universiteti

dizajni-grafik.jpg
G. P.16:15 | 02/07/2019

Tendencat e dizajnerit grafik prezantohen në një ekspozitë në ambientet e Universitetit të Arteve. Ardian Isufi thotë se artistët e rinj sjellin jo vetëm teknikat e reja, por edhe metafora të forta social-politike.

Ambientet  e Fakultetit të Arteve të Bukura janë kthyer në një galeri ku në çdo kënd prezanton punët e atelierit të grafikës. Kuratori dhe dekani Ardian Isufi na shpjegon arsyet e kësaj zgjedhje ekspozimi. Gjithçka nis me një instalacion si ballafaqim brezash.

Korridoret  anë dekoruar me një qilim artistik, krijuar me letër “handmade”. Ky prezantim bën bashkë një sërë teknikash duke potencuar fuqinë e këtij arti. Suela Muslia kaosin e kryeqytetit e ka kthyer në një vepër arti.

Eljan Gjeta përmes këtij instalacioni sjell minierën e Bulqizës, në një vepër arti, por duke përcjellë shqetësimin social të minatorëve.

Pllakati i filmit para viteve ‘90 ka frymëzuar Ergi Memën. Posteri i kinemasë realizuar në komunizëm vjen me gjuhën e dizajnerit bashkëkohor, por artisti i ri i ka  qëndruar besnik një stili grafik të hershëm.

Në këtë ekspozitë prezantohen edhe krijime në instalacione e video./ABC News Albania 24/7

shkodra-dhe-vlora.jpg
G. P.14:34 | 17/06/2019

Dy protesta u bënë sot në Shkodër dhe në Vlorë. Banorët e Cerkovinës vazhdojnë të kërkojnë rrugë dhe ujë të pijshëm, ndërsa nëShkodër studentët protestuan për godinën.

Banorët e Cerkovinës hynë sërish në Bashkinë e Vlorës për t’u takuar me Dritan Lelin. Ata kërkojnë rrugë dhe ujë dhe sipas tyre në fshat nuk është vënë dorë asnjëherë. Bëhet fjalë vetëm për 1 kilometër që lidh fshatin e tyre me rrugën nacionale.

“Sa herë kemi zgjedhje nuk diskutohen “do ua bëjmë rrugën dhe ujin”. Asnjë gjë”.

“Na kanë bërë premtime boshe.  Na ka ardhur njëherë na ka hedhur ca rërë dhe shiu i parë edhe iku”.

“Tubacioni është i çarë komplet. Nuk ka as ujë as rrugë”.

Kurse në Shkodër e hëna nisi me protestë studentore. Studentët e Fakultetit të Drejtësisë kërkuan të bëhet mësim te godina e re, e cila vijon të qëndrojë e kyçur ndonëse sipas tyre ajo është gati për të nisur procesin mësimor. Ata thanë se as premtimi i kryeministrit Edi Rama për çeljen e saj brenda 45 ditëve nuk u përmbush.

“Para disa kohëve kishim një takim me zotin Kryeministër, i cili dha një ultimatum prej 45 ditësh për hapjen e godinës. Ne e pritëm me shumë gëzim, por që nuk e arritëm asnjëherë”.

“Fatkeqësisht dolën premtime formale, asgjë konkrete”.

Pas proteste ka reaguar rektori i universitetit “Luigj Gurakuqi” sipas të cilit sapo të përcaktohen oraret mësimore nga dekanët e Juridikut dhe Ekonomikut do të nisë mësimi aty./ABC News Albania 24/7

rama-pakti-1280x636.jpg
ent ela12:21 | 19/04/2019

Kryeministri Edi Rama ka marrë pjesë në prezantimin e Sondazhit Kombëtar të Studentëve mbi cilësinë e mësimdhënies në kuadër të Paktit të Universitetit.

Gjatë fjalës së tij, Kryeministri ka thënë se shumë prej pikave të këtij pakti që u hartua pas protestave të studentëve, janë plotësuar ndërsa të tjera ende janë në zhvillim.

Rama u ndal tek karta e studentit, që u prezantua pak ditë më parë nga kryebashkiaku i Tiranës Erion Veliaj dhe ministrja e Arsimit Besa Shahini.

Sipas Kryeministrit Rama, karta e studentit do të shpërndahet fillimisht në Tiranë brenda muajit Maj dhe do të përmbajë 40 shërbime, të cilat do të shtohen me kalimin e kohës.

“Angazhimet e marra në dokumentin e Paktit për Universitetin janë ndjekur dhe po ndiqen me seriozitet dhe sot po t’i shikojmë të gjitha pikat jemi në kushtet kur një sërë aspektesh janë adresuar dhe disa aspekte të tjera po adresohen. Faktikisht kemi bërë realitet disa zotime kryesore dhe po bëjmë realitet disa zotime të tjera. Sot jemi në situatën kur ne po vendosim disa piketa. E kemi nisur këtë rrugë nga një situatë xhungle në Universitet me një numër skandaloz Universitetesh të licencuara pa asnjë kriter, thithnin para pa fund dhe faktikisht jepnin mbrapsht diploma pa asnjë vlerë. Kemi vendosur disa rregulla të reja.

Ligji për arsimin e lartë po funksionon dhe po na jep mundësinë t’i adresojmë këto aspekte të tjera, ashtu sikundër ndërveprimi me studentët po funksionon. E fundit ishte para pak ditësh, karta e studentit, që do të fillojë të shpërndahet në Tiranë brenda muajit Maj. Fillon me 40 shërbime, por është një instrument në zhvillim. Një element pozitiv i kartës që do të zhvillohet në të ardhmen e afërt, është përfshirja e sipërmarrjes private në angazhime konkrete për t’i shërbyer studentëve. Për çdo nevojë për informacion kemi një sistem komunikimi online të çdo studenti me qeverinë me një dritare të dedikuar në platformën “Shqipëria që Duam”, u shpreh Kryeministri Edi Rama. /tvklan.al

besa-shahini.jpg
nev ila12:10 | 15/04/2019

Pas pezullimit nga detyra të rektorit të Universitetit të Tiranës, Mynyr Koni, në vend të tij është komanduar Bernard Dosti.

Një fakt i tillë bëhet i ditur në shkresën e firmosur nga Ministrja e Arsimit Besa Shahini, që mban datën 12 prill.

Dosti, aktualisht Zv/Rektor në Universitetin e Tiranës, do të mbajë këtë pozicion deri në përfundim të çështjes dhe dhënies së vendimit të formës së prerë.

Rektori i komanduar mban titujt, Profesor i Asociuar dhe Doktor, gradë kjo e mbrojtur në vitin 2011. Gjithashtu, është lektor me kohë të plotë në Depatamentin e Ekonomiksit në Fakultetin e Ekonomisë.

Pezullimi i Rektorit Mynyr Koni u bë tre ditë më parë me urdhër të Ministres Shahini, sipas së cilës, gjatë një kontrolli në Universitetin e Tiranës ishin gjetur shkelje të rënda ligjore. Por në një reagim në rrjetet sociale, Koni pretendoi se nuk ishte ushtruar asnjë kontroll./abcnews.al

 

Universiteti-zoja-e-keshillit-te-mire.jpg
nev ila21:44 | 13/04/2019

Universiteti Katolik Zoja e Këshillit të Mirë, organizoi “ditët e hapura” për të gjithë maturantët brenda dhe jashtë vendit, për t’u njohur më nga afër me praktikat mësimore evropiane që ky universitet ofron.

Ky event u jep mundësinë maturantëve që ta kenë më të lehtë të zgjedhin programet mësimore, të cilat u ofrojnë punësim brenda dhe jashtë vendit.

Për të gjithë maturantët të cilët po mendojnë se ku do të nisin studimet e tyre, Universiteti Katolik Zoja e Këshillit të Mirë, organizoi “Open Day” që t’ju bëjë zgjedhjen sa më të lehtë. Maturantët e ardhur nga zona të ndryshme të vendit, si dhe nga jashtë Shqipërisë patën mundësinë të njihen nga afër me kushtet e studimit si dhe fakultetet që Universiteti Katolik Zoja e Këshillit të Mirë ofron:

“Open day që ne kemi organizuar sot në Universitetin Katolik Zoja e Këshillit  të Mirë, është dita ku ne informojmë gjithë maturantët dhe nxënësit e shkollave të mesme, në lidhje me fakultetet, kushtet e studimit që ne ofrojmë. Gjithashtu i ndihmojmë ata që të marrin vendimin për karrierën e tyre. Aktualisht Universiteti Zoja e Këshillit të Mirë ka katër fakultete. Fakultetin e mjekësisë me degët “mjekësi” dhe “kirurgji”, “odontoatri” dhe “proteza dentare”, “infermieri” dhe “fizioterapi”, si dhe fakultetet e ekonomisë, të biznesit, të arkitekturës dhe të farmacisë. E veçanta e Universitetit tonë është se, ne ofrojmë diploma të përbashkëta ose të dyfishta me Universitetet publike italiane, që do të thotë se është një diplomë e njohur në Shqipëri, në të gjitha vendet e BE-së dhe në Shtetet e Bashkuara të Amerikës”, ka thënë Administratorja e këtij Universiteti, Evis Karandrea.

Universiteti Katolik Zoja e Këshillit të Mirë, përveç diplomave evropiane dhe metodave mësimore bashkëkohore, ofron edhe bursa për studentët me mesatare 9 dhe 10.

Ky universitet ku studiojnë shumë të rinj shqiptarë dhe të huaj ofron pas diplomimit edhe mundësinë e punësimit brenda dhe jashtë vendit.

Për të gjithë maturantët Universiteti Katolik Zoja e Këshillit të Mirë, nëpërmjet Administratores përcjell këtë mesazh:

“Mesazhi që do të jepja sot nxënësve është që të vijnë të studiojnë tek ne sepse me ne do të kenë një karrierë të sigurtë dhe të suksesshme”./abcnews.al

 

harvard-1280x720.jpg
ent ela13:05 | 27/02/2019

Edhe pse sipas sondazheve të fundit universitetet amerikane po humbasin shkëlqimin, ai i Harvard mbetet më i miri në botë. Në listën e 100 më të mirëve është dhe një Italian, ai i Bolonjës.

Është ai amerikan i Harvard, universiteti më i mirë në botë sipas klasifikimit  të 2019-ës, të universiteteve më të mira, një klasifikim i përvitshëm ku merren për bazë performancat e 1200 universiteteve në botë në 48 lëndë. I vetmi universitet Italian që figuron në listën e 100 më të mirëve ëshët ai i Bolonjës.

Janë 37 në të gjithë botën universitetet që kanë marrë këtë rezultat dhe vetëm 7 janë europiane: përvec atij të Bolonjës, është dhe politekniku i Zyrihut në Zvicër, dhe pesë në Mbretërinë e bashkuar: Cambridge, Oxford, Ucl, Manchester dhe Edimburgo.

Por ispas raportit të këtij viti, pavarësisht se mbeten në majë të klasifikimeve, universitetet amerikane kanë humbur shkëlqimin e tyre duke rënë me 10 për qind në performancën e tyre në krahasim me 2015, sidomos në disiplinat humanistike. Por në rënien e performancës ndikon dhe shkurtimi i financimeve.

Përmirësohen ndjeshëm nga ana tjetër performacat e universiteteve britanike që janë bërë dhe më konkuruese se në vitet e kaluar. Sidomos universiteti i Oksford që është i pari në botë në pesë sektore: Gjuhë dhe letërsi angleze, Farmaci, Arkeologji, Antropologji dhe Gjeografi.

Por nuk dihet se sa do të ndikojë Brexit, pasi shumë nga rezultatet e rëndësishme lidhen me bashkëpunimet me universitetet dhe studiuesit europianë dhe me programet europiane, dhe për sa i përket financimeve./abcnews.al

PEDAGOGET-KORCE_ABC-M2-T1.mpg_snapshot_00.03-1280x720.jpg
ent ela17:29 | 28/01/2019

Studentët e Korçës janë rikthyer në mësim, pasi senati i universitetit ka pranuar plotësimin e kërkesave të tyre, mes të cilave edhe vetingun e stafit akademik.

Senati i universitetit të Korçës Fan Noli, ka pranuar plotësimin e kërkesave bazike të studentëve, të cilët i kanë dhënë fund bojkotit, duke ju kthyer auditoreve, midis të cilave, edhe vetingu për stafin akademik.

Procesi i Vetingut do të përfshijë verifikimin e notës mesatare të nivelit bachelor dhe master, për pedagogët që nuk kanë vijuar më tej kualifikimin dhe për të cilët studentët kanë dyshime, se janë emëruar, në shkelje të kritereve ligjore.

Rektori i universitetit Fan Noli, Ali Jashari: “Mësim normal në të gjitha fakultetet, falë edhe vendimit që mori Senati akademik për ndryshime në strukturë të vitit akdameik kue  shtymë ëpr 3 javë semetrin e parë që mos të mbingarkohen studentët po kështu dhe provimet do zhvillohen normalisht”.

Senati, gjithashtu ka vendosur ndryshime në statut, të cilat do të rrisin shkallën e përfaqësimit të studentëve në organet vendimmarrëse, të tilla, si bordi i administrimit apo këshilli i etikës.

Ali Jashari: “Për bordin e administrimit janë shpallur zgjedhjet dhe deri më datë 8 priten kandidime që do zgjidhen nga studentët, për të qenë pjesë e bordit, por senati mori edhe një vendim që ne do ndryshojmë statutin e universitetin dhe nga 3 përfaqësues që ka universiteti një prej tyre do jetë student”.

Brenda muajit shkurt, universiteti do të marrë përsipër botimin e teksteve mësimore, të cilët studentët do t’i përfitojnë me kosto të ulët. Sa i përket fenomenit të korrupsionit, rektorati ka filluar aplikimim e një sondazhi on line, si instrument për të inkurajuar denoncimin e rasteve korruptive të stafit mësimdhënës. /abcnews.al

 

 

ngujimi1.jpg
G. P.16:47 | 26/01/2019

Pas dështimit të takimit mes studentëve të Fakultetit të Drejtësisë dhe Rektorit të Universitetit të Tiranës, Mynyr Koni gjatë së premtës, studentët zhvilliuan takim tjetër të shtunën. Grupi i studentëve të Drejtësisë bën me dije se Rektori Koni ka deklaruar se është dakord me kërkesat e tyre.

Takimi i zhvilluar gjatë së premtes mes Rektorit të Universitetit të Tiranës me studentët e Fakultetit të Drejtësisë nuk rezultoi konstruktiv. Duke marr shkas nga kjo situatë, një grup studentësh nga ky fakultet zhvilluan një takim tjetër gjatë së shtunës me Rektorin Mynyr Koni, të cilët thonë se rektori është dakord me kërkesat e studentëve.

“Ishim një grup studentësh nga Fakulteti i Drejtësisë që shkuam në Rektorat për të biseduar me Rektorin. Prandaj dhe Rektori doli në mbrojtjen tonë. Ne kërkuam një vendim nga rektorati që të dalë kundër Ligjit për Arsimin e Lartë dhe të kërkojnë shfuqizimin e këtij ligji”.

“Një argument që ne përdorëm te Rektori në mënyrë që ai të kuptonte që jo bvetëm studentët, por edhe një masë e madhe pedagogësh janë pro studentëve dhe ata kërkojnë gjithashtu shfuqizimin e Ligjit për Arsimin e Lartë që e dimë të gjithë që është burimi i gjithë këtyre pakënaqësive të viteve të fundit”.

Pavarësisht se studentët e Drejtësisë na e konfirmuan takimin me Rektorin e Universitetit të Tiranës, Rektorati vetë nuk pranoi të komentonte diçka të tillë. Grupi i studentëve të Fakultetit të Drejtësisë që vijojnë të qëndrojnë të ngujuar në ambientet e fakultetit prej rreth 15 ditësh, deklarojnë se bojkoti i mësimit dhe ngujimi i tyre do të vazhdojë.

“Me shumë mundësi ngujimi do vazhdojë deri në plotësimin e nëntë kërkesave tona”./abcnews.al

FILOLOGJIKU-EKONOMIKU-PEDAGOGET-1280x720.jpg
ent ela16:20 | 14/01/2019

Dekanati i Fakultetit të Histori-Filologjisë dhe Departamenti i Marketingut dhe Turizmit në Fakultetin e Ekonomisë mbështesin kërkesat e studentëve, dënojnë ndërhyrjen e policisë në mjediset universitare dhe dhunën e ushtruar ndaj të rinjve.

Përmes një deklarate për shtyp dekanati i Historisë dhe Filologjisë kërkon ndalimin e fushatës denigruese dhe të përbaltjes masive të trupës Akademike Universitare nga aktorë politikë dhe qeveritarë. Propozon ngritjen e një strukture me pjesëmarrjen e të gjithë aktorëve për trajtimin e kërkesave të studentëve dhe kërkon rishikim të ligjit për arsimin e lartë.

Ndërkohë që Departamenti i Marketingut dhe Turizmit në Fakultetin e Ekonomisë mbështet arsimin cilësor dhe shprehet për gjetjen e një platforme të përshtatshme për realizimin e tij. /abcnews.al

KRONIKE-STUDENTET-NE-UNIVERSITETE.mpg_snapshot_00.01-1280x720.jpg
ent ela15:10 | 08/01/2019

Ditën e sotme pati nga ata studentë që priten zhvillimin e mësimit në auditoret e fakulteteve. Të pasigurt për atë çfarë do të ndodhë me vitin akademik, studentët zgjodhën të mos i bashkoheshin protestës.

Pas nisjes së studentëve protestues nga godinat e Universiteteve drejt Kryeministrisë. Korridoret e fakulteteve publike nuk u zbrazën plotësisht.

Ajo që dukej si pika e fortë e protestës, mungesa e organizimit me një drejtues, duket se po kthehet në thembren e akilit të revoltës së studentëve, të cilët e marta i gjeti të pavendosur. Një pjesë pritën zhvillimin e leksioneve.

Pedagogët edhe pse të gatshëm për të dhënë mësim, i njoftuan për pamundësinë e zhvillimit të orës së leksionit për shkak të numrit të reduktuar të studentëve në auditor.

Të tjerë e pritën fundin e protestës në kafene.

Prej një muaji studentët protestojnë për përmbushjen e 8 kërkesave, të paplotësueshme sipas tyre pa anulimin e Ligjit për arsimin e lartë, arsye që i mban ende jashtë auditorëve”.

Mesimdhënia në fakultete publike vijon të mbetet e paralizuar, ndërsa studentët shprehin bindjen se kjo do të sjellë edhe shtyrjen e sezonit të provimeve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono