turp

edi-rama12.jpg
G. P.13:57 | 13/06/2018

Kryeministri Edi Rama në kuadër të turit të llogaridhënies, pas prezantimit të projekteve të reja për qarkun, u ndal tek ajo që quajti “transformim në Bashkinë Durrës”  duke akuzuar për sharlatanë dhe të turpshëm këdo që është bërë palë në bllokimin e projektit “Veliera”, punimet e së cilës janë ndërprerë me urdhër gjykate.

Llogaridhënien në qytetin e Durrësit kryeministri e nisi me prezantimin e projekteve të reja për qarkun, si rrjeti hekurudhor Durrës – Lin – Pogradec, studimi i fizibilitetit i të cilit ka përfunduar, por edhe ajo Tiranë – Durrës dhe Durrës – Rrogozhinë. Pasi mori fjalën për të thënë se sa qeveria ka bërë, Edi Rama artikuloi sulmin direkt drejtuar Gjykatës Administrative të Durrësit për vendimin e ndalimit të punimeve në projektin “Veliera”. I bindur se kjo e fundit do të përfundojë pavarësisht vendimit të gjykatës, Rama e quan bllokimin turp tipik edhe të vendeve të tjera të atyre që të renë dhe të bukurën nuk e kuptojnë, sipas tij.

“Maskarada e organizuar përmes sharlatanëve që quhen mbrojtës të ambientit për të bllokuar një projekt që do e mohojë që e kanë kundërshtuar, kur Veliera të përfundojë. Është një ndërhyrje që transformon imazhin e një qyteti të tërë dhe maskarada të përfundojë dhe puna të vazhdojë. Më vjen keq që ka ndodhur dhe turpi i atyre që e kanë orkestruar dhe e janë bërë palë në të ashtuquajturin sistem të drejtësisë duke u përfshirë në një histori të turpshme”.

Kryeministri turin e vijoi me një drekë pune me sipërmarrës të agroturizmit, ku përsëriti shaplljen e thirrjes së dytë për aplikim për fonde në këtë sektor në Agjencinë për Zhvillim Bujqësor dhe Rural, ku përfshihet edhe paketa me lehtësira fiskale si taksa 5% e tatim fitimit dhe ulja në 6% e tatimit mbi vlerën e shtuar për këdo që fiton./abcnews.all

89c951e7aa3346dcbe56776aa53835ea_18.jpg
ent ela12:55 | 02/04/2018

Vijon retorika e presidentit të Turqisë, Rexhep Tajip Erdoğan kundër kryeministrit të Kosovës Ramush Haradinaj, në lidhje me operacionin e ndërmarrë së fundmi në Kosovë nga Shërbimi turk i Inteligjencës ku u ekstraduan 6 shtetas turq, që akuzohet se mbështesin imamin Fetullah Gylen. Duke paralajmëruar se “ky nuk është as operacioni i parë dhe as i fundit, Erdogan iu rikthye përsëri Kosovës në një fjalim të mbajtur në kongresin e zakonshëm të Partisë për Zhvillim dhe Drejtësi në Hatay.

Rexhep Tajip Erdogan, President i Turqisë: “Falënderoj presidentin e Kosovës. Por kryeministrit i them ‘Turp’. Sepse largimi nga detyra i kreut të inteligjencës, ministrit të Brendshëm, të cilët na i dhanë anëtarët e organizatës terroriste FETO, është një gabim historik. Sepse ato bënë detyrën e tyre. Si është e mundur që ti ke bërë një gjë të tillë kundër Turqisë, I cili është vendi i dytë pas Amerikës që ka njohur Kosovën? Un e di se edhe populli i Kosovës nuk e pranon kurrë këtë hap që ka hedhur kryeministri i saj. Operacione të tilla do të pasojnë më pas, ne do t’i ndjekim anëtarët e bandës tradhtare FETO kudo që ata të largohen”.

Më tej Erdogan nënvizoi se do të ketë mik dhe vëlla këdo që shkollat e shoqatave të Gylen ia dorëzon fondacioneve të shtetit turk. Gjithashtu tregoi dhe një premtim që kishte marrë nga kryeministri I Greqisë, Aleksis Tsipras, për dorëzimin e ushtarëve të arratisur nga vendi pas tentativës për grusht shteti me 15 korrik. Presidenti turk thotë se kaluan muaj dhe vite, por asgjë nuk është bërë. Madje akuzoi Tsipras se tashmë është vënë në mbrojtje të tyre. /abcnews.al

vlcsnap-error631-1-1280x719.jpg
us er12:26 | 15/11/2017

Një ditë pasi u mësua se kishte propozuar ish kreun e SHISH për ambasador në NATO, kryeministri Edi Rama ka folur për herë të parë për këtë zgjedhje. Në emisionin Studio e Hapur në Neës24, kryeministri tha se largimi i Visho Ajazi Lika nga SHISH ishte inicuar prej këtij të fundit disa muaj me parë kur i kishte kërkuar kryeministrit një referencë mbështetëse nga qeveria pasi kishte aplikuar për një pozicion të rëndësishëm në NATO, ku nuk fitoi. Sipas kryeministrit, propozimi për ta dërguar ambassador në NATO është një detyrim i qeverisë, për të mos e lënë pa punë ish shefin e shërbimit sekret.

I pyetur nëse kishte dijeni para fushates zgjedhore për akuzat që i bëhen Tahirit, kur e largoi si ministër, kryeministri mohoi me kokë. Por  tha se nuk i takon të komentojë për një çështje, që po hetohet nga drejtësia.

Kryeministri shmangu përgjigjen direkte, nëse marrëveshja e 18 majit me opozitën përfundoi, me kërkesën për shkarkimin e kryetarit të KQZ Klement Zguri.

Për herë të parë Edi Rama rrëfeu se konsultohet me paraardhësin e tij në PS, Fatos Nano. Ai vlerësoi Sali Berishën si forcë e natyrës në politikë, ndërsa Ilir Metën si politikan rrace. Për Blushin, Rama tha se respekton përpjekjen e tij elektorale, e se mbetet pjesë e familjes së majtë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono