Ulsi Manja

LAJME-20-_-MANJA.mpg_snapshot_10.13-1280x720.jpg
ent ela21:07 | 16/05/2019

Rrëzimin e kthimit në Kuvend të dekretit të Presidentit për vetingun në polici, deputeti socialist Ulsi Manja e sheh si rrugë për vettingun. Sipas tij arsyetimi i Presidentit përkthehet në atë që të kemi vetting për të mos pasur vetting.

“Arsyetimi i Presidentit të Republikës përkthehet në atë që të kemi vetting për të mos pasur vetting dhe vettingu sipas ligjit të parë ishte i parashikuar në 3 nivele, komision i jashtëm, komision qendror, komision vendor që do bënin vetingun në pjesën më të madhe të trupës policore. Tani a mund të kapeshin afate për marsin 2020 për 4 mijë efektivë policorë. Kjo praktikisht i bie që ne të mos kishim vetting. Komisioni i jashtëm i vlerësimit do bëjë vetingun e gradave të larta ,ndërsa atributet do i marrë një strukturë e specializuar e policisë së shtetit dhe ne me rrëzimin e dekretit i hapëm rrugë vettingut”.

Për Manjan vetingu më i mirë i Policisë janë protestat, ku uniformat blu e kaluan në mënyrë të suksesshme.

“Organizatat policore e kuptojnë që pjesëtarët e asaj organizate janë në vetting të përditshëm jo vetëm me pranimin e  dokumentacionit dhe trajnimit, por vetingu më i mirë janë 11 protesta të PD. Policia e ka kaluar me sukses vetingun në shkallën sipërore”.

Manja foli gjithashtu edhe për reformën në drejtësi dhe ngritjen e strukturave të reja SPAK e BKH, ndërsa theksoi se është drejt finalizimit emërimi për Gjykatën Kushtetuese.

“KED është drejt finalizimit të emërimit të Gjykatës Kushtetuese me 9 anëtarë brenda muajit qershor, po shkohet drejt finalizimit të kandidatëve dhe më shpejt se Gjykatë Kushtetuese ne do kemi Inspektoriatin e Lartë të Drejtësisë. Shtatori na gjen me institucione të ngritura. Shumë shpejt unë shpresoj që brenda qershorit do kemi Gjykatë Kushtetuese, do kemi plotësimin e anëtarëve, do plotësohet kuorumi”. /abcnews.al

ulsi-1280x721.jpg
ent ela18:55 | 07/03/2019

Aktin e ndërmarrë nga opozita për dorëzimin e mandateve, deputeti i PS-së Ulsi Manja e shikon si vetëvrasje politike. Ai më tej shton se ati opozita i kërkon qeverisë që t’i heqë litarin, por harron se kundërshtari politik të heq karrigen dhe jo litarin.

Ulsi Manja: Në rastin konkret pakica kërkon të marrë peng politikisht shumicën sepse dialogu në një sistem demokratik ka vendin e vet ku zhvillohet. Kjo që thotë opozita nuk lë shteg për dialog. Opozita i thotë shumicës qeverisëse e dalë nga zgjedhjet e viti 2017 i thotë ik ti, dhe nuk thotë ik ti si shumicë, të ikë lideri i shumicës pra Kryeministri i vendit dhe pastaj thotë me pjesën tjetër do shohim e do bëjmë ne. Do ulemi dhe do merremi vesh. Që këtu ne kemi të bëjmë me një opozitë joserioze. Në një “marrje koke erë” mund të themi nga pikëpamja politike vendosi të varë vetën politikisht tek pishat para parlamentit dhe tani i kërkon shumicës se pse nuk më pret litarin, ndërkohë që në rrafshin politik, kundërshtari politik të heq karrigen dhe nuk të pret litarin. Kjo është politika në demokraci. Është një vendimmarrje që e morën vetë. Tani venisin edhe ca kushte që nuk kanë lidhje me sistemin politik që kemi zgjedhur dhe ju i kërkoni zgjidhje shumicë, kur vetë opozita nuk është e qartë se çfarë kërkon. Dhe që në momentin që opozita merr përsipër të përcaktojë liderin politik të kundërshtarit që këtu kanë rënë bisedimet ka rënë dialogu.

Juli Xhokaxhi: Nuk ka përcaktuar lider politik, ka kërkuar të ikë Edi Rama, të krijohet një qeveri tranzitore, e cila do të riparojë sistemin, do bëjë reformën elektorale dhe do sjellë vendin në zgjedhje të përgjithshme, të rregullta, të ndershme, dhe pa blerje votash. Se kush i fiton këto zgjedhje këtë pastaj e vendos populli. Mund të jetë prapë Edi Rama ai që fiton, të paktën këtë kanë shprehur eksponentët e opozitës.

Ulsi Manja: Por si do ikë Edi Rama? Kush e lë Edi Ramën të ikë?

Juli Xhokaxhi: Si kush e lë?!

Ulsi Manja: Edi Rama në vitin 2017 në një proces të certifikuara zgjedhje të lira, demokratike dhe të  të ndershme ka marrë një mazhorancë të plotë me 74 mandate.  Janë qytetarët shqiptarë ata që i kanë thënë Ramës urdhëro mandatet dhe qeveris vendin. Tani në krahun tjetër një pakicë që shqiptarët vendosën që opozita të jetë pakicë dy vjet pasi u pranua zgjedhjet, pasi e pranuan rezultatin 7 : 1, dhe nuk paraqitën as ankesën më të vogël, një ditë të bukur pranvere thonë jo  ne nuk i njohim më zgjedhjet se janë vjedhur. Po kush e thotë këtë që janë vjedhur?!  E thotë dosja 339 dhe dosja 184./abcnews.al

ulsi-manja.jpg
G. P.15:49 | 19/02/2019

Opozita ka vendosur të djegë mandatet, por për kryetarin e komisionit të ligjeve, Ulsi Manja,  qëllimi i vërtetë i këtij qëndrimi është pengimi i reformës në drejtësi, gjë për të cilën kanë dështuar. Ai ishte i ftuar në ABC News ku tha gjithashtu se Shqipëria ka pësuar dëme të pallogaritshme nga ky vendim i opozitës.

“Për mua qëllimi i vërtetë i këtij qëndrimi të opozitës nuk janë thjesht zgjedhjet dhe këtë e them me kompetencë. Kanë dështuar të pengojnë reformën në drejtësi ngritjen e SPAK dhe BKH. Parlamenti nuk ka asnjë instrument në dorë për të ngritur këto instrumente të reja, përveçse buxhetimin e këtyre instiutucioneve. I djegin apo jo mandatet nuk e pengon ngritjen e kësaj strukture.

Në kulmin, 48 orë pas protestës së opozitës, dhe kur PD deklaronte dje vendimmarrjen e mandateve, Berisha gjente kohë të sulmonet një anëtare të KED. Kush ka bërë mëkate, kush ka bërë korrupsion, drejtësia e re që po rritet SPAK dhe BKH do merret me zyrtarë. Qëllimi real i opozitës të sabotojë sa të mundet çeljen e negociatave. Këtë duan ata që SHBA dhe BE të mos kenë një sy tek Shqipëria”, tha Manja.

Manja theksoi se qeveria është votuar në vitin 2017 nga populli. Sipas tij, Kuvendi është legjitim edhe pa PD dhe LSI pasi ka mbi 71 mandate.

“Dëmi më i madh që i bëhet vendit në rastin konkret e këtë radikalizim të qëndrimit të opozitrës është i pallogaritshëm. Na ndajnë pak muaj nga poaketa e zgjerimit në KE. Shqipëria është e shqiptarëve. Qytetarët shqiptarë kërkojnë integrimin në BE. Për të gjitha këto e ka dhënë përgjigjen kushtetuta. Kushtetuta e ka përcaktuar qartë që kuvendi përbëhet nga 140 deputetë.

Po Kushtetuta vendos me shumicë të votave. Mjaftojnë 71 deputetë në sallë, parlamenti është legjitim. Legjitimiteti buron nga zgjedhjet. E vetmja gjë që nuk bën dot ai parlament në rast se opozita djeg mandatet, nuk miraton dot ligje me shumicë të cilësuar. Le të presim se a do t’i djegë PD dhe LSI mandatet. Neni e ka përcaktuar qartë si bëhet zëvendësimi i mandateve”, u shpreh kryetari i komisionit të ligjeve Manja./abcnews.al

OK-SINKRONE-ULSI-SPAHO-BERISHA.mpg_snapshot_00.28-1280x720.jpg
G. P.15:44 | 21/12/2018

Gjatë diskutimeve në sallën e parlamentit deputetët Edmond Spaho dhe Ulsi Manja kanë debatuar mes njëri-tjetrit duke hedhur akuza të ndërsjellta. Pjesë e këtij debati ku në thelb ishin zgjedhjet vendore të Dibrës, të manipuluara sipas opozitës, u bë edhe ish kryeministri Berisha.

Edmond Spaho: “Ne nuk jemi naivë që të besojmë se Edi Rama që ka molepsur kaq shumë politikën ka vullnetin ta pastrojë atë. Nëse këto ndryshime do të miratoheshin pyetjet vijuese do të ishin: Po Ulsi ku do të shkojë nëse do të dalin interceptimet që ka bërë me banditë në Dibër në zgjedhjet e vitit 2016. ”
Ulsi Manja: “Ju ndoshta më keni parë në zgjedhje sepse unë nuk kam qenë në ato zgjedhje, por më vjen mirë që unë ju dal shpesh edhe në ëndërr. Por zoti Spaho dhe Zoti Alibeaj të jeni të sigurtë që ur të hapet Dibra dhe çdo fenomen tjetër ku del emri i Ulsi Manjësmua do të më keni në dispozicion të drejtësisë. Por me një ndryshim, ndoshta nuk do të jem në këtë sallë, sepse unë nuk e kam ndarë mendjen me dalë në pension deputet. Por për ty zoti Spaho jam i sigurt që do të jesh përsëri në rresht të parë edhe kur zoti Basha ta lerë politikën, sepse njerëz si ti që i bëjnë fresk liderit të rradhës asnjëherë nuk kanë për ta humbur vendin e parë në këtë sallë.”

Edmond Spaho: “Unë jam jetëgjatë në politikë sepse as vjedh e as mbaj lidhje familjare me kriminelë e banditë, sikurse i mban ti Ulsi. Kam mbajtur pothuajse të gjitha postet në administratë, në qeveri, në Kuvend. Po të kesh qoftë edhe një fakt me abuzime me pushtetin urdhëro bujrum. Unë thash interceptime nuk thash prezencë fizike. Po më shpjegove ti Ulsi si i trefishove votat pasi tu këput zinxhiri i brekëveunë i tërheq.”

Sali Berisha: “Ulsi fjalimin ta ka përgatitur Ymer Lala. Ulsi pse ta ka përgatitur fjalimin Ymeri? Sepse ai të kapi nga zverku dhe të nxorri jashtë nga gara elektorale e PS në Dibër. Edhe ato interceptime që mund të jenë për ty janë interceptime të skllavit sepse jo të gjithë ju jeni shtylla krimi. Disa jeni bosë të krimit, të tjerë jeni skllavë të krimit.”

Edmond Spaho: “Në fakt kur kryetari i grupit më të madh të opozitës katandiset dhe përdor fjalët brekë dhe ushkur, ky është fundi i opozitës së vendit. Zoti Berisha, unë mund të të ngjaj me këdo, por ta kam thënë dhe do të ta them prap se në xhaketën e Ulsi Manjës nuk ka patur as nuk do të ketë njolla gjaku shqiptarësh të këtij vendi.”/abcnews.al

MBULIM-MANJA-CYRBJA-PER-BASHEN.mpg_snapshot_00.09-1280x636.jpg
G. P.17:20 | 23/10/2018

Menjëherë pas deklaratave për përfshirje të tyre në çështjen e parave të gjetura në dy makinat Toytoa Jaris, deputetët Ulsi Manja dhe Jurgis Çyrbja kanë reaguar përmes rrjetit social facebook.
Kreu i komisionit të ligjeve Ulsi Manja ka njoftuar kënaqësinë për t’iu bashkuar numrit dy të socialistëve Taulant Balla, në gjyqin për shpifje me kreun e opozitës Basha.

Shpifje e ka quajtur deklaratën e Lulzim Bashës edhe deputeti tjetër socialsit Jurgis Çyrbja, i cili duke deklaruar se nuk ka arsye të durojë baltën hedhur në drejtim të tij, konfirmon se edhe ai do të bëjë padi për shpifje, duke e sfiduar kreun e opozitës në përballje me të dhe kolegët e tij në gjykatë, me prova dhe fakte, për çdo akuzë të hedhur ndaj tij./abcnews.al

kuvendi.jpg
G. P.13:46 | 29/08/2018

Pushimet e kryetarit të Partisë Demokratike nuk kaluan pa u vënë re nga socialistët, por ajo që i ka prekur më shumë është deklarata e kreut demokrat ndaj audiopërgjimit të publikuar.

“Ai doli për t’i bërë jehonë një kasete edhe më qësharake se ajo e Babales, ku kishte të paktën një skenar. Qesharak, qesharak, por skenar ishte ama”, u shpreh Manja.

Deputeti socialist doli para mediave të sqarojë gjithashtu se audiopërgjimi nuk është gjë tjetër veçse një një bisedë mes miqsh.

“Dy miq Denar Biba dhe Ledio Bianku flasin me njëri-tjetrin në një kafe në vitin 2014 dhe na del një përgjim me fjali të shkëputura e të lidhura për shtatë palë qejfe prej më x sekondash ku u bënka fjalë për një shantazh të narkoshtetit ndaj Gjykatës së Strasburgut. Hajde shantazh hajde”, tha Manja.

I shantazhuari Ledi Bianko nuk ka asgjë në dorë në Strasburg lidhur me çështjen e pronave pretendon Partia Socialiste. Madje edhe vizita e delegacionit shqiptar në vitin 2014 ishte mëse i justifikuar sipas Ulsi Manjës.

“Pra delegacioni shqiptar vajti në 2014-n në Strasburg për një ligj të Shqipërisënë lidhje me trajtimin e çështjes së pronave dhe që më pas u iratua në vitin 2015. Atëherë ç’na qenka ky shantazh që na paska bërë Denar Biba në Strasburg ku tema e punës së atij delegacioni dhe e vetmja punë midis dy miqve në kafe ishte ligji i miratuar në Kuvend, që si çdo ligj për pronën merret në shqyrtim në një strukturë të caktuar brenda Gjykatës së Strasburgut”, tha Manja.

Qeveria e PD-së nuk bëri asnjë hap për rekomandimet e Gjykatës së Strasburgut. Madje nuk ka dhënë llogari për katrahurën me pronat në Shqipëri deklaron deputeti socialist, i cili e mbyll deklaratën e tij me realitetin që duhet të pranojnë.

“S’ke çi bën. Ky taksirat na ka zënë si mazhorancë qysh ditën ku Lulzim Basha në krye të opozitës mori si zanat të ri atë të specialistit të audio përgjimeve”, përfundoi deklaratën deputeti i PS-së./abcnews.al

ulsi-manja.jpg
G. P.14:30 | 24/07/2018

I ftuar në studion e ABC News kreu i komisionit të Ligjeve, Ulsi Manja, përsëriti ftesën ndaj opozitës për votimin e porpozimeve për ndryshimin e ligjit të magjsitratëve. Në të kundërt ata që do penalizohen janë studentët e rinj, thekson Manja, duke mohuar çdo mundësi diskutimi për zgjidhjen me dakordësi të këtij problem të krijuar nga ngërçi ku është futur reforma në drejtësi.

“Është një riskedulim afatesh të përcaktuara në ligj”.

Kështu e thjeshton kreu i komisionit të ligjeve Ulsi Manja shpjegimin e propozimit për ndryshimin e ligjit për statusin e gjyqtarëve dhe prokuorëve në nenet që prekin emërimet dhe caktimet e magjsitratëve të sapo diplomuar.

Bëhet fjalë për dispozitat kalimtare të ligjit, parashikimi i të cilave, në pritje të organeve të reja të drejtësisë, ka skaduar duke futur në lojë nenin që përcaktimin e kuotave të Shkollës së Magjistraturës ia ngarkon pikërisht Këshillit të Lartë të Gjyqësorit dhe atij të Prokurorisë.

“Ne nuk e kemi krijuar ende KLGJ dhe KLP që bën edhe emërimin dhe përcakton kuotat”.

Këtu lind edhe problemi. Për opozitën, që refuzon votimin e propozimit socialist për zgjidhjen e situatës, përcaktimi me ligj i kuotave për magjsitratë, si dhe rikthimi pa afat i tagrit emërues dhe caktues në duart e Këshillit të Lartë të Drejtësisë dhe Prokurorit të Përgjithshëm, sot i përkohshëm, për ta është minimalisht kthim mbrapa. Në retorikë, kjo nuk kënaq as të parin e ligjeve në parlament edhe pse fton opozitën ta votojë.

“Edhe unë nuk jam shumë i lumtur ti emëroj KLD ekzistuese apo prokurori i përgjithshëm, por ka ndryshuar mekanizmi i emërimit. Sot magjistratët në tre preferenca zgjedhin një dhe KLD është e detyruar t’i emërojë”.

Një zgjidhje për këtë pakënaqësi, ia parashtroi në komisionin e ligjeve përfaqësuesja e EURALIUS Agnes Bernhard kur propozoi ndarjen e nenit 160 në dy pjesë, në mënyrë që organet e vejtra të drejtësisë të mund vetëm të emërojnë dhe jo të caktojnë në pozicione magjistratët e rinj. Por porpozimi i misionit EURALIUS mbeti vetëm në tavolinë dhe ligji kaloi në komision vetëm me votat e mazhorancës, të pamjaftueshme tashmë për ta miratuar në parlament. Për Ulsi Manjën ky është taksirati i magjistratëve të rinj.

“Do presim, do humbet një vit i studentëve dhe do presim KLGJ dhe KLP për të përcaktuar kuotat. Taksirati i magjistratëve”.

Nuk dihet sa kohë do duhet për ngritjen e këtyre organeve, të cilat sipas Kushtetutës janë krijuar prej 1 viti e gjysmë. Ajo që dihet është se mungon vullneti politik për rregullimin e këtij afati të shkelur kushtetues, si dhe për mundësinë e një zgjidhje të përbashkët në tryezë, sa kohë opozita parashtron kushtet e saj të cilat mazhoranca i konsideron joserioze./abcnews.al

luani.jpg
G. P.13:23 | 23/07/2018

Lëvizja Socialiste për Integrim përmes nënkryetarit Luan Rama kërkoi dialog mes aktorëve parlamentarë për t’i dhënë zgjidhje reformës në drejtësi, duke propozuar një tryezë tre palëshe. Pas tij ka reaguar kryetari i Komisionit të Ligjeve, Ulsi Manja i cili ka deklaruar se “nuk ka kthim prapa” dhe opozita ta harrojë çdo propozim që zhbën Vettingun.

“Kuvendi nuk duhet të fillojë pushimet sot, por Kuvendi duhet të punojë non-stop, derisa të zgjidhë problemet që vetë i ka krijuar. Dhe kur them Kuvendi, përgjegjësia bie e gjitha mbi mazhorancën, e cila ka pasur gjithë kohën e nevojshme që prej miratimit të ndyshimeve kushtetuese të mos lejonte thellimin e kësaj situate që edhe njëherë e theksoj skandaloze. Sepse në momentin kur nuk ekzoston Gjykata Kushtetuese, Kuvendi, qeveria dhe të gjitha institucionet e tjera duhet të pushojnë funksionimin e tyre sepse kjo gjykatë është garanti dhe kontrolluesi i veprimtarisë të këtyre institucioneve të tjera”, tha Rama.

“Kushtetuta nuk ka dhënë recetë për kapsllëkun politik që ka opozita sepse opozita tani thotë, Reorma në drejtësi nka dështuar dhe hajde të kthehemi në konsensusin e Korrikut të vitit 2016”, tha Manja./abcnews.al

MANJA-HYSI-1280x720.jpg
ent ela17:56 | 14/05/2018

Kreu i komisionit të ligjeve Ulsi Manja dhe Vasilika Hysi në një konferencë për mediat dhanë shpjegime lidhur me kodin e procedurës penale, për të cilin opozita akuzon sot Ministrin e Brendshëm Xhafaj, dje në krye të komisionit të ligjeve se ka falsifikuar nenin përgjegjës për ekstradimet në mënyrë që t’i vijë në ndihmë të vëllait të dënuar për trafik narkotikësh në Itali. 

Kreu i komisionit të ligjeve, Ulsi Manja dhe Vasilika Hysi, propozuesja fillestare e ndryshimeve në Kodin e Procedurës Penale, sot arena e përplasjes më të ashpër mazhorancë – opozitë, dolën me qëllim informimin e publikut. Neni përgjegjës për ekstradimin e të dënuarve, sipas opozitës i falsifikuar nga Fatmir Xhafaj me qëllim mbrojtjen e të vëllait të dënuar më 7 vjet burg nga gjykata italiane…

“Është e asistuar nga grupi i ekspertëve dhe sekrtetariati teknik. Ky draft dhe neni 491 gërma F) ka qenë i reflektuar që në datën 12 mars, një ditë përpara se të merrej në shqyrtim në parim nga komisioni”.

Një kërkim në faqen e Kuvendit të Shqipërisë tregon se propozimet e depozituara më 28 dhjetor 2016, në relacionin që e firmosur nga Vasilika Hysi, argumenton për nenin 491 një përmbajtje të ndryshme nga ajo sot e miratuar. Por sipas vetë propozueses.

“Projektligji im nuk reflektonte mjaftueshem konventën ndaj në raportin analitik por edhe opinionet me shkrim të OPDAT dhe prokurorisë së përgjithshme është kërkuar që neni 491 të rishikohet”.

Ky rishikim, i miratuar me 88 vota parlamentare dhe i pretenduar nga opozita si falsifikim i dokumentit zyrtar përmes dërgimit në seancë plenare të një drafti të ndryshëm nga ai i punuar në komision; nisur nga procesverbalet mbledhjeve të komisionit më datë 13, 20 dhe 21 mars, rezluton se është ndryshuar dhe dakordësuar gjatë debatit të grupit të punës, shpjegim të cilin vetë zoti Xhafaj e ka dhënë gjatë mbledhjes së datës 20 mars.

“Që të mos çuditeni ju të medias, me gjithë respektin që kam për ju, këto nene janë debatuar, janë diskutuar nga ekspertë disa herë jashtë këtyre tavolinave, së bashku me relatorët për t’i dhënë mundësi komisionit për të ecur sot shpejt”.

I miratuar në parim më 13 mars dhe më pas nen për nen gjatë dy mbledhjeve të 20 dhe 21 marsit, pr.ligji që ndryshoi nenin 491 i Kodit të Procedurës Penale nuk është diskutuar në asnjë moment.

Ky përmirësim, i pretenduar nga zonja Hysi dhe i reflektuar prej datës 13 mars sipas zotit Manja, zyrtarisht shfaqet për herë të parë i reflektuar në raportin e Komisionit të Ligjeve, faqja 124 e tij. Ky raport, i ndërtuar bazuar në tre mbledhjet e komisionit, në faqen 32 të tij, lidhur me marrëdhëniet juridiksionale me jashtë, sqaron se projektligji rregullimet i bën sipas variantit të propozuar nga Vasilika Hysi, jo atë të ndryshuar të gjendur 92 faqe më poshtë, i cili edhe u miratua në seancën plenare./abcnews.al

erion-brace.jpg
G. P.15:10 | 03/05/2018

Deputetët e mazhorancës, tashmë ish-kolegë të ish-ministrit të brendshëm Saimir Tahiri pas dorëheqjes së këtij të fundit nga posti i deputetit të pyetur nga ABC Neës e kanë komentuar zgjedhjen e tij si një vendim personal. Disa prej tyre e shohin këtë dorëheqje si besim të ish-deputetit Tahiri ndaj drejtësisë dhe shenjë se ai nuk dëshiron të bëhet pengesë për të por edhe për rrugën e vendit drejt BE-së.

“Po pres të dorëhiqet Lulzim Basha, Sali Berisha dhe e gjithë banda, që me thënë të drejtën kanë kryer krime të përbindshme në këtë vend”, tha Erion Braçe.

“Dorëheqja është akt individual”, u shpreh Ulsi Manja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono