Turistët

plazhi-vlore-1-1280x710.jpg
nev ila13:54 | 20/10/2019

Bregdeti në Vlorë është populluar nga shumë plazhistë këtë fundjavë. Temperaturat e larta kanë bërë që të huaj dhe vendas të lahen në det.

Në kryeqytet temperaturat e larta janë shqetësuese, por jo në Vlorë. Aty njerëzit janë zhveshur dhe po shijojnë ujin e Jonit.

Të rinj dhe të rritur zgjodhën plazhin për të kaluar fundjavën. Bregdeti është mbipopulluar dhe vështirë të besosh që kjo po ndodh në fund tetori. Lokalet dhe baret janë hapur. Xhirot vazhdojnë si në kohë sezoni. Vlora vazhdon të afrojë kushte ideale për të shijuar një të dielë të bukur.

Plazhe të populluara pati këtë fundjavë edhe në Durrës, Sarandë e Shëngjin. Operatorët turistikë tregojnë se drejt bregut shqiptar jo vetëm vendas por edhe të huaj.

Derisa temperaturat të qëndrojnë të tilla, këto pamje do afrohen nga çdo plazh i vendit tonë./abcnews.al

turistet-lezhe-1280x695.jpg
nev ila15:33 | 27/09/2019

Në Lezhë nuk ka asnjë guidë të certifikuar për turistët. Ky rol është kryer ose nga individë privatisht ose nga udhërrëfyes të vetë grupeve, por jo nga ata që vërtetë kanë njohuri për historinë dhe resurset e zonës.

Këta vizitorë që do eksplorojnë Lezhën duhet të marrin me vete edhe udhërrëfyesit turistik.

Është ndoshta qyteti me më  histori e resurse por nuk ka asnjë guidë të certifikuar.

Udhërrëfyesit turistik janë një mangësi,  thotë drejtori i turizmit në këtë bashki Ardian Laçi.

Kështu vlerat e zonës nuk marrin vëmendjen e duhur.

Nevojën që Lezha të ketë udhërrëfyesit e saj lokal e kërkojnë dhe operatorët turistike apo drejtuesit e arsimit profesional.

Petrit Kurbini është një emigrant i kthyer nga Shtetet e Bashkuara të Amerikës.

Ka zgjedhur për t’u bërë një udhërrëfyes turistik duke qenë i gatshëm për të operuar shumë shpejt.

Me kalimin e sezonit vendorët duket se janë njohur me pasojat e kësaj mungese. Ndaj njoftojnë se do të ngrihet kursi dhe brenda pranverës do të certifikohen udhërrëfyesit e parë.

Probleme me guidat nuk ka vetëm Lezha. Edhe zona të tjera shfaqin mangësi apo mediokritet në këtë drejtim.

Shumë turistë apo grupet nga vendet e ndryshme vijnë me udhërrëfyes më vete./ABC News Albania 24/7

MUZET-PREFEROHEN-NGA-TE-HUAJT-ABC-M1-T2.mpg_snapshot_00.08-1280x720.jpg
ent ela18:11 | 30/08/2019

Në sezonin e verës, turistët e huaj dhe emigrantët shfaqin interes për muzetë në kryeqytet.  Në krye të preferencave  vazhdon të jetë Muzeu Historik Kombëtar me 27 mijë vizitorë në 3 muaj. Por rritje të numrit të vizitorëve kanë shënuar edhe Muzeu Arkeologjik dhe Muzeu i Përgjimeve “Shtëpia me gjethe”.

Kryeqyteti i Shqipërisë, Tirana gjithnjë zgjon interesin e turistëve, por sezoni turistik, shënon një numër në rritje.

Bazuar në statistika, muzeu historik kombëtar rezulton më i vizituari në 3 muajt e verës.

Interes të veçantë dhe një numër në rritje kanë shfaqur vizitorët qoftë vendas dhe të huaj  për “Shtëpinë e gjetheve“.

Muzeu arkeologjik i Tiranës është vizituar gjatë periudhë Qershor- Gusht nga më shume se 1 mijë vizitore Përgjëgjsia e muzeut  Eda Andoni thotë se interesin më të madh për arkeologjinë e shfaqin të huajt.

Kureshtja më e madhe në këtë muze qëndron tek periudha antike, e cila pasqyrohet përmes objekteve të shumta të prezantuara në ekspoze, të cilat janë zbuluar nga  gërmimet në gjithë  territorin e Shqipërisë.

Ndërsa në Muzeun Historik Kombëtar  ndër pavionet më të preferuar janë ai i Arkeologjisë, pavioni i Mesjetës  ku pasqyrohet figura e Skënderbeut dhe ai i ikonave.

Drejtori i Muzeut Dorian Koçi thotë se zgjatja e orarit në muze dhe site arkeologjike është mjaft pozitive. Muzeu Historik është ndërtuar në periudhën e komunizmit në vitin 1981. Dhe është një ftesë për të udhëtuar në të kaluarën e Shqipërisë dhe shqiptarëve. Nga prehistoria e dëshmitë ilire, tek arti mesjetar dhe etapat e tjera të kombit e shtetit shqiptar, përmes artefakteve.

Muzeu Arkeologjik dhe Muzeu Kombëtar si problematikë  prej vitesh shfaqin mungesën e sistemit të kondicionimit, i cili prej vitesh është zëvendësuar me disa freskuese në pavionë të ndryshëm.

Oraret e muzeve dhe siteve arkeologjike do të vazhdojnë të jenë me orare të zgjatura nga ora 9.00 deri ne 19.00 deri në mes të tetorit.

Gazetare ABC News: Leontina Nika

mihal-kokedhima-1280x720.jpg
nev ila12:46 | 28/08/2019

Gjykata e Apelit në Vlorë ka lënë në fuqi masën e vendosur nga gjykata e shkallës së parë, atë të arrestit me burg për Mihal Kokedhimën. Seanca ndaj tij u zhvillua një ditë më parë dhe pala mbrojtëse ka kërkuar një masë më të lehtë sigurie për 51 vjeçarin.

Kokëdhima sulmoi disa turistë spanjollë të cilët kishin drekuar në lokalin e tij në Porto Palermo. Mihal Kokedhima do të vazhdojë të qëndrojë pas hekurave.
Apeli i Vlorës la në fuqi masën e sigurisë arrest me burg për 51 vjeçarin.

E njëjta masë u dha edhe nga gjykata e Shkallës së parë në Vlorë më 18 gusht.

Seanca ndaj Kokëdhimës është zhvilluar një ditë më parë në gjykatën e apelit, ndërsa trupi gjykues është përberë nga Skënder Damini, Klodiana Gjyzari dhe Petrit Aliaj. Prokuror ishte Kleant Zeka.

Kokëdhima nuk është përfaqësuar nga të njëjtët avokat, por në këtë seancë mbrohej nga avokati Gezim Veleshnja.

Pala mbrojtëse e Kokedhimës ka kërkuar një masë sigurie më të lehtë për Kokëdhimën, i cili akuzohet për tre vepra penale,”Shkatërrim të pronës“, “Dëmtime të tjera me dashje” dhe “kanosje”.

Seanca ndaj tij u bë me dyer të mbyllura.

Mihal Kokedhima u përfshi në konfliktin me turistët spanjolle në restorantin e tij Panorama në Porto Palermo, objekt i cili tashmë është shembur gjatë një aksioni të IKMT pasi rezultonte pa leje./ABC News Albania 24/7

PRODHIMET-ARTIZANALE-SHQIPTARE-ABC-M1-T2.mpg_snapshot_00.03-1280x720.jpg
ent ela15:48 | 22/08/2019

Prodhimet artizanale shqiptare tërheqin vëmendjen e turistëve dhe emigrantëve në sezonin e verës.  Dyqanet e suvenirëve në Tiranë ofrojnë prodhime të moçme mbi 1 shekullore dhe riprodhime të ditëve të sotme.

Turistët dhe emigrantët të cilët kanë përzgjedhur Shqipërinë për të kalur pushimet verore, nuk largohen nga Shqipëria pa marrë diçka me vete që t’ju kujtojë këtë vend me tradita. Shumë prej tyre preferojnë suvenirët dhe prodhimet artizanale shqiptare. Dyqanet ofrojnë edhe krijime të moçme dhe riprodhime.

Kërkesat  janë nga më të ndryshmet sipas artizanes dhe shitëses Aida Berhami. Disa janë të qartë  në zgjedhjet e tyre, madje kanë menduar çdo gjë me detaj.

Ndërsa turistët preferojnë gjëra simbolike.

Artizanati shqiptar është i mëshiruar tek punimet e leshit, drurit, bakrit dhe argjendit.

Gazetare: Leontina Nika

komentet-per-mihalin.jpg
G. P.15:08 | 18/08/2019

Restoranti i Mihal Kokëdhimës kishte një pozicion të favorshëm në bregdetin e jugut, me një panoramë të spikatur nga lokali, por edhe plazhi. Frekuentues të tij janë turistë vendas e të huaj.

Këta të fundit kanë lënë komente të shumta në platformën Google, që ofron mundësinë e rankimit e vlerësimit të cilësisë së njësive të shërbimit, bare, restorante, hotele apo resorte.

Komentet dhe vlerësimet e klientëve janë shumica negative. Vlerësimi për bar restorantin në zonën e Porto Palermos në Google është 2.7 nga 5, që është nota maksimale.

Komentet arsyetuese të turistëve të ndryshëm, dallojnë për evidentimin e sjelljes agresive të pronarit me turistët, çmimet e larta në raport me lokalet e tjera, apo edhe taktika mashtruese me faturën e llogarisë.

Kështu, dy vite më parë një turist i huaj, duke postuar faturën,  paralajmëron klientët e ardhshëm që të mos pranojnë asgjë që nuk kanë porositur, as vajin e ullirit shkruan, pasi sipas tij i është faturuar në vlerën e 250 lekëve, e në faturë ka gjetur të listuara 2 produkte të tjera, djathë dhe lakër, të faturuara 700 lekë, që nuk i kishte porositur. Ankesës së tij për tre produktet e paporositura, pronari luftarak sipas tij, i ishte përgjigjur se si klientë kishin qenë të uritur dhe i kishin ngrënë.

Klientë të tjerë ankohen edhe për cilësinë e peshkut dhe peshën që ofrohet. “Të mashtrojnë për peshën dhe kanë çmime të shtrenjta”, shkruan një turiste italiane para një viti, duke këshilluar që të qëndrohet larg atij restoranti.

Aktualisht restoranti është i mbyllur ndërsa pronari nën arrest, pasi disa ditë më parë terrorizoi një grup turistësh spanjollë, të cilët ishin larguar të pakënaqur nga lokali. Restoranti i ndërtuar mbi plazh, rezulton prej vitesh pa leje dhe është në proces legalizimi./ABC News Albania 24/7

panorama-1280x708.jpg
Sej rie20:00 | 04/08/2019

Një fshatin turistik të Dhërmiut një ndër destinacionet e pëlqyera të turistëve është edhe bar “Panorama”. Prej 20 vitesh “Panorama” ofron kafe dhe kokteje të ndryshme, por vitet e fundit aty ofrohen edhe kepa të shijshëm.

Në një intervistë për Edicioni Veror pronari i bar “Panorama” Aleks Marko ,është shprehu se lokali është një pikë kyçe për turistë. Sipas tij vizitorët vendas dhe të huaj ndalohen aty./abcnews.al

kamping-1280x725.jpg
Sej rie16:00 | 04/08/2019

Pushues të huaj dhe vendas përherë e më tepër kërkojnë të pushojnë në ambiente të hapura për më shume argëtim dhe aventure. Në Radhimë të Vlorës të huaj nga Italia, Gjermania, Anglia etj kanë mbërritur me makinat e tyre për të qëndruar në kampingje.

Nuk po pushojnë ne hotele apo resorte. Shumë turistë në Vlorë zgjedhjen ambiente të hapura. Në Radhimë janë shtuar kampingjet. Jo vetëm pushues vendas por edhe të huaj preferojnë t’i kalojnë kështu pushimet.

Nga Italia, Gjermania dhe Anglia kanë zbarkuar në bregdetin e Jonit me makinat e tyre.  Zgjedhin të qëndrojnë jashtë hoteleve për tu zbavitur më tepër, për më shumë aventurë.

Rradhima është një ndër zonat më të frekuentuara të Vlorës nga vendas dhe të huaj. Plazhi është i pastër dhe i sigurt. Shumë të huaj që vijnë për herë të parë thonë se do ua rekomandojnë miqve të tyre këtë vend.

Plazhet e Vlorës këtë sezon turistik janë mbushur si asnjëherë. Bregdetit i jugut duket se i josh më shumë kryesisht ata që vijnë nga jashtë Shqipërisë. Shifrat treguan një fluks të lartë në muajin Korrik. Dhe duket se po aq pushues do të ketë deri në përfundim të sezonit./ABC News Albania 24/7

klosi-1-1280x713.jpg
Sej rie13:30 | 04/08/2019

Numri i turistëve izraelitë që kanë zgjedhur të vizitojnë Shqipërinë sipas ministrit te Turizmit dhe Mjedisit Blendi Klosi është trefishuar.  Ndërkohe ministri Klosi bëri të ditur se shumë shpejt numri i charteve që do të udhëtojnë nga Telavivi në Tiranë dhe anasjelltas do të shkojë në katër.

Shumë shpejt nga Telavivi në Shqipëri  dhe anasjelltas do të udhëtojnë katër chartera në javë. Ministri i Turizmit dhe Mjedisit Blendi Klosi  e bëri të ditur nga stenda e “Buzëqesh Shqipëri” në aeroportin “Nënë Tereza” në Tiranë ku foli dhe për rritjen e numrit të turisteve izraelitë që kanë zgjedhur të vizitojnë vendin tonë.

“Falënderoj kompaninë për numrin e madh të turistëve izraelitë që kanë ardhur në Shqipëri gjatë verës së këtij viti dhe numrat janë realisht impresionues nga viti i kaluar dhe nga një vit më parë, numri është trefishuar duke shkuar në 20 mijë turistë izraelitë që janë futur deri në fund të muajt Qershor”.

Ministri i Turizmit thotë se shkak për këtë janë shërbimet e përmirësuara dhe investimet në tregun e hotelerisë.

 “Kjo mundësi e shtuar krijon padyshim një destinacion të ri, që do të ndiqet edhe nga kompanitë e tjera izraelite të cilat e shikojnë Shqipërinë si një diamant në sektorin e turizmit dhe si një perspektivë e re e turizmit izraelit. Pra në gjuhën e shifrave rritja e avionëve nga Izraeli është impresionuese, vjet për herë të parë u testuan dy avionë në javë dhe vetëm për dy muajt e verës, Sivjet jemi në 4 avionë në javë pothuajse për të gjithë periudhën nga prilli deri në shtator dhe ajo çfarë premtojnë drejtuesit më të lartë të Israair, me të cilët kemi një dakordësi tashmë është që vitin tjetër të ketë 7 fluturime në javë”.

Me hapjen e aeroportit të Kukësit ministri Klosit tha se Shqipëria mund të kthehet në një destinacion interes jo vetëm për tu vizituar nga turistet por dhe për të shërbyer si  vend transit për të arritur vendet e rajonit./ABC News Albania 24/7

REPORTAZH-MANASTIRI-I-ZVERNECIT_ABC-M2-T1.mpg_snapshot_00.03-1280x720.jpg
ent ela15:40 | 25/07/2019

Manastiri i Zvërnecit në Vlorë është një nga pikat turistike që çdo ditë e më tepër vizitohet nga vendas dhe të huaj. Ndërtimi i tij, historia, gojëdhënat e bëjnë këtë resurs tërheqës në çdo stinë të vitit.

Këtu ora duket sikur ka mbetur në vend. Të paktën 500 vetë e vizitojnë çdo ditë. Më të shumtët janë italianë.

Ndoshta për shkakun se historia e lidh fillesën e këtij vendi me murgun italian Benedeto i Norcias.

Ai formuloi rregullin e Mjeshtrit, çka do të thotë rregulla për veprimtarinë e jetës monastike.

Është Manastiri i Shën Marisë së Zvërnecit, një prej manastireve të njohur bizantinë në rajonin e Vlorës.

Një vend i spostuar në lagunën e Nartës, larg nga qendrat e banuara, i izoluar dhe i mbrojtur.

Në të dikur jetonin murgjit, njerëz që i largoheshin jetës së përditshme dhe kërkonin në vetmi paqen dhe qetësinë.

Ata ë luteshin Zotit së bashku dhe pjesën tjetër të kohës e kalonin me zeje, libra, apo veprimtari të tjera humane.

Kisha e Shën Marisë së Manastirit të Zvërnecit, është e tipit kryq i lirë me kupolë. Ajo mbart në vetvete dy faza ndërtimi, duke u veçuar në pjesën e vjetër dhe atë të re.

Për këtë monument kulture kanë shkruar autorë të rëndësishëm, të huaj dhe shqiptarë.

Në librin e tij “Kalaja e Kaninës dhe shkrime të tjera”, Eqrem Bej Vlora përmes një kronike anonime, flet për gruan tradhëtare që vrau burrin e saj komandat bizantin, për t’i shërbyer kalorësit të shquar Tarenit.

Por kur në Vlorë mbërriti nga Italia e Jugut, Robert Guiskardi, i ati i Boemundit, u dha urdhri që gruan tradhtare ta burgosnin në Manastirin e Zvërnecit. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono