tregtia e lire

BE-AZI-1280x720.jpg
ent ela22:46 | 19/10/2018

Bashkimi Europian ka nënshkruar një marrëveshje për tregtinë e lirë me Singaporin. Në një samit me liderët e vendeve aziatike, krerët e BE-së ftuan Kinën që të ofrojë më shumë hapësirë për investimet europiane në ekonominë e saj.

Bashkimi Europian ka nënshkruar të premten një marrëveshje për tregtinë e lirë me Singaporin. Në samitin me liderët aziatikë, Unioni i ka bërë gjithashtu thirrje Kinës që të ofrojë më shumë akses për investime të huaja në ekonominë e brendshme, por sërish hasi në rezistencën e Pekinit. Gjatë takimit, liderët e vendeve të dy kontinenteve kanë mbajtur edhe takime individuale. Kryetari i Komisionit Europian zhvilloi një bisedim kokë më kokë me kryeministrin kinez Li Keqiang, e cila kishte në fokus depërtimin e kompanive europiane në ekonominë numër 2 në botë.

Ndërsa në një takim me kryeministren britanike Thersa May, kryeministri Li tha se, pret me padurim një lidhje të re mes dy vendeve. Për të treguar rolin e rëndësishëm të Kinës, Li udhëhoqi grupin e liderëve ndërkombëtarë në tapetin e kuq dhe qëndroi në qendër në momentin e fotos, përkrah kancelares gjermane Angela Merkel dhe kryetarit të Këshillit Europian, Donald Tusk. I pranishëm në samit, kancelari austriak Sebastian Kurc u tha gazetarëve se Europa shpreson që aktorët globalë të ekonomisë të respektojnë rregullat, ndërsa rishprehu dëshiron për një reformim të Organizatës Botërore të Tregtisë.

“Nëse proteksionizmi na del përpara, atëherë duhet ta refuzojmë. Ndërsa tregtia e lirë duhet të jetë gjithmonë e drejtë, e barabartë dhe e bazuar në rregulla dhe kjo vlen për të gjitha palët”, tha Kurc. /abcnews.al

g20-1280x634.jpg
ent ela23:18 | 19/03/2018

Të mbledhur në Argjentinë, ministrat e Financave të vendeve të grupimit G20 kanë shprehur shqetësimin për masat proteksioniste të administratës amerikane. Njëzëri, ata kanë theksuar se tregtia e lirë është zgjidhja e duhur për sfidat e ditëve të sotme.

 

Krerët e financave botërore kanë kërkuar të hënën miratimin e një marrëveshjeje për tregtinë e lirë dhe heqjen dorë nga proteksionizmi, pas vendimit të administratës amerikane për të vendosur tarifa mbi çelikun dhe aluminin e importuar. Njëzëri, ministrat kanë shprehur frikën e tyre se bashkë me masat e Shteteve të Bashkuara kundër Kinës situata mund të kalojë gradualisht në një luftë tregtare, që do të dëmtonte rritjen ekonomike globale. Ministrat e Financave dhe guvernatorët e bankave të 20 ekonomive më të mëdha në botë janë mbledhur në Buenos Aires për të diskutuar mbi perspektivën ekonomike, qarkullimin e kapitaleve, ndikimin e valutave elektronike dhe parandalimin e evazionit fiskal nga kompanitë shumëkombëshe. Por, vendimi i njëanshëm i presidentit Trump për të vendosur tarifat prej 25 dhe 10 për qind për çelikun dhe aluminin është kthyer në pikën kyçe të takimit. “Druhem se themeli i prosperitetit tonë, që është tregtia e lirë, ndodhet në rrezik. Proteksionizmi nuk është përgjigjia e duhur ndaj sfidave të vështira të kohës sonë. Situata është shumë serioze”, ka thënë ministri gjerman i Financave, Olaf Scholz. Scholz ka bërë me dije se më vonë gjatë javës do të përpiqet të bindë Uashingtonin të heqë dorë nga planet e tij, ndërkohë që ministrat e vendeve të tjera ndanë të njëjtin shqetësim me Gjermaninë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono