Ulsi Manja

voltana-ademi.jpg
ger ta12:17 | 20/11/2019

Kryebashkiakja në detyrë e Shkodrës, Voltana Ademi ka reaguar për mospjesëmarrjen e saj në mbledhjen e Komisionit të Ligjeve, ku është diskutuar sot buxheti për bashkitë.

Ademi është shprehur se nuk është ftuar në mbledhjen e Komisionit, duke hedhur poshtë deklaratën e Ulsi Manjës i cili tha se kryebashkiakja ishte ftuar por nuk mori pjesë për shkak të angazhimeve.

Ademi sqaron më tej se pavarësisht se nuk ka patur asnjë ftesë për kryetaren, Shoqata e Bashkive të Shqipërisë ka dërguar shqetësimet dhe objeksionet e saj lidhur me projektbuxhetin.

Reagimi i Voltana Ademit:

E vërteta është një dhe e vetme: Voltana Ademi nuk është ftuar në mbledhjen e Komisionit të Ligjeve! Nuk ka patur asnjë komunikim, të asnjë lloji në formën e ftesës për të marrë pjesë në mbledhje as si kryetare e Bashkisë Shkodër dhe as si kryetare e Shoqatës së Bashkive të Shqipërisë.
Por pavarësisht se nuk ka patur asnjë ftesë për kryetaren, Shoqata e Bashkive të Shqipërisë ka dërguar shqetësimet dhe objeksionet e saj lidhur me projektbuxhetin.
Deklaratat e z. Manja janë thjesht gënjeshtra e rradhës, demagogji për të dizinformuar mediat dhe publikun. Nuk kanë asnjë lidhje me të vertetën.
Por, personalisht nuk çuditem aspak, sepse kjo mazhorancë edhe vetë Ulsiu e kanë të provuar tashmë se qëllimin e vetëm kanë gllabërimin e të gjitha pushteteve, institucioneve, duke përdorur edhe dizinformimin e publikut dhe mediave./abcnews.al

majkomanjabrace-1280x720.jpg
Autor E12:43 | 15/11/2019

Presidenti Ilir Meta ka njoftuar një konferencë të jashtëzakonshme për shtyp në orën 14:00, ndërkohë që gjatë paradites kishte folur ndër të tjera edhe për mundësinë e shpërndarjes së Parlamentit apo të rënies së qeverisë.

Fill pas kësaj deklarata mundësia e shpërndarjes së Parlamentit është rikthyer në vëmendjen e publikut në një ditë kur Kuvendi miratoi rezolutën që parashikon si veprim final kufizimin e kompetencave të Presidentit.

I pyetur për mundësinë e shpërndarjes së Parlamentit, Pandeli Majko tha se shpresonte që kjo të mos ndodhte pasi vendi i duhej stabiliteti politik, “ashtu siç e kërkojnë edhe partnerët ndërkombëtarë”.

Uroj që kjo të mos ndodhë sepse ka disa nene të Kushtetuës, të cilat duhen respektuar në mënyrë rigoroze. Mendoj se Presidenti duhet të jetë protagonist i dialogut dhe sigurisë kombëtare“, tha Majko.

Ndërkohë, zv.kryeministri Braçe tha se kjo nuk mund të ndodhë pasi e ndalon Kushtetuta.

Kurse, kreu i Komisionit të Ligjeve, Ulsi Manja tha se nuk çuditet nëse Meta shpërndan sot Parlamentin, pasi sipas tij, kjo do të vinte në vazhdën e absurditeteve të deritanishme të Presidentit të Republikës. “Sovranin e ka zgjedhur populli dhe jo Presidenti, është populli ai që zgjedh sovranin jo Presidenti. Nuk ka asnjë shans të shpërndajë Parlamentin“, tha Manja. /abcnews.al

manja1.jpg
ent ela11:21 | 11/11/2019

Arsyetim dashakeq me qëllim bllokimin e Gjykatës Kushtetuese e ka konsideruar kreu i komisionit të ligjeve Ulsi Manja reagimin e presidentit Ilir Meta në lidhje me ngritjen e Gjykatës Kushtetuese.

Nga foltorja e Kuvendit Manja sqaroi se nëse zbatojmë radhën, ajo i shkon Gjykatës së lartë, por në kushtet kur nuk ka Gjykatë të Lartë funksionale, bllokohet edhe për një vit Gjykata Kushtetuese.

“Radha është përcaktuar edhe për një arsye tjetër. Ka pasur në konsideratë ripërtëritjen e Gjykatës Kushtetuese. Ne nuk jemi në situatë normale, se vettingu e spastroi Gjykatën Kushtetuese,  vetëm një anëtar u konfirmua nga vettingu.

Çfarë ndodh? Kemi Gjykatën e lartë.

Një pyetje kam për juristët e Presidentit. E supozjmë që do zbatojmë radhën të parin Presidenti, të dytin ne sot, po radha i shkon Gjykatës së lartë, ne nuk e kemi funksionale, atëherë çfarë do bëjmë? Do bllokojmë Gjykatën Kushtetuese  edhe për një vit tjetër? Arsyetimi i presidentit është dashkeq, se me këtë formë synohet bllokimi i Gjykatës Kushtetuese?.

Kreu i Komisionit të Ligjeve, ftoi deputetët të votojnë dy emrat për anëtarët e rinj të Gjykatës Kushtetuese.

“Sot është momenti të dëshmojmë seriozitetin e vullnetin politik për ta bërë funksionale kushtetuesen. Duhet të bëjmë detyrën tonë, kandidatët që na ofrohen për votim janë dy zonja që i bëjnë nder gjykatës Kushtetuese. Kemi një debat me Presidentin, si përherë na paraqetitet si debat kushtetues po në thelb është konfliktik i pastër politik, që kur Presidenti e lexon kushtetutën politikisht e jo si garant i saj. Në rastin e kushtetueses duhet të çlirohet nga mentaliteti i konfliktit politik dhe të bashkëpunojë për plotësimin e vakancave në Gjykatën Kushtetuese”./abcnews.al

 

manja.jpg
ger ta15:29 | 08/11/2019

Për Kuvendin e Shqipërisë, Arta Vorpsi është nga sot, automatikisht Gjyqtare Kushtetuese. Ajo është e renditur e para në vakancën e dytë të Presidentit, vakancë për të cilën Meta kërkoi të pezullohej.

Kryetari i Komisionit të Ligjeve kundërshton argumentin e Presidentit, ku sipas Kushtetutës, gjyqtarët duhet të zgjidhen me radhë, i pari nga Presidenti, i dyti nga Kuvendi, dhe i treti nga Gjykata Kushtetuese.

Socialistët e kanë një mesazh për Ilir Metën, të cilin e kanë në procedurë shkarkimi.

Kuvendi do të zgjedhë të hënën në seancë plenare dhe gjyqtare të reja Kushtetuese: Elsa Toskën dhe Fjona Papajorgjin. Bashkë me Besnik Mucin dhe Vitore Tushën gjykata bëhet më 5 anëtarë, por ende nuk është funksionale pasi shqyrtimi i cështjeve kërkon 6 gjyqtarë. Ndërsa të martën, Besnik Muci që u dekretua gjyqtar nga Meta, do të marrë  përgjigjen nga Kolegji i Apelimit nëse do t’i mbijetojë ose jo  vettingut./abcnews.al

ulsi-manja-per-meten.jpg
ad min14:26 | 19/10/2019

Komisioni Hetimor për shkarkimin e Presidentit do të mbyllë punën përpara 8 dhjetorit. Kryesuesi i hetimit, Ulsi Manja thotë për ABC Neës se mazhoranca do të japë një votë politike për shkarkimin e Ilir Metës, ndërsa vlerësimin kushtetues do ta bëjë vetëm Gjykata Kushtetuese kur të jetë funksionale.

Opinioni përfundimtar i Komisionit të Venecias nuk i ka bindur socialistët të pushojnë hetimin parlamentar për shkarkimin e presidentit. Përkundrazi.

“Brenda afatit të ri që morëm nga Kuvendi, komisioni hetimor do ta përfundojë punën e vetë. Do të zbatojmë planin përfundimtar të hetimit të miratuar nga Komisioni”.

Ulsi Manja që drejton komisionin hetimor, shpjegon për ABC News se çfarë ka ngelur ende për t’u bërë nga hetimi.

“Do të administrohen provat shkresore, dhe këtu e kam fjalën për opinionin paraprak dhe final të Komisionit të Venecias, do të administrohet dhe shkresa e ardhur nga Presidenti i Republikës lidhur me arsyet që e shtynë të anulojë 30 qershorin, duke respektuar tërësisht klauzolat ligjore për informacionin e klasifikuar “sekret shtetëror””.

Komisionit i përfundon mandati hetimor në 8 Dhjetor.

“Komisioni është i detyruar të mbyllë punë që i ka ngarkuar Kuvendi me vendimin nr 84 të vitit 2019. Është një komision që i kërkohet  një vlerësim në aspektin ligjor nëse Presidenti e ka shkelur ose jo Kushtetutën, dhe raporti i këtij komisioni hetimor i tillë do të jetë. Më pas seanca plenare vendos politikisht për shkarkimin e Presidentit të Republikës”.

Dhe pse janë të bindur që Meta e ka shkelur Kushtetutën duke çdekretuar 30 qershorin si datë zgjedhjesh, Ulsi Manja nuk është gati të pohojë votën e tij pro shkarkimit.

“Nuk kam asnjë arsye të paragjykoj votën time e as qëndrimin tim. Unë qëndrimin tim do ta shpreh në komisionin hetimor që unë drejtoj dhe votën time do ta shpreh në seancë plenare së bashku me gjithë kolegët e mi të mazhorancës”.

Socialistët do të votojnë shkarkimin, por topi do të ngelet në derën e Gjykatës Kushtetuese.

“Votimi në parlament është votim politik, ndërsa Gjykata Kushtetuese është institucioni i vetëm kushtetues që do të japë një vlerësim në aspektin kushtetues dhe ligjor për këtë procedurë shkarkimi”.

Teksa kjo gjykatë nuk është ende funksionale e plotësimi duket i largët, Ilir Meta do të vazhdojë të jetë në krye të shtetit./ABC News Albania

ilir-metaa.jpg
nev ila16:27 | 22/06/2019

Presidenti i Republikës nuk do të shkojë përpara Komisionit të Ligjeve për t’u mbrojtur në procedurën e nisur për shkarkimin e tij. Në një letër drejtuar Ulsi Manjës, Presidenca e konsideron këtë proces të rremë, verbërisht politik dhe një përpjekje e shfrenuar për thellimin e krizës.

Ilir Meta nuk priti të hënën, për të marrë mungesë në mbledhjen e Komisionit të Ligjeve, që ishte caktuar si dita kur Presidenti mund të mbrohej përpara socialistë që e kanë ndarë mendjen ta shkarkojnë.

Me një letër drejtuar Ulsi Manjës, Presidenca e konsideron këtë procedurë të rreme dhe verbërisht politike.

“Presidenti i Republikës vlerëson se gjithë veprimtaria aktuale parlamentare që përpiqet të godasë veprimtarinë e Presidentit të Republikës, por pa mundur të rrëzojë përmbajtjen e dekretit të tij, është një proces i rremë, i pambështetur në argument kushtetues, por vetëm i orientuar verbërisht politikisht”.

Kreu i shtetit e sheh shkarkimin e tij si rrëzimin e një ure që mund të mundësonte dialogun ndërpartiak.

“Ky proces i rremë dhe verbërisht politik, nuk i shërben aspak zgjidhjes së krizës së thellë në të cilën ndodhet vendi, por përkundrazi e rëndon më tepër atë, si një përpjekje e shfrenuar për të thelluar ndasitë mes palëve, dhe për të asgjësuar çdo mundësi për krijimin e klimës së dialogut e bashkëpunimit, që Presidenti i Republikës prej kohësh po ju kërkon palëve”.

Duke përsëritur se dekreti i tij që anuloi 30 Qershorin shmangu konfliktin civil, Ilir Meta thekson se në tavolinën e tij ka ende gurë shahu pa lëvizur.

“Presidenti i Republikës garanton Kuvendin e Shqipërisë se është në detyrë, i gatshëm që me përgjegjësi të plotë të ndërmarrë të gjitha veprimet e rëndësishme që do të diktojë situata dhe interesi më i lartë i vendit”.

Pa e shmangur ironinë, në fund të letrës, duke ju uruar gjykim më të shëndoshë deputetëve socialistë, Presidenca i dërgon një kopje të dekreti Komisionit, duke pandehur se ligjvënësit nuk e kanë lexuar atë./ABC News Albania 24/7

opozita.jpg
ad min15:27 | 18/06/2019

Presidenti i Republikës do të ftohet nga  Komisioni i Ligjeve në një seancë dëgjimore për të dhënë shpjegimet e tij mbi anulimin e 30 Qershorit, dekret për të cilin, Partia Socialiste kërkon ta shkarkojë. Ulsi Manja njoftoi sot nisjen e shqyrtimit të kërkesës së partisë së tij nga Komisioni Parlamentar.

Socialistët në Kuvend nuk po humbasin kohë për të konsumuar të gjitha hapat për shkarkimin e Presidentit të Republikës. Dhe pse rruga është e gjatë, menjëherë pas depozitimit të 55 firmave, Komisioni i Ligjeve ka nisur shqyrtimin e kërkesës së Partisë Socialiste.

“Dje i është njoftuar seancës plenare dhe konform rregullores është njoftuar dhe Komisioni i Ligjeve. Në zbatim të rregullores po dje si kryetar i Komisionit të Ligjeve ua kam vënë në dispozicion të gjithë kolegëve të Komisionit të Ligjeve kërkesën e arsyetuar të 55 deputetëve dhe nga ky moment, në zbatim të nenit 112 të rregullores Komisioni i Ligjeve e ka futur në procedurë shqyrtimi kërkesën e 55 kolegëve deputetë”, tha Ulsi Manja.

Nga sot, ky Komision brenda 15 ditësh duhet t’i drejtohet Kuvendit me një raport ku t’i kërkojë ngritjen e një komisioni hetimor për të vlerësuar shkeljet e pretenduara të Presidentit të Republikës.

Gjatë këtyre ditëve, Komisioni duhet të dëgjojë Presidentin e Republikës, në rast se ky dëshiron të japë shpjegime mbi veprimet e tij. Për këtë, deputetët duhet t’i japin Metës kohën e  nevojshme për të përgatitur mbrojtjen e tij.

Drejtuesit e Komisionit të Ligjeve pohojnë se do ta njoftojnë Presidentin e Republikës për nisjen e procedurës së shkarkimit dhe do ta mirëpresin në komision në rast se ai shfaq interes.

Ngelet për t’u parë sjellja e Presidentit ndaj kësaj procedure parlamentare, për të cilën vetë Meta është shprehur në media se është shantazh ndaj tij dhe se ai është zgjedhur nga një parlament tërësisht legjitim, e jo  si ky i sotmi, i cili, po sipas Metës, ka vetëm 82 mandate të ligjshme./ABC News Albania 24/7

ulsi-manjaaa.jpg
ad min20:54 | 31/05/2019

Deputeti i Partisë Socialiste, Ulsi Manja, ka treguar në emisionin “Provokacija” momentin se kur mund të jetë gati Gjykata Kushtetuese dhe Gjykata e Lartë. Sipas kryetarit të komisionit të ligjeve Gjykata Kushtetuese do të jetë funksionale brenda muajit Korrik.

Gjithashtu ai theksoi se në të njëjtin stad procesi është edhe Inspektori i Lartë i Drejtësisë. Për Gjykatën e Lartë, Manja theksoi se do të jetë gati brenda verës.

“E thotë ligji se kush i nënshtrohet me përparësi Vettingut. Për mua nuk është bërë gabim. Fakti që nuk e kemi funksionale sot Gjykatën Kushtetuese dhe nuk kemi funksionale dhe Gjykatën e Lartë e ka hapur një lloj debati, por për mua Vettingu, natyrisht që nga Gjykata Kushtetuese do duhet të fillonte reforma në drejtësi. Kur e nisëm reformën në drejtësi një nga arsyet që e nisëm ishte se Gjykata e Lartë nuk e ka ushtruar si duhet rolin udhëheqës në sistemin gjyqësor.

Unë shpresoj dhe besoj se brenda Korrikut Gjykata Kushtetuese do të jetë funksionale. Në fazën ku është procesi i përzgjedhjes së anëtarëve të gjykatës kushtetuese nga KED, unë them që jo brenda Korrikut po e po, por unë shpresoj që brenda 20 Korrikut ta kemi funksionale Gjykatën Kushtetuese. Ndërsa Inspektori i Lartë i Drejtësisë që është hallka kryesore e reformës sepse është inspektori që do kontrollojë sistemin dhe lidhet me llogaridhënien e sistemit, do të ngrihet paralelisht me Gjykatën Kushtetuese. Janë në të njëjtën shkallë, në të njëjtin stad procesi. Brenda këtij sesioni parlamenti do të votojë anëtarët e Gjykatës Kushtetuese dhe Inspektorin. Ndërsa me Gjykatën e Lartë unë e di që këtë javë KLGJ do hapë garën për anëtarët e Gjykatës së Lartë që vijnë nga jashtë sistemit. Gjykata e Lartë mjafton të krijohet një trupë gjykuese prej gjashtë gjyqtarësh dhe fillon plotësohet në mënyrë dinamike. Edhe Gjykata e Lartë me këtë formulë plotësimi mund të jetë funksionale para verës”, tha Manja.

Kreu i komisionit të ligjeve nënvizoi se nga reforma në drejtësi kanë frikë të gjithë. Mirëpo mazhoranca sipas tij ka qenë promotor i saj dhe  si e tillë do ta çojë deri në fund pasi e ka kalin e saj të betejës.

“Nuk kanë frikë nga reforma vetëm ata. Frikë nga reforma kemi edhe ne. Të gjitha palët kanë frikë nga reforma. Ose le të themi në një target më të ngushtë, kush e di se çfarë ka nën kësulë sigurisht që ka frikë nga reforma. Por qasja politike ndaj reformës është e ndryshme. Ne si mazhorancë kemi qenë promotori i kësaj reformë. E kemi suportuar që në momentin e parë dhe do ta çojmë deri në fund sepse e kemi kalin tonë të betejës. Për këtë na votuan shqiptarët në 2013 dhe për këtë na dhanë një mandat të vetëm në 2017-n. Sepse drejtësia si pushtet është siguresa e sistemit kushtetues që kemi zgjedhur. Unë e njoh procesin e reformës në drejtësi në detaje dhe dua të them që ka qenë një marrëveshje e madhe politike. Kush nuk e ka kuptuar që ka qenë një marrëveshje e madhe politike mes nesh, SHBA dhe BE-së bën gabim. Çështja e frikës nuk është se ata paskan frikë nga SPAK dhe BKH dhe ne që jemi në pushtet paskemi frikë. Jo. Ne e kemi pranuar që organet e reja të drejtësisë, sistemi i ri i drejtësisë që ne kemi ndërtuar do i përfshijë të gjithë”, tha Manja.

ulsi-manjaa.jpg
ad min20:44 | 31/05/2019

Kryetari i komisionit të ligjeve, Ulsi Manja, e konsideron damkë për Dibrën dosjen 184. Sipas tij, ajo është vendosur padrejtësisht nga politika ndaj një bashkie që nuk ka pasur incidente gjatë proceseve zgjedhore të mëparshme.

“I kërkoj në mënyrë persistente prokurorisë që të zbardhë dosjen 184. Dibra nuk e meriton atë damkë. Për një mijë e një arsye Dibra si bashki dhe si rajon nuk e meriton këtë damkë që i ka vendosur padrejtësisht politika dhe një orë e më përpara është në nderin e drejtësisë që ta zbardhë atë dosje. Dibra është i vetmi rajon që nga momenti që janë zhvilluar zgjedhjet e para demokratike, bën pjesë në bashkitë që nuk ka pasur incidentin më të vogël. As në zgjedhjet kur palët politike kanë qenë super të acaruara dhe në bashkitë e tjera ka pasur përplasje. Me aq sa është bërë publike nga prokuroria, thuhet që dosja 184 është drejt zbardhjes, drejt përfundimit të hetimit dhe do të ketë një vendimmarrje. Ata japin arsye për zvarritje në hetim “jo nuk janë zbardhur CD e përgjimeve, jo ka patur ngarkesë”. Dosja e Dibrës do duhet të ishte zbardhur me kohë dhe duhet zbardhur. Uroj që të jetë në proces e sipër që të kemi një vendimmarrje sepse është tipike e filluar nga prokuroria për krim zgjedhor. Krimi zgjedhor në vlerësimin tim ndodh para, gjatë dhe në numërim. Nuk ndodh mbrapa. Në momentin që del rezultati nuk ka ç’heton prokuroria mbrapa. Pra krimi elektoral ndodh para, gjatë dhe ditën e zgjedhjeve. Mbrapa bëhet sinteza e hetimit, se ça ka ndodh”, tha Manja gjatë emisionit “Provokacija”.

Përballë gazetarit Mustafa Nano, deputeti i PS-së u shpreh i çuditur nga reagimi i Lulzim Bashës në lidhje me këtë dosje. Sipas tij, nëzgjedhjete e vitit 2016 në Dibër, kreu i PD-së ka dhënë porosi që të mos ngrihet çështja e kanabisit në atë bashki pasi do humbnin vota.

“Dosja do të dalë në dritë dhe pastaj nëse realisht ka pasur krim zgjedhor absolutisht do duhet secili t’i nënshtrohet ligjit, përgjegjësisë penale nga i pari te i fundit. Ajo që më bën çudi te dosja e Dibrës është mënyra e të reaguarit të PD-së dhe personalisht Lulzim Bashës. E dini që zgjedhjet e parakohshme për Dibrën, fushatën  e ka udhëhequr 35-40 ditë pa lëvizur nga Dibra Lulzim Basha. Ka qenë e gjithë elita e PD-së në Dibër. Duke përfshirë edhe struktura të menaxhimit të zgjedhjeve, ish=-zyrtarë të lartë të policisë, të PD-së në kohën kur ishte PD në qeverisje. Si ka mundësi që Basha lëvizi në çdo cep të Dibrës, shëtiti çdo livadh të Dibrës dhe nuk e dha një provë të vetme se në Dibër po realizohej krim zgjedhor nga ana e mazhorancës? E dyta, nëse pretendohej se viti 2015 dhe 2016 sipas opozitës ishte viti i kanabizimit, ku nuk ngeli pa shpëtuar edhe Dibra ime, Lulzim Basha me ata që i kishte mbrapa, të gjithë ishin ish-zyrtarë të policisë nuk e vërtetuan që në Dibër kishte kanabis dhe po na blen zgjedhjet në Dibër. Lulzim Basha e di shumë mirë që në atë histori aspak nderuese se çfarë porosish iu jepte shtabeve zgjedhore në vitin 2016. Histori që ne nuk duhet të ngremë çështjen e kanabisit të Dibrës se humbasim vota. Them që është edhe në nderin e Lulzim Bashës që thotë “jam nga Dibra” ndërsa unë deri kur të dalë e vërteta e fundit në atë dosje, jo se kam qenë i përfshirë në të, por dibran ë vetvete nuk e meriton atë damkë. I takon Lulzim Bashës që t’ia heqë Dibrës këtë damkë”, tha Manja./abcnews.al

ulsi-manja.jpg
ad min20:35 | 31/05/2019

Partia Socialiste do të nisë të shtunën fushatën elektorale. Kreu i komisionit të ligjeve, Ulsi Manja, deklaroi këtë të premte se në këtë fushatë, të cilën e quajti atipike, mazhorancës i kërkohet organizim, menaxhim dhe mbarëvajtje për të përcaktuar standarde të larta të zgjedhjeve.

“Është një fushatë atipike, por është një rrugë që nuk e zgjodhëm vetë. 30 Qershori është një datë kushtetuese e dekretuar nga Presidenti, por për shkak të një qëndrimi radikal të opozitës, ne jemi në një situatë atipike të fushatës së 30 Qershorit. Le të themi po shkojmë drejt 30 Qershorit si palë për të respektuar Kushtetutën e vendit tonë. A ka entuziazëm? Natyrisht, kur nuk ke kundërshtarë përballë edhe pse në disa bashki ka kandidatë, dhe këtu flas vetëm për kandidatët për kryetarë bashkie sepse në listat për këshillat bashkiakë ka pafund kandidatë që janë bërë pjesë e garës. Kjo fushatë duke qenë atipike për sa na takon ne kërkon organizmi, menaxhim dhe mbarëvajtje të procesit zgjedhor për të përcaktuar standarde të larta të zgjedhjeve”, tha Ulsi Manja gjatë emisionit “Provokacija” të Mustafa Nanos.

Më tej, deputeti i Partisë Socialiste deklaroi se selia rozë e ka nisur betejën e saj për zgjedhjet e Qershorit. Gjithashtu ai tregoi se si do vijojë puna gjatë fushatës.

“Kur je jashtë duket sikur nuk ka organizim, por në fakt ne e kemi filluar fushatën dhe nesër do jetë hapja zyrtare e fushatës në Tiranë në orën 17:00, por vazhdojmë përgatitje intensive për fushatën. Ne jemi çdo ditë në zonat tona përkatëse. Unë personalisht mbuloj Laprakën dhe ka kohë që e kemi nisur fushatën. E para do të prezantojmë në njësitë punët e mira që janë bërë 4 vjet në Bashkinë e Tiranës dhe pastaj do ju kërkojmë qytetarëve të dalin të ushtrojnë të drejtën kushtetuese të votës për punët që kemi në proces, por edhe të tjerat që ne do t’i nisim shumë shpejt në Bashkinë e Tiranës”, tha Manja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono