trazira

hashim-thaci.jpg
G. P.15:20 | 12/10/2018

Presidenti i Kosovës në një intervistë për “France 24” paralajmëroi se mos arritja e një marrëveshjeje pajtimi me Serbinë do të sjellë trazira dhe luftë. Ai mbrojti përsëri idenë e korrigjimit të kufijve.

Presidenti i Republikës së Kosovës, Hashim Thaçi, thotë se pa arritjen e një marrëveshjeje reciproke në Bruksel, nuk ka të ardhme evropiane as për Kosovën e as për Serbinë. Në një intervistë për televizionin francez “France 24”, kreu i shtetit njësoj sikurse kryeministri kosovar i është kthyer retorikës së luftës. Por ndryshe nga Haradinaj, ai thotë se mosarritja e një marrëveshjeje ndërmjet Kosovës dhe Serbisë, mund të sjellë trazira dhe luftë.

“Marrëveshja i shuan të gjitha këto”, shprehet presidenti Thaçi.

Presidenti nënvizon se në momentin që Bashkimi Evropian dhe SHBA-ja garantojnë që Serbia do ta njohë pavarësinë e Republikës së Kosovës, atëherë ai vetë do të nënshkruajë marrëveshjen paqësore ndërmjet Kosovës dhe Serbisë.

“Do ta nënshkruaj një marrëveshje të tillë, pavarësisht kundërshtimeve dhe kritikave, sepse një gjë e tillë është e rëndësishme për të ardhmen e vendit tim”, bëri të ditur Thaçi.

Më tej në intervistë për “France 24”, presidenti mbrojti përsëri idenë e tij për korrigjim të kufijve. Ai thotë se në rast të mosarritjes së një marrëveshjeje përfundimtare ndërmjet Kosovës dhe Serbisë përmes korrigjimi të kufijve, atëherë do të shfaqej rreziku i ndarjes së Kosovës dhe themelimit të ‘Republikës Srpska’. Ndër të tjera presidenti Thaçi garantoi ruajtjen e shpirtit multietnik i Republikës së Kosovës dhe se nuk do të ketë ndarje në vija etnike./abcnews.al

zjarri.jpg
G. P.21:05 | 04/09/2018

Policia e Brazilit ka përdorur gaz lotësjellës dhe dhunë për të qetësuar protestuesit në afërsi të muzeut historik 200-vjeçar që u shkrumbua nga zjarri. Ndërkohë, mediat kanë publikuar edhe pamjet e asaj që ka mbetur.

Në Brazil ka shpërthyer zemërimi qytetar pasi zjarri shkrumboi Muzeun Kombëtar, një godinë historike, e cila ishte e pajisur me sistem anti-zjarr dhe që ka vuajtur vite të neglizhencës financiare. Jashtë hyrjes së ish Pallatit Mbretëror 200-vjeçar, policia përdori gaz lotësjellës kundër një turme të nervozuar që u përpoq të hynte në godinën e shkatërruar.

Më pas, policia garantoi aksesin në perimetrin e hyrjes, ku protestuesit qëndruan në shenjë manifestimi. Tensionet e ndezura reflektojnë zemërimin lidhur me shkatërrimin e muzeut shumë të dashur për qytetarët, i cili e pësoi nga shkurtimet e shpenzimeve federale. Këto emocione urrejtje, mund të nxisin trazira të mëdha në Brazil, duke parë edhe afrimin e zgjedhjeve presidenciale, që do të mbahen në Tetor.

Ndërkohë, duke qëndruar tek muzeu historic, mediat kanë publikuar dhe pamjet e asaj që ka mbetur nga flakët. Në këto filmime me dron shikohet qartë se nga 20 milionë objekte muzeale, ka mbetur vetëm hiri. Në godinë ekspozohej edhe skeleti i njeriut më të vjetur të zbuluar ndonjëherë në Amerikën Latine, si dhe shumë objekte të tjera nga kontinente të ndryshme./abcnews.al

independentistas-mossos-protesta-mwc-efe.jpg
ent ela09:59 | 26/02/2018

Vizita e mbretit Felipe i Pestë i Spanjës në Katalonjë ka shkaktuar trazira. Mësohet se 5 persona u plagosën nga përleshjet e protestuesve me policinë lokale. Mbreti nuk është pritur nga liderët e rajonit autonom.

5 persona kanë mbetur të plagosur për shkak të përleshjeve në Barcelonë mes manifestuevse pro pavarësisë dhe policisë lokale Mossos. Separatistët zhvilluan një protest kundër vizitës së mbretit Felipe VI, i cili ka inaguruar në Pallatin e Muzikës “Mobile Ëolrd Congres”, panairin botëror të smartfonëve dhe të risive të fundit në sektorin e telekomunikacionit.

Mbreti i Spanjës arriti në godinën ku zhvillohej panairi pa ndonjë problem edhe pse asnjë nga drejtuesit katalanas, kryebashkiakja Ada Colau dhe presidenti i parlamentit, Roger Torrent, nuk ishin present për ta pritur. Kjo është një tjetër vrazhdësi e pavarësisë katalanase ndaj mbretit, mbështetës i fortë i unitetit të kombit, siç parashikohet nga kushtetuta.

Ndërkohë, situate në Katalonjë mbetet e bllokuar: pas zgjedhjeve të parakohëshme të 21 dhjetorit, partitë separatist edhe pse kanë humbur dy deputetë në parlamentin rajonal, zotërojnë akoma maxhorancën me 70 vende nga 135 që janë gjithsej. Ndërsa nga ana tjetër partia unioniste “Qytetare” është forcë e parë sa I përket deputetëve në kuvendin rajonal. Por arratisja nga drejtësia spanjolle e ish-presidentit Carles Puigdemont, i cili po qëndron në Belgjikë që pas shpalljes së njëanshme të pavarësisë, dhe që pretendon të qeverisë në distancë, ka lënë situatën në një ngërç total. /abcnews.al

vlcsnap-error449-1-1280x720.jpg
G. P.20:08 | 12/01/2018

Vizita e Papa Françeskos në kryeqytetin e Kilit është pritur me trazira të shumta. Të paktën 3 kisha janë sulmuar vetëm ditët e fundit. Vizita do të zhvillohet me 15 Janar, ndërsa qytetarët kundërshtojnë shpenzimet e shtetit për përgatitjet.

Të paktën 3 atentate kundër disa kishave katolike janë regjistruar ne qytetin Santiago. Këto sulme lidhen me vizitën e Papa Françesko në Kili, që do të zhvillohet me 15 Janar. Këtë e shkruan gazeta vendase “La Nacion”. Sulmi i parë, i kryer me flakadan vuri në shënjestër famullinë e “Santa Isabel de Hungría”.

Në vendngjarje, autorët kanë lënë pamflete me slogane anti-qeveritare, dhe një nga kërcënimet ndaj Papës, në të cilin thuhet se “bombat e ardhshme do të vendosen nën veshjen tënde”.
Sulmi i dytë ndodhi në kishën Emmanuel dhe atentati tjetër në kapelën e “Krishtit Vencedor”. Në të dyja rastet janë përdorur pajisje shpërthyese që shkaktuan dëmtime. Një sulm i katërt është kryer në famullinë “Santuario de Cristo Pobre”, në periferi të kryeqytetit kilian, por hetuesit ende duhet të konstatojnë nëse ishte një sulm i qëllimshëm.

Presidentja e vendit, Mishel Bakelet, i ka cilësuar këto ngjarje si shumë të çuditshme. Ajo nënvizoi se qytetarët kanë të drejtën e tyre të protestojnë kundër vizitës së Papës, por kjo duhet të bëhet në mënyrë paqësore. Ndërkohë, mediat në Kili shkruajnë se arsyeja e sulmeve ndaj kishave janë milionat që po zhpenzohen nga shteti rreth përgatitjeve për vizitën e Papa Françeskut./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono