troci

kadastra.jpg
G. P.13:14 | 11/09/2019

Policia e Vlorës ka nisur një hetim për një dosje e cila nuk është marrë në shqyrtim nga Hipoteka e Vlorës. Bëhet fjalë për një pronë në Jalë, e cila pretendohet nga dy qytetarë. Ndërkohë që është dorëhequr nga detyra nëndrejtori i Kadastrës dhe i Aluzinit.

Në Hipotekën e Vlorës ka nisur një hetim për një dosje. Shkak është bërë një pronë në Jalë të cilën e pretendojnë dy qytetarë të ndryshëm. Mësohet se njëra pale e ka fituar çështjen në Gjykatën e Lartë dhe për shkak të presioneve që kishte drejtori Florian Alimadhi në lidhje me dosjen dha dorëheqjen disa ditë më parë duke u zëvendësuar nga Alteo Nazeraj.

Për këtë qëllim është ngritur një grup pune i përbërë nga 20 juristë të Drejtorisë së Kadastrës në Vlorë për të marrë në shqyrtim dosjen. Në Hipotekën e Vlorës ka patur rezistencë edhe nga zv/drejtori Klodian Troci për të liruar zyrën pasi nuk ishte dakord me vendimin e largimit të tij.

Por i kontaktuar në telefon nga Abc News Troci ka sqaruar se është njohur gojarisht me vendimin i cili pritet t’i komunikohet me anë të një shkrese të enjten. Në vend te tij është emëruar Krenar Xhemali. Ndërkohë nga burime brenda Hipotekës së Vlorës mësohet se të enjten do të largohet edhe n/drejtori i Aluzinit Ardian Musta. Nuk dihen ende shkaqet e këtij largimi. Në ambientet e Kadastrës prej një javë ndodhet edhe Kontrolli i Lartë i Shtetit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono