tritol

MBULIM-TRITOLI-FUSHE-KRUJE.mpg_snapshot_00.15-1280x720.jpg
G. P.08:23 | 30/11/2018

Një shpërthim i fuqishëm tritoli ka tronditur Fushe-Krujën në orët e vona të mbremjes së të enjtes. Lënda plasëse, sipas informacioneve që vijnë nga vendngjarja, i është vendosur një objekti në pronësi të biznesmenit Ibrahim Lami. Fatmirësisht nuk ka patur persona të lënduar si pasojë e shpërthimit, por demet materiale llogariten të jenë të konsiderueshme.

Autorët e kësaj ngjarje dyshohet se e kanë hedhur në pjesën e jashtmë të lokalit lënden plasëse për tu larguar më pas me shpejtësi nga vendngjarja. Në vendngjarje shkoi grupi hetimor i cili përveç kqyerjes së vendit të ngjarjes dhe marrjes së dëshmisë së biznesmenit që iu dëmtua prona, ka nisur punën dhe identifikimin dhe vënien në pranga të autorëve të këtij krimi./abcnews.al

 

TRITOLI-NE-VLORE-ALUSHI_ABC-M2-T1.mpg_snapshot_00.29-1280x734.jpg
G. P.13:45 | 26/11/2018

Policia e Vlorës ka shoqëruar dhe katër persona të tjerë lidhur me atentatin ndaj Agron Alushajt. Dyshohet se njëri prej tyre ka informacion mbi ngjarjen.

Të tjerë persona janë shoqëruar për atentatin me tritol ndaj biznesmenit vlonjat Agron Alushaj. Sipas të dhënave nga grupi hetimor, përveç 12 vetëve që u morën orëve pas ngjarjes, janë dhe katër të tjerë që u shoqëruan këtë të hënë. Hetueset nuk tregojnë se cilët janë ata që policia ka marrë në pyete së fundimi, por një burim i tha ABC News, se mes tyre ka një të dyshuar i cili mund të disponojë informacion për atentatin. Nuk dihet saktësisht se çfarë faktësh do të jenë siguruar, por të gjithë të shoqëruar nga dita e parë i përkasin rrethit familjar, persona në vendin e ngjarjes, punëtorë të gurores e karburantit.

Nga shpëthimi i tritolit të vendosur në kroskotin e makinës, 48 vjeçari dëmtoi gjymtyrët dhe fytyrën. Ai aktualisht ndodhet në një spital privat në Tiranë dhe i shoqëruar me punonjës policie. Dyshimet janë që eksplozivi mund të jetë vendosur në makinën e Alushajt një ditë më parë, ndërsa ka qenë i parkuar pranë shtëpisë së tij. Dhe shpërthimi me telekomnadë u krye pasditen e 23 nëntorit në rrugën Transballkanike. Shënjestra e atentatit është pronar i një guroreje në fshatin Drashovicë, si dhe sapo kishte nisur themelet e një pallati në qytetin e Vlorës./abcnews.al

policia-dyrmishi.jpg
G. P.10:49 | 19/11/2018

Një pako e dyshimtë e vendosur poshtë makinës së Drejtorit të Hekurudhave në Durrës alarmoi policinë. Por pas verifikimit të ekspertëve rezultoi se ishte një bombë e imituar.

Kur drejtori i Hekurudhave doli nga shtëpia për të shkuar drejt zyrës, fqinjët i thanë kujdes ke një bombë në makinë.  Kaq u desh që Ani Dyrmishi t’i telefonojë menjëherë uniformave blu. Pako e dyshimtë, e vendosur poshtë makinës së kreut të Hekurudhave vuri në alarm forcat e Policisë së Durrësit dhe ekspertët e Xhenios që shkuan nga Tirana.

Fillimisht u dyshua për një bombë. Por pas vlerësimit të ekspertëve rezultoi se ishte një bombë e imituar, një celular i montuar në shishe plastike, e cila brenda nuk kishte eksploziv.  Ekpsertët e morën pakon me vete për të gjetur gjurmët e personit që e ka vendosur atë në makinën e Dyrmishit.

Sipas policisë së Durrësit pavarësisht faktit që pako nuk ishte një bombë e vërtetë, po hetohet në pistën e një kërcënimi dhe paralajmërimi ndaj Ani Dyrmishit.  Ngjarja ndodhi në qytetin e Durrësit pranë portit, aty ku dhe Drejtori i Hekurudhave  banon. Ka qenë vetë Dyrmishi dhe fqinjët e tij që ka njoftuan policinë.

Ai i tha hetuesve se nuk kishte konflikte me askënd dhe se nuk kishte asnjë ide kush mund të ishte autori. Dyrmishi tha se shpresoj në zbardhjen e ngjarjes sa më shpejt./abcnews.al

TRITOL-ELBASAN-1280x720.jpg
ent ela08:39 | 16/11/2018

Pronari i një lokali në Elbasan i cili më parë ka qenë i dënuar për vrasje, është plagosur rëndë pas shpërthimit të një granatë luftarake. Ai u sulmua orëve të para të mëngjesit, ndërsa ishte duke fjetur bashkë me nipin e tij i cili shpëtoi.

Dajë e nip ishin duke fjetur në një nga anekset e lokalit, kur u sulmuan me një granatë luftarake. Pronari 32 vjeçar Albert Alterziu mori plagë të rënda pas shpërthimi, kurse nipi i tij  Ergis Çekiçi ka shpëtuar.

Ngjarja ndodhi në orët e para të mëngjesit në lokalin “Binjakët” në qendër të Elbasanit. Sipas policise granata është hedhur nga jashtë dhe po hetohet pista e hakmarrjes.

Kjo për shkak të kaluarës së Alterziut. Në moshën 15 vjeçare në vitin 2001 ai vrau një bashkëmoshatarin e tij Elton Shulin. Për këtë krim u dënua 10 vjet dhe bëri gjithsej shtatë vjet burg.

Kurse në vitin 2013 shënjestra e sulmit me granatë u plagos me thikë. Këto ngjarje kanë bërë që hetuesit të orientohen drejt pistës së hakmarrjes, por pa anashkaluar pistat e tjera.

Disa të dyshuar janë marrë në pyetje, por pa arritur në ndonjë provë konkrete për të vënë në pranga autorin e ngjarjes. /abcnews.al

MBULIM-KAPET-EKSPLOZIV-NE-TIRANE.mpg_snapshot_00.17-1280x720.jpg
G. P.15:58 | 11/11/2018

Tetë kallëpe tritol nga 150 gramë secili, një granatë mësymëse dhe 500 gramë lënde eksplozive tritol, që shërben për përgatitjen e minave me telekomandë janë bllokuar në Tiranë nga shërbimet e komisariatit 6. Poseduesi i tyre 31 vjeçari Fatjon Kola, nga Peza e Madhe është arrestuar në flagrancë.
Materialet iu gjetën 31 vjeçarit në banesë ndërsa tashmë ai akuzohet për veprën penale ‘”Prodhimi i armëve dhe municioneve luftarake, lëndëve plasëse, i bombave apo minave”./abcnews.al

atentatii.png
G. P.13:50 | 03/11/2018

Sasia e vogël e eksplozivit që ishte vendosur pranë mjetit të punonjësit të Tatimeve në Shkodër dyshohet të jetë një atentat i dështuar ose mesazh kërcënues. Pista kryesore e hetimit është detyra që ushtronte si inspektor, por Nehat Zaganjori ka deklaruar në polici se nuk ka konflikte me askënd.

Atentati ndaj punonjësit të Tatimeve në Shkodër, Nehat Zaganjorit, ka mbetur mister. Lënda shpërthyese ishte vendosur rreth gjysmë metra larg mjetit në anë të trotuarit ndërsa fitili zjarrpërcjellës nuk ka qenë i ndezur.

Ndërkohë që nuk është gjetur asnjë pajisje tjetër për një komandim në distancë si dhe mbështjellja e lëndës plasëse është bërë më një letër të bardhë.  Grupi hetimor është i paqartë nëse kemi të bëjmë më nje mesazh kërcënues apo me një atentat të dështuar. Punonjësi Nehat Zaganjori nuk rezulton të këtë konflikte më dikë, po ashtu as të afërm të tij.

Detyra që ushtron tek Tatim-Taksat e Shkodrës është ajo e inspektorit për vjeljen e detyrimeve të prapambetura. Kjo mbetet edhe pista kryesore e hetimit.  Ngjarja ndodhi të enjten në mbrëmje tek Ura Dervish Beg në Shkodër. Ende policia nuk ka një autor për ngjarjen. Gjatë këtij viti në Shkodër kanë ndodhur një sërë ngjarjesh të rënda kriminale të cilat kanë tronditur kryeqendrën e veriut./abcnews.al

3647e95e-91b8-45cb-839a-131fbf56a37a.jpg
ent ela13:49 | 24/10/2018

Një i ri ka rënë në prangat e policisë së Kamzës , pasi iu  gjenden në oborrin e banesës 14 kallëpe të dyshuara si lëndë plasëse e llojit tritol. Ai është 22 vjeçari Fatjon Leka banues në “Fushë Arrëz”.

Njoftimi i Policisë

Shërbimet e Policisë të Komisariatit Nr.5, në sajë të informacioneve të marra në rrugë operative bënë arrestimin në flagrancë të shtetasit :

– Fatjon Leka, 22 vjeç, banues në “Fushë Arrëz”, Kamëz.

Gjatë kontrollit të ushtruar në banesën e këtij shtetasi, në oborr i është gjetur e fshehur një qese plasmasi brenda së cilës kishte 14 kallëpe të dyshuara si lëndë plasëse e llojit tritol të cilat u sekuestruan në cilësinë e provës materiale.

Materialet iu referuan Prokurorisë së Rrethit Gjyqësor në ngarkim të shtetasit të lartpërmendur për veprën penale  “Prodhim dhe mbajtje pa leje të armëve dhe municionit luftarak”, parashikuar nga neni 278 i Kodit Penal. /abcnews.al

RRUGA-KRRABE-ELBASAN-ABCM4T1.mpg_snapshot_00.05-1280x720.jpg
G. P.18:00 | 24/09/2018

Policia e Kukësit ka arritur të kapë autorin e dyshuar të vendosjes së eksplozivit në një shtyllë elektrike. Në pranga ka rënë Feim Luga, 20 vjeç, nga fshati Kalimash.

Arrestimi i të riut u bë pasi natën të së dielës ka vendosur një sasi lënde plasëse në një shtyllë tensioni që furnizonte me energji elektrike ish-fabrikën e Kromit. Si pasojë e shpërthimit është dëmtuar shtylla.

Gjatë kontrollit në banesën e tij u gjetën 32 metra fitil zjarr-përcjellës, si dhe një sasi e vogël kanabis sative. Ndërkohë në vendin e ngjarjes u sekuestrua në cilësinë e provës materiale 6 metra fitil zjarr-përcjellës, i ngjashëm me atë që u gjet në banesën e tij./abcnews.al

vloraaaaaaa.jpg
G. P.08:14 | 23/09/2018

Një sasi tritoli ka shpërthyer në një banesë në katin e katërt të një pallati në qytetin e Vlorës.  Ngjarja ka ndodhur orëve të para të mëngjesit dhe për pasojë ka vetëm dëme materiale.

Të njëjtat burime saktësojnë se shtëpia është e Jovan Çelës, 43 vjeç, i cili ka dëshmuar në polici se nuk ka konflikte personale.

Nga ana tjetër, policia e Vlorës ka shoqëruar disa persona, por nuk ka mundur të vendosë autorin ne pranga./abcnews.al

TRITOL-NE-KRUJE-1280x720.jpg
ent ela11:52 | 10/09/2018

Një sasi eksplozivi ka shpërthyer gjatë natës në oborrin e shtëpisë së babait të një zyrtari të OSHEE në Krujë.  Nuk dihen autorët dhe shkaqet e kësaj ngjarjeje, por sipas policisë nuk ka patur lëndime në njerëz, por vetëm dëme. Vetë zyrtari i OSHEE ka thënë në polici që nuk kishte konflikte personale, por mund të jetë për shkak të punës. Në shtëpinë ku u hodh tritoli jetonte Xhavit Masha, babai i zyrtarit të OSHEE D. Masha.

Krujë, Informacion paraprak

Më 10.09.2018, rreth orës 03:00, brenda murit rrethues të banesës së shtetasit B.M. 29 vjeç,( Përgjegjës i OSHEE-së Fushë-Krujë ) banues në lagjen “Pengile” Krujë, është hedhur një sasi lënde plasëse.

Si pasojë e shpërthimit ka vetëm dëme materiale.

Grupi hetimor po punon për identifikimin e autorëve dhe sqarimin e shkaqeve të ngjarjes. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono