trump junior

TRUMP-JUNIOR-TAKIMI-1280x720.jpg
ent ela20:23 | 16/05/2018

Një panel i Senatit amerikan publikoi të mërkurën dokumente në lidhje me takimin e mbajtur në qershor 2016 mes krerëve të stafit elektoral të Donald Trump dhe një delegacioni rus, që thuhet se ofronte material kompromentues në dëm të Hillary Clinton. Dosja me 2.500 faqe biseda të transkriptuara përmban edhe marrjen në pyetje të djalit të madh të presidentit amerikan, Donald Trump Xhunior, i cili u takua me një avokate ruse në prag të zgjedhjeve. Gjatë intervistës, Trump Xhunior është përgjigjur se mesazhet e palës ruse i ka interpretuar si një urim për fitoren e të atit dhe jo si një ofertë konkrete për ndihmë. Komisioni për çështjet gjyqësore të Senatit, që po kryen një nga tre hetimet për çështjen “Russiagate”, mori në pyetje edhe 4 persona të tjerë në lidhje me takimin e mbajtur në Kullën Trump në Nju Jork. Bëhet fjalë për publicistin Rob Goldston, që organizoi takimin me avokaten ruse; lobistin ruso-amerikan Rinat Akmetshtin; biznesmenin ruso-gjeorgjian Ike Kaveladze dhe përkthyesin. Avokatja Natalia Veselnitskaja, që mohon të ketë punuar për llogari të Kremlinit, nuk u mor në pyetje, por komisioni publikoi një përgjigje të shkruar të saj dhënë vitin e kaluar. Ndërkohë, dhëndri i presidentit Trump, Xhared Kushner dhe menaxheri i fushatës elektorale Pol Manafort, që ishin të pranishëm në takim, refuzuan të merreshin në pyetje. /abcnews.al

http_2F2Fo.aolcdn.com2Fhss2Fstorage2Fmidas2F1b53b8fb2761176357635c006656c6582F2043140422F577715924.jpg
us er09:31 | 14/11/2017

Demokratët amerikanë kritikojnë djalin e presidentit Donald Trump për korrespondencën e tij me Uikiliks. Kritikave për kontaktet mes djalit të kreut të Shtëpisë së Bardhë dhe organizatës së Julian Assange i shtohet dhe kërkesa për marrjen në pyetje publikisht të Trump Junior në lidhje me këtë cështje. Ky i fundit publikoi në profilin e tij Tuiter mesazhet e shkëmbyera me Uikiliks

Gjithcka nisi nga publikimet e “Atlantic” e cila shkruante se si organizata e themeluar nga Julian Assange ka kontaktuar disa herë djalin e madh të presidentit amerikan në përpjekje për ta bindur që ai ti ndihmonte të publikonin disa dokumente që janë në duart e tij

Mesazhet janë në dosjen që avokatët e Donald Jr. kanë dorëzuar në kongresin amerikan i cili po heton për ndërhyrjet ruse në zgjedhjet presidenciale amerikane. Sipas agjencive të shërbimit të inteligjencës në vend, Uikiliks është në kontakt me hakerat e lidhur me qeverinë ruse dhe shpërndan materialet e tyre. Në raste të tjera Uikiliks i ka kërkuar Trump Junior që të mohojë rezultatet e zgejdhjeve duke i cilësuar të rreme dhe të propozojë Assange si ambasadorin australian në Shtetet e Bashkuara të Amerikës.

Pothuajse gjithnjë Trump Junior i ka injoruar mesazhet dhe kur nuk e ka bërë ka shpërndarë materiale për Hillary Clinton dhe partinë demokratike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono