unaza e re

banoret-e-unazes.jpg
ger ta08:00 | 17/02/2020

Banorët e Unazës së Re janë mbledhur këtë mëngjes, pasi Inspektoriati i Mbrojtjes së Territorit ka njoftuar se do të nisë prishjen e godinave.

Ndërtesat që do të prishen preken nga nga projekti i Lotit të dytë. Gazetari Maksi Rama ndodhet në zonën e Unazës, ndërsa raporton për Abc News se deri në këto momente ende nuk kanë mbërritur forcat e policisë dhe mjetet e IKMT.

Ndërkaq, në mbështetje të banorëve është edhe ish-deputeti i PD, Klevis Balliu. Një prej banorëve shprehet se u është bërë një komunikim verbal ditën e enjte, ku u është thënë se deri të hënën në mëngjes duhet të boshatisin banesat pasi do të shemben.


“Këtu nuk mund të bëhet fjalë për një shtet ligjor, por bëhet fjalë për një bandë që do të grabisë pronat tona. Këta vijnë tamam si banda. Ne na karnë ardhur të enjten dhe na thanë lironi banesat se do të shemben. Loti i dytë ka një specifikë të veçantë, se nëse në lotin e parë kishin leje, dhe ne nuk kemi leje por jemi në proces që në 2006 u jep atyre mundësi të na grabisin. Ne nuk jemi në kundërshtim me projektin, nuk kemi dalë të bëjmë luftë me policisë. Ne kërkojmë projektin që nuk ekzistn. Lejen e ndërtimit të rrugës që nuk ekziston. Këta na moojnë çdo të drejtë. Kemi paguar taksa kokëm më kokërr. Dëgjomë shumjë zaptues, ne tokët e kemi blerë me lekë, nuk ia kemi vjedhur njeriu. Zoti Erion Veliaj është njeriu me i korruptuar, nuk ka bërë një dëgjesë të vetme. Këta nuk kanë streha, ata të tërmetit janë jashtë. Ne kërkojmë një projekt, një leje. Ne nuk kemi luftë me policinë. Ne kërkohemi çdo ditë nga këta banditë”, shprehet banori për Abc News.

/abcnews.al

FABIOLA-KLEVIS-BALLIU.mpg_snapshot_01.40-1280x720.jpg
nev ila20:26 | 22/01/2020

Pas publikimit nga BIRN, të një shkrimi ku thuhej se në prag të festave të fundvitit, Prokuroria e Tiranës mbylli pa zhurmë hetimin për skandalin e falsifikimit të tenderit të Unazës së Re, dhe dërgoi në gjykatë si të pandehur të vetëm Avdjol Dobin – përfaqësuesin në arrati të kompanisë DH Albania, ka reaguar ish-deputeti i Partisë Demokratike Klevis Balliu.

Sipas Ballit në projektin e Unazës së re u vodhën 40 milion euro, ku në këtë projekt zyrtarë të lartë u kapën në falsifikim, ndërkohë që prokuroria është marrë vetëm me një recepsionist.

Gjithashtu Balliu shkruan se në mega aferën e Unazës së Re nuk u pa asnjë zyrtar i arrestuar, apo i hetuar, por vetëm banorë që protestonin për të drejtat e tyre.

“TALLJE E PAFYTYRË ME HETIMET TEK UNAZA E RE

U vodhën 40 milion euro me një projekt që nuk ekziston.
Një projekt ku të gjithë zyrtarët e lartë janë kapur në falsifikim. Duke filluar me falsifikime në Ministri, në ARRSH dhe çdo segment i qeverisë.
Ndërkohë Prokuroria merret vetëm me një recepsionist.
Asnjë zyrtar i hetuar, asnjë zyrtar i arrestuar, asnjë njeri në burg për mega aferën tek Unaza, por vetëm banorët që protestuan për të drejtat e tyre përfunduan në qeli”, shkruan Balliu.

Ish-deputeti i Partisë Demokratike Klevis balliu, ka qenë një nga personat që ka protestuar bashkë me banorët e Unazës së re, të cilët kundërshtonin prishjen e banesave të tyre sipas një projekti për të cilin u përfol se ishte një aferë korruptive./abcnews.al

vilsontafciu-1280x720.jpg
R D09:27 | 21/01/2020

Policia e Tiranës ka mbledhur një numër të madh provash dhe dëshmish në vendin e ngjarjes për të zbuluar autorët e vrasjes së mbrëmshme në Astir. Vilson (Tafciu) Noka 28-vjeç ishte në shoqërinë e dy mikeshave të tij në një bar buzë rrugës kryesore në Unazë të Re (Astir) kur u thirr nga një person që besohet se kishte njohje personale me të. 28-vjeçari doli jashtë bashkë me personin në fjalë dhe pak minuta më pas u qëllua me 3 plumba pistolete.
E nxorri në pritë, policia shpall në kërkim shokun e Vilson Tafçiut

Policia ka sekuestruar në vendin e ngjarjes një pistoletë TT që nuk dihet ende nëse i përket autorit apo viktimës. Ka sekuestruar edhe një automjet që dyshohet se u përdor nga autorët. Deri më tani mendohet se kanë qenë dy persona, njëri që e ka nxjerr në pritë dhe tjetri që e ka qëlluar me pistoletë në rrugicën e errët anash lokalit.

Po kështu policia ka sekuestruar pamjet filmike nga kamerat e sigurisë të lokalit ku ndodhi ngjarja por edhe të lokaleve të tjera përreth zonës. Po kaq ka marrë dëshminë e vajzave që ishin në tavolinë ne Nokën si dhe të persona të tjerë që ishin në lokal.

Gazetari Andi Qosja raportoi mëngjesin e sotëm për Abc News se nuk ka qenë një konflikt i çastit, por një vrasje e mirëorganizuar.

“Janë siguruar një numër i madh i kamerave të sigurisë. Deri më tani ka një person të dyshuar”, raporton Qosja.

Tafçiu ka pasur një të shkuar kriminale, dyshohet i përfshirë në trafiqe droge, si heroinë dhe marijuanë ndaj edhe është deportuar nga Franca.

Grupi hetimor është fokusuar në të shkaurën e viktimës për të shkuar tek autorët e mundshëm të krimit. Gjithashtu janë dërguar në laboratorin e kriminalistikës pistoleta dhe prova të tjera të gjetura në vendngjarje. Për zbardhen e kësaj ngjarje përpos komisariatit nr. 6 është angazhuar dhe Drejtoria për Krimet e Rënda në Policinë e Tiranës.

Vilsoni ishte klient i rregullt i këtij lokali thanë dëshmitarët në komisariatin nr. 6, është thirrur nga një person me të cilin besohet se pa patur njohje personale. Sipas dëshmitarëve nuk ka patur tension apo konflikt fizik mes tyre. Vilsoni është ngritur qetësisht nga bari, ka dalë nga dera e pasme dhe pas pak minutash është qëlluar për vdekje me 3 plumba psitolete.

Bazuar në dëshmitë policia ka bërë një identikit të personit që e ka nxjerrë në pritë Vilson Nokën. Sakaq do të analizohen edhe pamjet filmike të kamerave të sigurisë./abcnews.al

zjarr.jpg
ger ta15:47 | 10/01/2020

Është shembur me shpërthim të kontrolluar një godinë gjashtë katëshe në zonën e Astirit, për t’i hapur rrugë zgjerimit të Unazës së Madhe.

Godina është shembur me lëndë plasese, ku mësohet se janë hapur plot 250 vrima dhe janë përdorur 10 kg lëndë eksplozivi.

Shpërthimi ka ndodhur pa probleme ashtu sikurse ishte planifikuar, ndërsa në zonë është bllokuar qarkullimi për pak momente.

Kujtojmë se në këtë godinë ishin strehuar rreth 20 familje të prekura nga tërmeti i 26 nëntorit. Ndërsa tashmë këto familje janë akomoduar në një tjetër godinë, pasi kanë marrë edhe bonusin e bashkisë.

Sakaq, dje IKMT shembi 5 ndërtesa të tjera, ndërsa nuk pati përplasje me policinë./abcnews.al

balliu-klevis-1280x636.jpg
ger ta22:24 | 08/01/2020

IKMT ka njoftuar se ditën e nesërme do të rinisë aksionin për prishjen e disa banesave në zonën e Unazës së Re.

Konkretisht janë gjashtë banesa që pritet të prishen. Për të folur për këtë ishte i ftuar në studion e Abc News, ish-deputeti i PD, Klevis Balliu. Ish-deputeti u shpreh se një ndër ndërtesat që është planifikuar për tu shembur nesër është edhe godina ku janë strehuar banorë të prekur nga tërmeti i 26 nëntorit.

Një nga godinat që prishte aty është ajo që për afro një muaji ka strehuar qindra banorë të prekur nga tërmeti. Banorë të cilët janë të vërifikuar që janë prekur nga tërmeti, janë sjellë edhe nga sgoqata bamirësie. Këto familje nesër për të prishur këtë godinë për hir të interesave private të Erion Veliajt, njeriut që shiste fiq dhe sot është miliarderi i Shqipërisë me ashensor privat në shtëpi. Për këtë arsye po prishet edhe kjo godinë që realisht nuk e kap projekti.

Kjo po bëhet për të sheshuar unazën që këtë të vazhdojnë programin për ngritjen e kullave të tyre. Përballë kësaj godine ai ka dhënë leje ndërtimi për  një kullë. Tërmeti i 26 nëntorit u prishi shtëpitë, “tërmeti Rama” kërkon t’u prishë edhe strehimin këtyre”, deklaroi Balliu.

I pyetur se çfarë do të ndodhë nesër dhe se a do të ketë protestë, ku IKMT do të nisë aksionin, Balliu tha se do e vendosin me banorët.

Janë çështje që do i shikojmë nesër si do e mendojnë banorët. Në një mënyrë apo në një tjetër Rama këtë kërkon, ti arrestojë, ti dhunojë. Kjo godinë po shembet me VKM”, u shpreh ish-deputeti, teksa shtoi se banorët e strehuar në këtë godinë nuk janë informuar për aksionin e nesërm. /abcnews.al

lutfiu.jpg
in a03:15 | 05/12/2019

Plot 120 qytetarë të goditur nga tërmeti janë strehuar në një ndërtesë tek Unaza e Re, ndërsa protestojnë se nuk kanë asnjë ndihmë nga shteti. Ata po mbështeten nga banorët, por theksojnë se nuk janë të regjistruar nga organet përkatëse, edhe pse kanë humbur shtëpitë.

Për fat kësaj ndërtese nuk i erdhi radha të shembej.

I kanë vënë kryqin, por është ende në këmbë pesëkatëshja në hyrje të Unazës së Re, pranë rreth rrotullimit të doganës, dhe aty kanë gjetur strehë disa fatkeqë të goditur nga tërmeti.

Ish-konvikti i Universitetit Epoka prej 9 ditësh mban banorë nga shumë zona të Shqipërisë që provuan fatkeqësinë natyrore, por që ankohen se deri tani nuk ka pasur interesim nga shteti.

Ata nuk janë të regjistruar, dhe nuk marrin asnjë ndihmë.

Në katin e dytë janë shumë dhoma të pajisura siç duhet, me shtretër e tualete.

I takojmë dhe i përshëndesim, dhe Sabrie Nuredini nga Dibra, thotë se askush nga shteti nuk ka ardhur.

“Kam pesë muaj që jam vendosur këtu, jam e sëmurë, shtëpia na është dëmtuar nga tërmeti. Dua që shteti të marrë masa dhe të kujdesohet për katër jetimët e mi”, shprehet Sabria, një prej banorëve.

Po në katin e dytë janë ndihma të sjella nga banorë të Unazës së Re.

Ata kanë ndihmuar me ushqime, veshmbathje dhe shtroje.

Secila familje siguron drekën e të strehuarve për një ditë.

Flasim me Valin, njërën nga banoret së cilës i është shkatërruar shtëpia nga shteti pak javë më parë, ndërsa prej 25 vitesh shtëpia e saj nuk u legalizua nga asnjë qeveri.

Ajo thotë se u godit nga tërmeti shtetëror, ndërsa këta u goditën nga tërmeti i natyrës.

Po në kat të dytë ndodhet, një familje nga Mamurrasi.

“U trembëm, jemi 8 persona, ndërtesa jonë është e rrezikshme nuk mund të banohet, presim një zgjidhje”, thotë një tjetër banore.

Të strehuarit kanë marrë ndihma nga mjaft shoqata, siç ishte ajo e Aleancës për Teatrin, apo nga emisione televizivë si Pasdite Ndryshe apo Stop, po ashtu këtu ka ardhur një shoqatë italiane që vepron në Shqipëri.

Na sqarojnë se kanë marrë informacion dhe po shikojnë se në çfarë mënyre mund të ndihmojnë.

Në ndërtesë edhe ish-deputeti i PD-së, Klevis Balliu, që ka ndjekur protestën e banorëve të Unazës së Re.

“Këtu janë banorët e Unazës së Re që po kujdesën për banorët e prekur nga tërmeti. Është esenciale që qeveria të vijë të interesohet, por për shkak se banorët e Unazës kanë protestuar kundër aferës korruptive, qeveria nuk vjen të kujdeset për banorët e prekur nga tërmeti”, thotë ai.

Pas tij kërkon të flasë edhe banori Lutfi Kastrati.

“Kapaciteti këtu është edhe për mbi 100 persona të tjerë, por i kemi të pamundur ti shërbejmë. Drejtori i emergjencave Civile të Bashkisë së Tiranës nuk kryer asnjë lloj veprimi”, shprehet Kastrati.

Lutfiu thotë se fatura e energjisë elektrike dhe e ujit shkon e lartë, dhe shteti duhet ta njohë për të ndihmuar, për të treguar solidaritet.

Problemi është i madh sepse nuk mund të gatuhet, edhe pse ka ushqime.

Ekziston një sobë me gaz, por kanë frikë ta përdorin sepse ka njerëz të sëmurë, fëmijë që mund ta prekin dhe shkaktojnë tragjedi.

Nuk kanë as enë për të gatuar, ndërsa shpesh mbeten pa bukë.

Solidariteti i banorëve të Unazës së Re vazhdon, dhe magazina në kat të parë është e mbushur.

Po ashtu, banorët vazhdojnë të sjellin gjithçka munden, por çështja kryesore mbetet.

Fatkeqët nuk janë fare në hartën dhe listat e shtetit./abcnews.al

basha-2.jpg
in a18:59 | 04/12/2019

Kryetari i PD-së, Lulzim Basha pas takimit me banorët e Unazës së Re është takuar edhe Aleancën për Mbrojtjen e Teatrit.

Duke përshëndetur nismën e tyre për t’iu ardhur në ndihmë banorëve të prekur nga tërmeti i 26 nëntorit, Basha deklaroi se, edhe pse të sulmuar vazhdimisht nga qeveria, mbrojtësit e Teatrit Kombëtar dhe banorët e Astirit, treguan se sa të madhe e kanë zemrën.

“Pavarësisht fyerjeve, sharjeve, arrestimeve, në një ditë të zezë treguat sa të madhe e keni zemrën. Ju teatri dhe Astiri janë dy monumentet e rezistencës. Nuk po jua them për t’ju dhënë kurajo, se ju i keni dhënë kurajo të gjithëve. Me gjithë atë presion sulme, sharje, arrestime, goditje që ju kanë bërë ju prap se prap treguat sa të madhe e keni zemrën”, u shpreh Basha.

avokati-i-popullit-1280x744.jpg
nev ila15:45 | 21/11/2019

Banorët e Unazës së Astirit i janë drejtuar avokatit të popullit, me synim që zëri i tyre të dëgjohet nga shteti. Ky institucion po përgatit një raport të detajuar mbi arsyet për të cilat banorët e Unazës së re kundërshtojnë prej një viti prishjen e banesave të tyre.

I ka karakterizuar pesimizmi ndaj zgjidhjes që mund t’u vijë përmes institucioneve shtetërore. Shpresën e mbajnë tek një derë e vogël me emër të madh, Avokati i Popullit.  

Erjona Canaj, Komisionere pranë Avokatit të Popullit priti këtë përfaqësi të banorëve të Unazës së re jo vetëm për t’i dëgjuar por edhe për t’i komunikuar se ia kanë dërguar për shqyrtim kuvendit listën e kërkesave të tyre.

Banorët nuk kanë ndërmend të tërhiqen. Për ta prishja e shtëpive është shpërfillje ndaj njerëzve të thjeshtë dhe përkrahje për ata që duan të përfitojnë nga tenderët miliona euro.

 Pas marrjes së përgjigjes nga Kuvendi i Shqipërisë, Avokati i Popullit i bëri me dije se do të publikojnë një raport të detajuar mbi shkakun dhe pasojën që ka detyruar banorët të kundërshtojnë zbatimin e projektit të Unazës së Madhe të Tiranës./abcnews.al

balliuuu.jpg
ger ta10:17 | 20/11/2019

Ish-deputeti i PD, Klevis Balliu ka dorëzuar në Prokurorinë e Tiranës kallëzim penal për projektin e Unazës së Re.

Në një prononcim për mediat, Balliu kërkoi që organi i akuzës të nisë menjëherë hetimet dhe të anulohen punimet, deri në përfundimin e hetimeve.

Sipas Balliut, kompania Sallillari është nën hetim te Loti 2  dhe ka fituar tenderin te Loti 1.

Ky është kallëzim penal i drejtuar Prokurorisë. Ky është mali me dokumente që tregojnë faktet që ky projekt ka qëllim vjedhjen. Si ka mundësi që kompania Salillari që është nën hetim te loti 2  ka fituar tenderin te loti 1. Unë ju ftoj ju të nxirrni të gjithë dokumentet që ka nxjerrë edhe PD, për shkeljet te Unaza. Që nga fakti që nuk është bërë konsulti mjedisor me qytetarët. Të gjitha aferat korruptive, dokumentet e falsifikuara dhe shkeljet e kësaj qeverie sot janë faktuar dhe kjo Prokurori duhet të nisë menjëherë hetimet. Këtu po bëhet fjalë për jetë njerëzish. Ata po shkatërrohen për shkak të një projekti korruptiv. Menjëherë Prokuroria duhet të pezullojë punimet dhe tenderin Salillari. Të pezullohen urgjentisht punimet tek Unaza . Është esenciale nisja e hetimeve tani urgjentisht. Nëse nuk nisin atëherë këtë prokurorë po presin të marrin hyrje falas”, tha Balliu.

Në të njëjtën linjë u shpreh edhe konsulenti ligjor i demokratëve, Çlirim Gjata, i cili theksoi se këtë aferë mund ta ndalojë vetëm qeveria.

Shkeljet janë aq të rënda, ka shumë duar që janë futur. Të bësh gjithë këtë projekt krroputiv. Çështja është aty për të fituar troje që shkojnë deri në 900 milion euro pastrim parsh ku janë përzierë edhe qeveritarë. Është një megaoperacion. Vetëm qeveria mund të jetë ajo që ta durojë këtë prokurori që të mos fillojë hetimet”, tha Gjata./abcnews.al

klevis-balliu-1-1280x791.jpg
ger ta11:07 | 18/11/2019

Demokratët janë të bindur se projekti i Unazës së Re është i mbuluar me hije të forta skandali e korrupsioni. Ish-deputeti demokrat Klevis Balliu denoncoi nga selia blu atë që e cilësoi si skandalin e rradhës pas atij të D-H Albania dhe që lidhet me mungesën e një leje ndërtimore për lotin ku po kryhen punimet.

Kompania që ka hartuar sponcoriazuar projektin nuk ka drejtues teknik në fushën e gjeodezise dhe këtë fakt demokratët e mbështetën në dokumentat që vetë Ministria e Infrastrukturës ka firmosur.

Balliu kërkesën e ka për organin e akuzës, të cilit krahas hetimeve i kërkoi ndalim të menjëhershëm të punimeve.

Prej më shumë se 1 jave, IKMT ka nisur prishjen e ndërtesave në lotin e parë të Unazës së Re, ku një pjesë e banesave kanë përfituar kompesim nga qeveria ndërkohë që pjesa tjetër e objekteve janë skualifikuar në procesin e legalizimit nga ALUIZNI.

Deklarata e plotë:

Projekti korruptiv i Unazës së Re, që po shkatërron shtëpitë e  qindra familjeve për vjedhjen e disa milionë eurove dhe ndërtimin e  disa komplekseve me pallate në të njëjtin vend është pa një leje të vlefshme ndërtimore.

Që prej një viti, Partia Demokratike ka publikuar dokumenta dhe të dhëna që tregojnë se projekti i Unazës së Re u nis si një projekt për të vjedhur, duke shkelur disa nga rregullat kryesore për ndërtimin e një vepre të tillë.

Rol kyç në skemën e vjedhjes me projektin e Unazës së Re ka Agjencia e Rrugëve, e cila, në kundërshtim me ligjin e sponsorizimeve, ka pranuar si dhuratë një projekt të gatshëm mbi 1 milionë euro nga kompania AVE CONSULTING.

Dokumentat provojnë se projekti teknik eshte jo i plotë. Atij i mungon studimi topografik, gjë që vërtetohet nga shkresa e 16 Tetorit 2018 e Autoritetit Kombëtar të Rrugëve.

Një shkresë tjetër, e 11 Dhjetorit 2018 e Ministrisë së Infrastrukturës, tregon kompania “AVE CONSALTING” ,që ka sponsorizuar projektin, në kundërshtim me ligjin, nuk ka drejtues teknik në fushën e gjeodezise. Ky është një fakt shtesë për mungesën e studimit topografik, pa të cilin nuk mund të projektohen detajet e zbatimit të projektit.

Mungesa e këtij studimi sjell pasoja juridike në pavlefshmërinë e lejes së ndërtimit të projektit që kushton 20 milionë euro për 1 kilometër. Duke mos patur një studim të fazes së parë të projektit, shkaktohet edhe një dëm i madh ekonomik, pasi volumet e punës llogariten keq, aksi i rrugës zhvendoset sipas interesave korruptivë të momentit dhe rritet kostoja e punimeve.

Përveç anës teknike, që bën të pavlefshëm lejen e ndërtimit, në këtë çështje ka edhe një konflikt të pastër interesi të kompanisë që gjoja i ka falur qeverisë një projekt 1.2 milionë euro. Nga njëra anë, Ave consulting, që ka projektuar shkatërrimin e qindra shtëpive tek Unaza e Re, ka fituar tenderin per të permbyllur procedurat e legalizimit te objekteve informale.

Parti Demkoratike i kërkon Prokurorisë të hetojë pa vonesë këtë aferë të rëndë korruptive, duke mos e zvarritur atë siç po bën me rastin e DH Albania, për të cilën, akoma pas një viti nuk ka asgjë konkrete.

Partia Demokratike do t’i dorëzojë Prokurorisë te gjitha dukementat e nevojshme për të nxjerrë në dritë këtë aferë korruptive, ku një grusht njerëzish duan të shtojnë pasuritë duke shkatërruar jetën e qindra familjeve.

Një prokurori e pavarur, që nuk sakrifikon drejtësinë për t’ia hedhur vetingut, ka në dorë të kërkojë pezullimin e menjëhershëm të zbatimit të këtij projekti korruptiv dhe të pavlefshëm juridikisht tek Unaza e Re!

Kur shqiptarët t’i besojnë Partisë Demokratike qeverisjen e vendit, zyrtarët apo privatet e përfshirë në këtë aferë do të përgjigjen para ligjit. Me ligjin tonë të ri Antimafia dhe me programin tonë “Ndiq paranë”, ata do të paguajnë çdo dëm që i është shkaktuar shtetit shqiptar dhe banorëve të Unazës së Re nga projekti korruptiv  20 milion euro për 1 km./abcnews.al

Afrim Qendro deklaron se është bërë studimi i gjeodisë nga kompania e tij, por nuk pranon ta publikojë këtë studim.

Përgjigjia e Ministrisë së Infrastrukturës e cila pohon se kjo kompani nuk ka gjeodet (topograf) duke hedhur poshtë Afrim Qendron që pretendon se ka një studim teknik për Unazën e Re.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono