Trump

KRYEMINISTRJA-DANEZE-TRUMP.mpg_snapshot_00.01-1280x720.jpg
ent ela12:55 | 21/08/2019

Çështja e Groenlandës tashmë ndërhyn dhe në marrëdhëniet diplomatike mes Shteteve të Bashkuara të Amerikës dhe Danimarkës. Presidenti amerikan Tramp anuloi takimin e parashikuar prej dy javësh me kryeministren daneze, pasi kjo e fundit nuk pranon të flasë për shitjen e ishullit.

Presidenti amerikan Donald Tramp vendosi të shtyjë në një datë të pacaktuartakimin e programuar me kryeministren daneze Mete Frederiksen pasi kjo e fundit e cilësoi absurd propozimin e kreut  të shtëpisë së bardhë për  të blerë Groenlandën. Tramp e mori këtë ide nga një bashkëpunëtor i tij, i cili i tha se si Danimarka e ka të vështirë të financojë me 457 milion euro në vit, ishullin. Nga këtu lindi ideja për t’i sugjeruar Kopenhagenit blerjen e tij.

Që nga atëherë Presidenti Amerikan nisi të fliste për perspektivën e blerjes së Groenlandës, në shumë raste. Disa nga këshilltarët e tij janë dakord me të duke theksuar avantazhet ekonomike të një blerje të tillë, duke përbërë një trashëgimi të ngjashme me blerjen e Alaskës nga Rusia në vitin 1867.

Me anë të një mesazhi në Tuiter Tramo shkruan se Danimarka është një vend shumë i veçantë por pas deklaratave të kryeministres daneze, e cila nuk ka asnjë interes për të diskutuar për blerjen e Groenlandës, ai ka vendosur të shtyjë takimin në një datë tjetër.

“Duke u treguar kaq e drejtpërdrejtë, kryeministrja kurseu shumë shpenzime dhe impenjim si nga Shtetet e Bashkuara të Amerikës ashtu dhe nga Danimarka. E falenderoj dhe mezi pres takimin tonë në të arhmen,” përfundon Tramp.

Ndërkohë gjatë takimit të tij në Shtëpinë e Bardhë me presidentin rumun Johanis, Tramp u shpreh se hebrenjtë që votojnë për demokratët kanë një mungesë totale të njohurive dhe besnikërisë. /ABC News Albania 24/7

donald-trump-1280x785.jpg
Sej rie17:15 | 14/08/2019

Demokratët në Shtetet e Bashkuara i kanë bërë të qartë presidentit Trump se do t’ia bllokojnë marrëveshjen që ai dëshiron të nënshkruajë me Britaninë e Madhe pas Breksit. Për demokratët, që kontrollojnë shumicën në Kongres, për çdo marrëveshje duhen marrë parasysh efektet anësore të saj.

Demokratët në Shtetet e Bashkuara kanë paralajmëruar se nuk do ta lejojnë një marrëveshje tregtare me Britaninë, nëse ajo minon akordin e paqes së Irlandës, e njohur si Marrëveshja e së Premtmes së Mirë.

Paralajmërimi është bërë nga kryetarja e demokratëve në Dhomën e Përfaqësuesve, Nensi Pelozi, e cila ka theksuar se dalja e Mbretërisë së Bashkuar nga BE-ja nuk mund të pranohet nëse vë në rrezik marrëveshjen në fjalë.

Komentet e saj vijnë pasi këshilltari i presidentit Trump për sigurinë kombëtare, Xhon Bolton deklaroi se Britania e Madhe do të jetë e para në radhë për një marrëveshje tregtare sapo të lërë Bashkimin Europian.

Vetë Bolton foli pas një takimi të zhvilluar në Londër me kryeministrin britanik Boris Xhonson. Rivendosja e kontrolleve kufitare mes Irlandës së Veriut dhe Republikës së Irlandës nëse Mbretëria e Bashkuar largohet pa një marrëveshje më 31 Tetor shihet si kërcënim për paktin e vitit 1998, Marrëveshja e së Premtes së Mirë, që i dha fund dekadave gjakderdhje në Irlandën e Veriut.

“Çfarëdo forme që të marrë, Breksit nuk mund të lejohet të vërë në rrezik këtë marrëveshje, përfshirë kufirin pa vijë ndarëse mes Republikës Irlandeze dhe Irlandës së Veriut”, tha Pelosi./ABC News Albania 24/7

110517-melania-trump-japan-1280x1053.jpg
Sej rie23:30 | 12/08/2019

Administrata e presidentit Donald Trump publikoi të hënën një rregull të ri gjithëpërfshirës që do të kufizojë emigracionin e ligjshëm duke u mohuar vizën dhe qëndrimin e përhershëm qindra mijëra njerëzve për shkak se janë të varfër. Rregulli i ri i Trump do të hyjë në fuqi më 15 tetor dhe do të refuzojë aplikantët për viza të përkohshme ose të përhershme për shkak se dështojnë të arrijnë standardet e të ardhurave, ose sepse marrin asistencë publike.

Menjëherë pasi rregulli i ri u njoftua, Qendra Kombëtare për Emigracionin paralajmëroi se do ta padisë atë, në mënyrë që ta pengojë të hyjë në fuqi. Për grupin në fjalë, ky rregull bazohet në motive raciste.

Nisma e re është pjesë e përpjekjeve të Trump për të frenuar emigracionin e ligjshëm dhe atë të paligjshëm, një çështje që e ka kthyer në gur themeli të presidencës së tij.

Rregulli prej 837 faqesh mund të jetë më drastiku i të gjitha politikave të administratës së Trump në dëm të sistemit të emigracionit të ligjshëm – kanë deklaruar ekspertët.

Ndërsa avokatët e çështjeve të emigracionit e kanë kritikuar planin si një përpjekje për të ndryshuar ligjin amerikan duke anashkaluar Kongresin. Rregulli është derivat i Aktit të Emigracionit të vitit 1882, që i lejon qeverisë amerikane t’i mohojë vizën kujtdo që ka gjasa të bëhet barrë publike./ABC News Albania 24/7

donald-trump-1280x785.jpg
Sej rie18:30 | 09/08/2019

Pas masakrave të fundjavës së kaluar, që morën jetët e mbi 30 personave, presidenti Donald Trump ka deklaruar se po zhvillon bisedime me palët e interesuara për kontrollin e armëve. Por më shumë se sa kontrollin e armëve, Trump duket se mbështet vetëm kontrollin e personave që i zotërojnë ato.

Presidenti amerikan Donald Trump ka deklaruar të premten se po zhvillon bisedime serioze me liderët politikë, për të krijuar bazat e duhura për një legjislacion për kontrollin e poseduesve të armëve.

Reagimi i tij i radhës ka ardhur kur po bëhet një javë nga masakrat e El Pasos dhe Dejtonit, që morën disa dhjetëra jetë njerëzish. Në profilin e tij në Tëitter, Trump ka bërë me dije se ka zhvilluar bisedime edhe me Shoqatën Kombëtare të Armëve, në mënyrë që edhe rekomandimet e saj të merren parasysh në negociata.

Megjithatë, në reagimin e tij, presidenti amerikan nuk ka saktësuar se cilat janë hapat që do të mbështesë ai në këtë drejtim, në një kohë kur dihet që shoqata kombëtare e armëve, NRA, kundërshton ashpër kontrollet. Nga ana tjetër, demokratët kërkojnë që të mblidhet Senati dhe të fusë menjëherë në fuqi legjislacionin për kontrollin e armëve.

Por për Trump më i rëndësishëm është kontrolli i personave që posedojnë armë e jo më kot ai ka thënë se, vetëm njerëzit me çrregullime mendore nuk duhet t’i mbajnë ato. Debati për kontrollin e armëve u rikthye në qendër të vëmendjes pas masakrave të fundjavës së kaluar në El Paso dhe Dejton, ku mbetën të vrarë mbi 30 persona./ABC News Albania 24/7

43cb9b5d-1b8e-4119-8969-c555f49981b5-1280x919.jpg
Sej rie10:00 | 08/08/2019

Ka vizituar El Pason dhe Dejtonin për t’u treguar të mbijetuarve të dy vrasjeve në masë se si president është pranë tyre, por Donald Trump është pritur me protesta në të dyja qytetet. Ai është etiketuar si racist dhe manifestuesit i kanë bërë thirrje që të kthehet në shtëpi.

Presidenti amerikan Donald Trump ka vizituar dy qytetet që po marrin veten pas të shtënave në masë, por vizitat hasën në protesta dhe përplasje me politikanët lokalë. Trump bëri thirrje për unitet pas ngjarjeve në Teksas dhe Ohajo dhe e kaloi të mërkurën duke u takuar me të mbijetuarit dhe skuadrat e emergjencës që iu përgjigjën kërcënimit. Por kritikat mbi retorikën e tij dhe mungesën e veprimit për kontrollin e armëve nuk kaluan pa u përmendur. Në El Paso të Teksasit, disa manifestues ngritën parulla ku thuhej “Racist, kthehu në shtëpi”.

Parulla të ngjashme u verifikuan edhe në qytetin tjetër që ai vizitoi, Dejton, ku megjithatë pati edhe mbështetës të presidentit që mbushën rrugët. Në total 31 persona mbetën të vrarë në dy sulmet, të cilat ndodhën fundjavën e kaluar pak orë në distancë njëri nga tjetri.

Trump dhe bashkëshortja e tij Melania u pritën në aeroport nga guvernatori i Teksasit, Greg Ebot dhe kryebashkiaku i El Pasos, Di’ Margo përpara se të largoheshin.

Çifti presidencial kaloi më shumë se një orë në qendrën mjekësore universitare të qytetit, duke folur me stafin dhe të mbijetuarit, përpara se të udhëtonte për në qendrën e operacioneve të emergjencës. Disa protestues përgjatë rrugës ngritën pllakate me shkrimin “Kthehu në shtëpi. Ti nuk je i mirëpritur këtu!”, ose “Trump urren. Racizmi nuk është i mirëpritur”.

Kongresmenia demokrate, që përfaqëson El Pason, Veronika Eskobar refuzoi të takohej me të duke thënë se fjalët dhe veprimet raciste të presidentit kanë shkaktuar dhimbje në komunitet dhe në vendin e saj. Ajo dhe aspiranti për kandidat presidencial Bet Ou Rurk, lindur në El Paso, morën pjesë në një manifestim kundër kreut të shtetit, i cili sipas tyre përgojon emigrantët.

Ndërkohë, pasi u takua me kryebashkiaken e Dejtonit Nen Uejlli në një bazë ajrore lokale, çifti presidencial udhëtoi drejt spitalit për t’u takuar me të mbijetuarit, punonjësit e emergjencës dhe stafin e spitalit. “Zoti ishte me ju. Dua që ta dini se edhe ne jemi me ju gjatë gjithë kohës”, u tha presidenti të mbijetuarve dhe familjarëve të tyre. Por jashtë spitalit protestuesit ngritën në ajër balonën “bejbi Trump” dhe duke iu drejtuar presidentit përdorën parulla të tipit “Bëj diçka”, “Shpëto qytetin tonë”, ose “Ti je problemi”./ABC News Albania 24/7

AP19219525229966-1280x720.jpg
Sej rie22:00 | 07/08/2019

Presidenti i Shteteve të Bashkuara të Amerikës, Donald Trump ka vizituar qytetin e Dejtonit, 3 ditë pas masakrës, ku mbetën të vdekur 9 persona. Trump e nisi vizitën në Dejton duke takuar të mbijetuarit në spital. Kreu i Shtëpisë së Bardhë shprehu ngushëllimet e tij, ndërsa tha se do jetë në krah të tyre. Menjëherë pas daljes nga spitali, presidenti Trump është pritur nga disa protestues, të cilët, me pankarta në duar i bënë thirrje që të shpëtojë qytetin e tyre. Vizita e presidentit Trump do të vijojë në El Paso, qyteti tjetër që u trondit nga të shtënat e armëve, ku humbën jetën 22 persona. Masakra në El Paso dyshohet se është një krim i nxitur nga urrejtja./ABC News Albania 24/7

 

donald-trump-1280x785.jpg
nev ila20:21 | 06/08/2019

Presidenti amerikan Donald Trump do të vizitojë të mërkurën El Pason, qyteti me prani të theksuar hispanike ku fundjavën e kaluar u regjistrua masakra që la 22 të vdekur.

Për ngjarjen në fjalë, që dyshohet se kishte si motiv urrejtjen ndëretnike, Trump është kritikuar ashpër nga demokratët për shkak të retorikës së tij anti-emigracion.

Vizita e tij synon të tregojë të kundërtën sa i takon urrejtjes racore dhe supremacisë së bardhë, të cilat ai i dënoi në fjalimin e së hënës, dy ditë pas ngjarjes së rëndë.

Ndërkohë, të martën Trump u është përgjigjur kritikave në adresë të tij me një postim në Twitter, ku ka deklaruar se në kohën e presidencës së Barak Obama ndodhën 32 incidente me armë.

“Askush nuk tha që Obama ishte jashtë kontrollit. Të shtënat në masë kanë ndodhur përpara se unë të mendoja të bëhesha president”, ka shkruar Trump në profilin e tij./ABC News Albania 24/7

donald-trump-1280x785.jpg
Sej rie11:15 | 05/08/2019

 Në reagimin e radhës lidhur me dy masakrat që ndodhën në fundjavë në Shtetet e Bashkuara, presidenti Donald Trump ka deklaruar se është koha që t’u jepet fund episodeve të tilla. Por kritikët e akuzojnë presidentin se është pjesë e problemit për shkak të retorikës kundër emigrantëve dhe refuzimit për kontrollin e armëve.

Presidenti amerikan Donald Trump ka reaguar sërish pas vrasjes së 29 personave në dy masakrat e fundjavës, duke deklaruar se “urrejtja nuk ka vend” në Shtetet e Bashkuara.

I ndodhur përballë akuzave të shumta të ngritura ndaj tij, Trump tha se “ndoshta duhet bërë më shumë” për të parandaluar sulme të tilla. Por kritikët thonë se vetë Trump është pjesë e problemit, duke cituar këtu retorikën e tij kundër emigrantëve dhe refuzimin për kontrollin e armëve. Sulmi në qendrën tregtare Uollmart në El Paso të Teksasit la 20 të vdekur, ndërsa ai në Dejton të Ohajos 9. 21-vjeçari që u arrestua në lidhje me masakrën e parë kishte postuar online një dokument ku thoshte se sulmi ishte një përgjigje ndaj “pushtimit hispanik” të Teksasit.

Ndërkohë, motivet e autorit të sulmit në Dejton, i cili mbeti i vrarë nga reagimi i policisë, mbeten të paqarta. Duke folur përpara gazetarëve, presidenti Trump tha se incidenteve të tilla u duhet dhënë fund. “Kjo është diçka që ndodh prej shumë vitesh në vendin tonë dhe tani duhet ta ndalim”, tha Trump. Ai shtoi se të dyja sulmet kishin në sfond probleme të lidhura me sëmundjet mendore, duke thënë se autorët ishin shumë të sëmurë.

Nga ana tjetër, hetuesit nuk kanë bërë ndonjë koment lidhur me gjendjen shëndetësore të atentatorëve. Prokurorët e Teksasit kanë deklaruar vetëm se episodi i ndodhur në El Paso po trajtohet si një rast i terrorizmit të brendshëm dhe se po shqyrtojnë që kësaj piste t’i shtojnë edhe atë të krimit me bazë urrejtjen./ABC News Albania 24/7

Donals-trump-1.jpg
Sej rie19:00 | 03/08/2019

Pas tërheqjes nga traktati i Luftës së Ftohtë për armët bërthamore, presidenti Donald Trump ka propozuar një marrëveshje të re, ku veç Rusisë duhet të përfshihet edhe Kina. Duke folur për mediat, Trump ka thënë se Pekini dhe Moska kanë shprehur interes ndaj kësaj ideje.

Presidenti amerikan Donald Trump ka deklaruar se dëshiron një marrëveshje të re bërthamore ku përveç Rusisë të aderojë edhe Kina. Trump ka bërë me dije se ka folur me dy vendet në fjalë në lidhje me idenë e tij dhe ato sipas tij janë shprehur shumë të interesuara. Komentet e shefit të Shtëpisë së Bardhë erdhën pasi Shtetet e Bashkuara u tërhoqën zyrtarisht të premten nga traktati i vitit 1987 për ndalimin e armëve bërthamore, lëvizje që shtoi frikën për fillimin e një gare të re armatimi.

I pyetur nga mediat se si do ta shmangë një garë të tillë, Trump tha se administrata e tij ka qenë në kontakt me atë ruse për një pakt të ri. “Një pakt ku patjetër duhet të përfshihet edhe Kina”, vijoi Trump. Ai theksoi se një gjë e tillë do të ishte shumë e dobishme për mbarë botën dhe shprehu bindjen se do të realizohet.

“Kina ka qenë shumë e interesuar për të folur për këtë temë dhe po ashtu edhe Rusia. Ndaj mendoj se herët a vonë do ta arrijmë një marrëveshje”, vijoi Trump për gazetarët. Traktati i Luftës së Ftohtë për armët bërthamore ndalonte vendosjen në terren të raketave me rreze veprimi që varion nga 500 deri në 5 mijë e 500 kilometra. Tërheqja e Shteteve të Bashkuara ditën e premte erdhi pas akuzave të Uashingtonit se Moska kishte shkelur paktin duke vendosur në terren raketa të reja të tipit “Kruis”, akuzë që Kremlini e ka mohuar vazhdimisht./ABC News Albania 24/7

SHBA-KINE.mpg_snapshot_00.04-1280x720.jpg
ent ela11:45 | 02/08/2019

Presidenti amerikan Donald Trump ka vendosur tarifa të reja për produktet kineze, duke ashpërsuar edhe më tej luftën tregtare me Kinën. Trump ka akuzuar Pekinin se nuk u është përmbajtur detyrimeve të marra përsipër në bisedimet dypalëshe dhe ka paralajmëruar se tarifat e reja mund të rriten.

Presidenti Donald Trump ka deklaruar se do të vendosë tarifa të reja prej 10 për qind mbi produktet kineze me vlerë 300 miliardë dollarë, një lëvizje kjo që pritet të përshkallëzojë më tej luftën tregtare mes dy vendeve. Deklarata erdhi pas raundit të radhës të bisedimeve, ku palët treguan pak vullnet për të tejkaluar ngërçin. Tarifat e reja, që pritet të hyjnë në fuqi më 1 shtator, faktikisht do të taksojnë të gjitha importet kineze në Shtetet e Bashkuara. Ato pritet të mbulojnë një gamë të gjerë produktesh, nga telefonët “smart” deri tek veshjet. Ministri i Jashtëm kinez, Uang Ji kritikoi lëvizjen e Shtëpisë së Bardhë. “Rritja e tarifave nuk është një mënyrë konstruktive për të zgjidhur përplasjet ekonomike dhe tregtare. Nuk është rruga e duhur”, deklaroi ministri. Presidenti Trump e njoftoi planin e tij të tarifave në Tëitter, duke akuzuar Kinën se nuk ka mbajtur premtimin për të blerë më shumë produkte agrikulturore amerikane. Ai gjithashtu sulmoi homologun kinez Xi Jinping, që dikur e cilësonte mikun e tij, se ka dështuar në implementimin e zotimeve të marra përsipër nga Pekini. Ndërkohë, në një deklaratë të mëvonshme, presidenti amerikan u tha gazetarëve se tarifa prej 10 për qind është një masë afatshkurtër, duke paralajmëruar se më vonë ajo mund të rritet mbi 25 për qind. “Dikush duhet ta kishte bërë këtë me Kinën shumë kohë më parë”, tha Trump. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono