universiteti mesdhetar

JULI-ME-TE-FTUAREN.mpg_snapshot_11.04-1280x720.jpg
ent ela12:00 | 25/07/2019

Dekan i Fakultetit të Shkencave Juridike dhe Marrëdhënieve Ndërkombëtare në Universitetin Mesdhetar të Shqipërisë, Ksenofon Krisafi ka folur në studion e  ABC News për risitë e këtij universiteti në vitin e ri akademik.

Sipas tij fryma dhe filozofia e reformës është bërë pjesë e kurikulave dhe këta studentë do jenë pjesë përbërëse e kësaj reforme, për t’u përfshirë menjëherë në strukturat e drejtësisë.

“Reforma në drejtësi po ecën dhe këta studentë do jenë pjesë përbërëse e kësaj reforme.

Ne që kur u hap ky fakultet bëmë një lloj rikoncpetimi të fakultetit juridik që studentët të përfshihen menjëherë në strukturat përkatëse të drejtësisë që do dalin nga reforma. Refoma është bërë pjesë përbërëse e kurikulave tona dhe vërehet dëshirë për të përvetësuar këto risi që sjell reforma në drejtësi.

Është e re për vendin, për ne, por jo e pamundur dhe ne gjykojëm që e kemi arritur. Fryma dhe filozofia e reformës është bërë pjesë e kurikulave tona”.

Për shqetësimin e superprodhimit të juristëve dhe mundësisë së punës, Krisafi shprehet se ky shqetësim nuk është i përligjur, pasi shkalla e punësimit të studentëve është mjaft e lartë.

“Një nga shqetësimet e mëdha është që ka superprodhim juristësh dhe meraku është  se ku do punojnë. unë gjykoj që ky shqetësim nuk është i përligjur. Juristi është profesion interesant, i kërkuar. Shkalla e punësimit të studentëve tanë është mjaft e lartë”.

Ai foli edhe për marrëveshjet me institucionet dhe universitete të tjera brenda e jashtë vendit me qëllim formimin dhe punësimin e studentëve. /abcnews.al

PERVJETORI-I-UNIVERSITETIT-MESDHETAR.mpg_snapshot_00.04-1280x720.jpg
nev ila14:58 | 13/04/2019

Universiteti Mesdhetar i Shqipërisë ka festuar 10 vjetorin e tij, ku të pranishëm ishin mjaft personalitete, miq dhe student. Gjatë fjalës së tij, themeluesi i këtij universiteti, Anastas Angjeli deklaroi se falë punës dhe përkushtimit, kemi kaluar çdo sfidë dhe vështirësi.

Universiteti Mesdhetar i Shqipërisë ka festuar 10 vjetorin e tij, i cili konsiderohet padyshim si histori suksesi. Të pranishëm në përvjetorin e universitetit Mesdhetar ishin themeluesi i këtij universiteti, Presidenti i Republikës, si dhe mjaft personalitete dhe miq nga fusha të ndryshme.

Në fjalën e tij, themeluesi i Universitetit Mesdhetar të Shqipërisë, Prof. Anastas Angjeli theksoi se ndjenja për arsimin dhe këmbëngulja bën që të kemi një universitet me standarde.

“Ndaj 10 vite më pare, fal kësaj ndjenje, mendova që bashkë me të tjerë që e kishin lidhur jetën dhe aktivitetin me mësimin dhe auditorin, të ndërtoja një shkollë të lartë universitare. Nuk ishte e lehtë por edhe e pamundur nuk ishte. Ne ja dolëm! 10 vjetë mund të përkthehen në ditë muaj dhe vite, në punë këmbngulje dhe vështirësi, në arritje dhe sfida, por unë do të preferoja që të qasesha disi ndryshe në këtë datë jubilare”, tha Prof. Angjeli.

I pranishëm në përvjetorin e 10 të Universitetit Mesdhetar ishte presidenti Ilir Meta i cili tha se ky universitet përfaqëson një institucion tashmë të afirmuar të arsimit të lartë

“Ky universitet, që përfaqëson një institucion tashmë të afirmuar të arsimit tonë të lartë, do të duhet, dhe do t’ju lutesha, që ta kthenit në një qendër edhe më aktive shkencore e debati të studimeve mesdhetare, duke promovuar të gjitha organizatat mesdhetare ku Shqipëria bën pjesë, por njëkohësisht duke u bërë pjesë edhe e gjithë debateve për temat më të mëdha të këtij makro-rajoni ku ne bëjmë pjesë, pasi është në interesin tonë të afirmojmë edhe më tej dimensionin tonë mesdhetar. Jo vetëm kaq, por edhe të jemi më aktiv në përballimin e problemeve dhe sfidave që ka ky makro-rajon”, tha ai.

Sot me 3 fakultete, 29 programe studimi bachelor dhe master, pas një dekade, mbi 10 mijë studentë i kanë besuar edukimin e tyre Universitetit Mesdhetar të Shqipërisë./abcnews.al

PERPARIM-KABO-1280x720.jpg
ent ela21:17 | 02/08/2018

Dekani i Fakultetit të Shkencave Psiko Sociale në Universitetin Mesdhetar  Përparim Kabo, ka folur në studion e ABC News për Sistemin Arsimor Universitar në vend. Sipas tij në këtë 10 vjeçar ka një rritje të trefishtë të trendit në këtë universitet, çka sipas tij shton besimin.

Ai ka folur për ndryshimin e kurikulave dhe revolucionin kurikular që sipas tij është një sfidë që ende nuk është marrë me seriozitet nga instancat që kujdesen për arsimin universitar në vend.

Gjatë intervistës në ABC News Kabo e vuri theksin edhe tek projektet, objektivat dhe sfidat e Universitet Mesdhetar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono