unaze

lulzim-basha.jpg
G. P.19:01 | 14/11/2018

Prokuroria sipas kryetarit të Partisë Demokratike duhet të kishte nisur hetimet për atë që po ndodh me banorët e Unazës së Re në Tiranë. Pas takimit me to, Lulzim Basha foli për tre shkelje kryesore të projektit të Unazës së Madhe të Tiranës.

Qëndresa e banorëve, të cilët preken nga projekti i Unazës së Madhe të Tiranës është e vetmja gjë e ligjshme në këtë çështje. Deklarata vjen nga kryetari i Partisë Demokratike, Lulzim Basha, i cili pas takimit me banorët foli për tre shkelje kryesore.

“Një inxhinieri apo një firme inxhinerike i ka le në zemër të bëjë dhuratë një projekt për këtë pjesë të unazës. E ka paraqitur në shkelje totale të normave të projektimit brenda qytetit. E dyta që ne kemi denoncuar me fakte është skema korruptive e tenderit. Se si ëshytë bërë tenderi pa konkurrencë. 40 milionë euro për më pak se 2 kilometra. Projekti është i paligjshëm sepse që të kryhet një projekt i tillë brenda Tiranës, duhet që të miratohet nga pushteti vendor. Institucioni që normalisht duhet të dilte në krah të qytetarëve të Tiranës. Bashkia të thoshte ne nuk do ta pranojmë këtë projekt, ne nuk do ta kalojmë këtë projekt. Kanë në krye një fundërrinë që del dhe sulmon qytetarët me shprehje raciste”, theksoi Basha.

Përballë një panorame të tillë, Basha thotë se Prokuroria duhet të kishte nisur hetimet.

“Të gjithë po të kishte prokurori do ishin në ndjekje penale dhe po të lëviznin gishtin më tutje do shkonin në burg, por për fat të keq ne sot kemi një problem të madh kombëtar. Ne nuk kemi drejtësi, ne nuk kemi prokurori”, u shpreh kreu i PD-së.

Ndërsa banorëve, kryetari i Partisë Demokratike, Lulzim Basha, i jep shpresë duke i treguar dy vendimet e qeverisë Berisha për dëmshpërblimin e banesave të tyre.

“I pari i vitit 2011 përcakton një precedent ligjor ku vendos qartë që të gjithë ata që janë në proces legalizimi, ata që kanë bërë vetëdeklarimin, në rast të ndërtimit të veprave publike do të shpronësohen me vlerën e tregut dhe do të dëmshpërblehen me vlerën e tregut. VKM-ja e dytë, zbatimi i këtij precedenti ligjor në një projekt që është ai i ndërtimit të Unazës së Madhe këtu ngjitur”, u shpreh Lulzim Basha.

Partia Demokratike deklaroi Basha do të jetë në krah të banorëve që po mbrojnë pronën e tyre me çdo çmim./abcnews.al

45634579002_a341aa6c68_k-1280x854.jpg
G. P.14:17 | 03/11/2018

Tirana do të ketë një unazë të katërt për lëvizjen e automjeteve. Kryetari i Bashkisë tha se ajo do t’i dedikohet vetëm transportit publik dhe biçikletave. Ndërkohë Erion Veliaj tregoi edhe planet e qeverisë për të shtuar përdorimin e automjeteve elektrike.

Qeveria po sheh mundësinë për të krijuar lehtësi fiskale për ata që do importojnë në Shqipëri automjete elektrike me zero ndotje në mjedis. Lajmin e bëri të ditur kryetari i Bashkisë së Tiranës, Erion Veliaj, para banorëve të njësisë administrative numër shtatë ku ndali prezantimin e projektbuxhetit për vitin që vjen.

“Një lajm tjetër i mirë që na erdhi nga qeveria e Edi Ramës dhe shumica e PS në Parlament është se Komisioni i Ekonomisë dhe Financave po konsideron t’i japë më shumë fuqi transportit alternativ, duke e bërë doganën e TVSH-në zero për autobusët elektrikë, që ndosin po aq sa një celular. Kështu, hyjmë realisht në një epokë të re”, tha Veliaj.

Mandej Veliaj tregoi se bashkia do të nisë pilotimin e një segmenti të katërt të unazës kushtuar transportit publik dhe biçikletave.  Fillimisht ky segment do të lidhë rrugën  “Ndre Mjeda” me atë “Dritan Hoxha”.

“Unaza 4-t është mes unazës klasike të Tiranës dhe Unazës së Madhe. Do bëjmë një segment të parë të Unazës së 4-t, e cila është konceptuar kryesisht për transport publik, pra për të futur të paktën një linjë autobusi midis Unazës 3 dhe 5, si dhe kryesisht për transport me biçikleta, për t’i dhënë Tiranës një brez të gjelbër, ku mund të bëhet e gjithë unaza pa u dyndur në trafikun e përgjithshëm që ka unaza e madhe, ose unaza e 3-të”, tha kryebashkiaku Tiranës.

Ndërkohë Tirana është qyteti që përfiton më tepër prej vendimit të qeverisë për të ndaluar importin e automjeteve më të vjetra se dhjetë vjet deklaroi Veliaj, pasi me 1 milion banorë ka në përdorim 200 mijë makina./abcnews.al

TRAFIKU-NE-QENDER-TE-FIERIT-1280x720.jpg
ent ela13:55 | 19/06/2018

Për shkak të punimeve që po bëhen në Unazën e qytetit të Fierit në qendër, trafiku i mjeteve ka shkaktuar kaos. Më shqetësuese paraqitet gjendja për urgjencat dhe zjarrfikëset.

Pamje të tilla tregojnë për trafikun në qendër të Fierit në ditët me më pak makina. Ndërtimi i njërës pjesë të unazës së qytetit e ka rënduar situatën. Prej një jave po punohet në rrugën Parku i mallrave deri pranë ish-QTU.

Për këtë arsye  policia e ka devijuar lëvizjen dhe ka nxjerrë automjetet në qendër e cila është mbipopulluar, drejtuesit presin në trafik deri edhe me orë.

Problem në këtë çorientim mbeten automjetet zjarrëfikëse dhe ambulancat e spitalit, të cilave u duhet të përfshihen edhe ato në radhë për t’i shërbyer komunitetit.

Nga ana tjetër, duke marrë shkas nga trafiku i rënduar në qytet, bashkia Fier ka vendosur të bëjë një risistemim dhe disiplinim të qarkullimit të automjeteve kryesisht brenda unazës së vogël, me qëllim clirimin e hapësirës. Një problem tjetër është edhe dyndja shume më herët se vitet e tjera e pushuesve dhe turistëve. Por specialistët pranë policisë rrugore thonë se kjo situatë është e përkohshme, pasi edhe drejtuesit e mjeteve, ende nuk janë të orinetuar për rrugët me më pak trafik. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono