Trump

20190817050L_1566137958897_1582089642215.jpg
So Nila13:20 | 20/02/2020

Një operacion i gjerë pastrimi është ndërmarrë nga qeveria indiane, për të fshehur varfërinë dhe shëmtinë gjatë vizitës së presidentit amerikan Trump, duke nisur nga uji i pastër që do të hidhet në lumin Yamuna as Agra sipas live mint.

Lumi që rrjedh prapa Taj Mahal, është i ndotur dhe mban erë të keqe. Departamenti i ujitjes së shtetit të Uttar Pradesh ka vendosur të hedhë më shumë se 14.150 litra ujë të pastër për të përmirësuar kushtet.

Uji do të hyjë në Yamuna nga një digë aty pranë, sot në Mathura dhe do të arrijë në Agra në 21 shkurt, 2 ditë përpara vizitës së Trump.

Departamenti ka lajmëruar banorët që edhe niveli i oksigjenit do të përmirësojë cilësinë e lumit, duke zvogëluar erën e rëndë. Në Agra, në dyqanet dhe rrethinat e Taj Mahal janë lyer të gjitha me të njëjtën ngjyrë, edhe rrugët do të lahen dhe pastrohen nga pluhuri.

Në Ahmedabad, kryeqytet i Gujarat, përpara vizitës së presidentit amerikan është ndërtuar një mur për të mbuluar pamjen e një lagështie përgjatë autostradës që të çon ne aeroport.

Në Gujarat, rreth 50-familje u shpërngulën nga banesat e tyre pranë stadiumit, ku do të mbahet spektakli ‘Namaste Trump’./abcnews.al

5c77c1e22628982f9c4d8845-1280x640.jpg
R D15:46 | 16/02/2020

Ish-kryebashkiaku i Nju Jorkut Rudi Xhuliani, që njihet si avokati personal i Trump, shkruan se Xhorxh Soros përdor ambasadat amerikane në Europën Lindore, ku bën pjese dhe Shqipëria për të sulmuar armiqtë e tij. “Soros është armiku numër Një i Partisë Republikane. Ai është një anarkist. Ai ka themeluar DA-në për të liruar kriminelët. Dhe në Europën Lindore, ai përdor ambasadat amerikane për të mbrojtur organizatën e tij dhe sulmuar kundërshtarët. Ndiqni të mërkurën e kësaj jave rudygiulianics.com”, shkruan ai në Twitter.

Screenshot_1-9.png
R D17:38 | 14/02/2020

Kosova dhe Serbia kanë nënshkruar në Mynih të Gjermanisë dy letra të shprehjes së interesit, për autostrada dhe për hekurudha, ku të dyja vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

President i Kosovës, Hashim Thaçi është shprehur se “ky është mesazhi më i mirë që rajoni do të ketë më tepër paqe, zhvillim ekonomik, vende të punës atë që i duhet njerëzve në Kosovë, në Serbi dhe tërë Ballkanin Perëndimor”.

Ndërsa Presidenti i Serbisë, Aleksandër Vuçic, tha se “marrëveshjet që janë nënshkruar janë domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve”.

Ndërsa ambasdori Grenell ka thënë se marrëveshjet janë nënshshkruar falë direktivave të qarta të Presidentit Donald Trump.

Richard Grenell, I dërguari i SHBA-së për dialogun Kosovë Serbi tha se “tani kemi dy marrëveshje më shumë dhe ajo që unë kam biseduar me të dy presidentët është që të përqendrohemi sa më shumë në zhvillimin ekonomik”.

Kryeshefi ekzekutiv i hekurudhave të Kosovës Agron Thaçi ka thënë se Kosova është e gatshme për linjën hekurudhore Fushë Kosovë-Mitrovicë Leshak-Beograd ndërsa për linjën tjetër hekurudhore Prishtinë-Merdare-Beograd nevoitet investim i tërësishëm i infrastrukturës hekurudhore.

Linja hekurudhore Prishtinë Beograd ishte ndërprerë gjatë luftës së fundit në Kosovë për tu rivënë në funksionë menjëherë pas luftës deri në Leshak kufi me Serbinë nën administrimin e UNMIK-ut për tu ndërprerë sërish në vitin 2008 kur edhe u shpall pavarësia e Kosovës. /abcnews.al

25_09_2019_6211076_HTH_TRUMP-780x439-1.jpg
eri Ida14:40 | 14/02/2020

Presidenti i Shteteve të Bashkuara të Amerikës, Donald Trump, ka dërguar një mesazh urimi homologut të tij Hashim Thaçi me rastin e 12 vjetorit të pavarësisë së Kosovës. Në këtë mesazh thuhet se populli amerikan i bashkohet urimeve të Presidentit për popullin e Kosovës në përvjetorin e 12 të pavarësisë.

“Ne urojmë Kosovën për zgjedhjet demokratike të zhvilluara në tetor dhe vlerësojmë vazhdimin e përpjekjeve për të rritur paqen, sundimin e ligjit dhe mirëqenien për popullin e Kosovës dhe rajonin e Ballkanit Perëndimor”, shkruhet në mesazhin e Trump.

Presidenti Trump i ka uruar suksese presidentit Thaçi edhe sa i takon dialogut Kosovë-Serbi.

“Ne iu urojmë sukses në vitet e ardhshme, derisa jeni të fokusuar për normalizimin e marrëdhënieve ndërmjet Kosovës dhe Serbisë, forcimin e sundimit të ligjit dhe krijimin e parakushteve për forcimin e sektorit privat”, ka shkruar ai.

Gjithashtu në këtë mesazh dërguar Thaçit, Trump shkruan se e ardhmja e Kosovës do të jetë e ndritshme./abcnews.al

senati-amerikan.png
eri Ida10:01 | 14/02/2020

Senati i Shteteve të Bashkuaraki ka kufizuar autoritetin presidentit Donald Trump për të nisur operacione ushtarake kundër Iranit.

Përmes një rezolutet të miratuar të hartuar nga senatori demokrat, Tim Kaine, thotë se Trump duhet të ketë miratimin e Kongresit përpara se të ndërmarrë veprime ushtarake kundër Iranit.

Tetë republikanë u janë bashkuar demokratëve për të miratuar rezolutën me 55 vota për dhe 45 kundër.Me Kushtetutën e Shteteve të Bashkuara, Kongresi ka fuqinë për të shpallur luftë  jo presidenti.

Trump dhe mbështetësit e tij thonë se rezoluta do t’i dërgojë mesazhe të gabuara Iranit dhe kundërshtarëve të tjerë të mundshëm. Ndërkohë pritet që Trump të vendosë veto ndaj saj.

Trump, së voni, ka përdorur veton ndaj një rezolute për luftën në Jemen. Rezoluta e fundit vjen pasi Trump, muajin e kaluar, ka urdhëruar një sulm me dron për vrasjen e komandantit iranian, Kasem Sulejmanit, pa e informuar Kongresin paraprakisht./abcnews.al

trump-kelly-62-1.jpg
R D23:27 | 13/02/2020

Presidenti amerikan Donald Trump sulmoi të enjten ish-shefin e tij të stafit, John Kelly, pasi ky i fundit mbrojti ndihmësin e shkarkuar të Këshillit të Sigurisë Kombëtare Alexander Vindman, i cili dëshmoi kundër presidentit disa javë më parë.

John Kelly, gjeneral në pension, i cili shërbeu si shef i stafit të Shtëpisë së Bardhë për 17 muaj, deri në fillim të vitit të kaluar, mbështeti nënkolonelin Vindman gjatë një fjalimi në një universitet të Nju Xhersit, ku shprehu kundërshtime edhe për disa politika dhe veprime të Presidentit Trump.

“Kur e hoqa John Kelly-n, gjë që mezi prisja ta bëja, ai e dinte fare mirë se e kishte mbushur kupën,” shkruante zoti Trump në Twitter të enjten.

“Puna si shef i stafit nuk ishte për të. Ai hyri me bujë, por doli me heshtje, por si shumë ish zyrtarë të tjerë, ai nuk e kupton situatën dhe nuk e mban dot gojën mbyllur, gjë që në fakt e ka detyrim ushtarak dhe ligjor ta bëjë. Gruaja e tij fantastike, Karen, për të cilën kam shumë respekt, në një rast më tërhoqi mënjanë dhe më tha me insistim se ‘John-i ju respekton shumë. Kur nuk do të jemi më këtu, ai do të flasë vetëm mirë për ju’. Por nuk ndodhi kështu!”

Në komentet e së mërkurës mbrëma, John Kelly tha se nënkoloneli Vindman, si oficer ushtarak, “bëri pikërisht atë që ne i mësojmë ata të bëjnë nga djepi në varr. Ai shkoi dhe i tha shefit të tij atë që sapo kishte dëgjuar.”

Vitin e kaluar, Vindman u shprehu shqetësim eprorëve kur mësoi se Presidenti Trump i kërkoi Presidentit të Ukrainës Volodymyr Zelenskiy “një favor”, të niste hetime ndaj njërit prej rivalëve kryesorë të zotit Trump në fushatën prtesidenciale të vitit 2020, ish-nënpresidentit Joe Biden dhe djalit të tij Hunter Biden që punonte për një kompani gazi ukrainase.

Më pas, nënkoloneli Vindman në fund të vitit të kaluar u bë ndër dëshmitarët kryesorë kundër Presidentit Trump pasi demokratët në Dhomën e Përfaqësuesve ngritën akuza ndaj presidentit, me synimin për ta shkarkuar atë.

“Ne i mësojmë ata: Mos zbatoni një urdhër të paligjshëm,” tha Kelly duke iu referruar nënkolonelit Vindman.

Vindman, së bashku me vëllain e tij binjak, Eugene Vindman, një tjetër nënkolonel që punonte në Këshillin e Sigurisë Kombëtare, u shoqëruan nga Shtëpia e Bardhë të premten e kaluar dhe u kthyen në postet e tyre të mëparshme në Departamentin e Mbrojtjes. Kritikët kanë akuzuar Presidentin Trump se u tregua hakmarrës për heqjen e nënkolonelit Alexander Vindman, por presidenti e quajti atë “tepër të pabindur”.

Në fjalimin e së mërkurën, zoti Kelly tha se kishte pasur një numër mosmarrëveshjesh me Trump.

Ai mori në mbrojtje median, një objektiv i shpeshtë i zemërimit të zotit Trump; vuri në pikëpyetje vlerën e dy samiteve të presidentit me udhëheqësin e Koresë së Veriut Kim Jong Un, dhe kritikoi vendimin e Presidentit për të falur një komando të marinsave, i dënuar për krime lufte. /VOA

Roger-Hedgpeth-arrested-for-alleged-White-House-incident.jpg
eri Ida12:06 | 10/02/2020

Policia amerikane ka vënë në pranga një 25 vjeçar i cili i ka thënë një oficeri të Shërbimit Sekret jashtë Shtëpisë së Bardhë se kishte ardhur për të vrarë presidentin.  Mediat ndërkombëtare bëjnë me dije se Roger Hedgpeth 25 vjeç nga Florida i cili qëndronte para para Shtëpisë së Bardhë me një thikë në dorë ka rënë në pranga.

Hedgpeth i ishte afruar një oficeri të Shërbimit Sekret, i cili po patrullonte jashtë Shtëpisë së Bardhë dhe i tha se ishte aty për të vrarë Presidentin Donald Trump dhe se kishte me vetë një thikë me të cilën synonte të kryente krimin.

“Jam këtu të vras presidentin Donald Trump!” paralajmëroi Hedgpeth, duke shtuar se “kishte një thikë me vete”. Ndërkohë Hedgpeth po mbahet paraburgim si dhe është dërguar edhe në spital për një vlerësim të shëndetit mendor./abcnews.al

84938872_3446341375436197_9149008857127714816_n.jpg
eri Ida14:34 | 09/02/2020

Presidenti i Kosovës, Hashim Thaçi, ka theksuar se presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor.

Thacci në një postim në profilin e tij në Facebook, shkruan se letrat e Trump e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke.

Presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor. Letrat e tij e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke”, shkruar Thaçi.

Gjithashtu presidenti i Kosovës beson se marrëveshja me Serbinë, me njohje, do të përmbyllet nën udhëheqjen e presidentit Trump.

Presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin…

Gepostet von Hashim Thaçi am Sonntag, 9. Februar 2020

Postimi i Plotë:

Presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor. Letrat e tij e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke. Nën udhëheqjen e presidentit Trump dhe punën e shkëlqyeshme të ambasadorit Grenell jam besimplotë se ky proces do të përmbyllet së shpejti me njohje ndërmjet Kosovës dhe Serbisë. Jemi të bekuar me përkrahjen e përhershme të SHBA-së për popullin dhe shtetin e Kosovës. HTH

auto_unnamed-1-11580908113.jpg
So Nila14:20 | 05/02/2020

Presidenti i Shteteve të Bashkuara të Amerikës, Donald Trump në urimin që I ka dërguar homologut të tij serb Aleksandër Vuçiç për ditën e pavarësisë, ka kërkuar  normalizimin e raporteve me Kosovën.

Trump në urimijn e tij që i ka dërguar Vuçiçit nëpërmjet ambasadorit amerikan në Serbi, Anthony Godfrey.

“I nderuari president, populli amerikan dhe unë personalisht dërgojmë urimet më të ngrohta juve dhe popullit serb me rastin e ditës së pavarësisë, 15 shkurt”.

Mediat serbe raportojnë se Trump në mesazhin e urimit po ashtu ka paraqitur një kërkesë për Serbinë duke i bërë thirrje për normalizimin e raporteve me Kosovën.

“Normalizimi i raporteve me Kosovën duhet të jetë prioritet në rrugën e integrimit evropian të Serbisë. Në të ardhmen, mund të mbështeteni tek përkrahja e SHBA-së në rrugën tuaj për arritjen e synimit, anëtarësimin në BE si dhe përpjekjeve për fuqizimin e reformave që janë të nevojshme për të arritur deri tek caku i dëshiruar”, thuhet ndër të tjera në letren e presidentit amerikan dërguar Vuçiç./abcnews.al

download-17.jpg
R D19:55 | 29/01/2020

Donald Trump ka sulmuar ashpër ish-këshilltarin e tij të sigurisë kombëtare, Xhon Bolton, pas deklaratave se presidenti amerikan kishte luajtur rol qendror në fushatën e presioneve me motive politike ndaj Ukrainës. Trump u shpreh se nëse do të kishte dëgjuar ish-vartësin e tij, do të kishte shpërthyer lufta e 6-të botërore.

Presidenti Donald Trump ndërmori këtë të mërkurë sulmin më të ashpër deri tani ndaj ish-këshilltarit të tij të sigurisë kombëtare John Bolton, i cili në një dorëshkrim të librit të tij ende të pabotuar, thotë se Presidenti Trump luajti rol qendror në fushatën e presioneve me motive politike ndaj Ukrainës.

Presidenti Trump tha në Tëitter se vite më parë zoti Bolton “nuk mori dot miratimin si ambasador i SHBA në Kombet e Bashkuara dhe që nga ajo kohë nuk merrte dot miratim për asgjë”. “Ai, – shkruan presidenti Trump, – “më lutej për një post që të mos kërkonte miratimin e Senatit”. Më tej, presidenti amerikan shkruan se nëse do të kishte dëgjuar ish-këshilltarin e tij të sigurisë, sot do të kishte shpërthyer lufta e Gjashtë Botërore.

Presidenti Trump shkruan se zoti Bolton, i cili e la postin e këshilltarit të sigurisë kombëtare në shtator, “menjëherë pas kësaj shkroi një libër të pandershëm dhe të pavërtetë me informacione të klasifikuara. Si mund ta bëjë dikush këtë?” – pyet Presidenti.

Zëri i amerikës citon gazetën Nju Jork Tajms, që shkruan se në dorëshkrimin e tij, Bolton e kundërshton versionin e dhënë nga Presidenti Trump për çështjen e ndihmës ushtarake prej 391 milion dollarësh ndaj Ukrainës. Sipas gazetës, ai thotë se presidenti e bllokoi ndihmën deri sa Ukraina të fillonte hetimet ndaj ish-nënpresidentit Xho Bajden dhe djalit të tij Hanter./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono