unaza e madhe

KRONIKE-DH-ALBANIA-APP-SHIFRAT_ABC-M2-T1.mpg_snapshot_00.01-1280x720.jpg
G. P.16:56 | 21/12/2018

Skandali i kompanisë “DH Albania” e cila mundi të përfitojë dy tendera publike me dokumente të falsifikuara, një prej të cilëve një lot i Unazës së Madhe, nuk është një rast i izoluar. ABC News ka siguruar disa të dhëna zyrtare, sipas të cilave në 5 vitet e fundit Agjencia e Prokurimit Publik ka përjashtuar 35 kompani nga garat tenderuese për shkak të dokumentacionit të pavërtetë.

Këto raste nuk i përkasin vetëm ndërtimit të rrugëve, linjave të interkonjeksionit, apo veprave të mëdha publike, por thelbi i përjashtimit nga gara mbetet paraqitja e dokumentacionit të pavërtetë. Sipas të dhënave, në vitet 2013 dhe 2014 janë konstatuar nga 5 raste të tilla. Në vitin 2015 me 4 të tilla. Dy në vitin 2016 dhe shtatë një vit më vonë. Ndërsa në vitin 2018 Agjencia e Prokurimit publik ka përjashtuar nga garat tenderuese 12 operatorë ekonomikë për të njëjtin problem.

Këto shifra shtojnë dyshimet për filtrimin e ligjshmërisë së dokuemtacionit të paraqitur nga kompanitë e ndryshme tregtare që garojnë për prokurimet publike. Ashtu si ndodhi me rastin e kompanisë “DH Albania”, e cila përfitoi një tender nga OST dhe një tjetër nga Autoriteti Rrugor Shqiptar për ndërtimin e një loti të Unazës së Madhe në vlerën e gati 30 milionë eurove.

Deri më tani, në rrugë diplomtike është vërtetuar se kompania “DH Abania” ka depozituar një akt fals të themelimit të kompanisë mëmë “Dunwel Haberman LTD” në Delaware të SHBA, bilancin ekonomik të tre viteve të fundit, si edhe një letër nga sekretari i shtetit të Delawere. Por burime nga Prokuroria e Tiranës bënë me dije se numri i akteve të falsifikuar dyshohet të jetë shumë më i madh, mes të cilave vërtetime për taksat, licensat, apo aktet e konvertimit të licensave./abcnews.al

PROVOKACIJA-GJERGJ-EREBARA-PJ-2.mpg_snapshot_17.13-1280x720.jpg
ent ela21:25 | 18/12/2018

Gazetari Gjergj Erebara, i ftuar në studion e “Provokacija, ka folur në lidhje me hetimet e BIRN për ndërtimin e Unazës së Madhe. Sipas tij të gjithë tenderat e ARRSH janë të dyshimta, pasi ka gjithmonë një pjesëmarrës dhe një fitues.

“Në të gjithë tenderat e ARRSH ka gjithmonë një pjesëmarrës dhe një fitues. Të gjithë tenderat e ARRSH janë të dyshimta. Ka të gjitha të drejtat ligjore ta ndryshojë dhe ribëjë tenderin në llogari të interesit publik dhe nuk ka ndodh asnjëherë”.

Me një përllogaritje të thjeshtë matematikore Erebara zbulon se të gjithë tenderat janë automatikisht të dyshimta, për shkak edhe të mostransparencës së kodit të çmimeve dhe volumit të punimeve.

“Në të gjitha vendet normale autoritetet kontraktore kanë një model matematikor sesa rrezik ka që tenderi të jetë i manipuluar dhe ky i bazuar në probabilitetin matematikor, kur ka një tender me vlerë 20 mln dhe rezulati më pak se 1% nga fondi limit atëherë është i dyshimtë. Në këtë rast kanë qenë 3 tendera me vlerë 40 mln euro. Të gjithë tenderat janë automatikisht të dyshimta. Në manualet e rrezikut të manipulimit të tenderit, në të dy rastet afrimësia me fondin limit tregon nëse ka marrëveshje të fshehtë.

Ka edhe dy elementë të tjerë të dyshimtë: mungesa e transparencës. ARRSH nuk ka bërë publike kodin e çmimeve që përdor për limit. Dhe së dyti nuk ka bërë publike volumin e punimeve.  Ne i bëmë kërkesë ARRSH dhe refuzoi”.

Erebara akuzon edhe Prokurorinë se po bën ç’është e mundur që të mos hetojë këtë çështje.

“Prokuroria ka të gjithë arsyet të bëjë vlerësim të kësaj situate. Mesa di unë po bëhet ç’është e mundur që të mos ketë hetim. Nuk është bllokuar skena e krimit që është Autoriteti Rrugor Shqiptar, vendi ku po kryhen punimet, nuk ka të dyshuar, nuk është formë hetimore kjo. Prokuroria po bën ç’është e mundur që të mos e hetojë këtë çështje”.

Duke shprehur hapur kundërshtinë e tij ndaj prishjes së ndërtimeve të shtëpive te Unaza e Madhe, Erebara bën apel për solidaritet njerëzor, ndërsa thekson se e gjithë procedura po bëhet mbrapsht.

“Ligji është i padrejtë dhe kur një njeri nxirret nga shtëpia e vet duhet të ketë një kompensim të drejtë, jo sipas ligjit. Kur ti ke një shtëpi 50m dhe e shemb duhet ti japësh një shtëpi 50m2. Kjo puna e ndërtimeve pa leje ka ndodhur para 30 vjetësh. Problemi është që në një shoqëri normale njerëzit kanë edhe solidaritet njerëzor.

E gjithë procedura bëhet mbrapsht së pari bëhet një studim fizibliteti, sa vlerë ka sa të mira publike, sa kosto do ketë, pastaj shpronësimet dhe në fund fare projektimi dhe zbatimi i projektit”. /abcnews.al

KRONIKE-DH-ALBANIA-HETIM-TRE-LOTE-1280x720.jpg
ent ela18:54 | 18/12/2018

Përveç kompanisë “DH Albania” Prokuroria e Tiranës ka shtrirë hetimin edhe për dy lotet e tjera të Unazës së Madhe. Sipas prokurorisë, ka dyshime se garimi i një prej kompanive mund të ketë qenë fiktiv.

Skandali i kompanisë “DH Albania”, që dyshohet të ketë përfituar tenderin e lotit të parë të ndërtimit të Unazës së Madhe me dokumente të falsifikuara mund të marrë përmasa edhe më të mëdha. Prokuroria e kryeqytetit ka zgjeruar hetimin përtej këtij tenderi. Burime pranë organit të akuzës konfirmuan se në sitën e hetuesve do të kalojnë edhe dy lotet e tjera të segmentit “Shkolla Teknologjike” – sheshi “Shqiponja”. Prokuroria ka ngritur dyshime se edhe në to mund të ketë pasur elementë të veprës penale të “shkeljes së barazisë në tendera” dhe të “shpëdorimit të detyrës”. Për këtë shkak prokuroria po grumbullon dokumentacionin e procedurës së tenderimit për të tre lotet e këtij segmenti të Unazës së Madhe me vlerë 40 milionë euro në total. Dyshimet e prokurorisë janë forcuar për faktin se në të tre lotet ka garuar edhe kompania “Vëllezërit Hysa”, por pa paraqitur oferët financiare. Sipas burimeve, garimi mund të ketë qenë fiktiv, vetëm për të legalizuar procedurën e prokurimit.

Paralelisht prokuroria po heton kompaninë “DH Albania” edhe tenderin 12 milionë euro të fituar nga Operatori i Sistemit të Trasmetimit për ndërtimin e linjës 220 kilovolt Burrel-Peshkopi, aktualisht i anuluar.

Javën e kaluar, gjatë një raportimit të Zërit të Amerikës për skandalin e Unazës së Re u ngritën dyshime se pas “DH Albania” qëndron biznesmeni Bashkim Ulaj.  Prokuroria ka nisur fletë-thirrjet e para për personat që do të merren në pyetje në lidhje me hetimin ndaj kësaj kompanie. I pari që do të pyetet është 26 vjeçari Avdjol Dobi, përfaqsuesi ligjor i “DH Albania”, ndërsa në listën e personave që do japin shpjegime janë edhe anëtarë të Komisionit të Vlerësimit të Ofertave dhe zyrtarë të ARRSH dhe OST.  /abcnews.al

bashkise.jpg
G. P.18:12 | 17/12/2018

Bashkia e Tiranës ka vijuar edhe gjatë kësaj të hëne punën për hapjen e kantierit ku do të zbatohet projekti për zgjerimin e Unazës së Madhe në siç njofton Bashkia Tiranë, Inspektorati rajonal i Mbrojtjes së Territorit ka prishur një tjetër godinë dy katëshe të ndërtuar pa leje në gjurmën e Unazës së Madhe te Astiri, e cila shërbente për funksione social-ekonomike.

Aksioni për prishjen e kësaj godine për shkak të masivitetit të saj ka nisur që në orët e para të së hënës dhe mjetet e rënda të IMT-së kanë bërë shembjen e saj, si dhe zhvendosjen e mbetjeve inerte. Nga fillimi i procesit të zgjerimit të Unazës së Madhe te Astiri, numri i ndërtimeve pa leje të prishura në këtë zonë ka shkuar në mbi 40 të tilla./abcnews.al

48355134_243977779863996_4060271294896144384_n-1280x720.jpg
ent ela16:28 | 13/12/2018

Inspektorati i Mbrojtjes së Territorit i Bashkisë së Tiranës ka prishur sot një tjetër godinë 3 katëshe të ndërtuar pa leje në gjurmën e Unazës së Madhe te Astiri, duke i hapur rrugë projektit. Operacioni për prishjen e kësaj godine ka nisur që në orët e para të ditës së sotme dhe mjetet e rënda të IMT-së kanë bërë shembjen e saj në mënyrë që të mos bëhej pengesë për vijimin e qarkullimit të automjeteve në rrugën pranë.

Ashtu si edhe në shumicën e rasteve të mëparshme, IMT dhe ndërmarrjet bashkiake kanë gjetur mirëkuptimin dhe bashkëpunimin e poseduesit të kësaj godine, i cili ka bërë boshatisjen e saj, duke i hapur rrugë prishjes.

Ndërkohë, ka vijuar puna edhe me prishjen e objekteve të tjera që ngriheshin në gjurmën e Unazës së Madhe, duke krijuar kështu mundësi për hapjen e kantierit të ndërtimit të rrugës. Po ashtu, ndërmarrjet bashkiake janë kujdesur që pas procesit të prishjes së ndërtimeve pa leje të bëjnë edhe zhvendosjen e mbetjeve inerte.

KRONIKE-ARRSH-KALLZIMI.mpg_snapshot_00.22-1280x720.jpg
G. P.20:37 | 12/12/2018

Kompania “DH Albania” e cila kishte fituar duke përdorur dokumente të falsifikuara tenderin e ndërtimit të rrugës Rrethrrotullimi i sheshit Shqiponja- deri tek Pallati me Shigjeta, është kallëzuar në prokurori nga Autoriteti Rrugor Shqiptar për falsikim dhe mashtrim. ARRSH-ja ndërkohë mësohet se do të ribëjë këtë tender nga i cili janë të përjashtuar automatikisht dy firmat që kishin përfituar më herët tenderin 18 milionë euro.

Autoriteti Rrugor Shqiptar kallëzon në prokurori kompaninë “DH Albania” për mashtrim dhe fallsifikim dokumentash. Njëherësh ky autoritet mësohet se do të rihapë tenderin për ndërtimin e lotit të parë të projektit të “Rehabilitimit të segmentit rrugor mbikalimi pallati me shigjeta rrethrrotullimi Shqiponja, Loti 1”, por nga ky tender tashmë janë të përjashtuar dy firmat që e kishin fituar më herët tenderin “DH Albania” dhe Biba X.

Autoriteti Rrugor shqiptar, nëpërmjet një kallëzimi të firmosur nga titullari i saj afrim Qëndro, i kërkon prokurorisë të hetojë kompaninë “DH Albania” e cila ishte shpallur fituese në nëntor të këtij vitit të bashku më kompaninë BiBA X të tenderit për lotin e parë të Unazës së Madhe, tendër ky me vlerë mbi 22 miliardë lekë të vjetra, ose rreth 18 milionë euro.

Sipas kallëzimit të ARRSH-së depozituar pranë Prokurorisë së Tiranës, kompania “DH Albania” ka paraqitur dokumente te rreme në lidhje me të dhënat e shoqërisë mëmë “Dunwell Haberman” në SHBA. Në aktin e themelimit të dorëzuar në QKB pretendohet se kompania është themeluar në 25 qershor të vitit 1998, kur në fakt rezulton se data reale e themelimit është 25 qershor 2018. Por sipas Arrash ky nuk ka qenë fdokumenti i vetëm i falsifikuar i përdorur për të marrë pjesë në tenderin me vlerë 18 milionë euro.

Aktualisht ARRSH ka pezulluar jo vetëm kontratën, por edhe të gjitha punimet në lotin e parë që ishte fituar nga DA Albania dhe Biba X.
Zëri i Amerikës në versionin shqiptar shkruante të marten se po rriten dyshimet rreth firmës së regjistruar në Delaware të SHBA, Dunwell Haberman, e cila përmes falsifikimit të dokumenteve të regjistrimit kishte arritur të siguronte dy kontrata me vlerë prej rreth 30 milionë eurosh nga qeveria shqiptare. Firma kryente biznes me emrin DH Albania dhe në regjistrat kombëtarë si përfaqësues i saj figuron 26-vjeçari Avdjol Dobi. Sipas informacioneve të përcjella nga Zëri i amërikës ka dyshime se pas kësaj skema është një ndër biznesmenët e njohur në vend./abcnews.al

unaza-e-madhe.jpg
G. P.15:24 | 12/12/2018

Puna për hapjen e kantierit, ku do të zbatohet projekti për Unazën e Madhe në segmentin nga Pallati me Shigjeta deri te Dogana ka vijuar edhe sot paradite. Bashkia e Tiranës prishi 2 ndërtesa të tjera pa leje në gjurmën e Unazës së Madhe, në zonën e Unazës së Re.

Inspektorati i Mbrojtjes së Territorit, sipas njoftimit të Bashkisë Tiranë, gjeti bashkëpunimin e banorëve, të cilët në mënyrë vullnetare kanë zhvendosur materialet dhe orenditë, për të mundësuar më pas prishjen e ndërtimeve.

Objektet e prishura shërbenin kryesisht për qëllime biznesi. Gjithashtu, mjetet e rënda të Bashkisë Tiranë kanë vijuar edhe me procesin e largimit të mbetjeve inerte që dalin nga procesi i prishjeve./abcnews.al

PROKURORIA-PER-UNAZEN-E-RE-1280x720.jpg
ent ela16:01 | 11/12/2018

Prokurorët po përgatisin listën e personave që do të marrin në pyetje lidhur me hetimin për tenderin për lotin e parë të Unazës së Madhe. I gjithë dokumentacioni i këtij tenderi do të vihet në dispozicion të grupit hetimor. Pjesë e verifikimeve do të jenë edhe përfaqësuesi ligjor i kompanisë fituese me dokumenta të falsifikuara, apo noterja që pranoi këto dokumenta.

Pas regjistrimit të procedimit penal për skandalin e tenderit të lotit të parë të Unazës së Madhe në segmentin Pallati me Shigjeta-Sheshi Shqiponja Prokuroria e Tiranës nis veprimet hetimore konkrete. Gjatë ditës së martë oficerët e policisë gjyqësore kanë shkuar në Ministrinë e Energjetikës dhe në Autoritetin Rrugor Shqiptar për administrimin e gjithë praktikës dokumentare të tenderit. Burime pranë prokurorisë pohuan për ABC Neës se në dispozicion të njerëzve të hetimit janë vënë të gjitha aktet shkresore, përfshi dokumentet që dyshohet të jenë të falsifikuara. Hetimi në fjalë po kryhet për veprat penale të “shpërdorimin të detyres”, “shkeljen e barazisë në tendera” dhe “falsifikim dokumentesh”.

Prokurorët po hartojnë listën e personave që do të merren në pyetje, ku i pari në listë është 26-vjeçari Avdjol Dobi, përfaqësuesi ligjor i kompanisë “DH Albania”, por edhe noterja Xhevahire Brahaj, që ka vërtetuar si origjinale dokumentacionin e sjellë nga ai. Oficerët e policisë gjyqësore janë urdhëruar të sekuestrojnë të gjithë pranktikën e ndjekur në zyrën e noteres Brahaj, që ndodhet pranë sheshit “Ëillson” në Tiranë. Gjithashtu pritet të zbardhen edhe pamjet e kamerave të sigurës për të parë se, personat qe  shoqëronin  Dobin ditën që dorëzoi materialet e dyshuara si të falsifikuara në zyrën e noteres. Fillimisht, ata do të pyeten për çështjen e falsifikimit të firmës së Sekretarit të Shtetit të Delaëare në SHBA, nga ana e kompanisë “DH Albania”, e cila rezulton fituese e tenderit prej 18.8 milionë eurosh. Në dokumentin e firmosur dhe vulosur nga noterja, vërtetohet autenticiteti i firmës së Sekretarit Jeffrey W. Bullock. Noterja Xhevahire Brahaj rezulton se ka vërtetuar si origjinale dokumentet e sjella nga Avdjol Dobi, i paraqitur në cilësinë e përfaqësuesit ligjor të kompanisë mëmë të “DH Albania”, “Dunëell Haberman”. Ndërkohë prokuroria e Tiranës do të dorëzojë në kontenë e Delaëerit ne SHBA  letërporosi përmes së cilës kërkon t’i vihet  në dispozicion materiali origjinal i kompanisë “Dunëell Haberman”.

Përmes kësaj do të hidhej edhe më shumë dritë se kush fshihet pas të riut Avdiol Dobi. /abcnews.al

 

PROKURORIA-NGRE-AKUZA-PER-UNAZEN-ABC-M-4-T-2-HD.mpg_snapshot_01.23-1280x720.jpg
G. P.19:28 | 10/12/2018

Prokuroria e Tiranës regjistron procedimin penal për skandalin me tenderin e lotit të parë të Unanzës së Madhe dhe po heton për tre krime. Ndërsa hetimet nxjerrin në dritë të tjerë emra që dyshohet se janë përfshirë në skandalin e falsifikimit të dokumentave të kompanisë Danuell Haberman.

Prokuroria e Tiranës ka regjistruar procedimin penal për skandalin e tenderit të lotit të parë të Unazës së Madhe të Tiranës.
Hetimi është duke u kryer për veprat penale të shpërdorimin të detyres, shkeljen e barazisë në tendera dhe falsifikim dokumetash.
Veprimi i parë parë që po kryen prokuroria është sekuestrimi i të gjithë procedurës së tenderimit ndjekur nga Autoriteti Rrugor dhe Ministria e Enegjitikës dhe Infrastrukturës për këtë rast. Për llogari të këtij procedimi janë dërguar dy shkresa drejt ketyre dy institucione ku kërkohet vënia në dispozicion të hetuesve i gjithë materialit që disponohet për projektin 18 milionë eurosh.

Burime nga grupi hetimor thone për TV Klan se nuk perjashtohet marrja në pyetje e zyrtareve të cilët kanë kaluar nëpër duart procedurat e tenderimit. Do të verifikohen të gjitha veprimet e këshillit teknik pranë ARRSH i cili ka miratuar projektin dhe më pas ato komisioni i vleresimit të ofertave që pranuar oferten prej 18 milionë euro të kompanisë “DH Albania”. Prokuroria do të sekuestrojë edhe materialet që kjo kompani ka dorëzuar në Qendrën Kombëtare të Biznesit. Në të dhenat që “DH Albania” ka dorëzuar bilance për vitin 2015, 2016 dhe 2017, thuhet se ka qarkulluar qindra milionë dollarë, por dyshohet se edhe këto bilance janë të falsifikuara, pasi kompania rezulton e regjistruar vetëm në qershor të vitit 2018, pak para se të fitonte tenderin.

E falsifikuar rezulton edhe data e regjistrimit si dhe një certifikatë e sekretarit të shtetit në Delawer të Shteteve të Bashkuara të Amerikes, sipas të cilës kjo kompani nuk ka detyrime fiskale. Hetim për këtë rast ka nisur dhe prokuroria amerikane, ku ne SHBA ky fakt përbën një krim federal. Dyshimet për falsifikimin e firmës të sekretarit të shtetit të Delaware pritet të përfshijë edhe nje kompani tjeter veç Danwell. Bilancet e falsifikuara te viteve 2015, 2016, 2017 jane firmosur nga Chris Dunwell në cilësinë e Shefit të Zyrës së Financës te kompanise Dunwell Haberman, jane çertifikuar nga një tjetër firmë auditimi me emrin “William Vogel and Company” dhe janë vulosur nga noteri publik i njësisë New Castel të shtetit të Delaware, Clay Robertson.

Të gjithë këto emra tashmë duhet të verifikohen nëse kanë bashkëpunuar me njëri – tjetrin dhe kanë qënë pjesë e planit të mashtrimit, apo pronari i panjohur i kompanisë offshore “Dunwell Haberman” ka fallsifikuar edhe firmat e tyre. Vetë noterja Xhevahire Brahaj ka firmosur dhe vulosur si orgjinale dokumentacionin e paraqitur nga 26 vjeçari Avdiol Dobi, perfaqesues ligjor i DH Albania, të përkthyer nga Shenda Kruja, për të cilën, burime nga prokuroria thonë se nuk ka pasur të drejtë të kryejë përkthimin, pasi nuk është në listën e përkthyesve ligjorë të Ministrisë së Drejtësisë. Në këtë rast, ligjërisht as noterja nuk duhet ta kishte pranuar përkthimin dhe për këtë arsye prokurorët dyshojnë se edhe pas përkthimit fshihen manipulime. Që të fitosh një tender me ligjin e prokurimit publik në Shqipëri, duhet që kompania të ketë minimalisht ekspereincë prej 3 vitesh në treg dhe po ashtu duhet të vërtetojë se situata financiare e saj nuk është në faliment./abcnews.al

48270370_1040374742833274_5286307032805146624_n-1280x720.jpg
ent ela18:40 | 10/12/2018

Inspektorati i Mbrojtjes së Territorit i Bashkisë Tiranë ka prishur gjatë ditës së sotme dy godina tre katëshe të ndërtuara pa leje në gjurmën e Unazës së Madhe te Astirit. Fillimisht është bërë boshatisja vullnetare e ndërtesave që shërbenin për banim dhe biznese nga materialet e vlefshme dhe orenditë shtëpiake, ndërsa më pas makineritë e rënda të IMT-së kanë ndërhyrë për të bërë shembjen e tyre. Siç edhe shihet nga pamjet, bëhet fjalë për dy godina masive, më të mëdhatë që janë prishur deri më sot në lotet 2 dhe 3 në Unazën e Madhe në segmentin nga Pallati me Shigjeta deri te Ura e Lanës. Ashtu si edhe në ditët e mëparshme IMT dhe ndërmarrjet bashkiake edhe në këto dy rastet e sotme ka gjetur bashkëpunimin e poseduesve të këtyre ndërtesave katëshe, të cilët kanë pranuar ti hapin rrugë realizimit të projektit të zgjerimit të Unazës së Madhe. Ndërkohë që paralelisht me prishjen e ndërtimeve pa leje, makineritë e IMT-së dhe ndërmarrjeve të tjera bashkiake kanë bërë dhe largimin e mbetjeve inerte pas procesit të prishjeve të këtyre godinave. Bashkia e Tiranës është e vendosur që të çojë deri në fund punën për lirimin e gjithë gjurmës ku do të ndërtohet Unaza e Madhe nga të gjitha ndërtimet pa leje dhe objektet e tjera që do të shemben kundrejt parashikimeve që bën ligji i shpronësimeve. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT