uji

LIQENI-I-FIERZES_ABC-M2-T1.mpg_snapshot_00.54-1280x720.jpg
G. P.17:50 | 20/08/2018

Për shkak të mungesës së reshjeve në muajin gusht, niveli i ujit në liqenin e Fierzës është ulur ndjeshëm. Megjithatë, Fierza po punon me kapacitet të plotë.

Ka më shumë pak ujë se në muajin korrik. Rënia e nivelit në liqene po bëhet me ritme të shpejta. Fierza vijon punën me kapacitet të plotë të prodhimit të energjisë elektrike. Edhe me këtë ritëm rëniesh, rezervat ujore mjaftojnë deri në nisje të shtatorit. Reshjet gjatë gushtit nuk kanë munguar, por jo sa për të shtuar prurjet, nivei i të cilave ka rënë në 510 metër kub ujë në sekontë.

Duke menduar vjeshtën me reshje të bollshme, kjo është në një farë mënyre edhe politikë e KESH, për të shmangur ngarkesën dhe shkarkimet gjatë asaj periudhe. Uji ka lënë pas vetes mbetje të shumta, e kryesisht lëndë drusore, të cilën po e shfrytëzojnë më së miri banorët si rezervë dimërore. Parashikimet e motit flasin për një periudhë vape e thatësire në këtë fund gushti, ç’ka do të thotë akoma më pak ujë në ujmbledhësin më të madh në vend, i cili shpeshherë shfrytëzohet edhe për tu freskuar nga qytetarë të shumë e turistë të huaj./abcnews.al

NDOTJA-E-PALZHEVE-DURRES_ABC-M2-T1.mpg_snapshot_00.17-1280x705.jpg
G. P.13:44 | 15/08/2018

Në plazhet e Durrësit nuk gjen asnjë banjo publike. Pushuesit ankohen se për këtë shkak bregdeti është i ndotur. Para viteve ’90, në plazhin e Durrësit ishin në funksion 11 banjo publike.

Megjithësë impianti i ujërave të zeza është është vënë në funksion në plazhet e Durrësit, mungesa e nyjeve hidrosanitare publike bën që ky bregdet të jetë ende i ndotur.Në pikun e sezonit turistik, ku fluksi i pushuesve ka arritur kulmin, frekuentuesit ankohen për mungesën e banjove dhe dusheve publike. Prej vitesh ky shërbim mungon në kete plazh, duke mos marrë zgjidhje as këtë sezon turistik.

Mungesa e tyre detyron që një pjesë e mirë e pushuesve t’i kryejnë nevojat e tyre fiziologjike në det, apo në lokalet buzë Adriatikut. Por përpara thonë pushuesit, duhet të bëhesh klient i tyre, ndryshe nuk i lejojnë.

Pushuesi 1:“Është rrëmujë, njerëzit hyjnë vend pa vend, s’ka as banjo as dushe.”

Pushuesi 2: “Tani sa hyra në det me fëmijët, por është shumë shumë i pisët.”

Pushuesi 3: “Po, kemi probleme sepse nuk ka ujë dhe nuk ka banjo. Problemet janë evidente. Kemi banesën këtu dhe shkojmë në banësë. Në lokale s’na lejohet gjithmonë.”

Pushuesi 4: “Nëpër lokale është zgjidhja e vetme. Duhet të pish kafe ose diçka tjetër ndryshe nuk shkon”.

Para viteve ‘90 në plazhin e Durrësit ishin në funksion 11 banjo publike. Por ky numër u refuzua në vazhdimësi, ndërsa aktualisht ky bregdet nuk disponon asnjë të tillë. Në të tilla kushte, pushuesit janë të detyruar të kujdesen vetë për higjenën e tyre.
Ata duhet të zgjedhin mes dy mundësive.

Ose të shpenzojnë më shumë duke përdorur banjot private të bizneseve që operojnë në plazhin e Durrësit për një ambjent më të paster, ose të perdorin detin, duke e ndotur atë./abcnews.al

GJIKNURI-PER-ENERGJINE-DHE-UJIN-NE-GJIROKASTER-1280x720.jpg
ent ela11:18 | 22/05/2018

Ujë e drita kanë qenë kërkesat kryesore të banorëve të qarkut Gjirokastër prej vitesh. Faza e parë e investimit për ndërtimin dhe rikonstruktionin e rrjetit të ujësjellës kanalizimeve sapo ka përfunduar lajmëroi ministri Damian Gjiknuri.

“Sistemi i depove dhe pompat, një investim i qeverisë shqiptare me KfË gjermane. Faza e parë ka përfunduar dhe shumë shpejt pritet të fillojë edhe faza e dytë për të gjithë Bashkinë e Gjirokastrës. Sot që flasim pjesa më e madhe e qytetit ka një furnizim 24 orë me ujë dhe me përfundimin e fazës së dytë të investimit që nis këtë vit, i gjithë qyteti i Gjirokastrës do të ketë furnizim me ujë për 24 orë. Ky nuk është investimi i vetëm në Qarkun e Gjirokastrës. Qeveria do të fillojë shumë shpejt investimin për rrjetin e shpërndarjes së ujësjellësit në qytetin e Tepelenës, në Memaliaj. Po vazhdon investimi shumë i rëndësishëm në Bashkinë e Përmetit, ai në Këlcyrë dhe investime edhe në Dropull”

Një tjetër investim është ai për fuqizimin e e nënstacionit të ri të Gjirokastrës dhe ndërtimin e fiderave me rrjet 20 KV, 25 kabinave të reja dhe shtrimin e kabllove ABC. Në Përmet dhe Tepelenë gjithashtu ka patur ndëhyrje të rëndësishme në rrjetin elektrik- bëri me dije ministriiI infrastrukturës dhe energjisë.

“Këtu jemi dëshmitarë të vazhdimit të një investimi shumë të rëndësishëm në nënstacionin e Gjirokastrës. Investimet në sektorin elektroenergjetik po vazhdojnë dhe ky është një shembull konkret që janë bërë investime të konsiderueshme për përmirësimin e rrjetit. Nga informacionet e fundit që kam edhe nga administratorët e OSHEE, humbjet në Gjirokastër janë tanimë në nivelet më të ulëta historike, rreth 17%. Kjo ka ardhur kryesisht si rezultatet i mirëmenaxhimit por edhe investimeve të kryera të cilat kanë bërë që të administrohet më mirë energjia e hedhur në rrjet”.

Në fushën e ujësjellës-kanalizimeve, qeveria në 4 vitet e fundit ka investuar ose ka në proces investimi projekte që në vlerën totale arrijnë në 3,3 miliard lekë

Ndërkaq, Operatori i Shpërndarjes së Energjisë Elektrike ka investuar në gjithë Qarkun për ndërtim rrjeti shumën prej 1.1. miliard lekësh në vitet e fundit. /abcnews.al

MOTI-FIER-VLORE-1280x720.jpg
ent ela14:12 | 09/05/2018

Moti me reshje shiu dhe breshëri ka shkaktuar dëme në jug të vendit. Në Fier ka patur dëme për shkak të breshërit, kurse në Vlorë disa banesa u përmbytën.

Stuhia e breshërit, dëme të pallogaritshme në Fier. Me dhjetë minuta breshër dhe parcela të tëra me pemëtari dhe vresht u dëmtuan në fshatrat e Fierit. Në disa vende shkoi deri në 20 cm. Banorët në Cakran thonë se një fatkeqësi të tillë e përjetuan vetëm në vitin 1969.

“Breshëri qe shumë i fortë, i paparë ndonjëherë”.

“Mua më ka bërë dëm rreth 200 fije hardhi, kanë mbaruar fare”.

“Prodhimi iku, s’ka më prodhim”.

“Vajti 40 pont breshër”.

Kurse në Selenicë tetë shtëpi u përmbytën nga reshjet e 24 orëve të fundit. Dalja e përroit nga shtrati bëri që uji të vërshojë brenda tyre. Për disa orë banorët dolën jashtë banesave.

“Jemi mbytur, kemi 5 vjet që po mbytemi vit për vit. Nga bashkia nuk kemi asnjë ndihmë, është një përrua që vjen gjithë kohës dhe mbytemi”.

Ky është viti i pestë që në këtë zonë ndodh e njëjta gjë. Por pavarësisht kësaj, fshatarët nuk kanë gjetur zgjidhje. Për të monitoruar situatën shkoi aty Prefekti i Vlorës, i cili u premtoi një zgjidhje të shpejtë. /abcnews.al

 

 

 

LUSHNJE-UJI-I-PIJSHEM-1280x720.jpg
ent ela13:43 | 08/05/2018

Në bashkinë e Lushnjës shumë biznese nuk kanë dëshirë të lidhin kontratat me Ujësjellësin. Për këtë arsye kryetari Fatos Tushe doli në rrugë dhe u la 48 orë afat.

Kanë dy ditë afat. Brenda kësaj kohe bizneset në Lushnje duhet të lidhin kontratat me ujësjellësin. Kryetari i bashkisë Fatos Tushe la zyrën e tij për t’ua komunikuar njoftimin tregtarëve.

“Të lutem”

“Unë këtu e kam me qira”

“Do vë në dijeni zotërinë e ndërtesës”.

Në Lushnje duket se pavarësisht nga shtyrjet e afateve gjërat nuk po shkojnë mirë. Bizneset nuk po binden. Dy prej tyre u dërguan në Prokurori, por kontratën me ujësjellësin ende nuk e kanë lidhur. Një zyrtar tha se ata hapin puse dhe nuk pranojnë të paguajnë.

“Ne këtë reformë e nisëm fillimisht me institucionet publike duke informuar çdo punonjës vazhduam me bizneset duek u ëlnë 48 orë afat”.

Në Lushnjë 300 biznese kohët e fundit kanë vendosur matësat e ujit. Formalizimi i kontratave të furnizimit me ujë të pijshëm me ndërmarrjen e ujësjellës-kanalizimeve në Lushnje, nisi në një shkurt. /abcnews.al

durres-permbytje-1280x662.jpg
G. P.09:25 | 19/03/2018

 

Durrsakët kishin kohë pa parë një përmbytje të tillë. Reshjet e shiut shkaktuan një situatë shumë të rëndë në çdo rrugë e lagje. Lëvizja e mjeteve është bllokuar për disa orë, kurse uji vazhdon të jetë prezent në pjesën më të madhe të qytetit dhe të periferisë.

Uji mbuloi çdo gjë. Rrugë dhe lagje të pakalueshme. Reshjet e shiut me intisitet të lartë rikthyen përmbytjet në qytetin e Durrësit. Lëvizjen e këmbësorëve dhe qarkullimi i automjeteve u bë i pamundur.

Situata më e rëndë ishte pranë rrotullimit tek stacioni i Trenit, rruga pranë stadiumit, shëtitorja “Taulantia” si dhe në rrugën “Aleksandër Goga”. Këtu uji kaloi lartësinë e trotuarëve, duke u futur deri në katet e para të bizneseve apo banesave.

Edhe nënkalimi si pjesë e projektit “Veliera” u përmbyt. Një automjet i repartit të zjarrfikëses po punon për largimin e ujit.

Prezencë të ujit ka dhe në zonat periferike, tradicionalisht të përmbytura sa herë që ka reshje intensive, siç është ish-Këneta, Spitallë dhe në zonën e plazhit.

Reshjet intensive të shiut rikthyen rrëshqitjet edhe në kodër Currila. Masive dheu u shkëputën, duke përfunduar në rrugën që lidh shëtitoren me Currilat. Lëvizja e mjeteve u bllokua dhe në funksion ishte vetëm një krah i saj.

Grupe pune të shtabit të emergjencave ndodhen në terren. Por ndërhyrjet nga ana e tyre nuk kanë dhënë ndonjë rezultat, pasi uji në Durrës do duhet kohë të ikë./abcnews.al

fier-2-1280x656.jpg
G. P.14:36 | 18/03/2018

Në Fier ka nisur aksioni për konsumatorët familjarë të ujit të pijshëm. Sipas të dhënave zyrtare, bëhet fjalë për tre mijë abonente që nuk kanë shlyer ujin dhe që do u ndërpritet furnizimi me ujë të pijshëm.

Debitorë indiferentë edhe kur u pritet uji. Por dyert e mbyllura ndaj inspektorëve nuk i pengojnë këta të fundit të presin tubacionet e ujit.
Këto janë pamje në brendësi të lagjeve të Fierit, aty ku sapo filloi aksioni i ujësjellësit për abonentët familjarë.

Inskeptorët verifikojnë e më pas bëjnë prerjen e ujit për ata që nuk e pagujnë atë. Numri i abonentëve familjarë në borxh me shtetin shkon në mbi 3000, kurse përfituesit pa kontratë mendohet të jenë të paktën 10 mijë.

Endri Gjikondi: “Ne u bëjmë thirrje të gjithë abonentëve të vijnë të paraqiten pranë nesh për të përfituar lehtësira për pagesën me këste të detyrimit të prapambetur, ose për të bërë një rakordim me ne për vlerën e debisë që kanë ndër vite.”

Në dy javët e para të muajit Mars është prerë uji për mbi 130 abonentë familjarë dhe biznes. Nga ky i fundit janë verifikuar 3200 subjekte debitore.

Aksioni për familjarët nisi të enjten dhe do të vazhdojë deri në verifkikimin e të gjithë debitorëve. I shtrirë në të gjithë vendin synon të disiplinojë dhe shlyejë borxhet, që abonentët i kanë ujësjellësave.

Në Fier, borxhlinj janë edhe bizneset VIP siç është rasti i rafinerisë së naftës, që ka miliona lekë pa paguar për ujjn që përdor në proceset e përpunimit të naftës./abcnews.al

zona-e-nenshkodresd-1280x660.jpg
G. P.10:29 | 18/03/2018

Në Shkodër nuk ka përmirësim dhe pse po bëhen afro tre javë nga dita, kur nisi përmbytja. Harta është zgjeruar dhe shumë shtëpi vazhdojnë të jenë të rrethuar nga uji.

Përkeqësohet situata e përmbytjeve në Nënshkodër. Sipërfaqja e tokës nën ujë ka arritur mbi 2420 Ha.
Shifrat i bëri të ditura Bashkia, sipas të cilës, janë dëmtuar kultura të dyta, foragjere, jonxhe, bimë dekorative dhe të tjera.
Po sipas Bashkisë, janë mbi 780 ha tokë e përmbytur në Njësinë Administrative të Dajçit, zone ku qarkullimi bëhet i mundur me mjete të larta.
Edhe në Njësinë Administrative Ana e Malit, situata paraqitet më e rënduar. Në Obot kalohet vetëm me varka.
Mbi 1200 ha tokë janë të përmbytura dhe niveli i ujit ka pësuar rritje me rreth 40 cm dhe ka tendencë rritjeje. Për shkak të kësaj situate, Ujësjellsi i Oblikës vijon të jete jashtë funksionit.
Furnizimin me ujë të pijshëm për banorët e bën Bashkia Shkodër me anë të dy mjeteve autobotë.
Në zonën e Livadheve, në hyrje të qytetit të Shkodrës, ka prezencë uji në rrugën Et’hem Kazazi, ku në një segment prej 10 metrash ka vështirësi kalimi. 140 banesa rezultojnë të bllokuara nga uji në të gjithë qarkun, por vështirësi është hasur në baza ushqimore edhe për gjënë e gjallë. Nga Forcat e Ushtrise vazhdon shpërndarja e ndihmave për banorët e zonës nga rezervat e shtetit, nëpërmjet mjeteve të ushtrisë. 855 pako ushqimore dhe 38 tonë ushqime për bagëtitë është dërguar tek banorët./abcnews.al

shkoder-1-1280x656.jpg
G. P.11:24 | 17/03/2018

Një sipërfaqe më e madhe toke në krahasim me një ditë më parë raportohet e përmbytur në Bashkinë e Shkodrës. Sipas informacioneve të Ministrisë së Mbrojtjes, deri tani, janë përmbytur 2400 ha.

Në fshatin Obot, kalimi është bërë i mundur vetëm me varka, përmes angazhimit të Forcave të Armatosura. Në njësinë administrative Guri i Zi është konstatuar fenomeni i erozionit në tokat bujqësore. Ndërkohë që vazhdon gërryerja e tokës në fshatin Juban, në afërsi të Malit të Vukatanës.

Gjithsej në Bashkinë Shkodër janë rrethuar nga uji rreth 130 banesa, prej të cilave:70 banesa në fshatin Obot;15 banesa në fshatin Gorricë;15 banesa në fshatin Shirq;15 banesa në fshatin Mushan dhe 15 banesa në lagjen Livadhe./abcnews.al

breglume-1280x654.jpg
G. P.15:43 | 11/03/2018

Rritja e nivelit të ujit në liqenin e Fierzës ka bërë që banorët e Breglumes në Kukës të bllokohen. Një varkë e policisë po i ndihmon ata për të bërë furnizimet me ushqime.

Për të dalë në anën tjetër u duhet një varkë. Në Breglumë, banorët e lagjes Kovaç janë izoluar. Liqeni u ka bllokuar rrugën dhe u ka ardhur në derë, e bashkë me të, një mal me mbeturina të ndryshme.

Një varkë e policise kufitare i ndihmon për të transportuar thasët me miell dhe ushqimet nga njëra anë në tjetrën.

“Presim një varkë të vijë që paktën të na mundësojë ushqimet poshtë”.

“Nuk është se sot ka lindur ky problem. Kjo ka kohë, që në 200-shin që nga bllokohet kljo rrugë. Janë 15 familje që jemi në gjendje kritike dhe depo e ujit që kemi këtu i ka hyrë uji”.

Fenomeni ndodh të pakten dy herë në vit, kur niveli i ujit në liqenin e Fierzës shkon drejt kuotës maksimale.

“Ne jemi familjarizuar me të. Një familjarizim i padëshirueshëm. Gjendja shihet vetë.”

Nxënësit shoqërohen nga prindërit për të kaluar në rrugë qorre në anën tjetër të lagjes.

“Nëpër ferra, nëpër kanale. Këtë rrugë kemi parë përjetë ne se toka është marrë në liqen”.

Vjeshta që kaloi ishte periudha e artë pas gati 40 vitesh përmbytjeje, e vetmja periudhë që banorët e Breglumes arritën të mbillnin e të merrnin prodhimin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono