trajner

valverde.jpg
G. P.15:23 | 26/12/2018

Tek Barcelona ka pasiguri për të ardhmen e trajnerit Ernesto Valverde. Pavarësisht suksesit sportiv, nuk është diskutuar ende për rinovimin e kontratës.

Nuk ka asnjë të sharë për rezultatet. Pavarësisht nga dështimi në Champions edicionin e kaluar, sërish Ernesto Valverde realizoi objektivat në vitin e parë në detyrë tek Barcelona. Trajneri fitoi titullin kampion në Spanjë, dhe po ashtu Kupën e Mbretit, ndërsa këtë sezon ndodhet sërish në vendin e parë në La Liga, dhe në plotësisht në konkurrim për çdo titull.

Gjithsesi, kjo nuk ka mjaftuar që e ardhmja e tij të jetë e qartë. I ardhur në klub verën e vitit 2017, pas largimit të Luis Enrikes, Valverde nënshkroi një kontratë 2-vjeçare me të drejtë rinovimi për një vit tjetër. Puna e tij ishte shumë e mirë që ditët e para në “Kamp Nou”, por sidoqoftë nuk ka asnjë sinjal që do të aktivizohet klauzola në kontratë për rinovim. Vetë tekniku sikur i ka shtuar dyshimet për të ardhmen, me përgjigjet që ka dhënë, kur është pyetur për këtë çështje.

“Ne trajnerët jemi gjithnjë në lëvizje, – është shprehur ai, – ne jetojmë ditë pas dite, dhe javë pas jave”.

Privatisht, mësohet se Valverde është takuar me drejtuesit sportivë të klubit, por ka diskutuar për të marrë një qendërmbrojtës në janar, dhe jo për rinovimin e kontratës. Nuk është e qartë se përse Barcelona nuk thotë hapur nëse trajneri do të vazhdojë deri në 2020 apo jo. I vetmi sqarim ka ardhur disa muaj më parë nga presidenti Bartomeu, se nëse Valverde largohet në 2019, duhet të paguajë një dëmshpërblim. Me shumë gjasë, as klubi dhe as trajneri nuk janë plotësisht të bindur se projekti duhet të vazhdojë./abcnews.al

shpetim-duro-e1545750873564.jpg
G. P.16:10 | 25/12/2018

Shpëtim Duro është një nga dy trajnerët nga Shqipëria që drejtojnë në Superligën e Kosovës. Tekniku i njohur tregon përvojën në shtetin tjetër shqiptar, në intervistën për ABC News-in.

Ekipin e mori në sezon e sipër. Shpëtim Duro ishte trajneri i radhës nga Shqipëria në Kosovë, me fatin për të drejtuar kampionët në fuqi të Dritës së Gjilanit, por edhe me pafatësinë për t’i marrë në një moment negativ. Skuadra pati start të keq të sezonit, dhe Duro u mendua si zgjidhja më e mirë.

“Patëm një moment shumë të mirë që ecën me shumë fitore radhazi. Menduam se mund t’u afroheshim dy skuadrave kryesuese siç është Prishtina me Ferronikelin, por me të njëjtën kohë edhe këto bënë një paraqitje të mirë nuk gabuan, kështu që dy-tre gabimet tona na kanë distancuar. Objektivi kryesor është për të fituar në Kupën e Digitalb Kosovës dhe të bëjmë një paraqitje sa më të mirë në kampionat”, tha Duro.

Duro ka punuar në Shqipëri me shumë skuadra, por edhe në Maqedoni me Shkëndinë e Tetovës.

“Shqipëria është një hap para sa i përket infrastrukturës. Është normale me mediat, televizionet, por si futboll edhe në Maqedoni dhe në Kosovë ka jashtëzakonisht shumë lojtarë cilësorë. Kosova është një shtet që do ecë jashtëzakonisht shumë përsa i përket futbollit”, u shpreh Duro.

Në Shqipëri ka ankesa për financat, por edhe për gjykimin. Po në Kosovë?

“Janë shumë korrekt, mundohen të bëjnë maksimumin, por edhe siç kam dëgjuar skuadrat e tjera natyrisht nuk është niveli i pagesave si në Shqipëri. Deri në këto momente që flas, unë kam tre muaj atje, gjykimet kanë qenë korrekte. Në Shqipëri e kemi vuajtur. E kam vuajtur edhe unë në kurriz sidomos sezonin e kaluar me Flamurtarin”, u shpreh Duro.

A ka paragjykim në Kosovë për trajnerët e ardhur nga Shqipëria?

“Ka njerëz kështu të veçantë. Nuk dua t’i komentoj sepse nuk është pozitive akoma më shumë që ne jemi të gjithë shqiptarë. Nuk e përgjithësoj sepse siç ka njerëz të pakënaqur në Kosovë, ka edhe në Shqipëri. E rëndësishme është që po shkojmë mirë, na respektojnë. Pastaj xhelozia profesionale ndodh kudo”, tha Duro.

Sa e ndjek Duro Superligën shqiptare?

“Është një kampionat i ekuilibriuar. Partizani me meritë ështëë aty. Secila skuadër ka pasur krizat e veta. Skëndërbeu e kishte krizën në fund, Kukësi në fillim. Partizani që të jemi realistë në këto ndeshjet e fundit nuk ka shkuar mirë, por fati që janë afruar dhe të tjerët, është afruar Kukësi. Shikoj një luftë të fortë me rivalitet deri në fund për titullin”, tha Duro./abcnews.al

gunnar.jpg
G. P.16:17 | 19/12/2018

Manchester United emëron trajnerin e përkohshëm pas shkarkimit të Jose Mourinho-s. Në stol do të ulet norvegjezi Solskjaer, ndërsa synimi është që të merret në verë, Mauricio Poccetino i Tottenham-it.

Mbiquhej “vrasësi me fytyrë fëmije”. Ole Gunnar Solskjaer do të mbahet mend për shumë gola, sidomos për këtë në “Kamp Nou” në 1999 ndaj Bayernit, që i dha Championsin, Manchester United. Sot, klubi anglez vendosi ta emëronte trajner të përkohshëm të skuadrës, pas shkarkimit të Jose Mourinhos. 25-vjeçari norvegjez ishte prej 3 vitesh në stolin e klubit të vendit të tij, Molde, dhe u gjykua si njeriu më i përshtatshëm për të mbyllur sezonin dhe për të arritur objektivat madhore.

Edhe pse skuadra po kalon një moment shumë negativ në kampionat, do të kërkohet kualifikimi në Champions, ndonjë trofe në Angli, dhe pse jo, fitorja e vetë Ligës së Kampionëve. Sidoqoftë, Solskjeri shikohet vetëm si alternativë e përkohëshme, për shkak të njohjes së klubit dhe të metodave të punës së ish-trajnerit legjendar, Sir Aleks Ferguson. Drejtuesit e Junajtidit, pas shkarkimit të Mourinhos, po mendojnë për një trajner me përvojë në stolin e skuadrës.

Pritet të bëhet ç’mos që të merret Mauricio Poccetino nga Totenham-i, edhe pse nuk do të jetë e lehtë. Argjentinasi refuzoi Realin e Madridit në maj, ndërsa do të duhen jo më pak se 45 milionë euro për të prishur kontratën dhe për të firmosur një të re.

Sa për Mourinhon, mesa duket ai nuk do të rrijë gjatë pa punë, pasi lajmet janë që Reali i Madridit e kërkon. Presidenti Florentino Perez mësohet se është gati t’i japë 20 milionë euro në sezon, trajnerit që u shpall kampion në vitin 2012./abcnews.al

memelli-1280x720.jpg
G. P.16:00 | 10/12/2018

Laçi është për momentin pa trajner, pasi klubi largoi Migen Memellin. Kandidati për stolin është Besnik Prenga, I cili duhet të prishë kontratën që ka në Kroaci

E drejtoi këtë ekip në Europë, shpreson ta bëjë edhe në Shqipëri. Besnik Prenga është i përzgjedhuri i radhës për të qenë trajner i Laçit, tashmë në Superligë. Kjo, pasi Migen Memelli nuk do të jetë më në stolin e kurbinasve, i larguar nga ekipi pas humbjes me Flamurtarin. Disfata në Vlorë, bashkë me barazimin në fushën e tij me Kamzën, duket se ishin arsye të forta për presidentin Laçi që të ndërpriste marrëdhëniet me ish-sulmuesin e njohur.

Memelli bëhet i treti teknik i laçianëve që nga muaji korrik, pas Prengës dhe pas Artan Mergjyshit, që u largua pak javë më parë. Gjithsesi, Prenga ende nuk është trajner i kurbinasve. Trajneri 49-vjeçar sqaroi vetë për ABC News se mbetet i lidhur me kontratë me Lokomotivën e Zagrebit në Kroaci, por gjithsesi, shtoi se dëshira e tij është të vijë tek Laçi.

Prenga ka shpresë se këto ditë do të ulet në stolin e Laçit. Tekniku i njohur që u shpall kampion i Kroacisë për kategorinë U19, duke drejtuar me sukses Lokomotivën e Zagrebit, ndërsa më pas provoi të vazhdonte karrierën tek të rriturit po në Kroaci. A pati marrëveshje me presidentin Laska për të qenë trajner i Laçit në verë, duke arritur të kalonte edhe një tur në Ligën e Europës, duke eleminuar skuadrën qipriote, Anorthosis të Famagustës./abcnews.al

kovac.jpg
G. P.22:44 | 30/11/2018

Trajneri i skuadrës së Bayern Mynih, Niko Kovac ka të gjithë besimin e drejtuesve te klubit. Trajneri do të vazhdojë punën normalisht në krye të gjermanëve.

Niko Kovac merr besimin e klubit. E teksa pritej një ndryshim pankine, drejtuesit më të lartë të klubit gjigand në Gjermani vendosin të vazhdojnë punën me trajnerin në detyrë, edhe pas oshilacioneve të kohëve të fundit. Këtë e ka konfirmuar pas mbledhjes shefi ekzekutiv i Bayern-it, Karl-Heinz Rummenigge.

“Dëshira jonë është që të punojmë sëbashku për shumë kohë. Uroj që të jemi bashkë vetëm për Krishtlindjet e ardhshme, por edhe për ato në vitin 2019 dhe 2020”, tha ai.

Një frymëmmarje për trajnerin dhe vijimësinë e tij te Bajerni erdhi pas fitores së thellë kundër Benfica-s në mesjavë.

 “Po shoh një trajner që po lufton, gati të ndryshojë disa gjëra. Dhe ai duhet t’i ndryshojë disa gjëra. Bayern do t’ia japë shansin trajnerit që të bëjë ndryshimet e duhura. Megjithatë, në fund të ditës, natyrisht, rezultatet duhet të jenë ato që presim. Vendi i pestë nuk është absolutisht i pranueshëm në fund të sezonit”, përfundoi ai./abcnews.al

ernest-gjoka.jpg
G. P.20:21 | 24/11/2018

Ernest Gjoka do ta nisë me një sfidë emocionuese karrierën si trajner i Kamzës. Përballë tij do të ketë Kukësi, ekipin me të cilin doli kampion i Shqipërisë

Duhet të ndryshojë një situatë tepër të vështirë. Ernest Gjoka vetëm pak ditë më parë u prezantua si trajner i Kamzës, dhe menjëherë do të do të jetë përballë ish-ekipit të tij, Kukësit.

Tekniku tiranas u shpall kampion me veriorët në 2017, ndërsa tani do të duhet t’i mundë që Kamza t’i largohet fundit të Superligës.

“Sigurisht që për mua është emocion sepse kemi arritur të bëjmë shumë gjëra të mira sëbashku, por gjithsesi ky është futbolli dhe do përplasesh me të gjithë. Gjëja që kemi tashmë është kalimi me sukses i kësaj ndeshjeje”, tha Gjoka

Përballë tij, Armando Cungu, trajneri i Kukësit, një tjetër ekipi që nuk ka mundur të jetë aty ku pretendon presidenti Gjici.

Shkodrani i stolit gjithsesi ka gjendje të vështirë për shkak të dëmtimeve të rëndësishme si të Musollit apo Rrumbullakut, por gjithsesi, nuk shmanget nga objektivi.

“Ne mundemi të bëjmë më të mirën duke parë edhe kontigjentin në dispozicion dhe shpresoj në më të mirën nesër kështu që të shohim një Kukës që duhet të hyjë shumë luftarak në fushën e lojës dhe të marrë objektivin e tre pikëve në fushën e lojës”, tha Cungu.

Pas 13 javëve, Kukësi është në vend të gjashtë në Superligë me 21 pikë, ndërsa Kamza është e parafundit me vetëm 8 pikë./abcnews.al

SKOCIA-PANUCI-GOLI-1280x720.jpg
G. P.18:00 | 19/11/2018

Kombëtarja mund të drejtohet nga një trajner shqiptar, pas shkarkimit të pritshëm të Panuçit. Federata Shqiptare dëshiron të ulë kostot, ndërsa presidenti Duka mbetet i pavendosur.

Besohet se është në një nga pozicionet më të vështira. Armand Duka nuk pati dëshirë të flasë me askënd, ndërsa kombëtarja shqiptare pësoi humbjen më të rëndë të kohëve të fundit. Jo, komunikim me mediat, dhe madje nuk iu përgjigj as telefonatës apo mesazheve të ish-trajnerit të kombëtares, Xhani De Biazi. Numri 1 i Federatës shpresoi se me përzgjedhjen e Kristian Panuçit, siguroi vazhdimësinë pas suksesit në Europian, por nuk e pati imagjinuar se koha për ta shkarkuar do të vinte kaq shpejt. Disfata 0-4 në “Loro Boriçi” nuk i ka lënë rrugë tjetër, ndonëse ai nuk ka dashur të komentoi apo të reagojë.

Momenti duket se ka ardhur për një trajner shqiptar, ndonëse nuk dihet nëse ky do të jetë Bledar Kola, i përfolur në mediat e shkruara, Besnik Hasi si kandidat i kahershëm, apo ndonjë trajner i Superligës, si Ilir Daja. Burime në Federatë bëjnë me dijë se Duka është i shqetësuar sepse nuk mund të gjenden trajnerë të huaj të mirë në këtë moment, por sidomos për arsye financiare.

Një trajner shqiptar mund të kushtontë disa herë më lirë. Po ashtu, kreu i FSHF-së nuk dëshiron të nxitohet, ndërsa Bledar Kola punon zv. trajner, siç ka qenë më parë edhe Panuçi, ndërsa Hasi ka disa kohë pa skuadër. Përsa i përket Panuçit, burimet e mësipërme theksuan se presidenti u përpoq deri në fund për të qenë në krah të trajnerit, por duket se kjo mbështetje tashmë nuk mund të vazhdojë. Konfliktet dhe ftohja e italianit me lojtarët janë një arsye madhore, sidomos me disa nga futbollistët kryesorë të kohës së De Biazit. Po ashtu, trajnerë të njohur shqiptarë, disa herë kanë theksuar se Panuçi ka qenë konfuz në zgjedhjet e tij.

Kritikat kanë qenë të forta kur Panuçi, lojtarë si Lilaj apo Kaçe fillimisht i ka lënë jashtë grumbullimit, ndërsa më pas i ka thirrur për arsye dëmtimesh, dhe i ka aktivizuar si titullarë apo si zëvendësues./abcnews.al

zidane.jpg
G. P.23:20 | 13/11/2018

Trajneri francez Zinedine Zidane mund të vazhdojë karrierën në kampionatin gjerman. Sipas mediave spanjolle, ish-tekniku i Real Madrid ka përfunduar në shënjestrën e drejtuesve të skuadrës së Bayern Munich të cilët e shohin se pasuesin e teknikut kroat Niko Kovaç.

Problemet e skuadrës së Bayern-it në sezonin aktual nuk kanë fund. Kampionët në fuqi të Gjermanise pozicionohen ne vendin e 5-të në renditjen e përgjithshme në kuotën e 20 pikëve. Bavarezët e shohin veten 7 pikë larg vendit të parë që mbahet nga rivalët e përbetuar të Borussia Dortmund.

Ndeshja e fundit e Bayern-it ishte pikërisht ndaj verdhezinjve ku u mposhtën me shifrat e thella 3-2. Kjo shkaktoi një lëkundje të madhe për kreun e pankinës se bavarezëve pasi diferenca me vendin e parë u thellua ndjeshëm.

Problemet e Kovaç nuk janë të lidhura vetëm me rezultatet, por edhe me marrëdhëniet me lojtarët. Të ashtuquajturit senatorët e Bayern-it Roben-Riberi-Humels dhe Myller kanë kërkuar nga krerët më të larte të klubit, shkarkimin e trajnerit 47-vjeçar.

Teknikat e stërvitjes që ndjek Kovaç janë konsideruar të papërshtatshme nga lojtarët themelorë të skuadrës. Situata alarmante pritet të sjellë shkarkimin e Kovaç, por fillimisht duhet gjetur pasuesi i tij. Sipas mediave spanjolle, drejtuesit e e Bayern-it po punojnë në fshehtësi për të gjetur gjuhën e përbashkët me ish-trajnerin e Realit, Zinedine Zidane.

46-vjeçari nuk ka një kontratë aktive me ndonjë skuadër dhe kjo përkthehet si një avantazh për bavarezët. Francezi është i lidhur ngushtë me një kalim të Manchester United si pauses i Mourinhos apo në rolin drejtues te skuadra e Juventusit, por ende nuk ka asgjë zyrtare.

Bayerni do të ishte një opsion i mirë për Zidane, por edhe një sfidë delikate pasi do të kishte përpara një pengesë të madhe për të kapërcyer. /abcnews.al

ANALIZA-E-SUPERLIGES-FLET-ERNEST-GJOKA.mpg_snapshot_00.30-1280x720.jpg
G. P.14:04 | 08/11/2018

Superliga shqiptare do të ketë shumë të papritura këtë sezon. Trajneri i njohur Ernest Gjoka analizon sezonin, dhe tregon problemet që po has Skënderbeu.

Një sezon të cilit nuk mund t’i zihet besë. Kreu i Superligës po ndryshon në pak ditë, jo në pak javë, diçka me të cilën duhet të mësohemi.Ky është mendimi i Ernest Gjokës, trajnerit të njohur të futbollit shqiptar, i cili e zgjeron shumë konkurrimin për titull.

Ernest Gjoka, trajner futbolli: “Sigurisht që mes Skënderbeut dhe Partizanit ka pasur më shumë rokadë, por që mos harroni se që nga vendi i gjatë deri tek vendi i parë, çdokush nga këto ekipe mund të dali kampion. Këtë e them sepse shoh që nuk ka ndonjë veçori të jashtëzakonshme apo diferenca të jashtëzakonshme.”

Partizani nuk duket më i forti i viteve të fundit, por Skënderbeu gjithashtu po gabon shumë.

“Është një veçori e Skënderbeut edhe në kampionatet e mëparshme, Skënderbeu ka lënë pikë me ekipe që kanë dashur më mbijetu në Superligë, ndërsa me ekipe që kanë qenë kundërshtarë direkt Skënderbeu gjithmonë ka bërë dallime. Mendoj se Skënderbeu nuk e kishte atë motiv që ne e pamë 3 ditë më përpara. Skënderbeu me këto lojtarë, me këtë eksperiencë që ka brenda. Në qoftë se këto nuk arrijnë të funksionojnë atëhere dhe Skënderbeu kthehet në një ekip të brishtë.”

Përmbysjet e rezultateve krijojnë entuziazëm në futboll, por çdo javë flitet shumë për dyshime për trukime.

“Kjo gjithmonë është në këndvështrimet e të supozuarit, ne mund ta supozojmë. Çështje e besueshmërisë është çështja e asaj këndvështrimi që e shohim ne. Në qoftë se ne duam ta shohm gotën plot do ta shohim, në qoftë se ne duam ta shohim gotën përgjysmë do ta shohim.”

Largohet edhe Klodian Duro nga Kamza, 6 trajnerë të shkarkuar në pak javë. Mendohet se trajnerët e rinj po dëmtojnë profesionin.

“Ata që do vijnë e që do ikin, të vazhdojnë rrugën dhe të ngrejnë stekën një shkallë më lart, sepse vetëvlerësimi për veten duhet të jetë gjithë kohës i shkallës maksimale. Sa më shumë ti vlerësove veten aq më shumë do të vlerësojë punëdhëniësi, aq më shumë do të vlerësojë sportisit, aq më shumë do të të vlerësojë publiku.”

Tirana ndryshon trajner, por rezultatet ende nuk vijnë.

“Ne të gjithë e duam të jetë sa më larta, sepse qenia e Tiranës është sa më larg në Superligën shqiptare është në të mirën e futbollit shqiptar dhe në të mirën tonë si kryeqytetas. Sepse të gjithë skuadrat e mëdha nëpër Europo, pak a shumë, janë në qytetet e mëdha. Tirana nuk po e realizon dot, nuk e di ku është ngërçi, mendoj që me ardhjen e Memës gjërat do të ndryshojnë. I uroj Memës që të gjejë sekretin edhe të eci Tirana përpara sa më shumë.”/abcnews.al

ardian-mema.png
G. P.19:17 | 15/10/2018

Trajneri i Tiranës, Ardian Mema, ka folur për herë të parë për mediat. Ai u shpreh i shqetësuar për gjendjen e ekipit, por premtoi për të reaguar që në ndeshjen ndaj Flamurtarit në Superligë.

Gjendjen e vërtetë nuk mund ta njihte nga Vlora.

Ardian Mema, trajneri i ri i Tiranës, e mori informacionin nga dora e parë, nga lojtarët dhe stafi, me të marrë detyrën fundjavën e kaluar, dhe nuk mund të thuash se dëgjoi fjalë që ta ngrohnin.

Pas vetëm pak ditësh punë, ai bëri një prezantim para mediave, duke folur edhe për gjendjen e ekipit.

“Tirana klub i madh, unë kam dalë prej tij, por erdha me skepticizëm për situatën. Kalendari është i vështirë, por sëbashku do ta kalojmë”, tregoi ai.

Mema ka shqetësim edhe për kalendarin e ndeshjeve në Superligë, që në fillim të punës së tij.

“M’u deshën vetëm 10 minuta për të kuptuar anën psikologjike të lojtarëve. Duhet të punojmë. Kam folur gjatë me lojtarët, kam kuptuar problemet, por nuk i kaloj dot i vetëm. Të gjithë sëbashku mund t’i kalojmë”, tha Mema./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono