tritol

tritool.jpg
eri Ida08:50 | 15/02/2020

Një sasi eksplozivi ka shpërthyer mbrëmjen e së premtes në një dyqan në Lezhë.

Informacionet bëjnë me dije se ngjarja ka ndodhur në fshatin Gocaj të Lezhës, në derën e një  dyqani në pronësi të shtetasit Arben Malotaj.

Dyqani, të cilit i është vendosur eksploviz ndodhet ngjitur me shtëpinë. Gazetari Gjergj Figuri bën me dije për abcneës.al se për fat të mirë në momentin e shpërthimit nuk ka patur asnjë person pasi ishin duke festuar ditëlindjen.

Burime për abcnews.al bëjnë me dije se familja Malotaj pretendon se nuk ka asnjë konflikt dhe nuk di arsyet e vendosjes se lëndës eksplozive në biznesin e tyre.

Nga spërthimi janë shkaktuar vetëm dëme materiale. Ndërkohë policia e ndodhur në vendin e ngjarjes po punon për zbardhjen e plotë të saj.

Njoftimi policise:

Me datë 14.02.2020, në mesnatë, në fshatin Gocaj, Lezhë, në një dyqan ushqimor të shtetasit A.M., 49 vjeç, banues në Gocaj, Lezhë dyshohet se ka shpërthyer lëndë plasëse.
Si pasojë ka vetëm dëme materiale.

Grupi hetimor vijon veprimet për zbardhjen e rrethanave të ngjarjes, identifikimin dhe kapjen e autorit. /abcnews.al

 

7de99527-1815-4b48-95ae-088b4aa98c3e.jpg
R D15:58 | 06/02/2020

Detaje të reja dalin në dritë për përplasjen e armatosur në Shkodër. Mbrëmjen e së mërkurën në 22:40 kërcitën armët në pedonale, ku mbeti e plagosur aksidentalisht një grua kalimtare e rastit.

Gazetari Simon Shkreli ka mësuar përmes burimeve se bëhet fjalë për një konflikt të hershëm mes 26 vjeçarit Mirsad Meta nga Shkodra dhe të arrestuarit Esion Buraku nga Durrësi që degjeneroi mbrëmë në të shtëna armësh . Dyshohet se ata janë përplasur për pazare drogë që kur jetonin në Gjermani.

Policia ka arrestuar 3 autorët Esion Burakun dhe dy shokët e tij Argjend Rexha nga Durrësi dhe Riad Xheladini nga Shkupi. Sipas policisë, shënjestra ishte shkodrani Mirsad Meta, i cili është në kërkim policor.

26-vjeçari Meta është larguar nga vendngjarja, pasi braktisi automjetin e tij BMW, që nga pamjet duken qartë se ka marrë disa pumba.

Burime të ABC News tregojnë se Esion Buraku është vëllai i efektives së policisë së Durrësit, Ornela Buraku që më 26 janar të këtij viti, i vendosën lëndë plasëse në oborrin e banesës. Me sa duket s’ka qënë efektivja shenjestra, por vëllai i saj, Esion Buraku.

Sipas burimeve të ABC NEWS, Buraku ka dyshuar se tritolin ia ka vendosur Meta dhe në shenjë hakmarrje ka shkuar bashkë me shokët në Shkodër për të vravrë 26 vjeçarin. Edhe ky i fundit është kundërpërgjigjur me plumba. Si pasojë e përplasjes me armë pranë pedonales Kol Idromeno mbeti e plagosur një kalimtare e rastit.

E plagosura Liljana Jeremija ndodhet në spital jashtë rrezikut për jetën. Ajo dhe motra e saj kanë treguar jashtë kameras për gazetarin e ABC News se ndodheshin rastësisht në zonën ku pati të shtëna. /abcnews.al

 

tritoli-ne-shkoder.png
R D08:45 | 06/02/2020

Detaje të reja mësohen për ngjarjen kriminale të shënuar në lagjen “Qafë Hardhi” të Shkodrës në orët e para të ditës së sotme.

Gazetari Simon Shkreli në një lidhje direkte për abcnews.al raporton se një shpërthim i fuqishëm tritoli është dëgjuar rreth orës 02:30. Policia ka mbërritur në vendngjarje, ku ka konstatuar se lënda plasëse është vendosur në banesën e Nikoll Arrës. Fatmirësisht nuk ka persona të lënduar, pasi familja Arra ndodhet në SHBA, por ka vetëm dëme të mëdha materiale në banesë (shih pamjet).

Nikoll Arra ka qenë basketbollist si dhe para disa vitesh ka punuar në Tatimet e Shkodrës.

Lënda plasëse është vendosur në derën kryesore të banesës, ndërsa po vazhdojnë hetimet për zbardhjen e ngjarjes. Deri më tani nuk ka të dhëna për autorët e mundshëm të vendosjes së tritolit në banesën e Arrës./abcnews.al


 

efektivjaaaaa.jpg
ger ta12:20 | 26/01/2020

Kjo që shihni në këtë foto është Ornela Buruku, efektivja e policisë në Durrës, të cilët iu vendos natën e kaluar tritol në banesë.

Ngjarja ndodhi në rreth orës 22:35, në lagjen nr.17, ku sipas policisë lënda plasëse është vënë në oborr, aty ku ishte parkuar edhe makina tip ‘Audi” e familjes Buruku.

Fatmirësisht nga sulmi ka patur vetëm dëme materiale. Policia bëri me dije se si pasojë e shpërthimit është dëmtuar makina e Burakut, tip “Audi”. Edhe paraditen e sotme, efektivë policie ndodhen në vendin e ngjarjes.

Ekspertët e hetimit të ngjarjes thanë për abcnews.al se Ornela ka deklaruar se nuk ka pasur asnjë konflikt të hapur dhe në këto kushte dyshimet janë se sulmi ka ardhur për shkak të detyrës. “Nuk kam asnje konflikt. Rrjedhimisht nuk kam asnjë dyshim se kush mund ta ketë hedhur lënden plasese dhe për çfare motivi. U trembem shumë pasi shpërthimi ishte i fuqishëm. Shpresoj shume që kolegët që po hetojnë rastin të hedhin drite mbi këtë ngarje”,-mesohet të ketë deklaruar 34-vjeçarja Buruku, e cila ka nje kariere 17 vjeçare në polici.

Për ngjarjen janë shoqëruar deri më tani 10 persona, për t’u marrë në pyetje, ndërkohë që janë sekuestruar kamerat e sigurisë për të rënë në gjurmët e autorëve. Banorët e zonës thonë për Abc News se kjo është hera e dytë në harkun e pak muajve që në këtë lagje është hedhur lënde plasëse.

Njoftimi i policisë:

Më datë 25.01.2020, rreth orës 22:35, në lagjen nr 17/1, Durrës,  nga muri i jashtëm rrethues i oborrit dyshohet se është hedhur nje sasi e dyshuar lënde plasese ne  afërsi të makinës tip “Audi”, e parkuar në oborr dhe në pronësi të shtetases O.B., punonjëse policie.

Si pasojë  ka vetëm dëme të vogla materiale.

Grupi hetimor ndodhet në vendngjarje dhe po punon për zbardhjen e rrethanave të ngjarjes,  identifikimin dhe kapjen e autorëve.

/abcnews.al

67e6bbc1-54cc-41be-abf9-39d4ad71584c.jpg
R D11:04 | 27/12/2019

Një sasi tritoli shpërtheu pas mesnate në biznesin dhe banesën e një 47-vjeçari në zonën e Bon Boskos. Burimet thanë se sasia e tritolit ka shpërthyer në objektin e shtetasit Përparim Kalbaj. 47-vjeçari është person i njohur për drejtësinë pasi në shkurt të vitit të shkuar është arrestuar së bashku me 3 persona të tjerë në kuadër të operacionit “decline” të cilëve u janë sekuestruar 276 gram kokainë që i shpërndanin në zonën e Bllokut.

Ata janë ndaluar në një loto sportive që ndodhej në rrugën “Nikolla Jorga” dhe sipas policisë, të arrestuarit shisnin kokainë në sasi të vogla, tek persona të ndryshëm në zonën e Bllokut.

Përsa i përket shpërthimit, policia njofton se grupi hetimor, po vijon punën për sqarimin e rrethanave të ngjarjes, identifikimin dhe kapjen e autorëve. Ndërkohë që janë sekuestruar pamjet e kamerave të sigurisë së bizneseve pranë pikë së transfertës së parave, për të shkuar në gjurmët e autorëve. Tritoli dyshohet se është vënë në shenjë paralajmërimi ndaj tropojanit./abcnews.al

Në foto: Përparim Kalbaj

 

 

lajm-i-fundit-1-1280x720.jpg
R D10:06 | 27/12/2019

Një shpërthim tritoli ka ndodhur pas mesnate në biznesin dhe shtëpinë e një personi me iniciale P.K në rrugën “Don Bosko” në Tiranë. Në njoftimin paraprak të policisë thuhet se “në orët e para të mëngjesit, në afërsi të murit rrethues të një objekti që shërben si pikë transferte monetare në pronësi të shtetasit P. K dhe në afersi të baneses së tij, dyshohet të ketë shpërthyer lëndë plasëse duke shkaktuar vetëm dëme të vogla materiale”.

“Grupi hetimor, po vijon punën për sqarimin e rrethanave të ngjarjes, identifikimin dhe kapjen e autorit”, deklaron policia e Tiranës.

Lexo edhe: FOTO/ I arrestuar për kokainë, kush është personi që i vendosën tritol në Tiranë

shembje.jpg
R D10:44 | 13/12/2019

Dy godina në Universitetin Bujqësor të Tiranës do të shemben sot me tritol. Ekspertët e Inspektoriatit Kombëtar të Mbrojtjes së Territorit aktualisht po punojnë për vendosjen e sasisë së lëndës plasëse.

Dy ditë më parë, Këshilli Bashkiak i Tiranës miratoi vendimet për shembjen e godinave në Universitetin Bujqësor të Kamzës, të cilat për shkak të amortizimit dhe tërmetit janë kthyer në një rrezik për jetën e familjeve dhe studentëve që strehohen to.

Bëhet fjalë për 8 godina që janë zënë nga familjarë gjatë viteve të tranzicionit, duke pësuar edhe ndërhyrje që e kanë dëmtuar në strukturë, si dhe 2 konvikte ku qendronin studentë.

Veliaj nënvizoi se familjet do të marrin bonus qiraje nga Bashkia e Tiranës për 1 vit.

Ndërkohë, për dy konviktet studentore ai bëri të ditur do të bëhet rimbursimi plotë, duke qenë se as ato nuk ofrojnë garanci dhe siguri në godinat ekzistuese.“Për dy konviktet studentore kam dhënë porosi që të bëhet i plotë rimbursimi, duke qenë se nuk ofrojmë këtë garanci dhe këtë siguri në godinat ekzistuese”, deklaroi Veliaj./abcnews.al

Screenshot_3-2-1280x749.png
R D19:11 | 05/12/2019

Kjo vilë 5-katëshe, arriti t’i mbijetojë tërmetit të 21 shtatorit dhe më pas atij të 26 nëntorit. Por, ekspertët e shpallën atë të pabanueshme.

Inspektorët e Mbrojtjes së Territorit zbarkuan për ta shembur atë me tritol. Tentativa e parë dështoi…

Kolonat e kësaj vile vijuan të qëndronin në këmbë, duke befasuar edhe vetë inspektorët e IKMT e duke ngjallur dyshime, nëse ajo godinë vërtet duhej shembur.

Ky rast nuk ka mbetur jashtë vëmendjes së urbanistit Besnik Aliaj, i cili ka ndjekur procesin e shpërthimit të komanduar të kësaj godinë.
Aliaj teksa publikon këto pamje në facebook, shkruan: “Hej bela! Tentuan ta shembin me eksploziv! Dy tentativa të dështuara. Katër kolona të prera dhe struktura akoma në këmbë!”

Abc News përcolli drejtpërdrejt momentet e shembjes së kontrolluar të kësaj vile 5 katëshe, ku tentativa e parë dështoi për shkak të sasië së pakët të tritolit që u përdor nga punonjësit e IKMT. Tentativa e dytë, rezultoi e suksesshme…

/abcnews.al

 

tritol-730x361.jpg
ent ela21:25 | 20/11/2019

Një sasi tritoli ka shpërthyer në një banesë në fshatin Shtepëz të Gjirokastrës. Gazetari i ABC News Orgest Sako raporton për abcnews.al se nga shpërthimi ka vetëm dëme materiale. Sipas tij banesa është në pronësi të shtetasit Fadil Tole.

Policia ndodhet në vendin e ngjarjes dhe po heton në disa pista. Gazetari raporton se janë disa pista hetimi. Dyshohet s eshkak mund të jetë bërë  prishja e pazareve, pasi djemtë e tij persona me precedentë penalë.

“Djemtë e tij mund të jenë të përfshirë në aktivitete kriminale. Dyshohet për prishje pazaresh. djemtë e tij janë persona me precedentë penalë”- raporton gazetari i ABC news.

Gjirokastër, Informacion paraprak

Njoftohemi se në fshatin Shtëpëz, njësia administrative Cepo, në banesen e shtetasit F.T. ka shpërthyer një sasi lëndë plasëse.

Si pasojë, ka dëme materiale, nuk ka të lënduar.

Në vendngjarje ka shkuar grupim hetimor dhe po punon për zbardhjen e plotë të ngjarjes. /abcnews.al

policia-diber-1280x709.jpg
nev ila14:30 | 09/11/2019

Një ndër pistat që po hetohet për shpërthimin me tritol që ndodhi një ditë më parë në Maqellarë është ajo e hakmarrjes. Pronarit të shtëpisë një vit më parë i kanë vrarë djalin e tij, ngjarje e cila ka mbetur pa autor. Lënda plasëse dyshohet të ketë shpërthyer me telekomandë.

Policia e Dibrës dhe ekspertë të lëndëve plasëse po hetojnë për zbardhjen e shpërthimit të një sasie tritoli në murin e stallës së Gazmir Kosiqit. Ngjarja ka ndodhur mëngjesin e së premtes në Maqellarë të Dibrës.

Lënda plasëse dyshohet të ketë shpërthyer me telekomandë, kjo pasi në momentin e shpërthimit djali i tretë i familjes Ismail Kosiqi ka qenë duke kaluar aty pranë për të ushqyer bagëtinë.

Nga shpërthimi Ismaili ka pësuar disa gërvishtje gjatë largimit  nga blloqet e betonit, si dhe janë lënduar 4 mushka .

Policia po heton në disa pista, ku ndër më kryesoret është ajo e hakmarrjes.

Kujtojmë se një vit më parë në 20 mars 2018 u vra djali i madh Elsi Kosiqi 32 vjeç në oborrin e shtëpisë, vrasje e cila ende është pa autor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono