UKT

48427383_1022280567973066_5785388692231159808_n-1280x849.jpg
ent ela10:43 | 26/12/2018

Përveç investimeve për përmirësimin e rrjetit të ujit të pijshëm, kësaj here UKT ka investuar në rrjetin e ri të kanalizimeve në rrugën “Kongresi i Manastirit”, duke i dhënë fund problemeve të banorëve të kësaj zone.

Ndërmarrja e UKT ka ndërmarrë një sërë investimesh në rrjetin e ujit të pijshëm dhe kanalizimeve, duke shtuar sasinë dhe cilësinë e ujit të pijshëm, si dhe duke shmangur përmbytjet në periudhën e reshjeve.

 

KRONIKE-VELIAJ-UKT-LINJA-E-RE.mpg_snapshot_01.29-1280x720.jpg
ad min13:56 | 18/08/2018

Kryetari i Bashkisë Tiranë Erjon veliaj dhe ai i ujësjellës Kanalizimeve, Redi Molla, kanë inspektuar punimet e nisura për zëvendësimin e rrjetit të ujit për njësinë 7 në Rrugën e Kavajës. Sipas Veliajt, kjo do të përmirsojë shpërbdarjen dhe cilësinë e ujit, si dhe do të rrisë presionin për katet e sipërme të pallateve.

Bashkia e Tiranës dhe UKT ka nisur shtrimin e një linje të re përgjatë Rrugës së “Kavajës”, ç’ka pritet të sjellë një shpërndarje më të mirë në rrjetin e ujësjellësit, si dhe ujë më cilësor për banorët e kësaj njësie. Kryebashkiaku Erion Veliaj gjatë inspektimit e quajti investimin si shpërblim për një nga lagjet më korrekte në pagesën e ujit.

“E gjithë zona e Njësisë 7 ka rreth 28 mijë banorë, të cilët përfitojnë nga ky rrjet i ri ujësjellësi. Është një nga njësitë model dhe më shembullore me mbi 95% në pagesat e ujit, do të thotë që do të marrin mbi 95% të investimeve të zonës. Besoj se shpërblimi me punë i atyre që janë të rregullt ne pagimin e këtij malli të çmuar, si uji, është jashtëzakonisht i rëndësishëm dhe është fabula e bashkisë sonë”.

Rrjeti i ri zëvendëson rrjetin e vjetër, duke mundësuar ujë në mënyrë të rrjedhshme edhe për katet më të larta të pallateve, si shpjegon dhe kreu i Ujëzjellës kanalizimeve, Redi Molla.

“Është zëvendësimi i tubit të gizës që rrit presionin, nga 1.5 e çon në çdo kat, pra presioni i ujit mund të arrijë deri në kat të pestë apo të gjashtë të çdo pallati të vjetër, pa sistemin e pompimit. Përveç kësaj eliminon edhe të gjitha humbjet e tubit të gizës të amortizuar që është shtruar në vitin ’63, eliminon ndotjet që është një ndër gjërat më të rëndësishme”.

Veliaj thkesoi se puna do të vazhdojë edhe me dy projekte madhore, pjesë e marrëveshjes me BERZH dhe nga të cilat pritet të rritet kapaciteti filtrues në Bovillë dhe do të shtrihet linja e re për zonën e Astirit./abcnews.al

vlcsnap-error506-1280x720.jpg
ent ela11:14 | 10/02/2018

Aksioni për lidhjet e paligjshme të ujit ka nisur prej 1 jave me një bilanc prej 164 subjektesh të kontrolluara dhe lidhjen e kontratave të kanalizimeve për 50 lavazhe.

Këto të fundit ujin e marrin nëpërmjet puseve por nuk kanë kontratë .

8 grupe ne terren do të zbatojnë aksionin për ujin të mbështetur nga forcat e rendit.  Në të gjithë bashkinë e Fierit janë bërë 850 vetëdeklarime nga bizneset gjatë muajit janar./abcnews.al

 

arbjan-mazniku-1280x720.jpg
ad min18:04 | 07/02/2018

Kush ka një lidhje të paligjshme uji ta formalizojë brenda 28 Shkurtit. Apeli për konsumatorët familjarë vjen nga nënkryetari i Bashkisë së Tiranës, Arbjan Mazniku. Aktualisht grupet e task-forcës po verifikojnë bizneset, 8 përfaqësuses të të cilëve janë shoqëruar në polici për lidhje të paligjshme të ujit.

280 biznese të kontrolluara dhe 8 përfaqësues të tyre të shoqeruar në polici. Ky është bilanci i javës së parë të aksionit për ndërprerjen e lidhjeve të paligjshme të ujit të pijshëm në Tiranë.

Rreth 15 grupe Task-Forcë, me ndihmën e Policisë së Shtetit, Policisë Bashkiake dhe stafit teknik të ndërmarrjes së Ujësjellës-Kanalizimeve po vijojnë verifikimin në terren.
Aksioni pranë zonës së “21 Dhjetorit” dhe “Zogu të Zi”, u ndoq nga nënkryetari i Bashkisë së Tiranës, Arbjan Mazniku, dhe Drejtori i Përgjithshëm i UKT-së, Redi Molla.

“Vazhdon në mënyrë intensive kontrolli në të gjitha bizneset e qytetit të Tiranës, të cilët shërbehen nga UKT, për lidhje të paligjshme të ujit. Sot jemi duke funksionuar me më shumë se 15 grupe pune, të cilat njëkohësisht në disa zona të qytetit po kontrollojnë bizneset, në bashkëpunim të ngushtë me Policinë e Shtetit, Policinë Bashkiake, Tatimet Qendrore dhe Tatimet e Bashkisë, në mënyrë që çdo biznes që ka një lidhje uji, ta ketë atë me kontratë të ligjshme, funksionale dhe sipas rregullave”.

Nënkryetari i Bashkisë i bëri thirrje konsumatorëve familjarë të përfitojnë nga koha e lënë në dispozicion. Të lidhin kontrata të rregullta dhe të nënshkruajnë akt-marrëveshjet për pagesat e prapambetura deri më 28 Shkurt.

“Përfitoj nga rasti për t’u thënë të gjithë qytetarëve të Tiranës, që nëse kanë një lidhje të paligjshme të vijnë ta fomalizojnë, të marrin një kontratë me UKT-në në mënyrë që të mos penalizohen. Të kenë mundësi që në qoftë se kanë pagesa të prapambetura të bëjnë sërish një marrëveshje me UKT-n për t’i bërë këto pagesa me këste për një periudhë të gjatë”.

Mazniku theksoi se UKT është e vendosur që të përfundojë me inspektimin e gjithë bizneseve dhe nga 1 Marsi të vijojnë verifikimet edhe te konsumatorët familjarë./abcnews.al

Veliaj-inspekton-dhomen-e-serverave-ne-UKT-4-1280x854.jpg
ent ela13:25 | 01/02/2018

Qytetarët e Tiranës do ta kenë më të lehtë pagesën e faturës së ujit në të gjitha bankat dhe agjencitë alternative të pagesave, përmes një procesi transparent në faturim, leximin e matësit përmes fotografisë dhe ndërveprimit të menjëhershëm me sistemin. Kjo risi në kompaninë e Ujësjellës-Kanalizimeve vjen si një lehtësim për shërbimin ndaj qytetarëve.

Kreu i Bashkisë së Tiranës Erion Veliaj, i shoqëruar nga Përfaqësuesja e USAID në Shqipëri, Catherine Johnson, mori pjesë në përurimin e Dhomës së Serverave të UKT dhe softuerit të ri, i cili do të sjellë përmirësim në monitorimin e të gjitha depove kryesore, sistemin Scada dhe menaxhimin e impiantit të Bovillës.

“Kemi bashkuar energjitë dhe financat tona, për t’i siguruar UKT dhomën më të sofistikuar të serverëve. Ky është një investim afatgjatë, për t’u siguruar që jo vetëm rrjeti i ujit zhvillohet, por edhe rrjeti i teknologjisë, i informacionit dhe i gjithë databazës sonë dhe gjithashtu mban hapin e investimeve në Ujësjellës. Më vjen mirë që falë ndihmës shumë bujare të USAID-it, kemi investuar rreth 1 milionë dollarë për këtë dhomë serverash, duke kthyer ujësjellësin e Tiranës nga epoka e letrës së bakallit, në një sistem të sofistikuar që mbledh jo vetëm faturat e ujit, por edhe taksat e Bashkisë”, tha Veliaj.

Ai vlerësoi vendimin e qeverisë për të zgjatur edhe me një muaj afatin e vetëdisiplinimit të konsumatorëve familjarë, duke u dhënë atyre më shumë kohë në dispozicion për të përfituar nga mundësia e rivendosjes vullnetare në kushtet e ligjshmërisë. “Besoj se vendimi i kryeministrit ishte një vendim i drejtë, për t’u dhënë të gjithë qytetarëve të Shqipërisë edhe një muaj kohë, pra edhe muajin shkurt, për të pasur mundësi që të lidhin sahatin, të lidhin kontratën me Ujësjellësin. Duhet të pranojmë që uji është pronë, pasuri e përbashkët e të gjithëve. Askush nuk mund ta vjedhë, ta shpërdorojë, sepse praktikisht po ia heq këtë mundësi dikujt tjetër që e paguan. Ndaj, dua të ftoj të gjithë qytetarët të shfrytëzojnë hapësirën e shkurtit që ofroi kryeministri, për të nxituar, duke shkurtuar radhët dhe duke përdorur të katër këto javë për të mbyllur kontratat e reja”, u shpreh ai.

Kryebashkiaku u shpreh besimplotë se edhe ajo pakicë që deri më tani nuk ka lidhur një kontratë të rregullt me UKT dhe i është shmangur pagesave, do t’i përgjigjet thirrjes për rikthimin e ligjshmërisë në konsumin e ujit të pijshëm. “Kush ka vendosur të jetojë në Tiranë, ka pranuar se këtu i respektojmë rregullat, kontratat shtetërore. Në Tiranë, nuk do të vjedhim pronën publike dhe ashtu si mbi 90% e popullsisë së Tiranës, e cila i paguan të gjitha faturat e detyrimet, besoj se edhe ai 10% që ka mbetur, në vend që të penalizohet, do të ofrohet vetë vullnetarisht”, deklaroi Veliaj.

Ai e cilësoi të shkëlqyer situatën e menaxhimit të ujësjellës kanalizimeve krahasuar me 3 vite më parë, ndërkohë që shumë shpejt pritet që të lidhet edhe marrëveshja e kredisë me BERZH-in, që do t’i hapë rrugë investimeve të rëndësishme në gjithë rrjetin e ujësjellës kanalizimeve në kryeqytet. “Ne, bashkë me USAID dhe BERZH, me të cilin presim të lidhim një marrëveshje kredie për investimet, do bëjmë maksimumin që cilësia e shërbimit dhe profesionalizmi i kompanisë sonë, të jetë në nivelin më të lartë dhe presim që edhe qytetarët ta mbështesin këtë nismë. Kur secili respekton pronën publike, asetet tona të përbashkëta, mund të kemi një qytet që funksionon për të gjithë. Bizneset, grosistët e ujit që prodhojnë pije freskuese, duhet të jenë të parët dhe pastaj sigurisht deri tek familjari i fundit”, tha Veliaj, ndërsa theksoi se ambicia është furnizimi me ujë të pijshëm 24 orë në ditë, brenda 5 viteve i qytetarëve dhe ofrimi i një shërbimi profesional ndaj tyre.

“Më vjen mirë që këtë vit do të kemi investime madhore, sidomos në zonën e Astirit, në Unazën e Re, ku patëm edhe krizën prej thatësirës, dhe pas atyre investimeve, do të vazhdojmë në nivel kapilar, për të mbajtur premtimin tonë, që brenda 5 viteve, të kemi një Tiranë me 24 orë ujë të pijshëm, jo me fjalë, por me investime. Sot, ky është një hap i parë, por jo i fundit, për të modernizuar totalisht ndërmarrjen tonë”, tha Veliaj.

Përfaqësuesja e USAID-it, Catherine Johnson, deklaroi se një nga gjërat që japin shpresë për Shqipërinë janë reformat që po ndërmerren dhe se njerëzit po i mirëpresin ato. “Jam shumë e kënaqur të shikoj punën e mrekullueshme që po vazhdon këtu dhe bashkëpunimin fantastik midis USAID-it dhe qytetit të Tiranës. Një nga gjërat që vazhdon të na japë vërtet shpresë për Shqipërinë janë reformat e mrekullueshme që janë në proces dhe se si vetë njerëzit po i mirëpresin këto reforma dhe se si njerëzit e shikojnë se sa emocionuese është të jesh në vendin tuaj gjatë kësaj kohe. Kjo lloj mbështetje, këto lloj reformash janë ekzaktësisht ato që duhen për të siguruar se e ardhmja e shqiptarëve është e sigurt”, nënvizoi Johnson.

Falë këtij projekti që është mbështetur edhe nga USAID-i, synohet përmirësimi i mbledhjes dhe i ruajtjes së të dhënave dhe i faturimit të konsumatorëve. Më parë sistemi i faturimit përpunohej nga një aplikacion me programim të vjetëruar, i cili ishte i paharmonizuar dhe krijonte vështirësi për njehsimin e të dhënave dhe shërbimeve të tjera./abcnews.al

vlcsnap-error319-1-1280x720.jpg
ad min16:25 | 28/01/2018

31 Janari është afati i fundit i lidhjes së kontratave me ujësjellës kanalizimet Tiranë. Paralajmërimi ka ardhur nga ky institucion . Për të gjithë ata që nuk formalizohen do të penalizohen me ndërprerjen e furnizimit me ujë.

Data 31 janar është në prag dhe duket se qytetarëve të Tiranës u drejtohet thirja e fundit nga Ujësjellës Kanalizimet Tiranë:

“Ju bëjmë thirrje të gjithë qytetarëve të cilët nuk kanë formalizuar ende lidhjen e tyre me UKT, të paraqiten pranë pikave të kujdesit ndaj klientit për të lidhur një kontratë me ujësjellësin apo për të shlyer debitë e akumuluara. Ndaj, kush ende nuk ka bërë lidhjen e ligjshme me ujësjellësin, të nxitojë deri më 31 Janar”.

Aksioni kundër lidhjeve të paligjshme dhe shpërdorimit të ujit ka nisur në Korrik të vitit 2017. Për të treguar sa i rëndësishëm është, Kryeministri Edi Rama paralajmëroi në Tetor të vitit të kaluar se kjo reformë do të jetë njësoj si me energjinë elektrike. Por ndryshe nga sa ishte vepruar me energjinë, qytetarëve do t’u lihet një afat kohor disa mujor për të rregulluar vetë lidhjet e paligjshme të ujit dhe në vitin 2018 do të niste penalizimi për këdo që e vjedh. Kjo do të thotë se për të gjithë ata që nuk i përgjigjen thirrjes së fundit të ujësjellës kanalizimeve Tiranë nuk do të mund të furnizohen më me ujë./abcnews.al

vlcsnap-error401-1280x720.jpg
ad min17:13 | 17/01/2018

13 ditë para aplikimit të masave ndëshkuese për konsumatorët që nuk i kanë formalizuar marrëdhëniet me ndërmarrjen e ujësjellësit në Tiranë familjarët kanë nxituar të ndërrojnë ujëmatësat me probleme. Ndërkohë për shlyerjen e detyrimeve të prapambetura, UKT po aplikon skema lehtësuese.

Brenda pesë vitesh nga koha e instalimit çdo ujëmates verifikohet për kushtet e tij teknike dhe diçka e tillë po ndodh edhe në Tiranë. Në rast se ai shfaq probleme zëvendësohet me ose pa vullnetin e konsumatorëve.

Evis Gjebrea, nëndrejtoreshë e UKT: “Ujësjellësi bashkëpunon me kompaninë që është e licensuar nga qeveria për të kolauduar ujëmatësin. Dhe në rast se nga ky kolaudim, ujëmatësi është brenda kushteve teknike, sigurisht që ujëmatësi do vazhdojë të jetë i instaluar por në rast se ai del jashtë kushteve teknike jemi të detyruar ligjërisht që ky ujëmatës të zëvendësohet”.

Megjthëkëtë pas 1 Shkurtit për këdo që nuk i ka formalizuar marrëdhëniet e tij me ndërmarrjen e ujësjelles–kanalizimeve nisin ndëshkimet dhe shumë familje në Tiranë nuk kanë pritur që grupet e punës t’i trokasin në derë.
Ky ujëmatës po ndërrohet me kërkesë të familjarëve të cilët në rast se konstatojnë një problem kanë dy mundësi:

Evis Gjebrea: “Qytetari mund të blejë vetë ujëmatësin, por për këtë, ai duhet të njoftojë shoqërinë e ujësjellës-kanalizimeve dhe janë ujëmatësa që kanë mbishkrimin CE, në përputhje me standardet europiane. Qytetari ia delegon këtë të drejtë ujësjellësit, atëherë ujësjellësi e zëvendëson ujëmatësin vetë. Kjo pagesë ngarkohet në faturën mujore, ka një zë që përcaktohet vlera e ujëmatësit dhe kuptohet aty përfshihet jovetëm ujëmatësi, por edhe elemenët shoqërues të ujëmatësit”.

Në një ditë vetem në një njësi administrative në Tiranë, specialistet e UKT na tregojnë se kryejnë rreth 60 zëvendësime të tilla.
Për t’i nxitur qytetarët të shlyejnë para 1 Shkurtit, detyrimet e prapambetura po aplikohen edhe skema lehtësuese.

Evis Gjebrea: “Kësti për t’u shlyer, përveç faturës mujore është dy mijë lekë të reja për qytetarët dhe shtatë mijë lekë për bizneset. Kemi parë një ndryshim edhe të sjelljes së konsumatorëve, qoftë të atyre familjarë dhe biznese përsa i përket lidhjes së këtyre akt marrëveshjeve”.

Ndërkohë që inspektimet për lidhjet e paligjshme janë përqendruar në zonat informale të kryeqytetit. Sipas ndermarrjës së Ujësjellës-Kanalizimeve në Tiranë, që nga Korriku i vitit të shkuar janë ndërprerë rreth 10 mijë lidhje të tilla./abcnews.al

vlcsnap-error066-1280x720.jpg
ad min17:17 | 10/01/2018

Rritja e çmimit të ujit në Tiranë nuk është e bazuar në analizë konkrete. Vlerësimi është i Autoritetit të Konkurencës, i cili përmes një vendimi është shprehur kundër tarifave të reja të Bashkisë së Tiranës.

Autoriteti i Konkurencës kundërshton rritjen e çmimit të ujit për banorët e bizneset në Tiranë pasi vlerëson se tarifat janë të pabazuara në analiza korrekte.
Përmes një vendimi marrë në fund të muajit dhjetor Konkurenca ve në dukje se ndërmarrja e Ujësjellës –Kanalizimeve peshën më të madhe të të ardhurave për kryerjen e investimeve në rrjet e vendos tek rritja e kostos dhe jo tek përmirësimi i menaxhimit.

“Të rishikohen kostot në drejtim të rritjes së performancës së administrimit dhe të rishpërndahen burimet e të ardhurave të kërkuara për investime edhe nga ulja e kostove të operimit dhe mirëmbajtjes pasi sipas vendimit të ardhurat do të vijnë në masën 96% nga rritja e tarifave, dhe vetëm 4% nga rritja e nivelit të faturimit”, thuhet në vendim.

Sipas Autoritetit të Konkurencës rritja e tarifave duhet të jetë graduale dhe në përputhje me kriteret e performacës dhe në mënyrë të veçantë të furnizimit me ujë.

“Aksionarët e UKT për ta bërë tregun sa më efiçent duhet të vlerësojnë mënyrat alternative të financimit të nevojave financiare të UKT nëpërmjet kredive të buta/të lehtësuara ose nëpërmjet obligacioneve të qeverisjes vendore sipas Ligjit nr. 10 158, datë 15.10.2009 “Për obligacionet e shoqërive aksionare dhe qeverisë vendore”, rekomandon Autoriteti i Konkurencës.

Pas këtij vendimi të Autoritetit të Konkurenës ABC News pyeti Bashkinë e Tiranës për qëndrimin që do të mbajë, por nuk mori një përgjigje.
Tarifat e furnizimit me ujë në Tiranë me nisjen e muajit janar janë rritur me 20 lekë për metër kub ose sipas konkurencës me 44% për familjarët, 17% për klientët publik dhe 15% për klientë privat./abcnews.al

vlcsnap-error108-1280x720.jpg
ad min23:26 | 01/12/2017

Ujësjellës-Kanalizime Tiranë sqaron se eshte hapur porta shkarkuese të digës se Bovillës. UKT-ja ka bërë të ditur se niveli i ujit në Liqenin e Bovillës aktualisht është në kuotën 315.9 metra. Ndërkohë që, kuota para fillimit të reshjeve ishte 310 metra. Bashkia e Tiranës sqaron se hapja e digës është një proces normal që kryhet sa herë që niveli i liqenit kalon kuotën maksimale prej 318 metrash. Vendimin për hapjen e digës, sipas autoriteteve lokale, e merr administratori i shoqërisë, i cili paraprakisht ka detyrimin ligjor të njoftojë zyrtarisht Policinë e Shtetit, Kryetarin e Bashkisë së Tiranës, si dhe Kryetarin e Bashkisë së Kamzës. UKT-ja sqaron se deri me tani nuk ka qenë e nevojshme hapja e portës shkarkuese të digës, duke qenë se thatësira e muajve të kaluar kishte ulur ndjeshëm nivelin e liqenit. Për këtë arsye, rritja e kuotës me 6 metra brenda një kohe kaq të shkurtër është brenda nivelit normal të tij. Gjithashtu, UKT njofton se është duke monitoruar situatën e liqenit, si për nivelin e turbullirës ashtu edhe për kuotën, në mënyrë të vazhdueshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono