UÇK

HARADINAJ-GJYKATA-1280x720.jpg
in a17:38 | 05/11/2019

Kryeministri në largim, Ramush Haradinaj ka komentuar paralajmërimet që janë bërë për arrestimet të ish-luftëtarëve të UÇK-së nga Gjykata Speciale në Hagë, gjithashtu Haradinaj nuk ka lënë pa përmendur edhe çështjen e taksës ndaj Serbisë.

Në një konferencë shtypi Haradinaj foli për arrestimet e disa ish-luftëtarëve të UÇK-së që do të gjykohen nga Gjykata Speciale. Haradinaj theksoi se për këtë duhet të pyeteshin ata që votuan në Parlament për Gjykatën Speciale.

Gjithashtu Haradinaj ka folur edhe për vendimin e ardhshëm të koalicionit VV-LDK rreth heqjes së taksës./abcnews.al

 

 

 

GJYKATA-SPECIALE-ABC-M5-T1.mpg_snapshot_00.47-1280x720.jpg
ent ela12:02 | 02/11/2019

60 ftesa janë dërguar nga Gjykata Speciale për ish ushtarët e UCK-së vetëm në muajin tetor. Ndërsa deri në fund të vitit priten edhe aktakuzat e para. Numri i përgjithshëm i personave të kërkuar nga Gjykata soeciale arrin në 150. Pa përfshirë këtu civilët e ftuar si dëshmitarë .

Muaji tetor ka qenë intenziv sa i përket ftesave të ardhura nga Dhomat e Specializuara të Gjykatës Speciale.

Në muajin që sapo shkoi kanë ardhur  Kosovë 60 ftesa për ish ushtarët e UCK-së përfshirë edhe komandantë të zonave dhe të shtabit të përgjitshëm.

Numri i përgjithshëm arrin në 150 pa përfshirë civilët e ftuar në cilësinë e dëshmitarëve.

“Te ne janë lajmëruar mbi 130 që e dijmë që janë me emër e mbiemër. Por ka edhe të atillë që nuk janë lajmëruar në organizatë për të ruajtur privatësinë por që ne e dimë që janë ftua. Ky numër arrinë shifrën mbi 150”.

Sipas tij këto ftesa sinjalizojnë ngritjen e aktakuzave të para brenda këtij viti.

Ndërsa ai nuk përjashton mundësinë e organizimit të protestave por thotë se e kanë të vështirë realizimin e tyre për shkak se themelimi i saj është votuar në Kuvendin e Kosovës.

Gjykata Speciale është duke hetuar krimet e luftës si dhe ka mandate të merret edhe me krimet e pasluftës të ndodhura në periudhën qershor 1999 dhjetor 2000. Deputetët e Kuvendit të Kosovës më 3 gusht të vitit 2015 me 82 vota për i patën thënë po themelimit të kësaj gjykate. /abcnews.al

 

 

azem-syla.jpg
ad min17:50 | 21/10/2019

Azem Syla, një nga komandantët kryesore të UÇK-së, Azem Syla dhe njëri prej themeluesve të saj, është ftuar për t’u pyetur në gjykatën speciale në Hagë. Nga tribunali për krimet në ish-Jugosllavi ka marrë ftesë sot edhe një tjetër ish-epror i lartë i UÇK, Naim Miftari.

Avokati i ish-komandantit të përgjithshëm të UÇK-së, Azem Syla, konfirmoi për mediat në Kosovë se zoti Syla është ftuar për t’u pyetur nga gjykata speciale në Hagës. Avokati Besnik Berisha pohoi se është e vërtetë që zotit Syla i ka ardhur ftesë nga Haga, raportoi Express.

Po sot, një ftesë tjetër ka ardhur nga gjykata speciale në Hagë. Bëhet fjalë për ish-eprorin e lartë të Ushtrisë Çlirimtare të Kosovës Naim Miftari, i cili është ftuar nga Gjykata Speciale në cilësinë e dëshmitarit  dhe do të intervistohet për tri ditë rresht.

Miftari ka njoftuar përmes një postimi në Facebook se do të “mbikëqyret” nga një avokat nga Britania, ndërsa Gjykatën Speciale e cilëson si të padrejtë.

Ndërkohë, vetëm gjatë javës së kaluar, tetë ish komandantë dhe pjesëtarë të UÇK-së kanë bërë të ditur se janë ftuar për intervistim nga gjykata speciale, ndërkohë që deri tani, numri i përgjithshëm i të ftuarve për intervistim nga kjo gjykatë ka arritur në mbi 100./ABC News Albania

agim-nesho.jpg
ad min17:40 | 07/10/2019

“Albin Kurti është një lider me vizion”. Kështu u shpreh diplomati Agim Nesho gjatë një bisede të zhvilluar me gazetaren Juli Xhokaxhi në studion e ABC News.

Nesho tha se Kurti ka filluar si një lider populist, por pushteti e ka bërë gjithnjë e më shumë të ndërgjegjshëm për përgjegjësitë dhe e ka kthyer në realist. Për sa i përket zgjedhjeve të së dielës, diplomati tha se u ndëshkuan liderët e partive që drejtuan UÇK-në.

 “Kemi një ndëshkueshmëri, një plotësim cikli të  partive të drejtuesve të UÇK-së. Tani kemi një brez, i cili pas luftës është brez i edukuar në Europë dhe nuk mund të trajtohet në të njëjtën mënyrë nga të tjerët. Të dy liderët nuk kanë provokuar të kaluarën, por janë protagonistët të së ardhmes. Këto zgjedhje ishin edhe një reagim, një votim popullor si do reagonte ndaj projektit të propozuar nga Vuçiç dhe i pranuar nga udhëheqësit lokal për një projekt të ri në Ballkan. Kjo tregoi që kishte reagim ndaj projektit të Vuçiç. Këto vihen re në ardhjen në pushtet të një dysheje si Albin Kurti dhe Vjosa Osmani”, tha Nesho.

Pas 11 vitesh duket se Kosova do të ketë një qeveri që nuk vjen nga radhët e UÇK-së. Edhe pse Presidenti Thaçi është nga radhët e UÇK-së, nuk ka një marrëdhënie të mirë me Albin Kurtin. Për sa i përket, funksionimit të këtyre dy institucioneve, presidencë-ekzekutiv, Nesho tha se politikën do ta luajë qeveria.

“Ka një moment që politikën në një qeveri parlamentare e kanë përcaktuar edhe më parë që është qeveria që e luan politikën. Që në parlamentin e shkuar e kufizuan presidentin Hashim Thaçin duke i vënë disa viza të kuqe që kanë të bëjnë me sovranitetit të Kosovës dhe mos prekjen e projektit të Ahtisarit. Në këtë kuptim edhe vota, një votë popullore e forcon këtë gjë. Kemi një president që do të jetë i limituar dhe një kryeministër që me pozicionin e tij që ne nuk e dimë akoma, por ka reflektuar nga e kaluara do të jetë i fortë. Kemi një kryeministër nga një gjeneratë e re”, tha Nesho./abcnews.al

1CA98363-EF99-4F10-9489-7A25B75D5E83_w1200_s.jpg
nev ila12:14 | 20/07/2019

Ish-Zëdhënësi i Ushtrisë Çlirimtare të Kosovësë, Jakup Krasniqi, konfirmoi se ka marrë ftesë nga Gjykata Speciale për t’u paraqitur për intervistë. Nëpërmjet një postimi në profilin e tij në Facebook ai nuk tregoi se e në çfarë cilësie është ftuar nga Gjykata Speciale por konfirmoi se do të jetë atje në 24 korrik.

Më 24 korrik pritet që të paraqitet në Dhomat e Specializuara në Hagë edhe ish zëdhënësi i UÇK-së, Jakup Kransiqi.

Krasniqi, nuk ka treguar se në çfarë cilësie ka marrë ftesën nga Specialja.

“Megjithatë është fatkeqësi dhe ironi e llojit të vet, që në vend se Serbia të përballet me drejtësinë për krimet kundër njerëzimit dhe gjenocidit, ne duhet të mbrohemi nga akuzat e saj të trilluara”, ka shkruar Krasniqi në Facebook derisa ka konfirmuar se do të paraqitet në gjykatë.

I menjëhershëm ka qenë reagimi liderit të Nismës Socialdemokrate, Fatmir Limaj.

Ai përmes një postimi në Facebook ka shkruar se Krasniqi edhe këtë herë do të dijë të mbrojë luftën e drejtë të UÇK-së.

Limaj tutje ka thënë se asnjë gjykatë nuk do të arrijë ta njollosë luftën e drejtë të Kosovës.

Pas Krasniqit në javën e ardhshme nga Specialja janë ftuar edhe Ramush Haradinaj i cili menjeherë dha dorëheqje nga posti i kryeministrit dhe këshilltari i presidentit Bislim Zyrapi.

Kreu i LVV-së Albin Kurti tha se Kosova po vuan pasojat e votimit të Gjykatës Speciale nga ata që morën vendime të liga e kishin qëndrime të gabuara.

 

Ndërsa në reagimin e zëvendëskryetarit të PDK-së, Enver Hoxhaj,përmendet vetëm Jakup Krasniqi e Bislim Zyrapi, jo edhe Ramush Haradinaj i cili u ftua në të njëjtën kohë me këta dy të parët./ABC News Albania 24/7

88-1280x618.jpg
ent ela16:00 | 25/01/2019

Ish-ushtari i UÇK-së Artin Eljmazi ka ardhur nga Zvicra ku jeton së bashku me familjen per tju bashkuar fushatës së nisur nga Bashkia e Tiranës për mbjelljen e pemëve. Bashkë me kryetarin e Bashkisë së Tiranës, Erion Veliaj, Artini dhe bashkëshortja e tij zviceriane, mbollën disa pemë në Parkun e Liqenit.  Teksa vlerësoi ndërgjegjësimin e komunitetit për mjedisin, Veliaj ftoi qytetarët që të shënojnë datat e si 14 shkurti apo 7-8 Marsi për të mbjellë një pemë. Objektivi i Bashkisë së Tiranës edhe për këtë vit sipas kryebashkiakut Veliaj është mbjellja e 150 mijë pemëve të reja. /abcnews.al

serbia-krimet-e-luftes.jpg
ad min19:30 | 12/01/2019

Gjykata për krimet e luftës në Kosovë ka nisur festat e para për të dëgjuar persona të rëndësishëm në luftën e Kosovës. Serbia ka alarmuar prej vitesh se shqiptarët kanë kryer krime dhe ka ngritur akuza në gjyqet e saj për shumë raste, përfshirë edhe krerët e Kosovës që disa herë janë ndaluar nëpër shtete të ndryshme me kërkesën e Serbisë. Beogradi zyrtar pretendon se ka mijëra dokumente për t’ia dorëzuar gjykatës, ndër to edhe dokumente të vetë UÇK-së.

Kjo është vetëm një nga parullat në kryeqytetin serb ku kërkohet, siç thuhet, gjykimi i terroristëve shqiptarë për krimet ndaj serbëve. Serbia e pret me padurim fillimin e punës së Gjykatës së Hagës për krimet në Kosovë. Ndër vite janë grumbulluar mijëra dokumente për të dëshmuar se shqiptarët ishin ata që kryen krime. Milovan Drecun, deputet i partisë së presidentit serb, thotë se Serbia ka ofruar dosjet e saj.

Milovan Drecun: Kemi një paraqitje të strukturës së UCK-së dhe përgjegjësisë komanduese dhe kjo është bërë. Ne nuk i kemi bërë këto dosje vetëm në bazë të dëshmive, por edhe në bazë të dokumenteve që janë kapur në shtabet e terroristëve të UCK-së dhe ne kemi mijëra dokumente këtu.

Mes Serbisë e Kosovës ka ngelur ende e pa zgjidhur çështja e të zhdukurve. Serbia ka gjykuar disa raste ku viktimat kanë qenë shqiptarë e autorët serb. Por, krimet e luftës nuk janë një temë e famshme as këtu. Marko Millosavljeviç, aktivist për të drejtat e njeriut, thotë se narrative në tërë Ballkanin është se njëra palë është heroike kurse tjetra terroriste. Kjo ka penguar ripajtimin pasi pak janë gjykuar për krime.

Marko Milosavljevic: Është e rëndësishme të theksohet se cfarë mandati ka kjo gjykatë. Kjo është e rëndësishme për Kosovën, por edhe momenti i fundit për të parë se cfarë do të ndodh me krimet e luftës në përgjithësi.

Akuzat e Serbisë nuk kanë patur shumë efekt ligjor, por kanë shkaktuar problem për disa qytetarë dhe politikan të Kosovës. /abcnews.al

OK-KOMANDANTI-1280x720.jpg
ad min08:37 | 07/12/2018

Ish-komandanti i UÇK-së Rrustem Mustafa, i njohur gjatë luftës si “komandant Remi”, është thirrur të paraqitet pranë zyrës së Prokurorisë Speciale për Kosovën. Lajmin e ka bërë të ditur avokati i Mustafës, i cili ka shtuar se klienti i tij, që drejtonte njësinë e UÇK-së në zonën e Llapit, ka pranuar që në janar të vitit të ardhshëm të paraqitet në Hagë.

“Zoti Mustafa ka pranuar thirrjen që më 14 janar 2019 të paraqitet pranë zyrës së Prokurorisë Speciale për Kosovën në Hagë, me qëllim për t’u marrë në pyetje”, ka bërë të ditur avokati Arianit Koçi përmes një postimi në rrjetin sociale Fejsbuk. Përfaqësuesi ligjor saktëson se zoti Mustafa është i gatshëm të sqarojë çdo rrethanë për të cilën po hetohet në Hagë. Avokati Koçi u ka kërkuar mediave që të mos e kontaktojnë klientin e tij mbi këtë çështje deri në një informacion të mëtejshëm./abcnews.al

ramush-haradinaj.jpg
ad min20:10 | 09/05/2018

E pritur nga Kryeministri i Kosovës, Ramush Haradinaj, Muzeu Historik Kombëtar organizoi përkujtimoren e dy figurave të Ushtrisë Çlirimtare të Kosovës, Major Ilir Konushevci dhe Doktor Hazir Mala. Në fjalën e tij në këtë 20 vjetor të rënies së tyre, kryeministri Haradinaj nderoi rolin e tyre në procesin e lirisë së popullit shqiptar.

Në 20 vjetorin e ndarjes nga jeta të Major Ilir Konushevci dhe Doktor Hazir Malës, figura të nderuara të UÇK-së, Kryeministri i Kosovës Ramush Haradinaj, në pritjen e organizuar në Muzeun Historik Kombëtar të Tiranës, pa mundur të fshehë emocionet tregoi në vetë të parë rolin dhe rëndësinë e atyre që quan “heronj të lirisë së popullit shqiptar”.

Në prani të familjarëve dhe figurave të larta të dy shteteve shqiptare kryeministri Haradinaj theksoi se është historia, ajo e cila do të tregojë vlerat e vërteta të çdo pjese dhe aktori të historisë./abcnews.al

vlcsnap-error693-2-1280x720.jpg
ad min20:16 | 22/02/2018

Duke iu rikthyer debatit për krimet e luftës, qeveria serbe ka deklaruar se ka qenë Ushtria Çlirimtare e Kosovës, ajo që kreu gjenocidin dhe spastrimin etnik më të madh, duke dëbuar serbët nga territori kosovar.

Shefi i zyrës për Kosovën në qeverinë serbe, Marko Gjuriç, thotë se në Kosovë është kryer gjenocid, por atë e kanë kryer shqiptarët dhe Ushtria Çlirimtare e Kosovës ndaj popullit serb. Ky reagim ka ardhur pas deklarimeve në Facebook të kreut të grupit parlamentar të Lidhjes Demokratike të Kosovës, Avudlla Hoti, i cili kishte shkruar se Vuçiç nuk e ndihmojnë petkat e reja për të mbuluar krimet dhe gjenocidin. Gjuriç i ka bërë këto komente gjatë promovimit të turizmit serb në Kosovë.

Marko Gjuriç, shef i zyrës për Kosovën-Serbi: “E vërteta është se UÇK-ja terroriste ka kryer krimet më të rënda dhe spastrimin etnik dhe janë shpërnglur 247 mijë njerëz nga Kosova e Metohia. Ne nuk do të heshtim. Z. Hoti mjafton të shëtisë në Prishtinë dha ta shohë se atje nuk ka më serbë”.

Hoti kishte shkruar edhe se Vuçiç do të duhej të lutej për viktimat e politikës së tij. Por Gjuriç ka thënë se Serbia ka një sjellje tjetër nga deklarimet e Hotit dhe politikës në Kosovë./abcnews.al

Idro Seferi, gazetar i ABC News, Beograd


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono