uji

UJI-TIRANE.mpg_snapshot_00.14-1280x720.jpg
ent ela17:46 | 08/11/2018

Dyfishimi i kapacitetit të filtrimit të ujit në Bovillë dhe një linjë e re në zonën e Yzberishtit, pritet të përmirësojnë furnzimin me ujë në Tiranë. Projektet i bëri të ditura Kryetari i Bashkisë Erion Veliaj.

Dy investime të rëndësishme pritet të përmirësojnë furnizimin me ujë për banorët e Tiranës.  Kryetari i Bashkisë Erion Veliaj tregoi ku po ndërhyhet.

“Së pari, për dyfishimin e të gjithë kapacitetit në zonën e Bovillës, ku kemi shtuar filtrimin, e mandej për të lidhur një linjë direkte në disa nga zonat me banorë të rinj të Tiranës, duke nisur nga Sheshi “Shqiponja”, deri te Fabrika e Mielit, që njihet si zona e Unazës së Re; një zonë e cila në letra ka 7 mijë banorë, por në realitet është 70 mijë banorë”.

Tre dekadat e fundit numri i popullsisë në Tiranë është pesëfishuar rrjedhimisht edhe nevoja për ujë. Kryetari i Bashkisë i bëri thirrje qytetarëve të mos abuzojnë me ujin e pijshëm.

“Kur shoh nëpër qytet sesi burrat, sidomos burrat shqiptarë, qëndrojnë me dorë në zemër në lavazhe, ndërsa presin të lahet makina, e vë në dyshim nëse rrinë me dorë në zemër teksa lahen fëmijët e tyre, me të njëjtën dashuri që presin të lahet makina. Për t’i dhënë më shumë mundësi njeriut, sesa makinave, do të duhet ta disiplinojmë shpërdorimin e ujit. Uji është mall komercial, jo mall politik; shpeshherë në rajonin tonë kjo është ngatërruar. Është trajtuar si një mall politik dhe shumë prej Ujësjellës-Kanalizimeve janë kthyer në ndërmarrje ku “parkohen” militantët, me një eficiencë shumë të ulët pune. Më vjen mirë që kjo ka nisur të ndryshojë”.

Kryebashkiaku Veliaj i bëri këto deklarata në Konferencën Ballkanike për ujin që u zhvillua në Tiranë ku ekspertë dhe politikëbërës nga shumë vende të Europës ndanë përvojat e tyre për zhvillimin e mëtejshëm të këtij sektori në rajonin tonë. /abcnews.al

GJIKNURI-MEMORANDUMI-PER-UJIN.mpg_snapshot_00.02-1280x720.jpg
G. P.11:49 | 08/11/2018

Në kuadër të reformës dhe mirëmenaxhimit të sektorit të ujësjellës-kanalizimeve në Shqipëri dhe Kosovë, ministri Damian Gjiknuri dhe homologët e tij të Kosovës firmosën memorandumin e bashkëpunimit mes dy vendeve për këtë sektor i cili ka mbartur mjaft problematika ndër vite.

Shqipëria dhe Kosova firmosin memorandumin e përbashkët përmes së cilit dy vendet do të shkëmbejnë përvojën e tyre me synim mirëmenaxhimin e sektorit të ujësjellës-kanalizimeve. Marrëveshja u firmos nga ministri i Infrastrukturës dhe Energjisë, Damian Gjiknuri me homologët e palës kosovare gjatë një konference të përbashkët të zhvilluar në Tiranë. Në fjalën e tij ministri Gjiknuri theksoi se duhet të mirëmenaxhojmë sa më mirë sektorin e ujësjellës-kanalizimeve.

Damian Gjiknuri, ministër i Infrastrukturës dhe Energjisë: “Ajo për ç’ka edhe ne kemi rastin të nënshkruajmë një marrëveshjë ka të bëjë me mirëmenaxhimin, që të administrojmë siç duhet ujin dhe të kemi njerëz profesionistë që dijnë të menaxhojnë këtë pasuri kaq të rëndësishme. Ne në Shqipëri kemi filluar një reformë të rëndësishme për sa i përket mirëmenaxhimit të sektorit të ujit të pijshëm. Rezultatet e para kanë qenë të mira. Është rritur arkëtimi më 7 milionë euro më shumë vitin e fundit.”

Sipas ministrit Gjiknuri, në kuadër të reformës së ujit është bërë e mundur që në periudhën 9-Mujore të këtij viti të instalohen 74 mijë matësa dhe janë nënshkruar 37 mijë kontrata të reja. Edhe ministri i Zhvillimit Ekonomik të Kosovës, Valdrin Lluka vuri theksin tek nevoja për rritjen e bashkëpunimit mes dy vendeve dhe shkëmbimin e eksperiencave në menaxhimin e sektorit të ujësjellës-kanalizimeve për të dyja vendet. Shqipëria renditet si vendi i parë në rajon që ka formalizuar programin për trajnimin dhe certifikimin e stafeve të ujësjellës-kanalizimeve në kuadër të reformës së ujit./abcnews.al

ITALI-VIKTIMAT-MBULIM-ABC-M-4-T-2-HD.mpg_snapshot_00.03-1280x771.jpg
G. P.22:34 | 29/10/2018

Të paktën 6 viktima është bilanci i fundit i viktimave të motit të keq që ka përfshirë Italinë, duke shkaktuar frikë, probleme dhe aksidente nga veriu në jug. Mediat italiane bëjnë të ditur se një person konsiderohet i humbur si pasojë e shirave të dendura dhe erërave të forta, që kanë lënë edhe dhjetëra të plagosur, përfshirë anëtarë të ekipeve të shpëtimit.

Sipas burimeve mediatike, erërat kanë arritur deri në 180 kilometra në orë, ndërsa niveli i ujit ka arritur maksimumin në Venecia, deri në 156 centimetra, duke mbuluar 75 për qind të territorit. Probleme janë verifikuar edhe në Romë, ku zonat arkeologjike janë mbyllur për vizitorët, si dhe në Pompei dhe Erkolano në rajonin e Kampanias, ku autoritetet lokale kanë marrë masa të ngjashme. Ndërkohë, trafiku rrugor, përveç përmbytjes së akseve është ngadalësuar edhe sepse degë të shumta peme janë shembur duke bllokuar kalimin./abcnews.al

ALBANA-VOKSHI-KRONIKE.mpg_snapshot_00.40-1280x720.jpg
G. P.13:04 | 01/09/2018

Partia Demokratike ka akuzuar sot kryebashkiakun e Tiranës Erion Veliaj për mungesë të investimeve në rrjetin e furnizimit me ujë të pijshëm në kryeqytet. Përmes një deklarate për mediat, deputetja demokrate Albana Vokshi tha se ndonëse fatura e ujit është rritur, qytetarëve të Tiranës u mungon uji në rubineta.

Deputetja e Partisë Demokratike Albana Vokshi, ka akuzuar kryetarin e Bashkisë së Tiranës Erion Veliaj për keqmanxhimin e situates për furnizimin me ujë të pishëm të banorëve të kryeqytetit gjatë sezonit veror.

Albana Vokshi, deputete e PD: “Të gjithë qytetarët e Tiranës e dinë dhe e ndjejnë se Fatura e ujit të pijshëm po shtrenjtohet çdo vit, që kur qyteti drejtohet nga Erion Veliaj. Por, megjithëse paguajnë shumë herë më shtrenjtë, ujë të rrjedhshëm në rubinet nuk ka”.

Sipas Vokshit, Veliaj ka blerë 5 automjete elektike me paratë e arkëtuara nga ujësjellësit i Tiranës.

“86 tendera nga 260 ose 1 në 3 tendera jepet pa garë. Erion Veliaj ka  blerë këto ditë 5 makina elektrike. Ajo ç’ka bie në sy janë specifikimet e ujësjellësit për aksesorët luksozë të makinave të blera. Që nga pasqyrat me palosje elektrike deri tek sistemi i navigimit. Partia Demokratike disponon të dhëna se vendimi i ujësjellësit të Tiranës për të blerë makina luksoze elektrike është korruptiv dhe për interesa biznesi që lidhen me atë vetë, me miqtë e tij dhe me familjen e kryeministrit.”

Në fund deputja e PD theksoi se numri 1 i bashkisë së Tiranës, nuk e trajton veten njësoj si qytetarët e tjerë, pasi në zonën e tij rezidenciale ka investuar rreth 300 milionë lekë që të mos i mungojë uji në shtëpinë e tij./abcnews.al

vlcsnap-2018-08-22-13h38m20s686-1280x720.png
G. P.14:14 | 22/08/2018

Është një fshat në Divjakë me pamje të shkretuara. Aty banorët jetojnë si në një të kaluar të hershme, pa rrugë e drita, pa ujë e mes ndotjes.

Nëse doni të shihni pamjen e një fshati të pas Luftës së Dytë Botërore vizitoni Sopëzën. Prej 70-vjetësh këtu nuk pati asnjë investim serioz. Zona e cila ndodhet nën administrimin e bashkisë Divjakë, nuk ka alternativa zhvillimi as në 2018-n. Më e dukshme prapambetja shihet në sytë e emigrantëve shqiptare dhe të huaj. Mungesa e rrugëve, dritave, ujit dhe pastërtisë, ka ngjallur reagimin e familjeve të ardhura në fshat, të cilët kërkojnë ndryshimin. Familja Peqi ka dasëm këtë vere, ndaj duke mos gjetur mbështetjen e Bashkisë Divjakë, vendosi të investojë vetë në rrjetin elektrik dhe në ujësjellës.

Alfred Peqi: “Çdo vit që vij janë problemet më të shumtat nga shumë gjëra. Nga uji i pijshëm nga elergjia elektrike e kam marrë me djersën time e me shpenzimet e mia.”

Për grekët e ardhur në Sopez së bashku me miqtë e tyre, një situatë e tillë në vendin helen do të kishte ngritur në këmbë gjithë popullin. Askush nuk mund të mbyllë sytë përpara një situate të tillë ku asgjë nuk lëviz.

Tolias Jorgos: “Problemi më i madh i fshatit këtu është rruga, pastërtia dhë uji. Kaq afër me Greqinë, populli është emigrant në Greqi edhe është gjynah.”

Të rinjtë e mbetur në fshat kërkojnë të largohen. Edhe ata duan të emigrojnë, jo për mungesë të ardhurash, por për shërbimet jetike. Jeta e një të riu, i cili nuk ka ujë në shtëpi për tu larë, drita për të parë dhe rrugë ku të lëvizë makina, është e papërballueshme.

Banori: “Kam gërvishtur dy herë makinën, nuk shkëmbehesh dot. Një shok që erdhi para një jave nga Italia, ishin hapur gropa dhe se dinte, çau gomat e makinës.”

Fshati Sopez aktualisht numëron rreth dy mijë banorë, por gjysma e tyre janë larguar. Fati i njëjtë e pret edhe gjysmën tjetër dhe nëse pushteti vendor nuk reagon së shpejti do të numërohen shtëpite e zbrazura./abcnews.al

LIQENI-I-FIERZES_ABC-M2-T1.mpg_snapshot_00.54-1280x720.jpg
G. P.17:50 | 20/08/2018

Për shkak të mungesës së reshjeve në muajin gusht, niveli i ujit në liqenin e Fierzës është ulur ndjeshëm. Megjithatë, Fierza po punon me kapacitet të plotë.

Ka më shumë pak ujë se në muajin korrik. Rënia e nivelit në liqene po bëhet me ritme të shpejta. Fierza vijon punën me kapacitet të plotë të prodhimit të energjisë elektrike. Edhe me këtë ritëm rëniesh, rezervat ujore mjaftojnë deri në nisje të shtatorit. Reshjet gjatë gushtit nuk kanë munguar, por jo sa për të shtuar prurjet, nivei i të cilave ka rënë në 510 metër kub ujë në sekontë.

Duke menduar vjeshtën me reshje të bollshme, kjo është në një farë mënyre edhe politikë e KESH, për të shmangur ngarkesën dhe shkarkimet gjatë asaj periudhe. Uji ka lënë pas vetes mbetje të shumta, e kryesisht lëndë drusore, të cilën po e shfrytëzojnë më së miri banorët si rezervë dimërore. Parashikimet e motit flasin për një periudhë vape e thatësire në këtë fund gushti, ç’ka do të thotë akoma më pak ujë në ujmbledhësin më të madh në vend, i cili shpeshherë shfrytëzohet edhe për tu freskuar nga qytetarë të shumë e turistë të huaj./abcnews.al

NDOTJA-E-PALZHEVE-DURRES_ABC-M2-T1.mpg_snapshot_00.17-1280x705.jpg
G. P.13:44 | 15/08/2018

Në plazhet e Durrësit nuk gjen asnjë banjo publike. Pushuesit ankohen se për këtë shkak bregdeti është i ndotur. Para viteve ’90, në plazhin e Durrësit ishin në funksion 11 banjo publike.

Megjithësë impianti i ujërave të zeza është është vënë në funksion në plazhet e Durrësit, mungesa e nyjeve hidrosanitare publike bën që ky bregdet të jetë ende i ndotur.Në pikun e sezonit turistik, ku fluksi i pushuesve ka arritur kulmin, frekuentuesit ankohen për mungesën e banjove dhe dusheve publike. Prej vitesh ky shërbim mungon në kete plazh, duke mos marrë zgjidhje as këtë sezon turistik.

Mungesa e tyre detyron që një pjesë e mirë e pushuesve t’i kryejnë nevojat e tyre fiziologjike në det, apo në lokalet buzë Adriatikut. Por përpara thonë pushuesit, duhet të bëhesh klient i tyre, ndryshe nuk i lejojnë.

Pushuesi 1:“Është rrëmujë, njerëzit hyjnë vend pa vend, s’ka as banjo as dushe.”

Pushuesi 2: “Tani sa hyra në det me fëmijët, por është shumë shumë i pisët.”

Pushuesi 3: “Po, kemi probleme sepse nuk ka ujë dhe nuk ka banjo. Problemet janë evidente. Kemi banesën këtu dhe shkojmë në banësë. Në lokale s’na lejohet gjithmonë.”

Pushuesi 4: “Nëpër lokale është zgjidhja e vetme. Duhet të pish kafe ose diçka tjetër ndryshe nuk shkon”.

Para viteve ‘90 në plazhin e Durrësit ishin në funksion 11 banjo publike. Por ky numër u refuzua në vazhdimësi, ndërsa aktualisht ky bregdet nuk disponon asnjë të tillë. Në të tilla kushte, pushuesit janë të detyruar të kujdesen vetë për higjenën e tyre.
Ata duhet të zgjedhin mes dy mundësive.

Ose të shpenzojnë më shumë duke përdorur banjot private të bizneseve që operojnë në plazhin e Durrësit për një ambjent më të paster, ose të perdorin detin, duke e ndotur atë./abcnews.al

GJIKNURI-PER-ENERGJINE-DHE-UJIN-NE-GJIROKASTER-1280x720.jpg
ent ela11:18 | 22/05/2018

Ujë e drita kanë qenë kërkesat kryesore të banorëve të qarkut Gjirokastër prej vitesh. Faza e parë e investimit për ndërtimin dhe rikonstruktionin e rrjetit të ujësjellës kanalizimeve sapo ka përfunduar lajmëroi ministri Damian Gjiknuri.

“Sistemi i depove dhe pompat, një investim i qeverisë shqiptare me KfË gjermane. Faza e parë ka përfunduar dhe shumë shpejt pritet të fillojë edhe faza e dytë për të gjithë Bashkinë e Gjirokastrës. Sot që flasim pjesa më e madhe e qytetit ka një furnizim 24 orë me ujë dhe me përfundimin e fazës së dytë të investimit që nis këtë vit, i gjithë qyteti i Gjirokastrës do të ketë furnizim me ujë për 24 orë. Ky nuk është investimi i vetëm në Qarkun e Gjirokastrës. Qeveria do të fillojë shumë shpejt investimin për rrjetin e shpërndarjes së ujësjellësit në qytetin e Tepelenës, në Memaliaj. Po vazhdon investimi shumë i rëndësishëm në Bashkinë e Përmetit, ai në Këlcyrë dhe investime edhe në Dropull”

Një tjetër investim është ai për fuqizimin e e nënstacionit të ri të Gjirokastrës dhe ndërtimin e fiderave me rrjet 20 KV, 25 kabinave të reja dhe shtrimin e kabllove ABC. Në Përmet dhe Tepelenë gjithashtu ka patur ndëhyrje të rëndësishme në rrjetin elektrik- bëri me dije ministriiI infrastrukturës dhe energjisë.

“Këtu jemi dëshmitarë të vazhdimit të një investimi shumë të rëndësishëm në nënstacionin e Gjirokastrës. Investimet në sektorin elektroenergjetik po vazhdojnë dhe ky është një shembull konkret që janë bërë investime të konsiderueshme për përmirësimin e rrjetit. Nga informacionet e fundit që kam edhe nga administratorët e OSHEE, humbjet në Gjirokastër janë tanimë në nivelet më të ulëta historike, rreth 17%. Kjo ka ardhur kryesisht si rezultatet i mirëmenaxhimit por edhe investimeve të kryera të cilat kanë bërë që të administrohet më mirë energjia e hedhur në rrjet”.

Në fushën e ujësjellës-kanalizimeve, qeveria në 4 vitet e fundit ka investuar ose ka në proces investimi projekte që në vlerën totale arrijnë në 3,3 miliard lekë

Ndërkaq, Operatori i Shpërndarjes së Energjisë Elektrike ka investuar në gjithë Qarkun për ndërtim rrjeti shumën prej 1.1. miliard lekësh në vitet e fundit. /abcnews.al

MOTI-FIER-VLORE-1280x720.jpg
ent ela14:12 | 09/05/2018

Moti me reshje shiu dhe breshëri ka shkaktuar dëme në jug të vendit. Në Fier ka patur dëme për shkak të breshërit, kurse në Vlorë disa banesa u përmbytën.

Stuhia e breshërit, dëme të pallogaritshme në Fier. Me dhjetë minuta breshër dhe parcela të tëra me pemëtari dhe vresht u dëmtuan në fshatrat e Fierit. Në disa vende shkoi deri në 20 cm. Banorët në Cakran thonë se një fatkeqësi të tillë e përjetuan vetëm në vitin 1969.

“Breshëri qe shumë i fortë, i paparë ndonjëherë”.

“Mua më ka bërë dëm rreth 200 fije hardhi, kanë mbaruar fare”.

“Prodhimi iku, s’ka më prodhim”.

“Vajti 40 pont breshër”.

Kurse në Selenicë tetë shtëpi u përmbytën nga reshjet e 24 orëve të fundit. Dalja e përroit nga shtrati bëri që uji të vërshojë brenda tyre. Për disa orë banorët dolën jashtë banesave.

“Jemi mbytur, kemi 5 vjet që po mbytemi vit për vit. Nga bashkia nuk kemi asnjë ndihmë, është një përrua që vjen gjithë kohës dhe mbytemi”.

Ky është viti i pestë që në këtë zonë ndodh e njëjta gjë. Por pavarësisht kësaj, fshatarët nuk kanë gjetur zgjidhje. Për të monitoruar situatën shkoi aty Prefekti i Vlorës, i cili u premtoi një zgjidhje të shpejtë. /abcnews.al

 

 

 

LUSHNJE-UJI-I-PIJSHEM-1280x720.jpg
ent ela13:43 | 08/05/2018

Në bashkinë e Lushnjës shumë biznese nuk kanë dëshirë të lidhin kontratat me Ujësjellësin. Për këtë arsye kryetari Fatos Tushe doli në rrugë dhe u la 48 orë afat.

Kanë dy ditë afat. Brenda kësaj kohe bizneset në Lushnje duhet të lidhin kontratat me ujësjellësin. Kryetari i bashkisë Fatos Tushe la zyrën e tij për t’ua komunikuar njoftimin tregtarëve.

“Të lutem”

“Unë këtu e kam me qira”

“Do vë në dijeni zotërinë e ndërtesës”.

Në Lushnje duket se pavarësisht nga shtyrjet e afateve gjërat nuk po shkojnë mirë. Bizneset nuk po binden. Dy prej tyre u dërguan në Prokurori, por kontratën me ujësjellësin ende nuk e kanë lidhur. Një zyrtar tha se ata hapin puse dhe nuk pranojnë të paguajnë.

“Ne këtë reformë e nisëm fillimisht me institucionet publike duke informuar çdo punonjës vazhduam me bizneset duek u ëlnë 48 orë afat”.

Në Lushnjë 300 biznese kohët e fundit kanë vendosur matësat e ujit. Formalizimi i kontratave të furnizimit me ujë të pijshëm me ndërmarrjen e ujësjellës-kanalizimeve në Lushnje, nisi në një shkurt. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono