tragjedi

9a7cd383-bf15-4010-b0dc-538ec5255ff2-1.jpg
R D18:59 | 17/01/2020

Tragjedia ka pllakosur familjen e varfër Çoku në Sanxhak të Laçit. Kasollja mori fjalë gjatë pasdites dhe flakët përpinë vogëlushin 2 vjeç. Babai tregon se ishte në punë kur mësoi tragjedinë. “Isha në punë më thanë se ka ra zjarri o dogj kalamani”, tha ai.

Në banesë ndodhej vetëm nëna e tij me vajzën disa muajshe, ndërsa i ati ishte duke mbledhur kanoçe për të siguruar ushqim për 8 fëmijët e tij. Shkaqet e zjarrit nuk janë zbuluar ende, por babai thotë se fëmija mund të ketë ndezur shkrepëse, ndërsa fqinji që shkoi i pari për ndihmë rrëfen se zjarri është shkaktuar nga  soba e druve.

Ai shprehet se kur pa zjarrin vrapoi tek banesa e familjes Coku me 10 anëtarë dhe nxorri nga rrënojat trupin e pajetë të 2 vjeçarit. Nga kjo tragjedi arriti të shpëtojë nëna me vajzën 6 muajshe, ndërsa 6 fëmijët e tjerë fatmirësht kanë qenë në shkollë kur ndodhi ngjarja e rëndë.

Familja Çoku është me origjinë nga Dibra dhe prej disa vjetësh ishte transferuar në Sanxhak të Kurbinit. Ata jetonin në kushte shumë të vështira në një banesë me qira dhe të ardhurat për 8 fëmijët dhe bashkëshorten i siguronte vetëm kryefamiljari duke mbledhur kanoçe. /abcnews.al

kombinat-zjarrfikesit-termeti.jpg
nev ila15:52 | 15/12/2019

20 vjeçarja Xhesika Biqiku ishte viktima e vetme e tërmetit të 26 nëntorit në Tiranë. Studentja e Arkitekturës humbi jetën poshtë pallatit të saj në Kombinat, ku disa tulla u shkëputën nga tarraca dhe i shkaktuan vdekjen.

Në rrezik shembjeje janë edhe parapetet e disa pallateve të tjerë ngjitur me atë ku humbi jetën 20 vjeçarja. ABC News ka ndjekur operacionin e forcave zjarrfikëse në Kombinat për largimin e një strukture të rrezikshme në lartësinë e një pallati që mund të sillte një tjetër tragjedi në këtë zonë.

Lëkundjet e tërmetit që tronditën sërish Shqipërinë mëngjesin e dielës me magnitudë 4, kanë lëkundur sërish godinat e dëmtuara nga tërmeti i fortë i 26 nëntorit. Ky është pallati që dy javë më parë i mori jetën studentes së Arkitekturës, Xhesika Biqiku.

Atë mëngjes 20 vjeçarja nxitoi të largohej nga banesa pas lëkundjeve të forta, por shkëputja e disa tullave nga parapetat e katit të pestë të pallatit i morën jetën.

Pak metra larg pallatit ku humbi jetën Xhesika, një tjetër objekt banimi pas lëkundjeve të mëngjesit të sotëm është kthyer në një rrezik për banorët e kësaj zone të Kombinatit.

Efektivë të Policisë Bashkiake  kanë vendosur perimetrin e sigurisë për banorët, ndërkohë që Shefi i Zjarrfikëseve të Kombinatit Luan Shehu drejton operacionin për  heqjen e parapeteve që përbëjnë rrezik.

Në katin e pestë efektivë të zjarrfikëseve ndërhyjnë për të hequr tullat e lëvizshme dhe parapetet që përbëjnë rrezik për jetën e banorëve.

Për më shumë se 30 minuta punonjës të shërbimit zjarrfikës punuan për të larguar pjesët e rrezikshme, ndërkohë që do të jenë ekspertët ata të cilët do të vendosin për mënyrën e ndërhyrjes në objekt.

Parapetet e kateve të sipërme, për shkak të amortizimit por edhe peshave të shtuara të depozitave janë kthyer në një rrezik të shtuar për banorët që jetojnë në këtë zonë.

Shërbimet e zjarrfikëseve janë duke punuar për largimin e pjesëve të dëmtuara por banorët ende janë në pritje të një ndërhyrjeje më të specializuar që të ofroj siguri për jetën e tyre./abcnews.al

 

elbasan24-1024x683.jpg
R D09:55 | 13/12/2019

Një ngjarje e rëndë ka ndodhur mëngjesin e sotëm në Librazhd, ku një çift të rinjsh kanë mbërritur të helmuar në spitalin e qytetit.

Mësohet se Olsian Hajdari 27 vjec, dhe Rezarta Hajdari 19 vjeçe kanë helmuar veten, ndërkohë që e reja ka ndëruar jetë, raporton gazetari Fatos Salliu për abcnews.al.

Burime bëjnë me dije se 27 vjeçari është dërguar në spitalin e Elbasanit, po ashtu në gjendeje të rëndë për jetën.

Të njëjtat burime bëjnë me dije se të rinjtë ishin martuar të dielën./abcnews.al

 

aksidenti-1.jpg
ad min15:36 | 13/10/2019

Një aksident rrugor i mori jetën një shqiptari në Itali. Sipas asaj që shkruajnë mediat italiane, 65-vjeçari, identiteti i të cilit nuk bëhet i ditur, ishte duke u kthyer nga dasma e vajzës të tij.

Në momentin e aksidentit ndodhej në makinë sëbashku me gruan dhe vajzën tjetër. Mjeti me të cilin po udhëtonte, u përplas me një veturë tjetër, duke lënë të plagosur drejtuesen e saj. Plagë nga aksidenti mori edhe vajza e shqiptarit.

Ngjarja e rëndë ndodhi në komunën Gioia Tauro në Kalabria. Sipas informacioneve të para, për shkak të impaktit të fortë, një prej makinave doli nga rruga, ndërsa tjetra u bllokua në mes të saj.

Deri më tani shkaqet e aksidentit mbeten të paqarta, ndërsa autoritetet kanë nisur punën për të zbuluar rrethanat e plota të ngjarjes./abcnews.al

kenesha.jpg
ad min10:59 | 23/09/2019

Propozimi i veçantë për martesë i ka kushtuar jetën një shtetasi amerikan. I riu ndodhej me pushime në Tanzani me partneren e tij. Ai u zhyt në ujë për t’i propozuar asaj në mënyrë romantike por për fat të keq nuk arriti të dilte i gjallë.

Një shtetas amerikan ka humbur jetën në mënyrë tragjike në Tanzani, teksa i propozonte partneres së tij për martesë.  Stiven Ueber dhe e dashura Kenesha Antuane’ ishin me pushime në një resort ujor të vendit afrikan, ku kabinat janë gjysmë të zhytura.

I riu ka dalë nga kabina dhe ka hyrë në ujë, për t’i bërë të fejuarës një propozim të veçantë. Ai ka nxjerrë një letër të shkruar që e ka mbështetur tek një mur prej xhami i kabinës, ndërsa vajza po e filmonte nga brenda.

Duke konfirmuar vdekjen e tij përmes një statusi në Facebook, Antuane’ ka deklaruar se Ueber nuk doli kurrë nga thellësitë e ujërave.

I riu dhe e dashura kishin prenotuar katër netë në resortin që ndodhet në oqean, 250 metra larg bregut dhe ku kabinat janë të ankoruara në ujë, në një thellësi prej 10 metrash.

Në ditën e tretë të qëndrimit, Ueber u zhyt në ujë për të bërë propozimin e tij. “Nuk e mbaj dot frymën aq gjatë sa të të tregoj të gjitha gjërat që më pëlqejnë tek ti, por të dua çdo ditë e më shumë”, shkruhej në letër.

Më pas ai e ktheu letrën mbrapsht për të treguar propozimin dhe nxorri një unazë para se të notonte në pjesë ku nuk kapej më nga kamera.

Duke reaguar menaxherët e resortit deklaruan se vdekja e Ueber ishte një tragjedi. Ata thanë se i ishin përgjigjur thirrjes për një problem në ujë, por kur kishin arritur gjithçka kishte marrë fund./ABC News Albania

Luis-Enrique.png
nev ila13:30 | 30/08/2019

Një tragjedi e vërtetë ka goditur ish-trajnerin e Spanjës dhe të Barcelonës, Luis Enriken. Ai ka humbur vajzën e tij 9-vjeçare pas një sëmundjeje të rëndë.

Ajo do të jetë ylli që do të udhëheqë familjen tonë nga qielli”.

Këto fjalë prekëse shpërndau Luis Enrique, legjenda spanjolle e futbollit, duke lajmëruar shuarjen e vajzës së tij 9-vjeçare, Hana (Xana).

Ish-trajneri i Barcelonës dhe i Spanjës mori goditjen më të rëndë që mund të marrë një njeri, një prind, tragjedinë që nuk i urohet as armikut, ndërsa dhimbja për të, dhe gruan e tij Elenën, nuk mund të ngushëllohet kurrë sa të kenë jetë.

Për fat, çifti ka dy fëmijë të tjerë, djalin 19-vjeçar Panço dhe vajzën 18-vjeçare Sira.

Vajza e vogël kishte 5 muaj e diagnostikuar me një lloj kanceri të kockave, të njohur si osteosarkoma (osteosarcoma), dhe pavarësisht përpjekjeve të mjekëve, nuk mundi të mbijetonte.

Kishte qenë kjo arsyeja, tepër madhore, që Luis Enrique u largua nga kombëtarja e Spanjës.

Natyrisht, ai do të kthehet shpejt në detyra të tjera, pasi puna është bari më i mirë shërues për çdo dhimbje.

Reagimet ishin të shumta.

“Ngushëllimet e mia për Luis Enriquen dhe gjithë familjen e tij në këto momente kaq të rënda, – shkruajti Lionel Mesi, – jemi me ju mister, ju uroj gjithë forcën e kësaj bote”.

Në krah të tij edhe klubi i Barcelonës, me fjalët e presidentit Bartomeu.

“Gjithë mbështetja dhe ndjenjat tona janë për Luis Enriquen, gruan e tij dhe familjen e tyre, në këtë kohë kaq të dhimbshme, – shkruajti ai, – gjithë familja e Barçës është tronditur thellë nga humbja e Hanës”.

Në këto momente kuptohet më mirë ajo që është thënë për futbollin që në fillimet e tij, “është gjëja më e rëndësishme, ndër të parëndësishmet”./ABC News Albania 24/7

shba-femijet-1280x722.jpg
nev ila14:07 | 12/08/2019

Një zjarr që përfshiu një qendër kujdesi për fëmijët në Pensilvani të Shteteve të Bashkuara u mori jetën 5 të miturve, 4 prej të cilëve vëllezër me njëri-tjetrin.

Ndërkohë, 4 persona të tjerë mbetën të plagosur, përfshirë dy adoleshentë që u hodhën nga dritarja e katit të dytë për t’u shpëtuar flakëve.

Mes të lënduarve, sipas njoftimeve të autoriteteve lokale, është edhe pronari i qendrës, si dhe një fqinj që u përpoq të hynte në ndërtesë për t’u ardhur në ndihmë të miturve.

Ndërkohë, falë ndërhyrjes së zjarrfikësve u shpëtuan 5 fëmijë të tjerë që ndodheshin në dhomat e gjumit të katit të dytë të ndërtesës.

Të vegjëlit që humbën jetën ishin të moshave nga 8 muajsh deri në 8 vjeç. Mes tyre ishte edhe i biri i pronarit të qendrës./ABC News Albania 24/7

shkup-1280x698.jpg
ad min20:15 | 01/06/2019

Dy punëtorë kanë humbur jetën në Çair të Shkupit, për shkak të shembjes së tokës teksa po hapnin një kanal në rrugë. Një person i tretë është dërguar në spital dhe gjendja e tij raportohet të jetë e mirë.

Tragjedi e rëndë në Çair.
Vëllezërit Abdulqerim dhe Mensur Mustafa, ndërruan jetë, pasi toka ku punonin u shemb dhe i përpiu.
Ekipime mjekësore kanë konstatuar vdekjen e tyre në vendngjarje, kurse personi i tretë arriti të shpëtojë për shkak se ka qenë duke e drejtuar ekskavatorin. Rastin e konfirmuan edhe autoritetet.

Marina Sotirovska, mjeke : “Gërmimi shkoi më rëndë, njëri prej të lënduarve ishte në vetëdije sepse kokën e kishte mbi dhe, kurse dy të tjerët ishin nën dhe”.

“Rreth orës 11.00 është paraqitur se në rrugën “Qemal Sejflulla” përballë ambulantes “Çair” gjatë hapjes së kanalit për rrjetë ujësjellësi me eskavatorë, ka ardhur deri tek rrëshqitje të tokës dhe tre persona kanë mbetur të përpirë. Dy nga tre personat që u zunë nga dheu kanë ndërruar jetë në vendngjarje, kurse i treti (54vjeçar) me veturë të ndihmës së shpejtë është dërguar në urgjencë”.

Personi i tretë është në gjendje të mirë dhe nuk ka lëndime serioze. Për rastin është njoftuar edhe  prokuroria, kurse prokurori kujdestar ka dalë në vendngjarje./ABC News Albania 24/7

horacio.jpg
ad min19:54 | 26/04/2019

Fati i zi ka përndjekur familjen argjentinase të Emiliano Sala pas vdekjes së tij. BBC shkruan se babai, Horacio, vdiq këtë të premte pas një ataku kardiak. Lajmin e konfirmoi një mik i të ndjerit. 58-vjeçari Horacio Sala humbi jetën tre muaj pas vdekjes së djalit të tij.

Avioni me të cilin udhëtonte Emiliano Sala u rrëzua në det më 21 Janar. Por trupi i futbollistit u gjet me 8 Shkurt. Ai ishte rrugës për në Cardiff pasi kishte nënshkruar një kontratë të re me skuadrën uellsiane.

Ai ndodhej në Francë për t’u përshëndetur me miqtë e vjetër të Nantes me të cilët për shumë sezone. Mirëpo udhëtimi rezultoi një tragjedi e vërtetë, aq sa vdekja e tij ka qenë e papërballueshme për babain.

Së bashku me Emiliano Sala-n humbi jetën edhe piloti i avionit, David Ibbotson./abcnews.al

 

rodos.jpg
ent ela09:18 | 11/02/2019

Një ngjarje e rëndë ka ndodhur në një familje shqiptare në Greqi. Djali i tyre vetëm 12 vjeç ka humbur tragjikisht jetën të dielën në Rodos, në rrethana ende të paqarta. Sipas CNN grek, i mituri u gjet nga autoritetet pa ndjenja në ujë, në zonën e Zefyros.

12-vjeçari u transportua me ambulancë drejt spitalit, por fatkeqësisht mjekët nuk mundën të bënin asgjë për ta shpëtuar.

Autoritetet Portuale në Rodos, të cilët po kryejnë hetimet paraprake, kanë urdhëruar kryerjen e ekzaminimit mjekoligjor, që pritet të zbardhë edhe shkaqet e vdekjes së të miturit. Mediat fqinje nuk japin detaje rreth identitetit të 12-vjeçarit apo familjes së tij./tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono