turiste

lezha-turiste.jpg
G. P.16:30 | 24/05/2019

Mori flamujsh të shteteve të ndryshme kanë dekoruar rrugën e Shëngjinit në Lezhë. Kjo iniciativë e një biznesmeni ka për qëllim për t’i uruar mirëseradhje pushuesve në këtë sezon turistik.

Kështu do të jetë hyrja e Lezhës dhe Shëngjinit këtë sezon turistik. Janë rreth 400 flamuj të shteteve të ndryshne që kanë kolorizuar udhëtimin drejt kësaj zone turistike.

Ideja dhe realizimi janë produkt i Arben Fushajt, administrator biznesi. Është mënyra që ka zgjedhur ai për të ju uruar mirëseardhjen të gjithë pushuesve vizitorëve dhe turistëve. Kurse Lezha do të mirëpresë mbi 6 mijë turistë këtë fund Maji për festivalin e muzikës elektronike që do të zhvillohet tek Rana e Hedhun.

Edhe punën po e bën personalisht dhe thotë se biznesi duhet të angazhohet për të bërë sa më shumë në fushën e turizmit. Fushaj është i bindur se kjo panoramë do të ndikojë në klimën e turizmit në Lezhë dhe si një mënyrë e mirë për të promovuar zonën.

Po realizoj diçka si të veçantë për qytetin tonë dhe që të jetë shembull për Shqipërinë se gjithë ata turistë që do bëjnë një foto do ta hedhin nëpër Facebook, Instagram e tjerë dhe i jep më vlerë si Lezhës, Shëngjinit dhe Shqipërisë në këtë rast”, tha Fushaj.

Prej 3 ditësh Arben Fushaj i është përkushtuar ndryshimit të fasadës për hyrjen në Lezhën turistike, ndërsa gjithçka do të jetë gati ditën e shtunë dhe në vazhdim./ABC News Albania 24/7

sezoni-turistik-1.jpg
G. P.15:07 | 24/05/2019

Vendorët në Gjirokastër deklaruan se për këtë sezon turistik pritet dyfishimi i turistëve në parkun antik të Antigonëse, por rruga është e gjitha e dëmtuar. Shkarjet masive nisën në vitin 2016 dhe aktualisht gjendja nuk ka ndryshuar.

Në Antigone u bë festë për çeljen e sezonit turistik. Por rruga që të çon tek parku ka këtë pamje. Mbrojtëset anësore janë shkatërruar nga aksidentet në tërë gjatësinë e saj.

Shkarjet janë aq të shpeshta për shkak të përbërjes së saj shtuf saqë papritur mund të përfundosh poshtë. Në vitin 2016 për shkak të rrëshqitjeve, katër fshatra u izoluan. Dhe prej asaj kohe asgjë nuk ka ndryshuar. Vendorët thonë se nuk kanë fonde dhe nuk dinë se si do t’i joshin turistët për të vizituar dhe shijuar vendin antik.

“Ky segment nuk mundëson ardhjen me ritmin e duhur të turistëve. Jo vetëm ai segment, por edhe linja që tashmë nuk janë miratuar dhe të përcaktuara që duhet të kishte një linjë për agjencinë turistike për Antigonenë, për Labovën e Zhapës, për Urën e Kordhocës, për Picarin, për Kardhiqin. Pra një agjenci turistike që do të mundësonte lëvizjen e vizitorëve vendas dhe të huaj nëpërmjet transportit”.

Zona e Lunxhërisë dhe Antigonesë nxisin turizmin gjithëvjetor duke u mbështetur tek resurset natyrore dhe arkeologjike dhe promocionin e haneve. Në Antigone jetojnë aktualisht rreth 7000 banorë. Vitin e kaluar komuna priti rreth 2000 vizitorë, por për këtë sezon autoritetet lokale shpresojnë ta dyfishojnë këtë shifër.

Por në këtë gjendje në të cilën ndodhet rruga, vështirë të lëvizin banorët se vizitorët do alarmohen./ABC News Albania 24/7

0_Egypt-bus-blast-1.jpg
G. P.17:20 | 19/05/2019

Një shpërthim që kishte si objektiv një autobus turistësh ka lënë të plagosur të paktën 16 persona në afërsi të Muzeut të Madh të Egjiptit. Sipas agjencisë së lajmeve “Reuters”, shumica e të lënduarve janë turistë të huaj.

Pajisja me eksploziv ishte vendosur pranë gardhit të muzeut dhe shpërtheu kur autobusi po kalonte. Bëhet fjalë për incidentin e dytë ndaj turistëve që ndodh në Egjipt brenda 6 muajsh.

Në Dhjetor, tre shtetas vietnamezë dhe një guidë turistike lokale u vranë pasi një bombë e vendosur anës rrugës u aktivizua teksa kalonte autobusi i tyre. Të plagosurit këtë të dielë për fat të mirë nuk kanë marrë plagë të rënda.

Turizmi është një sektor kyç për ekonominë egjiptiane, me punonjësit e hoteleve, guidat turistike, shoferët e taksive dhe shitësit ambulantë që sigurojnë jetesën përmes tij./ABC News Albania 24/7

moti-i-keq.jpg
G. P.21:55 | 09/05/2019

Një jaht me 3 turistë austriakë ka lëshuar sinjalin SOS, pasi rrezikon mbytjen 3 milje nga bregdeti i Kallmit në Durrës.

Lajmi konfirmohet nga kapiteneria e Durrësit. Mësohet se forca e detit është 6 ballë. Dyshohet se jahtit me 3 turistë i është fikur motori nga moti i keq.

Ndërkohë Rojet Bregdetare me një rimorkiator janë nisur për t’i ardhur në ndihmë turistëve të huaj./abcnews.al

12402308-6933449-image-m-25_1555527959533.jpg
Sej rie21:56 | 17/04/2019

Të paktën 28 persona kanë humbur jetën si pasojë e një aksidenti tragjik automobilistik në Portugali. Ngjarja ka ndodhur në ishullën Madeira dhe sipas mediave ndërkombëtare viktimat janë turistë gjermanë.

Sipas bilancit të parë 17 prej viktimave janë femra, ndërsa 11 meshkuj. Sipas pamjeve të bëra publike autobusi me turistë pasi ka dalë nga rruga është përmbysur, duke shkaktuar përveç viktimave edhe shumë të plagosur. Mes të lënduarve dhe shoferi i guida portugeze. Në autobus sipas mediave kur ka ndodhur aksidenti kanë qenë mbi 50 persona./abcnews.al

krocera-1280x707.jpg
ent ela16:25 | 09/03/2019

Ende pa nisur sezoni turistik një tjetër kroçere nga Duvroniku ka mbërritur në Portin e Vlorës. Turistët nga Belgjika , Franca dhe Zvicra do të vizitojnë disa qytete të Shqipërisë dhe me pas do t’i drejtohen Korfuzit. Ata thonë për “abc news” se Vlora ka ndryshuar shumë kohët e fundit.

Kroçiera “La belle de L’Adriatique” nga Dubrovniku me 170 vetë zbarkoi këtë të shtunë në Vlorë. Turistët kanë planifikuar të vizitojnë qytetin e Beratit dhe Fierin. Më pas do t’i drejtohen Sarandës dhe ishullit të Korfuzit në Greqi.

Të ardhur nga Belgjika, Franca dhe Zvicra turistët e rendisin Vlorën nder qytetet me te bukura qe kane vizituar.

“Është hera e tretë që vijë në Vlorë, ka ndryshuar shume, qyteti është mahnitës, me i pastër dhe me i rregullt”.

“Vij nga Franca. Vlora është vërtet një qytet i bukur ”.

Muajt e ardhshëm priten kroçiera te tjera nga vende të ndryshme të Evropës të cilët zgjedhin Vlorën mes destinacioneve turistike të vitit 2019./abcnews.al

turistet-1.png
G. P.10:04 | 30/10/2018

Dy turistë të huaj janë shpëtuar nga policia pasi kishin mbetur të bllokuar orej 8 orësh në Bjeshkët e Kaprres në Theth. Bëhet fjalë për një 27-vjeçare nga Holanda dhe një 33-vjeçar nga Irlanda e Veriut, të cilët kanë ngatërruar rrugën për të dalë në Qafën e Valbonës dhe kanë dalë në vendin e quajtur “Qafa e Pejës”.

Për gjetjen e tyre në ndihmë të forcave policore shkuan edhe banorët e zonës. Ata i gjetën dy turistët në vendin e quajtur “Maja e Jezercës, e cila është një zonë e thepisur dhe që rrezikonte jetën e tyre. Përveç kësja, dy të rinjtë gjendeshin në kushte të vështira pasi nuk kishin ushqim, ujë dhe kërcënoheshin nga kafshët e egra në zonë. Pas gjetjes ata u dërguan në Theth dhe janë në gjendje të mirë shëndetësore./abcnews.al

edi-rama-1280x704.jpg
G. P.11:55 | 30/08/2018

Ky është momenti që sipas kryeministrit Edi Rama turizmi po jep fryte në ekonominë e vendit.

Ku kemi një potencial të jashtëzakonshëm për të rritur ekonomikisht vendin, për të rritur punësimin, për të rritur vlerësimin, pra rrogat, pagat për ata që janë të punësuar në turizëm”, theksoi kryeministri.

Nga Gjiri i Lalëzit ku takoi të rinjtë e projektit “Smile Albania” shefi i qeverise iu përgjigj edhe shqiptarëve kritikë me turizmin në vend.

“Turistët e huaj vijnë në Shqipëri dhe thonë: Shqipëria është shumë e bukur, pushimet janë të lira dhe mikpritja është e jashtëzakonshme. Ndërkohë që shqiptarët që komentojnë thonë, Shqipëria është e shëmtuar, pushimet janë shumë të shtrenjta dhe të gjithë ata që shërbejnë janë për t’u vrarë. Tani, ose turistët e huaj janë nën efektin e drogës që i kemi dhënë ne si qeveri dhe nuk dinë as ku kanë ardhur dhe as çfarë flasin ose pastaj ka një problem me vetë këta që komentojnë”, tha kryeministri i vendit.

Çmimet që ofron Shqipëria përgjatë sezonit turistik kryeministrit nuk i duken të larta.

“Nuk ka çmime të larta që e lënë restorantin bosh apo e lënë hotelin bosh, sepse falimenton. Përderisa ka klientë, konsumatorë e kështu me radhë, atëherë do të thotë që ka një balancë dhe nuk diskutohet që pushimet në Shqipëri janë ende shumë të lira”, u shpreh Rama.

Shefi i qeverisë bëri të ditur gjithashtu se puna përgatitore për sezonin e ardhshëm veror do të nisë që në fund te muajit Shtator. Piketat e para janë vendosur.

“Ne po bëjmë disa përpjekje që janë drejt finalizimit. Duam të vendosim një pikë të përbashkët kontrolli me Greqinë për të lehtësuar shumë hyrjet dhe daljet. Duam të vendosim një pikë të përbashkët kontrolli me Kosovën për të lehtësuar shumë hyrjet dhe daljet në mënyrë që të mos ketë dy palë policë, dy palë kontrolle, e kështu me radhë dhe këto besoj se do të jenë vlerë e shtuar në sezonin e ardhshëm”, tha Rama.

Ndërkohë kryeministri kërkoi edhe sugjerimet e të rinjve te projektit “Smile Albania” për të përmirësuar ofertën turistike sezonin e ardhshëm./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono