turizmi

KRONIKE-RAMA-KLOSI-PER-TURZMIN-ABCM3T1.mpg_snapshot_00.36-1280x720.jpg
G. P.13:18 | 27/11/2018

Nuk do të ketë më leje për ndërtimin e fshatrave turistikë. Kryeministri Edi Rama deklaroi se modeli i zhvillimit të turizmit do të ndryshojë dhe prioritet, do të jetë ndërtimi i resorteve.

Ndërsa flet për zhvillimin e turizmit në Shqipëri pas 2018-s një togfjalësh duhet ta fshish nga fjalori.

Edi Rama, Kryeministër: “Ajo fjala “fshatra turistikë” duhet fshirë nga fjalori. Nuk kemi për të dhënë më leje për fshatrat turistikë që kthehen në lagje banimi, që janë zona banimi për ata që sot kanë mundësi të blejnë edhe një vilë në bregdet dhe pastaj ta mbajnë mbyllur.”

Kryeministri Edi Rama është kategorik në thirrjen e tij drejtuar investitorëve vendas dhe të huaj.

“As mos e merrni mundimi fare të vini me albume fshatrash turistikë bazuar tek shitja e menjëhershme e metrave katrorë dhe tek “të pashë dhe ika”. Duam projekte të cilat i përgjigjen ambicjes sonë për të zhvilluar një industri turistike të qëndryeshme. Nuk jemi në një provincë të botës, për sa i përket turizmit. Jemi vërtetë në një nga qendrat më intensive të zhvillimit.”

Shqipëria ka nevojë për shtimin e kapaciteteve akomoduese, por modeli i zhvillimit të turizmit do të ndryshojë. Bazë do të jetë ndërtimi i resorteve të cilat në vetëvete mund të jenë një kombinim i hotelerisë me vilat individuale. Por per të marrë lejen e ndërtimit, kryeminsitri tregon se do të ketë kushte.

“Do të bësh një herë pjesën e hotelerisë pastaj do të marrësh lejen për të ndërtuar vila historia që fillojmë me hapim themele, i shesim në themel, marrim me këste dhe pastaj përfundojmë që hoteli mbetet në letër dhe një pjesë e hotelerisë mbetet një dëshirë e mirë e parealizuar. Ngrejmë kantierin dhe ikim dhe prapa lemë një tjetër mëhallënjerëzish që sot kanë një lek më shumë dhe e përdorin mëhallën 15 ditë në vit, është një histori që për ne duhet të konsiderohet e marrë fund.”

Ndërsa lehtësite fiskale kanë nisur ti japin efektet. Ministri i Mjedisit dhe Turizmit Blendi Klosi, thotë se bashkitë janë përfshirë nga hotelmania.

Blendi Klosi, ministër i Mjedisit dhe Turizmit: “Në vitin 2016 zyrtarisht janë licensuar vetëm 12 hotele, në 2017-n 53. Në 6 mujorin e parë të këtij viti kanë marrë lejen për të filluar investimet plot 115 hotele.”

Vendi ynë këtë vit në optikën e qeverisë, ka përjetuar sezonin më të mirë turistik me 6 milionë turistë dhe rreth 2 miliardë euro të ardhura nga turizmi./abcnews.al

KLOSI-PER-TURIZMIN-ABC-M5-T2.mpg_snapshot_00.22-1280x720.jpg
G. P.19:04 | 15/11/2018

10 milionë turistë është objektiv, jo vetëm sfidë! Ky është qëllimi i Ministrisë së Turizmit dhe Mjedisit, sipas ministrit Blendi Klosi. Për t’i paraprirë një viti turistik më të suksesshëm se ky që po lemë pas, ministria ka hartuar një plan prej 365 masash.

“Kemi arritur të listojmë problematikat që duke marrë mekanizma ligjorë, ndërhyrje administrative, por dhe duke e shtuar reklamimin e bukurive të natyrës shqiptare, ne padyshim do ja dalim që numri 10 milionë turistë të arrihet jo vetëm në një kohë të shpejtë, por edhe me mekanizma që sigurojnë që ky turizëm të jetë i qëndrueshëm, të prodhojë ekonomi dhe punësim” deklaroi ministri Klosi në një takim me donator./abcnews.al

blendi-klossii.png
G. P.18:03 | 09/11/2018

Ministria e Mjedisit dhe Turizmit ka kërkuar më shumë buxhet për pastrimin e venddepozitimeve të mbetjeve ilegale dhe për të arritur sfidën e 10 milionë turistëve. Ministri Blendi Klosi ishte në komisionin parlamentar të veprimtarisë prodhuese ku raportoi për projekbuxhetin e vitit që vjen.

Harta e vendeve të ndotura është gati, por mungojnë paratë për t’i pastruar. Ministria e Mjedisit dhe Turizmit ka kërkuar më shumë buxhet për eleminimin e vendeve ilegale, ku depozitohen mbetjet. Ministri Blendi Klosi iu tha deputeteve të komisionit parlametar të veprimtarisë prodhuese se këtë problem nuk e zgjidh vetëm bashkëpunimi me pushtetin vendor.

“Ajo që na duhet nga komisioni i nderuar është që të mbështesim edhe më shumë në buxhet eleminimin e venddepozitimit ilegale të venddepozitimeve të mbetjeve urbane. Shqipëria do të jetë e papastër nëse ne nuk arrijmë të mbyllim 128 pika të cilat janë në përgjithësi buzë lumenjve ose në zona bregdetare”, tha Klosi.

Ministria e Mjedisit dhe Turizmit njëkohësisht po punon për të hartuar kriteret e reja për marrjen e një leje mjedisore për 18 prej industrive në vend. Ato pritet të jenë gati brenda pranverës. Pasi synimi i Ministrisë së Mjedisit dhe Turizmit është që sezoni i ardhshem turistik ta gjejë Shqipërinë më të pastër.

“Ne vazhdojmë të shprehim bindjen që Shqipëria nuk është e papastër, Shqipëria është e ndotur”, u shpreh ministri.

Turizmi sipas ministrit Klosi i solli vendit këtë vit 2 miliardë euro të ardhura, por sfida është më e madhe sa kaq.

“Mbi 300 milionë ka qenë fitimi i drejtpërdrejtë dhe të shtuara më shumë sesa viti 2017. Nëse flasim për sektorin e turizmit, rritjet janë relativisht shumë të mëdha dhe kjo pasqyrohet në projektbuxhetin e vitit tjetër”, u shpreh Klosi.

Me buxhetin e ri synohet që turizmi të mos përqëndrohet vetëm në bregdet, por përmes mbështetjes për agroturizmin të shtrihet në çdo bashki. /abcnews.al

KLOSI-MASAT-PER-SEZONIN-E-ARDHSHEM-1280x720.jpg
ent ela17:16 | 02/11/2018

Ministria e Turizmit dhe Mjedisit ka nisur zbatimin e planit të masave për sezonin e ardhshëm turistik. Masa e parë nga 365 të tilla është trajnimi i të rinjve të projektit “Smile Albania”.

Të buzëqeshësh shqip ka nevojë për trajnim. Bëhet fjalë për 500 të rinjtë e projektit “Smile Albania” të cilët do të përgatiten që sezonin e ardhshëm turistik të kthehen në ambasadorë të turizmit në vendin tonë. Kjo është masa e parë në planin e Ministrisë së Turizmit dhe Mjedisit për vitin që vjen.

“Ne po fillojmë sot lançimin e një nga detyrave që kishim në planin e 365 masave , atë të programimit në advancë, programimit më parë në kohë të një seti me trajnime që mund t’i shndërrojë të 500 rinjtë e projektit Smile në 500 guida të ardhshme për të cilat Shqipëria ka shumë nevojë. Dhe ato cfarë ne po lançojmë sot, të tre projektet e trajnimit nëpërmjet guidave apo qoftë të kombinimit me nxitjen që me GIZ-in kemi planifikuar për të bërë dhe trajnimin e ruajtësve të plazhit ne të afrojmë një profesion të sigurtë me të ardhura të konsiderueshme për të gjithë grupin tuaj”.

10 milionë turistët nuk është vetëm një sfidë në shifër. Ministri Klosi thotë se synimi është vënia në punë e një mekanizmi të ri në funksion të turizmit cilësor.

“Ne do të punojmë si institucion qendror së bashku me partnerët tanë që të krijojmë gjatë gjithë vitit një sistem trajnimesh, organizimi, përgatitjesh që kur të fillojë projekti Smile vitin e ardhshëm që unë do të doja shumë të mos ishte vetëm korrik -gusht por të ishte të paktën qershor-shtator dhe të kishim mundësinë që të kishim 500 ambasadorë të turizmit shqiptar dhe prandaj do të duhej që të shikonim me shumë vemendje këto, kurse që ne po lancojmë sot që të keni mundësi të merrni më shumë aftësi mbi veten dhe kjo do t’ju bëjë juve më të vlefshëm dhe më të domosdoshëm në sfidën 10 milionë”.

Plani i Ministrisë së Mjedisit dhe Turizmit për sezonin e ardhshem turisitk sipas ministrit Klosi  parashikon 365 konkrete, 1 për çdo ditë. /abcnews.al

RAMA-PER-TURIZMIN-ABC-M5-T2.mpg_snapshot_01.21-1280x720.jpg
G. P.21:05 | 24/10/2018

Dy miliardë euro të ardhura dhe 30 mijë të punësuar ka përfituar ekonomia e vendit nga turizmi në harkun kohor të pesë viteve. Kryeminstri Edi Rama bëri të ditur të dhënat në Konferencën Kombëtare të Turizmit.

Në konferencën kombëtare për turizmin, kryeministri Edi Rama fjalën e tij e nisi me një përgjigje për gazetat kroate, të cilat shkruajne se: “Kroacisë turistët ja ka marrë Shqipëria”.

Edi Rama, Kryeministër: “Ne nuk jemi duke marrë turistët nga Kroacia por është fakt gjithnjë e më kuptimplotë se nëse turizmi në Kroaci apo në vende si Kroacia ka një vendnumëro që lidhet nga ezaurimi i mundësive, Shqipëria ka një potencial ende të madh të pashfrytëzuar”.

Ndërkohë, panoramën e turizmit në Shqipëri pesë vitet e fundit, kryeministri e paraqiti përmes shifrave.

“Në 5 vitet e fundit ne kemi kaluar nga 3.4 në mbi 6 milionë vizitorë dhe nga 1 miliard euro të ardhura në afro 2 miliardë euro të ardhura nga turizmi, me një reflektim shumë domethënës dhe në punësim ku gjatë sezonit turistik kemi mbi 30 mijë të punësuar në funksion të sezonit”.

Sfida është arritja e 10 milionë turistëve në harkun kohor të 4-5 viteve, por sipas shefit të qeverisë, kërkohet një qasje tjetër ndaj turizmit.

“Ne nuk mund të vazhdojmë më të ndërtojmë turizëm Shqipërie për shqiptarët në kuptimin e vazhdimit të ndërtimit të të ashtuquajturave fshatra turistikë që konceptohen si fshatra personalë për tu shitur tek bashkëfshatarë shqiptarë të rrethuar me mure pa asnjë lidhje me çfarë ka majtas e djathtas, përballë detit e pa asnjë lloj respekti për çfarë ka mbrapa, duke u pasuar njëri pas tjetrit”.

Deklaratat kryeministri i bëri në një nga hotelet luksoze në kryeqytet, ndërkohë që njoftoi se shumë shpejt, të tjera firma ndërkombëtare të hoteleve me pese yje do të vendosen në Shqipëri./abcnews.al

xhafaj-1.png
G. P.22:46 | 18/10/2018

Ministri i Brendshëm, Fatmir Xhafaj, vlerëson se sezoni turistik veror 2018 u përballua me sukses nga Policia e Shtetit. Sipas ministrit sezoni numëroi zero ngjarje të rënda në zona turistike, më pak aksidente dhe më pak zhurmë në orët e vona të natës.

Nga një aktivitet i zhvilluar në bregdetin e Golemit, ministri i Brendshëm, Fatmir Xhafaj, vlerësoi maksimalisht punën e policisë gjatë sezonit turistik veror 2018. Sipas tij, angazhimi i mbi një mijë forcave policore garantoi më shumë siguri për pushuesit, më pak incidente në ujë, më pak aksidente rrugore dhe më pak zhurma të orëve të vona në zonat turistike.

“Ne premtuam një sezon me më shumë qetësi, me më shumë rend dhe parandalim më të mirë të incidenteve dhe akteve kriminale. Një premtim tërësisht i mbajtur. Rezultati? Numri i ngjarjeve të rënda në zonat turistike ishte zero. Pati gjithashtu një ulje të ndjeshme të numrit të vjedhjeve në territoret e plazheve. Gati 100 aksidente më pak dhe një ulje e ndjeshme e aksidenteve me pasoja”, tha Xhafaj.

Sipas Xhafajt, vendosja e rreguallave të qarkullimit të mjeteve ujore u përkthye në zero incidente me këtë mjete në gjithë vijën bregdetare shqiptare.

“Në numrin 112, gjatë këtij sezoni turistik kishim gati 90% më pak ankesa nga viti i kaluar lidhur me zhurmat në oraret e vona të natës”, u shpreh Xhafaj.

Puna e policisë u vlerësua edhe nga ministri i Turizmit dhe Mjedisit, Blendi Klosi.     

Në Shqipëri turistët nuk vijnë vetëm në dy muajt e verës, por shtatori këtë vit shënoi një rritje rekord, 44.6 përqind më shumë sesa një vit më shumë. Por ne ndryshuam shumë nga vjet. Më tepër arritje në rend, shumë më tepër siguri”, tha Klosi.

Klosi nënvizoi rëndësinë e vazhdimit të kësaj vëmendje gjatë gjithë vitit edhe tek kategoritë e tjera të turizmit. /abcnews.al

AHMETAJ1-1280x720.jpg
ent ela17:10 | 15/10/2018

Ministri i Financave dhe Ekonomisë, Arben Ahmetaj deklaroi së gjatë sezonit turistik janë punësuar 11 mijë persona. Në mbledhjen e Këshillit të Investimeve, Ahmetaj paralajmëroi se vitin që vjen kontrollet kundër informalitetit do të kryhen edhe në shtëpitë që presin turistë dhe nuk deklarojnë të ardhura.

Gjatë sezonit turistik të këtij viti, Ministri i Financave dhe Ekonomisë, Arben Ahmetaj ka llogaritur 11 mijë të punësuar, ndërsa numri i turistëve në 8 muaj arriti shifrën 4 milionë. Në mbledhjen e Këshillit të Investimeve, Ahmetaj tha se sfidë për sektorin vijon të mbetet formalizimi, pavarësisht se  vlera e gjobave të vëna gjatë sezonit të verës arriti në 1.2 milionë dollarë.

“Sezoni turistik i 2018 ka qenë vit rekord i vizitorëve të huaj, por edhe në aspektin e formalizimit mbi 9900 kontrolle e verifikime në terren janë konstatuar mbi 3500 shkelje dhe janë zbuluar penalitete mbi 130 milionë lekë. Nuk është fokusi te penalitetet, por te edukimi i tatimpaguesve dhe formalizimi i mëtejshëm”.

Ahmetaj njoftoi se deklarimit dhe pagesës së taksave nuk do t’i shpëtojnë as shtëpitë që presin turistë. Administrata tatimore tha ai ka nisur të mbledhë të dhënat që tani.

“Kemi bërë një hap më tej, përsa i përket strukturave akomoduese për formalizim për turizmin. Unë kam filluar negociata me platformat dixhitale të  “booking.com” dhe “ARNB”,  për të marrë informacione zyrtare nga këto platforma për të gjithë këto struktura që jepen me qira, po për arsye që janë shtëpi banimi janë larg syrit të tatime dhe institucioneve të fiskut”.

Një nga problemet në sektorin e turizmit që evidentoi një sondazh i këshillit të investimeve është arsimi dhe edukimi i personave që shërbejne në fushën e turizmit. /abcnews.al

KLOSI-FUSHATE-PER-PYLLEZIMIN-E-PEMEVE.mpg_snapshot_01.32-1280x720.jpg
G. P.15:25 | 10/10/2018

Ministri i Mjedisit dhe Turizmit Blendi Klosi çeli fushatën e mbjelljeve të reja. Dy vitet në vijim synimi është shtimi i 20 milionë e 200 mijë pemëve të reja.

20 milionë 200 mijë pemë të reja deri në 2020. Ky është synimi i Ministrisë së Mjedisit dhe Turizmit të cilin e bëri të ditur ministri Blendi Klosi, ndërsa çeli sezonin e ri të mbjelljeve.

Blendi Klosi, ministër i Mjedisit dhe Turizmit: “Për ata që duan të kapen tek numri 20 milionë e 200 mijë pemë deri në vitin 2020, gjatë sezonit të kaluar e cila për mua padyshim kalon 4 milionë edhe falë detyrimeve që kanë pasur disa kompani të mëdhaja.”

Moratoriumi për pyjet ndërkohë, sipas ministrit te Mjedisit dhe Turizmit, i ka dhënë efektet pozitive.

“Moratoriumi ka bërë një gjë shumë të shkëqyer dhe ka shtuar shumë umrin e pemëve të rejad filizave të rinj kudo, por ama duhen ruajtur nga zjarri, nga menaxhimi dhe nga mosshfrytëzimi. Unë them prap se edhe pse kemi shumë probleme për sa i përket keqmenaxhimit. Ne kemi bërë një gjë të shkëlqyer që kemi prerë motosharrën. Dua të them që pyjet sot janë në një gjendje shumë më të mirë.”

Administrimi i pyjeve mbetetet problem sipas ministrit Klosi edhe pas kalimit tek pushtetit vendor.

“Prandaj na duhet shumë më shumë bashkëpunim me pushtetin lokal dhe sipërmarrjen që sot ka përgjegjësinë kryesore pasi duhet të kuptojmë shfrytëzimin më të mirë, shfrytëzimin pozitiv, pasi nuk jemi kundër biznesit, por jo të atij i cilit dëmton ekonominë e vendit, natyrën dhe mjedisin dhe turizmit shqiptar.”

Ministri i Mjedisit dhe Turizmit kërkoi bashkëpunimin e specialistëve të fushës për të hartuar një strategji të qartë për ruajtjen e pyjeve./abcnews.al

blendi-klossss.png
G. P.17:15 | 09/10/2018

Ky vit, sipas ministrit të Turizmit dhe Mjedisit, Blendi Klosi shënon një bum sa i përket numri të turistëve të huaj të ardhur në vendin tonë. Shifrat sipas tij flasin për një rritje me 15%. Ndërkohë që pritshmëritë janë që numri i turistëve deri në fund të viti të shkojë mbi 6 milionë.

Referuar këtyre zhvillimeve, ministri i Turizmit dhe Mjedisit kërkoi nga prefektet e bizneset të angazhohen për të përballuar fluksin në rritje të vizitorëve. Ndërkohë që përgatitjet për sezonin e ardhshëm t’i nisin që këtë vit. /abcnews.al

DIBRA-NE-FESTE_ABC-1280x720.jpg
ent ela15:48 | 06/10/2018

Këtë vit në Dibër u organizuan disa ditë rresht aktivitete të ndryshme me qëllim për të prezantuar zonën turistike. Vendorët besojnë se përmes një feste të tillë do të arrijnë qëllimet që Dibra të frekuentohet dhe në dimër.

“Dibra n’festë”. Kështu besojnë të promovojnë zonën e tyre organizatorët. Të joshin vizitorët e turistët për të njohur, traditat, kulturën, prodhimet dibrane, dhe destinacionet turistike.

Ndryshe nga vitet e tjera këtë vit jane organizuar disa festa.  E nisën me çeljen e një ekspozite me fotografi të vjetra , në një nga shtëpitë e vjetra të qytetit nën moton “Një foto, një histori”.

Muharrem Rama: “Panairi i të vjelave sivjet do të jetë më i larmishëm se produktet e Dibrës kanë qenë më cilësore dhe të shumta”.

Më pas u çel panairiri librit, i cili do të qëndrojë i hapur për tri ditë me radhë.

Aktivitetet vijuan me promovimin e disa produkteve të punës së dorës dhe disa gatime tradicionale të zonës.

Besnik Alku Organizator: “Nëpërmjet kësaj feste në dëshirojmë që të promovojmë të gjitha bukuritë natyrore dhe vlerat që ka Dibra”.

Nuk munguan as kinematë e hapura dhe lojrat për të rinj. Kurse disa grupe u oranizuan në guida turistike, në malin e Korabit, tek liqenet e Lurës, tek liqenet e Kaçnisë dhe në kanionin e Setës. Në mbyllje ishte festa e të vjelave ku fermerët prezantuan prodhimet e tyre. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono