ura

ura-e-mbrostarit-1280x717.jpg
G. P.19:15 | 19/10/2019

Ura e Mbrostarit me një frekuentim të lartë automjetesh ka pësuar dëmtime të rënda kohët e fundit. Drejtuesit e mjeteve thonë se duhet ndërhyrje e menjëhershme pasi vihen në rrezik për aksidente me pasoja.

Një toponim i famshëm dhe nyje e rëndësishme lidhëse. Ura e Mbrostarit që kalon mbi lumin Seman e gjatë përafërsisht 200 metra ka pësuar dëmtim të rëndë në nyjet lidhëse të saj.

Dy janë zgjedhjet që kanë drejtuesit e automjeteve, ose ta përshkojnë këtë ure me shpejtësi, ose duke e ndalur pothuajse plotësisht automjetin në urë. Të dyja mund të shkaktojnë aksidente të rënda.

Ura u Mbrostarit ka frekuentim të lartë automjetesh pavarësisht alternativës më të re siç është By Passi i Fierit që lidh Mbrostarin me Levanin duke shmangur Fierin. Ky i fundit, Ballshi patosi dhe Roskoveci lidhen me veriun e vendit vetëm nëpërmjet kësaj ure.

Pjesë e  një aksi nacional rrugor, Ura e Mbrostarit nuk është në kompetencat e bashkisë së Fierit. Në këto kushte riparimi i dëmtimeve nga autoritetet përgjegjëse kërkon kohë duke rritur çdo ditë rrezikun për aksidente. /ABC News Albania

verifikim.jpg
G. P.11:21 | 22/09/2019

Në jug të vendit tërmetet nuk kanë shkaktuar dëme në banesa dhe aty situata është më e qetë. Por Bashkia e Gjirokastrës mblodhi Emergjencat Civile për të bërë çdo verifikim, kryesisht për urat dhe objektet e rëndësisë së veçantë.

Ekipet e kontrollit kanë dalë në terren dhe deri tani nuk ka raportuar për dëme serioze. Urat kryesore të jugut nuk kanë pësuar dëme në strukturë, por megjithatë verifikimi po vazhdon./ABC News Albania 24/7

ura-qe-dridhet.jpg
G. P.15:15 | 16/08/2019

Ura e Drinit, ajo që lidh dy anët e Rrugës së Kombit prej dhjetë vitesh po përballon një fluks te madh, tej parashikimeve të fuqisë së saj. Për të shmangur rrezikun deri në ndërtimin e urës së re, po bëhen përforcime në dy anët e saj.

Ndërtuar në mesin e viteve ‘70, kur u përmbyt Kukësi i vjetër e me kapacitet bartës 24 tonë. Më se e mjaftueshme për kohën dhe lëvizjet e asaj periudhe. Por askush s’do ta mendonte një ngarkesë të tillë e fluks pas 45 vitesh.

Ura e Drinit, e vetmja që lidh dy anët e Rrugës se Kombit prej 10 vitesh përballon një fluks të jashtëzakonshëm dhe kapacitet tej parashikimeve e fuqisë bartëse që ka.

Duhej një ndërhyrje urgjente për të rritur sigurinë e saj, jo vetëm për shkak të udhëzimeve që u dhanë pas shembjes së urës në Genova vitin e kaluar, por për shkak se është rritur shkalla e amortizimit të saj.

Kompania sipërmarrëse po merret me përforcimet me hekur e beton arme në dy anët e saj e më pas është menduar ndërhyrje edhe në trupin dhe akset e urës. Mbi urën rreth 250 metra kalojnë njëherësh dhjetë apo pesëmbëdhjetë trailera dhe mjete të transportit të rëndë rreth 60 tonë secila.

Dridhjet që përftohen gjatë trafikut janë të frikshme ndaj po mendohet t’i jepet një zgjidhje provizore deri në ndërtimin e urës së madhe përbri saj, punimet e së cilës nisen pak muaj më parë e do zgjasin deri ne vitin 2021.

Por deri atëherë problemet e sigurisë me këtë fluks e lëvizje, duket se do jenë evidente. Ura e Kukësit ishte ndër veprat e mëdha që u ndërtuan pas hidrocentralit në Kukës me një lartësi deri në 63 metra. /ABC News Albania 24/7

shen-meria.jpg
G. P.15:47 | 15/08/2019

Për ditën e Shën Mërisë, manastiri në Zvërnec është mbushur me besimtarë dhe vizitorë të rastësishëm. Ata kanë kremtuar këtë ditë, e cila festohet çdo 15 Gusht.

Me qirinj në duar iu drejtuan portës së Manastirit të Shën Mërisë në ishullin e Zvërnecit. Është dita e lindjes së Shën Mërisë dhe ortodoksët e kremtojnë çdo 15 Gusht.

Besimtarëve iu bashkuan edhe turistë e pushues të shumtë. Sipas traditës, natën qëndrohet zgjuar rreth manastirit kurse ditën festohet.

Për ata që kujtojnë Shën Mërinë do të thotë më shumë lehtësim dhe besim për të ardhmen. Në kremtime shkoi edhe kryetari i bashkisë së Vlorës Dritan Leli.  Bashkë me priftin e kishës  At Jani Tereziu bënë dhe urimin e ditës.

Me ndërtimin e urës së Zvërnecit është rritur numri i vizitorëve për ditën e 15 Gushtit. Simbolikë është edhe marrja me vete e degës së dafinës që gjendet në afersi të manastirit. Ajo futet në shtëpi duke besuar se sjell fat./ABC News Albania 24/7

ura-morandi-1280x720.jpg
nev ila13:22 | 14/08/2019

E gjithë Italia ka përkujtuar të mërkurën viktimat e shembjes së urës “Morandi”. 1 vit nga tragjedia, krerët e shtetit italian kanë deklaruar se vendi po ringrihet edhe më i fortë se më parë. Ndërkohë, nga ceremonia përkujtimore janë dëbuar përfaqësuesit e kompanive që kujdeseshin për mirëmbajtjen e urës para shembjes së saj.

Në Xhenova të Italisë është mbajtur këtë të mërkurë një ceremoni përkujtimore në nder të viktimave të urës Morandi, shembja një vit më parë e të cilës u mori jetën 43 personave.

I pranishëm, presidenti i Italisë Serxho Matarela u prit me duartrokitje dhe u takua përzemërsisht me të gjithë familjarët e të ndjerëve. Më pas, ceremonia nisi me leximin e emrave të tyre.

Në fjalën e tij, kryeministri Xhuzepe Konte deklaroi se shteti nuk i ka harruar njerëzit që humbi nga kjo tragjedi.

“Vendi ynë nuk e harron dhimbjen, por di të përshtatet në mënyrë që të rilindë. Xhenova është simboli i kësaj force të shpirtit tonë”, deklaroi Konte.

Në 11 e 36 minuta, që është dhe momenti i tragjedisë, u mbajt një minutë heshtje që u thye vetëm nga sirenat e anijeve dhe këmbanat e kishave të qytetit që ranë në nder të viktimave.

“Rindërtimi ka filluar dhe ura e re duhet të jetë gati në prill të vitit të ardhshëm”, vijoi kryeministri Konte.

Ndërsa ministri i Brendshëm, Mateo Salvini, përmes një postimi në Twitter u shpreh:

“Ura e re po ndërtohet. Xhenova vajton, lutet dhe ngrihet sërish”.

Në ceremoninë përkujtimore u paraqitën edhe disa përfaqësues të kompanive “Atlantia” dhe “Autostrada për Italinë”, që kujdeseshin për mirëmbajtjen e urës para se ajo të shembej, por pak momente më vonë, me kërkesë të familjarëve të viktimave ata u larguan.

Vetë delegacioni bëri të ditur se zgjodhi të largohej për të mos krijuar probleme dhe për të treguar respektin për familjarët e të ndjerëve./ABC News Albania 24/7

ura-1280x718.jpg
Sej rie14:20 | 08/07/2019

Mijëra banorë të Fushë Krujës kalojnë lumin përmes një pasarele të ndërtuar përkohësisht nga bashkia, ngaqë në urën e vjetër por bëhen investime. Por njerëzit kanë frikë se mos pësojnë ndonjë aksident pasi ura e improvizuar lëkundet gjatë gjithë kohës.

Aq shumë njerëz kalojnë mbi këtë urë të improvizuar saqë gjatë gjithë kohës ajo lëkundet sikur do të këputet. Mori këmbësoresh prej ditësh lëvizin përmes kësaj pasarele në qytetin e Fushë Krujës.

Ata i tremben këtij investimi të përkohshëm të bashkisë, por është e vetmja mundësi për lëvizje. Numri i popullatës që qarkullon në çdo orë të ditës si duket nuk është marrë parasysh.

Ndaj të gjithë shpresojnë të mos ndodhë ndonjë aksident.  Ura e madhe i është nënshtruar rikonsturksionit për zgjerimin e saj.

Me kalimin e viteve ajo kishte pësuar dëmtime në të gjithë strukturën e saj. Vërshimi i lumit në kohë reshjesh e ka gërryer dhe deformuar në vazhdimësi. Deri në përfundimin e saj, banorët e Fushë Krujës luten që pasarela të mbahet./ABC News Albania 24/7 

morandi.jpg
G. P.18:41 | 28/06/2019

Në Itali është shembur me eksploziv pjesa e mbetur e urës “Morandi”, një pjesë e të cilës u rrëzua 11 muaj më parë duke marrë jetën e disa dhjetëra personave. Shpërthimi është bërë në mënyrë të kontrolluar për t’i hapur rrugë rindërtimit të strukturës.

11 muaj nga tragjedia që tronditi qytetin e Xhenovës dhe mbarë Italinë, një shpërthim i kontrolluar ka shembur në tokë atë çfarë kishte mbetur nga ura Morandi. Sipas mediave italiane, shpërthimi është bërë përmes një sasie dinamiti të vendosur në shtyllat e urës, me qëllim për të nisur rindërtimin e saj.

Shpërthimi i kontrolluar është ndjekur në distancë nga kryebashkiaku i Xhenovës, Marko Bucci, bashkë me zëvendës kryeministrat Mateo Salvini dhe Luixhi di Maio. Pas shpërthimit, një puhizë detare ka fryrë në zonën e urës Morandi dhe ka spostuar drejt maleve renë e madhe të pluhurit të shkaktuar nga rënia e shtyllave.

Brenda pak minutave, reja u shpërbë dhe u zhduk. Megjithatë, hidrantët vijuan të hidhnin ujë mbi rrënojat.

“Gjithçka shkoi sipas planit”, deklaroi kryebashkiaku Buçi, i cili falenderoi të gjithë personat që u përfshinë në operacion, duke u shprehur atyre mirënjohjen e tij.

“Tani kam besim të plotë tek rindërtimi”, komentoi ndërkohë zëvendës kryeministri Mateo Salvini.

Ndërsa partneri i tij i koalicionit qeverisës, Luigi di Maio bëri thirrje për ndëshkimin e kompanive konçesionare të ngarkuara me mirëmbajtjen e rrugëve dhe strukturave rrugore. Në orët që i paraprinë shpërthimit, autoritetet evakuuan mbi 3 mijë e 400 persona që jetojnë në një rreze prej 300 metrash nga vendi i shpërthimit./ABC News Albania 24/7

c92bf93397242a275db6b9d38bd15da19f18ee9d91af4a9a533cc3ed2fb9473e.jpg
Sej rie10:30 | 28/06/2019

Një vit nga rrëzimi i urës “Morandi” në Genoa, autoritetet italiane kanë shembur pjesën e mbetura. Me qëllimin për të ndërtuar një urë të re, prishja e strukturës së mbetur nisi sot rreth orës 9:00 të mëngjesit të sotëm. Ndërsa më parë autoritet lokale kanë evakuuar nga zona rreth 4000 banorë.

Sipas mediave pjesët e mbetura u hodhën në erë duke i vendosur eksploziv nëpër këmbët e urës. Zjarrfikës dhe autobote ishin në gatishmëri përreth perimetrit për të parandaluar përhapjen e pluhurit. Kurse rrugët ishin mbyllur në një rreze prej 300 metrash, duke bllokuar qarkullimin e automjeteve dhe këmbësorëve.

Ndërsa kujtojmë se një vit me parë si pasojë e shembjes së urës humbën jetën 43 persona, mes të cilëve edhe dy shqiptarë./abcnews.al

Berlin.jpg
G. P.22:59 | 22/06/2019

Urinimi i një burri nga një urë në Berlin të Gjermanisë ka shkaktuar disa të plagosur, sipas një autoriteteve gjermane.

“BBC” raporton se sipas Departamentit të Zjarrfikësve në Berlin, një burrë, ende i paidentifikuar, urinoi nga Ura Jannowitz mbi një anije me turistë mbrëmjen e së premtes.

Të surprizuar nga veprimi, disa persona u hodhën përpjetë në momentin që anija e turistëve po kalonte nën urën 4 metra të lartë duke përplasur kokat.

Transmetuesi gjerman “DW” raporton se 4 persona janë dërguar me ambulancë në spital me të çara në kokë.

Deri më tani nuk dihet nëse shkaktari është arrestuar, apo është gjobitur për veprimin e tij.

Burri është kritikuar gjerësisht edhe në rrjetet sociale, ku njëri shkruante: “Edhe kafshët në kopshtin zoologjik sillen më mirë.”/tvklan.al

ura-patos-1280x690.jpg
Sej rie17:00 | 20/04/2019

Një nga ura më të rëndësishme në Patos ehte ajo e Belinës. Por ndërsa në zonë ushtrojnë aktivitetin firmat e naftës, ura ehte harkuar dhe banoret thonë se ajo rrezikon të shembet.

Quhet ura e Belinës në zonën e Patosit. Nuk bëhet fjalë për sinjalistikë apo për mbrojtëse.  Çdo ditë harkohet me tepër dhe ky është alarmi për rrezikun e shembjes.

Fshatarët që kalojnë përmes saj e shohin më qartë degradimin e saj.

Secili uron të mos jetë në atë urë momentin fatal.

“Në qoftes do vijnë makina të tonazhit të rëndë, dihet që ajo do të shembet. Po se kush do ta ketë rrësk ajo nuk dihet”.

Belina, është plotësisht e deformuar në konstruktin e saj dhe me mbajtëse gati të amortizuara.

Banorët e zonës tregojnë se ura është katandisur në ketë gjendje për shkak të qarkullimit në të automjeteve të tonazheve të rënda, të cilat ushtrojnë aktivitetin në zonën naftëmbajtëse të Marizës.

Zona  ka fatin e mirë  të ketë në territorin e saj një nga pasuritë më të mëdha, naftën. Në të ushtrojnë aktivitetin kompanitë më te fuqishme por mesa duket fati i mirë dhe i keq udhëtojnë në të njëjtën urë: tek ura e Belinës, e cila nga dita në ditë pret të rrokulliset me ç’të ketë sipër.

ADRIANA MILE

GAZETARE E ABCNEWS, FIER


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono