transparence

zguro.jpg
G. P.14:54 | 20/11/2018

Komisioni Qendror i Zgjedhjeve i kërkon partive politike të dorëzojnë raportet për financimin e fushatave për zgjedhjet vendore të vitit të ardhshëm. Kryetari i këtij komisioni Klement Zguri tha se nëse partitë këtë detyrim e lënë për pas zgjedhjeve, atëherë standardi zgjedhor nuk do arrihet dot.

Caktimi i datës 30 Qershor 2019 nga Presidenti i Republikës si dita për zhvillimin e zgjedhjeve ka detyruar Komisonin Qendror të Zgjedhjeve t’i bëjë thirrje partive politike që të bëjnë transparencën e financimit të fushatave elektorale.

“Me dekretin e Presidentit lidhet edhe një detyrim i rëndësishëm i partive politike, detyrim i cili në të shkuarën shpesh është anashkaluar ose dhe neglizhuar, detyrimi për të bërë transparencën e plotë të financimit.  Raportet financiare depozitohen pas zgjedhjeve, por dokumentimi i finacimit bëhet sot. Sot mbahen llogaritë.  Sot plotësohen detyrimet ndaj ligjit”.

Nëse partitë duan të tregojnë se zgjedhjet vendore do të kenë standardet e kërkuara atëherë është koha të mos vonohen.

“Nëse partitë këtë detyrim e lenë për pas zgjedhjeve, atëherë standardi zgjedhor nuk do arrihet dot, nuk do ketë transparencë, do të ketë financim ilegal dhe, pse jo, përdorim të parave për qëllime të kundraligjshme. Ndaj unë dua t’i kujtoj sot publikisht për këtë detyrim të tyre”.

Kryetari i Komisionit Qendror të Zgjedhjeve i kujton partive politike pjesëmarrëse se sfida përballohet me sukses, kur të gjithë bëhen të vetëdijshëm se zgjedhjet nuk janë çështje vetëm e institucioneve dhe nuk varen vetëm nga fati i reformës zgjedhore./abcnews.al

jozefina-topalli.jpg
G. P.12:07 | 23/03/2018

Dy figura politike të rëndësishme të Partisë Demokratike, ish-kryeparlamentarja, Jozefina Topalli dhe ish-kreu i grupit parlamentar, Astrit Patozi, kanë reaguar përmes rrjetit social Facebook lidhur me gjendjen ku ndodhet opozita, 26 vite pas ditës se parë të lirisë për shqiptarët.

Sipas Topallit, pas 26 vitesh, Lulzim Basha ka zhdukur jo vetëm të djathtën por opozitën. Përmes një krahasimi mes kreut të PD dhe Partisë së Punës së kohës së komunizmit, Topalli akuzon Lulzim Bashën se kërkoi shfuqizimin e 20 Shkurtit, datës së rrëzimit të shtatores së diktatorit, për t’u tërhequr më pas nga kjo fshirje e historisë së PD-s. Ish- nënkryetarja e Partisë Demokratike i është bashkuar thirrjeve drejtuar Lulzim Bashës për transparencë për kontratat e lobimit.

Edhe Astrit Patozi pati kryefjalë propozimin për ndryshimin e datës përkujtimore të 20 Shkurtit dhe mungesën e shpresës tek e djathta. Patozi kërkon ndarjen me guxim nga fajet e rënda që çuan në këtë situatë të keqe, jo vetëm elektorale./abcnews.al

 

IMG_1242-1280x854.jpg
G. P.15:45 | 13/03/2018

Edhe Partia Demokratike i kërkon kryeministrit transparencë, për ato që i quan lidhje me Rusinë. Nga selia blu, deputetja Oriola Pampuri, i ka kërkuar shefit të qeverisë, të zbardhë takimin që vetë pranoi, me pronarin e një biznesi rus, në listën e zezë të SHBA.

Oriola Pampuri: “Edi Rama pranoi drejtpërdrejt në TV mbrëmë, se ai është takuar me kompani ruse në listën e zezë të Shteteve të Bashkuara të Amerikës. Por ai, qëllimisht e anashkaloi emrin e kompanisë dhe detajet.

Edi Rama duhet të përgjigjet:

1. Kush i solli rusët e Gunvorit në zyrën e tij në Tiranë?
2. Çfarë u diskutua dhe u ra dakord me ta?
3. A ka Gunvor në Shqipëri një kompani të përbashëkt me Besnik Sulajn, mikun e ngushtë të Edi Ramës?
4. Çfarë marrëveshje ka bërë Edi Rama me Erdoganin për ndërtimin e Aeropotit të Vlorës nga një kompani që ndërton centrale bërthamore me kompani shtetërore ruse?

Gjithashtu Edi Rama duhet të përgjigjet:

1. Çfarë ka biseduar Damian Gjiknuri në Shën Petërsburg me Robert Noëikoskyn e Jurimexit, një personazh të cilësuar nga Senati Amerikan dhe Bashkimi Europian si person që rrezikon pavarësinë energjitike të Evropës?
2. Çfarë i është premtuar Jurimexit?

Të gjitha nyjet e drogës, krimit, pastrimit të parave, ndikimeve të paligjshme përfundojnë tek Edi Rama dhe familja e tij”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono