universitetet

b624d29a-420d-4311-8f27-29b8ba4111d1-1280x854.jpg
ad min14:10 | 08/07/2019

Mbi 20 mijë studentë nga universitetet e Tiranës janë pajisur me Kartën e Studentit. Por sipas Bashkisë së Tiranës, një risi në këtë proces është edhe pajisja me kartë e studentëve të Akademisë së Sigurisë në Tiranë.

 Më shumë se 20 mijë studentë nga universitetet e Tiranës janë pajisur me Kartën e Studentit, duke përfituar mbi 100 shërbime publike dhe private falas ose me çmime të reduktuara. Këtë e bëri të ditur kryebashkiaku i Tiranës, Erion Veliaj i cili tha se për herë të parë edhe studentët e Akademisë së Sigurisë në Tiranë kanë nisur të pajisen me kartën e studentit.

Erion Veliaj, kryetar i Bashkisë Tiranë:Besoj se deri nga mesi i korrikut do e kemi përfunduar pajisjen e studentëve tuaj me karta, ndërkohë që në total në gjithë Tiranën kemi shpërndarë mbi 20 mijë copë. Sot, shumë kompani, duke filluar nga qendrat e mëdha të shoppingut, deri tek dyqanet e vogla të kancelarisë, madje edhe ndonjë berber apo floktore, i janë bashkuar nismës, duke vendosur një stiker te dritarja, për të treguar se e pranojnë kartën e studentit dhe aty ka ulje për ta. Dua t’i falënderoj të gjithë privatët që na janë bashkuar. Jam shumë i lumtur që Bashkia e Tiranës e ofron këtë shërbim edhe për studentët e Akademisë së Sigurisë”.

Edhe Zëvendësministri i Brendshëm, Julian Hodaj falënderoi Bashkinë e Tiranës për pajisjen me karta të studentëve të Akademisë së Sigurisë. Procesi i pajisjes me Kartën e Studentit në Akademinë e Sigurisë ka nisur prej datës 24 Qershor dhe deri më tani atë e kanë marrë rreth 150 studentë nga 325 që janë në total./ABC News Albania 24/7

universitetet.jpg
ad min15:58 | 14/01/2019

Universitetet nuk i janë rikthyer normalitetit as këtë të hënë. Disa studentë kanë vijuar bojkotin dhe ngujimin në fakultetet e tyre, ndërsa të tjerë kanë zgjedhur të ndjekin mësimin. 

Muzika ka zëvendësuar leksionet në Fakultetin e Inxhinerisë së Ndërtimit në Tiranë. Studentët kanë bojkotuar mësimin dhe janë ngujuar në korridor.

“Katër-pesë vetë për klasë mund të kenë qenë dhe atyre pasi u kemi shkuar u kemi folur dhe kanë vendosur, kanë reflekuar, bojkotuan”, tha një student.

“Ishim shumë pak veta në klasë kështu që nuk bëmë mësim”, u shpreh një tjetër.

Në Universitetin Politeknik dyert vijojnë të mbahen të bllokuara me karrige ndërsa studentët shprehen se do të vijojnë bojkotin deri në plotësimin e kërkesave edhe nëse rrezikojnë të humbasin vitin akademik.

“Është më mirë të bojkotojmë për një vit, dy vite, tre vite. Më moirë mos të bëjmë fare këtë shkollë sesa të bëjmë një shkollë që nuk na vlen për asnjë gjë”, u shpreh një student.

Të vendosur për të qëndruar të ngujuar dhe për të mos lejuar askënd të futet në mjediset universitare shprehen edhe studentët e Fakultetit të Drejtësisë.

“Jemi mbi 200 vetë, do vazhdojë ajo që kemi thënë, ngujim”, u shpreh një student atje.

Në fakultetin e Ekonomisë, një pjesë e studentëve janë ngujuar në korridor. Një pjesë tjetër kanë dashur të zhvillojnë mësim, por nuk janë lejuar nga studentët protestues.

“Pjesa më e madhe ja ku e keni janë pro bojkotit dhe do i shkojnë deri në fund”, u shpreh një student atje.

Këtë të hënë janë ngujuar në mjediset e fakultetit dhe një pjesë e studentëve të Universitetit të Mjekësisë.

“Nuk kemi penguar në asnjë moment procesin mësimor. Kjo iniciativë e ngujimit dhe bojkotit është demokratike në bazë të preferencës së tij”, tha një student.

Ndërkohë që ka pasur edhe nga ata që kanë ndjekur leksionet e seminaret.

“Gjithë grupet e viti të parë kanë ardhur për momentin për mësim. Për mungesa na kanë lajmëruar që nuk do të meeren por është frika që mos humbin vitin apo mund të ketë ndonjë shtyrkje, u shpreh një student”, tha një student.

Kjo është dita e pestë që studentët po vijojnë protestën e tyre në mjediset universitare./abcnews.al

KRONIKE-RRETHET-STUDENTET-ABC-M2-T1.mpg_snapshot_01.20-1280x717.jpg
ad min16:23 | 06/12/2018

Studentët në Korçë, Elbasan, Durrës, por edhe një pjesë e tyrë në Vlorë, protestuan për katër kërkesat e tyre ekonomike. Tubimet në Korçë dhe Elbasan ishin më masive.

Korça
Ishte masiv dhe i fuqishëm reagimi i studentëve të Korçës. Që në mëngjes, ata bojkotuan mësimin dhe para godinës së Universitetit “Fan Noli”, u bashkuan studentë nga të gjitha fakultetet e tij. Më pas ata marshuan në bulevardin Republika, duke u ndalur e bllokuar sheshin qendror të qytetit të Korçës. Qarkullimi në dy anët e rrugës u bllokua. Njëlloj si studentët e Tiranës, Elbasanit e Durrësit, edhe ata të Universitetit të Korçës protestuan kundër tarifave të larta, përfshi tarifën për provimet e prapambetura si dhe kërkuan përmirësim të kushteve universitare.

Studenti 1: “Ne solidarizohemi me të gjithë studentët. Kërkesat tona i kanë thënë të gjithë ata që po protestojnë. Ne i kemi mbështetur dhe do të vazhdojmë ti mbështesim.”

Student 2: “Për provimet e mbartura thonë se është 6500 lekë të vjetra për një kredit. P.sh. Dikush që mund të jetë student i mirë mund ta lerë provimin e mbartur sepse nuk i pëlqn nota, pse duhet të paguajë ai prapë shtesë?!…”

Durrës
Studentë të universitetit Aleksandër Moisu në Durrës, i cilësuan poshtëruese deklaratat e kryeministrit Edi Rama se protestojnë ata që janë ngelësa. Rinia nuk është ngelëse, por është një rini që përpiqet për të mësuar e studiuar, që merr para borxh për të paguar tarifat e rritura të Edi Ramës, thanë protestuesit.

Studenti 3: “Nëse nuk e ndalim tani këtë fenomen, pavarësisht se prek vetem një pjesë, atëhere ky tren i madh tarifash dhe kartonash nuk do të ndalet kurrë.”

Studenti 4: “Të ulet dhe tarifa kryesore që është e vitit dhe të hiqen edhe tarifat e provimeve të prapambetura. Çfarë i kushton atyre të na sjellin një fletë provimi që ta bëjmë aty.”

Studenti 5: “Jam në master shkencor në UAMD dhe tarifa është shumë e lartë dhe e papërballueshme. Prindërit janë pa punë dhe meritokracia nuk ekziston nëse kam mbaruar me rezultate shumë të mira nuk është se mund të futem në punë. Ërderisa punët janë me militantë politikë, unë kërkoj thjesht drejtësi, përmirësim të cilësisë së shërbimit dhe uljen e tarifës.”

Elbasan
Edhe studentët e Elbasanit kanë bojkotuar mësimin, duke iu bashkuar kërkesave të shpallura nga ata të Tiranës. Nga fakultete të ndryshme ata u mblodhën dhe protestuan në sheshin para universitetit. Në këtë protestë nuk u panë pedagogët, por politikanë të cilët kanë thënë, se shkuan aty me kërkesën e vetë studentëve.

Studenti 6: “Kauza jonë është që vendimi të anulohet dhe nuk do të ndalemi deri sa kjo gjë të realizohet.”

Studenti 7: “Është shumë shumë e tepërt që ne studentët të paguajmë këto tarifat dhe taksa që janë të papërballueshme për xhepat tanë dhë për prindërit tanë.”

Studenti 8: “Kërkesa tjetër është përgjysmimi, sepse është aluduar që do të ngrihet taksa jonë vjetore. Sigurisht që kjo është një pengesë për ne dhe përveç krediteve duhet të përgjysmojmë dhe tarifën tonë sepse jemi universitet publik dhe tarifa jonë është e barabartë me të privatit.”

Shkodra
Pritej të ishte më e fuqishme protesta e studentëve në Shkodër. Por në një njoftim të tyrin, tubimi ishte parashikuar të premten. Megjithatë studentët e disa fakulteteve të Universitetit të Shkodrës, protestuan para godinës së rektoratit. Ata thanë se tarifat kanë rënduar. buxhetin e tyre.

Studenti 9: “Kërkojmë dhe mbështetjen e pedagogëve të Universitetit të Shkodrës, sepse edhe ata janë të akuzuarnga shumë eksponentë që kanë qenë ata që kanë kërkuar rritjen e këtyre tarifave.”

Studenti 10: “Kemi absolutisht nevojë për ndihmën e pedagogëvenë qoftë se ata nuk e kanë kërkuar një gjë të tillë, janë akuzuar padrejtësisht dhe të vijnë këtu me ne nëse nuk e kanë kërkuar dhe ta kërkojmë rrëzimin e VKM-së që është e pakuptimtë dhe shkatërruese për studentët.”

Studenti 11: “Këtu është duke u shkelur Kushtetuta haptazi. Ne që e studiojmë Kushtetutën me imtësi ne e kuptojmë më mirë se të gjithë.”

Studenti 12: “Që të paguajmë një taksë mbi taksë është komplet e palogjikshme. Nuk kemi ngrohje, nuk kemi ftohje, ne juridiku nuk kemi një sallë ku të zhvillojmë mësimin.”

Në Vlorë dhe në Gjirokastër studentët nuk arritën të organizoheshin. Disa nga ata u thanë gazetarëve se nuk kishin informacion, por edhe kanë patur frikë nga drejtuesit e Universiteteve./abcnews.al

KRONIKE-STUDENTET-NE-RRETHE_ABC-M2-T1.mpg_snapshot_01.54-1280x720.jpg
ad min13:19 | 15/10/2018

Programe të reja që lidhen me turizimin janë hapur në Universitetet e qyteteve kryesore të vendit. Kurse interesi për shkencat ekzakte, gjuhët e huaja dhe mësuesisë ka rënë pothuajse në zero.

Këtë vit akademik në Gjirokastër ka më shumë studentë se vitin e kaluar, por aspak interes për programet e mësuesisë. Rrezikohet mbyllja e degëve të gjuhëve të huaja, matematikës, fizikës dhe degë të tjera. Interes është treguar për programet profesionale, degën e ekonomikut dhe të infermierisë. Pesë programe të reja studimi profesionale 2-vjeçare janë ato që mbajnë shpresën e një të ardhme më të sigurt të këtij universiteti me histori 50 vjeçare.

Bektash Mema, rektor, Gjirokastër: “Bëhen fjalë për 3-4 programe, në asnjë mënyrë nuk duhen konsideruar si programe të mbyllura, sepse ligji i arsimit të lartë jep një afat 2 vjeçar për programet e studimit. Nëse pas 2 vitesh nuk kanë numër studentësh ose nuk kanë prurje atëherë shtrohet problemi i mbylljes së tyre.”

Në Universitetin e Vlorës këtë vit akademik ka më pak studentë se vitet e kaluara. Regjistrimet kanë qenë në kuotën 20 për qind më pak. Tre degët e studimit, matematikë, fizikë, dhe kimi këtë vit rrezikojnë të mbyllen. Interesat e pakët ka patur edhe për degën e gjuhëve të huaja dhe pse regjistrimet vazhdojnë deri në 25 nëntor. Sot në auditorët e Universitetit të Vlorës u ulën për herë të parë një mijë studentë. Universiteti i Korçës Fan Noli ka hapur dyert për më tepër se 5 mijë studentë. Afrohen 56 programe studimi, 15 prej të cilave hapen për herë të parë. Studentët e fakultetit të mësuesisë, që kanë mesatare mbi 9, do të trajtohen me bursa nga qeveria, ndërsa nga të ardhurat e universitetit, do të jepen bursa për studentët e vitit të parë të Fakultetit të Bujqësisë.

Ali Jashari, rektor i universitetit Fan Noli: “Me mbarimin e procesit të studimit në të gjitha raundet ne synojmë të kemi 250 studentë më shumë se vitin e kaluar akademik. Me programet e ciklit të parë ose të dytë ose 5000 studentë në shkallë universiteti.”

Në 43 programe studimi, regjistrimi në mjekësi ka qenë 100 për qind në Universitetin e Elbasanit me 12 mijë studentë. Por programet e gjuhëve të huaja rrezikojnë të mbyllen, ndërsa janë hapur 6 programe të reja 2 vjeçare që lidhen me turizmin, profesione shumë të kërkuara ne tregun aktual./abcnews.al

konte-1280x640.jpg
ent ela12:43 | 23/05/2018

Mediat italiane por dhe ato ndërkombëtare vijojnë të përgënjeshtrojnë një nga një të dhënat që kandidati për kryeministër në Itali, ka shkruar në CV-në e tij të publikuar në faqen zyrtare të dhomës së deputetëve.

Pas rastit të universitetit të Nju Jork të publikuar nga Nju Jork Tajms, një tjetër universitet i përmendur në CV-në e kandidatit për kryeministër në Itali, Konte, hedh dyshime për studimet e tij atje. Kësaj here kandidati i Legës dhe lëvizjes me pesë yje është përgënjeshtruar nga Universiteti Dukuesne i Pitsburgut. Një burim i universitetit i kontaktuar nga e përditshmja italiane “Mesaxhero”, konfirmoi se Xhuzepe Konte nuk figuron në arkiv si student i Universitetit dhe nuk ka frekuentuar asnjëherë asnjë kurs zyrtar. Po sipas këtij burimi ai mund të ketë bërë kërkime në mënyrë të pavarur.

Njësoj si dhe për universitetin e Nju Jork, kandidati për kryeministër kishte vendosur universitetin e Pittsburgh mes shkollave ndërkombëtare ku kishte kryer perfeksionimin e studimeve juridike.

Por dhe universiteti i Maltës i kontaktuar nga Mesaxhero, ku Konte pretendon se ka dhënë mësim në 1997-ën, ka deklaruar se nuk asnjë gjurmë që se ai ka qenë pjesë e ekipit të pedagogëve të universitetit.

Edhe shërbimi administrativ i universitetit Sorbon në Paris konfirmon se nuk ka gjetur asnjë Xhuzepe Konte në arkivin informatik. /abcnews.al

vlcsnap-error126-1-1280x720.jpg
ent ela15:03 | 15/02/2018

Komunikimi  arrogant nuk i zgjidh sfidat që ka sot arsimi i lartë. Është ky qëndrimi i Presidentit të Republikës Ilir Meta lidhur me situatën e universiteteve në vendin tonë.

Nuk ndan të njëjtin mendim me Kryeministrin për universitetetet. Madje është kundër çdo komunikimi arrogant.

Për kreun e shtetit standardet e autonomisë universitare e lirive akademike janë jetike për demokracinë.

Reagimin e tij për situatën e arsimit të lartë e bën nga auditorët e universitetit “Aleksandër Mosiu” në Durrës ku nuk kursen edhe fjalët e mira për ish pedagogët e tij./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono