unaza e re

erion-veliaj-balluku.jpg
nev ila20:15 | 30/05/2019

Ministria e Infrastrukturës dhe Energjisë dhe Bashkia e Tiranës kanë prezantuar projektin e rishikuar të sheshit “Shqiponja” në Tiranë. Sipas ministres Balluku ky është një projekt që i shkon qytetit. Ndërkohë kryebashkiaku Veliaj u shpreh i vendosur se puna për zgjerimin e unazës së madhe do të nisë shumë shpejt

Unaza e madhe në Tiranë do të zgjerohet në kohë rekord. Kryetari i Bashkisë Erion Veliaj e beri të ditur ndërsa bashkë me Ministren e Infrastrukturës dhe Energjisë, Belinda Balluku prezantuan projektin e rishikuar të sheshit “Shqiponja”.

Unaza do bëhet, do bëhet me cilësi, do bëhet brenda kostos, do bëhet në kohë rekord, dhe besoj që për Tiranën dhe Shqipërinë që e sheh Tiranën si një kryeqendër ku mbaron edhe punët e veta, është një lajm i jashtëzakonshëm. Nuk kemi kohë të lejojmë që një minorancë e zhurmshme partiake të pengojë shumicën e qytetit që do të lëvizë apo edhe shumicën e banorëve aty që, në fund fare, duan zgjidhje

Sheshi “Shqiponja” do të kthehet në  nënkalim me korsi të dedikuara për autobusët, biçikletat, i jep rëndësi gjelbërimit dhe pritet të zgjidhë problemin e trafikut që krijohet në hyrje të qytetit.

Tiranës nuk i shkon që të ketë një barrikadë në hyrje të saj. Ne jemi një kryeqytet që kemi hapur dyert dhe kërkojmë të ftojmë të gjithë ata që jetojnë jashtë Tiranës apo jashtë vendit, dhe barrikadat e betonit kanë vite që nuk na shkojnë.

E parë në anën teknike, për sa kohë sigurohet rrjedhshmëri e pandërprerë e trafikut dhe zgjidhet problemi i ngërçit që kemi pasur deri më sot, orët e gjata të pritjes nëpër semaforët apo shkëmbimi me mirëkuptim rreth “Shqiponjës”, gjithçka duket në vendin e duhur. Nga ana vizuale, kjo është Tirana, duket si një pjesë e sheshit “Skënderbej”, që është spostuar në hyrje të saj” 

Propozimi i ri sipas Kryetarit të Bashkisë sjell mos ndarjen e qytetit me një mur artificial, i cili do të krijohej nga lidhja e unazës me rreth rrotullimin.

Zona do të kthehet në nyjen nevralgjike të 10 viteve të ardhshme dhe Tirana u shpreh Veliaj do të ketë një nga hyrjet më të bukura./ABC News Albania 24/7

 

MBULIM-ALARM-TEK-ASTIRI-_ABC-M4-T2.mpg_snapshot_00.09-1280x720.jpg
ent ela19:24 | 29/04/2019

Një pako e vogël, ku dyshohej se kishte lëndë plasëse ka shkaktuar frikë në zonën e Astirit në Tiranë. Pakoja ishte lënë në asfalt, në anë të një bordure, pranë një makine teksa qytetaret njoftuan uniformat blu.

Pas rrethimit të zonës dhe largimit të donorëve të zonës, Forcat xheniere shpërthyen në mënyrë telekomanduar, ku rezultoi se brenda saj nuk kishte lëndë eksplozive. Rezultoi se sendi i dyshimtë kishte dy bateri të vjetra, një bobinë dhe një kapak celulari, të mbështjella me natriban për të krijuar idenë e një mine me telekomandë.

Sipas policisë dyshohet se kjo pako u la qëllimisht në rrugë për të krijuar panik. Grupi hetimor ka sekuestruar kamerat e sigurisë së zonës ku gjet pakoja e dyshimtë për të bërë të mundur identifikimin e autorit që krijoi panik dhe frikë për më shumë se 2 dy orë në zonën e Astrit./abcnews.al

bashkise.jpg
Sej rie21:42 | 17/04/2019

Qeveria vendosi sot të lëvrojë rreth 1.2 miliard lekë për të shpronësuar për interes publik pronat që preken nga projekti i Unazës së Madhe nga Pallati me Shigjeta te rrethrrotullimi i “Sheshit Shqiponja”.
Fondi është i destinuar për ata që kanë dorëzuar dokumentacionin pranë ARRSH dhe përfshin truall, toka dhe ndërtesa.  Në mbledhje u mor edhe vendimi për të miratuar Kartën e Studentit e cila ishte një nga premtimet e paktit për universitetin. Një tjetër vendim është dhe miratimi i një grandi të KFV prej 2.9 milionë euro për rehabilitimin e godinave të studentëve. Qeveria miratoi edhe njohjen e ndërsjellë të lejeve të drejtimit me Kosovën./abcnews.al

protesta-e-opozites-1.jpg
G. P.21:29 | 20/03/2019

Është zhvilluar e qetë, protesta e banorëve të Unazës së Re pasditen e së mërkurës. Një ditë më parë protesta zgjati 3 orë, gjatë së cilave u bllokua lëvizja e automjeteve, çka solli konflikt të protestuesve me policinë e cila ndërhyri për të shpërndarë tubimin e tyre.

Mbërritja e Lulzim Bashës qetësoi situatën e solli largimin e forcave të rendit.

Të mërkurën protesta u zhvillua normalisht. Për rreth dyzet minuta, banorët dhe mbështetësit e tyre nga arti dhe politika, bënë thirrje për rrëzimin e qeverisë Rama dhe anulimin e projektit të Unazës, i cili prek banesat e tyre.

Në shenjë revolte, ata dogjën banderola me foto të kreut të qeverisë, si edhe hodhën shashka. Përfaqësues të opozitës i ftuan banorët t’u bashkohen në protestën e të enjtes para parlamentit.

Banorët e Unazës së Re protestojnë prej tre muajsh e gjysmë kundër prishjes së banesave për shkak të projektit të Unazës së Re./abcnews.al

proteste-unaza-e-re.jpg
G. P.21:37 | 03/02/2019

Por ndërsa politika shqiptare vijon të përplaset në lidhje me projektin e Unazës së Madhe, banorët e zonës edhe këtë të dielë nuk kanë munguar në protestën e përditshme. Rreth orës 17.00, një grupim i banorëve të zonës së Unazës së Re dhe Astirit dolen në rrugë, siç kanë bërë cdo ditë gjatë gati 3 muajve të fundit. Edhe këtë të dielë kërkesat e tyre kryesore mbeten anullimi i projektit dhe mos rrëzimi i objekteve në pronësi të tyre.

Nën thirrjet “e duam Shqipërinë pa Edi Ramën”, banorët kërkuan që përgjegjësit për projektin, sipas tyre korruptiv, të dalin para drejtësisë. Edhe këtë të dielë tubimit të tyre iu bashkuan dhe deputetët e opozitës. Në emër të PD-së, deputeti Klevis Balliu iu bëri thirrje banorëve që t’i bashkohen opozitës në protestën e 16 shkurtit./abcnews.al

edi-rama-4.png
G. P.21:10 | 03/02/2019

Kërkesa e kreut të shtetit për anullimin e projektit të Unazës së re, ka sjellë reagimin e kryeministrit Rama në Twitter. Shefi i ekzekutivit e rreshton presidentin me opozitën, për nga qasja dhe veprimet. Për institucionin e presidentit kryeministri nuk duhet të bëjë këto reagime jo serioze, por të sqarojë përse nuk është bërë konfiskimi i sigurimit të kontratës që lidhi me kompaninë “DH Albania”.

 

“E vërteta është se Ilir Meta është drejtuesi më serioz i opozitës”.

Kështu e sheh kryeministri Edi Rama Presidentin e Republikës pas qëndrimit që publikoi për projektin e Unazës së Madhe.

Në një postim në Twitter kreu i qeverisë shkruan se  “Presidenti, Kushtetutën e lexon njësoj si opozita”.

“Kushtetutën e lexon njësoj si ata. Qeverinë e urren njësoj si ata. Rrëmujën e uron njësoj si ata. Po ndryshe nga ata, ai i ul vartësit të mbushin çarçafë me dokrra “ligjore” dhe budallallëkut i del për zot pa pikën e galjes”.

Aspak serioz e konsideron këtë reagim të kryeministrit zëdhënësi i Presidentit, Tedi Blushi. Pasi i bën llogaritë e shumës që i kanë dhënë kompanisë fituese me dokumenta të falsifikuara “Dh Albania” i rikujton se shuma e sigurimit të kësaj kontrate është rreth 1 812 000 Euro.

“A ka kërkuar sipas rregullave të prokurimit publik qeveria dhe ARRSH konfiskimin e kësaj vlere (sigurimin e kontratës) për llogari të Shtetit Shqiptar, pasi u faktua se kontratën e kishin lidhur me një kompani fantazëm?

A ka mundur shteti të garantojë interesin publik në këtë rast, duke konfiskuar sigurimin e kontratës, apo edhe ky dokument (sigurimi i kontratës) ka qenë i falsifikuar?!

Këto dhe shumë detyra të tjera, ligji ja ngarkon Kryeministrit dhe vartësve të tij që t’i bëjnë”, shkruan zëdhënësi i presidentit i cili e mbyll reagimin e tij me një shprehje popullore:

Shtëpia me tjegulla dhe shteti me rregulla. Nuk ka munguar as reagimi i kryetarit të Bashkisë Erion Veliaj, sipas të cilit Ilir Meta po mbështet 1% të banorëve të Tiranës dhe jo pjesën më të madhe të saj, që është 99%.

“Nëse Presidenti inkurajon këtë 1% të hurit e zjarrit, kot që flasim”, shkruan qytetari i parë i Tiranës.

lulzim-basha-5.jpg
G. P.18:59 | 31/01/2019

Protestës së banorëve të Unazës së Re gjatë se enjtes iu bashkua edhe lideri i Partisë Demokratike, Lulzim Basha i cili theksoi se rezistenca e tyre anuloi projektin korruptiv.

Basha deklaroi se shteti ka rënë për sa kohë askush nuk ka dalë ende para drejtësisë nga ky projekt mafioz dhe korruptiv.

“Falë kësaj qëndrese sot është arritur një fitore tjetër. Ishte planifikuar që tenderi t’i jepej me vlerën e plotë për të zëvendësuar kompaninë e kapur në flagrancë nga denoncimi i opozitës dhe nga denoncimet e medias një kompanie tjetër me 5 milionë Euro më shumë ofertë se oferta më e ulët. Falë qëndresë së qytetarëve të Unazës së Re sot shqiptarëve iu janë kursyer 5 milionë Euro, të cilat Edi Rama kishte në plan t’i vidhte. Sepse deri më sot frika që e ka kaputr Eëdi Ramën e detyroi të tërhiqej edhe nga tenderi i dytë korruptiv për unazën.

Por sot është dita të kujtojmë se akoma asnjë person i vetëm nuk ka marrë përgjegjësitë ligjore dhe penale për këtë aferë korruptive e cila është shpalosur në sytë e të gjithë botës me çmimin 20 milionë Euro për kilometër dhe me zhvendosjen korruptive të lumit të Lanës për projektin 60 milionë Eurosh për pastrimin e parave të pazareve të drogës. Asnjë përgjegjës sepse drejtësia është kapur dhe qeveria dhe Edi Rama kanë braktisur detyrën, kanë braktisur qytetarët, i kanë lënë në mëshirë të fatit, i dhunojnë, i përbaltin, i përbuzin.

Ndaj iu bëj thirrje të ndriheni, të protestoni për xhepat tuaj, për të ardhurat tuaja, për të ardhmen tuaj, për fëmijët tuaj. Protestoni këtu tek Astiri, protestoni te Bulevardi i ri, protestoni masivisht dhe bashkohuni në datë 16 Shkurt. Drejtësia do të pastrohet dhe rinia e Astirit mbani vesh, as Edi Rama, as Erion Veliaj nuk kanë për të shkuar në asnjë vend tjetër përveç se në burgun 313”, u shpreh Basha./abcnews.al

unaza-e-re.jpg
G. P.19:44 | 12/01/2019

Banorët e Unazës së Re kanë vijuar protestën e tyre që shënon ditën e 70-të edhe gjatë pasdites së të shtunës duke bllokuar rrugën përreth 1 orë. Në shenjë rezistence ndaj qeverisë, banorët kanë dalë në protestë me shkopinj  në duar duke bërë thirrje që nuk do dorëzohen.

Në mbështetje të protestës edhe gjatë kësaj të shtunë ka qenë edhe deputeti i PD-së, Klevis Balliu i cili tha se Partia Demokratike do të vijojë të qëndrojë në krah të banorëve të Unazës së Re. Në fjalën e tij Balliu tha se kryeministri Rama duhet të heqë dorë nga dhuna ndaj qytetarëve dhe studentëve.

Edhe në protestën e së shtunës banorët kanë shprehur sërish këmbënguljen e tyre për të mos lejuar zhvillimin e projektit të Unazës së kryeqytetit. Një pjesë e banorëve që preken nga ky projekt, por që shtëpitë i kanë pa leje kërkojnë dëmshpërblim të plotë nga qeveria siç ka vepruar me ata që kishin leje./abcnews.al

lulzim-bash.jpg
G. P.16:45 | 12/01/2019

Lulzim Basha nga selia e blu ka kërkuar anulimin e tenderit të ri për Unazën e Madhe sipas kreut të demokratëve ai po manipulohet. Basha kërkoi hetim për Edi Ramën, Gjiknurin dhe si dhe zyrtarë të tjerë për manipulim zgjedhjesh.

Kryetari i Partisë Demokratike, Lulzim Basha, fajësoi prokurorinë që nuk ka nisur hetimin për mega-korrupsionin e tenderit të Unazës së Re, por Basha tha se për Edi Ramën, Damian Gjiknurin do të veprojë ligji anti-mafia.

“Sot duhet të kishim dhjetëra të arrestuar për këtë shkelje flagrante të ligjit. Heshtja dhe mosveprimi i prokurorisë e bën atë bashkëfajtore dhe bashkëshkelëse të ligjit. Dua ta bëj të qartë se për Edi Ramën, Damian Gjiknurin, të gjithë nëpunësit e tjerë të ARRSH-së dhe të gjithë përfituesit e këtij tenderi korruptiv, do të veprojë Paketa Antimafia që në ditën e saj të parë. Jo vetëm ata do të përgjigjen para ligjit penal, por pasuritë e tyre nga Surreli në kontot e tyre bankare në Singapor, Ishujt Kajman (Cayman Island), në  Delaëare e kudo tjetër, do ti nënshtrohen ligjit Antimafia me rreptësinë më të madhe”, u shpreh Basha.

Kreu i demokratëve nga ana tjetër theksoi se kanë nisur procedurat për ritenderimin e zgjerimit të Unazës së Madhe, ku sipas Bashës, fshihet një tjetër aferë korruptive. Lulzim Basha kërkoi anulimin e plotë të garës që parashikon zgjerimin e kësaj rruge.

“Edi Rama po përgatit rimanipulimin e tenderit. Me qëllim që të mos ketë garë të ndershme, janë vënë kritere qesharake për vinç 450 tonë. Kjo tregon se kapari për vjedhjen tek Unaza është shumë i madh. Qëndrimi i PD është i qartë. Tenderi i Unazës duhet të anullohet i tëri. Të hetohet dhe çdokush të përfundojë para drejtësië. Çdo hap tjetër meriton përgjigjen më të ashpër nga banorët e unazës”, theksoi ai.

Sa i përket situatës së shkaktuar nga reshjet e dendura të dëborës dhe ngricat në vend, Basha kërkoi hetim për kompanitë e mirëmbajtjes së rrugëve të cilat nuk kanë pastruar rrugët.

“Unë i bëj thirrje sot Prokurorisë të nisë pa asnjë vonesë hetimet se ku kanë shkuar lekët e takspagaguesve shqiptarë që kanë përpirë këto kompani dhe të marrin përgjegjësi penale një për një, drejtuesit, pronarët e këtyre kompanive dhe zyrtarët përkatës, duke nisur nga ata që kanë nënshkruar kontratat e deri tek ministri e çdo autoritet tjetër shtetëror, në mënyrë që kjo vjedhje që po rëndon sot mbi shëndetin, mbi gjendjen e mijëra familjeve shqiptare të izoluara nga bora në veri, verilindje, juglindje dhe në jug, të mos mbetet pa përgjegjës, dhe që këto para t’i rikthehen arkës së shtetit, t’i rikthehen taksapaguesve”, u shpreh Basha.

Kreu i  PD-së akuzoi Edi Ramën si ndaluesin e hetimit të tre çështjeve kriminale. Ai ripërsëriti se nëse ligji nuk vepron njësoj për të gjithë do të ketë përballje civile.

“Atë të 20 milionë eurove të Saimir Tahirit dhe të grupit “Habilaj”. Dosjen e famshme “339”, ku kanë dalë si maja e ajsbergut deri më sot Vangjush Dako në bashkëpunim me grupin e Avdylajve. Dosjen e Dibrës, ku Damian Gjiknuri dhe hierarkë të lartë socialist janë përfshirë drejtëpërdrejt në manipulimin, shitblerjen e votës dhe përdorimin e paligjshëm të Policisë së Shtetit në zgjedhjet e Shtatorit 2016-s. Dhe tashmë edhe aferën e grupit kriminal të Bajrajve i cili është kontraktuar, kontaktuar dhe përdorur nga politikanë të lartë socialistë sëfundmi në zgjedhjet e vitit 2017-të”, u shpreh kreu i PD-së.

Deklaratat Basha i bëri në konferencën për shtyp të kësaj fundjave nga selia blu./abcnews.al

lulzim-bash123.jpg
ent ela19:26 | 10/01/2019

Në ditën e 68 të protestës së banorëve të Unazës së re, kryetari i PD Lulzim Basha që ishte pranë tyre nënvizoi investigimin e fundit të Zërit të Amerikës sipas të cilit institucionet shqiptare kanë ndihmuar kompaninë mashtruese që fitoi tenderin e parë të Unazës. Basha tha se pas kësaj afere korruptive, siç e denoncuar prej fillimit PD, është Edi Rama.

“Si ka mundësi, kush e ka fuqinë politike që t’i administrojë të gjitha këto institucione për t’i shërbyer një afere të tmerrshme korruptive siç është afera për Unazën e Re. Dhe përgjigjen e kemi marrë pjesërisht dje në kronikën e Zërit të Amerikës, e cila ka vërtetuar që jo vetëm shteti nuk ka bërë detyrën, por shteti ka qenë pjesë e falsifikimit dhe pas kësaj Autoriteti ka mashtruar publikisht. Kush ka fuqinë t’i bëjë të gjitha këto? Kush ka fuqinë të ndalë prokuroren e përgjithshme të përkohshme që nxitoi të arrestonte kuksianët që u ngritën për traun te shtëpia? Kush e ka fuqinë? Këta nuk janë çështje thjeshtë të burokratëve. Të gjithë ata i kanë shërbyer një njeriu, shefit të madh. Banorët e kanë kuptuar dhe treguar botës. Autori, përfituesi dhe manipuluesi që qëndron pas kësaj afere është vetë Edi Rama”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono