tvsh

DENAJ-NE-KOMAPANI-FASONE_ABC-N2-T1.mpg_snapshot_00.26-1280x720.jpg
ent ela15:33 | 20/09/2019

Ministria e Financave dhe Ekonomisë do të vijojë përmbushjen e detyrimeve të saj sa i përket rimbursimit të TVSH-së për biznesin. Ky ka qenë mesazhi që Ministrja Anila Denaj dha gjatë një vizite në një sipërmarrje të sektorit fason në Tiranë.

Jo vonesa dhe procesi të realizohet në kohë. Këtë u premtoi ministrja e financave dhe ekonomisë Anila Denaj sektorit fason për rimbursimin e TVSH-së.

Vetëm gjatë muajit gusht janë rimbursuar në total 1.68 miliardë lekë TVSH, ose 42 % më shumë se e njëjta periudhë e një viti më parë. 22 kompani fasone kanë përfituar nga rimbursimi i TVSH në muajin gusht, në vlerën e mbi 245 milionë lekë.Për periudhën 8 mujore janë rimbursuar 11.8 miliardë lekë, nga 9.22 miliardë lekë gjatë së njëjtës periudhë të vitit 2018, 2.6 miliardë lek më shumë ose 28.7% rritje.

“Veçanërisht fasoni, eksporti dhe grumbulluesit janë në një vëmendje të shtuar të MFE, që ky rimbursim të ndodh në kohë dhe besoj se kemi treguar me fakte që ia kemi dalë këto 8 muaj edhe pse mendojmë se kemi akoma sfidën për ta realizuar 100%. Rimbursimi i TVSH-së është detyrim i yni, për të cilin duhet të koordinohemi edhe me biznesin”.

Ministrja Denaj vizitoi një kompani fasone së bashku me Kryeinspektorin e Inspektoriatit Shtetëror të Punës, Arben Seferaj. Kompania ka nisur aktivitetin e saj në vitin 2015 dhe ka punësuar mbi 1 mijë punonjës, të cilët nga kontrollet e kryera nga Inspektoriati rezultojnë të punësuar sipas të gjithë përcaktimeve ligjore. /ABC News Albania 24/7

konfindustria-leter.jpg
ad min12:01 | 08/09/2019

Konfindustria ka reaguar për arrestimet e fundit lidhur me aksionin anti-informalitet, duke kërkuar nga institucionet e drejtësisë dhe ekzekutivit, që të jenë të kujdesshëm dhe profesionalë në ngritjen e akuzave ndaj bizneseve.

Sipas Konfindustrisë, akuzat e ngritura duhet të jenë tërësisht të bazuara, të pandikuara nga politika dhe konkurrenca në treg e bizneseve, korrupsioni dhe shfaqjet mediatike për përfitime personale përballë procesit të Vetting-ut.

“Rastet e përsëritura të ndalimeve të bujshme nga organi i Prokurorisë të drejtuesve të bizneseve, përfshi dhe rastet e fundit të skemave fiktive të TVSH, shoqëruar me paaftësinë e akuzës për t’i mbrojtur në gjykatë, prodhojnë pasoja mjaft të dëmshme ndaj konkurrencës së lire në treg në afatgjatë”, thuhet në reagimin e Konfindustrisë.

Më tej, ky institucion kujton se rasti i ndalimeve të bujshme të muajit Janar 2019 me akuzën për përvetësim në vlerën e 18 milionë euro me skema fiktive të TVSH, ku askush nuk është në dijeni sot, se çfarë është bërë nuk duhet të përsëritet.

Konfindustria thekson se dëmi moral dhe financiar shkaktuar qytetarëve dhe bizneseve nga publikimi në media i emrave, në rastin kur akuzat e ngritura nga prokuroria rrëzohen me vendim gjykate, është mjaft i lartë.

Në fund të reagimit, Konfindustria thotë se skemat mashtruese të TVSH, në vlera kaq të larta financiare nuk mund të krijohen dhe zbatohen pa pjesëmarrjen dhe korrupsionin e përfaqësuesve të gjithë niveleve të agjencive shtetërore të përgjegjësisë dhe problematikave në legjislacionin në fuqi./ABC News Albania 24/7

becb60de-1dd0-4d58-8ac3-a9889aa6bc92-1280x720.jpg
ent ela12:25 | 07/09/2019

15 biznesmenët e arrestuar të mërkurën për mashtrim më fatura fiktive të TVSH-së janë liruar nga gjykata. Gjyqtarja Ardjana Bera caktoi masën e sigurisë arrest në shtëpi për 9 prej të dyshuarve dhe për 6 të tjerë masën e sigurisë arrest në burg me afat 20 ditë. gjatë zhvillimit të seancës Prokuroria ndryshoi pretencës pasi dëgjoi deklarimet e personave nën hetim.

Gjykata penale e Tiranës ka vendosur që të lirojë 9 nga biznesmenët e arrestuar të cilët dyshohet se kanë krijuar një skemë mashtrimi me faturat e Tatimit të Vlerës së Shtuar. Për 6 biznesmenë gjyqtarja Ardjana Bera vendosi që të caktojë masën e sigurisë arrest me burg me afat 20 ditor.

15  biznesmenët janë aksionerë dhe pronarë të disa kompanive, që kanë përfituar shuma të mëdha parash nëpërmjet tenderave. Gjatë seancës pati debate midis personave nën hetim dhe prokurores së çështjes Elisabeta Imeraj, pasi pjesa më e madhe pretendoi se kishte kushte të vështira shëndetësore e nuk mund te qëndronin në burg.

Avokatët deklaruan para gjykatës se klientët e tyre janë viktima. Prokurorja Imeraj vendosi që të ndryshonte pretencën e saj duke kërkuar lirimin e 8 prej të arrestuarve me argumentin se duhet të provojnë deklarimet e tyre.

Imeraj lexoi në seancë edhe deklarimet e dhëna para grupit hetimor nga biznesmeni i 16 i arrestuar Drilon Bareti, administrator i kompanisë E.B,A. i cili ka treguar se si është bërë administrator i kësaj kompanie.

Në deklarimet e Baretit thoshte se me profesion është bojaxhi dhe se para 3 vitesh gjendej në kushte të vështira financiare. 31 vjeçari kishte pranuar që emri i tij të vendosej si administrator i disa magazinave që do të përdoreshin për materiale ndërtimi.

Sipas Baretit, për të regjistruar emrin në QKB ka marrë 150 mijë lekë dhe më pas për tre vite do të paguhej 30 mijë lekë në muaj. Drilon Bareti është shprehur se nuk i njihte dy personat pasi i ka takuar nëpërmjet komshiut të tij.

Sipas prokurorisë, Drejtoria e Hetimit Tatimor po kryen hetime edhe për 5 kompanitë  “BTI”, “UniService”, “EBA Ndërtim”, “Banis shpk” dhe “Aleni shpk” që dyshohet se kanë konsumuar veprën e krijimit të skemave mashtruese lidhur me tatimet.

30 milionë lekë është dëmi shkaktuar buxhetit të shtetit nga prodhimi i faturave të shitblerjes fiktive, shifër kjo e përllogaritur nga faturat që policia ka arritur të sigurojë si provë./ABC News Albania 24/7

mashtrim-tvsh.jpg
ad min22:01 | 04/09/2019

Disa persona kanë përfunduar në pranga nga Drejtoria e Krimit Ekonomik në Policinë e Tiranës. Ata akuzohen për skema të mashtrimit me TVSH-në. Sipas burimeve për ABC News, mes të ndaluarve janë edhe 16 biznesmenë të njohur.

Aksioni i policisë së kryeqytetit në bashkëpunim me Prokurorinë e Tiranës ka nisur prej dy ditësh dhe vijon ende në këto momente. Mësohet se gjithsej nën hetim janë rreth 50 biznesmenë. Dyshohet se ata kanë kryer veprën penale “Mashtrimi në subvencione”.

/abcnews.al

blendi-klosi-2.jpg
ad min15:21 | 22/06/2019

Çdo pikë agroturizmi e certifikuar do të përfitojë lehtësi fiskale nga qeveria. Tatimi mbi Vlerën e Shtuar do të jetë 6% ndërsa tatim fitimi 5%. Ministri i Turizmit dhe Mjedisit Blendi Klosi e bëri të ditur ndërsa i dha certifikatën e agroturizmit në sipërmarrje private në Leskovik.

Synimi i qeverisë sipas ministrit Klosi është të nxisë zhvillimin e bizneseve që promovojnë turizmin, kulinarinë dhe mikpritjen aty ku ushtrojnë aktivitetin.

Gjatë vizitës në këtë zone, ministri i Turizmit dhe Mjedisit Klosi vizitoi dhe panairin me produkte dhe gatime tradicionale./ABC News Albania 24/7

biznese-te-vogal-1280x725.jpg
ent ela17:19 | 03/04/2019

Një raport  i Fondit Monetar Ndërkombëtar vëren se përfshirja në skemën e tvsh-së së biznesit të vogël nuk ka sjellë rezultat në rritjen e të ardhurave në buxhet. Megjithatë, FMN thotë se gjatë dy viteve të fundit shumë reforma në administratën tatimore kanë ecur përpara, por konsideron kthim në kohë vonesat për rimbursimin e tvsh-së për bizneset.

Për Fondin Monetar Ndërkombëtar, përfshirja e 13 mijë bizneseve të vogla në zinxhirin e tatimit mbi vlerën e shtuar, ka dhënë impakt të ulët në rritjen e të ardhurave tatimore. FMN ka bërë një analizë të sistemit të administrimit tatimor në Shqipëri, në bazë të një projekti që kishte me Drejtorinë e Përgjithshme të Tatimeve për dhënien e asistencës teknike në këtë fushë. Raporti thotë se përfshirja e biznesit të vogël në këtë skemë ka sjellë efekt negativ në punën e administratës tatimore, pasi kosto e kontrollit të bizneseve është më e lartë se të ardhurat që janë arkëtuar në buxhet.

“Zgjerimi i regjistrit të TVSH-së do të ketë një ndikim të vazhdueshëm negativ në kostot e punës së administratës tatimore, pa patur një efekt të konsiderueshëm në mbledhjen e të ardhurave”.

FMN veçon po ashtu faktin e problematikës së rimbursimit të tatimit mbi vlerën e shtuar, i cili në tetor të 2018-s arriti në 144 milion dollarë, nga ku rezulton se shumica e kompanive që nuk kanë marrë në kohë tvsh-në, janë eksportuese.

 “Si në rastin që autoritetet tatimore kërkojnë pagesën në kohë të taksave, edhe rikthimi i taksës nga shteti për biznesin duhet të jetë në kohë”.

Fondi nuk bie dakord as me politikat fiskale përjashtuese nga sistemi tatimor, siç është përjashtimi nga tvsh për sektorin e turizmit apo ulja e tatimit mbi fitimin për disa kategori biznesesh.

 “Disa nga këto ndryshime mund të komplikojnë regjimin tatimor dhe të hapin mundësinë për shmangien e taksave”.

Borxhi që bizneset i kanë administratës tatimore në shtator të 2018-ës arriti në 1 miliard dollarë, ku më shumë se gjysma e tij zotërohet nga firma të mbyllura. FMN shprehet në raport se administrata tatimore ka bërë punë të mirë në zhvillimin e sistemeve informatike duke u bërë më e aksesueshme për bizneset dhe duke eliminuar korrupsionin. Por po ashtu rekomandon që të ndërtojë një strategji për të eliminuar korrupsionin e inspektorëve si dhe të rikthejë në administrimin e Tatimeve strukturën e apelimit të vendimeve të biznesit./abcnews.al

arben-dervishaj.jpg
ad min23:59 | 29/01/2019

Federata Shqiptare e Futbollit ka dërguar në gjyq Drejtorinë e Tatimeve. Anëtari i Komitetit Ekzekutiv pranë Federatës Shqiptare të Futbollit, Arben Dervishaj tha për ABC News se stadiumi është në rrezik për të përfunduar pasi mungon një sasi e konsiderueshme fondesh. Tatimi mbi Vlerën e Shtuar që Federata kërkon të kthehet është rreth 2.5 milionë Euro.

Federata Shqiptare e Futbollit e ka dërguar Drejtorinë e Tatimeve në Gjykatën administrative. Anëtari i Komitetit Ekzekutiv, Arben Dervishaj, tha për ABC Neës është i bindur se federata do të fitojë pasi ka plotësisht të drejtë në të kundërt stadiumi nuk përfundon pasi mungon një sasi e konsiderueshme fondesh. Tatimi mbi mbi Vlerën e Shtuar që federata pretendon të kthehet është rreth 2.5 milionë Euro.

I mungon pjesa e rimbursuar e TVSH-së të cilën ne kishim bërë plan biznesin tonë që do mbyllnim punimet në stadium. Stadiumi vazhdon ende të rrezikohet që të mos përfundojë plotësisht në aspektin e plotësimit me të gjitha gjërat e nevojshme sepse Federatës i mungon një sasi lekësh. Shpresojmë që organet gjyqësore ta shikojnë me precedencë këtë problem për të dhënë një zgjidhje”, tha Derishaj.

Federata shqiptare e Futbollit nuk dëshiron të komentojë nëse qeveria nuk i jep paratë edhe në rast se gjyqi i jep të drejtë Federatës. Gjithashtu Federata vlerëson bashkëpunimin me qeverinë për stadiumet e ndërtuara në Elbasan, Shkodër dhe Kukës.

“Ne shpresojmë që dhe qeveria të gjejë mirëkuptimin përveç problemit të TVSH qeveria do na ndihmojë ashtu siç na ka ndihmuar. Ne nuk po ankimojmë qeverinë sepse qeveria është treguar të paktën me Federatën jashtëzakonisht bashkëpunuese për problemet e investimeve në infrastrukturë”, tha Dervishaj.

Stadiumi “Arena Kombetare” parashikohet të përfundojë nëmuajin Qershor, por problemet gjatë rrugës pritet ta shtyjnë akoma më tej datën për inagurimin e impianitt më modern në Shqipëri./abcnews.al

OPOZITA-LETER-PER-DEKRETIN-META-1280x720.jpg
ent ela14:30 | 24/12/2018

Opozita i ka dërguar një letër Kuvendit ku kërkon mbledhjen e Këshillit për Rregulloren dhe Mandatet për të konstatuar atë që e konsiderojnë si shkelje të paprecedentë në 28 vjet demokraci të rregullores së Kuvendit.

Këshilli për rregulloren, mandatet dhe imunitetin të konstatojë shkeljen e rregullores së Kuvendit në procedurën e përdorur nga mazhoranca për rrëzimin e dekretit të Presidentit që ktheu ligjin për tatimin mbi të ardhurat, si dhe të kërkojnë nga kreu i Kuvendit anulimin e votimit në seancën e 20 dhjetorit me qëllim shqyrtimin e dekretit sipas procedurës së sanksionuar në rregullore.

Janë këto kërkesat e grupeve parlamentare të opozitës, krerët e të cilave përmes një letre i drejtohen Këshillit të Rregullores dhe Mandateve të Kuvendit me shqetësimin se procedura e përdorur të enjten e kaluar, kur mazhoranca, teksa zhvillohej seanca parlamentare e së enjtes, mblodhi komisionin e ekonomisë për të shqyrtuar dekretin e presidentit që ktheu ligjin për tatimin mbi të ardhruat, dhe në fund të seancës plenare e rrëzoi atë duke shkelur nenin 26, 29, 31 e 32 të rregullores së Kuvendit.

Në bazë të kësaj rregulloreje, argumenton opozita, dekreti i presidentit duhej fillimisht të futej në programin e punës së Kuvendit, të përfshihej në Kalendarin e Punimeve, në mënyrë që të shqyrtohet nga komisioni përgjegjës, të votohet në komision dhe më pas me 3/5-tat e deputetëve të pranishëm në parlament, të votohej futja e shqyrtimit të dekretit në seancë plenare. /abcnews.al

kuvendi-1.jpg
ad min17:47 | 03/12/2018

Ndryshime janë parashikuar edhe në ligjin për tatimin mbi vlerën e shtuar i miratuar në parlament ditën e enjte. Qeveria ka parashikuar heqjen nga TVSH-ja të imputeve bujqësore, por duke ulur në 6% vlerën e parashikuar për rimbursim të fermerëve që sot kap shifrën 20%.

Ligji për tatimin mbi vlerën e shtuar pas debatesh në komisionin e ekonomisë, parashikon disa ndryshime, të parashtruara në seancën plenare nga relatori Ervin Bushati.

“Përsa i përket furnizimit dhe shitjes së librave, TVSH nga 20 përqind shkon në 6 përqind. Autobusët që janë me furnizim elektrik TVSH shkon në 6 përqind nga data 31 Dhjetor deri në vitin 2021 dhe nga data 1 Janar në vitin 2022 shkon në 10 përqind. Pra për tre vjet do të jetë në 6 përqind. Furnizimi i makinave bujqësore, gjitrhashtu TVSH bëhet zero. Ka qenë për ato që importoheshin, por edhe për ato që sot tregtohen brenda tregut. Furnizimi i shërbimeve veterinare përjashtohet gjithashtu nga TVSH dhe bëhet dhe kjo zero”, tha Bushati.

Për të balancuar heqjen e TVSH-së nga imputet bujqësore.

“Ndërkohë norma  kompensimit për prodhuesit bujqësore nga 20 përqind shkon në 6 përqind”, u shpreh Bushati.

Për kreun e komisionit të ekonomisë Erjon Braçe, ligji duhet ndryshuar edhe më. Jo vetëm TVSH për librin të jetë e reduktuar në masën 6% pore dhe mallrat e destinuara për tu përdorur për realizimin e prodhimit të tij, dhe njëkohësisht është ligji ai i cili duhet të parashikojë listën e imputeve bujqësore të cilat me miratimin e tij përjashtohen nga TVSH-ja.

“Mund të ndodhë që të mos përfshihet gjithë gama e imputeve bujqësore që duhet të çlirohen nga TVSH”, tha Braçe.

Por propozimet e kreut të komisionit të ekonomisë u rrëzua dhe ligji u miratua sipas përcaktimeve të bëra nga komisioni i ekonomisë sëbashku me ministrin e Financave, Arben Ahmetaj./abcnews.al

edi-raamw.jpg
ad min18:24 | 13/11/2018

Sektori i bujqësisë do të marrë gjatë vitit 2019, mbështetjen financiare më të madhe në historinë e 8 qeverive të fundit. Kështu u shpreh kryeministri Edi Rama gjatë një takimi me fermerë dhe përfaqësues të këtij sektori në Ibë të Tiranës, ku u prezantua buxheti i vitit 2019.

Në Buxhetin për Bujqësinë u fol për shumë herë të para.

“Vitin që vjen ne do të kemi një buxhet në mbështetje të bujqësisë, që është më shumë sesa të gjitha vitet e qeverisë së mëparshme të marra së bashku, të teta dhe çelim një program të ri mbështetje financiare të BE për fshatin, që i bashkohet programit të mbështetjes së qeverisë shqiptare, që në vetvete është për të dytin vit radhazi, një program që i kalon 20 milionë euro, diçka që as mund të mendohej dot më parë”.

Me krenari tregon kryeministri se eksportet i kanë dyfishuar që nga dita që janë ulur në karriget e qeverisë.

Kur ne e filluam punën, pasi morëm detyrën për të qeverisur Shqipërinë, kjo shifër ishte 150 milionë dollarë.

Burokracitë janë zeruar, e po zero dokumenta kërkohen për të aplikuar në skemat  mbështetëse te bujqësisë. Ky sektor ka marrë të gjithë vëmendjen e qeverisë në të gjitha drejtimet tha kryeministri Edi Rama duke i kujtuar se nuk e ka harruar premtimin për zerimin e TVSH-së mbi imputet bujqësore.

“Për momentin jemi në pikën, ku kemi një nivel të arsyeshëm dakordësie për të shkuar në 6 me 6. Pra, për ta ulur nga 20% në 6% TVSH-në e imputeve bujqësore dhe për të ulur po ashtu rimbursimin për grumbulluesit, pasi kanë demonstruar një shkallë jo të vogël mungese, si të thuash, respekti për skemën, duke mos e ndarë suksesin e skemës me fermerët”.

E sa për sigurinë ushqimore kryeministri shprehet mëse i bindur se konsumojmë e tregëtojmë ushqime shumë më të garantuara se para kohës që qeverisnin Shqipërinë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono