uji

DIVJAKA-FERMERET_ABC-M2-T1.mpg_snapshot_00.06-1280x720.jpg
ent ela14:50 | 26/06/2019

Në Divjakë të gjitha tokat bujqësore janë futur në sistemin e ri vaditës dhe fermerët ndjehen të bekuar për këtë gjë. Janë rreth 13.2 km linjë kryesore që vadit rreth 7 mijë ha tokë.

Për banorët e Divjakës pa ujin për vaditje nuk ka jetë. Puna dhe të ardhurat ekonomike të zonës,  sigurohen nga zhvillimi i bujqësisë.

Ky i moshuar i gëzohet një pamjeje të tillë. Kanalet në këto ditë të nxehta janë të mbushur me ujë.  Të mbjellat e tyre nuk do të thahen. Tokat bujqësore janë futur në sistemin e ri vaditës.

“Kjo ka dy gjëra edhe bukurinë e vendit dhe jetën e kësaj zone”.

“E ka nisur mirë shumë po mos harrojë degën tonë që janë 7-8 parcela këtu nga 10 hektarë”.

Të paktën zonat, Gradisht dhe Remas e kanë zgjidhur problemin e thatësirës. Vaditja kryhet me rrjedhje të lirë, duke hequr shpenzimet për pompat me korent.

Dega kryesore Murriz-Thanë-Gradishtë është e gjitha nën ujë.  Kjo ka bërë që pas 30 vjetësh, kanalet të çlirohen nga mbeturinat. Sot, 13,2 km linjë kryesore vadit rreth 7000 ha tokë. Kanali ka dy funksione, ka pastruar zonën dhe kryen vaditjen e tokave.

”Vazhdojnë punimet në këtë segment dhe me përfundimin e punimeve se janë shtyrë me kërkesë të bashkisë për të mos penguar sezonin vaditjes”.

Gjatë rehabilitimit u dëmtuan urat  që nuk përmbushnin kushtet duke u bërë pengesë për kalimin e rrjedhës së ujit.

Ndërtimi i tyre nga e para, u pasua me bllokimin e ujërave të zeza.  Të gjitha rrjedhjet u ndërprenë duke sjellë ujë të pastër për vaditje.

Tashmë kanali kryesor furnizon sekondaret duke bërë që për herë të parë në shumë zona uji të shkojë deri në pikat fundore.

/ABC News Albania 24/7

helmimi-Bulqize.jpg
nev ila16:35 | 15/05/2019

Uji nuk është shkaku i helmimit masiv të banorëve në Bulqizë. Instituti Shendetit Publik ka dalë në këtë konkluzion pasi ka përfunduar analizat e mostrave të marra në këtë qytet.

Në përfundim të të gjitha ekzaminimeve të kampioneve të ujit të marrë në qytetin e Bulqizës, rezultatet aktuale për treguesit fiziko-kimikë, metale të rënda dhe bakterologjike janë negative“, tha specialistja e ISHP, Shkëlqime Poga.

Rreth dy javë nga helmimi i 120 personave në lagjen e vjetër të Bulqizës shkaku vijon të mbetet mister. Specialistët e shëndetit publik dyshimet e para i hodhën mbi ujin dhe i bën thirrje qytetarëve të mos e konsumojnë atë.

Ky dyshim bie poshtë ndërkohë banorët vijojnë të mos e përdorin ujin që iu shkon nga rrjeti  pasi Instituti i Shëndetit Publik nuk ja ka dërguar ende përgjigjen zyrtare Drejtorisë së Shëndetit  Publik në Bulqizë e cila vijon të mbajë në fuqi vendimin e nxjerrë pak ditë më parë./ABC News Albania 24/7

bulqize-1280x695.jpg
ent ela11:45 | 05/05/2019

Në spitalin e Bulqizës është rritur ndjeshëm numri i banorëve që kanë pasur shenja helmimi. Megjithatë, priten analizat përfundimtare për të përcaktuar çfarë ndodhi me banorët e këtij qyteti.

Më shumë se 80 persona kërkuan ndihmë mjekësore në spitalin e Bulqizës. Të rritur dhe fëmijë dyshohet se janë helmuar. Dhimbje barku, të vjella dhe dhimbje koke. Shkak mund të jetë bërë uji i pijshëm

Doktori: “Nuk di të them me siguri, por di të them se të gjithë vijnë nga qyteti i Bulqizës, lagjia e vjetër”

Pacienti: “Helmim, shenja; më përzihej, me vjellë, bark”

E mitur: “Më përzihej”.

Banor: “Probleme me ujin nuk kemi patur, por dy ditët e fundit uji nuk pihet, nuk është ai ujë që ishte ka shije të keqe”.

Sa u përhap lajmi që helmimi ka ndodhur nga uji i pijshëm i qytetit, banorët kanë vrapuar ta blejnë atë në dyqane.

Shitës: “Është shit uji krejt, një vit ka që nuk lëviz tregu, është prish puseta a ku di unë ça dreqin ka bërë vaki andej sipër”.

Megjithate, drejtori i Ujësjellësit, Nedion Muça nuk e ka pranuar se shkak i këtij helmimi masiv është uji i pijshëm. Ai tha se duhen pritur rezultatet e analizave pas 48 orësh.

/ABC News Albania 24/7

 

KRONIKE-RRESHJET-NE-VLORE.mpg_snapshot_00.11-1280x720.jpg
ent ela10:02 | 05/05/2019

Reshjet e shiut kanë përfshirë të gjithë vendin mëngjesin e sotëm. Por, në qytetin e Vlorës situata ka qenë më e rëndë. Rrugët kryesore u bllokuan dhe uji doli në sipërfaqe.

Për më shumë se pesë orë Vlora ishte kështu. Vetëm varkat munguan. Bulveradi u mbush me ujë dhe çdo rrugë e qytetit. Reshjet e shiut e përmbytën Vlorën brenda natën. Mjetet ndaluan qarkullimin. Po ashtu edhe këmbësorët nuk patën mundësi të lëviznin

“Kjo është gjendje nëpër filma, rregullohet bulevardi për të zbukuruar Vlorën dhe këto probleme janë të përditshme dhe bie e shi shiko ça gjendje. Kjo është skandaloze”.

“Vit për vit kjo punë është, ujërat e zeza janë mbledhur bashkë me të bardhat. Këtë ka bërë shteti shqiptar”.

“Kjo është katastrofë”.

Situata më e rëndë ishte në zonen e qujatur Albano dhe Romina, lagja Rilindja. Por jo vetëm rrugët kryesore. Në ato dytësore gjendja ishte edhe më e rëndë.

Bashkia nxorri në terren ekipet për zhbllokimin e pusetave. Dhe vetëm pasi reshjet ulën intensitetin situata u përmirësua dhe në Vlorë nisi qarkullimi i banorëve.

/ABC News Albania 24/7

smart-city-1280x720.jpg
G. P.12:50 | 17/04/2019

Nëse ndërton një sistem solid njerëzit do të sillen sipas tij. Kryetari i Bashkisë së Tiranës Erion Veliaj bëri këtë deklaratë, ndërsa tregoi se arkëtimet sa i përket faturave të ujit të pijshëm në kryeqytet janë rritur ndjeshëm.

“Sot jemi në një situatë ku uji paguhet në 98% në Tiranë. Do të thotë që nëse ndërton një sistem solid siç kemi bërë ne me kolegët tanë hungarezë sigurisht që mund të kesh një sjellë dhe një etikë dhe një përgjegjshmëri nga të gjithë qytetarët që anë konsumatorë.

Njerëzit sillen sipas sistemit, nuk sillet sistemi sipas njerëve. Nëse ndërton një sistem solid njerëzit sillen sipas këtij sistemi që ke ngritur dhe ke gjeneruar. Bashkë më ujësjellës kanalizimet e Budapestit ne do të kemi një shatërvan, një hapësirë shumë të bukur”, tha Veliaj.  /abcnews.al

thatesira-myzeqe-1280x703.jpg
ent ela15:22 | 27/03/2019

Fermerët në Myzeqe po kalojnë një periudhë të vështirë për shkak të thatësirës. Në mungesë të ujit në kanale ata blejnë botet për të mbrojtur bimët.

Kohë për vaditje, por kanalet janë tharë. Të mbjellat rrezikojnë nëse ndërhyrja nuk është e menjëhershme. Në Lushnje, fermerët për ti shpëtuar situatës në tokat e mbjella, dërgojnë ujin me autobot.

“Kjo gjë shton koston por bëhet për të shpëtuar bimët. Kanalet kryesore vaditës, për rehabilitimin e të cilëve shteti shpenzoi miliarda lekë, janë pa ujë. 

Ky është një  degë e Thanës që shtrihet buzë autostradës Lushnje- Fier. Asnjë pikë ujë nuk rrjedh nëpër të dhe fermerët presin kur do të bjerë shi“- theksoi një nga fermerët.

Por ditët e thatësirës nuk janë i vetmi problem për fermerët. Ata  thonë se shumë prej kanaleve edhe në rastet kur mbushen  duke qenë nën nivel, uji nuk u shkon nëpër ara.

Për prodhuesit e Myzeqesë koha e thatë nuk është në favor të tyre. Uji në kanalet vaditëse lëshohet vetëm në periudhën e verës dhe fermerët duhet të gjejnë alternativa për ti shpëtuar thatësirës./abcnews.al

 

 

UJI-933x445.jpg
ent ela11:32 | 09/03/2019

Dy lagje të tjera në kryeqytet kanë marrë zgjidhje të furnizimit me ujë të pijshëm. Bashkia e Tiranës ka finalizuar ndërtimin e një rrjeti të ri ujësjellës kanalizimeve . Nisur nga ankesat e banorëve për rrjetin e kanalizimeve në rrugën “Nikolla Tupe” (në ish-bllok), Bashkia e Tiranës u përgjigj menjëherë duke kryer investimin e ri, që siguron një shërbim shumë më cilësor për qytetarët.

Ndërkaq,pas verifikimeve në terren, grupet e punës kanë bërë të mundur riparimin  e tubacioneve të amortizuara tek rruga “Ymer Kurti” në Njësinë 5, duke eliminuar problemet në rrjetin e vjetër të ujësjellësit. Ky rikonstruksion eliminon problematikat e furnizimit me ujë të pijshëm, duke mundësuar një shërbim më të mirë ndaj banorëve të zonës përreth.

Bashkia e Tiranës ka realizuar një sërë investimesh të rëndësishme në shumë zona të kryeqytetit, duke rinovuar tërësisht rrjetin e amortizuar nga mosvënia dorë prej vitesh duke sjellë përmirësim të ndjeshëm të furnizimit me ujë të pijshëm dhe të cilësisë së tij./abcnews.al

UJI-TIRANE.mpg_snapshot_00.14-1280x720.jpg
ent ela17:46 | 08/11/2018

Dyfishimi i kapacitetit të filtrimit të ujit në Bovillë dhe një linjë e re në zonën e Yzberishtit, pritet të përmirësojnë furnzimin me ujë në Tiranë. Projektet i bëri të ditura Kryetari i Bashkisë Erion Veliaj.

Dy investime të rëndësishme pritet të përmirësojnë furnizimin me ujë për banorët e Tiranës.  Kryetari i Bashkisë Erion Veliaj tregoi ku po ndërhyhet.

“Së pari, për dyfishimin e të gjithë kapacitetit në zonën e Bovillës, ku kemi shtuar filtrimin, e mandej për të lidhur një linjë direkte në disa nga zonat me banorë të rinj të Tiranës, duke nisur nga Sheshi “Shqiponja”, deri te Fabrika e Mielit, që njihet si zona e Unazës së Re; një zonë e cila në letra ka 7 mijë banorë, por në realitet është 70 mijë banorë”.

Tre dekadat e fundit numri i popullsisë në Tiranë është pesëfishuar rrjedhimisht edhe nevoja për ujë. Kryetari i Bashkisë i bëri thirrje qytetarëve të mos abuzojnë me ujin e pijshëm.

“Kur shoh nëpër qytet sesi burrat, sidomos burrat shqiptarë, qëndrojnë me dorë në zemër në lavazhe, ndërsa presin të lahet makina, e vë në dyshim nëse rrinë me dorë në zemër teksa lahen fëmijët e tyre, me të njëjtën dashuri që presin të lahet makina. Për t’i dhënë më shumë mundësi njeriut, sesa makinave, do të duhet ta disiplinojmë shpërdorimin e ujit. Uji është mall komercial, jo mall politik; shpeshherë në rajonin tonë kjo është ngatërruar. Është trajtuar si një mall politik dhe shumë prej Ujësjellës-Kanalizimeve janë kthyer në ndërmarrje ku “parkohen” militantët, me një eficiencë shumë të ulët pune. Më vjen mirë që kjo ka nisur të ndryshojë”.

Kryebashkiaku Veliaj i bëri këto deklarata në Konferencën Ballkanike për ujin që u zhvillua në Tiranë ku ekspertë dhe politikëbërës nga shumë vende të Europës ndanë përvojat e tyre për zhvillimin e mëtejshëm të këtij sektori në rajonin tonë. /abcnews.al

GJIKNURI-MEMORANDUMI-PER-UJIN.mpg_snapshot_00.02-1280x720.jpg
G. P.11:49 | 08/11/2018

Në kuadër të reformës dhe mirëmenaxhimit të sektorit të ujësjellës-kanalizimeve në Shqipëri dhe Kosovë, ministri Damian Gjiknuri dhe homologët e tij të Kosovës firmosën memorandumin e bashkëpunimit mes dy vendeve për këtë sektor i cili ka mbartur mjaft problematika ndër vite.

Shqipëria dhe Kosova firmosin memorandumin e përbashkët përmes së cilit dy vendet do të shkëmbejnë përvojën e tyre me synim mirëmenaxhimin e sektorit të ujësjellës-kanalizimeve. Marrëveshja u firmos nga ministri i Infrastrukturës dhe Energjisë, Damian Gjiknuri me homologët e palës kosovare gjatë një konference të përbashkët të zhvilluar në Tiranë. Në fjalën e tij ministri Gjiknuri theksoi se duhet të mirëmenaxhojmë sa më mirë sektorin e ujësjellës-kanalizimeve.

Damian Gjiknuri, ministër i Infrastrukturës dhe Energjisë: “Ajo për ç’ka edhe ne kemi rastin të nënshkruajmë një marrëveshjë ka të bëjë me mirëmenaxhimin, që të administrojmë siç duhet ujin dhe të kemi njerëz profesionistë që dijnë të menaxhojnë këtë pasuri kaq të rëndësishme. Ne në Shqipëri kemi filluar një reformë të rëndësishme për sa i përket mirëmenaxhimit të sektorit të ujit të pijshëm. Rezultatet e para kanë qenë të mira. Është rritur arkëtimi më 7 milionë euro më shumë vitin e fundit.”

Sipas ministrit Gjiknuri, në kuadër të reformës së ujit është bërë e mundur që në periudhën 9-Mujore të këtij viti të instalohen 74 mijë matësa dhe janë nënshkruar 37 mijë kontrata të reja. Edhe ministri i Zhvillimit Ekonomik të Kosovës, Valdrin Lluka vuri theksin tek nevoja për rritjen e bashkëpunimit mes dy vendeve dhe shkëmbimin e eksperiencave në menaxhimin e sektorit të ujësjellës-kanalizimeve për të dyja vendet. Shqipëria renditet si vendi i parë në rajon që ka formalizuar programin për trajnimin dhe certifikimin e stafeve të ujësjellës-kanalizimeve në kuadër të reformës së ujit./abcnews.al

ITALI-VIKTIMAT-MBULIM-ABC-M-4-T-2-HD.mpg_snapshot_00.03-1280x771.jpg
G. P.22:34 | 29/10/2018

Të paktën 6 viktima është bilanci i fundit i viktimave të motit të keq që ka përfshirë Italinë, duke shkaktuar frikë, probleme dhe aksidente nga veriu në jug. Mediat italiane bëjnë të ditur se një person konsiderohet i humbur si pasojë e shirave të dendura dhe erërave të forta, që kanë lënë edhe dhjetëra të plagosur, përfshirë anëtarë të ekipeve të shpëtimit.

Sipas burimeve mediatike, erërat kanë arritur deri në 180 kilometra në orë, ndërsa niveli i ujit ka arritur maksimumin në Venecia, deri në 156 centimetra, duke mbuluar 75 për qind të territorit. Probleme janë verifikuar edhe në Romë, ku zonat arkeologjike janë mbyllur për vizitorët, si dhe në Pompei dhe Erkolano në rajonin e Kampanias, ku autoritetet lokale kanë marrë masa të ngjashme. Ndërkohë, trafiku rrugor, përveç përmbytjes së akseve është ngadalësuar edhe sepse degë të shumta peme janë shembur duke bllokuar kalimin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono