tranzicioni
Pogba dhe Kroos

henri-cili123.jpg
G. P.21:04 | 20/09/2019

Universiteti Europian i Tiranës do të nisë një projekt të ri ku do t’i japë hapësirë studimeve mbi tranzicionin. Henri Çili, i cili ishte i ftuar këtë të premte në emisionin “Provokacija”, ku tha se tranzicioni në vendin tonë është mbyllur. Madje sipas tij ka qenë i suksesshëm. Ai renditi disa parametra për ta vërtetuar këtë.

“Ideja është që tranzicioni shqiptar është më i lavdishmi në periudhën e Shqipërisë, 30 vjetët e kësaj pjese të historie shqiptare. Mua prandaj më vjen keq që kryqëzohet elita politike. Elita politike i ka bërë një shërbim Shqipërisë dhe për mendimin tim meriton të amnistohet dhe jo të ndëshkohet. Pse? Po të marr katër parametra.  Në 25-30 vjet, GPD-ja, të ardhurat për frymë të shoqërisë shqiptare janë rritur midis 25 dhe 35 herë. Në vitin ’90, ne kishim midis 200 dhe 400 dollarë për frymë. Sot kemi midis 7 dhe 10. Ndryshimi jonë infrastrukturor është epokal. Për dy orë ti shkon në çdo cep të Shqipërisë.

Ne kemi mbjellë institucione, praktika të cilat vendet e tjera nuk i kemi pasur. Vendet e tjera sa i kanë rikthyer. Është e thjeshtë të flasim për evoluimin e Çekisë, por ajo ka pasur senat dhjetëra vjet.  Gjykata Kushtetuese, sistemi ynë i komunikimit, format e tjera nuk kanë ekzistuar. Ne kemi sisteme komunikimi dhe financiare që nuk i kemi pasur kurrë në histori, sistemi bankar, sistemi i sigurimeve etj.  Fitoret tona janë absolute. Do thoja që ka dy mënyra si të jemi të kënaqur dhe të pakënaqur. Krahasimi me lart dhe krahasimi me poshtë, por mbi të gjitha ka një krahasim që nuk mund ta shmangim, njëshin. Unë mendoj se çdo shqiptar sot është tmerrësisht më mirë se në vitin 1990”, tha Çili.

Por nga ana tjetër, Nano kishte një mendim ndryshe. Ai bëri me faj politikën shqiptare dhe tha se një pjesë e njerëzve e shohin vendin si të pabanueshëm.

“Unë e bëj me faj politikën. Sot një pjesë e madhe të shqiptarëve e shohin vendin si të pabanueshëm dhe ka një arsye. Unë përmenda zgjedhjet. Jemi i vetmi vend në Europë, dhe kjo na turpëron të gjithëve”, tha Nano. /ABC News Albania 24/7

IRIS-ELEZI-PER-KINEMANE-E-PAS-90-1280x720.jpg
G. P.18:58 | 11/07/2018

Kinemaja e pas viteve 90-të vjen e projektuar në tarracën e Pallatit të Kulturës çdo të martë në sezonin e verës.  Drejtoresha e Arkivit të Filmit, Iris Elezi, në një intervistë për ABC News thotë se përzgjedhja e këtij harku kohor është bërë edhe për shkak të mosnjohjes së kësaj periudhe të kinemase nga spektatorë. Sipas Elezit, me anë të këtyre  filmave vjen edhe faza e tranzicionit social-kulturor me gjuhën e kinemasë./abcnews.al

Theresa-May-Chequers-Brexit-706055.jpg
ent ela10:39 | 01/02/2018

Kryeministrja britanike Tereza Mej kundërshton propozimin që parashikon lejimin e të drejtave që lidhen me qëndrimin në vend të qytetarëve europianë gjatë periudhës së tranzicionit pas Breksit. Lajmi bëhet i ditur nga BBC. “Duhet të ketë ndryshim në trajtim mes atyre që mbërrijnë në vend pasi Mbretëria e Bashkuar të dalë nga Unioni Europian dhe atyre që kanë ardhur më përpara”, u shpreh për BBC shefja e qeverisë së Londrës.

Në këtë mënyrë Mej ka hapur një front të ri debate me BE-në në sajë të negociatave për Breksit. Sipas saj nuk ka një akord lidhur me statusin e qytetarëve europianë që mbërrijnë në Britaninë e Madhe në periudhën e tranzicionit pas divorcit. Qytetarët e Unionit, të cilët do të jenë në Britani pas marsit të 2019 nuk do të kenë të drejta të njëjta me ata që gjendeshin më përpara në vend.

Sipas shtypit britanik, i cili ndjek udhëtimin 3-ditor të Mej në Kinë, për qytetarët e BE-së në Britani, gjatë periudhës së tranzicionit duhet të jetë e domosdoshme pajisja me leje pune, do të ketë kufizime në aksesin në sistemin shëndetësor, social, të edukimit dhe punësimit si dhe duhet të regjistrohen në hyrje të vendit.

Duke folur me gazetarët, May ka thënë se detajet “janë duke u negociuar për periudhën e zbatimit, por është e qartë se ekziston një dallim midis atyre që erdhën përpara daljes nga BE dhe atyre që vijnë kur tashmë dihet se Mbretëria e Bashkuar po largohet nga BE”. Shefja e qeverisë kundërshtoi idenë e atyre që thonë se nuk do të ketë shumë ndryshime pas divorcit. “Ajo që po bëjmë është puna që britanikët I kanë kërkuar qeverisë të bëjë, të realizojë Breksit dhe nuk kanë votuar që asgjë të mos ndryshojë”, u shpreh Mej./abcnews.al

 

98772972_gettyimages-874396196.jpg
us er11:50 | 16/11/2017

Pasi ushtria mori kontrollin në  Zimbabve kanë filluar bisedimet për një qeveri kalimtare, qe i jep fund regjimit 40 vjecar të Presidentit Mugabe Një zyrtar i partisë opozitare të Zimbabves  deklaroi për CNN se po ndodh një tranzicion pushteti për të formuar një qeveri të re, e cila do të pranohet në heshtje edhe nga fuqitë ndërkombëtare.

CNN thekson se po zhvillohen bisedime aktive për formimin e qeverise se tranzicionit, por me kusht që ajo të përfshijë edhe opoziten e vendit. Te merkuren Gjenerali qe drejton  Ushtrinë ne vendin afrikan deklaroi në televizionin kombëtar se ushtria po zhvillon një operacion që ka objektiv kriminelë pranë Presidenti Mugabe.

Sipas Presidentit te Afrikes së Jugut Jacob Zuma, Mugabe është në arrest shtëpiak dhe bashkë me të ndodhet dhe gruaja e tij Grejs, që do ta zëvëndësonte atë si President. Jashtë Pallatit Presidencial, Parlamentit, Aeroportit dhe Qendres Televizive Kombëtare janë të pozicionuara forca të shumta ushtarake. Pavarësisht prezencës së madhe ushtarake me automjete, tanke dhe armatime, qytetarët në kryeqytet e përshkruajnë situatën si të qetë.

Gjatë ditës Blloku Rajonal i Komunitetit të Zhvillimit të Afrikës Jugore (SADC) do të mbajë një takim urgjent rreth krizës ne Zimbabve. Takimi qe do të mbahet në Botsvana, do të mbledhë Ministrat e Jashtëm  dhe delegatët nga Angola, Tanzania dhe Zambia.

Sipas CNN Sekretari I Përgjithshëm i Organizatës së Kombeve të Bashkuara ka bërë thirrje për qetësi, vetëpërmbajtje dhe per te qëndruar larg dhunës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono