është një rrugë urgjence. Ne këtë rrugë kemi, s’kemi rrugë tjetër”.

Banori 3: “Nuk ka rrugë tjetër, jemi të bllokuar. Fëmijët e shkollës janë të bllokuar”.

Banori 4: “Jemi të bllokuar. Qumësht, jo. Lakra jo. Nxënësit i dërguam në shkollë, vajza ime shkoi në shkollë dhe erdhi se i ishin njomur këmbët”.

Banorët kanë njoftuar Bashkinë e Divjakës. Dhe sipas zyrtarëve të saj, po kërkohet një mënyrë për ta riparuar urën. Megjithatë këta fshatarë e kanë të vështirë të flasin.

Banori 5: “Më mirë mos të flasim se do thonë i mbledh njerëzit për politikë”.

Ura lidh 6 fshatra, pjesë e njësisë administrative Divjakë. Ajo u shërben dy mijë banorëve dhe është e vetmja lidhje mes Tërbufit dhe Grabjanit, me rrugët nacionale të vendit.

Banori 6: “Që kur është ndërtuar ky kanali nga të burgosurit është shumë e lashtë si urë., ka qenë urë me beton e rregullt. Doli lumi Shkumbin në 2016-n dhe e mori përpara. Në 2016-n erdhi ministria e Mbrojtjes e inauguroi. Ama kjo e kishte afatin për tre muaj, jo për gjithë kohës”.

Në vitin 2016 ishte Ministria e Mbrojtjes që u mundësoi banorëve këtë ure tip bejli. Për shkak se ishte shembur nga përmbytjet e lumit Shkumbin./abcnews.al

URA-E-ALI-PASH-TEPELENES-ABC-M2-T1.mpg_snapshot_00.08.jpg
ad min17:18 | 06/11/2018

Një nga urat më të vjetra në vend që ka gjurmë historike të periudhës romake, por që dhe dëshmon për gjenalitetin inxhinerik të kohës është dëmtuar në njërën këmbë. Kjo ka ndodhur gjatë punimeve që po kryhen për By Passin e Tepelenës. Nuk dihet nëse firma zbatuese do të thërrasë ekspertë apo njohës të veprave të tilla, për të realizuar një riparim që nuk do të mbulonte vlerat e saj historike.

Njohësit e vlerave arkitekturore po ngrenë dyshime që punimet në By Passin e Tepelenës po dëmtojnë Urën Beçistit, një moment kulture që daton nga koha romake.
Një ndër ta është arkitekti restautor Kreshnik Nick Merxhani. Në postimin e tij ai tregon se njëra këmbë e urës është dëmtuar dhe firma po e mbulon këtë dëmtim duke hedhur beton. ABC News shkoi në vendin ku ndodhet ura mbi Vjosë, aty ku edhe aktualisht janë përqëndruar punimet e By Pasit.

Pasarela ose ura në Tepelenë ka një bazament që supozohet që për nga punimi lidhet me periudhën romake, kurse pjesa e sipërme është një ndërhyrje e shekullit XX, thotë Merxhani. Ura lidhet me emrin Ali Pashës dhe pikërisht aty ku po ndërhyhet sot, ka gjurmë muratorë që për nga teknika i përngjan urave në periudhën që kur ai synonte në Vilajetin e Janinës. Një nga urat më të mëdha të periudhës romake, e cila kohët e fundit është rrezikuar seriozisht nga ujrat e Vjosës, është nga të vetmet vepra që dëshmon për gjenalitetin inxhinerik të kohës dhe për rrjetin që lidhte dikur Dodonesin, Antigonën e Hadrianopolin me Bylsin dhe Apolloninë.

Nëse dëmtimet nuk do të merren në konsideratë dhe nuk të kërkohet ndihma e ekspertëve për vepra të tilla, është për të ardhur keq. Ura prej 200 metra e gjatë me lartësi 6 metra është harruar. Herën e fundit që u restaurua ishte viti 2012, nga një shoqatë hollandeze, ç’ka mundësoi dhe lëvizjen mijëra banorëve që qarkullojnë çdo ditë përmes saj./abcnews.al

Përgatiti: Orges Sako gazetar i ABC News, Gjirokastër


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono