ujesjellesi

UJESJELLSI-PATOS-1280x720.jpg
ent ela14:10 | 16/11/2019

Banorët e Patosit vuajnë mungesën e ujit në banesat e tyre, pasi rrjeti i Ujësjellësit është i amortizuar dhe prej 40 vitesh nuk ka pasur asnjë ndërhyrje. Ujësjellësi që dikur i shërbente një qyteze, sot nuk ofron dot ujë për 31 mijë banorët e tij.

Me një rrjet ujësjellësi ku nuk është ndërhyrë prej 40 vitesh, qytetarët e Patosit vuajnë çdo ditë problemin e furnizimit me ujë.

Lagje të tëra që nuk kanë lidhje me rrjetin e ujësjellësit konsiderohen informale nga Bashkia. Megjithë ndërhyrjet e bëra vitet e fundit, rrjeti i ujësjellësit mbetet jo funksional për shkak të gjendjes së vjetëruar.

Në pamundësi për zgjidhje tjetër, banorët janë mësuar me faktin se ujin duhet ta sigurojnë vetë, por sipas tyre kjo është një situatë e papranueshme.

Kostoja e lartë financiare për ndërtimin e ujesjellësit të ri e ka zvarritur zgjidhjen prej vitesh këtë investim.

Ujësjellësi në Patos duhet të furnizojë me ujë qytetin që përbëhet nga rreth 31 mijë banorë. /abcnews.al

71476705_916616952030996_6742560104475787264_n-1280x853.jpg
ent ela11:13 | 15/09/2019

Zona e “Astirit” në kryeqytet nuk do të vuajë më problemin e furnizimit me ujë të pijshëm.  Kryebashkiaku Erion Veliaj tha se një linjë e dedikuar nga impianti i Bovillës do të sjellë ujë direkt në këtë zone. Ndërkaq, ai u bëri thirrje qytetarëve të mos blejnë ujë të pakontrolluar nga autobotet private.

Banorët e Zonës së Astirit në kryeqytet nuk do të vuajë më problemin e furnizimit me ujë të pijshëm. Këtë lajm e njoftoi kryetari i Bashkisë Tiranë, Erion Veliaj i cili gjatë inspektimit të punimeve në këtë zonë u bëri thirrje qytetarëve të mos blejnë ujë të pakontrolluar në autobotet private, pasi është jashtë çdo standardi.

Mos blini ujë të pakontrolluar nga autobotet private, të cilët abuzojnë duke e shitur ujin e marrë për vaditje apo prodhim industrial, si ujë të pijshëm. Këtë thirrje u bëri qytetarëve kryebashkiaku i Tiranës, Erion Veliaj gjatë inspektimit të rrjetit të ri të ujësjellësit në zonën e Astirit

“Kemi patur një problem me qytetarët që, për inerci apo fiksimin e tyre, blejnë ujë nga botet, nga makina të improvizuara e shitës informalë. Uji, që dikush e blen për vaditje, për fonderi që ftohin metale ose prodhim industrial, dhe pastaj fshehurazi e shet nëpër lagje, kërkon bashkëpunim nga banorët. Mania, fiksimi, nostalgjia për të blerë ujë, që medemek është marrë te burimi, është i rremë. Analizat na tregojnë se uji i ujësjellësit që është i klorinuar, që ka pësuar gjithë trajtimin kimik, është uji i saktë për t’u përdorur”.

Veliaj dhe lajmin e mirë për të gjithë banorët e zonës së Astirit në kryeqytet nuk do të vuajë më problemin e furnizimit me ujë të pijshëm, pasi UKT ka ndërtuar në kohë rekord një linjë të dedikuar që sjell ujë direkt nga impianti i Bovillës, për të furnizuar zonën e Astirit

“Është punuar gjithë verën pa pushim. Kur shumica e Tiranës, përfshirë edhe politikën, ishte me pushime, ne kemi punuar për të sjellë, në kohë rekord, një linjë të dedikuar nga impianti i filtrimit të Bovillës, që është në anën tjetër të lumit të Tiranës, 10 km në tre lote, për të furnizuar me ujë gjithë zonën e Astirit, e cila është ndërtuar mbi puse, me leje të dhëna nga ish-Komuna e Farkës, një zonë e ndërtuar me gropa septike. Pra, për dikë që erdhi në Tiranën e viteve ’90-2000 dhe bleu shtëpi me 300 euro metri katror, përgjigjja e pyetjes pse shtëpia ishte kaq e lirë, është se s’kishte rrjet ujësjellësi dhe kanalizimesh”.

Bashkia e Tiranës gjithashtu po vijon punën për ndërtimin e rrjetit të ri të kanalizimeve në Rrugën e Elbasanit, ku nuk ishte vënë dorë që në vitet 1940, investimi i cili do të shpëtoje nga përmbytjet zonën nga Fakulteti Ekonomik deri tek zona përballë me Fakultetin Filologjik. /abcnews.al

vetedeklarimi.jpg
ad min15:35 | 28/08/2019

Qytetarët në Tiranë deri më 15 Shtator duhet të vetëdeklarojnë pranë zyrave të ujësjellësit pronat e tyre. Taksa e pronës do të fillojë të përllogaritet me metodën e re dhe do të paguhet çdo muaj në faturën e ujit.

Këtë formular duhet ta plotësojë çdo pronar apo përdorues i një ndërtese në Tirane deri më 15 shtator. Qytetarët duhet të shkojnë pranë ëdo pike të ujësjellësit të vetëdeklarojnë të dhënat për banesën e tyre.

Kjo pasi taksa e pronës do t’u llogaritet me metodologjinë e re, sa 0.05% e vlerës, e do të paguhet çdo muaj në faturën e ujit. Për të kryer procesin e vetëdeklarimit qytetarët duhet të paraqesin pranë sporteleve të ujësjellësit këto dokumente.

“Karta identiteti, libreza e ujit, certifikata e pronësisë e shoqëruar me kartelën e pasurisë , në mungesë të saj koftrata e shitblerjes, dhurimi ose e shkëmbimit. Mund të jetë vetëdeklarimi i Aluzinit ose rivlerësimi i banesës nëse e kanë abonentët”.

Vetëdeklarimi i kryer nga qytetarët më pas do të verifikohet nga zyrat e ujësjellësit me ato të Hipotekave apo ALUIZNI-t nëse banesa është në proces legalizmi. Në rast se vlerat do rezultojnë të ndryshme taksa do të bazohet në shifrën më të lartë.

Takse prone paguhet për shtëpitë, garazhet e mbyllura e bodrumet. Prej saj përjashtohen pensionistët, personat që trajtohen me ndihmë ekonomike, banesat sociale dhe ndërtesat në funksion të komuniteteve fetare./ABC News Albania 24/7

BALLUKU-SPIROPALI-UJESJELLESI-ERSEKE-ABC-M5-T1.mpg_snapshot_00.21-1280x720.jpg
ent ela13:00 | 13/07/2019

Në Ersekë nuk do të ketë më problem me ujin e pijshëm. Punimet për ndërtimin e rrjetit të ri të ujësjellësit janë drejt përfundimit dhe vënia e tij në funksion do të sigurojë furnizim të pandërprerë për banorët. Garancinë e dha ministrja e infrastrukturës dhe energjisë Belinda Balluku.

Pak ka mbetur që banorët e Ersekës të furnizohen me ujë të pijshëm 24 orë.

Me ndërtimin e rrjetit të ri të ujësjellësit bëhet e mundur eliminimi i humbjeve dhe ndotjeve, shmangen  lidhjet e paligjshme ndërsa projekti parashikon gjithashtu lidhjen e kontratave të reja dhe pajisjen me matësa të të gjithë abonentëve.

 “E rëndësishme është që 7156 banorë të qytetit të Ersekës do të marrin shërbim më të mirë, por do marrin dhe sasi më të madhe të ujit për frymë, çfarë është dhe synimi, dhe një nga strategjitë tona kryesore për përmirësimin e jetës së qytetarëve, që është strategjia e ujit dhe çfarë është më e rëndësishme, rrjeti do jetë një rrjet i ri, modern i cili nuk do të ketë humbje dhe nuk do të ketë ndotje, ashtu siç ndodhte më parë.

Për të inspektuar punimet e mbetura Ministrja e Infrastrukturës dhe Energjisë, Belinda Balluku shoqerohej edhe nga Ministrja për Marrëdhëniet me Parlamentin, Elisa Spiropalin që nuk i kurseu falenderimet që premtimet e dhëna si deputete e zonës nuk humbën me kohën.

“Është një premtim i mbajtur, ne së bashku kemi qenë disa herë në Ersekës, në Kolonjë, në fushatë, është premtim i kryeministrit, premtim i qeverisë shqiptare, që po bëhet realitet. Është një investim i konsiderueshëm, një investim i madh i cili zgjidh përfundimisht çështjen e ujit këtu dhe unë si deputete e zonës dua t’ju falënderoj për punën që është bërë”.

Pjesë e projektit është dhe rinovimi i depos ekzistuese 500 metër kub si dhe ndërtimi i një depo të re 1 mijë metër kub,ndërkohë që është drejt përfundimit edhe projekti për ujësjellësin për banorët e Leskovikut dhe brenda vitit tjetër pritet të nisë puna. /ABC News Albania 24/7

65199473_2154788498149195_7825424245738962944_n-1280x854.jpg
ent ela11:00 | 25/06/2019

Kryeministri Edi Rama dhe kryetari i Bashkisë së Tiranës, Erion Veliaj e nisën ditën sot me një kafe dhe bashkëbisedim me banorët e Njësisë Nr.2 në kryeqytet. Kryebashkiaku Veliaj informoi kryeministrin në lidhje me projektin e dyfishimit të kapacitetit filtrues dhe transmetues të ujit nga Bovilla deri në Tiranë. Ai tha se përfituesit kryesor do jenë zonat periferike si Astiri apo zona e Unazës së Madhe, kjo pasi projekti parashikon një linjë të dedikuar vetëm për këto zona.

“Te Astiri po punojmë për ujësjellësin. Qeveria po bën pjesë nga Bovilla te impianti, ne po bëjmë pjesën me BERZH-in, dyfishimi i impiantit të filtrimit dhe pjesën tjetër të tubacionit të dedikuar që na furnizon Astirin, dhe lagjet e reja që kanë qenë me puse. Me vendimin e Këshillit Bashkiak zgjidhim përfundimisht çështjen e ujit në Tiranë. Edhe kjo energji mes Drejtorisë së Ujërave në qeveri dhe UKT na ka dhënë një kombinim përfitues”, tha kryetari i Bashkisë së Tiranës, Erion Veliaj.

Ndërkohë kryetari i Bashkisë së Tiranës bëri të ditur se në bashkëpunim me ARRSH-në ka nisur rikonstruksioni i rrugës së vjetër Tiranë-Durrës, ndërsa aktualisht punimet janë përqendruar në segmentin Tiranë-Vaqarr. “Me Sonilën dhe ARRSH-në, filloi rruga e Ndroqit, që është një rrugë e ARRSH-së, një rikonstruksion. Tani janë duke punuar tek segmenti Tiranë-Vaqarr. Gjithashtu rruga për në Pezë, e cila derisa të”fillojë autostrada e re do të bëhet si një by-pass”, u shpreh Veliaj.

 

BALLUKU-NE-RRESHEN.mpg_snapshot_00.02-1280x720.jpg
ad min13:50 | 31/05/2019

Këtë sezon veror Rrësheni pritet të furnizohet 24 orë me ujë. Ministrja e Infrastrukturës dhe Energjisë Belinda Balluku e bëri të ditur gjatë inspektimit të punimeve që po kryhen në rrjetin e ri të ujësjellësit.
Rreth 16 mijë banorë të Rrëshenit dhe zonave përreth do të furnizohen me ujë 24 orë. Ndërtimi i rrjetit të ri të ujësjellësit pritet të përfundoje brenda muajit Korrik. Ministrja e Infrastrukturës dhe Energjisë, Belinda Balluku u njoh me ecurinë e punimeve.

“Ky është një investim i shkëlqyer sepse ndikon direkt në cilësinë e jetës së qytetarëve dhe është shumë i rëndësishëm fakti që nuk është vetëm Rrësheni por edhe Rubiku dhe Repsi, domethënë mbulojmë gjithë zonën. Edhe kjo depo e re me të gjitha kushtet sanitare që duhet të ketë dhe të gjitha parametrat, për të ofruar shërbim mbas kaq vitesh, pasi që në vitin ’68 nuk ka pasur një ndërhyrje të thellë”.

Investimi përfshin ndërtimin e një depoje të re, vendosjen në funksion të dy pompave si dhe ndërtimin e rrjetit të ri shpërndarës prej 12 kilometrash duke i mundësuar çdo abonenti lidhje me rrjetin dhe shmangie te abuzimeve. /ABC News Albania 24/7

56580458_2384328424911586_6809255758262173696_n.jpg
ent ela10:56 | 08/04/2019

Ujësjellësi i Tiranës vijon punën për ndërtimin e linjës së transmetimit nga Impianti i Bovillës deri në depon e Yzberishtit. Përmes një postimi në rrjetin social “Facebook”, UKT thekson se po punohet me ritme të shpejta për ndërtimin e veprës hidrike.

“Linja direkte e furnizimit nga Bovilla për në Yzberisht po bëhet realitet falë punës së palodhur të teknikëve duar artë. HistorikePërTiranën”- thuhet në postim, teksa postohen edhe disa foto nga puna në terren.

Më herët, kryetari i Bashkisë së Tiranës Erion Veliaj është shprehur se dyfishimi i impiantit të Bovillës dhe linja e dedikuar e transmetimit Bovillë-Yzberisht zgjidh përfundimisht furnizimin me ujë në Unazën e Re, Kashar, Mëzez, Misto Mame e Kodër Kamëz.

51066325_523275154745011_735697708479676416_n-1280x917.jpg
ent ela11:09 | 25/01/2019

Dy lagje të tjera në Njësinë nr.5 në kryeqytet kanë një furnizim më të mirë dhe më cilësor me uji. Bashkia e Tiranës nëpërmjet UKT-së ka zbatuar dy investime të veçanta ku është zëvendësuar rrjeti I vjetër dhe i amortizuar me një rrjet krejtësisht të ri.

Investimi i parë u krye në rrugën “Medar Shtylla”, ku grupet e punës së UKT-së bën të mundur zëvendësimin e gjithë rrjetit me tubacione të reja dhe material bashkëkohore që garantojnë një furnizim dhe cilësi më të mirë të ujit që mbërrin në shtëpitë apo bizneset e ndryshme.

Gjithashtu UKT nxori tërësisht nga funksioni rrjetin e vjetër të furnizimit me ujë të pijshëm edhe në  rrugën “Jusuf Vrioni” duke e zëvendësuar me një rrjet të ri. Të dyja investimet do të reduktojnë humbjet në rrjet dhe do të sjellin një shërbim shumë herë më të mirë për banorët e këtyre dy lagjeve në Njësinë nr.5.

thumbnail_UKT-Derhemi-2-1280x853.jpg
ent ela11:56 | 23/01/2019

Banorët e rrugës “Derhemi” në Njësinë Nr.8 në kryeqytet do të kenë furnizim më të mirë dhe më cilësor me ujë të pijshëm. Ekipet Ujësjellës Kanalizimeve Tiranë, pasi kanë përfunduar shtrirjen e linjës së re, kanë vijuar investimin për shtrirjen e rrjetit në çdo hyrje shtëpie dhe pallati.

Nëpërmjet këtij investimi po bëhet zëvendësimi i tubave të vjetër dhe të amortizuar me një material cilësore, çka do të shmangin humbjet në rrjet por edhe defektet e herëpashershme.

“Vazhdon investimi në rrjetin e ri të ujësjellësit në rrugën “Derhemi”. Ky rrjet u ndërtua me kujdes nga grupet tona të punës, që punojnë çdo ditë për t’i dhënë qytetarëve të Tiranës shërbimin maksimal. UKT vazhdon planin për të kryer investime dhe ndërhyrje në çdo zone të kryeqytetit”, shkruan UKT në faqen e saj në rrjetin social facebook.

UKT-yzberisht-1-1280x853.jpg
ent ela10:43 | 30/12/2018

Ndonëse jemi në një periudhë festash, dhe të gjithë nxitojnë për të bërë blerjet e fundit për natën e ndërrimit të viteve dhe dhuratat për miqtë, Bashkia e Tiranës po vijon punën për t’i ofruar banorëve shërbime cilësore.

Punonjësit e Ujësjellës Kanalizimeve të Tiranës, kanë finalizuar një tjetër investim në rrjetin ujësjellës, duke shënuar një hap cilësor në përmirësimin e shërbimit ndaj qytetarëve.

Falë këtij investimi, linja e re e shpërndarjes së ujit të pijshëm i jep zgjidhje problematikave dhe shërbimit në zonën e Yzberishtit në kryeqytet, në rrugën “3 Dëshmorët”.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono