trashi
Sissoko feston golin e tij (74')

Hoxha-1-1280x853.jpg
Veronik Istrefaj19:17 | 29/11/2019

Federata Shqiptare e Futbollit ka vendosur të shpërndajë topa dhe fanella për të prekurit nga tërmeti. Në stadiumin e Fushë-Krujës, janë strehuar disa familje dhe pikërisht në këtë stadium, FSHF ka dërguar dy futbollistët e kombëtares, Lorenc Trashi dhe Alban Hoxha.

“Në vijim të fushatës së ndërmarrë nga presidenti Duka, punonjësit e FSHF dhe futbollistët e kombëtares, sot dy prej tyre Alban Hoxha dhe Lorenc Trashi vizituan kampin në Fushë-Krujë,ku dhuruan fanella të kombëtares dhe topa për fëmijët.

Ata biseduan me të vegjlit që kanë kaluar momente të tmerrshme duke i inkurajuar. Kuqezinjtë improvizuan edhe një ndeshje futbolli me vogëlushët”, shkroi FSHF./abcnews.al

Zajmi.jpg
Vladimir Prenga23:46 | 14/10/2019

Uvil Zajmi, ish-arbitër në futbollin shqiptar, mendon se që futbolli të ecë përpara duhen ndërtuar strategji. Në emisionin “Pressing” në ABC News ai foli edhe për trajnerin aktual të kombëtares,. Edoardo Reja.

“Problemi i një ekipi kombëtar është strategjia. Më jep kënaqësi kur Cikalleshi shënon 6 gola, e kemi pasur në fushat tona. Kemi edhe Trashin produkt i futbollit tonë. Trajneri vjen në katër ditë këtu. Në Itali i sheh lojtarët brenda kampionatit, kurse ne i kemi jashtë dhe trajneri është menaxher. Kërkohet një strategji afatgjatë”, tha Zajmi.

Ndër të tjera ai shtoi në lidhjen me Rejën: “Duhet parë mirë çështja e trajnerit. Reja po e krijon një skuadër. Nuk është e lehtë të vendosësh një trajner. Kjo skuadër praktikisht është e këtij trajneri”. /abcnews.al

cikalleshi-1.jpg
Vladimir Prenga21:33 | 14/10/2019

Shqipëria ka shpërthyer që në pjesën e parë ndaj Moldavisë, duke shënuar tre herë. Ishin Sokol Cikalleshi, Keidi Bare, Lorenc Trashi ata që realizuan golat. Kuqezinjtë e trajnerit Edi Reja u treguan kërkues që në fillim, por vendasit ishin të vendosur mirë dhe nuk linin shumë hapësira. Gjithsesi ata nuk rezistuan shumë.

Sokol Cikalleshi zhbllokoi shifrat në minutën e 22-të. Sulmuesi nga Kavaja bëri një lëvizje mjaft të bukur në zonë dhe goditi saktë drejt e në rrjetë. Festë kuqezi në fushë dhe në shkallët e stadiumit. Shqipëria ishte më lart, por e ndihmuan edhe vendasit me gabimin e portierit që u kthye në gol nga Bare.

Pesë minuta nga fundi i pjesës së parë ishte Lorenc Trashi që me një të majtë potente shënoi edhe golin e tretë. Lojtari i Partizani përfitoi nga gabimi i mbrojtësit kundërshtar dhe e dërgoi topin në rrjetë. Më pas nuk pati më gola dhe skuadrat iu drejtuan dhomave të zhveshjes.

KUALIFIKUESET E EURO 2020

MOLDAVI-SHQIPËRI 0-3
Shënues: Cikalleshi 22′, Bare 34′, Trashi 40′
MOLDAVIA:
Koşelev, Reabciuk, Mudrac (Rozgoniuc  30′), Posmac, Ioniţa (C), Cebotaru, Prepeliță, Suvorov, Anton, Sidorenco, Graur. Trajner: Semen Altman
SHQIPËRIA: Strakosha, Ismajli, Dermaku, Djimsiti, Veseli, Bare, Gjasula, Abrashi, Lenjani, Manaj, Cikalleshi. Trajner: Edoardo Reja

Karton  i verdhë: Mudrac 29′

/abcnews.al

Partizani-Teuta.jpg
Veronik Istrefaj17:08 | 05/10/2019

Në takimin mes Partizanit dhe Teutës, që po luhet në “Selman Stermasi”, i pranishëm është dhe trajneri i kombëtares, Edy Reja. Strategu italian, së bashku me Ervin Bulkun dhe Hamdi Salihin, po ndjekin nga afër këtë sfidë, para se të vendosin për listën përfundimtare të grumbullarve.

Alban Hoxha dhe Lorenc Trashi janë grumbulluar dhe më parë për kombëtaren e Shqipërisë, ndërsa Esat Mala dhe Sherif Kallaku kanë qenë pjesë kryesore e Shpresave U-21. Kjo sfidë mes Partizanit dhe Teutës po ndiqet me mjaft interes nga stafi teknik i kombëtares./abcnews.al

Trashi.png
Veronik Istrefaj17:02 | 25/09/2019

Mbrojtësi i Partizanit, Lorenc Trashi, ka folur para sfidës derbi të fundjavës, mes “Demave të Kuq” dhe Tiranës. Kjo ndeshje është shumë e rëndësishme për të dyja skuadrat, sidomos për Tiranën, që nuk ka fituar prej shumë vitesh, por Trashi beson se Partizani do të vazhdojë traditën dhe do të triumfojë sërish. Në fjalën e tij për TV Klan, mbrojtësi i “Demave” tha:

DERBI – “Do të jetë një derbi ndryshe, duke parë edhe atmosferën që Tirana dhe besimin që tifozët kanë krijuar tek ekipi. Megjithatë, tradita vazhdon dhe Partizani nuk ka asnjë humbje në këto pesë vitet e fundit. Një futbollist nuk do motivim për këtë ndeshje, pasi motivohet nga vetë atmosfera dhe jam i bindur se shokët do të japin maksimumin e tyre”.

SEZONI AKTUAL – “Janë luajtur vetëm pesë ndeshjet e para. Normalisht që frikë duhet të kemi, megjithatë ai emocioni ekziston te të gjithë lojtarët, si te ne ashtu edhe te Tirana. Edhe sikur një lojtar të mos ketë asnjë minutë në këmbë këtë sezon, po luajti 90 minuta në derbi, jep mbi maksimum, pasi dihet rëndësia e këtij takimi”.

LERDA – “Kemi një trajner italian dhe normalisht ka atë filozofinë mbrojtëse. Gjithsesi, ne do të sulmojmë përpara dhe të nuk do të presim asnjë ekip. Besojmë që do të jetë një ndeshje e bukur dhe do të zgjidhet nga sulmuesit”, u shpreh Trashi ./abcnews.al

partizani-2-1280x718.jpg
ad min14:00 | 27/05/2019

Priten ndryshime të rëndësishme tek Partizani, sezonin e ardhshëm. Dy nga lojtarët kryesorë të skuadrës mund të largohen, ndonëse drejtuesit e klubit nuk pohojnë asgjë.

Boshti do të ruhet, por jo i gjithi.

Një klub shqiptar nuk mundet të mos preket nga eksodi, as kur quhet Partizani dhe del në vend të parë.

Pjesëmarrja në Champions nuk mjafton për të bindur këdo, sidomos kur ka oferta nga jashtë vendit, dhe të tilla kanë ardhur për Jurgen Bardhin dhe Lorenc Trashin.

Kapiteni i dytë i skuadrës ka mundësi të transferohet për në Hungari, ndërsa sulmuesi mund të shkojë në Itali apo në ndonjë kampionat tjetër.

Burime në klub pohojnë se Partizani mund të fitojë rreth 500 000 euro nga shitja e kartonit të dy futbollistëve, para që do ta ndihmojnë për të realizuar afrime të rëndësishme, për të përballuar siç duhet Championsin.

Gjithsesi, njerëzit kryesorë të kryeqytetasve, natyrshëm, që janë të rezervuar në deklaratat e tyre.

Ja drejtori sportiv, Olsi Rama: “Mirëpresim çdo interes ndaj lojtarëve tanë. Nuk falim askënd dhe nuk japim askënd që të shkojë diku tjetër nëse nuk është kërkesa e tij që nuk është i lumtur tek Partizani. Deri më tani asnjëri nga djemtë nuk më ka thënë që nuk është i lumtur tek Partizani. Përkundrazi edhe ata që janë në skadencë dhe ata që u skadon kontrata vitin tjetër, të gjithë janë gati të ulen dhe të bisedojnë për rinovime”.

 Drejtori Rama pohon se puna në treg është e përhershme, por trajneri Gega thotë diçka tjetër.

Gega: “Do vijë një moment do ulemi me klubin dhe të shikojmë me kujdes se kush mund të jetë pjesë projektit vitin tjetër. Sot për sot nuk kam asgjë dhe nuk ia kam vënë syrin asnjërit nga jashtë dhe brenda Superligës. Këta që janë do uroja që të ishin me ne deri në fund”.

Partizani do të ketë fitime të rëndësishme këtë verë, të paktën 1 milionë euro nga Europa, titulli dhe të drejtat televizive, ndaj mundësitë për t’u forcuar do të jenë të mëdha./ABC News Albania 24/7

edy-reja.jpg
ad min16:26 | 25/05/2019

Trajneri Edi Reja po përpiqet të seleksionojë sa më shumë lojtarë gjatë grumbullimit të kombëtares. Italiani ka ftuar disa futbollistë nga Superliga, ndërsa thirri edhe mesfushorin Qose nga Sllovakia.

Siç thuhet, me një gur dëshiron të vrasë dy zogj.

Detyra e tij parësore është që të përgatisë kombëtaren për ndeshjet eleminatore të Europianit, por Edi Reja, e di se nuk ka shumë kohë në dispozicion, për t’u përqëndruar vetëm tek një objektiv.

Grumbullimi i tij i parë dhe mjaft i gjatë, në stolin kuqezi, po shfrytëzohet edhe si një seleksionim, pra përzgjedhje e lojtarëve që mund të jenë të vlefshëm.

Në grupin e lojtarëve të kombëtares dhe të Shqipërisë 21, që kanë punuar së bashku me italianin, bëjnë pjesë 4 lojtarë të Partizanit, portieri Hoxha, Trashi, Telushi dhe Asani, ndërsa është thirrur edhe një djalë i ri nga Tirana.

Jurgen Çelhaka, 20 vjeç, është pjesë e Shqipërisë U20, ndërsa në Tropikal është në përbërje të grupit të ekipit kombëtar Shpresa, të cilët po stërviten bashkë me lojtarët e skuadrës së të rriturve.

Nga Sllovakia, ndërkaq, mësohet se në ekipin përfaqësues do të jetë edhe Kristi Qose, lojtar i Ruzhomberokut në Ligën e Parë sllovake.

Ai realizoi me penallti në formë Panenka, në humbjen 2-4 të pësuar së fundmi nga ekipi i tij në fushën e Zhilinës, por mesfushori shqiptar është në formë shumë të mirë pasi ka realizuar 9 herë në 32 javë kampionat.

Trajneri Reja ka rikthyer në kombëtare edhe Hysen Memollën, që tani luan për Salernitanën në Itali, dhe që ishte thirrur, por ishte lënë jashtë më pas, nga Panuçi./ABC News Albania 24/7

vlcsnap-error315-1280x720.jpg
ent ela15:26 | 18/01/2018

Nuk reshtin problemet tek Partizani. Një nga lojtarët kryesorë të skuadrës është pranë largimit pas konfliktit me trajnerin Starova në fazën përgatitore në Turqi.

As klima e Turqisë nuk qenka gjë.

Partizani pësoi një tjetër krizë në minifazën përgatitore, ndërsa njëri prej lojtarëve kryesorë po shkon drejt largimit.

Lorenc Trashi, titullar stabël në formacion thuajse me çdo trajner, mësohet se është përplasur me trajnerin Starova, dhe burime në klub pohojnë se gjithçka është përkeqësuar në ekstrem.

Vetë lojtari ka deklaruar se ka qenë tekniku që e ka ofenduar pas një diskutimi normal, ndërsa Starova ka variantin se lojtari nuk pëlqeu që u zëvendësua që në minutën e 60-të në miqësoren ndaj ekipit gjerman, Berliner AK.

Acarimi mësohet se ka qenë i plotë dhe janë përdorur madje edhe ofendimi, me trajnerin që ka deklaruar se nuk e dëshiron Trashin si pjesë të skuadrës, madje duke mos e lejuar të qendronte as në hotel.

Burimet në klub shtojnë se ka pasur edhe më herët probleme në Antalia, me ankesa nga ana e disa prej lojtarëve për mbledhje e nga disa të tjerë për mosaktivizim sa duhet.

Starova ka biseduar duke i kërkuar të vendosin interesin e klubit mbi atë individual, dhe gjithçka u duk se do të merrte fund aty, por shpejt erdhi konflikti me Trashin.

Partizani nuk po njeh qetësi pasi një ditë para nisjes për në Turqi, tre lojtarë u përjashtuan nga ekipi, Vila, Krasniqi e Malota.

Po ashtu, nuk dihet nëse ka unitet në veprimin e drejtuesve dhe mbetet për t’u parë bashkëpunimi mes Luçiano Moxhit, Olsi Ramës dhe Starovës.

Një sezon I nisur shumë keq me trajnerin Iuliano, që u shkarkua, rrezikon të përfundojë po keq, pavarësisht se Starova u shfaq optimist përpara nisjes për në Antalia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono