Trump

trump-2-1280x698.jpg
ent ela23:18 | 15/02/2019

Presidenti Donald Trump ka shpallur gjendjen e jashtëzakonshme në kufirin SHBA-Meksikë, duke shkelur çdo autoritet të Kongresit vetëm e vetëm për të financuar murin në kufirin jugor. Por, demokratët e Dhomës së Përfaqësuesve e kanë paralajmëruar atë me një betejë ligjore që parashikohet të jetë e gjatë.

Presidenti Donald Trump shpalli të premten gjendjen e jashtëzakonshme, në përpjekje për të financuar murin e premtuar në kufirin SHBA-Meksikë pa aprovimin e Kongresit. Lëvizja e presidentit republikan, që anashkalon Dhomën e Përfaqësuesve, përbën një qasje të re për realizimin e premtimit elektoral, që synon ndaljen e fluksit të emigrantëve dhe drogës në Shtetet e Bashkuara. Megjithatë, krahas gjendjes së jashtëzakonshme, Trump ka premtuar se do të nënshkruajë projektligjin dypartiak që shmang përsëritjen e bllokadës qeveritare.

Manovrat e fundit konsiderohen megjithatë një humbje për kreun e shtetit, përsa kohë ai u detyrua ta nënshkruajë draftin që nuk përmban fondin e kërkuar prej tij, që u bë burim konflikti mes demokratëve dhe republikanëve dhe solli bllokadën qeveritare 35-ditore, më e gjata në histori.

Por pavarësisht se me shpalljen e gjendjes së jashtëzakonshme mund t’ia arrijë qëllimit të tij, Trump rrezikon të përfshihet në një betejë të gjatë legjislative dhe ligjore me demokratët, por edhe me republikanët që kundërshtojnë taktikën e tij. Kryetarja e demokratëve në Dhomën e Përfaqësuesve, Nensi Pelozi dhe kryesenatori demokrat Çak Shumer iu përgjigjën menjëherë presidentit Trump.

“Veprimet e tij shkelin të gjitha kompetencat ekskluzive të Kongresit, të cilat themeluesit e vendit tonë i hodhën në Kushtetutë”, thuhet në një deklaratë të demokratëve. Në të nënvizohet se Kongresi do të mbrojë autoritetin kushtetues përmes gjykatave dhe çdo mjeti tjetër ligjor./abcnews.al

trupm.jpg
ent ela17:22 | 15/02/2019

Presidenti i Shteteve të Bashkuara, Donald Trump ka deklaruar se Kosova dhe Serbia duhet t’i normalizojnë marrëdhëniet mes tyre, pasi kjo është diçka thelbësore për integrimin perëndimor të Kosovës. Në një mesazh urimi dërguar presidentit Hashim Thaçi me rastin e 11-vjetorit të pavarësisë, Trump ka deklaruar se, njohja e dyanshme shihet si themel i marrëdhënieve të normalizuara dhe si bazë për çfarëdo zgjidhje gjithëpërfshirëse. Ndër të tjera në mesazhin e tij, Trump ka nënvizuar se, marrëdhëniet dypalëshe mes Shteteve të Bashkuara dhe Kosovës vazhdojnë të jenë të fuqishme. “Marrëdhëniet tona të fuqishme bilaterale janë të rrënjosura në vizionin e përbashkët për një Kosovë dhe një Ballkan të qëndrueshëm, të sigurt dhe të begatë”, ka vijuar Trump. Ai i ka inkurajuar qytetarët e Kosovës që të fokusohen në ruajtjen e parimeve demokratike, në forcimin e sundimit të ligjit dhe në avancimin e mundësive ekonomike e tregtare. “Shtetet e Bashkuara i mbesin partner të gjithë atyre që ndajnë këto vlera dhe janë të gatshëm të kryejnë punë të vështira, të nevojshme për suksesin e tanishëm dhe të ardhshëm të Kosovës”, ka shtuar Trump./abcnews.al

TRUMP-DETAJET_ABC-M2-T1.mpg_snapshot_00.01-1280x720.jpg
ent ela14:58 | 15/02/2019

Në ditën kur Serbia feston ditën e Republikës, presidenti serb Vuçiç ka marrë një letër urimi dhe nga Kreu i Shtëpisë së Bardhë Donald Tramp. Ky i fundit i ka kërkuar Vuçiçit që të njohë pavarësinë e Kosovës.

Mediat serbe raportojnë se presidenti i Shteteve të Bashkuara të Amerikës Donald Tramp, i ka kërkuar kreut të shtetit serb Vuçiç, që të njohë Kosovën. Sipas asaj që publikohet në Telegrafin serb, Vuçiç ka marrë shumë mesazhe urimi në ditën e fetsës së Republikës së Serbisë.

Në urimin e tij presidenti amerikan Tramp ndër rë tjera shkruan se këtë vit në festimin e 100 vjetorit të valimit të flamurit serb në Shtëpinë e Bardhë, duhet të memdohet që të sigurohet që shekulli i ardhshëm i partneritetit mes dy vendeve të jetë i përkushtuar për paqe, prosperitet dhe liri.

Kreu i Shtëpisë së Bardhë thekson se Shtetet e Bashkuara të Amerikës janë të palëkundura në mbështetje të përkushtimit të palës serbe në thellimin e bashkëpunimit rajonal, sidomos në lidhje Kosovën. E në këtë pikë Tramp bën apel që palët të arrijnë marrëveshje ku njohja e ndërsjellë duhet të jetë elementi qendror i normalizimit të raporteve.

“Një marrëveshje historike me njohje në tërësinë e saj, do ndërtonte rrugën e qëllimit të integrimeve euro atlantike dhe rritjen ekonomike të Serbisë,” thuhet më tej në urimin e Trumpit. /abcnews.al

merlin_146972655_038df935-d551-455a-a86b-56fe19172a84-articleLarge.jpg
ent ela10:35 | 15/02/2019

Presidenti i Shteteve të Bashkuara të Amerikës Donald Tramp është zyrtarisht obez. Mediat amerikane raportojnë se sipas të dhënave të kontrollit të fundit shëndetësor pasha e tij është 110 kilogramë.

Peshorja shënon 110 kilogramë, dy kilogramë më shumë se sa një vit më parë: kështu Presidenti amerikan Donald Tramp është shpallur zyrtarisht obez. Edhe pse shëndeti i tij në përgjithësi konsiderohet i mirë, mga analiza mjekësore e përvitshme, ai doli me një peshë më të madhe se një vit më parë.

Sipas organizatës botërore  të shëndetësisë, nëse një person peshon më shumë se 100 kilogram, duke llogaritur dhe gjatësinë e tij, konsiderohet obez.

Mediat amerikane raportojnë se kreu i Shtëpisë së Bardhë ka shpenzuar 50 mijë dollar për të përmirësuar stimulatorin e golfit në rezidencën presidenciale. Sipas CBS presidenti ka paguar personalisht këtë aparaturë që zë një dhomë të tërë në presidencë. Presidenti amerikan e adhuron sportin e golift dhe këtë e dëshmon fakti se është i vetmi që ka 17 klube golfi në të gjithë botën. /abcnews.al

MANAFORT-AKUZA.mpg_snapshot_00.01-1280x600.jpg
ent ela11:31 | 14/02/2019

Gjykata amerikane akuzon Paul Manafort ishopërgjegjësin e fushatës elektorale të Donald Tramp, se ka gënjyer qëllimisht dhe ka bërë deklarata të rreme para agjentëve të FBI-së, për sa i përket çështjes Russiagate.

Paul Manafort, ish përgjegjësi i fushatës elektorale të Donald Trump, pasi pranoi të bashkëpunojë në hetimet për çështjen Russiagate, ka gënjyer qëllimisht dhe ka bërë deklarata të rreme përballë agjentëve të FBI-së, prokurorit special Robert Muller dhe jurisë së madhe. Deklarata është bërë nga një gjykatës federal. Pasi Manafort ka shkelur marrëveshjen për bashkëpunim në këtë mënyrë, prokurori Mueller nuk ëhstë më i detyruar të kërkojë një reduktim të dënimit. Manafort ka gënjyer sidomos për sa i përket marrëdhënieve të tij me spiunin rus Konstantin Kilimnik, ish partnerin në biznes në një studio ligjore, tashmë objekt hetimi.

Gjithashtu sipas gjykatësit, ai ka gënjyer dhe në 5 tetor  të një viti më parë për cështje që lidhen me një hetim tjetër të departamentit amerikan të drejtësisë. Sipas gjyktësit federal të Uashington DC, ekipi i Muller nuk ka arritur gjithësesi të japë prova të mjaftueshme për të vërtetuar se Manafort ka gënjyer dhe në 16 tetor për pengesat në hetime nga ana e Kilimnik dhe kontateve të tij me administratën amerikane. Shtetasi rus është hedhur në gjyq për korruptim të dëshmitarëve së bashku me Manafort para procesit ndaj ish përgjegjësit të fushatës elektorale të Tramp. Manafort kishte pranuar të bashkëpunonte me Mueller në shkëmbim të një dënimi më të lehtë. /abcnews.al

TRUMP-NE-TURNE-1280x757.jpg
ent ela17:55 | 12/02/2019

Presidenti i Shteteve të Bashkuara të Amerikës Donald Tramp nuk heq dorë nga ideja e tij për ndërtimin e murit në kufi me Meksikën. Për këtë arsye ai ka ndërmarrë një tur në vend për të bindur amerikanët që të mbështesin projektin e tij.

Donald Trump ka nisur një tur për të mbledhur sa më shumë mbështetje për ndërtimin e murit me Meksikën. Presidenti amerikan vijon të përsërisë se kjo strukturë do të shpëtojë jetë njerëzish dhe do të ndalojë keqbërësit e njerëzit e rrezikshëm që të hyjnë në territorin amerikan. Presidenti amerikan ndaloi në El Paso, i cili konsiderohet një nga qytete më të sigurta pavarësisht se është në kufi dhe pak kilometra larg territorit meksikan dhe qytetit Siudad Huarez. Ky i fundit njihet si feeri në tokë, me një numër shumë të lartë vrasjesh dhe nën kontrollin e bandave që merren me trafikun e drogës. Të dyja qytetet janë të ndara nga një rrip toke që nuk i përket askujt dhe lidhet me disa rrugica për kalimtarët. Nuk ka asnjë mur mes dy territoreve por vetëm një kanal për mbledhjen e ujit; dhe për këtë arsye opozita amerikane i thotë Tramp se nuk ka nevojë për një mur.

Demokratët vijojnë të refuzojnë mbështetjen ekonomike për projektin e Tramp i cili kërkon të përforcojë bindjet e amerikane se ndërtimi i murit në kufi me Meksikën është i domosdoshëm.

Ai deklaroi se administrata e tij dëshiron t’i japë fund emigracionit të paligjshëm, dhe prioritet atyre që vijnë të kontribuojnë për ekonominë amerikane.

Tramp shtoi se në El Paso ekziston një barrier me Meksikën, por një mur do të kishte qenë dhe më mirë. Një batutë që qytetarët aty nuk e vlerësuan. Por kreu i Shtëpisë së Bardhë këmbënguli në qëndrimin e tij duke i akuzuar gazetarët amerikanë investigativë se janë personat më të pandershëm në botë. /abcnews.al

trump-1-1280x720.jpg
ent ela23:00 | 07/02/2019

Ndërsa Kongresi i ka shpallur luftë me hetimet e tij, Senati po i shkon për shtat presidentit Donald Trump. Komisioni gjyqësor ka votuar pro të zgjedhurit të tij për postin e prokurorit të përgjithshëm, i cili flitet se mund të lehtësojë pozitat e kreut të shtetit në lidhje me hetimet mbi ndërhyrjen ruse.

“Persekutim presidencial”. Kështu i ka cilësuar hetimet e nisura nga demokratët në dëm të tij presidenti amerikan Donald Trump. Në reagimin e radhës ndaj nismave të rivalëve politikë, që tashmë kontrollojnë Kongresin, Trump është shprehur: “Demokratët dhe komisionet e tyre hetimore janë një çmenduri”. Por ndërsa Kongresi duket se po i vendos shkopin ndër rrota, Senati po ia lehtëson disi situatën kreut të shtetit. Ditën e enjte, komisioni gjyqësor miratoi të emëruarin e Trump për prokuror të përgjithshëm, Uilliam Bar.

Votimi u krye sipas linjave partiake. Republikanët e vlerësuan Bar si një person të kualifikuar, ndërsa demokratët votuan kundër me argumentin se ai mund të pengojë publikimin e të dhënave të hetimeve mbi ndërhyrjen ruse, që do të jetë dhe testi i pavarësisë së tij nga presidenti Trump nëse konfirmohet përfundimisht.

Vitin e kaluar Bar e kritikoi hetimin e udhëhequr nga Robert Myler, por tha se nëse zgjidhet do të bëjë gjithçka për publikimin e konkluzioneve të tij. Megjithatë, ai nuk premtoi nëse do të mundësojë publikimin e të gjithë dosjes, duke cituar këtu rregulloren e Departamentit të Drejtësisë. Aktualisht Bar punon si avokat korporatash, ndërsa ka mbajtur postin e prokurorit të përgjithshëm në vitet ‘90, gjatë administratës së Bushit të vjetër. /abcnews.al

TRUMP-FJALIMI-ABC-1280x781.jpg
ent ela23:20 | 05/02/2019

Nëse do të jetë e nevojshme do të ngremë një mur njerëzish”. Me këto fjalë, disa orë përpara fjalimit vjetor në Kongres, presidenti Donald Trump iu rikthye alarmit për mbërritjen në kufirin me Meksikën të një karvani të ri emigrantësh nga Amerika Qendrore.

“Një numër i madh personash po mbërrin përmes Meksikës me shpresë për të kaluar kufirin tonë jugor. Kemi dërguar trupa të tjera dhe nëse do të jetë e nevojshme do të ngremë edhe një mur njerëzish”, tha Trump në profilin e tij në Tëitter. Ai ritheksoi se, nëse në kufirin me Meksikën do të kishte një mur të mirëfilltë, e gjitha kjo nuk do të ndodhte.

Në fjalimin që do të mbajë në Kongres, që do të ketë në fokus çështjet e aktualitetit, Trump pritet ta vërë sërish theksin tek rreziku që sipas tij i kanoset popullit amerikan nga krimi dhe droga, si dhe tek nevoja për lëvrimin e fondit prej 5.7 miliardë dollarësh për ngritjen e strukturës, që ishte një nga premtimet e tij kryesore gjatë fushatës elektorale të vitit 2016. /abcnews.al

 

skynews-donald-trump-us-president_4407328-933x445.jpg
ent ela20:02 | 05/02/2019

Stafit të presidentit Donald Trump do t’i duhet të japë llogari para drejtësisë amerikane për shpenzimin e një fondi rekord për një ceremoni përurimi. Edhe pse është shprehur i gatshëm për të bashkëpunuar me hetuesit, stafi i kreut të shtetit ndodhet nën ethe, për shkak se bëhet fjalë për një shifër rekord.

Prokuroria e Manhatanit në Shtetet e Bashkuara ka ftuar stafin e presidentit Donald Trump që të japë llogari në lidhje me shpenzimin e një shifre rekord prej 100 milionë dollarësh. Organi i akuzës i ka kërkuar stafit që kujdeset për ceremonitë e përurimit dokumentat që hedhin dritë mbi akumulimin e fondit, identitetin e donatorit, nënshtetësinë e tij dhe mbi mënyrën e shpenzimit të parave. Zëdhënësja e Shtëpisë së Bardhë, Sarah Sanders konfirmoi të martën për CNN thirrjen e prokurorëve, por nënvizoi se urdhëri nuk ka lidhje me presidentin. Gjithashtu, vijoi ajo, thirrja nuk flet për ndonjë keqpërdorim të fondit. Lajmi është pohuar edhe nga një zëdhënëse e komitetit përurues të Trump, e cila ka shprehur gatishmërinë për të bashkëpunuar me drejtësinë. Sipas ligjit zgjedhor federal, shtetasve të huaj u ndalohet donacioni për komitetet amerikane të përurimeve dhe një shkelje e tij parashikon dënime të rënda. Hetimi në fjalë po zhvillohet më vete nga ai i hetuesit të posaçëm Robert Myler, që po përpiqet të hedhë dritë mbi lidhjet e stafit elektoral të Trump me Rusinë. Thirrja e bërë nga zyra e prokurorit të Manhatanit vjen pas gjykimit të ish-avokatit personal të Trump, Majkëll Kohen, për shkelje të ligjeve të fushatës elektorale./abcnews.al

trump-phones-venezuelas-guaido-as-u-s-pushes-for-maduro-to-go.jpg
ent ela23:46 | 30/01/2019

Në një bisedë telefonike, presidenti Donald Trump i ka rikonfirmuar mbështetjen presidentit të vetëshpallur të Venezuelës, Huan Guaido. Por ndërkohë, autoritetet në Karakas kanë nisur një hetim ndaj kreut të opozitës, që mund të çojë në arrestimin e tij.

Presidenti Donald Trump ka zhvilluar të mërkurën një bisedë telefonike me presidentin e vetëshpallur të Venezuelës, Huan Guaido, duke i konfirmuar atij mbështetjen për vendosjen e demokracisë në vendin latin. Shtëpia e Bardhë ka bërë me dije se Trump dhe Guaido, i cili synon të zëvendësojë presidentin në fuqi Nikolas Maduro, ranë dakord për të mbajtur komunikime të rregullta me njëri-tjetrin.

Telefonata u krye pasi më herët gjatë së mërkurës, autoritetet në Karakas hapën një hetim që mund të çojë në arrestimin e liderit të opozitës. Gjykata e Lartë e Venezuelës i ndaloi Guaido të drejtën e udhëtimit dhe ngriu llogaritë e tij bankare, pavarësisht paralajmërimit të Uashingtonit se do të përballej me pasoja të rënda nëse do të ndërmerrte një hap të tillë. Gjithashtu, gjykata dha dritën e gjelbër për hetimin e Guaido nga prokuroria, një lëvizje kjo në shenjë hakmarrjeje ndaj sanksioneve të vendosura nga Shtetet e Bashkuara për kompaninë venezueliane të naftës “PD VSA”.

Sanksionet, sipas qeverisë Maduro, e pengojnë firmën shtetërore të naftës që të nënshkruajë kontrata me klientë amerikano-veriorë. Por, me qëllim rrëzimin e Maduro nga pushteti, sanksionet janë masat më ndëshkuese të marra deri më sot ndaj liderit 56-vjeçar, nën qeverisjen e të cilit Venezuela ka përjetuar në pak vjet një faliment ekonomik dhe eksodin e miliona qytetarëve. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono