trajner

agim-canaj.png
G. P.13:30 | 09/10/2018

Partizani dhe Skënderbeu do të jenë rivalët kryesorë për titull në Superligë. Kështu gjykon trajneri me përvojë, Agim Canaj, i cili gjithashtu komentoi gjendjen e kombëtares, nën drejtimin e Panuçit.

Ka përfunduar thuajse një fazë dhe diçka është qartësuar. Partizani duket për shumëkënd si kandidati numër 1 për titull këtë sezon të Superligës, dhe nuk bën përjashtim as njëri nga trajnerët me më shumë përvojë, Agim Canaj. Njeriu që drejtoi në 14 skuadra, mes të cilave Dinamo, Vllaznia, Flamurtari apo Kukësi, e vlerësoi kështu skuadrën e Gegës pas fitores me Kukësin.

“Partizani ishte më dominant në mesin e fushës ndërmjet gabimeve të Kukësit arriti që ta kapte në 3-4 raste me kundërsulm. Nuk kanë hyrë me bujë, që ne jemi Pratizani dhe do fitojmë të gjitha. Kanë përshtatur shumë mirë psikologjinë e një sistem loje, i cili i vjen për shtat grupit. Me të drejtë, Partizani ka shprehur një futboll cilësor, të thjeshtë dhe rezultativ”, tha Canaj.

Kukësi humbi dhe duket se po mbetet prapa.

“Kukësi ka diçka ndryshe nga vitet e tjera. Rexhinaldo nuk pati hapësira dhe u tërhoq shumë. Unë i jap të drejtë trajnerit që foli pas ndeshjes për largësinë e lojtarit kryesor”, u shpreh Canaj.

Canaj, gjithsesi, mendon se Partizani do ta ketë një rival kryesor, Skënderbeun.

“Unë e kam vlerësuar gjithmonë klubin e Skënderbeut, sepse është një nga klubet më të mirëmenaxhuara në këto vitet e fundit”, theksoi ai.

Nuk mund të mos flitet për rekordmenen e titujve, Tiranën.

“Mosnjohja e Superiores nga trajneri, stafi teknik, duke pasur shumë lojtarë me ngjyrë të ardhur nga menaxherë të ndryshëm, prishi ekuilibrat. Trajnerit i ka dalë çdo gjë nga dora”, tha Canaj.

Kombëtarja luan me Jordaninë në mesjavë dhe pastaj ndaj Izraelit në Ligën e Kombeve. Canaj e sheh Panuçin shumë nervoz, duke akuzuar lojtarë dhe njerëz të jashtëm.

“Ai e ndërtoi grupin dhe ai duhet të mbajë përgjegjësitë e veta. Nga ajo që unë nuhas si trajner shoh puna në skuadër ka qenë problematike në marrëdhëniet me lojtarët, ambientindhe pastaj vijnë gjithë këto situata negative. Panuçi do ta ketë të vështirë për të marrë rezultat”, nënvizoi ai./abcnews.al

ze-maria.png
G. P.17:25 | 02/10/2018

Trajneri i Tiranës, Ze Maria, ka sqaruar bisedimet që pati me presidentin Halili dhe futbollistët. Braziliani pohoi se edhe ai vetë ka bërë gabime.

E keqja kaloi dhe thuhet se u lidh një besë. Sesa e fortë, këtë do ta shohim në vijim, por për momentin Ze Maria mund të vazhdojë punën normalisht si trajner i Tiranës.

Tekniku 45-vjeçar sqaroi për mediat se çfarë bisedash pati me numrit 1 të klubit dhe me pjesëtarët e skuadrës. Dy orë kokë më kokë me Halilin, dhe dy orë e gjysmë sy në sy me ekipin, do të thonë se gjendja ishte tepër serioze.

Ze Maria pranoi problemet me lojtarët dhe faktin se ai disa herë e ka shkelur, duke u sjellë me arrogancë, ndonëse u shpreh në mënyrë tjetër. A mund të quhet ky një hap prapa i tij për të mbajtur detyrën?

Braziliani e hodhi poshtë këtë version, duke thënë se në verë refuzoi oferta më të mëdha sesa 5 000 euro në muaj që merr tek Tirana. Tek Tirana puna vazhdon, por akordi siç tha trajneri, vlen thjesht për momentin.

Në radhë është ndeshja e mesjavës në Superligë, këtë të mërkurë në fushën e Kastriotit, dhe një tjetër gabim mund të ishte fatal.

Në klub janë përmendur edhe alternativat e mundshme, si Ardian Mema, ndihmës i Ilir Dajës tek Flamurtari, Julian Ahmataj trajner i Kamzës, por edhe Sulejman Starova, ish-trajner i Partizanit./abcnews.al

mezani.jpg
G. P.22:48 | 21/09/2018

Gentian Mezani është trajneri i ri i Luftëtarit. Vlonjati bëhet i treti teknik i gjirokastritëve në pak muaj, ndërsa synon t’i largojë nga fundi i Superligës.

Ky lloj futbolli nuk u kuptua përse nuk bindi.

Luftëtari largoi në fund të sezonit të kaluar, trajnerin Hasan Lika, pavarësisht nga kualifikimi për herë të parë në histori në Europë, por për pak muaj detyrohet ta nisë gjithçka nga e para.

Slloveni Kostiç, i sjellë me bujë për Luftëtarin europian, u largua me 4 humbje radhazi në Superligë, e me dyshime të mëdha në sfidën kontinentale, për t’i bërë vend, teknikut të tretë që nga pranvera.

“Kemi zgjedhur një trajner nga më ekspertët të Superligës shqiptare, Gentian Mezani, i cili me mbështetjen time totale dhe me mbështetjen e të gjithë stafit  drejtues jam i bindur që Luftëtari do ecë dhe do arrijë gjithçka që kishim në dorë që në fillim të kampionatit”,  tha Tavo.

Do të jetë pra, vlonjati Gentian Mezani, që do të drejtojë gjirokastritët.

Një ekip me jo pak vlera, me një trajner vërtet simpatik, që arriti vjet finalen e Kupës së Shqipërisë me Laçin.

Mezani do të duhet të punojë shpejt për ndeshjen e kësaj të shtune ndaj Teutës.

“Ka qenë një dëshirë e imja që vitin që shkoi. Ju e dini mirë. Këtë vit u konkretizua. Më kanë folur shumë mirë për ambientin, për njerëzit këtu. Më pëlqeu në katër ndeshjet kam parë një skuadër me lojtarë të rinj”, tha Mezani.

Nuk dihet sesa do të jetë në gjendje Mezani të arrijë kthesën me një ekip pa rezultate dhe të tronditur rëndë, ndërsa mbetet dyshimi se përse duheshin kaq shumë lëvizje në stolin e Luftëtarit.

Specialisti Hysen Dedja u shpreh kështu pak ditë më parë për Abc News.

“Këto janë enigma shumë të mëdha që e kanë kap futbollin shqiptar. Pupulli e di mirë. Njerëzit e ndershëm e dinë mirë se si ka ardhur vetëm Tavo dhe ai e dinë se si rri ai”, tha Dedja./abcnews.al

aksident123.jpeg
G. P.18:41 | 09/09/2018

Një aksident tragjik i mori jetën trajnerit të skuadrës italiane të Siracusa-s.

Davide Artale, 27 vjeç po udhëtonte së bashku me portierin e ekipit 20-vjeçarin Maurice Gomis në momentin e ngjarjes.

Ky i fundit ndodhet në spital jashtë rrezikut për jetën dhe ka pësuar një plagosje të lehtë në qafë dhe kokë. Ai ka luajtur me akademinë e Torinos dhe është më i vogli i tre vëllezërve, gjithashtu portierë.

Ngjarja ka ndodhur orët e para të mëngjesit të së dielës disa kilometra larg qytetit të Siracusa-s. Ndërkohë stafi drejtues i skuadrës italiane ka shprehur ngushëllime familjes së Artale-s.

“Jam i habitur. Davide ishte me ne që prej Janarit dhe menjëherë bëri një punë të mirë. Mendimet e mia i shkojnë familjes së tij”, ka thënë presidenti i skuadrës./abcnews.al

MERGJYSHI-TRAJNER-I-LACIT-ABC-M-1-T1-HD.mpg_snapshot_00.09-1280x702.jpg
ent ela16:51 | 07/08/2018

Laçi nuk qëndroi shumë kohë pa trajner. Pas largimit të Besnik Prengës, kurbinasit afruan një teknik të njohur nga kryeqyteti.

Kjo skuadër e gjeti drejtuesin e saj të ri.

Laçi emëroi në stol Artan Mergjyshin, i cili pritet të drejtojë kurbinasit gjatë sezonit të ri.

Ishte vetë Mergjyshi që e pohoi detyrën e tij për abc neës, në një komunikim telefonik, ndërsa do të zëvendësojë Besnik Prengën, trajnerin e ardhur nga Kroacia, dhe që e drejtoi Laçin në dy ture të Ligës së Europës, ndaj Anorthosisit të Famagustës dhe Moldes së Norvegjisë.

Mergjyshi, 50-vjeçar, ka qenë futbollist i disa skuadrave përpara sesa të niste karrierën në stol si ndihmës trajner tek Dinamo.

Më pas, ai u bë disa herë trajner i parë i Dinamos, si dhe punoi tek Kastrioti i Krujës, Besa e Kavajës, Apolonia e Fierit dhe Korabi i Peshkopisë.

Trajneri tiranas nuk ka kohë për të humbur dhe do të nisë menjëherë punën me kurbinasit, pasi fundjavën që vjen nis sezoni i ri i Superligës, ndërsa Laçi do të luajë edhe finalen e Superkupës së Shqipërisë ndaj Skënderbeut, si finalist i Kupës, edicionin e kaluar. /abcnews.al

GUARDIOLA-ME-25-TROFE-1280x720.jpg
ent ela13:53 | 06/08/2018

Pep Guardiola vazhdoi sukseset e tij në karrierën e madhe si trajner. Fitorja e Superkupës së Anglisë, ishte trofeu i 25-të për teknikun katalanas.

Një tjetër fitore dhe një tjetër trofe. Pep Guardiola ishte sërish fitues me Mançester Sitin e tij që mposhti 2-0 Çelsin në finalen e Superkupës së Anglisë, të quajtur ndryshe “Çeriti Shild”.

Suksesi 2-0 në “Uembli”, me golat shënuar nga Kun Aguero, i dhuroi trajnerit 47-vjeçar, suksesin e radhës, titullin e 25-ët në karrierën e tij të lavdishme. E gjitha kjo në vetëm 11 vjet në stol.

Përballë kampionëve në fuqi të Anglisë, edhe Çelsi i Mauricio Sarrit  u duk i vogël, një provë më shumë e aftësisë profesionale të Guardiolës.

“Dua t’i bëj komplimentet më të mëdha lojtarëve të mi, – tha katalanasi pas finales. Ishte shumë nxehtë, disa prej tyre nuk ishin stërvitur sa duhet, por sërish ata treguan se janë kampionë, se janë fitues dhe se ata janë krenaria ime”.

Ky ishte trofeu i tretë i Pepit në stolin e të mbiquajturve “Qytetarët e Mançesterit”, pas titullit kampion dhe Kupës së Ligës fituar edicionin e kaluar.

Ai nisi sukseset me Barcelonën, ku mori 14 kupa të ndryshme, përfshirë 3 La Liga e dy Champions, ndërsa pati një trofe me Barcelonën C, në kategorinë e tretë

Nuk zhgënjeu me Bajernin, edhe pse nuk e mori dot Ligën e Kampionëve, ndërsa u detyrua të kënaqej me 7 tituj, mes të cilëve 3 Bundesliga.

Pak trajnerë mund të mburren se kanë fituar më shumë se ai, dhe ëndrra e tij është të barazojë Sër Aleks Fergusonin që ka fituar plot 49 tituj me Aberdinin e Mançester Junajtidin.

Guardiola ka qenë edhe një lojtar i madh, dhe ka fituar 14 trofe në karrierën, me Barcelonën si dhe titullin olimpik me Spanjën në 1992. /abcnews.al

hasan-lika.jpg
G. P.16:15 | 22/07/2018

Vllaznia e ka gjetur trajnerin për sezonin e ardhshëm. Në stol do të ulet i njohuri, Hasan Lika, që ka pranuar ta drejtojë ekipin në Kategorinë e Parë.

Detyra e re do të jetë prestigjioze, pavarësisht kategorisë. Hasan Lika ka zgjedhur Vllazninë për ta drejtuar sezonin e ardhshëm, po ashtu shkodranët janë bindur se tekniku tiranas do të ishte mundësia më e mirë.

Skuadra nga Shkodra u rrëzua në Kategorinë e Parë në fund të sezonit të kaluar, një dramë e vërtetë, veçse synimi është për të kopjuar Tiranën e për t’u kthyer shpejt në Superligë.

Lika e ka pohuar vetë arritjen e marrëveshjes, ndërsa pritet vetëm fillimi i punës.

Sezonin e kaluar, ai drejtoi me sukses Luftëtarin, duke e kualifikuar për në Ligën e Europës për herë të parë në histori, e duke dhënë një futboll të nivelit të lartë.

Në mënyrë të habitshme, Likës nuk iu rinovua kontrata për sezonin në vazhdim.

Vllaznia pati edhe vjet një trajner nga Tirana, Ernest Gjokën, që zëvendësoi Armando Cungun e dorëhequr, por nuk qe e mundur që skuadra më e vjetrër e futbollit shqiptar të mbijetonte në Superligë./abcnews.al

TAJLANDE-OPERACIONI-1280x720.jpg
G. P.10:43 | 10/07/2018

Në Tajlandë ka nisur sot faza e tretë e operacionit për shpëtimin e katër djemve dhe të trajnerit të tyre të futbollit, të cilët janë bllokuar në një shpellë. Udhëheqësi i misionit të shpëtimit, tha se të pestë personat do të nxirren jashtë në të njëjtën kohë.

Në dy ditët e kaluara janë nxjerrë gjallë nga shpella 8 nxënës. Ministri tajlandez i Shëndetësisë ka bërë të ditur se ata janë mirë dhe u janë nënshtruar të gjithë kontrolleve në spital.

12 djem, të moshës 11 deri në 16 vjeç, dhe trajneri i tyre kanë qenë duke eksploruar shpellën Tham Luang më 23 Qershor, kur janë bllokuar brenda, si pasojë e përmbytjeve nga shirat. Ata u zbuluan të gjallë javën e kaluar. Një ekip prej 90 zhytësish, 40 nga Tajlanda dhe 50 nga jashtë, po marrin pjesë në operacionin e shpëtimit që ka nisur qysh të dielën./abcnews.al

GUARDIOLA-ARGJENTINE-1280x720.jpg
ent ela13:57 | 05/07/2018

Mediat argjentinase shkruajnë se mund të jetë Pep Guardiola trajneri i ri i kombëtares së futbollit. Madje federate argjentinase e futbollit ka bërë gati dhe një kontratë me një pagesë prej 12 milionë eurosh në vit për ta bindur të largohet nga Manchester City.

Pas dështimit total të Sampaolit, Argjentina ka ndryshuar drejtim dhe zgjedh një trajner të ri për kombëtaren e futbollit. Mediat sportive në vend raportojnë se federate argjentinase e futbollit ka zgjedhur Pep Guardiolën për takimin e rradhës në Katar.

Ajo që është e qartë është se Sampaoli do të largohet, për këtë arsye federate argjentinase ka bërë gati një kontratë e cila parashikon një pagesë prej 12 milion eurosh në vit për të brinfur trajnerin katalanas.

Mediat shtojnë se do të jenë negociata të vështirapasi Argjentina duhet të gjejë mënyrën për të larguar Sampaolin i cili ka një kontratë deri në vitin 2022, por dhe për faktin se Guardiola nuk ka ndërmend të largohet nga Manchester City.

Alternativat ndaj tij janë Simeone e Pokettino. Dhe në fund nëse asnjë nga tre alternativat nuk realizohet, kombëtarja argjentinase e futbollit duhet të kënaqet me Garesan që drejtoi kombëtaren e Perusë në këtë Botëror. /abcnews.al

zyrtarizimi.jpg
G. P.22:31 | 19/06/2018

Trajneri i  ri i Flamurtarit do të jetë Ilir Daja. Në një takim të zhvilluar në Vlorë mes klubit dhe ish-trajnerit të Skënderbeut, palët duket se kanë rënë dakord për të firmosur kontratën dy-vjeçare.

Nuk ka ende një prezantim zyrtar të trajnerit, por gjithçka është mbyllur.  Ilir Daja drejt zyrtarizimit tek Flamurtari.

Klubi dhe trajneri tiranas janë në detajet e fundit.

Ish-trajneri i Skënderbeut zhvilloi një takim me drejtuesit e Flamurtarit dhe administratorin Sinan Idrizi, ndërsa pritet që kontrata të jetë dy-vjeçare.

“Jemi duke diskutuar në parim për një bashkëpunim të mundur ndërmjet Flamurtarit. Besoj se në një të ardhme të afërt do të merret një përgjigje”.

Pas takimit në Vlorë dhe dakordësinë e palëve është vendosur tashmë edhe fati i ekipit vlonjat. Trajneri i tyre i ri do të jetë Ilir Daja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono